ရှူးစ်ဖိနပ် Analysis

ဆောင်းပါးရှင် - ကိုညီညီ ( တောင်ကြီး )

.

.

“ ထီး နဲ့ ဖိနပ်မပါ နွေအခါမှသိ ”           ဆို ဆိုတဲ့အတိုင်း ရှူးစ်ဖိနပ် မစီးတတ်ရင်တော့ ကမ္ဘာ့အနောက်ပိုင်းနိုင်ငံတွေရောက်ရင် သေချာသိမြင်လာမှာ ဖြစ်ပါတယ်။ မြန်မာလူမျိုးတွေဟာ ရှေးနန်းသုံးမင်္ဂလာကအစပြုလို့ ညှပ်ဖိနပ်ကို ခုံခုံမင်မင် စီးနင်းခဲ့ကြသူတွေပါ။ ချက်စေ့လက်စေ့ လေ့လာကြည့်တဲ့အခါ ထူးခြားတာလေးတွေကို ကိုယ့်အမြင်နဲ့ကိုယ် တွေးမိတဲ့နောက် စိတ်က ရေးဖို့တိုက်တွန်းလာပါတယ်။ ကဲ .. ဘယ်လို ခွဲခြမ်းစိတ်ဖြာမလဲ ကြည့်ကြရအောင်..။

          မြန်မာလူမျိုးတွေဟာ ဘာသာပြန်တဲ့နေရာမှာ အလွန်တော်ကြတယ်။ ခက်ခက်ခဲခဲ ပြန်လို့မရတဲ့အခါကျတော့ မွေးစားမြန်မာမှုပြုတာ တော်သွားပြန်ရော..။ ဖိနပ်ဟာ ( ၂ ) ဖက် တူညီစွာ စီးရတဲ့အမျိုးအစားပါ။ ဒါကြောင့် ကင်းပတ်ဖိနပ်ကို Shoes လို့ မွေးစားတဲ့အခါ ရှူးဖိနပ်လို့ အမည်တွင်လာခဲ့တယ်။ အမှန်မှာက ( ၂ ) ဖက်စီးရတဲ့ အတွက် ရှူးစ် လို့ ဘို လို တံတွေးစင်စင် ဖတ်မှသာ အများနာမ်အတွက် အဆင်ပြေမှာပါ။ ဒီအင်္ဂလိပ်စာလုံးတစ်လုံးကြောင့်သာ အလယ်တန်းကျောင်း အင်္ဂလိပ်စာမေးပွဲတုန်းက အမှတ်ပြည့်မရခဲ့တာကြောင့် တစ်သက်လုံး တစ်စိုက်မတ်မတ် ( S ) ထည့်ရေးဖြစ်သွားတာ ဆရာ ဆရာမတွေကို သတိရတိုင်း ကျေးဇူးတင်ရပါတယ်။

          မြန်မာကြိုက် ခြေညှပ်ဖိနပ်ကို  Flip Flop လို့ ခေါ်ပါတယ်။ ပလပ်စတစ်နဲ့လုပ်ထားလို့ Plastic Flip Flop လို့လည်း ခေါ်ကြတယ်။ ခြေညှပ်ဖိနပ်စီးလို့ အာရှနိုင်ငံတွေမှာ အလုပ်မရှုတ်ပေမယ့် အနောက်နိုင်ငံသားတွေအတွက်တော့ မေးခွန်းတွေ ရှိနေပါတယ်။ မိမိခြေထောက်ကို ဘာလို့ လုံခြုံအောင် မထုတ်ပိုးထားရတာလဲ .. တဲ့။ ကျွန်တော်တို့ ဘယ်လိုဖြေကြမလဲ? ထိမိခိုက်မိတဲ့ရန်ကိုကာကွယ်ဖို့ ရှူးစ် ဖိနပ်စီးကြပါတယ်။ တစ်ချို့ဒေသတွေမှာ ခြေညှပ်ဖိနပ်က ရေချိုးခန်းသုံး၊ သန့်စင်ခန်းသုံး အဖြစ်သာ အတွေ့များကြတယ်။

