 |
| ဆောင်းပါးရှင် - ကိုညီညီ (တောင်ကြီး) |
ဘယ်အချိန်ရှိနေပြီလဲ? လို့မေးလိုက်တာက မိတ်ဆွေရဲ့လက်မှာပတ်ထားတဲ့နာရီကအချိန်ကိုမေးတာမဟုတ်သလို လက်ကိုင်ဖုန်းရဲ့ပါဝါကိုဖွင့်ပြီးကြည့်ရတဲ့ ဒစ်ဂျစ်တယ်ကိန်းဂဏန်းကိုမေးတာလည်း မဟုတ်ပါဘူး။ မိတ်ဆွေတို့ ကျွန်တော်တို့ သက်ရှိသတ္တဝါတွေ ဇီဝိန်မကြွေခင်အထိနေရမယ့်နှစ်ပေါင်း၊ လပေါင်း၊ ရက်ပေါင်း၊ နာရီပေါင်း၊ မိနစ်ပေါင်း၊ စက္ကန့်ပေါင်း၊ အသက်ရှူသွင်းမှုပေါင်း၊ အသက်ရှူထုတ်မှုအပေါင်း ဘယ်လောက်လုပ်ပြီးပျက်စီးပြီးသကာလ အဆုံးမသတ်သွားခင်အထိ အချိန်ဘယ်လောက်ကျန်သေးလဲလို့ မေးတာဖြစ်ပါတယ်။
မိတ်ဆွေတို့ကိုယ်တိုင်ဒီလိုမေးခွန်းမေးပြီး မီးစာမကုန် ရေကန်မခမ်းသေးခင် "ငါဘာလုပ်ခဲ့ရင်ကောင်းမှာ" ဆိုတာမျိုးတွေးမိသူဘယ်နှစ်ယောက်များရှိနေပါပြီလဲ သိချင်မိတယ်။ မိတ်တွေတို့ရဲ့ပျော်ရွှင်မှုတွေကိုနှုတ်ယူသွားတဲ့အချိန်တွေကို မှန်ကြည့်လိုက်တိုင်းသတိထားမိဖို့အမြဲလုပ်နိုင်ပါ့မလား? ဒါမှမဟုတ် အိုမင်းရင့်ရော်ခြင်းစာအုပ်ကို တစ်ရွက်ချင်းမလှန်ပဲ ဇရာရဲ့စာမျက်နှာကျော်ဖတ်သွားတာကို အမြဲသိရှိနိုင်အောင် သတိထားနိုင်ပါ့မလား?
ဆွေမျိုးတွေကြားမှာ လုပ်ဖော်ကိုင်ဖက်ကြားမှာ ပျော်ပျော်ပါးပါးလှေလှော်သွားသလို မော်မော်ကြွားကြွားနေနိုင်ရုံနဲ့ မိတ်ဆွေတို့ကိုယ်တိုင်ကိုယ်ကျ တန်ဖိုးရှိတဲ့လူသားတစ်ယောက်လို့သတ်မှတ်လို့ရတဲ့ သက်ရှိသတ္တဝါတစ်ယောက်ဖြစ်နိုင်လာပြီလား?
အသည်းနှလုံးကသီချင်းဆိုနိုင်ဖို့ မိတ်တွေတို့ရဲ့နေ့စဉ်ဘဝမှာ ဘာတွေများလိုအပ်နေသလဲ? ရင်ခုန်စရာအနာဂါတ်ကို ပန်းချီကားတစ်ချပ်လိုပုံဖော်နိုင်ဖို့ ဘယ်ဆေးအရောင်က ငွေကြေးနဲ့ဝယ်လို့မရနိုင်လောက်အောင် ရှားပါးနေပါသလဲ?
အလုပ်နဲ့အိမ်၊ အိမ်နဲ့သင်တန်း၊ သင်တန်းနဲ့မီးဖိုချောင်၊ မီးဖိုချောင်နဲ့ကုန်ဈေးနှုန်းကြားဗျာများပြီး အနားမရနိုင်တဲ့ အိမ်ရှင်ထီး၊ အိမ်ရှင်မတို့ကို ဘယ်သူကအားပေးစကားလာပြောပေးပါသလဲ?
ဒီမေးခွန်းတွေကို ကိုယ်တိုင်မဖြေသေးခင် အောက်မှာ အပိုင်းအခြား (၇) ခုကိုဖတ်ကြည့်ပြီး မိတ်ဆွေတို့ဘယ်အချိန်ရောက်နေပြီလဲဆိုတာသိနိုင်အောင် အိမ်စာလေးလုပ်လိုက်ကြပါဦး။
