အခက်အခဲဆို ကြုံဖူးမှ

ဆောင်းပါးရှင် - ကိုညီညီ ( တောင်ကြီး )

          ကျွန်တော့်အလုပ်မှာ ခေါင်းဆောင်ဖြစ်ရာထူးတိုးအင်တာဗျူးအပါအဝင် စုစုပေါင်း အင်တာဗျူး (၁ဝ) ကြိမ် ဖြေခဲ့တယ်။ အခုထိ ခေါင်းဆောင်ရာထူးမရခဲ့ဘူး။ နောက်ဆုံးအင်တာဗျူးမဖြေခင် (၁) ပတ်လောက်အလိုမှာ မနက်ဆိုင်းအလုပ်ကနေ ညဆိုင်းကို “ဘို” တစ်ယောက် ပြောင်းလာတယ်။ သူလည်း ခေါင်းဆောင်ရာထူးဝင်ဖြေတယ်။ ကျွန်တော့ပြိုင်ဖက်က အရမ်းကောင်းနေတော့ မပြိုင်ခင်ကတည်းက (၅ဝ) ရာခိုင်နှုန်း ရှူံးနေပြီဆိုတာကို ကျွန်တော့်စိတ်ထဲမှာသိလိုက်ပြီ။ ဒါပေမယ့် ကျွန်တော်စိတ်မလျှော့ဘူး ထပ်ဝင်ပြိုင်တယ်၊ အင်တာဗျူးမေးခွန်းတွေကို ဘောင်ဝင်အောင် ကြိုးစားပြီးဖြေတယ်။ သို့သော်လည်း ..

          ဒီတစ်ခေါက်လည်းမရပြန်ဘူး။ (၂) ပတ်လောက်ကျတော့ ဘယ်သူရတယ်ဆိုတာ မကြေငြာခင် ဘယ်သူမရဘူးဆိုတဲ့ Feedback ပေးတဲ့အထဲမှာ ကျွန်တော့်နာမည် ပါမလာဘူး။ ဟင် .. ဒီလိုဆိုတော့ ဒီရာထူးကို ငါအတွက် တိတ်တိတ်ကလေးချန်ထားသလားပေါ့ .. တွေးမိတာကိုပြောတာပါ။ လူတွေကမေးနေကြပြီ။ ခက်တာက ကိုယ်ကလည်း သေသေချာချာ မသိဘူး။ ပုထုဇဉ်တို့ရဲ့ထုံးစံအတိုင်း မျှော်လင့်နေခဲ့မိတာတော့ ဝန်ခံပါတယ်။ ဒါပေမယ့် ကျွန်တော့်ရဲ့ မျှော်လင့်ချက်က ဘယ်နှစ်ရက်မှ မခံလိုက်ပါဘူး။ ကျွန်တော်ကျွမ်းကျင်တဲ့နေရာမှာ ကျွန်တော်တို့ကို အုပ်ချုပ်ဖို့ လူကြီးတွေရွေးလိုက်တဲ့သူက ဒီလုပ်ရိုးလုပ်ငန်းစဉ်ကို လုံးဝမသိတဲ့ အမေရိကန်လူဖြူတစ်ယောက်ဖြစ်နေတယ်။

          သူ့နာမည်က ရေမွန်-Raymond ။ သူ့အဖိုးက ဂျပန်စစ်မျက်နှာမှာ လေယာဉ်တင်သဘောင်္-Destroyer တစ်ခုပေါ်က ဗုံးတွေစီစဉ်တဲ့နေရာက ဆင်နွှဲခဲ့တဲ့ စစ်ပြန်ကြီး။ သူ့အဖေကလည်း စာရင်းစစ်ဋ္ဌာနမှာလုပ်တဲ့ စစ်ပြန်ပဲ။ ဒီတော့ သူတို့မျိုးရိုးဟာ စည်းကမ်းကြီးတယ်လို့ ဆိုရမယ်။ ကစ်သလစ်ကျောင်းမှာ အထက်တန်းကျောင်းပြီးတယ်။ တက္ကသိုလ် (၃) နှစ်ခွဲလုပ်ရင်း စီးပွားရေးစလုပ်ပြီးပျော်သွားတာနဲ့ ကျောင်းမပြီတော့ဘူး။ သူငယ်ချင်းတစ်ယောက်နဲ့ အွန်လိုင်းစတိုးတစ်ခုဖွင့်လိုက်တာ (၉) နှစ်ကျော်လောက်လုပ်ဖြစ်ခဲ့သေးတယ်။

အလှူအတန်းအရက်ရောဆုံးနိုင်ငံစာရင်း

“ မြန်မာနိုင်ငံဟာ အလှူအတန်းအရက်ရောဆုံးနိုင်ငံစာရင်းမှာ အမေရိကန်နဲ့အတူပူးတွဲရရှိ ”

.