          ဒါတောင် အာရှနိုင်ငံ ပြီးရင် ဥရောပ နဲ့ ကနေဒါတို့ကသာ အိမ်တွင်းချွတ်ညှပ်ဖိနပ်စီးတဲ့အလေ့အထ ရှိကြတယ်။ အမေရိကားမှာ ဒီလိုမျိုး တွေ့ရခဲပါတယ်။ ကိုယ်ပိုင်သတ်မှတ်ချက်ပြင်းထန်တဲ့ ဂျပန်လူမျိုးများကတော့ အိမ်ပြင်စီး နဲ့ အိမ်တွင်းစီးတို့ကို ခွဲခြားထားတဲ့အပြင် သူသေကိုယ်သေ ဆာမူရိုင်း ဓါးသိုင်းခုတ်တာ၊ ရန်သူနောက်လိုက်တာတောင်မှ ညှပ်ဖိနပ်ကိုမှ အသည်းစွဲပါ။ ပြင်ပအမှိုက်ပတ်ဝန်းကျင်က သယ်ဆောင်လာမယ့် ပိုးမွှား၊ ဖုန်၊ လှေ့ စတာတွေ ကပ်ငြိဝင်မလာအောင် အိမ်တံခါးဝမှာ ဖိနပ် ပြောင်းစီးကြတယ်။ ကောင်းတဲ့အလေ့အထတစ်ခု ဖြစ်ပါတယ်။ ဒါပေမယ့် အမေရိကန်အိမ်တွေမှာ သိပ်တွေ့ရခဲတယ်။ သူတို့က ရှူးစ်ဖိနပ်ကြီးတွေ တစ်ဒေါက်ဒေါက်နဲ့ အိမ်ထဲစီးဝင်ကြပြီး ဖိနပ်မချွတ်ပဲ အိပ်ယာပေါ်တက်အိပ်တတ်တာမို့ ယဉ်ကျေးမှု မတူတာကို အပြစ်မတင်မိတော့ပါဘူး။

          အင်တာဗျူးအောင်လို့ လုပ်ငန်းခွင်ဝင်တဲ့အခါ သင့်မှာ ရှူးစ်ဖိနပ် ရှိလား? ဆိုတဲ့မေးခွန်းဟာ မဖြစ်မနေ အမေးခံရတဲ့ မေးခွန်းပါ။ ခြေညှပ်ဖိနပ်နဲ့ ရုံးတက်သူ မရှိကြပါဘူး။ ကပ်ပြီးပြောမယ့်သူတွေအတွက်တော့ ခွင့်ပြုထားတဲ့ ရံဖန်ရံခါအချိန်တွေမှာတော့ ရှိနိုင်ပါတယ်။ ကုန်ထုတ်လုပ်မှုလုပ်ငန်းခွင် - Production Jobs တွေမှာ အလုပ်ရှင်တွေက အထူးဇီဇာကြောင်ပါတယ်။ ဒါကလည်း အကြောင်းရှိတယ် .. ဖိနပ်မကောင်းလို့ အလုပ်လုပ်ရင်း ချော်ချက်လဲရင် ကုပေးရမှာက သူတို့တာဝန်ပါ။

မတော်လို့ ကျိုး၊ ကန်း၊ နာကျင်သွားရင် ငွေလျှော်လို့ မဆုံးနိုင်သလို ကုမ္ပဏီအတွက်လည်း လုပ်ငန်းနှောင့်နှေးစေပါတယ်။ ဒါကြောင့် Manufacturing Facility နဲ့ ဆောက်လုပ်ရေးလုပ်ငန်းခွင် - Construction Site တွေမှာ ခြေမ,ပေါ်တဲ့ - Open Toe Shoes စီးလို့မရပါဘူး။ အထူးသတိထားရမှာက Construction မှာအလုပ်လုပ်ရင် ထိပ်မှာသံပြားခံထားတဲ့ Steel Toe ရှူးစ်ဖိနပ် ( အများအားဖြင့် ခပ်ဝါဝါ ) တွေကိုသာ စီးသင့်ပါတယ်။ လက်မမြဲလို့ မတော်တဆ အလေးအပင်တစ်ခုခု လွတ်ကျ၊ ပြုတ်ကျတဲ့အခါ ခြေမတွေကို ကာကွယ်ဖို့ ဖြစ်ပါတယ်။

