ေမွ်ာ္လင့္ခ်က္အေရာင္တက္တဲ႔တစ္ေန ႔

ေဆာင္းပါးရွင္ - ကိုညီညီ (ေတာင္ၾကီး)

.
. ေမွ်ာ္လင့္ခ်က္မဲ႔ေနတဲ့ လူငယ္ေလးေတြ မၾကာခဏ ကြၽန္ေတာ္ေတြ ႔ဖူးတယ္။ ေမွ်ာ္လင့္ခ်က္မဲ႔ေနတဲ့ လူႀကီးသူမေတြလည္း မၾကာမၾကာ ကြၽန္ေတာ္ဆံုဖူးတယ္။ အခုေနာက္ပုိင္း အြန္လိုင္းေပၚမွာ လူငယ္တစ္ေယာက္၊ လူၾကီးတစ္ေယာက္၊ မိန္းမ/ေယာက်္ားဆုိျပီးခြဲျခားစရာေတာင္မလိုဘူး . . ေမွ်ာ္လင္႕ခ်က္မဲ႕ေနသူေတြ ဒုနဲ႕ေဒး (ဒူတာေတး မဟုတ္ပါ) ျမင္ေနရတယ္။
.
. ေယာက်္ား(ၾကီး) ေတြကို စေျပာရရင္ သူတုိ႕က သူတို႕ရဲ႕သား/သမီး၊ ေဆြမ်ိဳးမိတ္ေဆြအသိုင္းအဝိုင္းရဲ႕လုပ္ေဆာင္ရန္ဗာဟီရကိစၥမ်ားေျမာင္ကို မႏိုင္ဝန္ထမ္းထားရေတာ႕ တစ္ေန႕တစ္ရက္ အလုပ္အေၾကြးမပိေစဖို႕ အျမန္လုပ္ေဆာင္ရင္း ေမွ်ာ္လင္႕ခ်က္မဲ႕ေနတယ္။
.
.
. သိပ္မကြာပါဘူး။ မိန္းမ(ၾကီး) ေတြလည္း သားေရး/သမီးေရး ေဆြးေႏြးဖို႕ေနေနသာသာ ကေလးသူငယ္လည္း ကေလးသူငယ္အေလ်ာက္၊ အရြယ္ေရာက္သူလည္း အရြယ္ေရာက္သူအေလ်ာက္ မနက္မိုးလင္းကေနလုပ္လိုက္ရတဲ႕ မျပီးဆံုးႏိုင္တဲ႕ မာတာမိခင္တုိ႕ရဲ႕ဝတၱရားကေန တစ္ခ်ိဳ႕ဆိုစီးပြားရွာရင္း၊ မိသားစုကိုေစာင္႕ေရွာက္ရင္း ေမွ်ာ္လင္႕ခ်က္ေတြ ကင္းမဲ႕ေနၾကတယ္။
.
. လူလတ္ပိုင္းေတြကိုေတြ႕ျပန္ေတာ႕ ရတဲ႕အလုပ္နဲ႕တတ္ထားတဲ႕ပညာမကိုက္ညီတာ . . ဒါက ေက်ာင္းမျပီးပဲလုပ္ငန္းခြင္အေတြ႕အၾကံဳကြ်မ္းက်င္လာသူကိုေျပာတာ၊ ေက်ာင္းျပီးတာႏွစ္အနည္းငယ္ၾကာသူေတြက်ေတာ႕ ေက်ာင္းကသင္ေပးလိုက္ျပီး ေျဖခဲ႕တဲ႕စာေမးပြဲရဲ႕အခ်က္အလက္ေတြကုိ မမွတ္မိတာကတစ္မ်ိဳး၊ လက္ေတြ႕မွာအသံုးမတည္႕တာက တစ္ဖံု အစံုစံု ေမွ်ာ္လင္႕ခ်က္ကင္းမဲ႕ေနၾကတယ္။

.
.