မြန်မာနိုင်ငံဟာ အလှူအတန်းအရက်ရောဆုံးနိုင်ငံမှာ အမေရိကန်နဲ့အတူပူးတွဲရရှိကြောင်း World Giving Index က ဆိုပါတယ်။ မြန်မာနိုင်ငံသား ( ၁ဝ ) ယောက် မှာ ( ၉ ) ယောက်ဟာ အလှူအတန်းရက်ရောကြပြီး ထေရဝါဒဗုဒ္ဓဘာသာကို ကိုးကွယ်သူတွေဖြစ်တယ်လို့ www.sfgate.com မှာ ဖော်ပြခံရပါတယ်။ သတင်းအပြည့်အစုံကို VOA/Burmese ရဲ့ မူရင်းအသံဖိုင်အတိုင်း နားဆင်နိုင်ပါတယ်။ အသေးစိတ်ကိုတော့ အောက်ပါလင့်မှာ သွားရောက်ဖတ်ရှုနိုင်ပါကြောင်း။

.

အသံဖိုင် ၁။ https://shared.com/n0day89u8h?s=l

.

အသံဖိုင် ၂။ https://drive.google.com/file/d/0B88qWw_pvpY3MGVPSnVaT2tzblk/view?usp=sharing

.

သတင်းဖတ်ရန် ။ http://www.sfgate.com/business/article/World-s-most-giving-nations-U-S-and-Burma-5899584.php

.

Organizing Team

မင်နီပါကွိုက် လို ပြန်အလုပ်အကျွေးပြုရအောင်

ဆောင်းပါးရှင် - ကိုညီညီ ( တောင်ကြီး )

.

.

ဈေးထဲက ပြေးထွက်လာတဲ့ နွားသိုးကြီးတစ်ကောင်ကို လူတွေ အလွတ်အကျွတ် ရှောင်ကွင်းနေသလို ယောက်ျားကြီးတွေက ဦးချိုကို လှမ်းဆွဲပြီး တားဖို့ကြိုးစားနေပါတယ်။ တစ်ချက်တစ်ချက် ဝှေ့လိုက်တဲ့အရှိန်ကြောင့် လွင့်စင်သွားတဲ့သူတွေလည်း ဖုန်အလူးလူးလမ်းပေါ်ကနေ ပြန်မထလာနိုင်သေးပါ။ ဒီအချိန်မှာ တရုတ်သိုင်းကားထဲကလို “ မည်ကဲ့သို့လုပ်လိုက်သည်မသိ ” လို့ပဲ ပြောလိုက်ချင်တော့တယ် .. ဒီတစ်ခါ ကမ္ဘာမြေပေါ် လဲကျသွားတာကတော့ ခုနက ကမူးရှူးထိုး သွေးကြမ်းနေတဲ့ သတ္တဝါကြီးဖြစ်နေပါတယ်။ ပတ်ဝန်းကျင်က လူများအားလုံး မှင်သက်သွားကြပြီး ဝိုင်းအုံလာကြတယ်။ ညာဘက်လက်နဲ့ နွားချိုကို လှမ်းဆွဲပြီး တစ်ချက်တည်းသော ဘယ်ဝိုက်လက်သီးနဲ့ နထင်ကို ထိုးချလိုက်သူက မင်နီပါကွိုက် - Manny Pacquiao ဆိုသူဖြစ်ပါတယ်။

.

