သူ႕ေနရာနဲ႕သူ႕ေစ်းနဲ႕

ေဆာင္းပါးရွင္ - ကိုညီညီ ( ေတာင္ၾကီး ) 

. 

ဒီဘက္ႏုိင္ငံကိုေရာက္စတုန္းက မျဖစ္မေနလုပ္မိတဲ႕အလုပ္ ( ၂ ) ခု ရွိပါတယ္။ အဲဒါေတြကေတာ႕ အိမ္ရွင္ေတြဘယ္သြားသြား ကားနဲ႕တစ္ေကာက္ေကာက္လုိက္တာ နဲ႕ စတိုးဆိုင္ေတြကိုလုိက္ေငးတာပါပဲ။ အပိုဆုအေနနဲ႕ ကုန္ပစၥည္းတစ္ခုေကာက္ကိုင္လိုက္ရင္ “ ဟင္း .. ေစ်းၾကီးလိုက္တာ .. ဒါမ်ိဳး ရန္ကုန္မွာဆိုရင္ ဘယ္ေလာက္ပဲ ” ဆိုတာက အက်င္႕ပါေနခဲ႕တယ္။ ဘာပဲျဖစ္ျဖစ္ ေနရာသစ္၊ နယ္ေျမသစ္၊ ကားလမ္းနဲ႕ကားေတြကအသစ္ နဲ႕ ေနာက္ဆံုး ေစ်းဆုိင္မွာ ကုန္ပစၥည္းဝယ္တာကအစ အားလံုးအသစ္ျဖစ္ေနပါတယ္။ ဒါကို အကြ်မ္းတဝင္ျဖစ္ဖို႕ လိုက္လံေလ႕လာရမယ္ မဟုတ္ပါလား? 

. 

. 

ေက်းဇူးရွိတဲ႕အစ္မေခၚသြားတဲ႕ မီးဖိုေခ်ာင္သံုးပစၥည္းေတြဝယ္တဲ႕အခါ ေပ်ာ္ရပါတယ္။ ဒါေပမယ္႕ စိတ္လည္းညစ္ရတယ္။ ျမန္မာႏုိင္ငံကေန ကိုယ္႕မရွိမဲ႕ရွိမဲ႕ က်ပ္ေငြကို ေဒၚလာေစ်း ( ၁၃ဝဝ ) နဲ႕ လဲခဲ႕ရသူဆိုေတာ႕  အစ္မဘာဝယ္ဝယ္ေစ်းၾကီးတယ္လို႕ပဲ ထင္ေနမိတယ္။ စဥ္းစားၾကည္႕ေတာ႕လည္း ေစ်းတစ္ခါဝယ္ ေဒၚလာ ( ၃ဝ ) ဆိုတာ နည္းမွမနည္းပဲ။ ျမန္မာေငြ ( ၄ဝဝဝဝ ) ရွိတယ္ေလ။ ျပီးေတာ႕ တစ္ခါေစ်းသံုးသြားရင္ အနည္းဆံုးကြ်တ္ကြ်တ္အိတ္ ( ၆ ) ဆြဲစာေလာက္ရွိတယ္။ အိမ္ျပန္ေရာက္လာရင္ ေရခဲေသတၱာထဲကို အစီအစဥ္တက်ထည္႕ရေသးတယ္။ ကြ်န္ေတာ္တို႕ျမန္မာႏုိင္ငံကလုိ မနက္တိုင္းဟင္းစားသြားဝယ္လို႕ မရဘူးလားလို႕ေမးေတာ႕ " ငါက နင္တုိ႕လို မအားဘူး " ဆုိျပီး အပိုအဆူခံရတာကို အမွတ္ရမိေသးတယ္။ 

. 

အခုဆိုရင္ ကြ်န္ေတာ္တို႕မိသားစု မၾကံဳဖူးတဲ႕အေတြ႕အၾကံဳဆိုတာ ရာခုိင္ႏႈန္းနည္းနည္းပဲက်န္လာေတာ႕တဲ႕အခါ အစ္မစကားကမွန္ေနတာကို ကုိယ္ခ်င္းစာမိတယ္။ တစ္ဆက္တည္း အသစ္ေရာက္လာသူ ေဆြမ်ိဳးအေယာက္ ( ၂ဝ ) ေက်ာ္ကို ေျမေတာင္ေျမွာက္ ေပါင္းသင္ပ်ိဳးေထာင္ေပးႏုိင္တဲ႕ အစ္မတုိ႕လင္မယားလိုသာဆို ကြ်န္ေတာ္တုိ႕ေတာ႕ တတ္ႏိုင္မွာမဟုတ္ဘူးဆိုျပီး လိုက္မေျပာျပေပမယ္႕ စိတ္ထဲက ၾကိတ္ျပီး ေက်းဇူးတင္ေနရဆဲပါ။ 

. 

