လြမ္းရပါေသာ ျမန္မာ႔ပလက္ေဖာင္းလက္ဘက္ရည္ (၂)

ေဆာင္းပါးရွင္ - ကိုညီညီ (ေတာင္ၾကီး)

ျမန္မာႏုိင္ငံကပလက္ေဖာင္းလက္ဘက္ရည္ဆိုင္အရသာကုိ အေမရိကားမွာမရႏုိင္ပါဘူး။ ဒါေပမဲ႕ ျမန္မာေတြလုပ္တဲ႕ပြဲမွာ ေဖ်ာ္တတ္သူတစ္ခ်ိဳ႕ရွိလို႕ ခပ္ဆင္ဆင္အရသာကို ေသာက္ခြင္႕ရခဲ႕ဖူးပါတယ္။ ကုိယ္႕အိမ္နဲ႕ကုိယ္က်ေတာ႕ ကုိယ္တုိင္လုပ္တတ္မွစာသံုးခြင္႕ရတဲ႕ အေမရိကားေရာက္ျမန္မာတစ္ေယာက္ရဲ႕လက္ဘက္ရည္ခ်ဥ္ျခင္းတပ္ျခင္းအေၾကာင္းကိုေရးျပခ်င္ပါတယ္။

လူပံုမဟုတ္ပါဘူး။ ေနာက္ေနတာမဟုတ္ပါဘူး။ အခ်ိဳေျခာက္ (၃) ထုတ္ကို နမူနာျပထားတာပါ။

အစပိုင္းက ျမန္မာႏုိင္ငံက စိုးဝင္းအခ်ိဳေျခာက္ကိုမွာေသာက္ဖူးတယ္။ ေနာက္အေခါက္ေတြက်ေတာ႕ ယုိးဒယားစာတန္းနဲ႕တံဆိပ္အဝါသံုးဖူးျပန္တယ္။ အဲဒီအခ်ိန္အထိ ျမန္မာႏုိင္ငံအရသာကိုမွီေအာင္မေဖ်ာ္တတ္ေသးပါဘူး။ ေနာက္ပိုင္း လူၾကံဳမရွိေတာ႕ ဒီမွာပဲ ရွာရေဖြရတဲ႕အခါ အိႏိၵယမ္းစတုိးဆုိင္ေတြဆီေရာက္သြားပါတယ္။

ပြက္ပြက္ဆူေအာင္ၾကိဳျပီး (၁) ၾကိမ္နား၊ ေနာက္တစ္ေခါက္ျပန္ၾကိဳ (၁) ၾကိမ္ထပ္နား၊ ဒါမွက်တာ။ ျပီးေတာ႕မွာ စေဖ်ာ္။

ဒါေပမဲ႕ ခ်က္ခ်င္းမေျပလည္ပါဘူး။ ဘာတံဆိပ္က ဘာအရသာမွန္းမသိ။ အိမ္နီးနားခ်င္းႏုိင္ငံက အရသာ-Flavor နဲ႕ အေရာင္-Coloring တို႕က စံုပါဘိ။ ေနာက္ဆံုးမွာေတာ႕ ျမန္မာႏိုင္ငံမွာသံုးေနၾကတဲ႕အရသာကိုျပန္လည္ယူေဆာင္လာေပးမယ္႕တံဆိပ္နဲ႕ ေဖ်ာ္ရမယ္႕အမ်ိဳးအစားကိုေတြ႕ပါတယ္ “Orange Pekoe Black Tea” ကို စဝယ္ပါတယ္။

သၾကား-Sugar အစား ဓါတုသၾကား-Saccharine သံုးတယ္။ သူက Sucrose အပ်စ္စားပံုေဆာင္ခဲတစ္မ်ိဳးေပါ႕။

ေဖ်ာ္ပံုကေတာ႕ ပူတဲ႕အခါ ျပန္ႏွပ္လို႕လြယ္မယ္႕အိုးထဲကုိ အခ်ိဳေျခာက္ထုပ္ ( ၃) ဂရမ္ပါတာ (၃) ထုတ္ထည္႕ပါတယ္။ ေရက (၂၄) ေအာင္စ နဲ႕ ဟင္းရည္ပြက္ေလာက္တဲ႕အပူခ်ိန္မ်ိဳးမွာ အနည္းငယ္ခမ္းေအာင္တည္ပါတယ္ (မီးခလုပ္ျပန္ပိတ္ဖို႕ေမ႕လုိ႕ကေတာ႕တစ္ဝက္ေလာက္ကုန္သြားျပီသာမွတ္။ ဤကားစကားခ်ပ္)။