သူတို့ အထူးရွေးချယ်တာက ဖိနပ်အောက်ခံပြား - Sole of Shoe ဖြစ်ပါတယ်။ အကွက်လှတာ မလှတာ အသာထား ကြမ်းပြင်ကို ဘယ်လောက်ကုတ် ထားနိုင်တဲ့အပေါ်မှာ တော်တော် အလေးထားပါတယ်။ ဥပမာ - ရေတစ်ရွှဲရွှဲစိုကြမ်းပြင်မှာ အလုပ်လုပ်သူက မိုးတွင်းစီး မိုးကာလည်ရှည်ဖိနပ် ( ရှမ်းပြည်အခေါ် ပအိုဝ်းမဘွတ်ဖိနပ် - မြေနီဘွတ်ဖိနပ် ) – Wet Shoes OR Dirty Shoes ( Boots ) ကို စီးလို့ရပေမယ့် ချော်လဲနိုင်တဲ့ အလုပ်ကြမ်းပြင်မှာ Sole မကောင်းရင် တစ်ကယ်ချော်လဲမှာပါ။ ဒါကြောင့် သူတို့တောင်းဆိုထားတဲ့ အလုပ်ခွင်ရှူးစ်ဖိနပ်ချေးများမှုက အဆိုးမဆိုသာပါဘူး။

ထူးထူးခြားခြား ကျေးဇူးရှိတဲ့ မြန်မာနိုင်ငံက အိမ်တစ်အိမ်မှာ ခြေသုတ်ဖုံထားတဲ့နေရာကို အခန်းဖွဲ့ထားရှိတာ တွေ့ခဲ့ဖူးတယ်။ အဲဒီနေရာမှာ ဖိနပ်လဲကြတယ်။ ဖိနပ်စင်တွေ ရှိတယ်။ အပြင်ကလာသူတစ်ယောက်ဟာ အိမ်ထဲကို တန်းဝင်သွားလို့မရပါဘူး။ လာခဲ့တဲ့ဖိနပ်ကို ခြေမလေးနဲ့ညှပ်ပြီး ဖိနပ်အကန့်ထဲထိုးထည့်၊ အိမ်တွင်းစီး ကွင်းထိုးဖိနပ်ကိုလဲမှ ပြောင်လှက်နေတဲ့ ပါကေးမျက်နှာပြင်ကို နင်းလျှောက်ရပါတယ်။ ခြင်လုံဇကာလည်းတတ်ထားတာမို့ ကျန်းမာရေးနဲ့ အတော်ညီညွတ်တဲ့ Transfer Room လို့ မှတ်တမ်းတင်မိပါတယ်။

ကျန်းမာရေးအချက်အလက်ဖော်ပြတဲ့ ပင်မအင်တာနက်စာမျက်နှာ WebMD က အိမ်တွင်းကိုဝင်တဲ့ ဖုန်၊ သလဲ၊ အမှိုက်သရိုက် စတာတွေရဲ့ ( ၈၅% ) ဟာ အပြင်စီးဖိနပ်က သယ်ဆောင်လာတာနဲ့ အိမ်တွင်းမွေးတိရိစ္ဆာန်တို့ရဲ့ လက်သည်းတွေက ဖြစ်တယ် လို့ ဆိုပါတယ်။ ကြောက်စရာ ကိန်းဂဏန်းတွေပါ။ တစ်ဖက်လှည့်နဲ့ပြန်တွက်ကြည့်ရင် ဖိနပ်ကို အိမ်တွင်းစီး နဲ့ အိမ်ပြင်စီး ခွဲထားနိုင်ရင် ပြင်ပဝင်ရောက်မှုကြောင့် ပိုးမွှားရောဂါဖြစ်နှုန်းကို ရာခိုင်နှုန်းတော်တော်များများ လျှော့ချနိုင်မှာဖြစ်ပါတယ်။ ဒါကိုလိုက်နာတဲ့ အိမ်ရှင်တစ်ချို့က သူတို့အိမ်ဝယ်ပြီးရင် ပထမဦးဆုံးလုပ်တာက ဧည့်သည်စီးဖိနပ်အပို - Guest Slippers တွေ အရင်ဆုံးဝယ်တာပါပဲ။  

