သစ္ေတာအုပ္ကုိျမင္တာလား? သစ္ပင္ေတြကိုျမင္တာလား?

.

 Some people see big pictures (forests) and others see details (trees) ဒီစာသားေလးကုိဖတ္မိေတာ႕ စာေရးသူ " ေရးဒါလီယုိ - Ray Dalio" ကို မခ်ီးက်ဴးပဲမေနႏုိင္ပါ။ သူဟာ ငယ္စဥ္အခါက အင္မတန္ဆင္းရဲခဲ႕သေလာက္ ေနာက္ပိုင္း ရင္းႏွီးျမွဳပ္ႏွံမႈ စေတာ႕ရွယ္ယာေတြကိုစီမံခန္႕ခြဲတဲ႕ကုမၸဏီေထာင္ျပီး ကမၻာေက်ာ္ေအာင္လုပ္ျပႏုိင္ခဲ႕တယ္။ သူေရးခဲ႕တဲ႕ Principles_Life and Work စာအုပ္ဟာ ကမၻာ႕အခ်မ္းသာဆံုးသူေ႒းဘီလ္ဂိတ္က အမွာစကားေရးေပးရတဲ႕အထိေက်ာ္ၾကားေပါက္ေျမာက္ခဲ႕တယ္။
.
.
ဓါတ္ပံုတစ္ပံု၊ အလွရႈခင္းတစ္ကြက္၊ ျမင္ကြင္းတစ္ခုကိုျမင္တဲ႕အခါ ၾကည္႕သူေပၚမူတည္ျပီး အဓိပၸာယ္ဖြင္႕ဆိုခ်က္ေတြက မတူညီႏုိင္ပါဘူး။ ဒီၾကားထဲမွာ ၾကည္႕သူရဲ႕မ်က္စိကအေဝးမႈန္ေနသလား? မွန္ဘီလူးနဲ႕ၾကည္႕ေနတာလား? စသျဖင္႕ ကြဲျပားႏုိင္တဲ႕အတြက္ ေပးႏုိင္မယ္႕ရသ နဲ႕ အေတြးအျမင္ေတြက အတိမ္အနက္ကြာျခားႏုိင္ပါေသးတယ္။
.
.
.
ဒီေနရာမွာ အေနာက္ႏုိင္ငံကေျပာတဲ႕ ပံုရိပ္ၾကီး - Big Pictures ဆိုတာက "အရာအားလံုးကုိျခံဳငံုမိျပီး အုပ္မိခ်ဳပ္မိေအာင္ ျမင္လိုက္တဲ႕အသိတရား" ကုိ ဆုိလိုတာပါ။ ဒါေၾကာင္႕ ဒီေနရာမွာသူေျပာေပးခ်င္တဲ႕သတင္းစကားက မိတ္ေဆြဟာ သစ္ပင္ - Trees ေတြကိုပဲျမင္ေနတဲ႕သာမန္လူလား? သစ္ပင္ေတြရဲ႕အေသးစိတ္အပိုင္းေတြအပါအဝင္ သစ္ေတာအုပ္ၾကီးနဲ႕သူ႕ပတ္ဝန္းက်င္ေတြကိုပါထည္႕ေတြးျပီး လႊမ္းျခံဳသိျမင္ျပီး ေရွ႕ဆက္လုပ္ရမယ္႕ကိစၥရပ္ေတြကို ပန္းခ်ီကားတစ္ခ်ပ္ကဲ႕သို႕ရႈျမင္ႏုိင္သူလား? ဆိုတာ ေမးခြန္းထုတ္ရမယ္႕အေျခအေနျဖစ္ပါတယ္။
.
.
ဒီလို စီးပြားေရးသမားရဲ႕စကားကုိ ကြ်န္ေတာ္တို႕အျမဲအေလးထားတဲ႕ ကေလးသူငယ္ပညာေရးက႑မွာထည္႕သြင္းစဥ္းစားၾကည္႕တဲ႕အခါ အုပ္ခ်ဳပ္သူအဆင္႕ဆင္႕က ေတာအုပ္ကိုမျမင္ပဲ အေသးစိတ္ျပသနာေတြျဖစ္တဲ႕ သစ္ပင္ေတြအမ်ားၾကီးကုိသာအာရံုစိုက္ေနတာသတိထားမိလာတယ္။ ဘာစံနစ္၊ ညာစံနစ္ဆုိတာ အသာထားဦး . . အလြတ္က်က္ပညာေရးကိုအျမစ္တြယ္ေနတဲ႕ ေသာင္းေျခာက္ေထာင္ျပသနာေတြမွာျငိတြယ္ရင္း ဥပေဒသစ္လည္းမျပဳရဲ ရွိျပီးသားဥပေဒေတြကိုလည္းမျပင္ရဲ နဲ႕ မျပဳ-မျပင္ေနႏုိင္လြန္းၾကတယ္။

.
