Windows 10 ဖြင့် ( ၂ဝ၁၅ ) ကို လှလှပပဖွင့်လှစ်ခြင်း

ဆောင်းပါးရှင် - ကိုညီညီ ( တောင်ကြီး )

.

.

( ၂ဝ၁၅ ) ဇန်နဝါရီလ ( ၂၁ ) ရက်နေ့၊ ကယ်လီဖိုးနီးယားပြည်နယ်၊ ရက်မွန် - Redmond မြို့မှာ ထူးထူးခြားခြား မိုက်ခရိုဆော့ဖ် ရဲ့ Windows 10 ကြေငြာမှုက နည်းပညာလောကကို လှုပ်ခတ်ခဲ့ပါတယ်။ ကနဦးကွန်ပျူတာတွေရဲ့ လည်ပတ်မှုစံနစ်တွေကို နှစ်ပေါင်းများစွာ ဦးဆောင်ခဲ့သော်လည်း လက်ပွတ်ခေတ် - Touch Age စပ်ကူးမတ်ကူးကာလမှာ တီထွင်ဆန်းသစ်မှုအရှိန်လျော့ကျခဲ့တဲ့ မိုက်ခရိုဆော့ဖ် ရဲ့ ကျော်ကြားမှုမှေးမှိန်ခဲ့တာ ဘယ်သူမှ မငြင်းနိုင်ပါဘူး။

.

ကျွန်တော်တို့မြန်မာတွေသုံးသမျှ ကွန်ပျူတာ၊ လက်တော့ မှန်သမျှ မိုက်ခရိုဆော့ဖ် ရဲ့ ဝင်းဒိုးတံခါးပေါက်ကနေ ပြေးလို့မလွတ်ပါဘူး။ အခုနောက်ပိုင်း ငွေကြေးရတတ်များက အနောက်နိုင်ငံတွေကို သူတို့ရဲ့သားသမီးတွေ တက္ကသိုလ်ကျောင်းတက်ဖို့လွှတ်ကြတဲ့နောက်ပိုင်းမှာမှ Apple Mac Book လက်တော့ကွန်ပျူတာတွေကို အနည်းငယ်မြင်တွေ့လာရတာ ဖြစ်ပါတယ်။ ထုတ်လုပ်သမျှ တတ်ဆင်သူ - Vendor များက သူ့ရဲ့ဆော့ဝဲလ်ကို မဝယ်မဖြစ်ဝယ်သုံးနေရတဲ့နောက် မိုက်ခရိုဆော့ဖ်ရဲ့ ဈေးကွက်အပေါ်မှာ သာယာပြီး ဘာမှအသစ်မထွင် မှိန်းစားနေတဲ့လုပ်ရပ်ကို သုံးစွဲသူများ လက်ပန်းကျလာကြပါတယ်။

.

မိုက်ခရိုဆော့ဖ်ရဲ့ Windows 10 Event ပွဲက ( ၂ ) နာရီကျော် ကြာပါတယ်။ မျိုးဆက်သစ်ဆော့ဝဲလ်ဖြစ်တာနဲ့အညီ မြန်မာနိုင်ငံမှာလည်း မနှေးအမြန် Upgrade လုပ်ပြီး သုံးစွဲကြမယ်လို့ မျှော်လင့်ပါတယ်။ ဒါကြောင့် ဒီပွဲရဲ့ တင်ပြမှု - Presentation ဗွီဒီယိုဖိုင်ကနေ အနယ်နယ်အရပ်ရပ်က ပြောင်းရွှေ့မြန်မာများပါ အရပ်သားနားလည်အောင် တင်ပြချင်ပါတယ်။ ကျွန်တော့်လို နည်းပညာဝါသနာပါသူ သာမန်လူတစ်ယောက်အကြိုက် အပြင်း-အပျော့ကို ကြယ်ပွင့်များနဲ့ ပြထားပေးပါမယ်။

.

.

.

Windows 10 ဆော့ဝဲလ် အသစ်မှာ ….

.

.

