ဘာမှအားမငယ်နဲ့ တိုးနီ … ( နဝမပိုင်း )

ဆောင်းပါးရှင် - ကိုညီညီ ( တောင်ကြီး )

.

.

လှံထမ်းလာတာကို မြင်ရ၊ ကံထမ်းလာတာကို မမြင်ရဆိုတဲ့ မြန်မာစကားပုံဟာ မြန်မာ့မြေပေါ်မှာတင်မက အမေရိကန်မြေဆီလွှာပေါ်မှာလည်း မှန်နေတယ်ဆိုတာ စောနက ထွက်လာတဲ့ အဖွဲ့ ( ၂ ) ဖွဲ့က သက်သေပြသွားတာကို မြင်လိုက်ရတယ်။ ကျွန်တေ်ာတို့အပေါ်ကိုရော ဘယ်လိုကံမျိုး ကျရောက်မလဲဆိုတာ သိချင်နေမိတယ်။ အခန်းဝက Officer က နာမယ်ခေါ်တဲ့အခါ ကျွန်တော်တို့ကို အခုရောက်နေတဲ့ ထိန်းသိမ်းရေးဋ္ဌာနမှာ သွားလာလှုပ်ရှားနိုင်ဖို့ မှတ်ပုံတင် - ID လုပ်ပေးမယ်လို့ ပြောပါတယ်။ မျက်စိတည့်တည့်လောက်မှာ ကောင်တာပေါ်က ကင်မရာနဲ့ လိုင်စင်ဆိုဒ် ဓါတ်ပုံရိုက်ပြီး လိုအပ်တဲ့အချက်အလက်တွေဖြည့်ပြီးတဲ့အခါ ပလပ်စတစ်လောင်းပေးလိုက်တယ်။ လောလောဆယ် ကျွန်တေ်ာ့မှာ သက်သေခံအထောက်အထားတစ်ခုတော့ရပြီ။

.

.

သူတို့ရဲ့ လုံခြုံရေးစံနစ်ကို ထိန်းချုပ်တဲ့လူ သတ်သတ်ရှိပုံရတယ်။ ဆက်စပ်အခန်းငယ်တွေကြားမှာ ဦးဆောင်လိုက်ပို့တဲ့ အရာရှိကိုယ်တိုင် တံခါးမှာရှိတဲ့ လျှို့ဝှက်နံပါတ် ရိုက်သွင်းရသလို CCTV  ကင်မရာကို မော့ကြည့်ပြီး ခွင့်တောင်းမှ ဖွင့်ပေးတယ်။ လမ်းကျဉ်းကျဉ်းလေးကတစ်ဆင့်ခေါ်သွားတဲ့နေရာမှာ ဝတ်ထားတဲ့ အကျီတွေနဲ့ သူတို့ယူနီဖောင်း လဲရပြန်ပြီ။ ( ၅ ) မိနစ်ပဲ အချိန်ပေးတယ်။ တစ်ချိန်ချိန် ဒီဋ္ဌာနကနေ ထွက်သွားတဲ့အခါ ပြန်မှတ်မိအောင်လို့ အမှတ်အသားလုပ်ပြီး သိမ်းထားပေးပြန်တယ်။

.

နောက်ထပ် အိပ်ယာခင်းဝမ်းဆက် တစ်ခုစီ ပေးသေးတယ်။ အဆောက်အဦက အင်္ဂလိပ်အက္ခရာ ( T ) ပုံစံမျိုး၊ ဘယ်ဘက်မှာ ယောက်ျားတွေထားပြီး ညာဘက်မှာ မိန်းမအဆောင် သီးသန့်ထားရှိတယ်။ အလယ်မှာတော့ အဝတ်လျှော်ခန်း၊ မီးဖိုချောင်အကြီးကြီးတစ်ခု၊ ကျန်းမာရေးဆေးပေးခန်း နဲ့ တရားသူကြီးရုံးခန်း - Court တို့ ပါဝင်ကြတယ်။ ကျွန်တော်တို့ အုပ်စုတွေ ထပ်ကွဲသွားပြန်ပြီ။ ဒီတစ်ခါတော့ ကျွန်တော့တစ်ယောက်ထဲ အိပ်ရမယ့် ကုတင်နံပါတ် ( D 24 ) ကိုဝင်ဖို့ အပေါက်ဝကိုရောက်တော့ သံစုံတီးဝိုင်းနဲ့ ထပ်တိုးရတယ်။

.