. ကဲ . . ေနာက္ဆံုးမ်ိဳးဆက္ လူငယ္ေလးေတြကို ၾကည္႕ၾကည္႕ပါဦး . .။ မူၾကိဳကေနပညာသင္ယူရမယ္ဆုိတဲ႕ စံနစ္တစ္ခုမွာ ကေလးေတြရဲ႕ေန႕စဥ္ေက်ာင္းစာသင္ခန္းကေန ဘာကိုမွအပိုေမွ်ာ္လင္႕စရာမလုိတာ လက္ခံပါတယ္။ ဒါေပမယ္႕ (၈) တန္းေလာက္ေရာက္လာျပီ၊ (၉) တန္းေျဖျပီးသားအရြယ္ေတြမွာ မိဘေတြက သူတုိ႕ေက်ာင္းလြယ္အိတ္ထဲ လက္ကိုင္ဖုန္းတစ္လံုးမထည္႕ေပးလို႕ မရေတာ႕သလို သူတို႕ရဲ႕မ်က္ႏွာေတြမွာလည္း ဘာအတြက္ေက်ာင္းတက္လို႕ ဘာကိုစိတ္ဝင္စားေနပါတယ္ဆုိတဲ႕ တစ္စံုတစ္ခုေသာေမွ်ာ္လင္႕ခ်က္မ်ိဳး ကင္းမဲ႕ေနတာကုိ သတိထားမိလာတယ္။
.
. အခုေခတ္ အသက္အရြယ္ နဲ႕ မိမိဘယ္သူဆုိတာ အမွန္ေျပာစရာမလိုတဲ႕ အြန္လိုင္းမ်ိဳးဆက္သစ္ေတြမွာဆို ပိုလို႕သာဆိုး။ ကုိယ္တိုင္ေရးေတာ႕ ျမန္းဂလစ္ရွ္၊ ပရုိဖိုင္ပံုတင္ေတာ႕ ဝတ္လစ္စလစ္၊ မွတ္ခ်က္ေပးေတာ႕ ျမန္မာမစစ္ နဲ႕။ ဒါေတြထားလုိက္ပါဦး။ လက္ကိုင္ဖုန္းေပၚမွာ သူတုိ႕ဘာလုပ္ေနၾကတယ္ဆုိတဲ႕ လႈပ္ရွားမႈ - Online Activity ေတြထဲမွာ ေကာင္းႏိုးရာရာေမွ်ာ္လင္႕ခ်က္ေလးေတြ ရွာၾကည္႕လုိက္ဦးမယ္။
.
.
. အခုဆုိ " ေနက အီေကြတာတည္႕တည္႕ေရာက္ေနလို႕ ေရပိုေသာက္ပါ " ဆိုတဲ႕ ပို႕စ္ နဲ႕ " At 6 pm UK time tonight, let Facebook fall silent for 22 minutes. No posts, no status updates, no uploads. Just still and silent for the 22 victims lost.. " ဆိုတာေတြရဲ႕ ဘယ္လိုအရင္းအျမစ္ကလာတဲ႕သတင္းမွန္းမသိ၊ အတည္ျပဳလို႕မရတဲ႕ဘယ္စာမ်က္ႏွာကသတင္းေတြကုိ မွ်ေဝ - Share ေနၾကရင္း ဖုန္းေဘလ္ နဲ႕ အခ်ိန္ကုန္ လူပန္း မရႊင္မလန္း ေမွ်ာ္လင္႕ခ်က္ပန္းအလွက အလွမ္းေဝးလွတယ္။ သူတုိ႕ကို ဒီသတင္းေတြ ဘယ္မွာဖတ္ျပီး အတည္ျပဳႏုိင္မလဲလို႕ေမးေတာ႕ ဆြံ႕အကုန္တယ္ . . အေၾကာင္းမျပန္ႏုိင္ေတာ႕ဘူး။ ရပ္တန္႕သြားတယ္။
.
