အဆုံးအဖြတ်တစ်ခုရဲ့လားရာ ( တိုးနီ ဧကာဒသမပိုင်း ) ၁၁။

ဆောင်းပါးရှင် - ကိုညီညီ ( တောင်ကြီး )

.

.

မြန်မာရှေ့နေနဲ့တွေ့တဲ့အချိန် သူတောင်းသမျှအချက်အလက်တွေကို ကျွန်တော်ပေးလိုက်တယ်။ လိုတာရှိရင် သူပြန်လာလိမ့်မယ်။ ပိုတာဆိုရင်လည်း အမှုတွဲထဲ သူထည့်ရေးမှာမဟုတ်ဘူး။ ဒါဟာ သူ့လိုင်း .. သူကောင်းကောင်းကျွမ်းတာ စကားပြောတာနဲ့တင် ကျွန်တော်သိတယ်။ ကိုအယ်လ်ခမ်းကို ပြောပြတော့ သိပ်စိတ်မပူုဖို့ ထပ်အားပေးရှာပါတယ်။ ကိုအယ်လ်ခမ်း ကျွန်တော့ကို ထပ်ကူညီတာ ရှိသေးတယ်။

.

.

ကျွန်တော့ကို Resume ရေးပေးတယ်။ အလုပ်အတွက် ထောက်ခံပေးတယ်။ ခင်တဲ့မင်တဲ့သူတွေကို ပြောပေးတယ်။ နောက်ဆုံးတော့ ကျွန်တော် မီးဖိုချောင်မှာ အလုပ်ရတယ်။ မြန်မာနိုင်ငံတုန်းက ကြားခဲ့သလို တစ်နာရီ ( ၈ ) ဒေါ်လာမဟုတ်ဘူးနော်၊ လုပ်ခ က တစ်ရက်ကို ( ၃ ) ဒေါ်လာထဲ ရတာ။ ဘယ်တူပါ့မလဲ ဒီနေရာက ဒုက္ခသည်ထိန်းသိမ်းရေစခန်းဆိုတော့ သူ့အိုးနဲ့သူ့ဆန် တန်ရာပေါ့။

.

အလုပ်အကြောင်း နည်းနည်း ရှင်းပြပါဦးမယ်။ အဝတ်လျှော် - Laundry မှာ လုပ်လို့ရတယ်။ သက်သာပေမယ့် ဘာစားစရာမှ မရှိဘူး။ မီးဖိုချောင်မှာလုပ်ရင် ပိုပင်ပန်းပေမယ့် အစားချောင်တယ်။ ကိုယ်ကြိုက်တာ ကိုယ်ချက်ပြီး အရင် ကစ်ထားလို့ရတယ်။ Kitchen မှာ လှည်းနဲ့ ထမင်းလိုက်ပို့တယ်ဆိုတာမျိုးလည်း ရှိသေးတယ်။ ကျွန်တော်က ကွဲနေတဲ့ သူငယ်ချင်း ( ၄ ) ယောက်နဲ့ ဗမာတွေကို ရှာချင်တာဆိုတော့ ကိုအယ်လ်ခမ်း ရဲ့ လမ်းညွှန်ချက်အတိုင်း ထမင်းလိုက်ပို့တဲ့အလုပ်ကို ရွေးလိုက်တယ်။

.

တွန်းလှည်းလေးတစ်ခု နဲ့ ကျွန်တော် မောင်တိုးနီ ဟာ ထမင်းပတ်ပို့ရင်း ဗမာပျောက်ရှာပုံတော်ဖွင့်ပါတယ်။ ရသမျှအချိန်လေးမှာ လိုက်စုံစမ်းတယ်။ အခန်း ( C ) ထဲမှာ မြန်မာ ( ၃ ) ယောက်ကို တွေ့တယ်။ အကြောင်းဆက်စပ်ကြည့်လိုက်တော့ အဲဒီထဲက ( ၂ ) ယောက်က ကိုစေတန်လွှတ်လိုက်တာ ဖြစ်နေတယ်။ ထဲထဲဝင်ဝင်မေးကြည့်တဲ့အခါ ဈေးနှုန်းကအတူတူ ဒေါ်လာ ( ၁၅ဝဝဝ ) ပဲ။ လာတဲ့လမ်းကြောင်းလည်း အတူတူပဲ။ မတူတာတစ်ခုက ဒီ ( ၂ ) ယောက်ကိုပို့တာမှာ ကိုစေတန် မပါလာဘူး။ သူတို့က ပြီးခဲ့တဲ့ ( ၂ ) ပတ်လောက်က ရောက်ပေမယ့် ကျွန်တော့ထက် ( ၂ ) လ လောက် နောက်ကျပါတယ်။ ကျွန်တော်ရောက်ခါစကလိုပဲ မလည်မဝယ်နဲ့ အားငယ်နေတာကို ကျွန်တော် ကိုယ်ချင်းစာမိပါတယ်။

.

