ခိုင်ဇာဆေးရုံသို့နောက်တစ်ခေါက်

ပထမတစ်ခေါက်ရောက်ခဲ့သည်မှာ မိသားစုဝင်များ တုပ်ကွေးကာကွယ်ဆေး-Flu Shot ထိုးတုန်းကဖြစ်သည် ၊ ခိုင်ဇာဆေးရုံကဒ်ပြားပြလိုက်ပြီး မတည့်သည့်ဆေးများရှိလျှင် ပေးထားသည့်ဖေါင်ရှိအကွက်ငယ်များတွင်ကြက်ခြေခတ်ခြစ်ပေးရသည် ၊ ဆေးရုံအာမခံကဒ်ပြားဆိုသည်မှာထူးထူးခြားခြားမဟုတ်ပါ ၊ ဂဏန်း ( ၈ ) လုံးပါသည့် ကျန်းမာရေးမှတ်တမ်းနံပါတ်-Medical Record No. မှာ အဓိကဖြစ်ပြီး ၄င်းတွင် နာမည် ၊ မွေးနေ့ နှင့် ကျား /မ Gender စသည့်ဖောင်းကြွစာများပါဝင်၍ နောက်ဘက်တွင်မှတ်ဥာဏ်သွင်းနိုင်သော သံလိုက်တန်းပါဝင်သည့် ဘဏ်ကဒ်သာသာ ပလပ်စတစ်ကဒ်ပြားဖြစ်သည် ၊ ကျွန်တော် ဖလူးရှော့ထိုးတုန်းကဆိုလျှင် တုပ်ကွေးကြိုတင်ကာကွယ်ရေးကာလဖြစ်၍ ဆေးထိုးလိုသူများလွန်းသောကြောင့် ကားမောင်းဝင်၍ကားပေါ်မှမဆင်းရသော-Drive Through ဆေးထိုးခွင့်ရသည့်စံနစ်ကို ခိုင်ဇာဆေးရုံမှစီစဉ်ပေးချိန်ဖြစ်သည် ၊ ထိုစံနစ်ကြောင့် တန်းစီသည့်လူအုပ်ကြီးကို အလျင်အမြန်လျှော့ချနိုင်ပြီး အလွန်ပင်အလုပ်ဖြစ်ပါသည် ။

အမေရိကားတွင် ခိုင်ဇာဆေးရုံ - အရှည်အားဖြင့်-KAISER PERMANENTE ( အဆိုတော် ကိုင်ဇာ နာမည်နှင့်စာလုံးပေါင်းတူသော်လည်း “ ခိုင်ဇာ ပါမနမ်ထေ ” ဟုဖတ်သည် ။ စကားချပ် ။ ) သည် ဆရာဝန်နှင့်သမားတော် ( ၁၅ဝဝဝ ) နှင့် ကျန်းမာရေးဝန်ထမ်း ( ၁၇ဝဝဝဝ ) တို့ဖြင့်လည်ပတ်နေပြီး နှစ်စဉ်ကျန်းမာရေးအာမခံဝယ်ယူသူဖောက်သည်ဦးရေ ၉ သန်း ရှိသော ထိပ်တန်းဆေးရုံအုပ်စုဝင်ဖြစ်သည် ၊ ကျန်းမာရေးအာမခံ-Medical Care မရှိမနေရ အမေရိကန်အစိုးရ၏ပေါ်လစီအရ မဖြစ်မနေဝယ်ယူရသော အာမခံဈေးနှုန်းများတွင် သက်သာသည့်အမျိုးအစားထဲတွင်ပါဝင်သည် ၊ ပေးရသောလစဉ်ကြေး-Premium သက်သာသော်လည်း မိမိအိပ်မှ စိုက်ရငွေ-Deductible or Co-Pay ပိုများသည် ၊ လစဉ်ကြေးသက်သာမှုကြာင့် အာမခံဝယ်ယူသူပေါများ၍ ခိုင်ဇာဆေးရုံလုပ်ငန်းစု၏ လည်ပတ်ငွေမှာ အတော်ပင်ချောင်လည်ပြီး ဝန်ဆောင်မှုနှင့်ခေတ်မီအဆင့်မြင့်ဆေးရုံးသုံးကိရိယာစုံစုံလင်လင်တွေ့ရပါသည် ။