တန်းဖွင့်မျက်နှာပြင်ရဲ့ Task Bar ဟာ အောက်ခြေမှာ ပိုရှည်လာပါတယ်။ တစ်ဆက်တည်းမှာ Search Box လည်း ထည့်သွင်းထားတယ်။ လူကြိုက်များတဲ့ Start Menu ကို နှိပ်လိုက်တာနဲ့ ( ၃ ) ကော်လံစာအကျယ် မီနျူးတက်လာမှာဖြစ်ပြီး ကိုယ်လိုချင်တာ အတော်များများကို လက်ညှိုးထိပ်မှာ ရယူနိုင်အောင်လုပ်ထားပေးတာ တော်တော်ချစ်စရာကောင်းပါတယ်။ For Start Menu (★ ★ ★ ★ ★)

.

.

Mouse ကို ညာဖက်ထောင့်နား သွားကပ်လိုက်ရင် Updated Action Centre ဆိုတာ ဘယ်ဘက်ကို ထွက်လာပါလ်ိမ့်မယ်။ သူ့ထဲမှာ ကိစ္စဝိစ္စတွေကို အမြန်လုပ်ဆောင်ချက် - Quick Action တွေကို အောက်ပိုင်းမှာ အကွက်လိုက်ပြထားပြီး သတိပေး - Notification တွေကိုတော့ အပေါ်ပိုင်းမှာ အစီအရီ တွေ့နိုင်ပါတယ်။ ဒီ Feature တွေဟာ iPhone 4 နဲ့ Samsung Galaxy S3 ခေတ်လောက်ကတည်းက လက်ကိုင်ဖုန်းတွေပေါ်မှာ ကျင့်သားရ သုံးစွဲနေပြီးသားဖြစ်နေကြတာမို့လို့ နောက်ကျနေပါပြီ မိုက်ခရိုဆော့ဖ်ရေ။ For Action Centre (★ ★ )

.

.

Control Panel နဲ့ Setting တို့ ( ၂ ) မျိုးလုံးကို တစ်ခုထဲပေါင်းပေးထားတဲ့ Setting မှာ အသွင်သစ်တွေရှိပါတယ်။ အရေးအကြီးဆုံးလို့ ပြောပြသွားတဲ့လုပ်ဆောင်ချက်အသစ်က Continuing Feature ပဲဖြစ်ပါတယ်။ အဲဒီ Mode မှာ လက်တော့မျက်နှာပြင်ကနေ ကီးဘုတ် နဲ့ မောက်စ်တို့ကို အဆက်အသွယ်ဖြတ်လိုက်တဲ့အခါ အလိုအလျောက် Tablet အသွင်ပြောင်းပေးနိုင်တဲ့ အနေအထားမို့လို့ ကြိုဆိုမိပါတယ်။ လက်တော့ကို Tablet အဖြစ် အတင်းပြောင်းသုံးခိုင်းနေတဲ့ မိုက်ခရိုဆော့ဖ်ရဲ့ တိုက်တွန်းချက်အောင်မြင်အောင် အချိန်တော်တော်ယူရဦးမှာဖြစ်ပါတယ်။ For Continuing (★ ★ ★ ★)

.

.

( ၈” ) Tablet နဲ့ လုပ်ဆောင်ပြတဲ့အခါ ဖွင့်ထားတဲ့ App ကို အပေါ်စပ်မျက်နှာပြင်ကနေ လက်နဲ့ဆွဲလာပြီး ဟိုးအောက်ခြေအထိ ဆွဲချပိတ်သိမ်းလိုက်တဲ့ Feature အသစ်ကို Windows 10 မှာ ထည့်သွင်းထားပါတယ်။ ဒီလုပ်ဆောင်ချက်ဟာ ကိုယ်ပိုင်ထုတ် Tablet အသစ်နည်းပါးလွန်းတဲ့ မိုက်ခရိုဆော့ဖ် ရဲ့ Devices တွေမှာ မျက်နှာပြင် Home Button ခလုပ်မပါတာကို ဖုံးကွယ်မှု အကာအကွယ်တစ်ခုလို့မြင်ပါတယ်။ ဒီလိုလုပ်ဆောင်ချက်ကို အသင့်သင့် ဆော့ဝဲလ် Developer တစ်ယောက်က အခက်အခဲမရှိစွာ ရေးနိုင်ပြီမို့လို့ နောက်ကျနေပါပြီ။ For Closing App Feature (★)

.

