အဘယ့်ကြောင့်အမေရိကား Book Launch

 

#တော်လှန်ရေးစာ မဟုတ်ပေမဲ့ #လွတ်မြောက်ရေးစာအုပ်ဖြစ်ပါတယ်
#PreOrder မှာနိုင်ပါပြီ #အဘယ့်ကြောင့်အမေရိကား
#ကိုညီညီတောင်ကြီးရဲ့ဒုတိယမြောက်စာအုပ်
.
#၃၁၉စာမျက်နှာ #ဆောင်းပါး၆၇ပုဒ် #ဓာတ်ပုံ၇၄ပုံ(၅၈ပုံအဖြူအမည်း)
#မျက်နှာဖုံးဒီဇိုင်းပိုးလေးငြိမ်းကောင်းသက်ထွန်း
(Poke.Studio) https://bit.ly/3xOLoYI
#ထုတ်ဝေသူဦးစန်းဦးစိတ်ကူးချိုချိုအနုပညာ၂ဝ၂၁
.
#တန်ဖိုး #၆ဝဝဝ ကျပ်
.
၂ဝ၂၁ ၇လပိုင်းထဲမှာ အိမ်‌အရောက်ပို့ပေးသွားမှာပါ။ မြို့ထဲကဆိုင်တွေပေါ်ရောက်လာမှာပါ။
.
ရန်ကုန်မြို့တွင်းပို့ခ ၁ဝဝဝ ကျပ်
.
ရွှေပြည်သာ၊ လှိုင်သာယာ၊ ဒဂုံ၊ သံလျင် ၁၈ဝဝ ကျပ်
.
နယ်မြို့တွေက (အခုစာတိုက်နဲ့ပို့လို့မရတာကြောင့်) ၂၅ဝဝ ကျပ် ဖြစ်မှာပါ။
.
ပထမထွက်ထားတဲ့စာအုပ်နဲ့ "#အဘယ့်ကြောင့်အမေရိကား" စာအုပ် ၂ အုပ်ကို တွဲမှာရင်လည်း အထက်ကလိုပဲ ကျသင့်မှာပါ။
.
ဒီ စာအုပ်ဆိုင်တွေရဲ့ Messenger က မှာပေးကြပါ
.
စိတ်ကူးချိုချို ရန်ကုန်-https://bit.ly/3ye0Ez6
.
အပါးတော်မြဲ စာပေတိုက် ရန်ကုန်-https://bit.ly/3gZdXf7
.
စိတ်ကူးချိုချို မန်း-https://bit.ly/3ykib9d
.
.
ပြောရရင် #အဘယ့်ကြောင့်အမေရိကား စာအုပ်ဟာ စိတ်ကူးချိုချိုစာအုပ်တိုက်ရဲ့ နှစ်ဆန်းကထွက်မယ့် စာရင်းထဲ ပါပြီးသားပါ။ အကြောင်းကြောင်းကြောင့်မရိုက်ဖြစ်ဘဲ အခု ထွက်လာချိန်မှာ တော်လှန်ရေးနဲ့တိုက်ဆိုင်နေတာ ဖြစ်ပါတယ်။ အခုလို အကျပ်အတည်းကာလကြီးထဲမှာ ရုန်းကန်စွန့်စားနေရတဲ့ စာပေထုတ်ဝေတိုက်တွေရဲ့ စင်တင်ချီးမြှောက်မှုကို အမှန်တကယ်တော့ မခံယူလိုခဲ့တာကို ရိုးသားစွာ ပြောကြားလိုပါတယ်။
.
ပညာရေးမှာ အမြဲလိုအပ်နေတဲ့ အင်္ဂလိပ်စာသင်ကြားရေး စာအုပ်တွေကို ရေးသားနေတဲ့ ဆရာ ‌ဒေါက်တာစိုးသန်း ( အင်္ဂလိပ်စာ) လို ဝါရင့်စာရေးဆရာနဲ့အတူ ထုတ်ဝေဖို့ နေရာပေးခံရတဲ့အတွက် မဝံ့မရဲ ဂုဏ်ယူမိပါတယ်။
.
.
ကျွန်တော်နဲ့ခင်တဲ့ မိတ်ဆွေများစွာထဲက ဦးရေ ၁ ဒါဇင်ခန့်ဟာ ဝရမ်းထုတ်ခံထိထားကြ၊ အဖမ်းခံထိထားကြပါတယ်။ ဒီအကျပ်အတည်းကြီးထဲမှာ လူတကာကိုညှဉ်းပြီး စာအုပ် Review ရေးပေးဖို့ မတိုက်တွန်းလိုတော့ပါ။ ပန်းသတင်းကို လေညှင်းက သယ်ဆောင်သလို အမေရိကားသတင်း လူအချင်းချင်း သယ်ဆောင်ရင်း ရည်ရွယ်ချက်တူ လေ့လာသူ‌တွေကြားမှာ လက်တို့၊ သတင်းပေးဖို့ကိုသာ မျှော်လင့်ရပါတယ်။
.
ထူးထူးကဲကဲ ပိုပိုသာသာ ဘာမှ မပြောလိုပါ၊ မညွှန်းလိုပါ။ ဖတ်ကြည့်ရင်တော့ "#အဘယ့်ကြောင့် အမေရိကား" စာအုပ်ကို ဘာကြောင့်ရေးခဲ့တယ်ဆိုတာ ရှာတွေ့ဖို့ ရင်ခုန်မျှော်လင့်မိပါတယ်။ ပ-စာအုပ် "#ဒါဖတ်ပြီးထားပြီးမှသွားသင့်တဲ့အမေရိကား" ကို နှစ်ချို့နေသော်ငြား ဆက်တိုက်အားပေးကြတာကြောင့် မပြတ်လပ်သွား‌ရလေအောင် ထပ်မံရိုက်နှိပ်ထားပြီးဆိုတာ စိတ်ကူးချိုချိုက တပါတည်း သတင်းပေးလာပါတယ်။
.
ဒုတိယစာအုပ်ထွက်ပြီလားလို့ စောင့်ဆိုင်းနေပေးခဲ့ရတဲ့အတွက် စာရေးသူတစ်ယောက်နေရာက တောင်းပန်ပါရစေ။ အားပေးမှု အစုစုအတွက် အထူးကျေးဇူးတင်ပါတယ်ခင်ဗျား။
ခင်လျက်
#KNNTgi
06-23-2021