Nestle တံဆိပ္မဟုတ္ရင္ ႏို႕ဆီက (၃) ဇြန္းခြဲပဲ။

အခုေျပာေနတာက အစကေနတည္တဲ႕ပံုပါ။ ႏုိ႕ဆီတကယ္ထည္႕ျပီဆုိတဲ႕အခါက်ေတာ႕ ဒီလို တည္ျပီးသား၊ ႏွပ္ျပီးသား (၃) ၾကိမ္ေျမွာက္ေလာက္က်မွ လက္ဘက္ရည္က ကာရီဝါလားေဖ်ာ္သလို အရသာကုိရမွာပါ။

ခပ္က်ဲက်ဲႏုိ႕ဆီက အခ်ိဳနည္းျပီးေတာ႕ပုိထည္႕ရတယ္။ ဒါေပမဲ႕ လက္ဘက္ရည္ျဖစ္သြားျပိးတဲ႕ေနာက္မွာ ျပန္ေႏႊးေသာက္ေလ ပုိေကာင္းေလ၊ ပုိစိမ္႕ေလ။

ကဲ . . ေဖ်ာ္ေနျပီဆိုပါစို႕ . .။ သၾကားအစားထိုးထည္႕သံုးတဲ႕ Saccharine (၂) ထုတ္ အရင္ထည္႕ေမႊပါတယ္။ ဇြန္းနဲ႕အနည္းငယ္ေမႊျပီးတဲ႕ေနာက္ နက္စေလႏုိ႕ဆီဆုိရင္ (၂) ဇြန္းခြဲ၊ က်ဲတဲ႕ႏုိ႕ဆီဆိုရင္ (၃) ဇြန္းထည္႕ျပီး ျပန္ေမႊပါတယ္္။

ကာေနးရွင္းႏို႕ဆီ ဒီမွာရွိပါ႕။ ႏို႕စိမ္းထည္႕ျပီး မီးကိုပိတ္ ျမည္းၾကည္႕ . . ကြက္တိ။

ေနာက္က်ေတာ႕ လက္ဘက္ရည္အေရာင္ထြက္ျပီးသားအုိးကုိ မီးဖိုေပၚကမခ်ပဲ မလိုင္တက္ေအာင္ (၄) မိနစ္ခန္႕ ဆက္တည္ပါတယ္။ ဒါေပမဲ႕ ျမန္မာႏိုင္ငံလမ္းေဘးကလက္ဘက္ရည္ဆိုင္နဲ႕အရသာတူဖို႕တစ္ခုလုိေသးတယ္။ အဲဒါက “ဆားအနည္းငယ္” ထည္႕။ အဲဒါက အသက္။

ဆရာစားလား ဆရာဆားလား။ ဒါက အသက္။ ဒီေလာက္ေလးပဲထည္႕ရတာ။

ဆားကို နည္းနည္းေလးမွ တကယ္႕ကိုနည္းနည္းေလးပဲခတ္ေပးရတာပါ။ ဘယ္ေလာက္နည္းသလဲဆိုေတာ႕ အိမ္ေတြမွာဟင္းရည္ေသာက္တဲ႕အခါ ျငဳပ္ေကာင္းခတ္သေလာက္သာထည္႕ေပးပါ။ မ်ားသြားရင္ လုပ္ၾကံလက္ဘက္ရည္မွန္းလူေတြသိသြားၾကလိမ္႕မယ္😊။

မလိုင္ညိဳညိဳလုိခ်င္လို႕ မီးဖိုနားကမခြဲရဲ။ မေမႊမိရင္ ကပ္ကုန္ေရာ၊ အေမႊလြန္ေတာ႕ေၾကကုန္ေရာ။ မီးဖိုနားမွာလူမေစာင္႕ေတာ႕ ေမ႕သြားတဲ႕အခါ ခမ္းကုန္ေရာ။ သိပ္ႏွေျမာဖို႕ေကာင္းတာ။

