" သူ " နဲ႕သာဆုိရင္

ေဆာင္းပါးရွင္ - ကိုညီညီ ( ေတာင္ၾကီး )

.
. " သူ " နဲ႕သာဆုိရင္ ရွမ္းရိုးမေတာင္တန္းၾကီးလည္းတက္ႏိုင္ပါတယ္ . . အေမရိကားလည္းသြားရဲပါတယ္ ဆိုတဲ႕သတိၱကိုေတာ႕ တကယ္ခ်ီးက်ဴးမိတယ္။ ရန္ကုန္ကမ္းနားလမ္းက ေမွာင္ပ်ပ် ဖုံထူထူလမ္းေပၚမွာ သူ႕လက္ေလးကိုတြဲလို႕ သူျပန္ဖက္ထားတဲ႕ကြ်န္ေတာ႕ပုခံုးသားဟာ အခုလို ( ၂၅ ) ႏွစ္တုိင္တုိင္ တုိင္းတပါးႏုိင္ငံမွာ ပုိင္ပိုင္ႏိုင္ႏုိင္ခုိင္ျမဲေနမယ္ဆုိတာ မယံုႏုိင္ခဲ႕ဘူး။
.
. ဘာသာတူေပမယ္႕ လူမ်ိဳးမတူတာက လူသားတုိ႕ေပါင္းႏြယ္မႈကို အထစ္အေငါ႕ျဖစ္ေစတယ္။ ဒါကိုေက်ာ္ျဖတ္ျပီး " နင္႕ကို တရုတ္ေခြ်းမ မလုပ္ခုိင္းဘူး " လို႕ ကြ်န္ေတာ္ေျပာခဲ႕တဲ႕စကားတစ္ခြန္းမတည္ႏုိင္ခဲ႕ေပမယ္႕ သူယံုခဲ႕တယ္။ အခုလုိ ဘာသာစကားလံုးဝမတူတဲ႕ႏိုင္ငံမွာ ကြ်န္ေတာ႕စကားက သက္ေသျပဖို႕ပုိ၍ပို၍ခက္ေနေပမယ္႕လည္း . .။
.
.
. ဘယ္လုိပင္ေလာကဓံအထုအေထာင္းေတြ ေသာင္းၾကမ္းခဲ႕ေသာ္လည္း သူ စိတ္မေျပာင္းခဲ႕ဘူး။ ေလတိုက္ေပမယ္႕ သူမယုိင္ခဲ႕ဘူး။ အျပင္မွာေအးေနေပမယ္႕ သူမဖ်ားခဲ႕ဘူး။ ရာသီဥတုပူေလာင္ေနေပမယ္႕ အိုက္စပ္စပ္သူမခံစားခဲ႕ရဘူး။ ဒါေတြက နားလည္မႈရဲ႕ခြန္အားဆိုရင္ ကြ်န္ေတာ႕ကုိခ်စ္တဲ႕သူ႕အခ်စ္က စြန္႕လႊတ္မႈရဲ႕အျပင္းဆံုးျပိဳင္အား လုိ႕ သာသာထုိးထိုးအမွတ္ခုိးေပးခ်င္ပါတယ္။
.
. ဒီအရည္အခ်င္းေတြအားလံုး သူ႕မွာရွိတယ္။ သမီးကိုစိတ္ပူတာ၊ သမီးကိုသတိရေနတာ၊ သားကိုေက်ာင္းပို႕တာ၊ သားေက်ာင္းအတြက္ထမင္းဗူးထည္႕ေပးတာ မိခင္စိတ္ကုိ တိတိက်က်ျပေနတာပါ။ ကြ်န္ေတာ္ကမွ ေရသာခုိလို႕ရေသးတယ္။ စေနေန႕ေရာက္လို႕ တရုတ္ဆိုင္မွာေစ်းဝယ္ရတာ နဲ႕ အိမ္ေရာက္ေတာ႕ တစ္ပတ္စာဟင္းခ်က္ရတာထက္ ျမန္မာႏုိင္ငံမွာ တရုတ္ေခြ်းမလုပ္ရတာက သူ႕အတြက္သက္သာေပဦးမယ္။

.