.

Tablet ကို ဘေးတိုက်အနေအထား - Landscape Orientation အတွင်း မျက်နှာပြင်တစ်ခုတည်းပေါ်မှာ App ( ၂ ) ခု ကို ဘယ်-ညာ မျှသုံးနိုင်တာ Windows 8 မှာ ပါပြီးသားအဟောင်းပါ။ သို့သော်လည်း Windows 10 သွင်းထားတဲ့ Microsoft Tablet ဘယ်အရွယ်အစားမှာမဆို ကီးဘုတ် နဲ့ မောက်စ် တို့ကို ဆက်သွယ်လိုက်တဲ့အခါ လက်တော့ကွန်ပျူတာလို ချက်ချင်းအသုံးပြုနိုင်မှာဖြစ်ပါတယ်။ ဒါကို အလုပ်များပြီး ပစ္စည်းပစ္စယ - Devices များများမသယ်ဆောင်နိုင်သူတွေအတွက် အဆင်ပြေနိုင်မယ်လို့ဆိုပါတယ်။ အသုံးတည့်ပေမယ့် ( ၈” ) Tablet ပေါ်က မောက်စ် နဲ့ ချိန်ညှိလုပ်ရမယ့် စာလုံးသေးသေးလေးတွေဟာ အလုပ်တွင်ပါ့မလားဆိုတာကတော့ မေးခွန်းထုတ်စရာပါ။ For 2 in 1 Feature (★ ★)

.

.

အသံတုလက်ထောက် - Intelligent Personal Digital Assistant ကို Windows 10 ပေါ်မှာသုံးလို့ရတော့မှာကတော့ အသည်းယားစရာပါ။ အမျိုးသမီးအသံဖြစ်ပြီး Cortana ( “ ခေါ်ထားနာ ” ဟု အသံထွက်ပါသည် ) လို့ အမည်ပေးထားပါတယ်။ ပန်းသီးချစ်သူများရဲ့ Siri ၊ Google ဖုန်းတွေပေါ်က Google ၊ Samsung ဖုန်းတွေပေါ်က S Voice တို့နဲ့ နှိုင်းယှဉ်သုံးစွဲဖို့ အနည်းငယ်စောနေပါသေးတယ်။ အင်တာနက်ရှိတဲ့အခြေအနေမှာ

.

Cortana ဟာ

1.. ဒေသခံလူမျိုးတွေရဲ့ ဘာသာစကားအနည်းငယ်နဲ့ ပြန်ပြောနိုင်တယ်

.

2.. မိုက်ခရိုဖုန်းပါဝင်တဲ့ လက်တော့၊ Desktop တွေပေါ်မှာ အလုပ်လုပ်တယ်

.

3.. Hey .. Cortana လို့ခေါ်လိုက်တဲ့အခါ Device ပိုင်ရှင်အကြိုက် အချက်အလက်တွေကို ခေါ်ယူပြခိုင်းနိုင်တယ်

.

4.. ကွန်ပျူတာတွေပေါ်မှာသာဖွင့်လို့ရတဲ့ ရုံးအလုပ်ဆော့ဝဲလ် တွေကို Cortana က ဖွင့်ပေးနိုင်တယ်

.

5.. ကိုယ်ပိုင် - Personal ဖိုင် ( ဓါတ်ပုံ၊ မြူးစစ် ) တွေကို ဖွင့်နိုင် ပိတ်ပေးနိုင်တယ်။ အီးမေးပို့ပေးနိုင်တယ်

.

6.. ကီးဘုတ်လက်ကွက်နဲ့ ခိုင်းစေချင်သူများအတွက် App တွေကို Search Box ထဲမှာ ရိုက်လိုက်ရုံနဲ့ ရှာပေးနိုင်တယ်

.

7.. ဝင်းဒိုးစံနစ်သုံးတဲ့ ဖုန်း နဲ့ Tablet တွေပေါ်မှာလည်း ဒီ့ထက်ပိုတဲ့ Function တွေနဲ့အလုပ်လုပ်ပါတယ်

.

