"လူသားချင်းစာနာတဲ့ UNHCR" အပိုင်းဆက်

 "လူသားချင်းစာနာတဲ့ UNHCR" အပိုင်း ၁။ #UNHCR ဆိုတာ ဘာလဲ

ဆောင်းပါးရှင် - ကိုညီညီ (တောင်ကြီး)

#UNHCR ဆိုတာ ဘာလဲ
_______________ UNHCR ဆိုတာ ကုလသမဂ္ဂလက်အောက်ခံ လူသားအကူအညီပေးအဖွဲ့ခွဲဌာနတစ်ခုဖြစ်ပြီး the United Nations High Commissioner for Refugees ရဲ့ ထိပ်စည်းစာလုံးတွေကို တွဲရေးထားတာပါ။ အများက "ကုလသမဂ္ဂ ဒုက္ခသည်များဆိုင်ရာ မဟာမင်းကြီးရုံး" လို့ခေါ်ပြီး ပြည်ပရောက်မြန်မာတွေကြားမှာ "ယူအန်ရုံး" ၊ "ယူအန်ကတ်ရုံး" လို့ အသိများကြတယ်။


UNHCR ကို ဘယ်တုန်းကတည်ထောင်ခဲ့တာလဲ
_______________ ဒုတိယကမ္ဘာစစ် ပြီးတဲ့နောက် ၁၉၅ဝ ခုနှစ်မှာပါ။ အဲဒီတုန်းက ကမ္ဘာစစ်ကြောင့် သန်းနဲ့ချီပြီးထွက်ပြေးရတဲ့ ဥရောပစစ်ဘေးရှောင်နဲ့ နေရပ်စွန့်ခွာသူ ဒုက္ခသည်တွေကို ကယ်တင်ဖို့ တည်ထောင်ခဲ့တာဖြစ်ပါတယ်။


UNHCR က ဘာလုပ်တာလဲ
_______________ စစ်ဘေးသင့် စစ်ဘေးရှောင် ဒုက္ခသည်တွေကို ကူညီမယ်၊ ခိုလှုံခွင့် လျှောက်ထားလိုသူတွေကို လက်ခံနိုင်မယ့် တတိယနိုင်ငံကို ရွေးပေးမယ်၊ စိစစ်ပေးမယ်။ တိုင်းပြည်မဲ့လူသားတွေ‌‌ကို လျှော့ချမယ်။ သူတို့အခွင့်အရေးကို ကာကွယ်ပေးမယ်။ နေရပ်စွန့်ခွာလူသားတွေကို အထောက်အကူပေးဖို့ အမှုကိစ္စတွေကို‌ ဆောင်ရွက်ပါတယ်။

စွမ်း ဘွဲ့ ၂ ခု ရတဲ့နေ့‌

 

ဆောင်းပါးရှင် - ကိုညီညီ (တောင်ကြီး)

ဒီနေ့ကိုရောက်ဖို့ စောင့်ရတာ ၄၃၈၅ ရက် ရှိပြီ။ တနည်းအားဖြင့် ၁၂ နှစ်နဲ့ ၂ ရက်တိတိ ကျွန်တော်တို့ စိတ်ရှည်လက်ရှည် စောင့်ခဲ့ကြတယ်။ ဒီနိုင်ငံရောက်လာတဲ့ ရည်ရွယ်ချက်ကိုက သားသမီးတွေ ကမ္ဘာ့အဆင့်မီပညာတွေ သင်နိုင်ဖို့။ အခု ကျွန်တော့သားလေး ဘွဲ့ရပြီ။ သူ ပညာတတ်တစ်ယောက် ဖြစ်လေပြီ။

ကျွန်တော့ဘဝကို ၁ ခု လို့တွက်မယ်ဆိုရင် ချစ်သူဇနီးသည်က ၁ အပေါ်က နှစ်ထပ်ကိန်းပေါ့။ သမီးက ဘွဲ့ရပြီးသွားတော့ ရင်သွေး ၂ ဦးမှာ သူတို့ရဲ့ပညာရေးက ကိန်းပြည့် ၁ဝဝ ရဲ့ ၅ဝ% ကိစ္စပြီးမြောက် အောင်မြင်ပြီးသား။ အခု သားလေး ဘွဲ့ထပ်ရတော့ သူ့ရဲ့ဘဝ အချိုးအကွေ့ ပညာရေးအထွဋ်အထိပ်အတွက် တစိမ်းမြေမှာ ကျွန်တော်တို့မိသားစု မျှော်မှန်းခဲ့တဲ့ ပန်းတိုင်ကို စမြင်နေရပါပြီ။

ဒီအဆင့်အထိရောက်ဖို့ရာ ကျွန်တော်တို့ဟာ ချမ်းသာသူတွေ လုပ်သလို ငွေလမ်းခင်းသွားခဲ့ကြတာ မဟုတ်ဘူး။ ဒီလှေခါးထစ်ကို ကျော်ဖြတ်သွားနိုင်ဖို့ရာ ကျွန်တော်တို့ဟာ အခွင့်အလမ်း လက်ရမ်းကို ဖြတ်သန်းသွားခဲ့ကြတာ မဟုတ်ပေဘူး။

လိုချင်တာတွေကို မျိုသိပ်ပြီး သားဟာ စာနဲ့ပတ်သက်လာရင် အမြဲ ပြီး‌မြောက်အောင်မြင်အောင်လုပ်တယ်။ လူမှု ဆက်ဆံရေးကောင်းဖို့၊ လူကိုလူလို သိဖို့နဲ့ လူတိုင်းကို တန်ဖိုးတစ်ခုထား ဆက်ဆံတတ်ဖို့ကို သားဟာ ခြေစုံနှစ် ကြိုးစားခဲ့တယ်။

မိဘရဲ့ ၂ဝ၁၉-အိမ်အသစ်နဲ့ဝေးရာမှာ သားဟာ ကိုယ်စွမ်းကိုယ်စရှာပြီး အဆောင်မှာ စာသင်၊ ‌အဆောင်မှာ နား၊ ကိုယ်တိုင် လျှော်ဖွပ်၊ ကိုယ်တိုင် ချက်စားခြင်းအပြင် သူ့သူငယ်ချင်းတွေနဲ့ ပညာသင်ရင်း ကိုယ်ထူကိုယ်ထစံနစ်ကို သက်သေပြတယ်။