. တစ္ေယာက္ကဆို (အမွန္ကတစ္ေယာက္မကပါ) သူတုိ႕ကိုအဂၤလိပ္စာေကာင္းေအာင္လမ္းညႊန္ေပးပါ တဲ႕ . .။ ကြ်န္ေတာ္ကေျပာတယ္ " ဦးညီက အဂၤလိပ္စာဆရာမဟုတ္ဘူး . . ထင္သေလာက္လည္းမတတ္ဘူး " လို႕ ရွင္းရွင္းဝန္ခံရင္းျပန္ေျပာရတယ္။ အဲဒါကို သူတို႕က မရဘူး . . ေျပာေပးပါ၊ လမ္းျပပါ၊ ခုိင္းတာလုပ္ပါမယ္၊ သိပ္တတ္ခ်င္လို႕ပါ ဆိုလာျပန္ေတာ႕ ကြ်န္ေတာ္တစ္ခုပဲ ခုိင္းလိုက္တယ္။
.
.
. ကုိယ္သိခ်င္၊ တတ္ခ်င္တဲ႕ နယ္ပယ္က သတင္း (ဘာသတင္း ဘာအေၾကာင္းအရာျဖစ္ျဖစ္) (၁) ရက္ကို အဂၤလိပ္လို (၁) ပုဒ္ အျပီးဖတ္ရမယ္။ အဲဒီထဲမွာ မသိနားမလည္တာပါရင္ ျမန္မာ-အဂၤလိပ္အဘိဓာန္မွာရွာ၊ ဘာသာရပ္ဆိုင္ရာကိုမသိရင္ နားလည္သူကိုေမး၊ အဲဒီလိုဖတ္ရင္း တစ္လကို အပုဒ္ (၃ဝ) ျပည္႕ရင္ ျပန္အေၾကာင္းၾကားလို႕ အိမ္စာေပးလိုက္တယ္ (အခုထိေတာ႕ အေၾကာင္းျပန္လာသူတစ္ေယာက္မွမရွိေသးဘူး)။ ဒါဟာ သူတုိ႕အတြက္ အြန္လိုင္းေခတ္မွာ ဘာဖတ္ဖတ္ျမန္မာလိုရွာဖတ္ေနတဲ႕ " ေမွ်ာ္လင္႕ခ်က္မဲ႕လူငယ္မ်ားရဲ႕ကမၻာကုိပတ္ၾကည္႕မယ္႕ေရာင္နီဦး " ပဲ လုိ႕ ကြ်န္ေတာ္ ပိုပိုသာသာေျပာခ်င္တယ္။
.
. ကြ်န္ေတာ႕ထက္တတ္သူေတြ အြန္လိုင္းေပၚမွာအမ်ားၾကီးပါ။ တစ္ခ်ိဳ႕ ထင္ထင္ေပၚေပၚေနတယ္။ တစ္ခ်ိဳ႕ သူတုိ႕တတ္မွန္းမသိေအာင္ေနတယ္။ ဒါေပမယ္႕ " ဘယ္သူလမ္းျပေပးမလဲ? " ဆုိတဲ႕ လူငယ္ေတြရဲ႕" အဂၤလိပ္စာတတ္ေျမာက္လုိျခင္းေမွ်ာ္လင္႕ခ်က္ " ကို ျဖည္႕စြမ္းေပးမယ္႕သူ နည္းတယ္။ ဒါ အမွန္ေျပာတာ။t
.
.
. တစ္ခ်ိဳ႕ေသာသူေတြက ကိုယ္တတ္ထားတဲ႕အဂၤလိပ္စာနဲ႕ သူမ်ားကို ေဆာ္ပစ္ - Snap လုပ္လိုက္ရင္း " မင္းတုိ႕ငါ႕ေလာက္မတတ္ပါဘူးကြာ " ဆုိျပီးေက်နပ္ေနရင္ သူတတ္ထားတဲ႕အဂၤလိပ္စာဟာ အဲဒီေနရာမွာပဲ သိမ္းထားလိုက္ပါေတာ႕။ အမ်ားအက်ိဳးျပဳဖုိ႕ မျဖစ္ႏိုင္ပါဘူး။
.