ရှူးစ်ဖိနပ်ဘက် ပြန်လှည့်ကြည့်ကြရအောင်..။ အလုပ်ခွင်မှာ လူထူးလူဆန်း ( ၂ ) ယောက် ဆုံဖူးတယ်။ ပထမတစ်ယောက်က လူမည်းလုပ်ဖောက်ကိုင်ဖက်ပါ။ သူဟာ အလုပ်လာတဲ့ရက်တိုင်းမှာ စီးတဲ့ဖိနပ်မတူပါဘူး။ ဒီနေ့ အမည်းရောင် နောက်နေ့ လိမ္မော်ရောင်၊ ဟော .. နောက်တစ်ရက် အပြာရောင် ဘတ်စကက်ဘောဖိနပ်နဲ့ သူ့ဖိနပ်စီးပုံက လူကမည်းသလောက် အရမ်းကိုတင့်တယ်လှပတာ သတိထားမိတယ်။ တစ်ရက်မှာ မနေနိုင်လို့ မေးကြည့်တော့ ဒီနေ့သူဝတ်လာတဲ့ဖိနပ်ဟာ နောက်တစ်ရက်မှာကျရောက်မယ့် သူ့မွေးနေ့အတွက် ချစ်သူက ဝယ်ပေးထားတာဖြစ်ပြီး မအောင့်နိုင်လို့ ဒီနေ့ ထုတ်စီးလာတာလို့ ပြောပြတယ်။

သူ့ကောင်မလေးက ချစ်သက်လက်ဆောင် ဒေါ်လာ ( ၈ဝ ) ပေးရတယ်လို့ ဆိုတယ်။ ဒါနဲ့ ထပ်ပြီး နေ့စဉ်ရက်ဆက် ဒီလိုဖိနပ်ပေါင်း ဘယ်နှစ်ရံလောက်များရှိသလဲလို့ မေးကြည့်အခါ သူပြန်ပြောတော့ မျက်လုံးပြူးပြီးကျန်ခဲ့တာက ကျွန်တော်ပါ။ သူ့အဖြေက “ I have at least 30 pairs of those, I guess. ” ပါ တဲ့။ သူဖိနပ်အားလုံးဟာ နိုက်ကီ - Nike တံဆိပ်ချည်းပါ။ တစ်ချို့အရံတွေဆို ဒေါ်လာ ( ၁ဝဝ ) ကျော်ပေးရတယ်လို့ပြောသေးတယ်။ တွက်ကြည့်လိုက်ရင် သူ့ရဲ့ဖိနပ်အပေါ်မှာရင်းနှီးမြှုပ်နှံမှုက သူ့လုပ်ခ ( ၁ ) လ ရှာစာနဲ့ မလောက်နိုင်တာ သေချာပါတယ်။

နောက်တစ်ယောက်က ဗီယက်နမ်လူမျိုး အာရှလူငယ်လေးတစ်ယောက်ပါ။ သူဝတ်လာတဲ့ဖိနပ်မှာ အရောင်ပေါင်း တစ်ဒါဇင်ကျော်ပါတာနဲ့ Nike တံဆိပ်ဖြစ်တာကို ဆက်စပ်တွေ့မိသူတိုင်း “ How much have you paid for that shoes? ” လို့ မေးမိတတ်ကြတယ်။ ဒီစကားကိုဖြေဖို့ စောင့်နေတဲ့ အေးရှမ်းကောင်လေးအတွက်တော့ ဒါက အခွင့်အခါကောင်းပါပဲ။ မဖြေခင် သူ့မှာ ဒီလိုမျိုးဖိနပ် နောက်ထပ် ( ၁ဝ ) ရံလောက် ရှိသေးတယ်လို့ စကားဦး သန်းလိုက်ပါသေးတယ်။ အသစ်ထွက်တိုင်း အရင်ဆုံးဝယ်ဝတ်နေကျ ဒီ Nike ဖိနပ်က ဒေါ်လာ ( ၂၈ဝ ) ပေးရပါသတဲ့။ ဒါဆို သူ့လုပ်ခ ( ၁ ) လစာကလည်း သူ့ဖိနပ်ဖိုးနဲ့တင် တော်တော်လေး အစားပျက် အသောက်ပျက် စုဆောင်းဝယ်ယူထားတယ်ဆိုတာ နားလည်နိုင်ပါတယ်။ တော်ပါသေးတယ် .. ဖိနပ်တစ်ရံကို မြန်မာကျပ်ငွေ သိန်း ( ၃ဝ ) ပေးဝတ်တဲ့ မြန်မာနိုင်ငံက ခပ်ကြောင်ကြောင် မော်ဒယ်လမ်းပြအုပ်ချုပ်သူ ဂျွန်လွင် လို လူမျိုးတော့ အမေရိကားမှာ မတွေ့ဖူးတာ ကျွန်တော် ကံကောင်းလို့ပါ..။

