၄၅ ဒီဂရီစောင်းနေသောကမ္ဘာ

ဆောင်းပါးရှင် - ကိုညီညီ ( တောင်ကြီး )

( ၁ )

ကျွန်တော်နေတဲ့ကမ္ဘာက နဂိုကတည်းက နည်းနည်းနောနောစောင်းနေခဲ့တာမဟုတ်ဘူး။ သူများနဲ့မတည့်တဲ့စကားပြောပေါက်၊ တည့်တည့်ကြည့်နေရင်းကို သူများကိုရန်စောင်သလိုဖြစ်နေတတ်တဲ့မျက်လုံးတစ်စုံ၊ ဘယ်ကိစ္စမဆိုလက်ရောက်တန်ပြန်တတ်တဲ့အကျင့်ဆိုး၊ ဈေးတူရင်ကိုယ်ကသာလျှော့ရောင်းပေးလိုက်မယ်ဆိုတဲ့ ရောင်းကွက်တွေကြောင့် ဘယ်ဘဝရောက်ရောက် ချော့မွေ့တယ်ရယ်လို့မရှိပဲ ကြမ်းတမ်းခဲ့တယ်။ ဒါပေမယ့်ရပါတယ် .. အမေပေးတဲ့ဦးခေါင်းတစ်လုံးရှိနေသေးတာပဲ။

.

( ၂ )

ကျွန်တော်ကြီးပြင်းခဲ့တဲ့ ကမ္ဘာဟာ နဂိုကတည်းက မညီမျှခဲ့ဘူး။ အကြီးတွေက အငယ်ဆိုမညှာဘူး။ အငယ်ဆုံးမို့ နောက်ကျပြီးလူရာဝင်တယ်။ ဦးရာလူယူစံနစ်အောက်မှာ အရာရာကိုငေးခဲ့ရတယ်။ ကျောင်းပိတ်တဲ့အချိန်မှာ သူများတကာလိုဆော့ကစားရမယ့်အစား ဈေးဆိုင်စောင့်ခဲ့ရတယ်။

.

သူငယ်ချင်းမိသားစုတွေ အပျော်ခရီးထွက်နေချိန်မှာ အိမ်ကဒတ်ဆန်းကားပေါ်မှာ ကားစောင့်ကျန်နေရစ်ရတယ်။ ကျွန်တော့ထက်အရင်မွေးသူတွေစားဖို့ ဆောင်းတွင်းအေးအေးမှာ ယောက်ျားစီးစက်ဘီးကြီးကိုခွပြီး ညဈေးတန်းမှာ ခေါက်ဆွဲကြော်သွားဝယ်ပေးရတယ်။ ဒါပေမယ့် ရပါတယ် .. အမေပေးတဲ့ ခြေထောက်တစ်စုံရှိနေသေးတာပဲ။

.

( ၃ )

ကျွန်တော်တက်ခဲ့တဲ့ကျောင်းမှာ အလယ်တန်းပြီးရင် ဆက်တက်စရာမရှိပါ။ အာစရိယပူဇော်ပွဲရောက်တိုင်း အလှူငွေအများကြီးထည့်တတ်တဲ့ ဖခင်ကြောင့် မျက်နှာမငယ်ခဲ့ရပါဘူး။ ( ၅ ) တန်းရောက်မှ အင်္ဂလိပ်စာ စသင်ရတယ်။ A, B, C, D ကို စဖတ်တတ်ခဲ့တဲ့ကျွန်တော်ဟာ မိခင်ဘာသာစကားတရုတ်ထက် အင်္ဂလိပ်စာကိုစွဲလမ်းခဲ့ပေမယ့် အမြဲတမ်း မြန်မာစာ ( ၆၂ ) မှတ်ရတယ်။

.

