ဗိုက်မဝသူ နဲ့ ဝိတ်ချသူ

ဆောင်းပါးရှင် - ကိုညီညီ ( တောင်ကြီး )

.

.

စားပြီးရင်အိပ်၊ အိပ်ယာထပြီးအလုပ်သွား၊ ( ၂ ) နာရီခြားတစ်ခါစား ဒီလိုနဲ့ လှုပ်ရှားမှုမရှိတဲ့ လေဘော်လုံးလို ခန္ဓာကိုယ်ကြီးလည်း ပျော့တွဲတွဲဖြစ်ခါ ဝမ်းဗိုက်လဲ ရွှဲလာတော့ အိမ်က အချစ်ဆုံးမန်နေဂျာက “ တော့် ဗိုက်ကြီးလည်းကြည့်ဦး ” တဲ့။ ဒါနဲ့ တစ်ခွန်းပဲ ပြန်ပြောလိုက်တယ် “ ( ၄ ) လပဲစောင့် ” လို့။ ဟုတ်ပါတယ် .. ဝိတ်ချရတော့မယ်။ စိတ်ပါလို့ ကမ်းစပ်ဖက်ပြေးတာ သူ့ကိုပြောထားတဲ့ ( ၄ ) လ အတွင်းမှာ ပြေးခဲ့တာက ( ၄ ) ခေါက်ထဲရယ် .. ဘယ်လိုလုပ် ဝိတ်ကျပါ့မလဲ။ ဒါက ဝိတ်ချချင်တဲ့သူ။

.

 တစ်နေ့တော့ မနက်ပိုင်း စွမ်းကိုကျောင်းပို့ပြီး အစ်မအိမ်နားက စကားကွင်းငယ်လေးကိုပတ်ပြေးတုန်း ကားဖြူလေးတစ်စီးထိုးရပ်လာတယ်။ ကားအမျိုးအစားက တိုယိုတာ ကိုရိုလာ CE-96၊ ရန်ကုန်မှာတော့ လီမိတက်ဖင်ပြတ်ခေါ်တာပေါ့။ ဒါမျိုးကားကို အမေရိကားမှာ ဒေါ်လာ ( ၂၈ဝဝ ) လောက်ပေးရင် ဝယ်လို့ရပြီ။ အဓိကပြောချင်တာက ကားမဟုတ်ဘူး .. ကားနောက်ခန်းမှာပါလာတဲ့ ခွေးအဖြူသေးသေးလေးနဲ့ ကားမောင်းတဲ့အဖိုးကြီး။ ဒီလိုမနက် ချမ်းချမ်းစီးစီးကို ဒီလိုပန်းခြံထဲလာတဲ့လူက ( ၂ ) မျိုးပဲရှိတယ် .. လမ်းတစ်ပတ်လျှောက်ပြီးလို့ အကြောလျှော့၊ အိမ်ပြန်တော့မယ့်သူနဲ့ ကလေးတွေကို ကစားကွင်းလာပို့တဲ့သူ။ ဒီကားလေး ပါကင်မှာထိုးလိုက်တဲ့အခါကျတော့ ကားထဲက ရေနွေးငွေ့မြူခိုးလေးတွေတက်လာတယ်။ ကားကပူလို့ထင်တယ် လို့ အစကတွေးမိတာပေါ့။ နောက် .. သေချာကြည့်လိုက်တော့ ..

.

ကားပိုင်ရှင် နဲ့ ခွေးလေး တို့ဟာ အခုမှ အိပ်ယာကထ တာပါ။ ဘို အဖိုးကြီးက ဦးထုပ်ကြီးဆောင်းလို့ မျက်နှာမှာလည်း မုတ်ဆိတ်မွှေးတွေ ထူလပျစ်နဲ့ ( ၁၅ ) ရက်လောက် ရေမချိုးရတဲ့ အနေအထားမျိုးလို့ ယူဆမိတယ်။ ပြီးတော့ သူတို့ကားထဲမှာ အိမ်တစ်ဆောင် မီးတစ်ပြောင်လို လိုတာအကုန်ပါတာ တွေ့ရတယ်။

.

