 |
| ဆောင်းပါးရှင် - ကိုညီညီ (တောင်ကြီး) |
ဒီနေ့ကိုအမြဲမှတ်မိတယ် သမီးလေး။ အရင်နှစ်တွေကထက် ဒီနှစ်မှာပိုမှတ်မိတယ်။ နောက်နှစ်တွေမှာလည်း ဒီနှစ်ထက်ပိုသတိရဖို့အခြေအနေရှိတယ်။ အဲဒါ ဘာဖြစ်လို့လည်း သိလား? မိဘတွေကအသက်ကြီးလာလေ သားသမီးကအရွယ်ရောက်လာလေ။ သားသမီးကလွတ်လပ်လာလေ မိဘတွေက ပိုမိုအထီးကျန်လာတာကြောင့်ပါ သမီးလေး။
သမီးဆီကိုစာရေးတဲ့အကျင့်က အခုမှမဟုတ်ပါဘူး။ အရင် ရန်ကုန်ညောင်ပင်လေးဈေးအဆောင်မှာသွားနေကတည်းက တောင်ကြီးကအဖေက စာရေးပြီးစကားတွေပြောနေခဲ့တယ်။ သတိရတယ် . . သတိရတယ်။
အထင်မှား အမြင်မှားမှုတွေနဲ့ မြင်သာအောင်မဖြေရှင်းခဲ့တဲ့ပြသနာတွေရဲ့အကျိုးဆက်က သမီး နဲ့ မိဘတွေကိုခွဲထားရက်တယ်။ မိဘတွေအလုပ်များသလို သမီးရဲ့ငယ်ဘဝက အထီးကျန်နေခဲ့ရတယ်။ အခု သမီးက အလုပ်တွေရ သမီးက အလုပ်တွေများတော့ မိဘတွေက အထီးကျန်လာတယ်။ မျက်နှာမလိုက်တဲ့လောကဓံက ဒီနေရာမှာ စာအုပ်ကြီးအတိုင်းလုပ်ချင်လွန်းအားကြီးတယ်ကွယ်။
