အားပြန်ပြည့်လာတဲ့ကျွန်တော်

ဆောင်းပါးရှင် - ကိုညီညီ ( တောင်ကြီး )

.

.

ခွဲစိပ်ပြီး ( ၂ ) ပတ်ပြည့်တဲ့နေ့မှာ ရက်ချိန်းအရ ဆေးရုံကို ပြန်သွားခဲ့တယ်။ ကိုယ်ကသာ ချုပ်ရိုးဖြည်မယ်ထင်လို့သွားခဲ့တာ အမှန်က ခွဲပြီးကတည်းက တစ်ခါထဲ ချုပ်ပေးလိုက်ပြီးသား။ ဆရာဝန်က ဗိုက်ကိုလှန်ကြည့်ပြီး ချက်ပေါက်တည့်တည့်က အနာဖေးတက်နေတဲ့ ပတ်တီးစကြီးကို ဝီစီမမှုတ် ခရာမဆွဲပဲ ဇတ်ကနဲ ဆွဲခွာပစ်လိုက်တယ်။ အမလေးဗျာ ….!

.

ကျွန်တော့မှာတော့ သွေးစတွေစို့နေတဲ့၊ အနာပေါ်အုပ်ထားတဲ့ ပတ်တီးစလေးကို မတို့ရက်မထိရက် ထားလိုက်ရတာ။ ရေချိုးပြီးတိုင်းလည်း အခြောက်ခံရတာကတစ်မျိုး၊ တစ်ခုခုနဲ့ထိမိခိုက်မိလို့ ကွာကျသွားမှာစိုးတာကတဖုံ တယုတယ နဲ့ ထိန်းသိမ်းထားလိုက်ရတာလေ။ အခုတော့ လုပ်မယ့်လုပ်တော့လည်း ခွဲစိပ်ဆရာဝန်ရဲ့လက်မြန်ချက်က တစ်စက္ကန့်ရဲ့ ( ၃ ) ပုံ ( ၁ ) ပုံတောင်မကြာဘူး ခွာလိုက်တာ ရုတ်တရက်ဆိုတော့ “ အား ” လို့အော်ဖို့အချိန်တောင် မရလိုက်ဘူး။ အမှန်က ကျွန်တော်က နာကျင်မယ် မှတ်နေတာ .. မနာပဲ သာမန်ပလာစတာခွာသလို ကော်နည်းနည်းကပ်ပြီး ကျန်နေခဲ့တာပဲ ရှိတယ်။

.

.

ပြီးတာနဲ့ ကျွန်တော့ကို ဘယ်လိုနေသေးလဲ? နေကောင်းလားလို့မေးတယ်။ စကားနည်းနည်းပါးပါးပြောပြီး အခြေအနေကောင်းရင် သာမန်လူတစ်ယောက်လို ဘာအစားအသောက်မှ ရှောင်စရာမလိုပဲ နေထိုင်စားသောက်လို့ရပြီလို့ပြောပြန်တယ်။ ( ၂ ) လအတွင်း အားကစားလေ့ကျင့်ခန်းတွေမလုပ်နဲ့ .. အလေးအပင်တွေ မ,မနဲ့လို့ မှာတယ်။ ဒီလောက်ပဲ .. ပြီးပြီ .. ပြန်လို့ရပြီ။ ကျေးဇူးပါ ဒေါက်တာ..။

မေမေ့အတွက် Kamayan

ဆောင်းပါးရှင် - ကိုညီညီ ( တောင်ကြီး )

.

.

အားလုံးကို အီးမေးလ်နဲ့ စာပို့လိုက်ပါတယ်။ တစ်ယောက်နဲ့တစ်ယောက်အားတဲ့အချိန်မတူတာကြောင့် အီးမေးလ်ကိုဖြန့်ပြီး အများကိုပြောပြလိုက်ကြပါ။ ဒီတစ်ပတ် တနင်္ဂနွေနေ့မှာကျရောက်မယ့် “ အမေများနေ့ - Mother’s Day ” မှာ ကျေးဇူးရှင် “ မေမေယမ် ” အတွက် အရင်နှစ်တွေနဲ့မတူ တစ်မူထူးခြားအောင် ကျွန်မမှာ အကြံတစ်ခုရှိတယ်။ အဲဒီအစီအစဉ်အထမြောက်ရင် အားလုံးလည်းပျော်ကြမှာ။ မေမေယမ် လည်းသဘောကျပြီး ကလေးတွေအားလုံးလည်း ပျော်ကြ ရွှင်ကြ ဆုံစည်းကြရအောင်လို့ပါ။

.