ခန္ဓာကိုယ်အလေးချိန်များသလောက် လူဆိုဒ်ကြီးများအတွက် ရှူးဖိနပ်ဆိုဒ်များက နံပါတ် ( ၁၂ ) အထိ ရှိကြတယ်။ အိုဗာဆိုဒ် ( ၁၄ ) အထိ တင်ရောင်းတဲ့ဆိုင်တွေလည်း တွေ့ဖူးတယ်။ မြန်မာနိုင်ငံမှာ နေ့တိုင်းခြေညှပ်ဖိနပ်စီးတုန်းက ဘာပြသနာမှ မတက်ခဲ့ပါ။ အခု ဒီဘက်နိုင်ငံရောက်မှ ခြေဖဝါးသွေးလွှတ်ကြောခုံး - Plantar Fascia ကို အထောက်အကူပေးတဲ့ ဖိနပ်အောက်ခြေအလယ်ကွေး - Orthotic Arch Support ပါတဲ့ ဖိနပ်စီးသင့်တာကို သိလာရတယ်။ ဒါတောင် တွေ့ကရာ ရှူးစ်ဖိနပ်တိုင်း ကောက်စီးလို့ မဖြစ်သေးပါဘူး။ ခြေထောက်ဗျက် ကြီးရင် ကြီးသလို ကျယ် - Wide တဲ့ ရှူးစ်ဖိနပ်ကို ရွေးစီးမှ အဆင်ပြေပါလိမ့်မယ်။

လူငယ်ထုကြားမှာ နာမည်ကြီးတဲ့ Converse ဖိနပ်ဟာ အားကစားလုပ်ဖို့ မဟုတ်သလို အလယ်ကွေး - Arch Support မပါတဲ့အတွက် ရေရှည်မှာ ခြေဖနောင့်နာနိုင်ပါတယ်။ ဒါ့အပြင် ဖိနပ်က ထိပ်ကျဉ်းနေသေးတယ်ဆိုရင် ကျန်းမာရေးတိုးတက်မှုကို မရနိုင်တဲ့အပြင် ဖိနပ်ပေါက်တဲ့ ဝေဒနာကိုပါ ပူးတွဲခံစားရနိုင်ပါတယ်။ မြင်သာအောင်ပြောရရင် အမျိုးသမီးတွေ အစီးများတဲ့ ထိပ်ချွန်ချွန်လေဒီရှူးစ်များဟာ ခြေချောင်းတွေကို ကျပ်ညှပ်သပ်အောင် ထိပ်ပိုင်းထုတ်ထားတဲ့အခါ မခံစားနိုင်အောင် နာကျင်တတ်တယ်။ ဒါကြောင့် ချောင်ချောင်ချိချိမဖြစ်တဲ့ Poor Fitting Shoes တွေကို ရှောင်ကျဉ်သင့်ပါတယ်။

ရှူးဖိနပ်စီးရင် မပါမဖြစ် ထည့်သွင်းစဉ်းစားရမှာက မိမိဟာ ခြေစေးထွက်သလားဆိုတာကိုပါ။ ဒီအချက်ကိုသိရင် ရှူးစ်ဖိနပ်ဝတ်လို့ ခြေအိတ်ချွတ်တဲ့အခါ အနံ့အသက်ဆိုး - Odor ထွက်မထွက် မှန်းနိုင်ပါတယ်။ ခြေညှပ်ဖိနပ်က အမြဲ လေထုနဲ့ထိတွေ့လို့ အနံ့မရှိသော်ငြားလည်း မြေမှုန်ကပ်ပြီး ညစ်ပတ်လွယ်ပါတယ်။ တစ်ရက်ကို ( ၁ဝ ) နာရီခန့် ရှူးစ်ဖိနပ် စီးသူများကအတွက်တော့ မိမိအိမ်ပြန်ရောက်မှ ခြေအိပ်ချွတ်၊ ခြေထောက်ကို ရေနွေးနွေးလေးနဲ့ဆေးရုံမက ခြေအိပ်နံ့ နံသူများအတွက် ချွတ်ထားတဲ့ဖိနပ်တွင်းကို အနံ့အသက်ပျောက်ပေါင်ဒါမှုန့် - Foot Powder သုံးသင့်ပါတယ်။