ကွန်ပျုတာပေါ်မှာ ခိုင်းစေဖို့အင်တာနက်ရှိရမှာဖြစ်ပြီး အသံဖမ်းဆော့ဝဲလ် နားလည်အောင် အင်္ဂလိပ်အသံထွက်ပီသမှုကို မြန်မာများ ရင်ဆိုင်ရဦးမှာဖြစ်ပါတယ်။ ပွင့်လင်းစွာသုံးသပ်ရရင် နောက်မှထွင်တာဖြစ်တဲ့ Cortana ဟာ Siri နဲ့ Google တို့ထက် အနည်းငယ် လျှာရှည်တယ်၊ စကားခပ်ပြတ်ပြတ်ပြောတယ်၊ နားဝင်မချိုဘူးလို့ ထင်မိပါတယ်။ သို့သော် လက်တော့ပေါ်မှာစမ်းသုံးကြည့်ဖို့ ဆန္ဒစောနေမိပါတယ်။ For Cortana (★ ★ ★ ★)

.

.

.

Lumia 1520 ဖုန်းပေါ်မှာစမ်းပြတဲ့အခါ Windows 10 Mobile ဟာ iOS နဲ့ ပြိုင်ဖက် Samsung တို့ရဲ့ Touch Wiz တို့ကို မှီအောင် အတော်လိုက်ရဦးမယ်လို့ မြင်မိပါတယ်။ စာရိုက်ကီးဘုတ်ကို မျက်နှာပြင်အပေါ်ဘောင်နားအထိ ဆွဲတင်သွားလို့ရတာ အမြင်ဆန်းပါတယ်။ IP Based Messaging System သုံးထားတဲ့ Windows 10 Mobile မှာ သာမန်မက်ဆေ့ပို့တာကို အင်တာနက်ကွန်နက်ရှင်သုံးပြီး Skype ထဲကို အတင်းသွတ်သွင်းသလို ခံစားမိပါတယ်။ For Messaging (★)

.

.

Microsoft Office Mobile Version အသစ်ဟာ Windows 10 ( Mobile ) ပေါ်မှာ တစ်ပါတည်းပါလာမယ်ဖြစ်ပါတယ်။ ကွန်ပျူတာဗားရှင်းနဲ့မတူတာက အမိန့်ပေးတဲ့ Command Format တွေဟာ မျက်နှာပြင်အောက်ပိုင်းကနေ ဆင်းယူ ခိုင်းစေရမှာဖြစ်ပါတယ်။ ဖုန်းနဲ့အလုပ်လုပ်သူတွေအတွက် အသုံးများတဲ့ Word ၊ Excel နဲ့ PowerPoint ဖိုင်တွေကို သယ်ဆောင်ရာ - On The Go ပြင်ဆင်နိုင်ပြီး တစ်ခြားသူတွေနဲ့ မျှသုံးတဲ့ ဘုံပိုင်စာရင်းဇယားတွေကို တည်းဖြတ်အပြီးသတ် - Collaborate နိုင်တဲ့အတွက် အင်မတန်ကောင်းမွန်ပါလိမ့်မယ်။ ပရိုဂျက်တာသုံးပြီး လက်ကိုင်ဖုန်းကနေ One Drive ၊ One Drive for Business စတဲ့ Cloud Storage တွေပေါ်မှာသိမ်းထားတဲ့ PowerPoint ဖိုင်တွေနဲ့ အစည်းအဝေး၊ ရှင်းလင်းပွဲတွေလုပ်နိုင်လို့ စီးပွားရေးလုပ်ငန်းရှင်တွေ အကြိုက်တွေ့မယ့် Feature ဖြစ်ပါတယ်။ For Microsoft Office Mobile (★ ★ ★ ★ ★)

.

.

မြန်မာတွေအသုံးနည်းတဲ့ Outlook Mail ကို အဆင့်မြင့်ထားပေမယ့် Gmail လောက်အကျွမ်းဝင်ဖို့ ခက်ပါဦးမယ်။ For Outlook Mail (★ ★)

.

.

Mobile Calendar App မှာ ကာလာအရောင်အသွေးပိုစုံအောင်သုံးထားတာကလွဲပြီး Google Calendar Sync ကို ယှဉ်ရဦးမှာပါ။ For Mobile Calendar (★)

.

