တည်ငြိမ်မှု၏လှမ်းခေါ်သံ

ဆောင်းပါးရှင် - ကိုညီညီ ( တောင်ကြီး )

.

( ၁ )

တစ်ချို့သောအချိန်တွေမှာ ပြည့်နှက်နေတဲ့ရက်ချိန်းတွေကြားမှာ ဘာကိုမှထပ်တိုးလုပ်လို့မရလောက်အောင်ဖြစ်ရတဲ့အခြေအနေတွေ ကျွန်တော်တို့ကြုံတွေ့ရပါတယ်။ အားလပ်ချိန်တွေဟာလည်း အလုပ်၊ သင်တန်း၊ လူမှုရေးပွဲလမ်းသဘင်များ နဲ့ တောက်တိုမယ်ရဗာဟီရများရဲ့ ပြန်ပေးဆွဲခြင်းကို ခံနေရပါတယ်။ ဒါ့အပြင် ခေတ်မှီအီလက်ထရောနစ်ပစ္စည်းများကနေ အဆက်မပြတ်ပို့လွှတ်လာတဲ့ တောင်ပုံယာပုံသတင်းအချက်အလက်တွေရဲ့ မတူစဖူးထူးကဲစွာလွှမ်းမိုးမှုကို တစ်ဆက်တည်းခံစားနေရပါတယ်။

.

အဆိုပါ အဆက်မပြတ်ကွန်နက်ရှင်များကြောင့် မိမိကိုယ်ကိုယ်ဘာမှလုပ်စရာမရှိဘူးလို့ထင်ရလောက်အောင် ပျင်းရိတဲ့စိတ်ဟာ ညနက်သန်းခေါင်အထိ မရပ်နားနိုင်သေးပါဘူး။ ဒါကြောင့် လူတွေမှာ ဆန့်ကျင်ဖက်စိတ်ဖိစီးမှုတွေဝင်လာရပါတယ်။

.

ဒီစိတ်ဖောက်ပြန်မှုဖြစ်စဉ်တွေဟာ တစ်ဖက်လှည့်အနေနဲ့ အလုပ်အပေါ်မှာ အလုပ်သမားတွေရဲ့အာရုံစိုက်မှု၊ အလုပ်ရှင်တွေရဲ့အလုပ်သမားတွေအပေါ်မှာငဲ့ညှာမှု၊ တိကျတဲ့လုပ်ကိုင်ရည်တွေအပေါ်နဲ့ ကုန်ပစ္စည်းထွက်နှုန်းတွေပေါ်မှာ အကျိုးသက်ရောက်မှုရှိလာပါတယ်။ အခြေခံအားဖြင့် အလုပ်ရှုတ်အောင်လုပ်ထားခြင်း - Busyness ကို အလုပ်အပေါ်စိတ်ဝင်စားမှု နဲ့ လူလူချင်းဆက်ဆံမှုလမ်းသွယ်ကို လှပသေသပ်အောင်ခင်းကျင်းပေးထားတယ်ဆိုရင် မမှားတော့ပါဘူး။

.

( ၂ )

ကျန်းမာရေးပျက်ယွင်းခြင်း၊ ကွာရှင်းပြတ်စဲခြင်း နဲ့ နှလုံးသွေးကြောပြတ်ခြင်း စတဲ့ ဘဝပျက်လောက်တဲ့အဖြစ်ဆိုးတွေကြုံရဖို့ ထိုင်စောင့်နေစရာမလိုတာက ကောင်းခြင်းမင်္ဂလာတစ်ခုပါပဲ။ ဒါကြောင့် ကျွန်တော်တို့မှာအချိန်ရှိတယ်။ ဒါကြောင့် နားရမယ်။ ဖြည်းဖြည်ချင်း လုပ်ယူရမယ်။

.