အမေရိကားရောက် မြန်မာစစ်သားမိန်းမတစ်ယောက်ရဲ့ရင်ဖွင့်သံ

"မြန်မာပြည်ရဲ့ ဓမ္မနဲ့အဓမ္မ"

#ဖြစ်ရပ်မှန်ဆောင်းပါးရှည်
(၁)
မင်္ဂလာပါ ဦးညီရေ ကျမက အခု အမေရိကားမှာပါ။ ကျမဘဝရဲ့ တရားမျှတမူကို ရှာဖွေချင်လို့ နေ့စဉ်နဲ့အမျှ တနုံ့နုံ့ခံစားရလွန်းလို့ ဒီစာကိုကျမရေးပြီး စာဖတ်သူတွေကို သိစေချင်ပါတယ်။ အကြောက်တရားကို ရွံမုန်းစွာနဲ့ မြန်မာနိုင်ငံရဲ့ နှစ်ပေါင်း ၇ဝ ကျော်ပျက်စီးခဲ့တဲ့ စနစ်ဆိုးထဲမှာ လူသားမျိုးဆက် သက်တမ်း ၂ ဆက် ပျက်စီးခဲ့တာ အားလုံးအသိပါပဲ။ လူသားမျိုးဆက်တွေက ဘယ်လိုပျက်စီးခဲ့တာပါလဲ။

အဲဒီခေတ်တွေမှာ တရားမျှတမှုဆိုတာ ဘယ်ဆီနေမှန်းမသိ၊ ကိုယ်ပိုင်ဦးနှောက်၊ ကိုယ့်ခြေကိုယ့်လက်နဲ့ ရှာဖွေဖို့မစဉ်းစားဘဲ ကိုယ်ချင်းစာစိတ်ကင်းမဲ့တဲ့ အတ္တအပြည့်လူသားတွေနဲ့ သူတို့သားသမီးတွေကြောင့် ပြည်သူတွေ စိတ်ဓာတ်ရေးရာ ပျက်စီးသွားခဲ့ရတယ်။ အကောင်းအဆိုး၊ အကြောင်းအကျိုး၊ အမှားအမှန် ဝေဖန်ပိုင်းခြားနိုင်တဲ့ဉာဏ်ဖြစ်တဲ့ ဆင်ခြင်တုံတရား ကင်းမဲ့ကြတယ်။