.

ကံကြမ္မာရဲ့ ဆန်းကျယ်ပုံကို ပြောကိုး မပြောချင်တော့ပါဘူး။ ဒီစခန်းထဲမှာ “ အခန်းရွှေ့တယ် ” ဆိုတာ ရှိတယ်။ လူ ( ၁ဝဝ ) ရှိတဲ့အခန်းမှာ ( ၈ဝ ) ကို ချန်ထားပြီး ကျန် ( ၂ဝ ) ကို အလှည့်ကျရာ တစ်ခြားအခန်းတွေဆီ ရွှေ့ပြောင်းတာကို ဆိုလိုတာပါ။ တစ်ချို့လည်းပြောင်းရတယ်၊ တစ်ချို့လည်း ကျန်ခဲ့တယ်။ ဒါမျိုးကို ( ၂ ) လ တစ်ကြိမ်လောက်လုပ်တာ ပထမအစပိုင်းတော့ ပြောင်းတဲ့အထဲမှာ ကျွန်တော်မပါသေးဘူး။ မြန်မာနိုင်ငံမှာပဲ ကံစမ်းမဲရှိတာမှတ်တာ ဒုက္ခသည်စခန်းမှာလည်း ကံစမ်းမဲ ရှိတာပါကလား ..။

.

နေရာအသစ်မှာနေသားကျလာတာနဲ့အမျှ အစိမ်းသက်သက်ပတ်ဝန်းကျင်ကို အကျွမ်းဝင်လက်ခံနိုင်လာတဲ့ ကျွန်တော်ဟာ ဒါကို စိတ်ညစ်စရာလို့ မတွေးတော့ပါဘူး။ ဒါ ကံပဲလေ။ ကံစီမံရာအတိုင်းပေါ့။ ဖဲဝေတာတောင် ကိုယ်လိုချင်တာ ကျဖူးလို့လား။ ကုလားဗန်ထိုးတဲ့အခါ ကျချင်ရာ ကျမှာပဲလေ။ ဒါပေမယ့် ဒီလိုအပြုသဘောဆောင်တဲ့စိတ်ဓါတ်က ချက်ချင်းအကျိုးပေးပါတယ်။ ရေစက်ကြောင့် ကြုံရ ဆုံရ ခင်မင်ခွင့်ရတယ်။ အတွေ့အကြုံရှိသူက နောက်လူသစ်တွေကို ပြန်လည်မျှဝေတယ် .. ဖေးမတယ်။ အလုပ်လုပ်တော့လည်း ပိုက်ဆံ ( အနည်းငယ် ) ရတယ်။ အခုပဲကြည့်လေ ရေစက်အကျိုးပေးလို့ ဒီလို လှည့်လည်ရင်း ကျွန်တော့်သူငယ်ချင်းတစ်ချို့နဲ့ အလှည့်ကျ ပြန်ဆုံခွင့်ရပြန်တယ်။ ကျွန်တော် ပျော်လိုက်တာ ..။

.

.

ရှေ့နေရဲ့စီစဉ်ပေးမှုအရ တရားသူကြီးနဲ့တွေ့ဖို့ ရုံးချိန်းစာရောက်လာတယ်။ ကြိုတင်မှာထားချက်အရ ဒီရုံးချိန်း တစ်ကြိမ်ထဲနဲ့ ကိစ္စမပြတ်နိုင်ဘူးဆိုတာ သိထားလို့ စိတ်ကြိုလျှော့ထားနိုင်ခဲ့ပါတယ်။ တွေ့တဲ့အချိန်မှာ လိုတာတောင်းမယ်။ နာမည်၊ မွေးနေ့သက္ကရာဇ်မှန် မမှန်၊ လူမှန် မမှန်စစ်ဆေးမယ်၊ အကြမ်းဖျင်း ပြောရရင် နှုတ်ဆက်ရုံသာသာပဲလို့ သိထားတယ်။ တစ်ကယ်ကြုံရတဲ့အချိန်မှာ တရားသူကြီးဟာ စိတ်နေသဘောထားကောင်းပြီး လူသားတစ်ယောက်လို ကောင်းကောင်းမွန်မွန်ဆက်ဆံတာကို ကြုံရတယ်။

.