အဖိုးကြီး ဒရိုင်ဘာခုံရဲ့ဘေးမှာ စားလက်စ ပန်းကန်ခွက်ယောက်တွေရှိတယ်။ အဲဒီ့ဘေးမှာ ချေးထူနေတဲ့ စောင်အနွမ်းလေးတစ်ထည်။ နောက်ခန်းမှာ ခွေးလေးအိပ်ဖို့ အခင်းလေးချထားပေးတယ်။ သူ့တစ်ဝွပ်စာဘေးမှာကျတော့ ခေါင်းအုံးအသေးလေးအပြင် အနွေးထည်ခပ်စုတ်စုတ်နဲ့ ရွှေ့ပြောင်းအိမ်ယာတို့ရဲ့သဘာဝ သွားတိုက်ဆေး၊ ဆပ်ပြာ၊ မျက်နှာသုတ်ပုဝါကအစ စုံလို့ရယ်။

.

ကျွန်တော်က ပတ်လမ်းအတိုင်းပြေးနေရင်းကနေ သူတို့ကားကို အကဲခတ်ကြည့်တယ်။ အဖိုးကြီးက လက်ထဲက Starbucks တံဆိပ်ပါ စက္ကူကော်ဖီခွက်နဲ့ ရေနွေးသောက်နေလေရဲ့။ ကျွန်တော် ဆက်တိုက် အကဲခတ်မိတယ်။ ကားနားနည်းနည်းကပ်သွားတဲ့အခါ ခွေးက ဟောင်ပါလေရော။ ကားဒရိုင်ဘာဘက်အခြမ်းနားကပ်သွားပြီး အဖိုးကြီးကို ပြောလိုက်တယ် “ Can you wait here for a moment? ” လို့ဆိုတော့ သူက ပထမတော့ကြောင်သွားတယ်။ ပြီးတော့ “ Yes ” လို့ပြောတာနဲ့ ကျွန်တော်အိမ်ကို ကားနဲ့အမြန်ပြန်သွားပြီး သူ့ကားနားကို ပြန်လာခဲ့တယ်။

.

ကျွန်တော်ယူလာတဲ့ မုန့်ထုပ်နဲ့ လိမ္မော်ရည်ကဒ်ကို ပေးလိုက်တဲ့အချိန် သူ့မျက်လုံးတွေက တောက်ပလာတယ်။ ခွေးကလေးက သူ့သခင် အစားစားပြီဆိုတော့ တအီအီဖြစ်နေပြီး ကျွန်တော့်ကိုလည်း မဟောင်တော့ဘူး။ ပြီးတော့ ခွေးလေးက ကျွန်တော့်ကိုကြည့်နေတယ်။ ဘို အဖိုးကြီးကလည်း ကျွန်တော့်ကိုကြည့်နေတယ်။ ကျွန်တော်ထပ်ပြေးဖို့သူတို့ကားနားကခွာလာတဲ့အခါမှာ အဖိုးကြီးက သူ့ခွေးလေးကို မုန့်ထုပ်ဖောက်ပြီးကျွေးနေတာကိုတော့ မျက်လုံးထောင့်ကနေ မြင်လိုက်ပါတယ်။ ပြီးတော့ နားကကြားလိုက်တာက “ Thank you so much, young boy ” ဆိုတဲ့ အသံတိုးတိုးလေး။

.

.

ဒီလိုနဲ့ အားကစားမလုပ်ဖြစ်တာကြာလာပြီး တစ်ရက်တော့ Gym သွားဖို့ ဆုံးဖြတ်လိုက်တယ်။ ကားရပ်စရာနေရာမရှိလို့ ကြံကြံဖန်ဖန် အမှိုက်ကန်ကြီးထောင့်နားကလွတ်နေတဲ့ တစ်ကွက်မှာပဲ ကြပ်ကြပ်သပ်သပ် ပါကင်ထိုးလိုက်တယ်။ ( ၄၅ ) မိနစ်လောက်အကြာမှာ ပြန်တော့မယ်ဆိုပြီး ကားပြန်ထုတ်တဲ့အခါ ကားနောက်ကြည့်မှန်မှာ မထင်မှတ်ထားတာတစ်ခုကိုတွေ့လိုက်ရတော့ ကျွန်တော် တော်တော်လန့်သွားတယ်။

.