          မှတ်ဥာဏ်အရ မမှားဘူးဆိုရင် အမေရိကားမှာ လူမည်းတွေဟာ အဝတ်အစားထက် ရှူးစ်ဖိနပ်ကို အသည်းစွဲခုံမင်စီးနင်းကြတယ်။ သူတို့အသားအရေကြောင့် အကျီင်္အရောင်အသွေးဟာ လူကြားထဲမှာ အရောင်တက်မလာပါဘူး။ ဒါပေမယ့် ရှူးစ်ဖိနပ်လှလှတစ်ရံကို လူဖြူထက်စာရင် လူမည်းစီးပြတာက ပိုလှတယ်လို့ ထင်ရတယ်။ အားကစားမှာထူးချွန်သူများ နဲ့ ကမ္ဘာကျော်တွေက လူမည်းအများစု မဟုတ်လား? ခြေစွပ်ဆိုရင်လည်း ဒီတံဆိပ်တူတူပဲ ဝတ်ကြတယ်။

ဒါတောင် နောက်ပိုင်း ခြေစွပ်တွေက အတန်းအစားအများကြီး ခွဲခြားလာပါသေးတယ်။ ခြေသလုံးအထိရောက်တဲ့ခြေအိတ်ကို Welt Top Socks ၊ ခြေမျက်စိဖုံးရုံလေးကို Anklet Socks ၊ မိန်းမလေဒီရှူးစ်များအတွက် ခြေဖမိုးပေါ်ရုံ ဖိနပ်နဲ့ကွက်တိ စကဆိုဒ်ကို Liner Socks ၊ ခြေအိတ်ဝတ်လို့ဝတ်ထားမှန်းမသိလောက်တဲ့ အပျောက်ခြေအိတ်ကို Invisible Socks နဲ့ ကွင်းထိုးဒေါက်ဖိနပ်များအတွက်ကိုတော့ Mule Slide Socks လို့ခေါ်ကြတာ ဗဟုသုတအဖြစ် မျှဝေချင်ပါတယ်။

တစ်ခါတစ်ခါ အလုပ်ခွင်မှာ တစ်လသီတင်းလုံး ဖိနပ်တစ်ရံတည်းကိုသာ အပေပေ အရေရေ မဆေးမကြော မလဲလှယ်ပဲ ဝတ်သူများတွေ့ဖူးတယ်။ မျက်နှာမှာကြည့်လိုက်ရင်တော့ မိန်းမတွေဆို မိတ်ကပ်အဖွေးသားနဲ့ ယောက်ျားတွေကျ အကျီင်္အသစ်တွေနဲ့ ဖိနပ်က ညစ်ပတ်ပေရေနေသလောက် ခြေထောက်ကျန်းမာရေး ဘယ်လောက်အထိ ပစ်ထားတယ်ဆိုတာ တွေးကြည့်ရင်း ရင်မောမိပါတယ်။ ဘာပဲပြောပြော ဘယ်ဖိနပ်မဆို ပျော့ပျော့ပျောင်း၊ နွဲ့နွဲ့နှောင်းနှောင်း နဲ့ အလှည့်အပြောင်းလုပ်ပြီး စီးသင့်လှပါတယ်ဆိုတဲ့အကြောင်း တင်ပြလိုက်ရပါတယ်။

koko2yeye@gmail.com

.

ဖိနပ်အခေါ်အဝေါ်များ။ https://www.google.com/search?hl=en&site=imghp&tbm=isch&source=hp&biw=1366&bih=600&q=shoes+names+with+pictures&oq=shoes+nam&gs_l=img.1.2.0l10.259.2279.0.6538.9.9.0.0.0.0.165.899.7j2.9.0.chm_loc...0...1ac.1.62.img..0.9.894.-vMmzLL6ruE#hl=en&tbm=isch&q=men+shoes+names+with+pictures&imgdii=_&imgrc=xaGLQ0BP27LUHM%253A%3BbLtN0XK6QIYSVM%3Bhttps%253A%252F%252Fs-media-cache-ak0.pinimg.com%252F236x%252F84%252Fd9%252F88%252F84d98805235b06eb9456e64882d7f946.jpg%3Bhttps%253A%252F%252Fwww.pinterest.com%252Freneer1212%252Fmens-shoes%252F%3B236%3B344

.