.
.
အစိုးရအေျပာင္းအလဲၾကားမွာ ကမၻာကသိသာသြားတာက "ျမန္မာေတြဟာ ေနာက္က်ျမဲ ေနာက္က်လ်က္" ဆုိတာကုိပါပဲ။ ဒီေတာအုပ္ၾကီးအတြက္ ေျမဆီလႊာကခုိင္ျမဲဖို႕အဓိကလား? ေပါက္ခ်င္သလိုေပါက္ သစ္ပင္ေတြရွိေနရင္ျပီးေရာလား? ဆုိတာ မိမိအိမ္မွာ ေက်ာင္းတက္ေနတဲ႕သားသမီးရွိသူ အစုိးရမင္းတိုင္း စဥ္းစားအေျဖရွာသင္႕တယ္။
.
.
ဒါ႕အျပင္ ပညာေရးစံနစ္ေဟာင္းနဲ႕လဲက်သြားတဲ႕သစ္ပင္ေတြေနရာမွာ ေျမဆီလႊာအသစ္သရုိးစီျပီး မ်ိဳးဆက္သစ္ပ်ိဳးပင္ေတြစိုက္ရမယ္႕အစား တစ္ပင္ျပဳတ္ရင္ ေနာက္တစ္ပင္ခုတ္ျမဲခုတ္ေနတဲ႕စိတ္ဓါတ္ေတြေၾကာင္႕ လြင္တီးေခါင္မွာ ဆင္းရဲေမႊးမေျပာင္ပဲ ျဖစ္ေနရတယ္။
.
.
.
ဒါေၾကာင္႕ မိတ္ေဆြတုိ႕ရဲ႕ေရွ႕မွာ ႏွစ္ေပါင္းမ်ားစြာ ဓါးတံုးတံုးနဲ႕အျခစ္ခံထားရတဲ႕ ခ်ိနဲ႕နဲ႕ပညာေရးပန္းခ်ီကားအခ်ပ္အၾကီးၾကီးတစ္ခ်ပ္ရွိပါတယ္။ သစ္ေတာအုပ္ကုိျမင္သလား? သစ္ပင္ေတြကိုပဲျမင္သလား? ထြက္လာမယ္႕အေျဖကေတာ႕ ၾကည္႕တဲ႕ အုပ္ခ်ဳပ္သူေတြရဲ႕ျမင္ႏုိင္စြမ္းအားအေပၚသာမူတည္ပါတယ္။
.
.
ခင္လ်က္
.
ကိုညီညီ (ေတာင္ၾကီး)
10-31-2018
.
.
Unicode Version:
.
.
. "သစ်တောအုပ်ကိုမြင်တာလား? သစ်ပင်တွေကိုမြင်တာလား?"
. Some people see big pictures (forests) and others see details (trees) ဒီစာသားလေးကိုဖတ်မိတော့ စာရေးသူ " ရေးဒါလီယို - Ray Dalio" ကို မချီးကျူးပဲမနေနိုင်ပါ။ သူဟာ ငယ်စဉ်အခါက အင်မတန်ဆင်းရဲခဲ့သလောက် နောက်ပိုင်း ရင်းနှီးမြှုပ်နှံမှု စတော့ရှယ်ယာတွေကိုစီမံခန့်ခွဲတဲ့ကုမ္ပဏီထောင်ပြီး ကမ္ဘာကျော်အောင်လုပ်ပြနိုင်ခဲ့တယ်။ သူရေးခဲ့တဲ့ Principles_Life and Work စာအုပ်ဟာ ကမ္ဘာ့အချမ်းသာဆုံးသူဋ္ဌေးဘီလ်ဂိတ်က အမှာစကားရေးပေးရတဲ့အထိကျော်ကြားပေါက်မြောက်ခဲ့တယ်။
.
.
ဓါတ်ပုံတစ်ပုံ၊ အလှရှုခင်းတစ်ကွက်၊ မြင်ကွင်းတစ်ခုကိုမြင်တဲ့အခါ ကြည့်သူပေါ်မူတည်ပြီး အဓိပ္ပာယ်ဖွင့်ဆိုချက်တွေက မတူညီနိုင်ပါဘူး။ ဒီကြားထဲမှာ ကြည့်သူရဲ့မျက်စိကအဝေးမှုန်နေသလား? မှန်ဘီလူးနဲ့ကြည့်နေတာလား? စသဖြင့် ကွဲပြားနိုင်တဲ့အတွက် ပေးနိုင်မယ့်ရသ နဲ့ အတွေးအမြင်တွေက အတိမ်အနက်ကွာခြားနိုင်ပါသေးတယ်။
.
