နယ်ရီယို ၊ NUMMI နဲ့ Lean Manufacturing

ဆောင်းပါးရှင် - ကိုညီညီ ( တောင်ကြီး )

          လုပ်ဖော်ကိုင်ဖက်တစ်ယောက်က သူဟာ အရင်အလုပ်မှာ အင်ဂျင်နီယားရင်းတက္ကနစ်ရှင် ရာထူးကနေ အလုပ်ပြောင်းလာတယ်လို့ ပြောတယ်။ အဲဒီအလုပ်က လူတွေကို ဆေးကုပေးတဲ့ Medical Devices ကုမ္ပဏီဖြစ်လို့ အစစအရာရာ မှတ်ရေးမှတ်တာတွေနဲ့ စည်ကမ်းစံနစ်ရှိရှိ လုပ်ပေမယ့် ကုမ္ပဏီက သေးသေးလေးပါ။ တစ်ရက်ကျတော့ သူဋ္ဌေး နဲ့ အုပ်ချုပ်သူထဲက သူတို့အနီးက တိုယိုတာစက်ရုံကို လှည့်လည်ကြည့်ရှုလေ့လာခွင့်-Tour တောင်းဆိုတဲ့အခါ ခွင့်ပြုချက်ရခဲ့တယ်။

          အမေရိကန်နိုင်ငံ ဆန်ဖရန်စစ္စကို ပင်လယ်အော်ဒေသမှာ မြန်မာတွေအနေများတဲ့ ဖရီမောင့်-Fremont မြို့ ဆိုရင် မသိသူရှားလှပါတယ်။ တခြားတစ်ဖက်မှာ နည်းပညာရပ်ဝန်း ဆီလီကွန်တောင်ကြား - Silicon Valley တည်ရှိရာ မြို့တော် ဆန်ဟိုဆေး-San Jose နဲ့ လည်း မနီးမဝေးပါ။

          တိုယိုတာစက်ရုံက အဲဒီ (၂) မြို့အလယ်က မယ့်လ်ပီးတပ်စ်-Milpitas မြို့အနီးက အဝေးပြေးလမ်းဘေးမှာ အရှည်ကြီး လဲလျောင်း တည်ဆောက်ထားတာပါ။ မြန်မာတွေအနေများတဲ့မြို့တွေဖြစ်လို့ မြန်မာစာဖတ်သူတွေရဲ့ မျက်စိ နဲ့ နားထဲမှာ ရင်းနှီးနေစေချင်တဲ့ စေတနာနဲ့ မြို့နာမည်တွေကို မြန်မာလို ရေးပြခြင်း ဖြစ်ပါတယ်။

တိုးနီ နဲ့ ပြန်တော်ပြန်မလှတဲ့ သားအဖ ( ပဉ္ဇာဒသပိုင်း ) ၁၅။

ဆောင်းပါးရှင် - ကိုညီညီ ( တောင်ကြီး )

.

.

ဟိုလှည့်လိုက် ဒီလှည့်လိုက် နဲ့ တကယ်ဖြတ်သန်းကြည့်တော့ ( ၃ ) လ အချိန်ဆိုတာ ဘာမှ အရာမထင်လိုက်ပါဘူး။ တတိယရုံးချိန်းမရောက်ခင် တစ်ပတ်အလိုမှာ အလှည့်ကျလို့ အခန်းပြောင်းရင်း မူလသူငယ်ချင်းတစ်ယောက်နဲ့ ပြန်ဆုံဖြစ်တယ်။ သူရဲ့ ရုံးချိန်းတစ်ကြိမ်သွားထားတဲ့ အတွေ့အကြုံအရ တရားသူကြီးက အမှုတင်ထားတဲ့ Story ထဲက အကြောင်းအရာတွေကို ပတ်ပတ်လည် လှည့်မေးတယ်လို့ သတင်းပေးပါတယ်။

.

