နေရာသစ်မှသင်ယူခြင်း ၁၁

 

ဆောင်းပါးရှင် - ကိုညီညီ (တောင်ကြီး)

  

           မြန်မာနိုင်ငံမှာပုဂ္ဂလိကဘဏ်လုပ်ငန်းများတွင်ကျယ်လာတာနဲ့အမျှ စီးပွားရေးဖွံ့ဖြိုးတိုးတက်မှုတွေကို အခုမျက်မြင်ကြုံတွေ့နေရပါပြီ။ နေရာတိုင်း ငွေသားလက်ငင်းပေးချေစံနစ်ကနေ ဒစ်ဂျစ်တယ်ဘဏ်စံနစ် (Digital Banking) ကို အကျွမ်းဝင်လာနိုင်ဖို့အတွက် အသွင်ကူးပြောင်းရေးကာလတစ်ခုကိုကျွန်တော်တို့အားလုံးစောင့်မျှော်နေခဲ့ကြရတာပါ။
        
       ရော့နဂါး - ရော့ပတ္တမြား ငွေချေစံနစ် (Physical Payment) အရ ငွေသားသယ်ယူပေးချေမှုဟာလုပ်ငန်းရှင်တွေနဲ့ကုမ္ပဏီတွေအတွက် စွန့်စားမှု (Risk) တစ်ခုဖြစ်လာနေတာဟာ ကာလကြာရှည်လှပါပြီ။ ဒီနေရာမှာ နည်းစံနစ်ကောင်း နဲ့ နည်းပညာအသစ်တွေကို ကိုးကားလိုသူတွေအတွက် ဗဟုသုတရစေဖို့အမေရိကားကဘဏ်စံနစ် (Banking System) အကြောင်းကို ကျွန်တော်သိထားသမျှ ရှင်းလင်းတင်ပြပေးပါမယ်။

       

           အမေရိကန်နိုင်ငံငွေကြေးစံနစ်မှာ အကြီးဆုံးငွေစက္ကူယူနစ်က (၁ဝဝ) တန်ဒေါ်လာရွက်ဖြစ်ပေမယ့် အသုံးအများဆုံးက ဒေါ်လာ (၂ဝ) တန်လို့ပြောလို့ရပါတယ်။ မြန်မာငွေ (၃ဝဝဝဝ) ကျပ်ဆိုတဲ့ပမာဏဟာ မြန်မာအချင်းချင်းငွေပေးငွေယူလုပ်ဖို့ အိပ်ကပ်ထဲမှာပါနိုင်ပေမယ့် အမေရိကားမှာနေသူတွေဟာ သူတို့ရဲ့အိပ်ကပ်ထဲမှာ ဒေါ်လာ (၂ဝ) လောက်ကို ဘောင်းဘီအိပ်ကပ်ထဲထည့်ထားတဲ့သူရှားပါးတယ်။

          ငွေသား (Cash) ပေးရမယ့်ကိစ္စတွေမှာ အင်မတန်ကသိကအောက်အဖြစ်ခံပြီးတော့ကို မသယ်ဆောင်ကြတာပါ။ ဘယ်နေရာရောက်ရောက် ငွေပေးချေစရာ-Payment (၅) ဒေါ်လာ ဒါမှမဟုတ် (၁ဝ) ဒေါ်လာကျော်ရင်အကြွေးဝယ်ကဒ်ပြား (Credit Card) သုံးလိုက်ရုံဆိုတဲ့အခါကျတော့ ငွေသားကို မကိုင်ဆောင်တာဟာ ရန်ပြုခံရခြင်းအန္တရာယ်ကနေကင်းဝေးတယ်လို့ယူဆထားပုံရပါတယ်။

            ဘဏ်မှာ စာရင်းရှင် (Checking Account) ဖွင့်ရင် ငွေတိုးမရပါဘူး။ ဒါတောင် ချက်ကင်အကောင့်ကအလုပ်အတွင်ကျယ်ဆုံးအကောင့်အမျိုးအစားနော်။ လူကိုယ်တိုင်ဘဏ်ကိုသွားဖွင့်လို့ရသလို အွန်လိုင်းပေါ်ကနေဖွင့်ရတာလွယ်ကူပါတယ်။ လိုအပ်တဲ့အချက်အလက်တွေက နာမည်၊ အိမ်လိပ်စာ၊ ဖုန်းနံပါတ်၊ အီမေးလ်လိပ်စာ၊ မွေးနေ့သက္ကရာဇ် နဲ့ နိုင်ငံသားသက်သေခံကဒ်ပြား (Country of Citizenship) တို့ဖြစ်ကြပါတယ်။

