 |
| ဆောင်းပါးရှင် - ကိုညီညီ (တောင်ကြီး) |
။။။။။ ကံကောင်းခြင်းနဲ့ကံဆိုးခြင်းလက်ဆောင် ။။။။။
. "ကျွန်တော်က ဘာသာစကား (၇) မျိုးတတ်တယ်ဗျ။ အစီအစဉ်အတိုင်းပြောရရင် မြန်မာ၊ တရုတ်၊ ရှမ်း၊ ယိုးဒယား၊ အင်္ဂလိပ်၊ ဂျပန် နဲ့ ပြင်သစ် တို့ပေါ့ဗျာ။ မြန်မာနိုင်ငံမှာမွေးတော့ ဗမာစကားတတ်တာမဆန်းပေမဲ့ တရုတ်ကျူရှင်ဆရာကမွေးလို့တရုတ်စကားမတတ်တခေါက်ဖြစ်နေတာကတော့ ဆန်းတယ်ခင်ဗျ"
.
. "အဖေ့အကြောင်းဆိုရင် တောင်ကြီးရော၊ မိုင်းရှူးရော၊ တရုတ်လူအုပ်စုအသိုင်းအဝိုင်းမှာရော နောက် . . ကုန်သည်လောကမှာမကျန် မသိသူမရှိဘူး။ ဟိုဟိုဒီဒီလက်ညှိုးထိုးလိုက်ရင် အဖေ့တရုတ်စာတပည့်တစ်ယောက်လောက်ကတော့ အမြဲလိုလိုတွေ့ရတတ်တယ်။ ကျွန်တော်တို့မိုင်းရှူးမှာ စီးပွားရှာလို့ကောင်းနေတုန်း ဗြုံးကနဲဆို မီးထလောင်ပါလေရော . .။ ကျွန်တော်တို့မိသားစု ကုန်းကောက်စရာမရှိအောင်ဆင်းရဲသွားတယ်"
.
.
. "ပြောရဦးမယ် . . ပြောရဦးမယ် . .။ ကံဆိုးလို့မိုင်းရှူးမြို့ကြီးမီးလောင်တယ်လဲဆိုရော ကာလတန်ဖိုးဘယ်လောက်ဆုံးရှုံးသွားတယ်ဆိုတာမျိုးစာရင်းကောက်ဖို့ လူကြီးတွေရဟတ်ယာဉ်နဲ့ရောက်လာတာပေါ့။ ဒါပေမဲ့ကံကောင်းချင်တော့ အိမ်ကမီးအာမခံတင်ထားမိတယ်။ ကံဆိုးချင်တော့ အစိုးရဆီပြန်တောင်းတဲ့မီးအာမခံကလာမယ် ကြာမယ်လို့သာ အသံပဲကြားလိုက်တယ် . . ဘာဆိုဘာမှမရလိုက်ဘူး။ ကံကောင်းချင်တော့ စာရွက်စုတ်လေးတွေရလိုက်တယ်။ ကံဆိုးချင်တော့ တစ်မြို့လုံးက ဆင်းရဲတွင်းထဲကျသွားရတယ်။ ကံကောင်းချင်တော့ မိုင်းရှူးတောင်ကိုလှမ်းလှည့်ကြည့်လိုက်တဲ့အခါ မီးလောင်ထားတဲ့ဒဏ်ရာတွေကြောင့် တွင်းထွက်ကျောက်အနီတစ်မျိုးမျိုးရှိလို့ တောင်ကြီးကတလက်လက်တောက်ပနေတာကိုတွေ့လာရတယ်။ ကံဆိုးချင်တော့ ကျွန်တော်တို့မိသားစုမှာအရင်းအနှီးမရှိတော့ဘူး။ ကံကောင်းချင်တော့ မိုင်းရှူးတစ်မြို့လုံး ပတ္တမြားကျောက်ရှာတဲ့အလုပ်ရလာတယ်"
.
. "ကံဆိုးခြင်း ကံကောင်းခြင်းတွေကြားမှာ မိုင်းရှူးမြို့ကိုကျွန်တော်ဘယ်ထားခဲ့နိုင်ပါ့မလဲ ..။ သမိုင်းတစ်ခုကိုဖော်လိုက်ရင် အားလုံးကသိကြပါတယ်။ ကြုံလာတဲ့ဘဝဟာတော်တော်ခက်ခဲတယ်။ အဖေ နဲ့ အမေ တို့ ချမ်းသာတာကတစ်ကဏ္ဍ။ မိုင်းရှူးခေတ်မှာ ကျွန်တော်ဝင်လုပ်တယ်။ ဘာကျောက်လာမလဲ အကုန်သိတယ်။ ယိုးဒယားရောင်းရမယ့်ကျောက်လား .. ပွဲစားခင်တဲ့ကျောက်လား . . တရုတ်မင်တဲ့ကျောက်လား . . ပိုင်ရှင်ချစ်တဲ့ကျောက်လား . . အမြတ်ကောင်းကောင်းရမယ့်ရာချီကျောက်လား . . အားလုံးကျွန်တော့လက်ကလွတ်သွားတယ်ဆိုတာမရှိစေရဘူး။ ဒါ ပထမပိုင်း မြန်မာ နဲ့ တရုတ် က မွေးရပ်မြေ နဲ့ မိဘတွေကြောင့်တတ်တာ။ ရှမ်း နဲ့ ယိုးဒယားက လုပ်ငန်းလုပ်ရင်း ဒေသန္တရာဗဟုသုတပထဝီအနေအထားကြောင့်ကျွမ်းလာတာကိုပြောပြချင်တာ"