ဒီလိုနဲ့ ရုံးချိန်းမရောက်ခင် တစ်ရက်အလိုမှာ ရှေ့နေဒေါ်ဖြူဖြူအောင် ရောက်လာပြီး “ ဒီတစ်ခေါက်တော့ စိတ်မပူပါနဲ့။ စကားပြန်အလုပ်ဆင်းအောင် သေချာမှာထားပါတယ် ” လို့ အားပေးပြီး ကျွန်တော်တို့နှစ်ယောက် အမှုအကြောင်း အနည်းငယ် ဆွေးနွှေးပါတယ်။ ဒီလိုမျိုးည အရေးကြီးတော့မှ ဘုရားဆိုတာ ရှိခိုးရကောင်းမှန်း သတိရမိတဲ့ ငမိုက်သားကို ခွင့်လွှတ်ပါအရှင်ဘုရား။ အစစ အရာရာ အဆင်ပြေအောင် စောင့်ရှောက်ပေးပါ အရှင်တော်မြတ်ဘုရား ..။

.

.

မနက်ရုံးချိန် တရားခွင်မှာ “ မစ္စတာ တိုးနီ .. ခင်များရဲ့ အမှုတွဲ အသွားအလာကို ကျွန်တေ်ာ ဖတ်ပြီးပြီ။ တစ်ချို့က ကောင်းမွန်ပြီး တစ်ချို့နေရာတွေမှာ မေးစရာ ရှိနေပါတယ်။ ခင်များရဲ့ မှတ်ပုံတင်မှာ နှိပ်ထားတဲ့ လက်ဗွေရာ နေရာမှာ အဖြူတွေ ဖြစ်နေတယ်။ ကျွန်တေ်ာတို့ Scan ကောင်းကောင်းဖတ်လို့မရဘူး။ ကျွန်တော်တို့ နှိပ်ခိုင်းတဲ့ Finger Print နဲ့ မကိုက်ညီဘူး ဖြစ်နေတယ်။ အဲဒါ ခင်များ လက်ဗွေရာ အစစ်လား ” ဆိုပြီး တရားသူကြီးက မဆိုင်းမတွ မေးပါတယ်။ ကျွန်တော့လက်ဗွေရာ အစစ်ဖြစ်ပါတယ် လို့ ကျွန်တော်က ပြန်ပြောတော့ သူက “ ခင်များတို့ကိုင်ဆောင်တဲ့ မှတ်ပုံတင်က ဓါတ်ပုံကိုခွာပြီး တစ်ခြားလူပုံ ကပ်လို့ရတဲ့ အနေအထားဖြစ်နေလို့ မူရင်းလူနဲ့ ကွဲလွဲမှုတွေရှိနေနိုင်တယ်လို့ ယူဆတယ် ”  လို့ စကားပြန်ကနေတစ်ဆင့် ပြန်ပြောတယ်။

ကြက်ဥပြုတ်အစ မီးဖိုချောင်က ( တိုးနီ စတုဒသပိုင်း ) ၁၄။

ဆောင်းပါးရှင် - ကိုညီညီ ( တောင်ကြီး )

.

.

အလုပ်မရှိ အကိုင်မရှိ ရောက်တတ်ရာရာလေပစ်နေတဲ့ ကျွန်တော့ကို ကိုရှောင်းက နားချပါတယ်။ ပြောရမယ်ဆိုရင် သူပြောတာလည်း အမှန်ပါပဲ။ အပြင်နဲ့ဆက်သွယ်ဖို့ ဖုန်းလိုတယ်။ ဖုန်းဆက်နိုင်ဖို့ ဖုန်းကဒ်လိုတယ်။ ဖုန်းကဒ်ဝယ်ဖို့ငွေက အလုပ်လုပ်မှ ထွက်လာမယ်။ ပိုက်ဆံကတော့ ရှာရမှာပဲ။ စားဖို့ ခေါက်ဆွဲထုတ်၊ ကွတ်ကီး၊ မုန့် လိုတာဝယ်ဖို့ လက်လှုပ်မှရမယ်။ သူတို့က ကျွေးတော့ ကျွေးတာပေါ့။ ကိုယ်စားနိုင်တာလည်းရှိတယ် မစားနိုင်တာလည်းရှိတယ်။ “ ငွေက စကားပြောတယ် ” ဆိုတဲ့စကားဟာ အဲဒီအချိန်ကျမှ သွေးထွက်အောင်မှန်တာ သိခဲ့ရတယ်။

.

.