အစီအစဉ်တွေကြပ်နေတဲ့အကြောင်းရင်းကို သိရမယ်။ များပြီးပိနေတဲ့အလုပ်တွေရဲ့ မူလအရင်းမြစ်ကို ရှာရမယ်။ တွေ့တဲ့နေရာမှာ သိသိချင်း ကိုယ့်ခန္ဓာကိုယ်ကိုမောင်းနှင်နေတဲ့အရှိန်ကို ချက်ချင်းလျှော့ချပစ်ရမယ်။ လှုပ်ရှားမှုတစ်ခုနဲ့တစ်ခုကြားမှာ ခြားပစ်ရမယ်။ သတိမဲ့နေတဲ့ အချိန်တွေကို တတ်နိုင်သလောက် ဆွဲထားရမယ်။ လျော့နည်းအောင် လုပ်ရမယ်။ ဘဝကို အေးဆေးစွာရင်ဆိုင်ရမယ်။ တစ်စုံတစ်ခုသောအရာအတွက် တစ်မိနစ်၊ တစ်စက္ကန့်လောက်ပဲအချိန်ရတယ်ဆိုစေဦး ဖြည်းညှင်းသက်သာစွာလုပ်ရပါမယ်။

၄၅ ဒီဂရီစောင်းနေသောကမ္ဘာ

ဆောင်းပါးရှင် - ကိုညီညီ ( တောင်ကြီး )

( ၁ )

ကျွန်တော်နေတဲ့ကမ္ဘာက နဂိုကတည်းက နည်းနည်းနောနောစောင်းနေခဲ့တာမဟုတ်ဘူး။ သူများနဲ့မတည့်တဲ့စကားပြောပေါက်၊ တည့်တည့်ကြည့်နေရင်းကို သူများကိုရန်စောင်သလိုဖြစ်နေတတ်တဲ့မျက်လုံးတစ်စုံ၊ ဘယ်ကိစ္စမဆိုလက်ရောက်တန်ပြန်တတ်တဲ့အကျင့်ဆိုး၊ ဈေးတူရင်ကိုယ်ကသာလျှော့ရောင်းပေးလိုက်မယ်ဆိုတဲ့ ရောင်းကွက်တွေကြောင့် ဘယ်ဘဝရောက်ရောက် ချော့မွေ့တယ်ရယ်လို့မရှိပဲ ကြမ်းတမ်းခဲ့တယ်။ ဒါပေမယ့်ရပါတယ် .. အမေပေးတဲ့ဦးခေါင်းတစ်လုံးရှိနေသေးတာပဲ။

.

( ၂ )

ကျွန်တော်ကြီးပြင်းခဲ့တဲ့ ကမ္ဘာဟာ နဂိုကတည်းက မညီမျှခဲ့ဘူး။ အကြီးတွေက အငယ်ဆိုမညှာဘူး။ အငယ်ဆုံးမို့ နောက်ကျပြီးလူရာဝင်တယ်။ ဦးရာလူယူစံနစ်အောက်မှာ အရာရာကိုငေးခဲ့ရတယ်။ ကျောင်းပိတ်တဲ့အချိန်မှာ သူများတကာလိုဆော့ကစားရမယ့်အစား ဈေးဆိုင်စောင့်ခဲ့ရတယ်။

.

သူငယ်ချင်းမိသားစုတွေ အပျော်ခရီးထွက်နေချိန်မှာ အိမ်ကဒတ်ဆန်းကားပေါ်မှာ ကားစောင့်ကျန်နေရစ်ရတယ်။ ကျွန်တော့ထက်အရင်မွေးသူတွေစားဖို့ ဆောင်းတွင်းအေးအေးမှာ ယောက်ျားစီးစက်ဘီးကြီးကိုခွပြီး ညဈေးတန်းမှာ ခေါက်ဆွဲကြော်သွားဝယ်ပေးရတယ်။ ဒါပေမယ့် ရပါတယ် .. အမေပေးတဲ့ ခြေထောက်တစ်စုံရှိနေသေးတာပဲ။

.