လူဖြူတရားသူကြီး ဂျက်ဖရီ - Jeffery ဆိုသူက စကားစတဲ့အခါ “ မင်းရဲ့ Story ကို ငါဖတ်ကြည့်တဲ့အခါ အရမ်းဝမ်းနည်းဖို့ကောင်းတယ်။ ငါက အခုလောလောဆယ် နိဒါန်းပျိုးရုံသာ မေးထားမှာ နောက်တစ်ချိန်းကျရင် အသေးစိတ် သိချင်တယ်။ ဒီအမှုကို ငါစိတ်ဝင်စားတယ်။ ငါ့ကို ဖြစ်ကြောင်းရယ်ကုန်စင် ပြောပြလို့ရတယ်မလား? ” လို့ ချိုသာစွာ ပြောပါတယ်။ ပြီးတော့ ကျွန်တော့ အမှုကို နောက်ထပ်ရုံးချိန်း ( ၂ ) လ ထပ်ချိန်းလိုက်တယ်။ ကြာလှချည်လားလို့တောင် မညည်းရဲဘူး .. အထဲမှာက လူတွေက သောင်းချီ ရှိတယ် .. အများကြီးမှ တစ်ကယ့်ကို အများကြီး။ တရားခွင်အခန်းက ( ၇ ) ခန်းပဲရှိတယ်။ ဒါတောင် တရားသူကြီးတွေ နေ့တိုင်းအမှုစစ်တာတောင် လိပ်ပတ်မလည်ဘူးလေ။

.

.

တရားခွင်အခန်းဆိုလို့ လူစုံတက်စုံလို့တော့ မထင်ပါနဲ့။ အခန်းထဲမှာ တရားရင်ဆိုင်သူ နဲ့ အစောင့် ( ၁ ) ယောက်ပဲ ရှိတယ်။ အဲဒီအစောင့်ပါ အပြင်မှာနေရင် အားလုံးကိုမှ တစ်ယောက်တည်း။ ရှုပ်မသွားနဲ့ဦးနော် ..။ အဝေးကနေ အမှုစစ်လို့ရအောင် သုံးဦးဆက်စပ်စကားပြောနိုင်တဲ့ 3 Ways Conference Call နဲ့ အစစ်ခံရတာ။

.

ဘယ်လိုပုံစံလဲဆိုတော့ .. အခန်းထဲမှာ တရားခံဆိုပါတော့ .. သူထိုင်မယ့် ထိုင်ခုံတစ်လုံးပဲ ရှိတယ်။ နံရံပေါ်မှာ TV ကြီး ( ၂ ) လုံးကို ဘယ် နဲ့ ညာ ချိတ်ထားတယ်။ တစ်ယောက်က ရှေ့နေ၊ တစ်ယောက်က တရားသူကြီး .. ဒါပဲ။ ကျွန်တော်က သူတို့ ( ၂ ) ယောက်ကို မြင်ရသလို တစ်ချိန်တည်းမှာ သူတို့ကလည်း ကျွန်တော့ကို မြင်နေရတယ်။ မြန်မာစကားပြန်လည်း တောင်းလို့ရတယ်။ အိုးမကွာ အိမ်မကွာ အမှုစစ်လို့ရတယ်ဆိုတာ ဒါမျိုးနေမှာ။

.

.

ဒီနေရာမှာ ဦးအောင် ဆိုတဲ့ အသက် ( ၄ဝ ) ခန့် ဦးလေးတစ်ယောက်အကြောင်း ကြားဖြတ်မပြောလို့ မဖြစ်ပြန်ဘူး။ ဒီစခန်းထဲကို သူရောက်နေတာ ( ၉ ) လခွဲလောက် ရှိပြီ။ ကျွန်တော် အခန်းပြောင်းတာ ပါသွားရင်း ကျွန်တော့ သူငယ်ချင်းဟောင်း ( ၂ ) ယောက်နဲ့ အဖွဲ့ကျနေသူတစ်ယောက်ပါ။ သူက နေုာက်တစ်ရက်မှာ ရုံးချိန်းရှိတယ်။ ဒီတစ်ချိန်းက သူ့ဘဝအလှည့်အပြောင်းကို ဖန်တည်းပေးမယ့် အရေးကြီးတဲ့ ဆုံးဖြတ်ချက်တစ်ခုကို ကြားနာရမှာဆိုတော့ ရင်ခုန်နေတယ်။

.