အခန်းတည်ဆောက်ပုံက ရန်ကုန်က ဟော်တယ်တွေနဲ့ တော်တော်ဆင်တူတယ်။ ဝင်ဝင်ချင်း အိမ်သာ နဲ့ ရေချိုးခန်းကို ဘယ်ဘက်မှာထားထားပြီး ညာဘက်မှာ လုံခြုံရေးအတွက် မှန်လုံခန်းတစ်ခန်း ရှိတယ်။ ဘေးနံရံ ( ၂ ) ဖက်မှာတော့ အရင်တစ်ခေါက်က တွေ့ရသလို နှစ်ထပ်ကုတင် ( ၅ဝ ) စီလောက်က ညီညီစီလို့။ အရာရှိက နေရာတွေလိုက်ပြတဲ့အခါ တစ်ယောက်ထဲလဲဖြစ်၊ တကယ်စတည်းချရမယ့်နေရာလို့လည်း စိတ်ကသိနေတော့ ဘဝမှာတစ်ခါမှမဖြစ်ဖူးဘူးဗျာ .. အားငယ်လိုက်တာ။ လူတွေကလည်း ကျွန်တော့်နားကို အုံလာပြန်တယ် .. ဘာလာလုပ်ကြတာတုန်း ..?

.

.

စိတ်ရှုပ်ရှုပ်နဲ့ ကျွန်တေ်ာ မြန်မာဆိုတာ မြန်မြန်ပဲ ရှင်းပြလိုက်တယ်။ ဒီတစ်ခေါက်တော့ ကူညီဖို့လာတာလို့ ပြောရမလားပဲ။ ဒီထဲမှာ ဗမာတစ်ယောက်ရှိတယ် သွားခေါ်လာပေးမယ်တဲ့။ ကျွန်တော် အရမ်းပျော်သွားတယ်။ TV ကြည့်တဲ့အခန်းရဲ့ ဟိုဘက်ထိပ်မှာ စပိန်ဘာသာနဲ့ TV တစ်လုံး ဖွင့်ထားတယ်။ အင်္ဂလိပ်အသံနဲ့ဖွင့်ထားတဲ့ TV ကြည့်နေတဲ့ အသားဖြူဖြူ တရုတ်ပုံစံ မြန်မာတစ်ယောက်ကို တွေ့ပါတယ်။ အမှန်က သူက တရုတ် နဲ့ ကချင် ကပြား။ မြန်မာစကားကိုတောင် လည်လည်ဝယ်ဝယ် မပြောနိုင်ဘူး။ သူ့ရဲ့ ဝဲသဲသဲ အသံလေးနဲ့ ကျွန်တော့ကို စကားပြောတယ်။ “ ဘာမှအားမငယ်နဲ့ ကိုတိုးနီ ” .. တဲ့။

.

“ ကိုယ်တို့လည်း ဒီလိုပဲ လာခဲ့ရတာပဲ။ နောက်တော့အဆင်ပြေသွားမှာပါ ” လို့သူ အားပေးရှာတယ်။ “ အစ်ကိုက ဒီကို ပွဲစားနဲ့လာတာပဲလား ” လို့စူးစမ်းကြည့်တော့ ဟုတ်နေတယ် .. ဒါပေမယ့် ကျွန်တော့ကိုပို့လိုက်တဲ့ ပွဲစားနဲ့တော့မတူဘူး။ ကျွန်တော်ဆက်မေးကြည့်တော့ သူက သိပ်ပြောချင်ပုံ မရဘူး။ သူက ဖြစ်ကြောင်းရယ်ကုန်စင်မေးပြီး လိုအပ်တာရှိရင် သူ့ကိုပြောဖို့ သတိပေးတယ်။ သူ့နာမည်ကို အခုစဉ်းစားလိုက်တဲ့အချိန် မေ့တေ့တေ့ဖြစ်နေလို့ ကိုအယ်လ်ခမ်း လို့ပဲ မှတ်မိပါတော့တယ်။

.

.

ထမင်းတွန်းလှည်း ရောက်လာပြန်ပါပြီ။ ကိုအယ်လ်ခမ်း က မြန်မြန်တန်းစီခိုင်းလို့ ကျွန်တော် အလည်လောက်မှာ နေရာရတယ်။ ဒီစခန်းက စားစရာတွေက ပိုစုံတယ်။ အမဲအူချောင်း ပါတယ်။ ဇီးဖျော်ရည်ကို ကော်ခွက်နဲ့ထည့်ပေးတာ ပါတယ်။ ဒီနိုင်ငံမှာ ထောင် နဲ့ ထိန်းသိမ်းရေးစခန်းတွေကို အစိုးကိုယ်တိုင် မနိုင်မနင်း မကိုင်တွယ်ဘူး။ အင်နဲ့အားနဲ့လုပ်နိုင်တဲ့ ငွေရှင်ကြေးရှင်ကုမ္ပဏီတွေနဲ့ တွဲလုပ်ပုံ ရတယ်။ အခု ကုမ္ပဏီက အစားအသောက်တွေ ပိုကောင်းတယ်။ အခုတစ်လော ကျွန်တော်စားရတဲ့အထဲက ဒီတစ်ခေါက် တော်တော်စားကောင်းတယ်လို့ ပြောလို့ရပါတယ်။ ကိုအယ်လ်ခမ်းက နေ့တိုင်း ဒါမျိုးချည်း စားရမှာ ကြိတ်မှိတ်ပြီးစားလို့ အကြံပေးပါတယ်။

.

