 |
| ဆောင်းပါးရှင် - ကိုညီညီ (တောင်ကြီး) |
.
ကျောင်းပြန်သွားတော့မယ့်သားကို ဒီနွေရာသီမှာအနားရအောင်
မြန်မာနိုင်ငံခေါ်ပြန်ခဲ့တယ်။ သူမွေးတဲ့မြေ၊ ကြီးခဲ့တဲ့အိမ်၊ တက်ခဲ့တဲ့ကျောင်း၊ ပေါင်းခဲ့တဲ့သူငယ်ချင်းတစ်ချို့
နဲ့ စားခဲ့တဲ့အစားအသောက်တွေက သူ့ကိုနွေးထွေးစွာကြိုဆိုခဲ့ကြတယ်။ သူ့အဖွားကိုလည်း မျက်နှာဝင်ပြခွင့်ရခဲ့တယ်။
မွေးရပ်မြေနဲ့ (၉) နှစ်လောက် ဝေးခဲ့ပေမယ့် အခုတော့ မြန်မာနိုင်ငံဟာ သူ့ဘဝမှာ ဘယ်လောက်အထိအရေးပါပြီး
ချက်မြှုပ်ဇာတိရွှေနယ်မြေလို့ ခံစားရတဲ့အကြောင်း သားအဖတွေ စကားကောင်းနေခဲ့တယ်။.
. တစ်ဆက်တည်း ငယ်ဘဝနှစ်များစွာ အမေရိကားရဲ့အခြေခံပညာရေးနဲ့ကြီးခဲ့သူတစ်ယောက်ဖြစ်တာနဲ့အညီ ကိစ္စတစ်ခုကို သူ့ခေါင်းထဲထည့်တွေးလိုက်ပြီဆိုတာနဲ့ ကြည်ကြည်လင်လင်ဖြစ်ဖို့နဲ့ ဆုံးဖြတ်ချက်မှန်ကန်ဖို့ တခါတရံဆုံးမချင်သေးတယ်။ သို့သော်လည်း တစ်နေ့ထက်တစ်နေ့ကြီးထွားလာတဲ့ အသွေးအသားဆဲလ်ယူနစ်တွေကြား တိုးပွားလာတယ်လို့အမြဲယူဆထားတဲ့ အသိဥာဏ်ပြည့်နေတဲ့ဦးနှောက်က အမှားမတွေ့နိုင်ဘူးလို့ ကံသေကံမ မပြောနိုင်ပါဘူး။
.
.
. အေးအေးလူလူနေပေမယ့် ရမ္မက်သွေးဆူတတ်တဲ့ ဆယ်ကျော်သက်အရွယ်၊ အနာဂါတ်အလင်းရောင်တောက်ပနေသော်ငြားလည်း ငယ်သွေးကြွသေးတဲ့အရွယ်ဆိုတော့ သတိထားရတယ်။ သတိမထားရင် မသိပဲရောက်လာတဲ့အမှားက အရိပ်လိုခြေဖွပြီးလိုက်လာရင်း "အမှောင် နဲ့ အနက်ရောင်" ဟာမကွဲနိုင်သလို "အမှား နဲ့ ဟန်ဆောင်ခြင်း" တို့ကိုခွဲခြားဖို့ခက်ခဲစေနိုင်တာကြောင့် အနားယူနေတဲ့ အဝေးကျောင်းသွားတော့မယ့် သားကို စကား (၄) ခွန်း ပြောပြမိပါတယ်။
.
.
၁.. ပညာအင်မတန်တော်တဲ့အခါ
_______________________
လူငယ်တစ်ယောက်ဟာ ပညာအင်မတန်တော်တဲ့အခါမှာ လူကြီး လူငယ်မရွေး လူရာသွင်းတာကိုခံရလိမ့်မယ်။ ဘာလုပ်လုပ်အောင်မြင်လာသလို ထင်ပေါ်ကျော်ကြားမှု နဲ့ ဂုဏ်သတင်းကျော်စောမှုတို့အပြင် ဘယ်သူ့ကိုမှလူမထင်လောက်အောင် အောင်မြင်မှုကကြောက်စရာကောင်းတာ သူသိရမယ်။ ဒီ့နောက်မှာ ဘယ်သူတွေဘာပြောပြော ကောင်းပေ့ဆိုတဲ့အကြံဥာဏ်တွေကို မလိုချင်တော့ဘူးဆိုတဲ့ မာန်အကြောင်းကို သားက ပြန်ဆွေးနွေးတယ်။