ေနာက္ဆံုးက်မွ မီးကိုပိတ္ျပီဆိုတဲ႕အခါက်မွ ႏို႕စိမ္း (၄) ဇြန္းထည္႕ျပီးထပ္ေပးႏွပ္ျပီးမွေသာက္ရင္ အေကာင္းဆံုးျမန္မာႏုိင္ငံအရသာကုိေသာက္သံုးႏိုင္ပါျပီ။

တစ္ခုထပ္မွာဖို႕လိုတာက မီးဖိုမပိတ္ခင္ အိုးထဲကေနက်ီစယ္ေနတဲ႕လက္ဘက္ရည္ကို အပူခ်ိန္မက်ခင္ ဇြန္းနဲ႕ေမႊေပးလိုက္ပါဦး။

လေခ်းထုတ္နဲ႕ အထဲက Sachet ေလးေတြ (၃၆) ထုတ္ကို အနံံ႕မျပယ္ေအာင္ခြဲထုတ္ထားတာ။

ႏုိ႕မုိ႕ဆိုရင္ ကိုယ္တကယ္ေသာက္မယ္႕အခ်ိန္က်ေတာ႕ မလိုင္ညိဳညိဳက အဖတ္လိုက္ၾကီးနဲ႕ ဖိတ္က်သြားရင္ သိပ္ႏွေျမာစရာေကာင္းတာ။ ေအာ္ . . ေစ်းေျပာဖို႕ေမ႕ေနတယ္။ (၂၁၆) ထုတ္ပါတဲ႕ တစ္ပါကင္ကို (၉) ေဒၚလာေပးရပါတယ္။

tea India တံဆိပ္က ဒီဘက္မွာနာမည္အရဆံုး (၂၁၆) ထုတ္ပါတာကို $8.99

ဘာအရသာဝယ္ရမွန္းမသိရင္ Black Tea လို႕ေရးထားတဲ႕အထုတ္ကိုသာေရြးဝယ္ပါ။ အထဲမွာ (၃၆) ထုတ္ပါတာ လေခ်းထုတ္ (၆) ထုပ္ထပ္ခြဲထားေတာ႕ တစ္ထုတ္လုိရင္တစ္ထုတ္ မလတ္ဆတ္မွာမပူရေတာ႕ဘူးေပါ႕။

ဒီတံဆိပ္စမ္းသံုးတာလည္းအဆင္ေျပတယ္။ အက်ရည္အတူတူပဲ။ အဓိက Black Tea ျဖစ္ဖုိ႕သာလိုတယ္။

ပြဲလမ္းသဘင္ေတြက်ေတာ႕ အထဲမွာ ဘာမွမခြဲထားတဲ႕ အလြတ္ထုတ္-Loose Bag (၁) ေပါင္ထုတ္ေတြဝယ္ေဖ်ာ္ၾကတယ္။ အိမ္သူအိမ္သားေတြေသာက္ဖို႕ဆိုရင္ေတာ႕ အထုတ္ျပန္ခြဲထုတ္ထားတဲ႕အထုတ္ေသးေလးေတြပါဖို႕လည္းလိုတာေပါ႕။ ဒါမွာ ေရစစ္နဲ႕ျပန္စစ္စရာမလိုေတာ႕မွာ။

ျမန္မာႏိုင္ငံကိုလြမ္းရတဲ႕အထဲမွာ လမ္းေဘးပလက္ေဖာင္းလက္ဘက္ရည္ကိုလြမ္းရတဲ႕အလြမ္းဟာ အလြမ္းမေျပဆံုးပဲ . . တကဒဲ . .။

မွတ္ခ်က္။။။။။။။။။။အမိေျမနဲ႕ေဝးသူေတြအတြက္ လုပ္ပံုလုပ္နည္းအေသးစိတ္ကုိ တစ္ပံုခ်င္းစီမွာျဖည္႕ေရးေပးထားပါတယ္။ ျမန္မာႏုိင္ငံကလူေတြေက်ာ္သြားၾကေစေသာဝ္ . .။

လြမ္းလ်က္
ကိုညီညီ (ေတာင္ၾကီး)
06-29-2019

Unicode Version:

“လွမ်းရပါသော မြန်မာ့ပလက်ဖောင်းလက်ဘက်ရည် (၂)”
           မြန်မာနိုင်ငံကပလက်ဖောင်းလက်ဘက်ရည်ဆိုင်အရသာကို အမေရိကားမှာမရနိုင်ပါဘူး။ ဒါပေမဲ့ မြန်မာတွေလုပ်တဲ့ပွဲမှာ ဖျော်တတ်သူတစ်ချို့ရှိလို့ ခပ်ဆင်ဆင်အရသာကို သောက်ခွင့်ရခဲ့ဖူးပါတယ်။ ကိုယ့်အိမ်နဲ့ကိုယ်ကျတော့ ကိုယ်တိုင်လုပ်တတ်မှစာသုံးခွင့်ရတဲ့ အမေရိကားရောက်မြန်မာတစ်ယောက်ရဲ့လက်ဘက်ရည်ချဉ်ခြင်းတပ်ခြင်းအကြောင်းကိုရေးပြချင်ပါတယ်။

          အစပိုင်းက မြန်မာနိုင်ငံက စိုးဝင်းအချိုခြောက်ကိုမှာသောက်ဖူးတယ်။ နောက်အခေါက်တွေကျတော့ ယိုးဒယားစာတန်းနဲ့တံဆိပ်အဝါသုံးဖူးပြန်တယ်။ အဲဒီအချိန်အထိ မြန်မာနိုင်ငံအရသာကိုမှီအောင်မဖျော်တတ်သေးပါဘူး။ နောက်ပိုင်း လူကြုံမရှိတော့ ဒီမှာပဲ ရှာရဖွေရတဲ့အခါ အိန္ဒိယမ်းစတိုးဆိုင်တွေဆီရောက်သွားပါတယ်။

          ဒါပေမဲ့ ချက်ချင်းမပြေလည်ပါဘူး။ ဘာတံဆိပ်က ဘာအရသာမှန်းမသိ။ အိမ်နီးနားချင်းနိုင်ငံက အရသာ-Flavor နဲ့ အရောင်-Coloring တို့က စုံပါဘိ။ နောက်ဆုံးမှတော့ မြန်မာနိုင်ငံမှာသုံးနေကြတဲ့အရသာကိုပြန်လည်ယူဆောင်လာပေးမယ့်တံဆိပ်နဲ့ ဖျော်ရမယ့်အမျိုးအစားကိုတွေ့ပါတယ် “Orange Pekoe Black Tea” ကို စဝယ်ပါတယ်။

           ဖျော်ပုံကတော့ ပူတဲ့အခါ ပြန်နှပ်လို့လွယ်မယ့်အိုးထဲကို အချိုခြောက်ထုပ် ( ၃) ဂရမ်ပါတာ (၃) ထုတ်ထည့်ပါတယ်။ ရေက (၂၄) အောင်စ နဲ့ ဟင်းရည်ပွက်လောက်တဲ့အပူချိန်မျိုးမှာ အနည်းငယ်ခမ်းအောင်တည်ပါတယ် (မီးခလုပ်ပြန်ပိတ်ဖို့မေ့လို့ကတော့တစ်ဝက်လောက်ကုန်သွားပြီသာမှတ်။ ဤကားစကားချပ်)။ 

          အခုပြောနေတာက အစကနေတည်တဲ့ပုံပါ။ နို့ဆီတကယ်ထည့်ပြီဆိုတဲ့အခါကျတော့ ဒီလို တည်ပြီးသား၊ နှပ်ပြီးသား (၃) ကြိမ်မြှောက်လောက်ကျမှ လက်ဘက်ရည်က ကာရီဝါလားဖျော်သလို အရသာကိုရမှာပါ။

          ကဲ . . ဖျော်နေပြီဆိုပါစို့ . .။ သကြားအစားထိုးထည့်သုံးတဲ့ Saccharine (၂) ထုတ် အရင်ထည့်မွှေပါတယ်။ ဇွန်းနဲ့အနည်းငယ်မွှေပြီးတဲ့နောက် နက်စလေနို့ဆီဆိုရင် (၂) ဇွန်းခွဲ၊ ကျဲတဲ့နို့ဆီဆိုရင် (၃) ဇွန်းထည့်ပြီး ပြန်မွှေပါတယ််။