Steel Toe Shoes: https://www.google.com/search?q=steel+toe+boots&es_sm=122&source=lnms&tbm=isch&sa=X&ei=sCfqVNCGIIWyogTD_oBY&ved=0CAkQ_AUoAg&biw=1366&bih=600#imgdii=_&imgrc=0ZHpV1cDt4PZRM%253A%3Bkz2ATqisEX-roM%3Bhttp%253A%252F%252Fwww.awdirect.com%252Fproduct_images%252Flarge%252Ftimberland-pro-steel-toe-wheat-boots-65016-7-med.jpg%3Bhttp%253A%252F%252Fwww.awdirect.com%252Ftimberland-pro-steel-toe-wheat-boots-65016-7-med%252Ffootwear%252F%3B600%3B460

.

ညှပ်ဖိနပ်များပုံ။ https://www.google.com/search?q=plastic+flip-flops&es_sm=122&tbm=isch&tbo=u&source=univ&sa=X&ei=zQHqVOOoIImyogTrwoKwDw&ved=0CFAQ7Ak&biw=1366&bih=600#imgdii=_&imgrc=YQ34NY02CWAcbM%253A%3BFYfjcfGFNvcwhM%3Bhttp%253A%252F%252Fwww.themotherhuddle.com%252Fwp-content%252Fuploads%252F2012%252F03%252Fcut-out-plastic.jpg%3Bhttp%253A%252F%252Fwww.themotherhuddle.com%252Fsimple-diy-flip-flops%252F%3B512%3B256

.

ဖိနပ်အောက်ခံဆိုးလ်များ။ https://www.google.com/search?q=sole+of+shoe&es_sm=122&tbm=isch&tbo=u&source=univ&sa=X&ei=HwvqVJOqLsq2ogTZzYH4Dg&ved=0CCoQ7Ak&biw=1366&bih=600

.

မိုးစီးဖိနပ်ပုံ။ https://www.google.com/search?q=wet+floor+shoes&es_sm=122&source=lnms&tbm=isch&sa=X&ei=wgvqVOmvLIurogS_vYHQDg&ved=0CAgQ_AUoAQ&biw=1366&bih=600#imgdii=_&imgrc=byws5RgQ8rqoYM%253A%3BUJznysKZZToR9M%3Bhttp%253A%252F%252Fwww.explosion.com%252Fwp-content%252Fuploads%252F2014%252F12%252Fboot-tray-pebbles.jpg%3Bhttp%253A%252F%252Fwww.weather.com%252Fsafety%252Fwinter%252Fnews%252Fwinter-lifehacks%3B754%3B518

.

ခြေအိပ်အမျိုးအစားများ။ https://www.google.com/search?q=socks+with+names&es_sm=122&biw=1366&bih=600&source=lnms&tbm=isch&sa=X&ei=PxfqVOSNDMfsoASv3IHQDg&ved=0CAcQ_AUoAg#imgdii=_&imgrc=6rTY3NXUzrYoCM%253A%3BZgCIanU2-5JhzM%3Bhttp%253A%252F%252Fwww.letsbuysocks.com%252Fshop%252Fpc%252Fcatalog%252Flength_all.gif%3Bhttp%253A%252F%252Fwww.letsbuysocks.com%252Fshop%252Fpc%252FSock-Lengths-and-Thickness-d10.htm%3B454%3B212

.

ခြေထောက်အကျယ်ပြပုံ။ https://www.google.com/search?q=wide+shoe&es_sm=122&source=lnms&tbm=isch&sa=X&ei=tx7qVPrVBsruoAS2gIHIDg&ved=0CAkQ_AUoAg&biw=1366&bih=600#tbm=isch&q=wide+shoes+&imgdii=_&imgrc=WSaIKYuuRJAfMM%253A%3BiDWdlbT3-K5Y-M%3Bhttp%253A%252F%252Fshutupandwearit.com%252Fwp-content%252Fuploads%252F2011%252F04%252F22943.jpg%3Bhttps%253A%252F%252Fshutupandwearit.com%252Fshoe-logic%252F%3B400%3B298
.

" ရှူးစ်ဖိနပ် Analysis " စာမူသည် ၂ဝ၁၅ ဂျူလိုင်လ ( ၁၁ ) ရက်နေ့၊ စနေနေ့ထုတ် NetGuide နည်းပညာဂျာနယ် အတွဲ ( ၃ ) ၊ အမှတ် ( ၉၂ ) ၊ စာမျက်နှာ ( ၅၁ ) တွင် ဖော်ပြပါရှိသည်။

Download : http://www.mediafire.com/download/3zfyfm7kf373ecz/NetGuide+Vol+3%2C+Issue+92.pdf