. တစ္မ်ိဳးတစ္စားေသာသူမ်ားက်ေတာ႕ " သူတို႕မမွန္ပဲ ေရးေန ေျပာေနတာကို ျပင္ေပးမယ္႕သူမရွိတာ " က သနားစရာပဲ။ သူတုိ႕မွားတာကိုျပင္ေပးရင္ အစားနင္သလို အသည္းအသန္ေခ်ာင္းဆိုးျပတယ္။ ေခ်ာင္းဟန္႕ျပတယ္။ အသံထြက္လာတယ္။ ဒါေပမယ္႕ မွန္သလားဆိုေတာ႕ မဟုတ္ျပန္ဘူး။ မွန္ရမယ္႕အစား မာန္-ၾကြ-မွား ေနတယ္လို႕ ေျပာရမယ္ထင္တယ္။
.
.
. ကြ်န္ေတာ္မၾကာခဏေျပာေနတာတစ္ခုရွိတယ္ " ကမၻာအျပင္ထြက္လိုက္ရင္ ျမန္မာႏိုင္ငံထဲကတတ္ထားခဲ႕တဲ႕အဂၤလိပ္စာဟာ မတူေတာ႕ဘူး " ဆုိတာကိုပါ။ ဒါကိုလည္း တတ္လြန္းလို႕ေျပာတာမဟုတ္ပါဘူး။ ကုိယ္႕ရဲ႕ မစို႕မပို႕အဂၤလိပ္စာေၾကာင္႕ ခံရလြန္းလို႕ ဒီစကားကိုေျပာႏုိင္ခဲ႕တယ္။
.
. မတူတဲ႕အသံုး၊ ကြဲျပားတဲ႕ေနရာ၊ ျခားနားတဲ႕ဓေလ႕ထံုးစံ နဲ႕ေတာ႕ ပီဇာစားသူရဲ႕စကားကုိ ကြမ္းယာစားသူက မွီေအာင္ ပီေအာင္ လုိက္ေျပာႏိုင္ဖို႕ဆုိတာ ဘယ္လြယ္ပါ႕မလဲ . . မဟုတ္ဘူးလား?
.
.
. ဒါေၾကာင္႕ ျမန္မာႏုိင္ငံကေနစြန္႕ခြာျပီးႏွစ္အတန္ၾကာတဲ႕အထိ ကြ်န္ေတာ႕ရဲ႕အဂၤလိပ္စာဟာ ေမွ်ာ္လင္႕ခ်က္မဲ႕ခဲ႕တယ္။ အခု ျပန္ရွာေတြ႕ဖို႕နည္းလမ္းသိျပီ။ ဒါေတာင္ မအားလို႕ ေခြးအလွည္းနင္းျဖစ္ေနရတဲ႕အခ်ိန္ေတြအတြက္ ရင္ခုန္ေနရတုန္း။
.
. အခ်ဳပ္အားျဖင္႕ အဂၤလိပ္စာ နဲ႕ လူငယ္ဟာ ခြဲျခားလို႕မရတဲ႕ အေၾကြေစ႕ရဲ႕ အေရွ႕ နဲ႕ ေက်ာဘက္လုိ႕ ဦးစီးဦးေဆာင္အစိုးရက သိလာတဲ႕တစ္ေန႕ ႏိုင္ငံဟာတဟုန္ထုိး တုိးတက္လာေတာ႕မယ္။ အဲဒီကေနတဆင္႕ သုေတသန နဲ႕ တိုးတက္မႈရွာေဖြျခင္း - R&D (Research and Development) ကုိ တုိးခ်ဲ႕ဖို႕ ပညာတတ္ေတြဟာ အဂၤလိပ္လိုေရး၊ အဂၤလိပ္လိုေတြးရံုမက အဂၤလိပ္စာကိုအသံုးျပဳျပီး ကမၻာကိုလွမ္းခ်ိတ္ဆက္ႏိုင္ေတာ႕မယ္။ ဒါဟာ ျမန္မာႏိုင္ငံရဲ႕ ေနာက္ဆံုးေမွ်ာ္လင္႕ခ်က္ပဲဆိုတာ ဒီေနရာကေန ေျပာခ်င္တယ္။
.
.