           ပေးထားတဲ့အကွက်တွေဖြည့်ပြီးခါနီးမှာ ကျောင်းသားဖြစ်ရင်ထပ်တောင်းတဲ့အချက်အလက်တွေကိုထပ်ဖြည့်ရပါလိမ့်မယ်။ အမြဲတမ်းနေထိုင်ခွင့် (Alien Registration Card/Green Card) မရှိသေးရင် မြန်မာနိုင်ငံကူးလက်မှတ်နဲ့ဖွင့်လို့ရပါတယ်။ ကနဦးငွေသွင်းထားဖို့ဘယ်လောက်လိုတယ်ဆိုတဲ့ကတ်သတ်ချက်မရှိပါဘူး။ ဒေါ်လာ (၁ဝဝ) လောက်သွင်းလိုက်ရင်အဆင်ပြေပါပြီ။

          ချက်လက်မှတ် (၄) စောင်လောက် နဲ့ ကိုယ့်ငွေကိုယ်သုံးတဲ့ကဒ်ပြား (Debit Card) ထုတ်ပေးတဲ့အချိန်မှာ ဒီကဒ်ပြားကိုငွေသွင်းငွေထုတ်လုပ်ဖို့ လျို့ဝှက်နံပါတ် (Password) ထည့်သွင်းပေးလိုက်ရင်ပဲအကောင့်ဖွင့်တာပြီးစီးအောင်မြင်ပါပြီ။ အွန်လိုင်းကနေလုပ်တာဆိုရင်တော့ စာတိုက်ကနေအိမ်ကို ဘဏ်ကဒ်ပို့လာရင်ဘဏ်ကဒ်အသစ်ရဲ့နောက်ကျောမှာပါတဲ့ဖုံးနံပါတ်ကိုဆက်ပြီး ကဒ်လိုင်းဖွင့် (Activate) လုပ်ပေးဖို့လိုပါတယ်။

           ဒေါ်လာ (၅ဝဝ) ထက်မများရင် နီးစပ်ရာ ATM မှာ ငွေသွင်းပြီးသုံးလို့ရပါပြီ။ ဘဏ်တစ်ခုထဲအောက်မှာရှိတဲ့ မိသားစုဝင် ဒါမှမဟုတ် သူငယ်ချင်းတွေရဲ့အကောင့်ကနေလွှဲယူ (Transfer) ပြီး သုံးစွဲလို့လည်းရပါတယ်။ ငွေရှင်းကောင်တာ (Register Station) တစ်ခုခုမှာ Debit Card သုံးရင် ကိုယ့်ရဲ့ Password (PIN နံပါတ်လို့လဲခေါ်ပါတယ်) ကို နံပါတ်ပါတဲ့စက်ကလေးပေါ်မှာ ရိုက်သွင်းပေးမှ ငွေချေခြင်း (Transaction) အောင်မြင်တာပါ။

          ဆိုလိုတာက ပင်နံပါတ်မေ့နေရင်သုံးလို့မရပါဘူး။ Debit Card က ကုန်ပစ္စည်းရောင်းတဲ့ဆိုင်တော်တော်များများမှာဈေးဝယ်ရင်း ငွေသားထုတ်လို့ရတာကြောင့် အားသာချက်တစ်ခုရှိနေပါတယ်။ ဥပမာ (၉) ဒေါ်လာတန် ပစ္စည်းဝယ်ပြီး ငွေသား ဒေါ်လာ (၄ဝ) ထုတ်ချင်ရင် ကောင်တာမှာငွေပြန်ထုတ်တဲ့ခလုတ် (Cash Back) ကို နှိပ်လိုက်ပြီး အရောင်းဝန်ထမ်း (Cashier) ကိုပြောလိုက်ရင် ကွန်ပျူတာ (System) က (၄၉) ဒေါ်လာနှုတ်သွားပြီး ကောင်တာကငွေသား (၄ဝ) ထုတ်ပေးမှာပါ။