နောက်ဆုံးစာမေးပွဲဖြေတော့ ပိုက်သဂိုးရပ်သီအိုရီပုစ္ဆာနဲ့ သချာင်္ဂုဏ်ထူးထွက်တယ်။ မိုးရွာနေသောနေ့တစ်နေ့အက်ဆေးခေါင်းစဉ်နဲ့ အင်္ဂလိပ်စာဂုဏ်ထူးထွက်ပြန်တယ်။ သူများတွေ ချွေးတဒီးဒီးကျ စဉ်စားနေချိန်မှာ ခေါင်းထဲမှာဘာမှမရှိပဲ ဖြေနိုင်ခဲ့တယ်။ အခြေခံပညာကျောင်းက ဘဝအတွက် ဘာမှမလုပ်ပေးနိုင်ခဲ့ဘူး။ ဒါပေမယ့် ရပါတယ် .. အမေပေးထားတဲ့ ဦးနှောက်တစ်လုံးရှိသေးတာပဲ။

.

( ၄ )

နေရာတစ်ခုထဲမှာ အတည်မနေဖြစ်တဲ့ကျွန်တော်ဟာ ဖြစ်စဉ်ပေါင်းများစွာကိုဖြတ်သန်းခဲ့တယ်။ တောင်ကြီး ကနေ ရန်ကုန်၊ ရန်ကုန် ကနေ ဘန်ကောက်၊ ရန်ကုန် ကနေ တောင်ပေါ်တစ်ခေါက်တက်၊ တောင်ပေါ်ကနေ မြေပြန့်ကိုပြန်ဆင်းပြီးမကြာပဲ ကမ္ဘာ့အနောက်ဘက်ခြမ်းကို ထွက်ခဲ့ရပြန်တယ်။ ကျွန်တော်ရှာခဲ့တဲ့ စည်းစိမ်ဥစ္စာတွေ ယူမသွားနိုင်သလို ဘာမှလက်ထဲမပိုင်ဖြစ်ရတယ်။ အကုန်ထားခဲ့ရတယ်။

.

ကျွန်တော်သယ်ဆောင်နိုင်ခဲ့တာက စိတ်ဓါတ်မကျတဲ့ မိသားစု နဲ့ဒေါ်လာငွေတစ်ချို့။ ယူလာခဲ့တဲ့ အတွင်းပစ္စည်းတွေလည်း ဘဏ်တိုက်ထဲသို့သာဆင်မြန်းရတော့တယ်။ တစ်ခါတစ်လေ နဲ့ မကြာခဏ တောင်ကြီးကအိမ်ကိုသတိရပေမယ့်လည်း ဒီမြေပေါ်ကအိမ်ရှင်ကို အိမ်လခ မပြတ်ပေးမှရတယ်။ ဒီအတွက် တစ်ရက်ကို ( ၁ဝ ) နာရီ အလုပ်လုပ်တယ်။ ဘာပြန်ရသလဲဆိုတာတော့မမေးပါနဲ့။

.

ကျွန်တော့သမီးက တက္ကသိုလ်မှာ။ သားက အထက်တန်းကျောင်းမှာ။ ကျွန်တော့ချစ်ဇနီးက ဘေးမှာ။ ကျွန်တော်က ကျောင်းပြီးဖို့လိုနေသေးတယ်။ အိပ်ရေးဝရင်ကျောင်းပြန်တက်ပါ့မယ်။ မပြီးသေးတဲ့လုပ်ငန်းစဉ်တွေ ဘယ်လိုဆက်ရမှာလဲ စဉ်းစားရင်းခက်နေတယ်။ ဒါပေမယ့် ရပါတယ် .. အမေပေးထားတဲ့ ခန္ဓာကိုယ်တစ်ခုရှိနေသေးတာပဲ။

.

( ၅ )

စာသင်ခန်းထဲမှာတုန်းကဖြစ်ချင်ခဲ့တာ ကဗျာဆရာ .. သွားနေရတာက မြို့မဈေးထဲကဆိုင်ခန်း။ တက္ကသိုလ်တက်တော့ဖြစ်ချင်ခဲ့တာက သီချင်းရေးဆရာ .. သွားနေခဲ့တာက RIT သူငယ်ချင်းတွေရဲ့အဆောင်။ ဆေးကျောင်းမှီဖို့ အမှတ် ( ၄၂ ) မှတ်လိုတယ်။ ကွန်ပျူတာသိပ္ပံမှီဖို့ ( ၃၂ ) မှတ်လိုတယ်။ စက်မှုမှီဖို့ ( ၁ဝ ) မှတ်လိုတယ်။ ဒါနဲ့ ကဗျာစာအုပ်ထုတ်ဖြစ်ခဲ့တဲ့ စိတ်မပါတဲ့မေဂျာကိုပဲ မဖြစ်မနေတက်ခဲ့တယ်။ ဘဝစုံခဲ့တယ်။

.