. ဒီလုိလုပ္သင္႕တယ္ဆုိတာသိတဲ႕ေနာက္ အခုလက္ရွိ Facebook ေပၚမွာ ျမန္မာလိုခ်ည္းရွာဖတ္ေနတဲ႕လူငယ္ေတြဟာ မိမိရဲ႕အနာဂါတ္အလုပ္အကိုင္အခြင္႕အလမ္း နဲ႕ ဘဝတုိးတက္မႈအတြက္ သူမ်ားတကာနဲ႕ယွဥ္ႏုိင္သထက္ယွဥ္ျပိဳင္လာႏိုင္တဲ႕ေနာက္ ေမွ်ာ္လင္႕ခ်က္အလင္းေရာင္ ထြန္းေျပာင္လာေစဖုိ႕ အဂၤလိပ္လိုေရးထားတဲ႕ " စာ " ကို မ်ားမ်ားဖတ္ၾကပါလို႕ တုိက္တြန္းရင္း အမိျမန္မာႏုိင္ငံအတြက္ ေမွ်ာ္လင္႕ခ်က္ၾကီးၾကီးမားမား ထားလိုက္မိပါတယ္။
.
. ခင္လ်က္
.
. ကိုညီညီ (ေတာင္ၾကီး)
. 05-26-2017
.
.
Unicode Version:
.
.
. " မျှော်လင့်ချက်အရောင်တက်တဲ့တစ်နေ့ "
. မျှော်လင့်ချက်မဲ့နေတဲ့ လူငယ်လေးတွေ မကြာခဏ ကျွန်တော်တွေ့ဖူးတယ်။ မျှော်လင့်ချက်မဲ့နေတဲ့ လူကြီးသူမတွေလည်း မကြာမကြာ ကျွန်တော်ဆုံဖူးတယ်။ အခုနောက်ပိုင်း အွန်လိုင်းပေါ်မှာ လူငယ်တစ်ယောက်၊ လူကြီးတစ်ယောက်၊ မိန်းမ/ယောက်ျားဆိုပြီးခွဲခြားစရာတောင်မလိုဘူး . . မျှော်လင့်ချက်မဲ့နေသူတွေ ဒုနဲ့ဒေး (ဒူတာတေး မဟုတ်ပါ) မြင်နေရတယ်။
.
. ယောက်ျား(ကြီး) တွေကို စပြောရရင် သူတို့က သူတို့ရဲ့သား/သမီး၊ ဆွေမျိုးမိတ်ဆွေအသိုင်းအဝိုင်းရဲ့လုပ်ဆောင်ရန်ဗာဟီရကိစ္စများမြောင်ကို မနိုင်ဝန်ထမ်းထားရတော့ တစ်နေ့တစ်ရက် အလုပ်အကြွေးမပိစေဖို့ အမြန်လုပ်ဆောင်ရင်း မျှော်လင့်ချက်မဲ့နေတယ်။
.
.
. သိပ်မကွာပါဘူး။ မိန်းမ(ကြီး) တွေလည်း သားရေး/သမီးရေး ဆွေးနွေးဖို့နေနေသာသာ ကလေးသူငယ်လည်း ကလေးသူငယ်အလျောက်၊ အရွယ်ရောက်သူလည်း အရွယ်ရောက်သူအလျောက် မနက်မိုးလင်းကနေလုပ်လိုက်ရတဲ့ မပြီးဆုံးနိုင်တဲ့ မာတာမိခင်တို့ရဲ့ဝတ္တရားကနေ တစ်ချို့ဆိုစီးပွားရှာရင်း၊ မိသားစုကိုစောင့်ရှောက်ရင်း မျှော်လင့်ချက်တွေ ကင်းမဲ့နေကြတယ်။
.
. လူလတ်ပိုင်းတွေကိုတွေ့ပြန်တော့ ရတဲ့အလုပ်နဲ့တတ်ထားတဲ့ပညာမကိုက်ညီတာ . . ဒါက ကျောင်းမပြီးပဲလုပ်ငန်းခွင်အတွေ့အကြုံကျွမ်းကျင်လာသူကိုပြောတာ၊ ကျောင်းပြီးတာနှစ်အနည်းငယ်ကြာသူတွေကျတော့ ကျောင်းကသင်ပေးလိုက်ပြီး ဖြေခဲ့တဲ့စာမေးပွဲရဲ့အချက်အလက်တွေကို မမှတ်မိတာကတစ်မျိုး၊ လက်တွေ့မှာအသုံးမတည့်တာက တစ်ဖုံ အစုံစုံ မျှော်လင့်ချက်ကင်းမဲ့နေကြတယ်။
.
