မပြောရင်မနေနိုင်တာကလွဲလို့

ဆောင်းပါးရှင် - ကိုညီညီ (တောင်ကြီး)

                       
          ချစ်တဲ့အကြောင်းပြောတာ ဒီပါးစပ်။ မုန်းတဲ့အကြောင်းပြောတော့လည်း ဒီပါးစပ်။ ဒီနှုတ်ကနေထွက်သမျှ ဘယ်စကားမဆို ပြောတဲ့အပေါ်မှာမူတည်ပြီး အကျိုးသက်ရောက်မှုက ကွာခြားသွားပါတယ်။ ဒါကြောင့် ရှင်တော်ဗုဒ္ဓမြတ်စွာဘုရားက စကားကြီး (၆) ခွန်းကို မိန့်ကြားထားရစ်ခဲ့လေတယ် မဟုတ်ပါလား။

          ဒါကိုလိုက်နာတဲ့လူသားတွေအောင်မြင်ကြတယ်။ မပြောသင့်တဲ့စကားကိုပြောသူတွေလောကထဲမှာများပြားသလို ပြောသင့်တာကိုမပြောသူတွေလည်း မရှားပါဘူး။ ပါးနှပ်စွာပြောဆိုနိုင်သူတွေဟာ ပန်းတိုင်ခြေရင်းနား ချည်းကပ်နိုင်ကြတယ်။ သူတစ်ပါးနားဝင်ချိုအောင်ပြောဆိုနိုင်သူတွေ အလုပ်အကိုင်အခွင့်အလမ်းတွေပွင့်လန်းကြတယ်။

          မိတ်ဆွေနေ့တိုင်းပြောတဲ့စကားတွေဟာ မပြောခင်တုန်းက ဘယ်လိုအဓိပ္ပာယ်သက်ရောက်သွားတယ်ဆိုတာ အမြဲတမ်းစဉ်းစားချိန်ရလိုက်ပါသလား? "စကား စကားပြောပါများ စကားထဲကဇာတိပြ" ၊ "နှုတ်ချိုလျှိုတစ်ပါး" ဆိုတဲ့စကားပုံတွေက ငယ်စဉ်အခါစကားပုံတွေစုကတည်းက ကျွန်တော်အလွတ်ကျက်လာခဲ့ပေမယ့် လက်တွေ့ဘဝရဲ့ဘယ်နားမှာသွားသုံးရမယ်ဆိုတာ မသိခဲ့ဘူး။

          ကျွန်တော်ဟာ စကားပြောမာတယ်။ တစ်ခွန်းကနေ နှစ်ခွန်းပြောရင် စကားထစ်တယ်။ စကားပြောရင် အော်ပြောတယ်။ အင်္ဂလိပ်စကားပြောရင် လျှာလိပ်တယ်။ ဒီလောက်ဆိုးတဲ့ငယ်အလေ့အကျင့်တွေကနေ ထိပ်ဆုံးစကားထစ်တာကိုပြင်တယ်။

မမေးရင်မနေနိုင်တာကလွဲလို့

ဆောင်းပါးရှင် - ကိုညီညီ (တောင်ကြီး)

          ဒီမေးခွန်းနဲ့ဆိုင်တဲ့အပိုင်းကို ငယ်ဘဝက စပြောမှပြည့်စုံမယ်ထင်ပါတယ်။ ငယ်ငယ်တုန်းကဆိုရင် အမေးအမြန်းထူတဲ့ကျွန်တော့ကို လူကြီးတွေက စုံစုံစေ့စေ့ဖြေပေးလေ့မရှိပါဘူး။ အသက် (၁၂) နှစ်လောက်အထိ ကလေးတစ်ယောက်ကို ချက်ပေါက်ကမွေးတယ်လို့သိထားတဲ့ကျွန်တော်ဟာ "ဟုတ်ရဲ့လား?" ဆိုတဲ့မေးခွန်းတွေထဲမှာချောင်ပိတ်နေခဲ့သူတစ်ယောက်ပေါ့။