နယ်ခြားမြေဝေးရောက်တော့ သူငယ်ချင်းတွေနဲ့ဝေးလာတယ်။ ဆွေမျိုးမိတ်သင်္ဂဟတွေနဲ့ မတွေ့ဖြစ်တော့ဘူး။ မိသားစုကိုပေးတဲ့အချိန်နည်းလာတယ်။ အမြဲလိုလို ဘဝအတွက်ဘာတွေလုပ်ပြီးပြီလဲလို့ မေးမိတယ်။ ဟုတ်တယ် .. ကျွန်တော်ဘာတွေလုပ်ပြီးပြီလဲ? တစ်သက်လုံး မိရိုးဖလာစီးပွားရှာတာကလွဲပြီး ဘာကောင်းကျိူးပြုခဲ့သလဲ? ဒီလိုနဲ့ ဆောင်းပါးရှင်တစ်ယောက် ဖြစ်မှန်းမသိဖြစ်လာခဲ့တယ်။ သွားနေရတဲ့လမ်းကြောင်း တစ်ခါတစ်လေမေ့နေတယ်။ ဒါပေမယ့် ရပါတယ် .. အမေပေးတဲ့လက်ချောင်းလေးတွေရှိနေသေးတာပဲ။

.

( နိဂုံး )

တစ်နှစ်ထက်တစ်နှစ်ခြောက်ကပ်လာတဲ့မွေးနေ့ပွဲတွေမှာ အဓိပ္ပာယ်တွေ လေနဲ့အတူသယ်လာတယ်။ ဒီအသိဥာဏ်တွေက ကျွန်တော့ဘဝထဲကို ပို့ချကြတယ်။ လာပုံကြတယ်။ “ နာရီတွေ .. မိုးလင်းမိုးချုပ်မီးရထားကြီးကြောင့်အိုမင်းသွား ” ဆိုတဲ့ ဦးကျော်ဟိန်းရဲ့အတွေး၊ ဦးသုခမိန်လှိုင်ရဲ့တေးသွားကို ဦးကျော်ဟိန်းအသံနဲ့ညည်းဆိုရင်း ( ၄၅ံ ) စောင်းနေတဲ့ဒီလောကထဲကို ကျွန်တော်ရောက်ရှိနေတယ်။

.

ငိုချင်ရင်တောင် မြိုသိပ်ထားရတဲ့ပတ်ဝန်းကျင်၊ ထွက်လုဆဲဒေါသကို လူမမြင်အောင်ဟန်ဆောင်နေရတဲ့ အသိုက်အဝန်းမှာ ကျွန်တော်ကျင်လည်နေရတာ အမေ့အပြစ်မဟုတ်ပါဘူး အမေ။ အမေ တာဝန်ကျေပါတယ်။ အမေ မွေးပေးခဲ့တယ်။ မွေးနေ့ဆိုတာထက် သေဖို့တစ်နှစ်၊ တစ်လ၊ တစ်ရက်၊ တစ်မနက်၊ တစ်နာရီ၊ တစ်မိနစ်၊ တစ်စက္ကန့်၊ တဒင်္ဂ နီးလာပြီဆိုတာ မေ့မှာစိုးလို့ ကျွန်တော် ကြိုးစားကြိတ်မှိတ်နှလုံးသွင်းနေရတယ်။ လူမမြင်တဲ့မျက်ရည်တွေလည်း ပစိဖိတ်သမုဒ္ဒရာမှာ စီးဆင်းနေပါပြီ။ ဒါပေမယ့် ရပါတယ် .. အမေပေးထားတဲ့ဘဝလေးတစ်ခုရှိနေသေးတာပဲ။ အဲဒီဘဝလေးကို နေပူစာလှုံရင်း လက်ချောင်းလေးဆယ်ဖြာမိုးပြီး ရှိခိုးဦးချကန်တော့လိုက်ပါရစေ အမေ..။

.

ခင်မင်ခြင်းများစွာဖြင့်

.

07-03-2015