အခမဲ့ပြရသောပြည်နယ်ဒေသ၏ဒေသန္တရာကျန်းမာရေးအာမခံသည် မိမိ၏ဝင်ငွေပေါ်တွင် အကန့်အသတ်ရှိသောကြောင့် အမေရိကားရောက်ပြီး ( ၄ ) နှစ်ထက်ကြာလာသည့် ပြောင်းရွှေ့နေထိုင်သူများသည် ငွေပေးရသည့် စောင့်ရှောက်မှုအာမခံများကို မဝယ်ချင်ပဲ ဝယ်လာကြရသည့်အထဲတွင် ကျွန်တော်တို့မိသားစုလည်းအပါအဝင်ဖြစ်သည် ၊ အလယ်တန်းမှကျောင်းပြောင်းကာ ( ၉ ) တန်းတက်ရသော သားငယ် “ စွမ်း ” သည် ကျောင်းမှခွင့်ပြုသော ကြက်တောင်အားကစားတွင်ပါဝင်နိုင်ရန် အားကစားကာယစစ်ဆေးမှုမှတ်တမ်း-Sport Medical Report Form ယူလာသောအခါ ခိုင်ဇာဆေးရုံသို့တစ်ဖန်ရောက်ရန်အကြောင်းပေါ်လာပါတော့သည် ၊ ပြည်နယ်၏အခမဲ့ဆေးရုံသို့ သွားရောက်စုံစမ်းခဲ့သေးသော်လည်း ကျောင်းသား၏လူမှုလုံခြုံရေးနံပါတ်ကဒ်ပြား-Social Security Number အရ အခငွေပေးရသောဝန်ဆောင်မှုကိုဝယ်လိုက်ပြီးကာလနောက်တွင် အခမဲ့ဝန်ဆောင်မှုခံယူရန် အကျူံးမဝင်တော့ဟုသိရသည် ၊ ထိုအချိန်မှစ၍ စွမ်း ၏ ကျန်းမာရေးအတွက် ယခုအချိန်မှစ၍ အိပ်စိုက်ငွေကုန်ရတော့မည်ကိုသိလိုက်ရပါသည် ။

         ဧည့်ကြိုကောင်တာမှ ဝန်ထမ်းအမျိုးသမီးက ဆေးရုံ၏လုပ်ငန်းစဉ်အရ မိဘအုပ်ထိန်းသူနှင့် ဆယ်ကျော်သက်ကျောင်းသားတို့ကိုမတူညီသောစာရွက်စာတမ်းများကို သီးခြားအခန်းတွင် ရေးဖြည့်ခိုင်းသည်ကို ဖော်ပြလိုပါသည် ။

အုပ်ထိန်းသူဖြည့်ရန်စာရွက် - Parent Questionnaire Teen Well Check တွင် ဆယ်ကျော်သက်များ ( ၁၃ နှစ်ကျော် ) ၏ အချို့သောကျန်းမာရေးအချက်အလက်များကိုလျို့ဝှက်ပေးရန် ပြည်နယ်ဥပဒေအရပြဋ္ဌာန်းထားကြောင်း ထိပ်ပိုင်းတွင်ရှင်းပြထားသည် ၊ ဆယ်ကျော်သက်များ၏ အရွယ်ဝင်မူမမှန်မှုများကို ထိန်းကျောင်းနိုင်ရန် အဓိကပုံဖော်ဖြေဆိုရသည့် Yes / No ကြက်ခြေခတ်ခြစ်မေးခွန်း ( ၁၉ ) ခု ပါဝင်ပါသည် ၊ ရန်ကုန်မြို့၏အထူးကုဆေးရုံ / ဆေးခန်းများတွင် သားသမီးများဆေးခန်းပြလျှင် အမေးမခံရသော ထူးခြားသည့်မေးခွန်းများဖြစ်သည့်အတွက် အောက်တွင်ဖော်ပြလိုက်ပါသည် ၊ စာတစ်မျက်နှာလုံးတွင် သင့်ကလေးဟု မသုံးနှုန်းပဲ သင့်ဆယ်ကျော်သက်-Teen ဟုသာ ရေးသားသည်မှာ အထူးဂရုစိုက်မှုကို သိသာပေါ်လွင်စေပါသည် ။