Laundry က ပိုကောင်းတယ်။ သူက မီးဖိုချောင်အလုပ်ထက် သက်သာတယ်။ ရေကိုင်ရတာချင်းတော့တူတယ် ဒါပေမယ့် သူက မညစ်ပတ်ဘူး သန့်တယ်။ အလုပ်လုပ်တဲ့စက်တွေက အကြီးကြီးတွေ။ လူတွေက ကိုယ့်ကုတင်နံပတ်အတိုင်း အထုတ်ထုတ်ပြီး Laundry အိတ်ထဲထည့်ထားတာကို ကျွန်တော်တို့က စက်ကြီးထဲကို ဒီအတိုင်းလေး ပစ်ထည့်လိုက်ရုံပဲ။ တော်တော့ကို Easy Going ဖြစ်တယ်။ စက်ကလျှော်နေတုန်း ရတဲ့အချိန်လေးမှာ အိပ်ယာ နဲ့ မွှေ့ယာခင်း ခေါက်ရတယ်။ လျှော်ပြီးလို့ အထည်တွေ အခြောက်ခံစက်ဘက်ကို ရွှေ့ပြီးတဲ့အခါ ထပ်အားသွားပြန်ရော။ အဲဒီအချိန်ကျတော့ ခေါင်းအုံးစွပ်တွေ လိုက်လဲတယ်။

.

လမ်းထွက်ဖို့အကြောင်းရှာနေသူ တိုးနီ အတွက်ကတော့ အကွက်ပဲ။ တစ်ပတ်တစ်ခါ ခေါင်းအုံးစွပ်လဲပြီး ပြန်လိုက်ပို့တဲ့အခါ တစ်ခန်းဝင်တစ်ခန်းထွက်သွားရင်း ဗမာတွေနဲ့တွေ့ရတယ်။ အချင်းချင်းဆို ခေါင်းအုံးစွပ်သန့်သန့်လေးတွေ၊ အိပ်ယာခင်း မပေါက်မပြဲလေးတွေပေးပြီး ကူညီရတာ ပျော်စရာပါ။ အထည်တွေက သုံးရင်းသုံးရင်း နဲ့ တစ်ချို့ဟာတွေဆို ဟောင်းပြီး နွမ်းဖတ်နေလို့ ဘယ်သူမှမသုံးချင်တာမျိုးလည်း ရှိတယ်လေ။ အကျီင်္တွေပျောက်သွားတာတို့ ပြဲစုတ်သွားတာတို့ဆိုရင် ဖောင်ဖြည့်ပြီး ပြန်တောင်းဆိုလို့ ရတယ်။ ဝတ်တဲ့ဆိုဒ်နဲ့ ကုတင်နံပတ်အရ မှတ်ရေးမှတ်ရာတွေလုပ်ပြီးရင် တာဝန်ကျအခန်းစောင့် Officer နဲ့ ပူးပေါင်းဆောင်ရွက်ပြီး ပြန်ပို့ပေးလိုက်တယ်။

တရုတ်ကိုရှောင်း ပြောပြတာ ( တိုးနီ တေရသပိုင်း ) ၁၃။

ဆောင်းပါးရှင် - ကိုညီညီ ( တောင်ကြီး )

.

.

စိတ်ညစ်တယ်။ ကျွန်တော်ဒီနေ့တစ်ကယ် စိတ်ညစ်တယ်။ ဒီနေ့ဆိုတာ အခုဒီနေ့ကိုပြောတာမဟုတ်ဘူး။ အဲဒီတုန်းက ဒီနေ့ကိုပြောတာ။ Kitchen ကနေ အလုပ်ထွက်ပြီး ပေပေတေတေ နေလာတာလည်း ( ၁​) ပတ် ပြည့်နေပြီ။ ဘာမှလုပ်ချင်ကိုင်ချင်စိတ်ကို မရှိဘူး။ စဉ်းစားကြည့်လေ .. ရောက်ခါစ စခန်းမှာ ဘာမသိ ညာမသိက ( ၁ ) လ။ ရှေ့နေငှားပြီးလို့ တရားသူကြီး ဖြူသလား မဲသလား သွားကြည့်ဖို့ စောင့်ရတာ ( ၂ ) လ .. စုစုပေါင်း သောင်တင်နေတာ ( ၃ ) လ ရှိပြီ။ ရုံးချိန်းရှိတယ်ဆိုတော့ ငါတော့ ထွက်ရတော့မယ်ဆိုပြီး အားတင်း မာန်တင်း ခွန်အားအပြည့်နဲ့ ဒုတိယမြောက် ရုံးချိန်းသွားလိုက်ပါတယ် .. စကားပြန်မလာဘူးတဲ့ဗျာ .. ကြည့်ပါဦး .. ဘဝက ဆိုးချက်။

.