.
. ကဲ . . နောက်ဆုံးမျိုးဆက် လူငယ်လေးတွေကို ကြည့်ကြည့်ပါဦး . .။ မူကြိုကနေပညာသင်ယူရမယ်ဆိုတဲ့ စံနစ်တစ်ခုမှာ ကလေးတွေရဲ့နေ့စဉ်ကျောင်းစာသင်ခန်းကနေ ဘာကိုမှအပိုမျှော်လင့်စရာမလိုတာ လက်ခံပါတယ်။ ဒါပေမယ့် (၈) တန်းလောက်ရောက်လာပြီ၊ (၉) တန်းဖြေပြီးသားအရွယ်တွေမှာ မိဘတွေက သူတို့ကျောင်းလွယ်အိတ်ထဲ လက်ကိုင်ဖုန်းတစ်လုံးမထည့်ပေးလို့ မရတော့သလို သူတို့ရဲ့မျက်နှာတွေမှာလည်း ဘာအတွက်ကျောင်းတက်လို့ ဘာကိုစိတ်ဝင်စားနေပါတယ်ဆိုတဲ့ တစ်စုံတစ်ခုသောမျှော်လင့်ချက်မျိုး ကင်းမဲ့နေတာကို သတိထားမိလာတယ်။
.
. အခုခေတ် အသက်အရွယ် နဲ့ မိမိဘယ်သူဆိုတာ အမှန်ပြောစရာမလိုတဲ့ အွန်လိုင်းမျိုးဆက်သစ်တွေမှာဆို ပိုလို့သာဆိုး။ ကိုယ်တိုင်ရေးတော့ မြန်းဂလစ်ရှ်၊ ပရိုဖိုင်ပုံတင်တော့ ဝတ်လစ်စလစ်၊ မှတ်ချက်ပေးတော့ မြန်မာမစစ် နဲ့။ ဒါတွေထားလိုက်ပါဦး။ လက်ကိုင်ဖုန်းပေါ်မှာ သူတို့ဘာလုပ်နေကြတယ်ဆိုတဲ့ လှုပ်ရှားမှု - Online Activity တွေထဲမှာ ကောင်းနိုးရာရာမျှော်လင့်ချက်လေးတွေ ရှာကြည့်လိုက်ဦးမယ်။
.
.
. အခုဆို " နေက အီကွေတာတည့်တည့်ရောက်နေလို့ ရေပိုသောက်ပါ " ဆိုတဲ့ ပို့စ် နဲ့ " At 6 pm UK time tonight, let Facebook fall silent for 22 minutes. No posts, no status updates, no uploads. Just still and silent for the 22 victims lost.. " ဆိုတာတွေရဲ့ ဘယ်လိုအရင်းအမြစ်ကလာတဲ့သတင်းမှန်းမသိ၊ အတည်ပြုလို့မရတဲ့ဘယ်စာမျက်နှာကသတင်းတွေကို မျှဝေ - Share နေကြရင်း ဖုန်းဘေလ် နဲ့ အချိန်ကုန် လူပန်း မရွှင်မလန်း မျှော်လင့်ချက်ပန်းအလှက အလှမ်းဝေးလှတယ်။ သူတို့ကို ဒီသတင်းတွေ ဘယ်မှာဖတ်ပြီး အတည်ပြုနိုင်မလဲလို့မေးတော့ ဆွံ့အကုန်တယ် . . အကြောင်းမပြန်နိုင်တော့ဘူး။ ရပ်တန့်သွားတယ်။
.