ကျမတို့မိဘ၊ အဖိုးအဖွားတို့က စီးပွားရေးကို တစ်မိသားစုလုံး ကျားကုတ်ကျားခဲ လုပ်ကြတဲ့မိသားစုတွေ ဖြစ်ပါတယ် ဦးညီ။ အမျိုးသားရဲ့ မိသားစုက ခေတ်ပျက်ထဲက သူဌေးတွေပေါ့။ နှဖူးကချွေး ခြေမကျမှရတဲ့ငွေနဲ့ ချမ်းသာသူက ငွေကိုတန်ဖိုးထား နားလည်သလို စာနာစိတ်အပြည့်နဲ့ မာန်မာနမရှိ သိုသိုသိပ်သိပ် နေတတ်သူတွေက တစ်အုပ်စု။

အသက် ၂ဝ ကျော်ကျော် "ဥုံဖွ" ဆိုပြီး ရာထူးရချိန်၊ ခေတ်ပျက်ချိန်နဲ့ တိုက်တိုက်ဆိုင်ဆိုင် လက်နက်ပါကိုင်ခွင့်ရတဲ့နေရာကို ရခဲ့လေတော့ ရှိသမျှထန်းတော ငါ့ထန်းတော ငါ့ထန်းတော ဆိုတဲ့စိတ်နဲ့ အပိုင်စားရတဲ့ နယ်တခွင်မှာ ငါ့အမိန့် ငါ့အာဏာ ငါ့ ကြောက်ရမယ်ဆိုပြီး လုပ်စားလိုက်တာ နှစ်အနည်းငယ်အတွင်းမှာ ချမ်းသာသွားတာက အမျိုးသားဘက်က တစ်အုပ်စု။

မြို့တက်၊ တိုက်ဆောက်၊ ရွှေလင်ပန်းနဲ့ အချင်းဆေး။ ချမ်းသာလာသလိုနဲ့ နေလိုက်ကြတာ ဆိုပေမဲ့ ဘယ်လိုပဲ ငွေရှိလို့ လူချမ်းသာစာရင်းထဲ ရောက်ရောက် နှုတ်ထွက်စကားနဲ့ လူ့စရိုက်ကတော့ အဆင့်အတန်း ခွဲခြားလို့ရပါတယ်။ နှစ်အနည်းငယ်အတွင်းမှာ ငါ့အမိန့် ငါ့အာဏာ ငါ့ ကြောက်ရမယ်ဆိုတဲ့ စာနာမှုကင်းမဲ့တဲ့ အုပ်ချုပ်မှုက ငွေရဖို့တင်မဟုတ်ဘဲ မိသားစုကိုပါ ပုံစံတစ်ခုနဲ့ အုပ်ချုပ်လာခဲ့တယ်။

ဒါစား၊ ဒီလိုနေ၊ ဒါပဲလုပ်၊ ငါပြောသလိုလုပ်၊ ငါလုပ်သလိုမလုပ်နဲ့ဆိုတဲ့ မူနဲ့ အုပ်ချုပ်လိုက်တာ သားသမီးတွေဟာ မှန်နေပါရက်နဲ့ ကြောက်ပြီး မှားပေးရတဲ့ဘဝ၊ မစားချင်ပါဘဲနဲ့ ကြောက်ပြီး စားခဲ့ရတဲ့ဘဝ၊ စိတ်မပါ ပါဘဲနဲ့ ကြောက်လို့လုပ်ခဲ့ရတဲ့ဘဝနဲ့ ကြီးပြင်းလာခဲ့ရတယ်။ ဒီလိုနဲ့ သူတို့ရဲ့ သားသမီး ၃ ယောက်ဟာ သူ့လိုအမိန့် အာဏာရှိတဲ့ နေရာတစ်နေရာရောက်ဖို့ အပြင်းအထန် ကြိုးစားပါတော့တယ်။ သူဆိုတာက ကျမအမျိုးသားဖြစ်လာမယ့် "သူ" ပေါ့။ လက်နက်ကိုင် အရာရှိတစ်ယောက်ဖြစ်ဖို့ ငွေရှိရင် ဖြစ်တယ်လေ။

ပိုမိုစည်းရုံးလာသော ပြည်ပရောက်မြန်မာတွေ

 

ဆောင်းပါးရှင် - ကိုညီညီ (တောင်ကြီး)