.

စကားပြန်က တရားသူကြီးဖက်မှာ ထိုင်ပြီး ကျွန်တေ်ာ နဲ့ တရားသူကြီးပြောတာကို ဘာသာပြန်ပေးတာ။ သူမရှိတော့ တရားသူကြီး နဲ့ ဆက်သွယ်လို့မရတော့ဘူးပေါ့။ ဒါပေမယ့် ပညာရှင်ပီပီ တရားသူကြီးက “ မစ္စတာ တိုးနီ .. ကျွန်တော်စိတ်မကောင်းပါဘူး။ ဒီနေ့မှ စကားပြန်မလာဘူး ဖြစ်နေတယ်။ ဒီအမှုတွဲကို ကျွန်တော်အင်မတန် စိတ်ဝင်စားတာလည်း ခင်များအသိပါပဲ။ ဒါကြောင့် အတတ်နိုင်ဆုံး အနီးကပ်ဆုံး ရက်ချိန်း ကျွန်တေ်ာကြည့်ပေးမယ်။ ခက်တာက ကျွန်တော့် အချိန်ဇယားကလည်း တော်တော်ကြပ်နေတယ်။ နောက် ( ၃ ) လ ထပ်တွေ့မယ် ” တဲ့။ ကဲ .. သွားပြန်ပြီ နောက်ထပ် ( ၃ ) လ။ ဒီအချိန်တွေမှာ ကျွန်တော် ဘာလုပ်နေရမှာလဲ? မှောက်အိပ်ပြီး စောင့်နေရမလား? ကင်းမြီးကောက်ထောင်ပြီး တိုင်နဲ့ခေါင်းနဲ့ရိုက်နေရမှာလား? တရားသူကြီးက ကျွန်တော့ထွက်ချက် မယူရသေးပဲနဲ့ ဘာမှကို ဆက်လုပ်လို့ မရဘူးလေ။

.

ကောင်းတဲ့သူငယ်ချင်းတွေဆိုတာ ခဏလေးဆုံပေမယ့်လည်း အားပေးတတ်ကြတယ်။ ကျွန်တော့ကို အားလုံးက ဝိုင်းနားချကြတယ်။ အခုမင်းကြုံရသလို ငါတို့လည်း ဒီအခက်အခဲကို ဖြတ်ကျော်ရဦးမှာပဲ .. သေချာတယ်။ ငါတို့အလှည့်ကျရင်သာ စကားပြန်လာပါစေလို့ ကြိုဆုတောင်းပါတယ် လို့ အားပေးကြတယ်။ ဖေးမကြတယ်။ စိတ်ဖြေပေးကြပါတယ်။

ဈေးရောင်းနေတဲ့ ကျောင်းကြီးတွေ

ဆောင်းပါးရှင် - ကိုညီညီ ( တောင်ကြီး )

.

.

စာသင်နှစ်ရဲ့ နောက်ဆုံးပိုင်း အောက်တိုဘာလလောက်မှာ အထက်တန်းကျောင်းက ပြင်ဆင်ပေးတဲ့ SAT - the Scholastic Assessment Test ကို ( ၁ဝ ) တန်း ကျောင်းသား “ စွမ်း ” ဖြေဖို့ ဒေါ်လာ ( ၉ဝ ) သွင်းရပါတယ်။ ဒီငွေဟာ သူအထက်တန်းရောက်ပြီး ဈေးအကြီးဆုံးပေးရတဲ့ ဝန်ဆောင်ခတစ်ခုပါ ။ ဆိုလိုတာက အခမဲ့ ( နီးပါး ) ပညာသင်စံနစ်ဖြစ်တာနဲ့အညီ ကုန်ကျစားရိတ်က အလွန်နည်းပါးပါတယ်။ အမေရိကန်အစိုးရရဲ့ ပညာရေးမူဝါဒအရ အရွယ်ရောက်ပြီဆိုတာနဲ့ ဘဝကိုရင်ဆိုင်ဖို့ အသင့်ဖြစ်အောင် ကလေးဘဝတစ်လျှောက်လုံး မကြောင့်မကြ ပညာသင်စေဖို့ ဆောင်ရွက်ပေးထားပုံက သူ့ပြည်သူတွေ စိတ်ချမ်းသာကြပါတယ်။ ကြိုက်လည်း ကြိုက်ကြပါတယ်။

.