ဟိုးလေးတကျော်ဖြစ်သွားတဲ့ အဆိုပါသတင်းဟာ နည်းပညာအကူအညီနဲ့ ကမ္ဘာ့အနောက်ခြမ်းအထိ ခရီးပေါက်ခဲ့တဲ့အခါ အမေရိကန်နိုင်ငံသား ဖရက်ဒီရို့ - Freddie Roach ဟာ ပါကွိုက် ရှိရာ ဖိလစ်ပိုင်နိုင်ငံ ရဲ့ ကျေးလက်အထိရောက်အောင်သွားပြီး သူ့ကိုလက်ဝှေ့ပညာသင်ကြားလေ့ကျင့်ပေးမယ့်အကြောင်း ညှိနှိုင်းပြောဆိုတာ အောင်မြင်ခဲ့တယ်။ ပါကွိုက် ဟာ ဆင်းရဲတဲ့မိသားစုကနေ ကျောင်းပြီးဆုံးအောင်မတက်နိုင်ပဲ စီးကရက်ဗူးတွေကို လယ်ပင်းချိတ်ဗန်းထဲ ထည့်ရောင်းပြီး မိသားစု စားဝတ်နေရေးကို ဖြည့်ဆည်းပေးနေရချိန်လည်းဖြစ်တယ်။ မူလကလည်း ဝါသနာပါရင်းစွဲမို့လို့ သူတို့ ( ၂ ) ယောက် နားလည်မှုအယူအပြီးမှာ ပါကွိုက် ရဲ့ ဘဝဟာ အပြောင်းလဲကြီးပြောင်းလဲလာပါတော့တယ်။

.

စီးပွားရေး၊ ထရိန်နင်၊ ဈေးကွက် နဲ့ နည်းပညာကျွမ်းကျင်တဲ့ ဖရက်ဒီဟာ တစ်ချက်ခုတ် နှစ်ချက်ပြတ် ပါကွိုက် ကို ဘယ်လို လေ့ကျင့်ပေးပြီး ဘယ်လို ရုံသွင်းလုပ်စားရမယ်ဆိုတာ ကောင်းကောင်းကြီး ရိပ်စားမိတယ်။ သူ့အကူအညီကြောင့်ပဲ လက်ရှိအချိန်မှာ ပါကွိုက်ရဲ့ ကျော်ကြားမှုဟာ အနုပညာနယ်ပယ်မှာ ကိုယ်တိုင်ဆိုတဲ့အဆိုတော်လည်းဟုတ်တယ်၊ ကိုယ်တိုင်ရိုက်တဲ့မင်းသားဆိုလည်းဟုတ်တယ် သူ့ရဲ့ထွန်းပေါက်အောင်မြင်မှုက အများအားကျရတဲ့ အားကစားသမားကြီးလို့ ပြောရင်လည်း မမှားပါဘူး။

ဝတ်ရတာလွယ်တယ် လျှော်ဖွပ်ရခက်တယ်

ဆောင်းပါးရှင် - ကိုညီညီ ( တောင်ကြီး )

.

.

ဒီနေ့အဝတ်လျှော် - Laundry သွားတုန်း အဝတ်လျှော်စက် ( ၅ ) လုံးနဲ့ တစ်ပြိုင်တည်း အလုပ်ရှုပ်နေတဲ့ အမျိုးသမီးတစ်ယောက်ကို တွေ့တယ်။ ဒီကအဝတ်တွေ ဟိုဘက်ထဲထည့်၊ ခြင်းထဲကအဝတ်ဟောင်းတွေကို လျှော်ကန်ထဲထည့်၊ လက်ထဲမှာလည်း ဆပ်ပြာရည်ဗူးနဲ့ နောက်လက်တစ်ဖက်ကလည်း အကြွေစေ့တွေ စက်ထဲကို ထည့်သွင်းနေလေရဲ့။

.

ကျွန်တော်ကလည်း စနေ၊ တနင်္ဂနွေဆို ဒီ Laundry ကို ရောက်ရတယ်။ အိမ်ငှားဆိုတော့ အဝတ်လျှော်စက်ထားလို့ မရဘူးလေ။ တစ်ပတ်လုံးပုံထားသမျှ စု-ပုံ-လျှော် ပေါ့ဗျာ။ သိတိုင်းအတိုင်း လူတွေက ဝတ်သာဝတ်ချင်တာ အဝတ်ကျ မလျှော်ချင်ကြဘူး .. အပျင်းကြီးတာ ကျွန်တော် အပါအဝင်ပေါ့။ လျှော်စက်က ရေကျင်းပြီး ညှစ်ပြီးသွားတဲ့ အဝတ်စိုတွေကို အခြောက်ခံစက်ဖက်ကိုရွှေ့ဖို့ လှည်း - Cart လိုတယ်။ ဒါကိုလှမ်းယူလိုက်ရင်း ကျွန်တော့ပါးစပ်က “ I hate laundry ” လို့ ပြောမိတာ အဲဒီအမျိုးသမီး ကြားသွားတယ်။

.