.
. သားသမီးေတြၾကီးလာေတာ႕ သူကကြ်န္ေတာ႕ကို၊ ကြ်န္ေတာ္ကသူ႕ကုိ အေဖာ္ျပဳဖုိ႕လုိအပ္ေနတာ အမွန္ပါ။ ဒီၾကားထဲ ေငြဆိုတာ ရွာရတယ္။ အလုပ္ဆိုတာၾကီးက လုပ္ရေသးတယ္။ ဗာဟီရမ်ားတဲ႕ ခႏၶာကုိယ္ကုိ စကၠန္႕မလပ္အသက္ဆက္ေပးရတယ္။ ဒီအတြက္ အသက္ၾကီးလာတာပဲ အဖတ္တင္တယ္္။ ေပးရတဲ႕အခ်ိန္က နည္းလာတာကို သူနားလည္ေပးရွာတယ္။
.
. အားတဲ႕အခ်ိန္က်ျပန္ေတာ႕ ကြ်န္ေတာ္က စာေလးဘာေလးေရးဆုိေတာ႕ သူ႕အခ်ိန္ေတြကို ေခ်းငွားျပီးသံုးလုိက္ျပန္တာေပါ႕။ တခါတခါ ေနမေကာင္းထိုင္မသာျဖစ္တဲ႕အခ်ိန္က်ေတာ႕ " တစ္အိမ္တည္းေနေပမယ္႕ ေတြ႕ဆံုဖို႕ခက္တဲ႕ဘဝ " ဆုိတာ အေမရိကားမွာ တစ္ကယ္ရွိတယ္။
.
.
. လေပါင္း ( ၃ဝဝ ) ဆိုတဲ႕ကာလရွည္အထိ ေရႊလက္တြဲလို႕ ျမဲျမဲျမံျမံကုိင္စြဲထားတာ ကြ်န္ေတာ႕အေပၚမွာ " သူ႕ရဲ႕ခြင္႕လႊတ္ႏိုင္ျခင္းပါရမီ " ေၾကာင္႕ပါပဲ။ လူအမ်ားျမင္သလို ကြ်န္ေတာ္ဟာ ေအာင္ျမင္သူတစ္ေယာက္ မဟုတ္ပါဘူး။ ဟုိစပ္စပ္ ဒီစပ္စပ္ အကုန္လုပ္တဲ႕ အစံုသုပ္တစ္ေယာက္ပါ။ ဒါကို သူ သည္းခံေပးတယ္။
.
. တစ္ေနရာမွာတစ္ေယာက္၊ တစ္ေမဂ်ာမွာတစ္ေခါက္ ထြန္းထြန္းေပါက္ေပါက္ထူးခြ်န္ေျပာင္ေျမာက္သူ ကြ်န္ေတာ္မျဖစ္ခဲ႕ဘူး။ ဒါကို " ကေလးေတြၾကီးလို႕ ေနာက္မ်ားမွာ အားရင္ ကို ဝါသနာပါတာကို ေက်ာင္းျပန္တက္ေပါ႕ " တဲ႕ သူ အားေပးတယ္။
.
.
. စက္ရုပ္မဟုတ္ေပမယ္႕ တကုတ္ကုတ္အလုပ္လုပ္ရင္း ဘဏ္စာရင္းကေနထုတ္ထုတ္သြားတဲ႕ေငြေတြမေလာက္တဲ႕အခါ ကြ်န္ေတာ္ ေဒါင္းေတာက္ေအာင္ ေခါင္းေပါက္မတတ္ စဥ္းစားရတယ္။ ဒီအခါမွာ ဝင္ေျပာတဲ႕စကားက " သူ အလုပ္လုပ္မယ္ " တဲ႕ . .။
.
. သူနဲ႕ကြ်န္ေတာ႕ကိုျခားထားတဲ႕ အဓိကအရံအတားထဲမွာ ကားလမ္းပိတ္တာ ပါတယ္။ အင္တာနက္မေကာင္းတာ ပါတယ္။ အိပ္ခ်ိန္မတူတာ ပါတယ္။ က်န္တဲ႕အခ်ိန္အမ်ားစု သူ႕အနားမွာ ကြ်န္ေတာ္ရွိတယ္။ ကြ်န္ေတာ႕အနားမွာ သူ ရွိတယ္။ တကယ္ပါ . . ကမၻာၾကီးရဲ႕ဘယ္ေနရာေရာက္ေန . . ေန . . " သူ " နဲ႕သာဆိုရင္ ေလ . .။
.