.

Photo App မှာ ပန်းသီးရဲ့ iCloud ကို မှီအောင် မနည်းလိုက်ရေးထားတာတွေ့ရတယ်။ ဓါတ်ပုံပြင်တဲ့ တတိယပါတီတွေရဲ့ ဆော့ဝဲလ်တွေကတောင် ပိုသာဦးမယ်လို့ ယူဆပါတယ်။ Album Feature ကို အသက်သွင်းထားပြီး ဖုန်းဆိုရင် ပြောရုံသာပြောပြီး ဓါတ်ပုံကို ဘယ်မှာသိမ်းရမှန်းမသိသူများအတွက် အလုပ်ရှုတ်စေမယ့် လုပ်ဆောင်ချက်ဖြစ်ပါတယ်။ People App က လူတွေသုံးဖို့သိပ်မသေချာနိုင်ပါဘူး။ Music App ဆိုရင်လည်း အွန်လိုင်းရေဒီယိုမပါတဲ့အတွက် ခေတ်မီဖို့အတန်လိုပါသေးတယ်။ For Apps (★ ★)

.

.

လမ်းပြမြေပုံ - Maps မှာ Cortana နဲ့ ချိတ်ဆက်ထားပါတယ်။ မိမိကားဘယ်မှာရပ်ခဲ့တယ်ဆိုတာ မေ့တတ်သူများအတွက် Cortana က ကားကိုပြန်ရှာပေးမယ်လို့ဆိုပါတယ်။ ကျွန်တော်တို့ မြန်မာနိုင်ငံနဲ့ ဒီအချက်ကတော့ ဝေးနေတုန်းပါပဲ။ For Maps (★)

.

.

မြန်မာနိုင်ငံနဲ့ရင်းနှီးမှုမရှိတဲ့ ရှာဖွေအင်ဂျင်ဖြစ်တဲ့ Internet Browser မျိုးဆက်သစ် Project Spartan ကို ပွဲထုတ်လာပါတယ်။ နာမည်အတည်ကိုမပြောသေးပဲ လျို့ဝှက်သင်္ကေတ Code Name အနေနဲ့ လွှင့်တင်မှာဖြစ်တယ်။ သုံးစွဲသူအချင်းချင်းဆက်သွယ်ဖို့ အသစ်ထွင်ထားတဲ့ နည်းပညာအသစ် ( ၃ ) မျိုးကို ထည့်သွင်းလာပါတယ်။ လက်ရှိမှာ ကွန်ပျူတာအတွက်ပဲထုတ်လုပ်နိုင်ဦးမှာဖြစ်ပြီး Mobile Version ကို စောင့်ပေးဖို့ သတင်းပေးထားတယ်။ အဲဒါတွေကတော့

.

1..Note Taking Mode က သတင်းစာမျက်နှာပေါ်မှာ ကညစ်တံ - Stylus နဲ့ ရေးပြီးတစ်ဦးတစ်ယောက်ကို ပို့ပေးလို့ရအောင် လုပ်ထားပေးတယ်။ Stylus မရှိလည်း လက်နဲ့ပွတ်ရေး၊ ပုံဆွဲလို့ရပါသေးတယ်။ တစ်ချို့များကျပြန်တော့ သတင်းစာမျက်နှာပေါ်မှာ မှတ်ချက် - Comment ရေးချင်ကြပါတယ်။ ဒါကိုအဆင်ပြေစေဖို့ ဖွင့်ထားတဲ့စာမျက်နှာပေါ်မှာ လက်တို့ပြီး ကီးဘုတ်ကနေ လိုချင်တဲ့စကာလုံးကို မပြတ်တမ်းရိုက်သွင်းနိုင်တာ ဆန်းသစ်လာပါတယ်။ အဲဒီစာမျက်နှာကိုပဲ ကွက်ပြီး ဖြတ်တောက် - Crop နိုင်ဖို့ လုပ်ဆောင်ချက်က ပန်းသီးဆော့ဝဲလ်မှာ ပါပြီးသားပါ။ For Note Taking Mode (★ ★ ★ ★)

.