. 

ဟုတ္ပါတယ္ .. တစ္ပတ္ ( ၅ ) ရက္၊ တစ္ရက္ ( ၈ ) နာရီလုပ္၊ အိမ္မႈကိစၥ၊ သားသမီးေက်ာင္းကိစၥ၊ ရံုးကိစၥ၊ ဘဏ္ကိစၥ၊ ကားကိစၥအျပင္ အိမ္သန္႕ရွင္းေရး၊ စားဖို႕၊ ေသာက္ဖို႕ အားလံုးကိုစီမံခန္႕ခြဲရတဲ႕ အေမရိကားေရာက္ျမန္မာအမ်ိဳးသမီးေတြဆုိတာ ကိုယ္တိုင္မန္ေနဂ်ာ၊ ကိုယ္တိုင္စားပြဲထုိး၊ ကိုယ္တုိင္ကားသမားဘဝ တစ္ပင္တိုင္တစ္ကိုယ္ေတာ္ကရတဲ႕ဇာတ္ပြဲတစ္ခုလိုပါပဲ။ ဒါေၾကာင္႕ ရံုးပိတ္တဲ႕ စေန၊ တနဂၤေႏြက်ရင္ တစ္ပတ္စာ ဟင္းစားဝယ္တာ အဟုတ္သ႑န္ထဲက သရုပ္မွန္ပါပဲဗ်ာ..။ 

. 

တစ္ခ်ိဳ႕ဟာေတြက ဝယ္ရတာပိုဆိုးတယ္။ ႏြားႏို႕ေလးတစ္ပံုးဝယ္ဖို႕ ေမာင္းလိုက္ရတဲ႕ကား၊ ရွာလိုက္ရတဲ႕ပါကင္၊ ေငြရွင္းဖို႕ေစာင္႕လုိက္ရတဲ႕လူတန္းရွည္ တို႕နဲ႕တင္မကေသးဘူး .. ကိုယ္အျပင္ထြက္ေစ်းဝယ္ရင္ အိမ္ကမိသားစုက ကားထဲမွာေစာင္႕ရင္းတန္းလန္းနဲ႕ တစ္ခုခုဆုိ အၾကာၾကီးကုန္လိုက္တဲ႕အခ်ိန္ေတြဆိုတာ ..။ 

. 

. 

ဒါေၾကာင္႕ ကြ်န္ေတာ္တုိ႕လည္း သူ႕ရက္နဲ႕သူ႕ကိစၥ - Task ေတြကို ခြဲျခားသတ္မွတ္ထားရတယ္။ စေနေန႕အဝတ္ေလွ်ာ္၊ ေစ်းသံုး ဒါအျပတ္ပဲ။ တနဂၤေႏြေန႕ နားမလား၊ စားမလား၊ လည္လည္သြားမလား တစ္ခုခု လုပ္ခ်င္ရင္ လုပ္လို႕ရေသးတယ္။ ဒီအေျခအေနေတြဟာ အေမရိကားရဲ႕ ရံုးလုပ္ငန္းစဥ္ - 9 to 5 Job ၊ ရံုးဖြင္႕ရက္ - Weekdays နဲ႕ ရံုးပိတ္ရက္ - Weekends တုိ႕က လူ႕ဘဝရဲ႕တစ္ပတ္စာလုပ္ေဆာင္ရန္ Chore ေတြကို ဘယ္လိုကုိင္တြယ္ရမယ္ဆိုတာကို သင္ေပးလိုက္တာလို႕ နားလည္မိပါေတာ႕တယ္။ အခု ဒီေအာက္မွာေတာ႕ ဒီသီတင္းပတ္ ကြ်န္ေတာ္တုိ႕ေစ်းသံုးတဲ႕ခ်က္ျပဳတ္စရာပစၥည္းမ်ား နဲ႕ ေစ်းႏႈန္းေတြကို ေျပာျပေပးသြားမွာပါ။ 

. 

. 

----- အမ်ိဳးအမည္ ----  ေစ်းႏႈန္း  ---- အေရအတြက္ ---- က်သင္႕ေငြ 

. 

1.. ၾကက္ေပါင္ ----  $0.75  ---- 2.49 Lbs ---- $1.87 

. 