.
. ခင္လ်က္
.
. ကိုညီညီ ( ေတာင္ၾကီး )
. 04-30-2017
.
. Unicode Version:
.
.
. " သူ " နဲ့သာဆိုရင်
. " သူ " နဲ့သာဆိုရင် ရှမ်းရိုးမတောင်တန်းကြီးလည်းတက်နိုင်ပါတယ် . . အမေရိကားလည်းသွားရဲပါတယ် ဆိုတဲ့သတ္တိကိုတော့ တကယ်ချီးကျူးမိတယ်။ ရန်ကုန်ကမ်းနားလမ်းက မှောင်ပျပျ ဖုံထူထူလမ်းပေါ်မှာ သူ့လက်လေးကိုတွဲလို့ သူပြန်ဖက်ထားတဲ့ကျွန်တော့ပုခုံးသားဟာ အခုလို ( ၂၅ ) နှစ်တိုင်တိုင် တိုင်းတပါးနိုင်ငံမှာ ပိုင်ပိုင်နိုင်နိုင်ခိုင်မြဲနေမယ်ဆိုတာ မယုံနိုင်ခဲ့ဘူး။
.
. ဘာသာတူပေမယ့် လူမျိုးမတူတာက လူသားတို့ပေါင်းနွယ်မှုကို အထစ်အငေါ့ဖြစ်စေတယ်။ ဒါကိုကျော်ဖြတ်ပြီး " နင့်ကို တရုတ်ချွေးမ မလုပ်ခိုင်းဘူး " လို့ ကျွန်တော်ပြောခဲ့တဲ့စကားတစ်ခွန်းမတည်နိုင်ခဲ့ပေမယ့် သူယုံခဲ့တယ်။ အခုလို ဘာသာစကားလုံးဝမတူတဲ့နိုင်ငံမှာ ကျွန်တော့စကားက သက်သေပြဖို့ပို၍ပို၍ခက်နေပေမယ့်လည်း . .။
.
.
. ဘယ်လိုပင်လောကဓံအထုအထောင်းတွေ သောင်းကြမ်းခဲ့သော်လည်း သူ စိတ်မပြောင်းခဲ့ဘူး။ လေတိုက်ပေမယ့် သူမယိုင်ခဲ့ဘူး။ အပြင်မှာအေးနေပေမယ့် သူမဖျားခဲ့ဘူး။ ရာသီဥတုပူလောင်နေပေမယ့် အိုက်စပ်စပ်သူမခံစားခဲ့ရဘူး။ ဒါတွေက နားလည်မှုရဲ့ခွန်အားဆိုရင် ကျွန်တော့ကိုချစ်တဲ့သူ့အချစ်က စွန့်လွှတ်မှုရဲ့အပြင်းဆုံးပြိုင်အား လို့ သာသာထိုးထိုးအမှတ်ခိုးပေးချင်ပါတယ်။
.
. ဒီအရည်အချင်းတွေအားလုံး သူ့မှာရှိတယ်။ သမီးကိုစိတ်ပူတာ၊ သမီးကိုသတိရနေတာ၊ သားကိုကျောင်းပို့တာ၊ သားကျောင်းအတွက်ထမင်းဗူးထည့်ပေးတာ မိခင်စိတ်ကို တိတိကျကျပြနေတာပါ။ ကျွန်တော်ကမှ ရေသာခိုလို့ရသေးတယ်။ စနေနေ့ရောက်လို့ တရုတ်ဆိုင်မှာဈေးဝယ်ရတာ နဲ့ အိမ်ရောက်တော့ တစ်ပတ်စာဟင်းချက်ရတာထက် မြန်မာနိုင်ငံမှာ တရုတ်ချွေးမလုပ်ရတာက သူ့အတွက်သက်သာပေဦးမယ်။
.