          ဒီလိုနည်းနဲ့အဆင်ပြေနိုင်တာမို့လို့ငွေသားထုပ်လိုသူဟာ တကူးတကဘဏ်ကိုသွားစရာမလိုပါဘူး။ ဒီလိုမျိုး ကောင်တာမှာဝယ်တာနဲ့ အထူးသဖြင့် ဓါတ်ဆီဆိုင် (Gas Station) တွေမှာဝယ်ရင်း ပင်နံပါတ် (Identity Theft) အခိုးခံ ရနိုင်တာကတော့ Debit Card ရဲ့ အားနည်းချက်အနေနဲ့မှတ်ထားသင့်ပါတယ်။

          ငွေစုစာရင်းရှင် (Saving) ဖွင့်ရင် ရတဲ့ငွေတိုးကမြန်မာနိုင်ငံနဲ့ယှဉ်လိုက်ရင် အင်မတန်နည်းပါးပါတယ်။ ငွေစုသူနည်းပါးပြီး ငွေပိုသူအများစုက စတော့ရှယ်ယာ နဲ့ ငွေတိုက်စာချုပ်တွေမှာရင်းနှီးမြုပ်နှံမှုတွေလုပ်ကြပါတယ်။

          အကြွေးဝယ်ကဒ်ပြား (Credit Card) လျှောက်ထားနိုင်ဖို့ အကြွေးအချိန်မှန်ပြန်ဆပ်နိုင်သည့်စွမ်းအားနံပါတ် (Credit Score) လိုပါတယ်။  အမေရိကားကိုရောက်တာမကြာသေးသူဖြစ်ရင် Credit Card ကိုင်ဆောင်နိုင်ဖို့အခက်အခဲရှိနိုင်ပါတယ်။ Debit Card ကိုဘဲ မှိန်းသုံးရင်း တစ်နှစ်ကျော်လောက်မှ Credit Card ဖွင့်ဖို့အဆင်သင့်ဖြစ်လာကြနိုင်ပါတယ်။

          ဘဏ်တွေမှာမတူတဲ့ အရောင်းမြှင့်တင်ရေးအစီအစဉ် (Promotion Program) တွေအရ ဒေါ်လာ (၁ဝဝဝ) လောက်နဲ့ Credit Card ဖွင့်ပြီး ကိုယ့်ရဲ့ Credit Score ကိုတည်ဆောက်လို့ရအောင်လုပ်ပေးထားပါတယ်။ သုံးငွေအကြွေးကိုအချိန်မှန်ပြန်ဆပ်ရင်းနောက်များမကြာမီ Credit Card ဖွင့်နိုင်ပြီလို့ ဘဏ်က ကမ်းလှမ်းစာရောက်တာရင်တော့အဆင်ပြေသွားပါပြီ။
   
           နေရာအများစုမှာ Visa Card ကိုသုံးစွဲတာများပြီး အွန်လိုင်းဘဏ်တချို့ Master Card သုံးပါတယ်။ ကိုယ့်ရဲ့ Credit Score ကိုလည်းမစစ် - ကိုယ်နဲ့လည်းမသိပဲအိမ်ကို အကြွေးဝယ်ကဒ်ဖွင့်နိုင်တဲ့အကြောင်းစာတွေခဏခဏရောက်လာတတ်တဲ့အထဲမှာ နာမည်အကြီးဆုံးက Capital One Online Bank ပါ (၂ဝ၁ဝ-၂ဝ၁၇ အခြေအနေ)။ ဒီဘဏ်ကစာ စရပြီဆိုရင်ဒေါ်လာ (၅ဝဝ) အထိသုံးစွဲခွင့်ရှိပြီး ရက် (၃ဝ) နဲ့ (၄၅) ရက် အတွင်း ငွေပေးချေနိုင်ရင်အဆင်ချောသွားပါပြီ။ နှစ်စဉ်ကြေးပေးရတာရှိသလို မပေးရတာလည်းရှိပါတယ်။

          ဘဏ်ကဒ်အသုံးပြုပြီးကောင်တာမှာငွေရှင်းရင် မှတ်ပုံတင် (ID Card) ဒါမှမဟုတ် လိုင်စင်ပြရမှာပါ။ အွန်လိုင်းကနေဈေးဝယ်ရင် ကဒ်နံပါတ် (Visa–Master Card ဂဏန်း ၁၆ လုံး) နဲ့ သက်တမ်းကုန်ဆုံးရက် (Expiry Date) အပြင် ကဒ်ပြားနောက်မှာပါတဲ့ CVV နံပါတ် (ဂဏန်း ၃ လုံး) ကိုပါ ထည့်သွင်းပေးဖို့လိုပါတယ်။