          ကျူရှင်မတက်ထားတဲ့ကျွန်တော်ဟာ ကျောင်းမှာအင်္ဂလိပ်စာစသင်တဲ့အခါ "Has နဲ့ Have" "Do နဲ့ Does" မကွဲတော့ ဆရာမကိုမေးပါတယ်။ အဖြေရမယ့်အစား သိပြီးသား ကျူရှင်တက်ထားတဲ့သူငယ်ချင်းတွေရဲ့လှောင်ပြောင်ရယ်မောသံကြားမှာငုတ်လျိုးသွားရတဲ့လူငယ်လေးတစ်ယောက်ရဲ့ကြောက်စိတ်ကို "သူတို့ထက် ငါ အင်္ဂလိပ်စာတော်အောင်လုပ်မယ်" ဆိုတဲ့စိတ်နဲ့ ပြန်ဆယ်ခဲ့တယ်။ ဒါပေမယ့် အဲဒီခေတ်က "မသိတာများ ဆရာနားချည်းကပ်တဲ့စံနစ်" ဆိုတော့ ကျူရှင်မှာပဲ ပြန်သင်ရင်း နောက်ကျနေတဲ့အင်္ဂလိပ်စာကိုလိုက်မှီအောင်လုပ်ခဲ့တယ်။

           လောကရဲ့ပြိုင်ပွဲတွေအားလုံးနီးပါးမှာ ကျွန်တော်ဟာ ထိပ်တန်းပိုင်းက အမြဲပြေးနိုင်ခဲ့သူတစ်ယောက်တော့မဟုတ်ဘူး။ သိချင်တာတွေများတဲ့ကျွန်တော်ဟာ အတန်းထဲမှာမေးခွန်းမေးရင် တစ်ခန်းလုံးကဝိုင်းကြည့်တာကို အမြဲသတိထားမိတယ်။

မတွေးရင်မနေနိုင်တာကလွဲလို့

ဆောင်းပါးရှင် - ကိုညီညီ (တောင်ကြီး)

         လက်တွေ့ဘဝရဲ့အဖြစ်အပျက်တွေနဲ့ဝေးနေတဲ့တစ်နေရာမှာ "အတွေး" ရှိတယ်။ ဒီအတွေးနယ်ထဲမှာ ကျွန်တော်ကြီးပျင်းခဲ့တယ်။ သူများတွေစားလို့ကိုယ်မစားရတဲ့မုန့်ကို အတွေးထဲမှာကျွန်တော်စားတယ်။ သူများတကာတွေရလို့ဆင်မြန်းနေတဲ့လက်ဆောင်မျိုးကိုအတွေးထဲမှာကျွန်တော်ကျေနပ်စွာကိုင်တွယ်ခဲ့တယ်။ တကယ်တော့ "အတွေးသည်သာကျွန်တော့ရဲ့ကမ္ဘာ" လို့ဆိုရမလိုတောင် ပြောရပါလိမ့်မယ်။

စာသင်သားဘဝနဲ့စီးပွားရေးအလုပ်သင်ဘဝတွေဟာ အတွေးတွေထဲမှာဘယ်လိုမှအချိန်ကုန်တယ်မထင်လိုက်ဘူး။ လက်တွေ့ဘဝမှာတော့ အနှစ် (၃ဝ) လောက်ရှည်ကြာခဲ့တယ်။ အထင်နဲ့အမြင်ကိုစကေးချလို့ ဖေးမပေးတဲ့ချစ်သူအနားမှာ အများနဲ့အတိုက်အခံပြုရင်း ဖြူစင်ခြင်းတွေကို စိတ်ရင်းစေတနာနဲ့ ကြင်နာသမျှတွေကို အတူဝေငှခဲ့ကြတယ်။

မြန်မာလိုကြီးခဲ့၊ မြန်မာလိုသင်ခဲ့၊ မြန်မာလိုကစားခဲ့၊ မြန်မာကုန်သည်တစ်ယောက်လိုကျင့်ခဲ့တဲ့အတွေးတွေဟာ ငယ်ငယ်ကတည်းက တကိုယ်ကောင်းဆန်အောင်သင်ပေးခဲ့တယ်။ သူ့ထက်ငါယှဉ်ပြိုင်လိုက်တိုင်း ငါသာနိုင်ရမယ်ဆိုတာထက် သူတစ်ပါးတစ်ယောက်၊ တစ်စု၊ တစ်ဖွဲ့နစ်နာမှ ငါအသာရမယ်ဆိုတာမျိုးကို လှလှပပထုပ်ပိုးပြီးရောင်းချခဲ့တယ်။ ဆယ်စုနှစ် (၃) ခုလောက် ဘဝကိုလေ့လာပြီးတဲ့နောက် နိုင်ငံတကာကိုထွက်လိုက်တဲ့အခါ အတွေးတွေကရပ်မသွားခဲ့ပါဘူး။