2.. ဝက္သားအဆီပါ ---- $1.42 ---- 3.95 Lbs ---- $5.61 

. 

3.. ဝက္အူေခ်ာင္း ---- $4.74 ---- 1 Bag ---- $4.74 

. 

4.. ထိုဟူးျဖဴ  ---- $1.32 ---- 1 Pack ---- $1.32 

. 

5.. ေဂၚဖီထုပ္ ---- $0.66 ---- 1.1 Lbs ---- $0.76 

. 

6.. အုန္းႏုိ႕ဗူး ---- $1.13 ---- 1 Can ---- $1.13 

. 

7.. ထန္းလ်က္ခဲ ---- $1.51 ---- 1 Bag ---- $1.51 

. 

8.. အီၾကာေကြး ---- $2.84 ---- 1 Bag ---- $2.84 

. 

9.. မိႈေပါက္စ ---- $1.32 ---- 1 Bag ---- $1.32 

. 

10.. နံနံပင္ ---- 3 for 1 Dollar ---- 3 စည္း ---- $0.96 

. 

11.. ၾကက္သြန္နီအလံုးၾကီး ( အဝါေရာင္ ) ---- 2 Lbs 1 Dollar ---- 2.53 Lbs ---- $1.21 

. 

12.. မုံလာဥျဖဴ  ---- $1.23 ---- 0.77 Lb ---- $0.95 

. 

13.. ဆလပ္ရြက္ကြ်တ္ ---- $0.66 ---- 1 Bag ---- $0.66 

. 

14.. မုံညွင္းစိမ္း ---- $0.94 ---- 0.96 Lb ---- $0.86 

. 

15.. ငံုးဥစည္သြပ္ဗူး ---- $2.08 ---- 1 Can ---- $2.08 

. 

16.. ပန္းေဂၚဖီ ---- $1.23 ---- 1 Bag --- $1.23 

. 

17.. ေဟာ႕ေပါ႕ထဲထည္႕စားတဲ႕အရြက္ ---- $0.85 ---- 0.86 Lb ---- $0.73 

. 

18.. ခရမ္းခ်ဥ္သီး ---- $0.94 ---- 1.97 Lbs ---- $1.85 

. 

19.. ကီဝီသီး ---- $0.24 ---- 4 Counts ---- $0.96 

. 

20.. ဖူဂ်ီပန္းသီး ---- $0.94 ---- 2.68 Lbs ---- $2.52 

. 

21.. ၾကက္သြန္ျမိတ္ ---- 3 for 1 Dollar ---- 3 စည္း ---- $0.96 

. 

22.. အင္ဒုိနီးရွားဆီက်က္ေခါက္ဆြဲေျခာက္ ---- $0.37 ---- 3 Bags ---- $0.37 

. 

23.. သံပုရာသီး ---- $0.16 ---- 6 Count ---- $0.16 

. 

24.. ေရွာက္သီး ---- $0.24 ---- 4.6 Lbs ---- $1.10 

. 

25.. မုံ႕ဟင္းခါးဖတ္ ---- $0.85 ---- 2 Bags ---- $1.70 

. 

26.. မံု႕တီဖတ္ ---- $0.85 ---- 2 Bags ---- $1.70 

. 

27.. ေဂၚဖီစိမ္း ---- $0.66 ---- 1 Lb ---- $0.66  

. 

စုစုေပါင္းေဗာက္ခ်ာတန္ဖိုး ---- $44.92 ကုန္က်ပါတယ္။ အမွန္က $47.17 ကုန္မွာပါ။ ဒီတရုတ္ဆုိင္က စေန၊ တနဂၤေႏြဆို ေဗာက္ခ်ာတန္ဖိုးရဲ႕ ( ၅ % ) ေလွ်ာ႕ေပးထားတာေၾကာင္႕ ဒီေလာက္ပဲ ကုန္တာ ျဖစ္ပါတယ္။

. 

. 