.
. သားသမီးတွေကြီးလာတော့ သူကကျွန်တော့ကို၊ ကျွန်တော်ကသူ့ကို အဖော်ပြုဖို့လိုအပ်နေတာ အမှန်ပါ။ ဒီကြားထဲ ငွေဆိုတာ ရှာရတယ်။ အလုပ်ဆိုတာကြီးက လုပ်ရသေးတယ်။ ဗာဟီရများတဲ့ ခန္ဓာကိုယ်ကို စက္ကန့်မလပ်အသက်ဆက်ပေးရတယ်။ ဒီအတွက် အသက်ကြီးလာတာပဲ အဖတ်တင်တယ်။ ပေးရတဲ့အချိန်က နည်းလာတာကို သူနားလည်ပေးရှာတယ်။
.
. အားတဲ့အချိန်ကျပြန်တော့ ကျွန်တော်က စာလေးဘာလေးရေးဆိုတော့ သူ့အချိန်တွေကို ချေးငှားပြီးသုံးလိုက်ပြန်တာပေါ့။ တခါတခါ နေမကောင်းထိုင်မသာဖြစ်တဲ့အချိန်ကျတော့ " တစ်အိမ်တည်းနေပေမယ့် တွေ့ဆုံဖို့ခက်တဲ့ဘဝ " ဆိုတာ အမေရိကားမှာ တစ်ကယ်ရှိတယ်။
.
.
. လပေါင်း ( ၃ဝဝ ) ဆိုတဲ့ကာလရှည်အထိ ရွှေလက်တွဲလို့ မြဲမြဲမြံမြံကိုင်စွဲထားတာ ကျွန်တော့အပေါ်မှာ " သူ့ရဲ့ခွင့်လွှတ်နိုင်ခြင်းပါရမီ " ကြောင့်ပါပဲ။ လူအများမြင်သလို ကျွန်တော်ဟာ အောင်မြင်သူတစ်ယောက် မဟုတ်ပါဘူး။ ဟိုစပ်စပ် ဒီစပ်စပ် အကုန်လုပ်တဲ့ အစုံသုပ်တစ်ယောက်ပါ။ ဒါကို သူ သည်းခံပေးတယ်။
.
. တစ်နေရာမှာတစ်ယောက်၊ တစ်မေဂျာမှာတစ်ခေါက် ထွန်းထွန်းပေါက်ပေါက်ထူးချွန်ပြောင်မြောက်သူ ကျွန်တော်မဖြစ်ခဲ့ဘူး။ ဒါကို " ကလေးတွေကြီးလို့ နောက်များမှာ အားရင် ကို ဝါသနာပါတာကို ကျောင်းပြန်တက်ပေါ့ " တဲ့ သူ အားပေးတယ်။
.
.
. စက်ရုပ်မဟုတ်ပေမယ့် တကုတ်ကုတ်အလုပ်လုပ်ရင်း ဘဏ်စာရင်းကနေထုတ်ထုတ်သွားတဲ့ငွေတွေမလောက်တဲ့အခါ ကျွန်တော် ဒေါင်းတောက်အောင် ခေါင်းပေါက်မတတ် စဉ်းစားရတယ်။ ဒီအခါမှာ ဝင်ပြောတဲ့စကားက " သူ အလုပ်လုပ်မယ် " တဲ့ . .။
.
. သူနဲ့ကျွန်တော့ကိုခြားထားတဲ့ အဓိကအရံအတားထဲမှာ ကားလမ်းပိတ်တာ ပါတယ်။ အင်တာနက်မကောင်းတာ ပါတယ်။ အိပ်ချိန်မတူတာ ပါတယ်။ ကျန်တဲ့အချိန်အများစု သူ့အနားမှာ ကျွန်တော်ရှိတယ်။ ကျွန်တော့အနားမှာ သူ ရှိတယ်။ တကယ်ပါ . . ကမ္ဘာကြီးရဲ့ဘယ်နေရာရောက်နေ . . နေ . . " သူ " နဲ့သာဆိုရင် လေ . .။
.
.
. ခင်လျက်
.
. ကိုညီညီ ( တောင်ကြီး )
. 04-30-2017