. တစ်ယောက်ကဆို (အမှန်ကတစ်ယောက်မကပါ) သူတို့ကိုအင်္ဂလိပ်စာကောင်းအောင်လမ်းညွှန်ပေးပါ တဲ့ . .။ ကျွန်တော်ကပြောတယ် " ဦးညီက အင်္ဂလိပ်စာဆရာမဟုတ်ဘူး . . ထင်သလောက်လည်းမတတ်ဘူး " လို့ ရှင်းရှင်းဝန်ခံရင်းပြန်ပြောရတယ်။ အဲဒါကို သူတို့က မရဘူး . . ပြောပေးပါ၊ လမ်းပြပါ၊ ခိုင်းတာလုပ်ပါမယ်၊ သိပ်တတ်ချင်လို့ပါ ဆိုလာပြန်တော့ ကျွန်တော်တစ်ခုပဲ ခိုင်းလိုက်တယ်။
.
.
. ကိုယ်သိချင်၊ တတ်ချင်တဲ့ နယ်ပယ်က သတင်း (ဘာသတင်း ဘာအကြောင်းအရာဖြစ်ဖြစ်) (၁) ရက်ကို အင်္ဂလိပ်လို (၁) ပုဒ် အပြီးဖတ်ရမယ်။ အဲဒီထဲမှာ မသိနားမလည်တာပါရင် မြန်မာ-အင်္ဂလိပ်အဘိဓာန်မှာရှာ၊ ဘာသာရပ်ဆိုင်ရာကိုမသိရင် နားလည်သူကိုမေး၊ အဲဒီလိုဖတ်ရင်း တစ်လကို အပုဒ် (၃ဝ) ပြည့်ရင် ပြန်အကြောင်းကြားလို့ အိမ်စာပေးလိုက်တယ် (အခုထိတော့ အကြောင်းပြန်လာသူတစ်ယောက်မှမရှိသေးဘူး)။ ဒါဟာ သူတို့အတွက် အွန်လိုင်းခေတ်မှာ ဘာဖတ်ဖတ်မြန်မာလိုရှာဖတ်နေတဲ့ " မျှော်လင့်ချက်မဲ့လူငယ်များရဲ့ကမ္ဘာကိုပတ်ကြည့်မယ့်ရောင်နီဦး " ပဲ လို့ ကျွန်တော် ပိုပိုသာသာပြောချင်တယ်။
.
. ကျွန်တော့ထက်တတ်သူတွေ အွန်လိုင်းပေါ်မှာအများကြီးပါ။ တစ်ချို့ ထင်ထင်ပေါ်ပေါ်နေတယ်။ တစ်ချို့ သူတို့တတ်မှန်းမသိအောင်နေတယ်။ ဒါပေမယ့် " ဘယ်သူလမ်းပြပေးမလဲ? " ဆိုတဲ့ လူငယ်တွေရဲ့" အင်္ဂလိပ်စာတတ်မြောက်လိုခြင်းမျှော်လင့်ချက် " ကို ဖြည့်စွမ်းပေးမယ့်သူ နည်းတယ်။ ဒါ အမှန်ပြောတာ။t
.
.
. တစ်ချို့သောသူတွေက ကိုယ်တတ်ထားတဲ့အင်္ဂလိပ်စာနဲ့ သူများကို ဆော်ပစ် - Snap လုပ်လိုက်ရင်း " မင်းတို့ငါ့လောက်မတတ်ပါဘူးကွာ " ဆိုပြီးကျေနပ်နေရင် သူတတ်ထားတဲ့အင်္ဂလိပ်စာဟာ အဲဒီနေရာမှာပဲ သိမ်းထားလိုက်ပါတော့။ အများအကျိုးပြုဖို့ မဖြစ်နိုင်ပါဘူး။
.
. တစ်မျိုးတစ်စားသောသူများကျတော့ " သူတို့မမှန်ပဲ ရေးနေ ပြောနေတာကို ပြင်ပေးမယ့်သူမရှိတာ " က သနားစရာပဲ။ သူတို့မှားတာကိုပြင်ပေးရင် အစားနင်သလို အသည်းအသန်ချောင်းဆိုးပြတယ်။ ချောင်းဟန့်ပြတယ်။ အသံထွက်လာတယ်။ ဒါပေမယ့် မှန်သလားဆိုတော့ မဟုတ်ပြန်ဘူး။ မှန်ရမယ့်အစား မာန်-ကြွ-မှား နေတယ်လို့ ပြောရမယ်ထင်တယ်။
.
.