          ချက်လက်မှတ်ကို ဘေဆောင်တာ၊ ငွေပေးချေတာ နဲ့ စာတိုက်ကနေပို့ဆောင်ငွေချေတဲ့နေရာတွေမှာသုံးပါတယ်။ Checking Account ဖွင့်ဖွင့်ချင်း ချက်လက်မှတ်နမူနာရတုန်းမှာချက်စာအုပ်မှာကြားလို့ရနိုင်ပါတယ်။ ကုန်ကျစားရိတ်က (၂၅) ရွက်ပါ (၃) အုပ်ကို (၁၉) ဒေါ်လာပါ (၂ဝ၁ဝ-၂ဝ၁၇ အခြေအနေ)။ အွန်လိုင်းကနေမှာရင် သက်သာတဲ့ပုံနှိပ်တိုက်တွေရှိကြပါတယ်။

         ကိုယ့်နာမည် နဲ့ ခင်ပွန်း/ဇနီး နာမည်၊ အိမ်လိပ်စာအပြင် ကိုယ်ကြိုက်တဲ့ပုံလှလှလေးတွေကိုလဲစိတ်ကြိုက်ရွေးခွင့်ရသလို ချက်စာအုပ် (၅) အုပ်ကိုမှ (၁၁) ဒေါ်လာပဲပေးရတတ်ပါတယ်။ လုပ်ရိုးလုပ်စဉ်အတိုင်း ကိုယ်ကသူများကိုပေးရင် ချက်လက်မှတ်စာမျက်နှာအလှဘက်မှာ ကိုယ့်ရဲ့ထိုးမြဲလက်မှတ်ပါမှငွေထုတ်ခွင့်ရှိမှာပါ။ ကိုယ်က သူတစ်ပါးချက်လက်မှတ်ကိုထုတ်ချင်ရင် နောက်ကျောမှာကိုယ့်လက်မှတ်ထိုး - အကောင့်နံပါတ်ရေးပေးလိုက်မှစိတ်ချရမှာဖြစ်ပါတယ်။

           စာရင်းရှင်အပ်ငွေ၊ ငွေစုစာအုပ် နဲ့ Debit Card တို့ဖွင့်ရင် ဝန်ဆောင်ခမပေးရပါ။ Credit Card ကျတော့ ဖွင့်တဲ့ဘဏ်ကိုလိုက်ပြီး ပေးရတာမျိုးရှိပါတယ်။  ပြီးတော့ ကိုယ်သုံးစွဲတဲ့ထဲကမှ ဓါတ်ဆီဝယ်ရင် (၃%) ၊ စားသောက်ဆိုင်မှာသုံးစွဲခြင်းနဲ့ ခရီးသွားလက်မှတ်ဝယ်ရင် (၂%) နဲ့ ကျန်တာဘယ်နေရာသုံးသုံး (၁%) ကိုယ်သုံးစွဲသမျှပေါ်မူတည်ပြီး ရာနှုန်းစားပြန်ပေးကြတာမျိုးရှိတယ်။

          Credit Card ထဲက ငွေသားချက်ချင်းလက်ငင်း ချေးယူမယ်ကြံရင်ငွေတိုးဈေးကြီးပေးရတတ်တာကိုသတိထားဖို့လိုပါတယ်။ ဘဏ်အမျိုးမျိုးကအခွင့်အရေးပေးတဲ့ပုံစံတွေကွဲပြားနေတာကြောင့် Credit Card မှာ နှစ်စဉ်ကြေးပေးရမယ့်ပရိုဂရမ်ကိုမရွေးမိအောင်သတိထားရမှာပါ။ အခမဲ့သုံးစွဲခွင့်ပေးတဲ့ကုမ္ပဏီရဲ့ Credit Card ကို ရှာနိုင်ရင်တော့ အဆင်ပြေပါပြီ။

          အခြားကုန်ကျမှုတွေကိုတွက်ပြရရင် Debit Card ရဲ့သဘောသဘာဝအရကိုယ်သွင်းထားတဲ့ငွေကိုကိုယ်ပြန်သုံးတာဖြစ်လို့ ငွေမရှိဘဲကဒ်ဆွဲမိရင်မလောက်ငှတဲ့ငွေကို ဘဏ်ကစိုက်ပေးလိုက်ရတဲ့အခါမျိုးမှာ ဒဏ်ငွေ (Insufficient Fund  Charges) (၃၅) ဒေါ်လာဆောင်ရပါပြီ။