.
.
ဒီနေရာမှာ အနောက်နိုင်ငံကပြောတဲ့ ပုံရိပ်ကြီး - Big Pictures ဆိုတာက "အရာအားလုံးကိုခြုံငုံမိပြီး အုပ်မိချုပ်မိအောင် မြင်လိုက်တဲ့အသိတရား" ကို ဆိုလိုတာပါ။ ဒါကြောင့် ဒီနေရာမှာသူပြောပေးချင်တဲ့သတင်းစကားက မိတ်ဆွေဟာ သစ်ပင် - Trees တွေကိုပဲမြင်နေတဲ့သာမန်လူလား? သစ်ပင်တွေရဲ့အသေးစိတ်အပိုင်းတွေအပါအဝင် သစ်တောအုပ်ကြီးနဲ့သူ့ပတ်ဝန်းကျင်တွေကိုပါထည့်တွေးပြီး လွှမ်းခြုံသိမြင်ပြီး ရှေ့ဆက်လုပ်ရမယ့်ကိစ္စရပ်တွေကို ပန်းချီကားတစ်ချပ်ကဲ့သို့ရှုမြင်နိုင်သူလား? ဆိုတာ မေးခွန်းထုတ်ရမယ့်အခြေအနေဖြစ်ပါတယ်။
.
.
ဒီလို စီးပွားရေးသမားရဲ့စကားကို ကျွန်တော်တို့အမြဲအလေးထားတဲ့ ကလေးသူငယ်ပညာရေးကဏ္ဍမှာထည့်သွင်းစဉ်းစားကြည့်တဲ့အခါ အုပ်ချုပ်သူအဆင့်ဆင့်က တောအုပ်ကိုမမြင်ပဲ အသေးစိတ်ပြသနာတွေဖြစ်တဲ့ သစ်ပင်တွေအများကြီးကိုသာအာရုံစိုက်နေတာသတိထားမိလာတယ်။ ဘာစံနစ်၊ ညာစံနစ်ဆိုတာ အသာထားဦး . . အလွတ်ကျက်ပညာရေးကိုအမြစ်တွယ်နေတဲ့ သောင်းခြောက်ထောင်ပြသနာတွေမှာငြိတွယ်ရင်း ဥပဒေသစ်လည်းမပြုရဲ ရှိပြီးသားဥပဒေတွေကိုလည်းမပြင်ရဲ နဲ့ မပြု-မပြင်နေနိုင်လွန်းကြတယ်။
.
.
.
အစိုးရအပြောင်းအလဲကြားမှာ ကမ္ဘာကသိသာသွားတာက "မြန်မာတွေဟာ နောက်ကျမြဲ နောက်ကျလျက်" ဆိုတာကိုပါပဲ။ ဒီတောအုပ်ကြီးအတွက် မြေဆီလွှာကခိုင်မြဲဖို့အဓိကလား? ပေါက်ချင်သလိုပေါက် သစ်ပင်တွေရှိနေရင်ပြီးရောလား? ဆိုတာ မိမိအိမ်မှာ ကျောင်းတက်နေတဲ့သားသမီးရှိသူ အစိုးရမင်းတိုင်း စဉ်းစားအဖြေရှာသင့်တယ်။
.
.
ဒါ့အပြင် ပညာရေးစံနစ်ဟောင်းနဲ့လဲကျသွားတဲ့သစ်ပင်တွေနေရာမှာ မြေဆီလွှာအသစ်သရိုးစီပြီး မျိုးဆက်သစ်ပျိုးပင်တွေစိုက်ရမယ့်အစား တစ်ပင်ပြုတ်ရင် နောက်တစ်ပင်ခုတ်မြဲခုတ်နေတဲ့စိတ်ဓါတ်တွေကြောင့် လွင်တီးခေါင်မှာ ဆင်းရဲမွှေးမပြောင်ပဲ ဖြစ်နေရတယ်။
.
.
.
ဒါကြောင့် မိတ်ဆွေတို့ရဲ့ရှေ့မှာ နှစ်ပေါင်းများစွာ ဓါးတုံးတုံးနဲ့အခြစ်ခံထားရတဲ့ ချိနဲ့နဲ့ပညာရေးပန်းချီကားအချပ်အကြီးကြီးတစ်ချပ်ရှိပါတယ်။ သစ်တောအုပ်ကိုမြင်သလား? သစ်ပင်တွေကိုပဲမြင်သလား? ထွက်လာမယ့်အဖြေကတော့ ကြည့်တဲ့ အုပ်ချုပ်သူတွေရဲ့မြင်နိုင်စွမ်းအားအပေါ်သာမူတည်ပါတယ်။
.
.
ခင်လျက်
.
ကိုညီညီ (တောင်ကြီး)
10-31-2018