သူ ဘယ်ဘာသာကိုးကွယ်တယ်ဆိုတာ ကျွန်တော်မသိဘူး။ သူ့ကြည့်ရတာ စပိန်လူမျိုးဖြစ်လိမ့်မယ်။ စကားပြောတာ အာကျယ်ကျယ်နဲ့ အားရပါးရ တံတွေးစင်အောင်ပြောတယ်။ ကျွန်တော့်စကားကို သူက မဆိုင်းမတွ ဒီလိုတုံ့ပြန်ပါတော့တယ်။

တန်းဖိုးနည်းလေ အန္တရာယ်ကြီးလေ

ဆောင်းပါးရှင် - ကိုညီညီ ( တောင်ကြီး )

.

.

မြန်မာသတင်းမီဒီယာတွေမှာ ကလေးတွေ ကော်ဗူးရှူတဲ့သတင်းတွေဖတ်ကတည်းက ဒီဆောင်းပါးကိုရေးဖို့ စိတ်ကူးရခဲ့တယ်။ ပြီးတော့ ကိုယ်ကလည်းမကြုံဖူးတာကတစ်ကြောင်း၊ တင်ပြချက်ကို နားလည်မှုလွဲသွားမှာစိုးတာကတစ်ကြောင်း၊ ဗဟုသုတရှိသူတွေထံမေးရမြန်းရ အင်တာနက်မှာ ရှာဖွေရန်ရှိတာတွေကတစ်ကြောင်းကြောင့် ဖော်ပြဖို့နှောင့်နှေးခဲ့တယ်။ ဆယ်ကျော်သက်ကလေးတွေနဲ့ ရင်ဆိုင်ရမှာ မိဘတွေအတွက် အခက်အခဲဆုံးကာလလို့ဆိုရင် သဘောတူကြပါသလား? သူတို့မှာ စိတ်ကစားတတ်စ၊ သိချင်စူးစမ်းစိတ်ပြင်းပြခါစ၊ တို့ကနန်း ဆိတ်ကနန်း စမ်းသပ်ကြည့်ချင်ကာလ ဆိုတော့ မိဘတွေ၊ အုပ်ထိန်းသူတွေ နဲ့ ဆွေမျိုးမိတ်သင်္ဂဟတွေကအစ မျက်စိနောက်တဲ့အရွယ်လို့ပဲ ပြောပါရစေ။

.

သမီးရည်းစားထားလို့ ပညာသင်လမ်းကြောင်းမှားရင် ကျောင်းခရီးလမ်းပျက်စီးသွားနိုင်တာ ဒီ ဆယ်ကျော်သက်အရွယ်ပါ။ ပိုပြီးပြောရရင် အပေါင်းအသင်းမှားလို့ လမ်းကြောင်းမှားသွားရင် ဘဝတစ်ခုလုံး လိုက်ပါမှားမှန်းမသိ ပေးလိုက်ရမှာ ဘာမှ ပြန်ရဖို့မရှိတော့ဘူး။ ဒီလို သူငယ်ချင်းဆိုးတွေက ကိုယ့်သားသမီးကို ဘာနဲ့ ဆွဲဆောင်နိုင်တယ်လို့ မိဘတွေထင်ပါသလဲ။ ခေတ်အဆက်ဆက် ဇရာက အသေမသတ်ပဲ ကြားဖြတ်အသက်ဇီဝိန်ချွေသွားတဲ့ မူးယစ်ဆေးဝါးအကြောင်း တင်ပြချင်ပါတယ်။

.

ကျွန်တော်တို့ငယ်ငယ်က လူကြီးတွေပါးစပ်ဖျားမှာ ခေတ်စားတာ ဘိန်းစား၊ အရွယ်ရောက်လာတော့ ဆေးခြောက်၊ သူငယ်ချင်းတွေရှိလာတဲ့အရွယ်မှာ ဖင်စီဒိုင်း၊ မိဘအရွယ်ဝင်လာတော့ ရာဘ၊ WY၊ မြင်း စသဖြင့် စုံလို့ပါ။ အနောက်နိုင်ငံဘက်ပြောင်းရွှေ့လာတဲ့အခါ လူငယ်ကြားမှာ ယစ်မူးစေတဲ့အရာ - Substance တွေက မတူတော့ဘူး။ စာရေးပြီး အသိပညာပေးဖို့ စိတ်ဆန္ဒရှိလွန်းလို့သာ တူးတူးဆွဆွ လေ့လာခဲ့မိတယ်။ ဒီဘက်ပတ်ဝန်းကျင်ဆိုတာ ဒီလိုကိစ္စမျိုး မေးလို့ မြန်းလို့ လွယ်တာ မဟုတ်ဘူးလေ။