2..Reading Mode မှာ Web Page တစ်ခုကို Pdf. နဲ့ Kindle စတိုင် သီးသန့်ဖတ်နိုင်ဖို့ လုပ်ပေးထားတယ်။ ဖတ်ချင်တဲ့စာမျက်နှာတွေကို စာရင်းပြုစုဖို့ Reading List လုပ်ထားပေးပြီး လိုသလို ဖြုတ်-ထုတ်-ဖတ် လုပ်နိုင်ပါတယ်။ ဒီဖတ်စာအညွှန်းတွေကိုအင်တာနက်ရှိတုန်းသိမ်းထားရင် မရှိတဲ့ Offline အချိန်တွေမှာဖတ်လို့ရအောင် သီးသန့်သိမ်းထားပေးပါမယ်။ တစ်ဆက်တည်း စာမျက်နှာကို Pdf. ဖိုင်အနေနဲ့ ဖုန်းပေါ်မှာအမြန်သိမ်းလို့ရအောင်လုပ်ဆောင်ပေးထားတာ အင်တာနက်နှေးတဲ့ မြန်မာနိုင်ငံအတွက် အသုံးတည့်ဖို့ရှိနေပါတယ်။ For Reading Mode (★ ★★ ★ ★)

.

3..Cortana ကိုအသုံးပြုပြီး ရှာဖွေအတွေ့အကြုံကို အဆင့်မြင့်ထားပါတယ်။ Cortana က ရှာဖွေသူသိချင်သမျှကို ပိုပိုသာသာလေး နှံ့စပ်အောင် မွှေနှောက်ပေးပါလိမ့်မယ်။ Android မှာ ပေါ်ထားဖူးတဲ့ Google Now နဲ့ ခပ်ဆင်ဆင်ဖြစ်ပြီး ပိုမိုပြည့်စုံတဲ့အတွက် အင်္ဂလိပ်စာအခြေခံစာမျက်နှာတွေရှာဖွေရာမှာ ချောမွေ့ပြည့်စုံစေပါလိမ့်မယ်။  For Cortana Support Browsing (★ ★★ ★ ★)

.

.

.

Gaming ကို ရှင်းပြတဲ့အခါ Xbox Live ကို သုံးထားတယ်။ မိမိကစားတဲ့ Live ဗွီဒီယိုကို တစ်ခြားစကားဖော်သူငယ်ချင်းနဲ့ Windows 10 ပလက်ဖောင်းပေါ်မှာ မျှဝေ - Share ပြထားပါတယ်။ ဗွီဒီယိုအောက်မှာ မက်ဆေ့ပို့နိုင်တယ်။ မှတ်ချက်တွေ ရေးနိုင်တယ်။ သူငယ်ချင်းတွေကိုတွေ့နိုင်တယ်။

.

ဂရပ်ဖစ်ပုံရိပ်ဖော်ဆောင်မှုတွေဟာ ( ၁၅% ) ပိုကောင်းတာကို ပြသွားတယ်။ တစ်ချို့ဂိမ်းတွေမှာ ဘက်ထရီသုံးစွဲမှုတစ်ဝက်အထိလျော့ချပေးနိုင်တယ်လို့ ပြောထားပါတယ်။ အမြဲဆန်းသစ်နေတဲ့ ဂိမ်းလောကမှာ Xbox ရဲ့ ကျော်ကြားမှုကို Windows 10 နဲ့အတူ ပွဲထုတ်ဖို့ ကြိုးစားထားတာကို တွေ့မြင်ရပါတယ်။ အမှန်တကယ်အသက်ဝင်တဲ့အချိန် ဂိမ်းတွေ ဘယ်လိုထူးခြားလာမလဲဆိုတာကိုတော့ Xbox လက်ဝယ်ပိုင်ဆိုင်သူများ စောင့်မျှော်အကဲဖြတ်နိုင်ပါတယ်။ For Gaming (★ ★ ★ ★)

.

.

.