ရုံးချိန်းကနေ ပြန်လာတဲ့ ဦးအောင် မျက်နှာမှာ အပြုံးပန်းတွေ ဝေနေလိုက်တာ ..။ သူ လွတ်လပ်ပြီ။ သူ့ထက်ပိုပျော်နေရတာ ကျွန်တော်တို့ပါ။ သူက ကျွန်တော်တို့အားလုံးကို မှာစရာရှိတာ မှာတယ် .. ပုံစံက အေးအေဆေးဆေးပဲ။ ဘာ Case နဲ့ အောင်သွားတာလဲတော့ ပြောမပြသွားဘူး။ မြန်မာနိုင်ငံအစိုးရနဲ့ ပတ်သက်တာတော့ ပြောပြတယ်။ ဒီကိုရောက်နေတဲ့ လက်ရှိမြန်မာအုပ်စုထဲမှာ ဦးအောင်က ပထမဦးဆုံး အောင်နိုင်သူကြီး ပါ။

.

.

အမှုနိုင်တဲ့သူဟာ စခန်းထဲမှာ နေချင်သလို အကြာကြီးနေလို့မရတော့ပြန်ဘူး။ ( ၁ ) ပတ်အတွင်း အပြင်ကို ထွက်ခိုင်းတယ်။ တစ်ချို့ဆို မနက်အောင်ရင် ညနေ တန်းထွက်ရတယ်။ ဦအောင်က ( ၂ ) ရက်ပဲ နေတယ်။ ဒါတောင် လမ်းစရိတ် ပိုက်ဆံမရှိလို့ သူ့သူငယ်ချင်းနားကနေ မှာတာ ချက်လက်မှတ်ကို စောင့်ဖို့လေ။ ငွေကဘယ်လောက်များလဲလို့ .. အထင်သေးလို့ပြောတာမဟုတ်ပါဘူး .. ဒေါ်လာ ( ၂ဝဝ ) တင်။ မြန်မာငွေနဲ့တွက်မယ်ဆိုရင် ( ၂ဝဝ၈ ) ခုနှစ်လောက်တုန်းကဆိုတော့ ငွေ ( ၂ ) သိန်းမပြည့်ပါဘူး။ ဒီလောက်ငွေကိုတောင် အနိုင်နိုင်ချေးငှားရတဲ့ အမေရိကားခရီးစဉ်ဆိုတာ သိစေချင်တာပါ။

.

.

နောက်ထပ် ( ၁ ) လ လောက်လည်းကျရော အခန်းအပြောင်းအရွှေ့တွေထပ်လုပ်တဲ့အခါ ကျွန်တော့်အခန်းကို ပြန်ရောက်လာတဲ့ ကိုအယ်လ်ခမ်း နဲ့ အတူ တိုင်းရင်းသား ( ၂ ) ယောက် ပါလာတယ်။ အဲဒီထဲကတစ်ယောက်က အပြင်ထွက်ဖို့ တရားသူကြီး ရုံးချိန်းစောင့်နေတာ။ သူ့အမှုက သိပ်မခိုင်ဘူးလို့ သိရတယ်။ ငွေပေါင် - Bond တင်ပြီးတော့ ထွက်ဖို့လျှောက်ထားတာ တစ်ရက်ကျတော့ ရုံးချိန်းသွားရော။ ပြန်အလာမျက်နှာသိပ်မလှကတည်းက တရားသူကြီးပယ်ချလိုက်တယ်ဆိုတာ စိတ်မကောင်းစွာ သိရတယ်။ ဒါကြောင့် ဦးအောင်ပြောတာ မှန်တယ်။ လူတိုင်းအောင်တာ မဟုတ်ဘူးတဲ့လေ။ ဒီတိုင်းရင်းသားလေးကို စခန်းကနေ Deportation စာရင်းထဲ ထည့်ထားပြီး ပြန်ပို့ကြတော့မယ်။

.

သူ့ရဲ့စာရွက်စာတမ်းတွေကို ပြန်ယူသွားကြတယ်။ အထုပ်လိုက်ကို ဝါရှင်တန်ဒီစီ မြန်မာသံရုံးကို ပို့ပြီး မြန်မာဗီဆာ ပြန်တောင်းထားတာ သိရတယ်။ စုံပြီဆိုရင် လေဆိပ်ကနေ တင်လွှတ်လိုက်တော့မှာ .. တစ်ကယ့်ကို စိတ်မကောင်းစရာပါပဲ။ အခုလောက်အထိ ကြိုးစားလာပြီးမှ ပြန်ပို့ခံရတာ နာလိုက်တာ။

.

ဆက်ပါဦးမည် ကိုတိုးနီ။

.

koko2yeye@gmail.com