          ကိုယ့်စာရင်းရှင်အကောင့်မှာငွေမလောက်ပဲ ကိုယ့်ချက်လက်မှတ်ကိုသူတစ်ပါးကိုပေးမိလို့ သူကလည်းဘဏ်မှာသွားထုတ်မိရင် ချက်ပြန်ကန်-Check Bounce ဖြစ်ပြီး ချက်လက်မှတ်ရေးပေးသူက (၃၅) ဒေါ်လာနဲ့ မသိပဲ ထုတ်မိသူက (၁၂) ဒေါ်လာဆောင်ရမှာပါ။ ချက်လက်မှတ်အပေါ်အားထားယုံကြည်တဲ့သုံးစွဲသူတွေရဲ့ဝိုင်းဝန်းအားပေးမှုကြောင့် အမေရိကန်ဘဏ်စံနစ်အောင်မြင်တယ်လို့ ကျွန်တော်ကတော့ယုံကြည်မိပါတယ်။

         

   နောက်ဆုံးပေါ်အနေနဲ့ အမေရိကားဦးဆောင်ဘဏ်တွေဖြစ်တဲ့ Bank of America ၊ Chase ဘဏ် နဲ့ တစ်ခြားနာမည်ကြီးဘဏ်တွေက iPhone နဲ့ Android ဖုန်းတွေမှာ ဝန်ဆောင်မှုပေးလာကြပါပြီ။ ဖုန်း App ကိုဖွင့်၊ Log In ကိုဝင်၊ Deposit ကိုသွားပြီး ချက်လက်မှတ်ရဲ့စာမျက်နှာ (၂) ဘက်စလုံးကိုဓါတ်ပုံရိုက်ပို့လိုက်ရုံနဲ့ သွင်းငွေကို (၂၄) နာရီအတွင်း သုံးစွဲခွင့်ရှိပါပြီ။

 ဒါ့အပြင်ငွေတောင်းခံလွှာဘေ (Bill) ဆောင်ဖို့လည်းလွယ်ကူအောင်ပြထားပါတယ်။ Pay Bill ကိုသွား၊ ဘေမှာပါတဲ့ငွေတောင်းခံတဲ့ကုမ္ပဏီအချက်အလက်တွေထည့်ပြီး အတည်ပြု (Confirm) လုပ်ပြီး ပို့လိုက်ရုံပါ။ Chase ဘဏ်မှာ Chase QuickPay ဆိုတဲ့ အမြန်ငွေပို့စံနစ်တစ်ခုက လုပ်ငန်းတွင်စေပါတယ်။ ငွေလက်ခံသူအီးမေးလ် နဲ့ ဖုန်းနံပါတ်သိရုံနဲ့ လက်ကိုင်ဖုန်းပေါ်ကနေ (၁၉၉၉) ဒေါ်လာအထိအမြန်လွှဲပြောင်းပေးနိုင်သလို ငွေတောင်းခံမှုကိုလည်းလုပ်နိုင်ပါတယ်။

 နိုင်ငံရပ်ခြား နဲ့ အရေးကြီးငွေပေးချေမှုတွေအတွက်စီစဉ်ထားတဲ့ကြေးနန်းငွေလွှဲပြောင်းစံနစ် (Wire Transfer) ကို သုံးချင်ရင်တော့ Chase ဘဏ်အင်တာနက်စာမျက်နှာမှာ ကြိုတင်စာရင်းပေးသွင်း (Enroll) ထားဖို့လိုပါမယ်။ App တွေက WiFi နဲ့ ဆယ်လူတာဒေတာ (Cellular Data) တင်မက 4G Network မှာလဲ သုံးစွဲရလွယ်ကူပါတယ်။ သွားလာလှုပ်ရှားရင်း ငွေကြေးကိစ္စတွေကိုဆောင်ရွက်နိုင်ပြီး အချိန်နဲ့အညီသိရှိနိုင်အောင် ဖုန်းရဲ့သတိပေးစင်တာ (Notification Center) မှာ ငွေဝင်ငွေထွက်တွေကိုအချက်ပေးနိုင်အောင်ချိန်ထားလို့ရပါတယ်ဆိုတဲ့အကြောင်းတင်ပြလိုက်ရပါတယ်ခင်များ။

ခင်လျက်

ကိုညီညီ (တောင်ကြီး)
06-27-2013