အေပၚကစာရင္းကို ျမန္မာေငြေစ်း ( ၁၂၂ဝ ) နဲ႕ ေျမွာက္ၾကည္႕ရင္ ( ၅၄၈ဝဝ ) က်ပ္ ကုန္က်တဲ႕သေဘာရွိပါတယ္။ အခုေလာက္ကုန္က်ေအာင္လည္း ကြ်န္ေတာ္တို႕ဇနီးေမာင္ႏွံ ဝယ္ေနက်မဟုတ္ပါဘူး။ ဒီအပတ္မွသာ နည္းနည္းမ်ားသြားတာပါ။ ပံုမွန္ဆိုရင္ ကြ်န္ေတာ္တုိ႕အိမ္အတြက္  တစ္ပတ္ကုိ ( ၂၈ ) ေဒၚလာေလာက္သံုးရင္ကို ဟင္းစားဖိုးေလာက္တဲ႕အေနအထားမ်ိဳးပါ။ ဒါေၾကာင္႕ ဆန္ဖိုး၊ ဆီဖိုးပါထည္႕တြက္ရင္ တစ္လကို ( ေနတဲ႕ျပည္နယ္ေပၚလိုက္ျပီးေစ်းကြာႏုိင္ပါတယ္ ) ေဒၚလာ ( ၁၈ဝ ) ဆိုရင္ လူဦးေရ ( ၅ ) ေယာက္ အိမ္ေထာင္စု စားပါေလ႕ ..။ တစ္ကယ္ကုန္တာက သားေရစာဝယ္မွပါ။ 

. 

ေဗာက္ခ်ာနံပါတ္ 22.. နဲ႕ 23..  မွာ စာရင္းမွားေနတာ သတိထားမိပါသလား? အမွန္က ဆီက်က္ေခါက္ဆြဲက ( ၃ ) ထုတ္ယူလာတာကို ( ၁ ) ထုတ္ပဲတြက္ယူထားပါတယ္။ သံပုရာသီး ( ၆ ) လံုးကို စာေရးမက ( ၁ ) လံုးနဲ႕တြက္ထားတယ္။ ေနာက္တစ္ေခါက္သြားမွ ေငြျပန္ေပးရဦးမယ္။ သူတုိ႕ကေတာ႕ သိမွာမဟုတ္ပါဘူး။  

. 

. 

တစ္ခါတစ္ခါမွာ ကြ်န္ေတာ္တုိ႕သာတာရွိတယ္ .. နာတဲ႕အခါလည္းရွိတယ္။ ကြ်န္ေတာ္ကေတာ႕ အတိအက်ပဲ ျပန္တြက္ယူခုိင္းပါတယ္။ လုိရင္လည္း မေကာင္း၊ ပိုယူထားရင္လည္း ကိုယ္႕ဘက္ကမေကာင္းေတာ႕ သတိထားပါတယ္။ ဒါေပမယ္႕ ေန႕စဥ္ေဗာက္ခ်ာေတြကို ဘယ္သူေတြက အျမဲတမ္းစစ္ႏုိင္ပါ႕မလဲ?  

. 

ဒါေၾကာင္႕ ေစ်းစဝယ္တုန္းက ေက်းဇူးရွိတဲ႕အစ္မက သင္ေပးတယ္။ ေဗာက္ခ်ာမွာေငြဘယ္ေလာက္က်ႏုိင္တယ္ဆိုတာကို စိတ္တြက္နဲ႕ခန္းမွန္းေျခတြက္ထား .. တဲ႕။ ဒါမွ သူတို႕မွားတြက္တဲ႕အခါ ကိန္းဂဏန္းကြာေနရင္ ခ်က္ခ်င္းေျဖရွင္းလို႕ရတယ္ ဆိုတာ အေသမွတ္ထားခဲ႕တယ္။ အခုလိုမ်ိဳး ျပန္စစ္ၾကည္႕တဲ႕အခါ အသံုးဝင္တာ လက္ေတြ႕ပါပဲ။ 

. 

. 

ဘာဟင္းခ်က္စားဖို႕ ဘာေတြဝယ္ရမယ္ဆိုတာ ကြ်န္ေတာ႕အမ်ိဳးသမီးက အျမဲေခါင္းကိုက္ပါတယ္။ ဒါေၾကာင္႕ အပတ္စဥ္ေစ်းသံုးသြားရမွာကုိ သူစိတ္ညစ္တာလည္း ကိုယ္ခ်င္းစာပါတယ္။ ဒါေပမယ္႕ အေမရိကားကိုလာေတာ႕မယ္႕ ျမန္မာမိသားစုေတြရဲ႕ စိုးရိမ္ေၾကာင္႕ၾကမႈကို ပုိျပီး သနားသက္ဝင္မိတယ္။ အခုအခ်ိန္မ်ိဳးမွာေတာ႕ တစ္ရက္တစ္ရက္ ဘာခ်က္စားရမယ္ဆုိတာထက္ ၾကံဳရတဲ႕အခက္အခဲ နဲ႕ မလုပ္တတ္မကိုင္တတ္ျဖစ္ရတဲ႕ကိစၥေတြကို ရင္ဆိုင္ေက်ာ္ျဖတ္ႏုိင္ၾကဖို႕ မေရာက္ဖူးေသးသူမ်ားကို ကိုယ္သိထားတာသမွ်အေတြ႕အၾကံဳေတြမွ်ေဝေပးေနတဲ႕အခ်ိန္ေလ..။ 

. 