          အကောင်းရေးမယ့်စာ ဖြစ်ပါတယ်။ ဖရုသဝါစာ မရေးရဲပါ။ တိုင်းပြည်အတွက် နေ့တိုင်းသုံးနေတဲ့ ဒီအကောင့်ကိုလည်း အထိခိုက်မခံလိုပါ။ လူတကာ ဆဲရေးတိုင်းထွာ၊ ကြိမ်စာတိုက်၊ နှလုံးခိုက်အောင် နာကျင်ရတဲ့ စကစကို ကျေးဇူးတင်ချင်တာ တစ်ခုရှိပါတယ်။ တစ်ကြိမ်တစ်ခါမှ ဒီလောက်မညီညွတ်ဖူးတဲ့ ပြည်ပရောက် တိုင်းရင်းသားတွေ၊ မြန်မာတွေ စည်းလုံးခြင်းမက စည်းလုံးလာအောင် "ဘုံရန်သူပက်ပက်ဆိုး" အဖြစ် ရပ်တည်ပေးနေလို့ ဖြစ်ပါတယ်။

          ပြည်ပရောက်မြန်မာတွေမှာ သီတင်း ၁ ပတ်မှာ အနည်းဆုံး ၁ ရက် မဖြစ်မနေ ဒီ "ဘုံရန်သူပက်ပက်ဆိုး" အတွက် မဖြစ်မနေ ချန်ထားပေးကြတယ်။ ဒါက အမာခံ တော်လှန်သူ။

အတွင်းကျကျ တော်လှန်သူတွေက ပွဲဖြစ်မြောက်အောင် စီစဉ်သူ၊ ရံပုံငွေကောက်ပေးသူ၊ ဆိုရှယ်မီဒီယာ တာဝန်ယူပေးသူ၊ အခမ်းအနား ကျင်းပပေးသူ၊ တီးမှုတ်ဖျော်ဖြေပေးသူ၊ Banner စီစဉ်ပေးသူ၊ မြို့ပိုင် နယ်ပိုင်တွေနဲ့ စကားပြောပေးသူ၊ အမေရိကန်အစိုးရ (တခြားနိုင်ငံအစိုးရ) တာဝန်ရှိသူတွေနဲ့ ချိတ်ဆက်ပေးသူ၊ နွေဦး‌တော်လှန်ရေး အလှူငွေ ကောက်ခံပေးသူ၊ အစားအသောက် ‌ရောင်းချပေးသူ၊ အစားအသောက်ရောင်းချမယ့် နေရာထိုင်ခင်း ဆင်ယင်ပေးသူ၊ ဧည့်ကြို နေရာထိုင်ခင်းပေးသူ၊ ဓာတ်ပုံ ရိုက်ပေးသူ၊ ဗီဒီယို ရိုက်ပေးသူ၊ အင်္ဂလိပ်က မြန်မာ-မြန်မာက အင်္ဂလိပ် ဘာသာပြန်ပေးသူ၊ ကားရပ်နားဖို့ လမ်းရှင်းပေးသူ၊ ရဲ့တပ်ဖွဲ့‌နဲ့ပူးပေါင်းပြီး လုပ်ဆောင်ပေးသူ၊ ဆန္ဒပြပွဲလာ ‌‌ရွှေမြန်မာတွေအတွက် လုံခြုံရေးယူပေးသူ

. . . စတဲ့

ကိုယ်ကျိုးစွန့်၊ အနစ်နာခံ၊ အချိန်အပြည့်ပေး၊ အစည်းအဝေးတက်ပေးကြတဲ့ ၁၉၇၄ မျိုးဆက်ကနေ ၂ဝ၂၁ မျိုးဆက်သစ်အထိ အရွယ်အသီးသီး၊ အသက်အထွေထွေ၊ စားဝတ်နေရေး အခြေအနေတွေကို လျစ်လျူရှုပြီး ရုံးပိတ်ရက် စနေရော၊ တနင်္ဂနွေရော နေ့ရော ညပါ မနားမနေ လုပ်ဆောင်ပေးကြသူတွေမှာ ရုံးသာပိတ်သွားတယ် မနားရသေး။ ရုံးသာ ပြန်ဖွင့်လာတယ် အိပ်ရေးက မ‌ဝသေး။ ဆန္ဒပြပွဲသာ ပြီးသွားတယ် စိတ်ထဲမှာ "ဘုံရန်သူပက်ပက်ဆိုး" ကို တော်လှန်လို့ မပြီးသေး မစီးသေး။ ဒီလောက်အထိ စိတ်ဆန္ဒပြင်းပြကြတာ တစ်ခါမှ မမြင်ဖူးကြဘူး။