. ကျွန်တော်မကြာခဏပြောနေတာတစ်ခုရှိတယ် " ကမ္ဘာအပြင်ထွက်လိုက်ရင် မြန်မာနိုင်ငံထဲကတတ်ထားခဲ့တဲ့အင်္ဂလိပ်စာဟာ မတူတော့ဘူး " ဆိုတာကိုပါ။ ဒါကိုလည်း တတ်လွန်းလို့ပြောတာမဟုတ်ပါဘူး။ ကိုယ့်ရဲ့ မစို့မပို့အင်္ဂလိပ်စာကြောင့် ခံရလွန်းလို့ ဒီစကားကိုပြောနိုင်ခဲ့တယ်။
.
. မတူတဲ့အသုံး၊ ကွဲပြားတဲ့နေရာ၊ ခြားနားတဲ့ဓလေ့ထုံးစံ နဲ့တော့ ပီဇာစားသူရဲ့စကားကို ကွမ်းယာစားသူက မှီအောင် ပီအောင် လိုက်ပြောနိုင်ဖို့ဆိုတာ ဘယ်လွယ်ပါ့မလဲ . . မဟုတ်ဘူးလား?
.
.
. ဒါကြောင့် မြန်မာနိုင်ငံကနေစွန့်ခွာပြီးနှစ်အတန်ကြာတဲ့အထိ ကျွန်တော့ရဲ့အင်္ဂလိပ်စာဟာ မျှော်လင့်ချက်မဲ့ခဲ့တယ်။ အခု ပြန်ရှာတွေ့ဖို့နည်းလမ်းသိပြီ။ ဒါတောင် မအားလို့ ခွေးအလှည်းနင်းဖြစ်နေရတဲ့အချိန်တွေအတွက် ရင်ခုန်နေရတုန်း။
.
. အချုပ်အားဖြင့် အင်္ဂလိပ်စာ နဲ့ လူငယ်ဟာ ခွဲခြားလို့မရတဲ့ အကြွေစေ့ရဲ့ အရှေ့ နဲ့ ကျောဘက်လို့ ဦးစီးဦးဆောင်အစိုးရက သိလာတဲ့တစ်နေ့ နိုင်ငံဟာတဟုန်ထိုး တိုးတက်လာတော့မယ်။ အဲဒီကနေတဆင့် သုတေသန နဲ့ တိုးတက်မှုရှာဖွေခြင်း - R&D (Research and Development) ကို တိုးချဲ့ဖို့ ပညာတတ်တွေဟာ အင်္ဂလိပ်လိုရေး၊ အင်္ဂလိပ်လိုတွေးရုံမက အင်္ဂလိပ်စာကိုအသုံးပြုပြီး ကမ္ဘာကိုလှမ်းချိတ်ဆက်နိုင်တော့မယ်။ ဒါဟာ မြန်မာနိုင်ငံရဲ့ နောက်ဆုံးမျှော်လင့်ချက်ပဲဆိုတာ ဒီနေရာကနေ ပြောချင်တယ်။
.
.
. ဒီလိုလုပ်သင့်တယ်ဆိုတာသိတဲ့နောက် အခုလက်ရှိ Facebook ပေါ်မှာ မြန်မာလိုချည်းရှာဖတ်နေတဲ့လူငယ်တွေဟာ မိမိရဲ့အနာဂါတ်အလုပ်အကိုင်အခွင့်အလမ်း နဲ့ ဘဝတိုးတက်မှုအတွက် သူများတကာနဲ့ယှဉ်နိုင်သထက်ယှဉ်ပြိုင်လာနိုင်တဲ့နောက် မျှော်လင့်ချက်အလင်းရောင် ထွန်းပြောင်လာစေဖို့ အင်္ဂလိပ်လိုရေးထားတဲ့ " စာ " ကို များများဖတ်ကြပါလို့ တိုက်တွန်းရင်း အမိမြန်မာနိုင်ငံအတွက် မျှော်လင့်ချက်ကြီးကြီးမားမား ထားလိုက်မိပါတယ်။
.
. ခင်လျက်
.
. ကိုညီညီ (ေတာင္ၾကီး)
. 05-26-2017