၁	သင်သည် ဆယ်ကျော်သက်၏ ကျန်းမာရေး ၊ အမူအကျင့် နှင့် ဘဝနေနည်းတို့ကို ပြောပြစရာရှိပါသလား ? ရှိလျှင် ရေးပြပါ ။ --------------------------------------------------	Yes	No
၂	နောက်ဆုံး ဆေးခန်းလာပြသည့်အချိန်မှစ၍ သိသာထင်ရှားအရေးကြီးသည့်ပြောင်းလဲမှု ( သို့ ) စိတ်ဖိစီးမှုရှိပါသလား ? ရှိလျှင် ရေးပြပါ ။ ---------------------------------------------------	Yes	No
၃	သင့်ဆယ်ကျော်သက်၏ မကြာသေးမီကာလအတွင်း သွားလာလှုပ်ရှားပုံပြောင်းလဲမှု ၊ မူမမှန်သည့်ဒေါသ နှင့် ဆတ်ဆတ်ထိမခံခြင်း ၊ စိတ်လျှော့လွယ်ခြင်း ၊ လျို့ဝှက်လွန်းခြင်း ၊ ဝမ်းနည်းလွယ်ခြင်း ၊ စိတ်ဓါတ်ကျခြင်း ၊ ကျောင်းတွင်းပြသနာတက်ခြင်း စသည်တို့မှ တစ်ခုခု သတိထားမိပါသလား ? ရှိလျှင် ရေးပြပါ ။ ---------------------------------------------------	Yes	No
၎	( ၁ ) နှစ် ( ၁ ) ကြိမ် သွားဆရာဝန် မှန်မှန်ပြပါသလား ?	No	Yes
၅	ပုံမှန် ဆေးစစ်သည့်အချိန်များတွင် ပြင်းထန်သည့် ကျန်းမာရေးပြသနာများရှိပါသလား ?	Yes	No
၆	လက်ရှိသောက်နေသောဆေးများရှိပါသလား ? ကျေးဇူးပြု၍ စာရင်းပေးပါ ။	Yes	No
၇	မတည့်သည့်ဆေးများရှိပါသလား ? ကျေးဇူးပြု၍ စာရင်းပေးပါ ။	Yes	No
၈	သင့်ဆယ်ကျော်သက်သည် တစ်ရက်လျှင် ဟင်းသီးဟင်းရွက်နှင့်သစ်သီးအနည်းငယ် ( ၅ ) ကြိမ်စားပါသလား ?	Yes	No
၉	မိဘအုပ်ထိန်းသူက ဆယ်ကျော်သက်ကို TV ကြည့်ချိန် ၊ ဂိမ်းကစားချိန် ၊ ကွန်ပျူတာသုံးချိန်တို့ကို တစ်နေ့လျှင် ( ၂ ) နာရီမကျော်စေရန်နှင့် ဝင်ရောက်ကြည့်ရှုနိုင်သော အင်တာနက်ဝက်ဘ်ဆိုဒ်များကို ကန့်သတ်ထားပါသလား ?	Yes	No
၁ဝ	သင့်ဆယ်ကျော်သက်သည် နေ့တိုင်းနီးပါး တစ်ရက်လျှင် မိနစ် ( ၆ဝ ) ခန့် ကိုယ်လက်လှုပ်ရှားမှုရှိပါသလား ?	Yes	No
၁၁	သင့်ဆယ်ကျော်သက်သည် ညတိုင်း အိပ်ချိန် ( ၈ ) နာရီပြည့်အောင်အိပ်ပါသလား ?	Yes	No
၁၂	သင့်ဆယ်ကျော်သက်သည် ကိုယ်လက်အင်္ဂါတစ်ခုခုချို့တဲ့မှုရှိပါသလား ? ( ဥပမာ - မျက်လုံး ၊ ကျောက်ကပ် ၊ ဝှေးစေ့ )	Yes	No
၁၃	ဆွေမျိုးထဲတွင် အသက် ( ၅၅ ) နှစ်မှ ( ၆၅ ) နှစ် အရွယ်မတိုင်ခင် သွေးခုန်နှုန်းနှင့်သက်ဆိုင်သည့် နှလုံးရောဂါ ၊ လေဖြတ်ရောဂါ နှင့် ခွဲစိတ်မှုခံယူထားသော ( မိဘ ၊ ဘိုးဘွား ၊ ဦလေး ၊ အဒေါ် ) အပါအဝင် ရှိမရှိ ?	Yes	No
၁၄	သင့်ကလေး အားကစားလုပ်ချိန်တွင် မေ့လဲသွားခြင်းမျိုး ရှိမရှိ ?	Yes	No
၁၅	သင့်ကလေး ဦးခေါင်းတွင် အပြင်းအထန်ဒဏ်ရာရထားဖူးခြင်း ရှိမရှိ ?	Yes	No
၁၆	သင်နှင့်အတူနေအိမ်ထောင်စုတွင် TB ရောဂါအရေပြားစမ်းသပ်မှုခံယူဖူးသူ ( သို့ ) TB ရောဂါလက်ရှိခံစားနေရသူ ရှိမရှိ ?	Yes	No
၁၇	သင် / သင့်မိသားစုဝင်တစ်ယောက်ယောက် နိုင်ငံပြင်ပတွင်မွေးဖွားခဲ့သူဖြစ်ခဲ့ပါသလား ? ( သို့ ) မကြာသေးမီကာလအတွင်းက ဗဟိုအမေရိက ၊ တောင်အမေရိက ၊ အာရှ နှင့် အာဖရိက စသည့် တိုးတက်သောတိုင်းပြည်များသို့ ခရီးထွက်ခဲ့ပါသလား ?	Yes	No
၁၈	သင့်ကလေး အမေရိကပြင်ပတွင် ( ၁ ) လ ကျော်ကြာနေထိုင်ခဲ့ပါသလား ?	Yes	No
၁၉	မိဘများအတွက် Online Newsletters ဖတ်ရန် စာရင်းပေးသွင်းထားပါသလား ?	Yes	No