( ၃ )

ကျွန်တော်တက်ခဲ့တဲ့ကျောင်းမှာ အလယ်တန်းပြီးရင် ဆက်တက်စရာမရှိပါ။ အာစရိယပူဇော်ပွဲရောက်တိုင်း အလှူငွေအများကြီးထည့်တတ်တဲ့ ဖခင်ကြောင့် မျက်နှာမငယ်ခဲ့ရပါဘူး။ ( ၅ ) တန်းရောက်မှ အင်္ဂလိပ်စာ စသင်ရတယ်။ A, B, C, D ကို စဖတ်တတ်ခဲ့တဲ့ကျွန်တော်ဟာ မိခင်ဘာသာစကားတရုတ်ထက် အင်္ဂလိပ်စာကိုစွဲလမ်းခဲ့ပေမယ့် အမြဲတမ်း မြန်မာစာ ( ၆၂ ) မှတ်ရတယ်။

ကောလိပ်တက်မလို့လား .. လိုက်ပို့ပေးမယ်လေ

ဆောင်းပါးရှင် - ကိုညီညီ ( တောင်ကြီး )

.

.

ရဲမင်း ။         ။ မင်း ငါ့ကိုအကူအညီတောင်းစရာရှိတယ်ဆို ဘာများလဲ ရဲသွေး ရ..။

.

ရဲသွေး ။          ။ အေး .. ဟုတ်တယ်။ ငါက ဒီရောက်တာမကြာသေးတော့ မသွားတတ် မလာတတ်ဖြစ်နေလို့ မင်းကိုကျောင်းအပ်ခိုင်းမလို့ပါ။

.

.

ရဲမင်း ။         ။ ကောလိပ်ကျောင်းလား? တက္ကသိုလ်တစ်ခါတည်းတက်မှာလား?

.

ရဲသွေး ။          ။ ငါ့မိဘတွေကတော့ အကုန်အကျသက်သာအောင် နဲ့ ကျောင်းမြန်မြန်ပြီးအောင် တက္ကသိုလ်တက်ခိုင်းတယ်။ ငါ့အထင် တက္ကသိုလ်တက်ရင် စာနိုင်မယ်မထင်ဘူးကွ။

.

.

ရဲမင်း ။         ။ ဟင် .. ဟုတ်ပါ့မလား။ မင်းက ဒီ အမေရိကားမလာခင်လေးကပဲ ( ၁ဝ ) တန်းမှာ ဂုဏ်ထူး ( ၅ ) ခု ထွက်ခဲ့တာဆို။ မင်းလုပ်နိုင်မှာပါ။

.

ရဲသွေး ။          ။ ဒါက မင်းထင်တာကိုးကွ။ ငါ့အတွက်က ဒီနေရာမှာ ယဉ်ကျေးမှုအသစ်၊ အမြင်အသစ်၊ ဘာသာစကားအသစ်၊ စာသင်စံနစ်အသစ်နဲ့ အားလုံးအသစ်ချည်းပဲ။ အခုမှ စသင်နေတုန်းဆိုတော့ မင်းကိုမေးချင်တာလဲပါတယ်။ ဒါကြောင့် မင်းကို စကားပြောဖို့ ခဏခေါ်လိုက်တာ။ မေးချင်တယ်ဆိုရင်တော့ ပိုမှန်ပါတယ်ကွာ။

.

.

ရဲမင်း ။         ။ မြန်မာနိုင်ငံကနေ ဒီနိုင်ငံကိုလိုက်လာတဲ့ ကျောင်းသားတွေကို အကြမ်းအားဖြင့် ( ၄ ) မျိုးခွဲနိုင်တယ်။

.

( ၁ ) ကလေးငယ် - မူလတန်း ကနေ အလယ်တန်းအထိ

.

( ၂ ) အတန်းကြီးပေမယ့် ( ၁ဝ ) တန်း မအောင်သေးသူ

.

( ၃ ) ( ၁ဝ ) တန်းအောင်ပြီး ဇဝေဇဝါဖြစ်နေသူ

.

( ၄ ) မေဂျာတစ်ခုခုနဲ့ကျောင်းပြီးထားပြီး ကျောင်းဘယ်လိုစတက်ရမှန်းမသိသူ -

.

ဒီ ( ၄ ) မျိုးထဲမှာမပါတဲ့ကျောင်းသားတွေကတော့ အမေရိကားကျောင်းတွေကို မြန်မာနိုင်ငံကနေ တိုက်ရိုက်လျှောက်ပြီး ကောလိပ် နဲ့ တက္ကသိုလ်လာတက်ဖို့ တစ်ယောက်တည်းကြိုးစားရသူတွေပေါ့ကွာ။