တစ်လက်စထဲ Microsoft Surface Hub ကို ပွဲထုတ်ပါတယ်။ ( ၈၄” ) မြင်ကွင်းကျယ် TV ဖြစ်ပြီး 4K Display ကြည်လင်တဲ့ မျက်နှာပြင်တပ်တင်ထားတယ်။ အတွင်းကွန်ပျူတာစံနစ် - Integrated Compute ပါရှိလို့ အရှေ့ကိုထောက်လှမ်းတဲ့ ဆင်ဆာစံနစ်ပါဝင်တည်ဆောက်ထားပါတယ်။ စပီကာ၊ မိုက်ခရိုဖုန်း၊ ကင်မရာ၊ ဝိုင်ဖိုင်၊ Bluetooth နဲ့ NFC – Near Future Communication ပါဝင်ပါတယ်။

.

ကြိုဆိုမျက်နှာပြင် - Welcome Screen မှာ ဖုန်းခေါ်မလား? ကျောက်သင်ပုန်း - White Board သုံးမလား? Skype သုံးပြီး အစည်းအဝေးလုပ်မလား? အဆင်ပြေစေရမယ်။ ဘေးနားက ဘောပင်လို စာရေးကိရိယာကိုဆွဲထုတ်လိုက်တဲ့အခါ One Note App က အလိုလိုပွင့်လာတယ်။

.

သာမန်ကျောက်သင်ပုန်းသုံးသလို အဆင်ပြေတဲ့အပြင် ရေးထားသမျှကိုလည်း ရွှေ့ပြောင်းနိုင်သလို ပြန်ဖျက်ဖို့လည်း လွယ်ကူပါတယ်။ AutoCAD နဲ့ ဆွဲထားတဲ့ Blue Print တွေကို ပြသပြီး လက်ချောင်းလေးများနဲ့ လှည့်လည်တည်းဖြတ်နိုင်ပါသေးတယ်။ လုပ်ဆောင်ချက်တွေကို  TV မှာပါတဲ့ ကင်မရာနဲ့ Screen Shot ရိုက်ထားပြီး အီးမေးထဲ Attach ထည့်ပို့နိုင်ပါတယ်။ For White Board (★ ★★ ★ ★)

.

.

အစည်းအဝေး - Meeting Mode မှာ ခလုပ်တစ်ခုထဲနှိပ်လိုက်တာနဲ့ ဟိုဘက် ဒီဘက် အစည်းအဝေးကို ချက်ချင်းဆက်သွယ်နိုင်ပါတယ်။ Skype for Business လုပ်ဆောင်ချက်အရ ကျောက်သင်ပုန်းပေါ်မှာရေးသမျှ Meeting ထိုင်သူများအချင်းချင်း အပြန်အလှန်ဆွေးနွှေးနိုင်မှာဖြစ်ပါတယ်။ Ink Back နဲ့ Touch Back လုပ်ဆောင်ချက်အရ ကျောင်းဆရာမ က မြေဖြူကိုင်ထားသလို ရေးခြစ် မှတ်သားနိုင်တာကို နေရာအသီးသီးက ထိုင်နေသူတွေ အကုန်လုံးမြင်တွေ့နိုင်အောင် တီထွင်ထားပြန်ပါတယ်။ For Meeting (★ ★★ ★ ★)

.

.

.

Windows Holographic ကို အကောင်အထည်ဖော်နိုင်ဖို့ Windows 10 က ကောင်းမွန်စွာ အထောက်အပံ့ပေးပါတယ်။ ပုံရိပ်ယောင်တွေကို အပြင်မှာတစ်ကယ်တွေ့မြင်ရသကဲ့သို့ လုပ်ဆောင်ပေးဖို့ မိုက်ခရိုဆော့ဖ် က Hololens Headset ကို ပွဲထုတ်ကြေငြာပါတယ်။ နားကြပ် နဲ့ မျက်မှန်တို့ကို ပေါင်းစပ်တည်ဆောက်ထားတဲ့ ဆင်ဆာအထူးပြု ကွန်ပျူတာမှန်ဘီလူးဖြစ်ပါတယ်။

.