           နောက်ကျတော့ လက်ဘက်ရည်အရောင်ထွက်ပြီးသားအိုးကို မီးဖိုပေါ်ကမချပဲ မလိုင်တက်အောင် (၄) မိနစ်ခန့် ဆက်တည်ပါတယ်။ ဒါပေမဲ့ မြန်မာနိုင်ငံလမ်းဘေးကလက်ဘက်ရည်ဆိုင်နဲ့အရသာတူဖို့တစ်ခုလိုသေးတယ်။ အဲဒါက “ဆားအနည်းငယ်” ထည့်။ အဲဒါက အသက်။

          ဆားကို နည်းနည်းလေးမှ တကယ့်ကိုနည်းနည်းလေးပဲခတ်ပေးရတာပါ။ ဘယ်လောက်နည်းသလဲဆိုတော့ အိမ်တွေမှာဟင်းရည်သောက်တဲ့အခါ ငြုပ်ကောင်းခတ်သလောက်သာထည့်ပေးပါ။ များသွားရင် လုပ်ကြံလက်ဘက်ရည်မှန်းလူတွေသိသွားကြလိမ့်မယ်😊။

           နောက်ဆုံးကျမှ မီးကိုပိတ်ပြီဆိုတဲ့အခါကျမှ နို့စိမ်း (၄) ဇွန်းထည့်ပြီးထပ်ပေးနှပ်ပြီးမှသောက်ရင် အကောင်းဆုံးမြန်မာနိုင်ငံအရသာကိုသောက်သုံးနိုင်ပါပြီ။

          တစ်ခုထပ်မှာဖို့လိုတာက မီးဖိုမပိတ်ခင် အိုးထဲကနေကျီစယ်နေတဲ့လက်ဘက်ရည်ကို အပူချိန်မကျခင် ဇွန်းနဲ့မွှေပေးလိုက်ပါဦး။ 

          နို့မို့ဆိုရင် ကိုယ်တကယ်သောက်မယ့်အချိန်ကျတော့ မလိုင်ညိုညိုက အဖတ်လိုက်ကြီးနဲ့ ဖိတ်ကျသွားရင် သိပ်နှမြောစရာကောင်းတာ။ အော် . . စျေးပြောဖို့မေ့နေတယ်။ (၂၁၆) ထုတ်ပါတဲ့ တစ်ပါကင်ကို (၉) ဒေါ်လာပေးရပါတယ်။ 

          ဘာအရသာဝယ်ရမှန်းမသိရင် Black Tea လို့ရေးထားတဲ့အထုတ်ကိုသာရွေးဝယ်ပါ။ အထဲမှာ (၃၆) ထုတ်ပါတာ လချေးထုတ် (၆) ထုပ်ထပ်ခွဲထားတော့ တစ်ထုတ်လိုရင်တစ်ထုတ် မလတ်ဆတ်မှာမပူရတော့ဘူးပေါ့။ 

          ပွဲလမ်းသဘင်တွေကျတော့ အထဲမှာ ဘာမှမခွဲထားတဲ့ အလွတ်ထုတ်-Loose Bag (၁) ပေါင်ထုတ်တွေဝယ်ဖျော်ကြတယ်။ အိမ်သူအိမ်သားတွေသောက်ဖို့ဆိုရင်တော့  အထုတ်ပြန်ခွဲထုတ်ထားတဲ့အထုတ်သေးလေးတွေပါဖို့လည်းလိုတာပေါ့။ ဒါမှာ ရေစစ်နဲ့ပြန်စစ်စရာမလိုတော့မှာ။

          မြန်မာနိုင်ငံကိုလွမ်းရတဲ့အထဲမှာ လမ်းဘေးပလက်ဖောင်းလက်ဘက်ရည်ကိုလွမ်းရတဲ့အလွမ်းဟာ အလွမ်းမပြေဆုံးပဲ . . တကဒဲ . .။

မှတ်ချက်။။။။။။။။။။အမိမြေနဲ့ဝေးသူတွေအတွက် လုပ်ပုံလုပ်နည်းအသေးစိတ်ကို တစ်ပုံချင်းစီမှာဖြည့်ရေးပေးထားပါတယ်။ မြန်မာနိုင်ငံကလူတွေကျော်သွားကြစေသောဝ် . .။

လွမ်းလျက်
ကိုညီညီ (တောင်ကြီး)

06-29-2019