အမှိုက်ကန်အစိမ်းကြီးဘောင်ကို ဂျာကင်အစုတ်ကြီးဝတ်ထားတဲ့ အဖိုးကြီးတစ်ယောက် လက်နှစ်ဖက်နဲ့ တစ်စုံတစ်ခုကို အားရပါးရနှိုက်နေတာပါ။ ကျွန်တော် ဖြည်းဖြည်းချင်း ကားနောက်ဆုတ်ရင်း သူဘာလုပ်မလဲ စောင့်ကြည့်နေမိတယ်။ မြင်လိုက်ရတဲ့ အမှတ်မထင်မြင်ကွင်းကြောင့်  အတော့်ကို စိတ်မကောင်းဖြစ်မိတယ်။ သူဟာ အမှိုက်ပုံးထဲက ပြန်ရှာထုတ်လာတဲ့ ဖော့ဗူးထဲက စားကြွင်းစားကျန်ကို ဆာလောင်မွတ်သိပ်စွာ လက်နဲ့ကော်စားနေတာပါလား .. ဒီအချိန်မှာ သူ့ကို ကျွန်တော့်ကားနောက်ကြည့်မှန်ကနေ မြင်နေရသေးတယ်။ ကျွန်တော်ချက်ချင်းပဲ ဆုံးဖြတ်ချက်ချလိုက်တယ်ပြီး ကားစပ်ရပ်လိုက်တယ်။

.

ကားပေါ်ကဆင်းပြီး ကားနောက်ခန်းမှာ အသင့်ဆောင်ထားတဲ့ မုန့်ဗူး ( ၂ ) ဗူးကို လက်ထဲမှာထောင်ပြပြီး ကျွန်တော်သူ့ကို ခေါ်လိုက်တယ် “ Excuse me. You need food? ” ဆိုတော့ သူအရမ်းအံ့သြသွားပြီး ခဏကြာမှ “ Oh .. Yeah ” ဆိုပြီး ခေါင်းညိမ့်ပါတယ်။ ဒါနဲ့ ကျွန်တော်ပေးတဲ့မုန့်ဗူးကိုယူပြီး အမှိုက်ပုံးနောက်မှာ သွားသိမ်းတယ်။ ပြီးတော့ ခုနက ပါဆယ်လက်ကျန်ကို ဆက်စားမယ့်ပုံပေါက်နေတာနဲ့ ကျွန်တော်က “ Don’t eat from the trash. Eat mine ” လို့ပြောလိုက်တဲ့အချိန် ကားပိုင်ရှင် နဲ့ ခွေးကလေးတို့ဆီက မြင်ဖူးခဲ့တဲ့ မျက်လုံးတစ်စုံကို ကျွန်တော်ထပ်မြင်လိုက်ရပါတယ်။

.

အမှန်တစ်ကယ် အမေရိကားမြေမှာ ဒီလိုမျက်လုံးမျိုးတွေမြင်ရလိမ့်မယ်လို့ ထင်မထားခဲ့ဘူး။ တစ်ချို့က အဆီတိုး အဝလွန်နေလို့ Gym မှာ ဝိတ်လျော့ - Workout လာလုပ်နေရတယ်။ တစ်ချို့ကျတော့ ဗိုက်မဝလို့ ဘာကျန်ဦးမလဲဆိုပြီး ပါဆယ်အိပ်တွေကို အမှိုက်ပုံးထဲလိုက်ရှာနေရတယ်။ လူ့အခွင့်အရေးနိုင်ငံမှာ တန်းတူညီမျှမှုရှာရင်း ပြိုလဲခဲ့တဲ့ ဘဝတွေဆိုတာ အမေရိကားအိပ်မက်များလား လို့ စဉ်းစားရင်း .. ။

.

koko2yeye@gmail.com
.

" ဗိုက်မဝသူ နဲ့ ဝိတ်ချသူ " စာမူသည် ၂ဝ၁၅ ခုနှစ်၊  သြဂုတ်လ ( ၈ ) ရက်နေ့၊ စနေနေ့ထုတ် NetGuide နည်းပညာဂျာနယ် အတွဲ ( ၃ ) ၊ အမှတ် ( ၉၆ ) ၊ စာမျက်နှာ ( ၅၁ ) တွင် ဖော်ပြပါရှိသည်။

Download Link: https://app.box.com/s/upo8m0ri4jybbfe04k5kibqrpv30975l

http://www.mediafire.com/download/g114eckibtxfog4/NetGuide_Vol.3%2C_No.96.pdf