ခင္လ်က္ 

. 

03-13-2016 

.

အရင္ေရးဖူးတဲ႕ “ ကုန္က်စားရိတ္ရယ္တဲ႕အေထြေထြ ” ေဆာင္းပါး ျပန္ဖတ္ႏုိင္ရန္ ။။။။။။။။။ http://konyinyitaunggyi.blogspot.com/2015/01/blog-post_18.html

.

.

.

Myanmar Unicode Version:

.

.

" သူ့နေရာနဲ့သူ့ဈေးနဲ့ "

ဆောင်းပါးရှင် - ကိုညီညီ ( တောင်ကြီး )

.

ဒီဘက်နိုင်ငံကိုရောက်စတုန်းက မဖြစ်မနေလုပ်မိတဲ့အလုပ် ( ၂ ) ခု ရှိပါတယ်။ အဲဒါတွေကတော့ အိမ်ရှင်တွေဘယ်သွားသွား ကားနဲ့တစ်ကောက်ကောက်လိုက်တာ နဲ့ စတိုးဆိုင်တွေကိုလိုက်ငေးတာပါပဲ။ အပိုဆုအနေနဲ့ ကုန်ပစ္စည်းတစ်ခုကောက်ကိုင်လိုက်ရင် “ ဟင်း .. ဈေးကြီးလိုက်တာ .. ဒါမျိုး ရန်ကုန်မှာဆိုရင် ဘယ်လောက်ပဲ ” ဆိုတာက အကျင့်ပါနေခဲ့တယ်။ ဘာပဲဖြစ်ဖြစ် နေရာသစ်၊ နယ်မြေသစ်၊ ကားလမ်းနဲ့ကားတွေကအသစ် နဲ့ နောက်ဆုံး ဈေးဆိုင်မှာ ကုန်ပစ္စည်းဝယ်တာကအစ အားလုံးအသစ်ဖြစ်နေပါတယ်။ ဒါကို အကျွမ်းတဝင်ဖြစ်ဖို့ လိုက်လံလေ့လာရမယ် မဟုတ်ပါလား?

.

.

ကျေးဇူးရှိတဲ့အစ်မခေါ်သွားတဲ့ မီးဖိုချောင်သုံးပစ္စည်းတွေဝယ်တဲ့အခါ ပျော်ရပါတယ်။ ဒါပေမယ့် စိတ်လည်းညစ်ရတယ်။ မြန်မာနိုင်ငံကနေ ကိုယ့်မရှိမဲ့ရှိမဲ့ ကျပ်ငွေကို ဒေါ်လာဈေး ( ၁၃ဝဝ ) နဲ့ လဲခဲ့ရသူဆိုတော့  အစ်မဘာဝယ်ဝယ်ဈေးကြီးတယ်လို့ပဲ ထင်နေမိတယ်။ စဉ်းစားကြည့်တော့လည်း ဈေးတစ်ခါဝယ် ဒေါ်လာ ( ၃ဝ ) ဆိုတာ နည်းမှမနည်းပဲ။ မြန်မာငွေ ( ၄ဝဝဝဝ ) ရှိတယ်လေ။ ပြီးတော့ တစ်ခါဈေးသုံးသွားရင် အနည်းဆုံးကျွတ်ကျွတ်အိတ် ( ၆ ) ဆွဲစာလောက်ရှိတယ်။ အိမ်ပြန်ရောက်လာရင် ရေခဲသေတ္တာထဲကို အစီအစဉ်တကျထည့်ရသေးတယ်။ ကျွန်တော်တို့မြန်မာနိုင်ငံကလို မနက်တိုင်းဟင်းစားသွားဝယ်လို့ မရဘူးလားလို့မေးတော့ " ငါက နင်တို့လို မအားဘူး " ဆိုပြီး အပိုအဆူခံရတာကို အမှတ်ရမိသေးတယ်။

.