 အထက်ပါဇယားမှ နံပါတ် ( ၁ ၊ ၂ ၊ ၃ ၊ ၉ ) တို့မှာ အမေရိကန်များ ကိုယ့်သားသမီးများကို ကိုယ်တိုင် စိတ်ပိုင်းဆိုင်ရာအမူအကျင့်များကို သေချာစွာ ထိန်းကျောင်းစေရန်ရည်ရွယ်သည်ဟုသဘောပေါက်မိပါသည် ၊ နံပါတ် ( ၄ ၊ ၈ ၊ ၁ဝ ) တို့မှာ အစားအသောက်-Nutrition နှင့် ကြံ့ခိုင်မှု-Fitness တို့အတွက် ဆယ်ကျော်သက်ကိုယ်တိုင် လိုက်နာစေရန် နှင့် ကိုယ်ထူကိုယ်ထစိတ်ကိုမွေးမြူစေရန်လမ်းညွှန်ချက်ဟု နားလည်မိပါသည် ။

ခိုင်ဇာဆေးရုံမှ အိမ်အပြန်လမ်းတွင် “ သူတို့က ဘာလို့ဒီဖောင်တွေကိုဖြည့်ခိုင်းတာလဲ ၊ သား ? “ ဟုမေးသည့်အခါ  “ သူတို့က ဆေးကုမယ့်သူရဲ့အခြေအနေမှန်ကို သိမှရမယ် ၊ ဘယ်လိုရောဂါရှိရင်ဘယ်လိုကုမယ်ဆိုတာကိုလည်းသိဖို့လိုတယ် ၊ ပြီးတော့ ကျောင်းသားက အားကစားလုပ်ဖို့မသင့်တဲ့ရောဂါတစ်ခုခုရှိနေရင် တားမြစ်ရမှာ သူတို့မှာတာဝန်ရှိတယ် ၊ အားကစားလုပ်လို့ အဲဒီရှိနေတဲ့ရောဂါပိုဆိုးသွားရင် သူတို့ပြသနာတက်မယ် ၊ တာဝန်လည်းကြီးတယ် ၊ ဆေးရုံရောက်လာသူ အားလုံးက လူနာချည်းမဟုတ်ဘူး ၊ လိုအပ်ချက်အရလာသူတွေလည်းရှိတယ် ၊ စစ်ဆေးဖို့သက်သက်ရောက်လာသူတွေလည်းပါတယ် ၊ သူတို့အပြစ်မကျအောင်လည်းမေးတာပါ ၊ ဒါမှ သူတို့မတရားသဖြင့် တရားစွဲမခံရမှာလေ “ ဟု ( ၁၃ ) နှစ်ကျောင်းသားက ပြန်ဖြေပါသည် ။

ကိုညီညီ ( တောင်ကြီး )

" ခိုင်ဇာဆေးရုံသို့ နောက်တစ်ခေါက် " စာမူသည် ၂ဝ၁၄ မေလ ( ၁ဝ ) ရက်ထုတ် NetGuide နည်းပညာဂျာနယ် အတွဲ ( ၃ ) ၊ အမှတ် ( ၃၃ ) ၊ စာမျက်နှာ ( ၂၂ ) တွင် ဖော်ပြပါရှိသည် ။ Download Link:http://www.mediafire.com/download/ct04nic1q40gl7j/Vol._3,_No._33.pdf