ဒီမျက်မှန်တပ်ဆင်ထားသူဟာ ကွန်ပျူတာကိုခေါင်းမှာစွပ်ထားသကဲ့သို့ အသုံးဝင်ပြီး ဟောလီဝုဒ် အာကာသသိပ္ပံရုပ်ရှင်တွေမှာတွေ့ရ၊ ကြည့်ရသလို လေထဲမှာ ကောက်ကြောင်းတွေကို ဆက်စပ်တည်ဆောက်နိုင်မှာဖြစ်တယ်။ ဒါ့အပြင် အပြင်က လက်ရှိအရာဝတ္တုနဲ့ စိတ်ကူးယဉ်မျဉ်းကြောင်းများကို ပေါင်းစပ်ပုံဖော်နိုင်မယ့် ရှေ့ပြေးသိပ္ပံပစ္စည်းတစ်မျိုးဖြစ်ပါတယ်။

.

ဒီပစ္စည်းကြောင့် မြန်မာစကားပုံမှာ မဖြစ်နိုင်ဘူးလို့ အများနားလည်ကြတဲ့ “ လေထဲမှာ တိုက်အိမ်ဆောက် ” တာကို အကောင်အထည်ဖော်နိုင်တော့မှာဖြစ်ပါတယ်။ ဒီ့အပြင် နောက်ဆုံးပေါ် 3D Printer နဲ့ ပုံနှိပ်ထုတ်လိုက်တဲ့အခါ စိတ်ကူးအရာဝတ္တု Hologram တွေဟာ လက်ပြင်နှစ်ဖက်နဲ့ ထိတွေ့ကိုင်တွယ်နိုင်တော့မှာ အသေအချာဖြစ်ပါတယ်။

.

သိပ္ပံပညာရှင်များ ခေတ်အဆက်ဆက်ကြံဆခဲ့ကြတဲ့ ယူဆချက် - Concept ကို နည်းပညာလွင်ပြင် မိုက်ခရိုဆော့ဖ် က တီထွင်ပွဲထုတ်လိုက်နိုင်တာ ( ၂ဝ၁၅ ) ကို လှလှပပ ဖွင့်လှစ်သွားနိုင်တာ ချီးကျူးစရာဖြစ်ပါတယ်။ ဒါကြောင့် Extra Credit အနေနဲ့ ကြယ်အပိုလေးတစ်ခု တပ်ပေးလိုက်ပါတယ်။ For  Windows Holographic (★ ★★ ★ ★ *)

.

.

PC တွေအတွက် Windows 10 ကို ( ၂ဝ၁၅ ) ဇန်နဝါရီ နောက်ဆုံးပတ်မှာ ရရှိနိုင်မှာဖြစ်ပြီး မိုဘိုင်းဗားရှင်းကို ဖေဖော်ဝါရီလကျမှ ထုတ်လုပ်နိုင်ပါလိမ့်မယ်။ Windows 10 ကို ဘာသာစကား ( ၂၅ ) မျိုးအတွက် အထောက်အပံ့ပေးထားပါသေးတယ်။ www.microsoft.com မှာ စာရင်းသွင်းထားနိုင်ပြီး အဆင်သင့်ဖြစ်တဲ့အခါ အီးမေးလ်နဲ့ အကြောင်းကြားမှာဖြစ်ပါတယ်။

.

.

ဝမ်းသာစရာသတင်းကတော့ ပထမ ( ၁ ) နှစ်အတွက် Windows 10 ကို အခမဲ့ဖြန့်ချိမှာဖြစ်ပြီး Windows 7 ၊ Windows 8.1 နဲ့ Windows Phone 8.1 သုံးသူများ အဆင်သင့်ပြင်ထားနိုင်ပါကြောင်း ဦးဦးဖျားဖျား လက်တို့လိုက်ရပါတယ်။

.

koko2yeye@gmail.com

 “ Windows 10 ဖြင့် ( ၂ဝ၁၅ ) ကို လှလှပပဖွင့်လှစ်ခြင်း ” စာမူသည် ၂ဝ၁၅ ဖေဖော်ဝါရီလ ( ၇ ) ရက်နေ့၊ စနေနေ့ထုတ် NetGuide နည်းပညာဂျာနယ် အတွဲ ( ၃ ) ၊ အမှတ် ( ၇၂

) ၊ စာမျက်နှာ ( ၄၇၊ ၄၈ ) တွင် ဖော်ပြပါရှိသည်။ Download Link:http://www.mediafire.com/download/mlonjq2ertnln9y/NetGuide+Vol.3%2C+No.72.pdf