အခုဆိုရင် ကျွန်တော်တို့မိသားစု မကြုံဖူးတဲ့အတွေ့အကြုံဆိုတာ ရာခိုင်နှုန်းနည်းနည်းပဲကျန်လာတော့တဲ့အခါ အစ်မစကားကမှန်နေတာကို ကိုယ်ချင်းစာမိတယ်။ တစ်ဆက်တည်း အသစ်ရောက်လာသူ ဆွေမျိုးအယောက် ( ၂ဝ ) ကျော်ကို မြေတောင်မြှောက် ပေါင်းသင်ပျိုးထောင်ပေးနိုင်တဲ့ အစ်မတို့လင်မယားလိုသာဆို ကျွန်တော်တို့တော့ တတ်နိုင်မှာမဟုတ်ဘူးဆိုပြီး လိုက်မပြောပြပေမယ့် စိတ်ထဲက ကြိတ်ပြီး ကျေးဇူးတင်နေရဆဲပါ။

.

.

ဟုတ်ပါတယ် .. တစ်ပတ် ( ၅ ) ရက်၊ တစ်ရက် ( ၈ ) နာရီလုပ်၊ အိမ်မှုကိစ္စ၊ သားသမီးကျောင်းကိစ္စ၊ ရုံးကိစ္စ၊ ဘဏ်ကိစ္စ၊ ကားကိစ္စအပြင် အိမ်သန့်ရှင်းရေး၊ စားဖို့၊ သောက်ဖို့ အားလုံးကိုစီမံခန့်ခွဲရတဲ့ အမေရိကားရောက်မြန်မာအမျိုးသမီးတွေဆိုတာ ကိုယ်တိုင်မန်နေဂျာ၊ ကိုယ်တိုင်စားပွဲထိုး၊ ကိုယ်တိုင်ကားသမားဘဝ တစ်ပင်တိုင်တစ်ကိုယ်တော်ကရတဲ့ဇာတ်ပွဲတစ်ခုလိုပါပဲ။ ဒါကြောင့် ရုံးပိတ်တဲ့ စနေ၊ တနင်္ဂနွေကျရင် တစ်ပတ်စာ ဟင်းစားဝယ်တာ အဟုတ်သဏ္ဍန်ထဲက သရုပ်မှန်ပါပဲဗျာ..။

.

တစ်ချို့ဟာတွေက ဝယ်ရတာပိုဆိုးတယ်။ နွားနို့လေးတစ်ပုံးဝယ်ဖို့ မောင်းလိုက်ရတဲ့ကား၊ ရှာလိုက်ရတဲ့ပါကင်၊ ငွေရှင်းဖို့စောင့်လိုက်ရတဲ့လူတန်းရှည် တို့နဲ့တင်မကသေးဘူး .. ကိုယ်အပြင်ထွက်ဈေးဝယ်ရင် အိမ်ကမိသားစုက ကားထဲမှာစောင့်ရင်းတန်းလန်းနဲ့ တစ်ခုခုဆို အကြာကြီးကုန်လိုက်တဲ့အချိန်တွေဆိုတာ ..။

.

.

ဒါကြောင့် ကျွန်တော်တို့လည်း သူ့ရက်နဲ့သူ့ကိစ္စ - Task တွေကို ခွဲခြားသတ်မှတ်ထားရတယ်။ စနေနေ့အဝတ်လျှော်၊ ဈေးသုံး ဒါအပြတ်ပဲ။ တနင်္ဂနွေနေ့ နားမလား၊ စားမလား၊ လည်လည်သွားမလား တစ်ခုခု လုပ်ချင်ရင် လုပ်လို့ရသေးတယ်။ ဒီအခြေအနေတွေဟာ အမေရိကားရဲ့ ရုံးလုပ်ငန်းစဉ် - 9 to 5 Job ၊ ရုံးဖွင့်ရက် - Weekdays နဲ့ ရုံးပိတ်ရက် - Weekends တို့က လူ့ဘဝရဲ့တစ်ပတ်စာလုပ်ဆောင်ရန် Chore တွေကို ဘယ်လိုကိုင်တွယ်ရမယ်ဆိုတာကို သင်ပေးလိုက်တာလို့ နားလည်မိပါတော့တယ်။ အခု ဒီအောက်မှာတော့ ဒီသီတင်းပတ် ကျွန်တော်တို့ဈေးသုံးတဲ့ချက်ပြုတ်စရာပစ္စည်းများ နဲ့ ဈေးနှုန်းတွေကို ပြောပြပေးသွားမှာပါ။

.

.

----- အမျိုးအမည် ----  ဈေးနှုန်း  ---- အရေအတွက် ---- ကျသင့်ငွေ

.

