 |
| ဆောင်းပါးရှင် - ကိုညီညီ (တောင်ကြီး) |
မြန်မာနိုင်ငံကပလက်ဖောင်းလက်ဘက်ရည်ဆိုင်အရသာကို အမေရိကားမှာမရနိုင်ပါဘူး။ ဒါပေမဲ့ မြန်မာတွေလုပ်တဲ့ပွဲမှာ ဖျော်တတ်သူတစ်ချို့ရှိလို့ ခပ်ဆင်ဆင်အရသာကို သောက်ခွင့်ရခဲ့ဖူးပါတယ်။ ကိုယ့်အိမ်နဲ့ကိုယ်ကျတော့ ကိုယ်တိုင်လုပ်တတ်မှစာသုံးခွင့်ရတဲ့ အမေရိကားရောက်မြန်မာတစ်ယောက်ရဲ့လက်ဘက်ရည်ချဉ်ခြင်းတပ်ခြင်းအကြောင်းကိုရေးပြချင်ပါတယ်။
 |
| လူပုံမဟုတ်ပါဘူး။ နောက်နေတာမဟုတ်ပါဘူး။ အချိုခြောက် (၃) ထုတ်ကို နမူနာပြထားတာပါ။ |
အစပိုင်းက မြန်မာနိုင်ငံက စိုးဝင်းအချိုခြောက်ကိုမှာသောက်ဖူးတယ်။ နောက်အခေါက်တွေကျတော့ ယိုးဒယားစာတန်းနဲ့တံဆိပ်အဝါသုံးဖူးပြန်တယ်။ အဲဒီအချိန်အထိ မြန်မာနိုင်ငံအရသာကိုမှီအောင်မဖျော်တတ်သေးပါဘူး။ နောက်ပိုင်း လူကြုံမရှိတော့ ဒီမှာပဲ ရှာရဖွေရတဲ့အခါ အိန္ဒိယမ်းစတိုးဆိုင်တွေဆီရောက်သွားပါတယ်။
 |
| ပွက်ပွက်ဆူအောင်ကြိုပြီး (၁) ကြိမ်နား၊ နောက်တစ်ခေါက်ပြန်ကြို (၁) ကြိမ်ထပ်နား၊ ဒါမှကျတာ။ ပြီးတော့မှာ စဖျော်။ |