ကုတင်ပေါ်မှာ ကိုအယ်လ်ခမ်း နဲ့ စကားထိုင်ပြောရင်း သူလည်း ပွဲစားကောင်းမှုကြောင့်ရောက်လာတာ ( ၄ ) လ ရှိပြီဆိုတာ သိရတယ်။ ကျွန်တော်က ဘာဆက်လုပ်ရမလဲ၊ ဒီဒေသမှာလည်း အစိမ်းသက်သက်ဖြစ်နေရုံမက ကျွန်တော့မိတ်တွေကိုလည်း ဆက်သွယ်လို့မရဘူးဆိုတာ ညည်းပြလိုက်မိတယ်။ သူက ချက်ချင်းပဲ “ ဒီမှာ တယ်လီဖုန်းရှိတယ် .. စုစုပေါင်း ( ၄ ) လုံး။ ဖုန်းကဒ်တော့ ဝယ်ရမယ်။ တစ်ကဒ်ကို ( ၅ ) ဒေါ်လာ။ အမေရိကန်ပြည်တွင်းခေါ်ချင်ရင် ( 1) ခံပြီး နှိပ်ရုံပဲ။ မြန်မာနိုင်ငံခေါ်ချင်ရင်တော့ ( 011 ) ပြီးရင် ( 95 ) ခံပြီး ဆက်လက်ရင်ရပြီ ” လို့ပြောတော့ ကျွန်တော်ပျော်သွားတယ်။

.

.

တစ်ကယ်တမ်း ကျွန်တော် အပြည့်အဝ မပျော်နိုင်ပါဘူး။ ကျွန်တော့ သူငယ်ချင်း ( ၄ ) ယောက်က ဘယ်ဆီရောက်နေမှန်းမသိဘူး .. ရှာရဦးမယ် .. ပြန်ရော တွေ့ပါ့မလား မသိဘူး။ ကျွန်တေ်ာ့မှာရှိတဲ့ငွေက မရှိစု ရှိစု ဒေါ်လာ ( ၂ဝ ) ဆိုတော့ ဒီတစ်သက် ဖုန်းဆက်ရပါ့မလား မသေချာဘူး။ ကိုအယ်လ်ခမ်း ပြောပြသလို မြန်မာနိုင်ငံကိုဖုန်းဆက်ခ ( ၁ ) မိနစ်ကို ( ၁ ) ဒေါ်လာဆိုတော့ “ ကြားလား ကြားလား ” လုပ်တာနဲ့တင် ငွေ က ခဏလေးနဲ့တင် ကုန်သွားမှာ ..။

.

ဒါကိုသိနေတဲ့ ကိုအယ်လ်ခမ်းက မင်းငွေရှာဖို့ ဒီစခန်းထဲမှာ အလုပ်လုပ်လို့ရတယ်လို့ ပြောပြတယ်။ ဒါပေမယ့် တစ်နေ့လုံးလုပ်မှ ငွေ ( ၃ ) ဒေါ်လာပဲရမယ် .. သူကိုယ်တိုင်လည်း Kitchen မှာ အလုပ်လုပ်တယ်ဆိုတာ သိရတယ်။ ဒါဆို ကျွန်တော်လည်းလုပ်ချင်တယ်ဆိုတော့ ချက်ချင်းကြီးလုပ်ချင်တိုင်း လုပ်လို့ရတာမဟုတ်ဘူး။ ဖောင်တင်ရသေးတယ်။ သူတို့ခေါ်မှ လုပ်ခွင့်ရှိတာလို့ ရှင်းပြပါတယ်။

.

.

သတင်းကောင်းတစ်ခုက နောက်တစ်ပါတ်ထဲမှာ ကိုအယ်လ်ခမ်း အပြင်ထွက်ဖို့ရှိတယ်။ အမှုတွဲရင်ဆိုင်ဖို့ ရုံးချိန်း သွားရမှာ။ သူထွက်တာနဲ့ သိသင့်သိထိုက်တဲ့အချက်အလက်တွေ စုံစမ်းပေးမယ်လို့ ပြောတယ်။ ဒီအထဲမှာလည်း အလုပ်အားတဲ့အခါ ဒါမှမဟုတ် ထမင်းပတ်ပို့တဲ့အခါ ကျွန်တော့သူငယ်ချင်းတွေကို သူဝိုင်းရှာပေးမယ်လို့ပြောလို့ တော်တော်အားရှိသွားရတယ်။

.

.

လူချင်းတူပေမယ့် ကံချင်း မတူညီကြပါဘူး။  “ တိုးနီ ” အခု  “ ကိုအယ်လ်ခမ်း ” နဲ့ တွေ့တော့ ချောင်ပိတ်တဲ့လမ်းထောင့်မှာ အကွေ့လမ်းလေး ပေါ်လာတယ်။ ထွက်ပေါက် နဲ့ နီးဖို့ ဘယ်လောက်လိုသေးလဲ? ကိုအယ်လ်ခမ်း ကရော တစ်ဆစ်ချိုးမှာ အသစ်အိုးအိမ်ထူထောင်နိုင်ပြီလား? ဆိုတာ သိချင်လှပါတယ်။

.

koko2yeye@gmail.com