1.. ကြက်ပေါင် ----  $0.75  ---- 2.49 Lbs ---- $1.87

.

2.. ဝက်သားအဆီပါ ---- $1.42 ---- 3.95 Lbs ---- $5.61

.

3.. ဝက်အူချောင်း ---- $4.74 ---- 1 Bag ---- $4.74

.

4.. ထိုဟူးဖြူ  ---- $1.32 ---- 1 Pack ---- $1.32

.

5.. ဂေါ်ဖီထုပ် ---- $0.66 ---- 1.1 Lbs ---- $0.76

.

6.. အုန်းနို့ဗူး ---- $1.13 ---- 1 Can ---- $1.13

.

7.. ထန်းလျက်ခဲ ---- $1.51 ---- 1 Bag ---- $1.51

.

8.. အီကြာကွေး ---- $2.84 ---- 1 Bag ---- $2.84

.

9.. မှိုပေါက်စ ---- $1.32 ---- 1 Bag ---- $1.32

.

10.. နံနံပင် ---- 3 for 1 Dollar ---- 3 စည်း ---- $0.96

.

11.. ကြက်သွန်နီအလုံးကြီး ( အဝါရောင် ) ---- 2 Lbs 1 Dollar ---- 2.53 Lbs ---- $1.21

.

12.. မုံလာဥဖြူ  ---- $1.23 ---- 0.77 Lb ---- $0.95

.

13.. ဆလပ်ရွက်ကျွတ် ---- $0.66 ---- 1 Bag ---- $0.66

.

14.. မုံညှင်းစိမ်း ---- $0.94 ---- 0.96 Lb ---- $0.86

.

15.. ငုံးဥစည်သွပ်ဗူး ---- $2.08 ---- 1 Can ---- $2.08

.

16.. ပန်းဂေါ်ဖီ ---- $1.23 ---- 1 Bag --- $1.23

.

17.. ဟော့ပေါ့ထဲထည့်စားတဲ့အရွက် ---- $0.85 ---- 0.86 Lb ---- $0.73

.

18.. ခရမ်းချဉ်သီး ---- $0.94 ---- 1.97 Lbs ---- $1.85

.

19.. ကီဝီသီး ---- $0.24 ---- 4 Counts ---- $0.96

.

20.. ဖူဂျီပန်းသီး ---- $0.94 ---- 2.68 Lbs ---- $2.52

.

21.. ကြက်သွန်မြိတ် ---- 3 for 1 Dollar ---- 3 စည်း ---- $0.96

.

22.. အင်ဒိုနီးရှားဆီကျက်ခေါက်ဆွဲခြောက် ---- $0.37 ---- 3 Bags ---- $0.37

.

23.. သံပုရာသီး ---- $0.16 ---- 6 Count ---- $0.16

.

24.. ရှောက်သီး ---- $0.24 ---- 4.6 Lbs ---- $1.10

.

25.. မုံ့ဟင်းခါးဖတ် ---- $0.85 ---- 2 Bags ---- $1.70

.

26.. မုံ့တီဖတ် ---- $0.85 ---- 2 Bags ---- $1.70

.

27.. ဂေါ်ဖီစိမ်း ---- $0.66 ---- 1 Lb ---- $0.66 

.

စုစုပေါင်းဗောက်ချာတန်ဖိုး ---- $44.92 ကုန်ကျပါတယ်။ အမှန်က $47.17 ကုန်မှာပါ။ ဒီတရုတ်ဆိုင်က စနေ၊ တနင်္ဂနွေဆို ဗောက်ချာတန်ဖိုးရဲ့ ( ၅ % ) လျှော့ပေးထားတာကြောင့် ဒီလောက်ပဲ ကုန်တာ ဖြစ်ပါတယ်။

.

.

အပေါ်ကစာရင်းကို မြန်မာငွေဈေး ( ၁၂၂ဝ ) နဲ့ မြှောက်ကြည့်ရင် ( ၅၄၈ဝဝ ) ကျပ် ကုန်ကျတဲ့သဘောရှိပါတယ်။ အခုလောက်ကုန်ကျအောင်လည်း ကျွန်တော်တို့ဇနီးမောင်နှံ ဝယ်နေကျမဟုတ်ပါဘူး။ ဒီအပတ်မှသာ နည်းနည်းများသွားတာပါ။ ပုံမှန်ဆိုရင် ကျွန်တော်တို့အိမ်အတွက်  တစ်ပတ်ကို ( ၂၈ ) ဒေါ်လာလောက်သုံးရင်ကို ဟင်းစားဖိုးလောက်တဲ့အနေအထားမျိုးပါ။ ဒါကြောင့် ဆန်ဖိုး၊ ဆီဖိုးပါထည့်တွက်ရင် တစ်လကို ( နေတဲ့ပြည်နယ်ပေါ်လိုက်ပြီးဈေးကွာနိုင်ပါတယ် ) ဒေါ်လာ ( ၁၈ဝ ) ဆိုရင် လူဦးရေ ( ၅ ) ယောက် အိမ်ထောင်စု စားပါလေ့ ..။ တစ်ကယ်ကုန်တာက သားရေစာဝယ်မှပါ။

.