အခု ဒီအီးမေးလ်ရဲ့အောက်မှာ Attached File တစ်ခု နဲ့ စာရင်းတစ်ခု ထည့်ပေးလိုက်တယ်။ စာရင်းထဲမှာပါတဲ့အတိုင်း အစားအသောက်တွေကို ယူလာနိုင်သူတွေကယူလာ၊ ဝယ်ချင်သူတွေက ဝယ်လာကြ။ ဘာမှမပါလာလည်းရတယ် အားလုံးအတွက် ကျွန်မချက်ပေးမယ်။ မေမေယမ် ထက် ကျွန်မ အချက်အပြုတ်ကောင်းတာ သိကြတယ်မဟုတ်လား..။

.

.

ပထမအပိုင်း ဖိလစ်ပီးနိုးဟင်းလျာထဲမှာ ကျွန်မစိတ်ကြိုက် Corned Beef လေ .. ချက်ပြီးသား အမဲသားကို ဆားတွေနဲ့နှပ်ပြီး အချပ်လိုက်ဖြစ်နေတဲ့ အလွှာလေးတွေလေ .. အဲဒါကတော့ ပါမှရမယ်။ ကျွန်မကြိုက်သလို အားလုံးလည်း ကြိုက်ကြမှာသေချာတယ်။

စာပို့လုပ်ငန်းအကြောင်းစုံစုံလင်လင်

ဆောင်းပါးရှင် - ကိုညီညီ ( တောင်ကြီင်္း )

.

.

စာတိုက်ကနေ စာပေး စာပို့အများဆုံးတိုင်းပြည်ကိုပြပါဆိုရင် အမေရိကန်နိုင်ငံကိုသာ လက်ညှိုးထိုးပြချင်ပါတယ်။ အိမ်တိုင်းမှာ စာတိုက်ပုံးတစ်ပုံးစီရှိသလို အလုပ်ကအပြန် အိမ်ရောက်တာနဲ့ အိမ်ထဲမဝင်ခင် စစ်ဆေးကြတာကတော့ ဒီနေ့ ငါ့အိမ်ကို ဘာစာတွေရောက်သလဲ ဆိုတာပါပဲ။

.

စာတိုက်ကနေ စာတွေပို့ကြတယ် စာပြန်ကြတယ်။ မြန်မာနိုင်ငံလို A4 နဲ့ Legal စာရွက်ဆိုဒ်တွေ ဒီမှာ မသုံးပါဘူး။ ကျွန်တော် မြန်မာနိုင်ငံကနေ တစ်ပွေ့ကြီးသယ်လာတဲ့ နိုထရီပြန်ပြီးသား စာရွက်စာတမ်းတွေ ဒီက အများသုံး စာအိတ်ထဲထည့်တဲ့အခါ တစ်ချို့စာရွက်တွေဆို မဆန့််ပါဘူး၊ ခေါက်ထည့်ရတယ်။

.

အကြောင်းရင်းက A4 (8.27"x11.69") က အမေရိကားမှာသုံးတဲ့ စာအိတ်ထည့်စာ Letter(8.5"x11") ထက် အနည်းငယ် ရှည်နေလို့ပါ။ မိတ္တူဆိုင်တွေက ကူးပေးလိုက်တဲ့တစ်ချို့စာရွက်တွေဆို Legal(8.5"x14") ဆိုတော့ အနံကဝင်ပြီး အလျားတွေက ရှည်နေပါတော့တယ်။

.

.

စာအိတ်တွေမှာ လိပ်စာရေးတာက အလယ်မှာဆိုရင် ပေးပို့သူရဲ့လိပ်စာကို ဘယ်ဘက်ထောင့်မှာ ( အနည်းငယ်သေးအောင် ) ရေးပေးရပါတယ်။ စာပို့လုလင်က စာကိုလက်ခံသူမရှိရင် နောက်ဆုံး ကိုယ့်ဆီပြန်ရောက်လာမှာဖြစ်လို့ မှန်အောင်ရေးသွင်းရပါမယ်။

.

တံဆိပ်ခေါင်းတွေက အများအားဖြင့် ညာဖက်ထောင့်က " Place Stamp Here " ဆိုတဲ့ လေးထောင့်ကွက်လေးမှာ ကပ်လေ့ရှိပြီး အခြေခံဈေးနှုန်းက တစ်ခုကို ( ၄၅ ) ဆင့် ဖြစ်ပါတယ်။ တစ်ချို့စာအိတ်တွေမှာ " Save A Stamp. Pay Online " လို့ရေးထားပြီး အွန်လိုင်းကနေငွေကြိုရှင်းထားရင် တံဆိပ်ခေါင်းကပ်ဖို့မလိုတာကို ရှင်းပြထားတာပါ။

.

" Please put stamp here. The Post Office will not deliver mail without postage " ဆိုတာကျတော့ တစ်မျိုးဖြစ်သွားပါပြီ။ တံဆိပ်ခေါင်းမကပ်ထားရင် ( ဒါမှမဟုတ် ) ကပ်ဖို့မေ့သွားရင် စာရောက်မှာ မဟုတ်ပါဘူး။