ဗောက်ချာနံပါတ် 22.. နဲ့ 23..  မှာ စာရင်းမှားနေတာ သတိထားမိပါသလား? အမှန်က ဆီကျက်ခေါက်ဆွဲက ( ၃ ) ထုတ်ယူလာတာကို ( ၁ ) ထုတ်ပဲတွက်ယူထားပါတယ်။ သံပုရာသီး ( ၆ ) လုံးကို စာရေးမက ( ၁ ) လုံးနဲ့တွက်ထားတယ်။ နောက်တစ်ခေါက်သွားမှ ငွေပြန်ပေးရဦးမယ်။ သူတို့ကတော့ သိမှာမဟုတ်ပါဘူး။ 

.

.

တစ်ခါတစ်ခါမှာ ကျွန်တော်တို့သာတာရှိတယ် .. နာတဲ့အခါလည်းရှိတယ်။ ကျွန်တော်ကတော့ အတိအကျပဲ ပြန်တွက်ယူခိုင်းပါတယ်။ လိုရင်လည်း မကောင်း၊ ပိုယူထားရင်လည်း ကိုယ့်ဘက်ကမကောင်းတော့ သတိထားပါတယ်။ ဒါပေမယ့် နေ့စဉ်ဗောက်ချာတွေကို ဘယ်သူတွေက အမြဲတမ်းစစ်နိုင်ပါ့မလဲ? 

.

ဒါကြောင့် ဈေးစဝယ်တုန်းက ကျေးဇူးရှိတဲ့အစ်မက သင်ပေးတယ်။ ဗောက်ချာမှာငွေဘယ်လောက်ကျနိုင်တယ်ဆိုတာကို စိတ်တွက်နဲ့ခန်းမှန်းခြေတွက်ထား .. တဲ့။ ဒါမှ သူတို့မှားတွက်တဲ့အခါ ကိန်းဂဏန်းကွာနေရင် ချက်ချင်းဖြေရှင်းလို့ရတယ် ဆိုတာ အသေမှတ်ထားခဲ့တယ်။ အခုလိုမျိုး ပြန်စစ်ကြည့်တဲ့အခါ အသုံးဝင်တာ လက်တွေ့ပါပဲ။

.

.

ဘာဟင်းချက်စားဖို့ ဘာတွေဝယ်ရမယ်ဆိုတာ ကျွန်တော့အမျိုးသမီးက အမြဲခေါင်းကိုက်ပါတယ်။ ဒါကြောင့် အပတ်စဉ်ဈေးသုံးသွားရမှာကို သူစိတ်ညစ်တာလည်း ကိုယ်ချင်းစာပါတယ်။ ဒါပေမယ့် အမေရိကားကိုလာတော့မယ့် မြန်မာမိသားစုတွေရဲ့ စိုးရိမ်ကြောင့်ကြမှုကို ပိုပြီး သနားသက်ဝင်မိတယ်။ အခုအချိန်မျိုးမှာတော့ တစ်ရက်တစ်ရက် ဘာချက်စားရမယ်ဆိုတာထက် ကြုံရတဲ့အခက်အခဲ နဲ့ မလုပ်တတ်မကိုင်တတ်ဖြစ်ရတဲ့ကိစ္စတွေကို ရင်ဆိုင်ကျော်ဖြတ်နိုင်ကြဖို့ မရောက်ဖူးသေးသူများကို ကိုယ်သိထားတာသမျှအတွေ့အကြုံတွေမျှဝေပေးနေတဲ့အချိန်လေ..။

.

ခင်လျက်

.

03-13-2016

.

အရင်ရေးဖူးတဲ့ “ ကုန်ကျစားရိတ်ရယ်တဲ့အထွေထွေ ” ဆောင်းပါး ပြန်ဖတ်နိုင်ရန် ။။။။။။။။။ http://konyinyitaunggyi.blogspot.com/2015/01/blog-post_18.html