ဒီစာမေးပွဲက အတန်းတင်ဖြေဖို့ကျရောက်တဲ့ ( ၆ ) လပိုင်း လောက်မှာ ဖြေရမှာပါ။ ဒါပေမယ့် ကျောင်းကနေ SAT အတွက် ( ၇ ) လလောက်စောပြီး ပြင်ဆင်ပေးတယ်။ ကျောင်းသားကို မေးခွန်း Package တွေနဲ့ အမှန်တကယ်ဖြေရသကဲ့သို့ လေ့ကျင့်စေတယ်။ အချိန်အသုံးချပုံကိုလည်း သင်ကြားပေးတယ်။ စာမေးပွဲခန်းထဲမှာ အချိန်စေ့သွားတဲ့အထိ ဖြေလို့မပြီးတဲ့ ကျောင်းသားကို နောင်တ ရစေတယ်။ သင်ခန်းစာတွေပေးတယ်။

.

စာမေးပွဲရလဒ်ကို ကွန်ပျူတာနဲ့စစ်ဆေးပြီး ဘယ်ဟာကအဖြေမှန်ဆိုတာသာမက ကျောင်းသားက ဘယ်မေးခွန်းကို မှားဖြေတယ်ဆိုတာပါ လေ့လာနိုင်အောင် မေးခွန်းကို အပြီးပေးလိုက်ပါတယ်။ ဒါတွေက PSAT စာမေးပွဲအတွက် အကြမ်းဖျင်းပြောပြတာ ဖြစ်ပါတယ်။ အခု မီးမောင်းထိုး ရေးပြချင်တာက အခြေခံပညာတန်းလွန် တက္ကသိုလ်တွေရဲ့ ပရိုမိုးရှင်းတွေနဲ့ သူတို့ရဲ့ ကျောင်းသားမိဘတွေကို ပို့တဲ့စာတွေရဲ့ အကြောင်းပါ။

ဖိုးဆို ရောက်သွားတဲ့ လူ ( ၁ဝ ) ယောက် ( တိုးနီ ဒွာဒသမပိုင်း ) ၁၂။

ဆောင်းပါးရှင် - ကိုညီညီ ( တောင်ကြီး )

.

.

Deportation ထိသွားတဲ့ တိုင်းရင်းသားလေးကို နှစ်သိမ့်ရင်း စကားတပြောပြောနဲ့ ကျွန်တော်တို့အိပ်ရာများရှိရာကို ပြန်လျှောက်လာခဲ့ကြပါတယ်။ မရှေးမနှောင်းမှာပဲ အသံတွေဆူညံစွာထွက်လာပြီး ဝုန်းဒိုင်းကြဲတဲ့ လှုပ်ရှားမှုသံကြီးကို ကြားလိုက်ရတယ်။ အားလုံး ကြောင်အမ်းအမ်းဖြစ်သွားပြီး အသံလာရာကို လှမ်းကြည့်လိုက်ကြတယ်။ ဘာဖြစ်တာလဲဆိုတာကို နောက်ထား ( ၂ဝဝ၇ ) ရွေဝါရောင်သံဃာ့အရေးတော်ပုံမှာ ကျင့်သားရခဲ့သူများပီပီ မိမိလုံခြုံရေးကို အရင်ဆုံးပြေးမြင်မိတယ်။

.

.

ရုတ်တရက်ကြီးထွက်ပေါ်လာတဲ့ ညာသံများနဲ့အတူ လူမျိုးခြား ( ၂ ) ဖွဲ့ ရန်ဖြစ်နေတာပါ။ တစ်ဖက်က မက္ကဆီကန် ( ၂ ) ယောက် နဲ့ နောက်တစ်ဖက်က တရုတ်လူမျိုး တစ်သိုက်ကြီး လူအုပ်ကြီးထဲမှာ ဆော်ပလော်တီးနေကြတာကို တွေ့လိုက်ရတယ်။ ပထမတော့ ဘာမှန်းကို မသိတာ .. နောက်ပိုင်း ပွဲဆူလာတော့ ညီညီညာညာ အသံကျယ်ကြီးတစ်ခု ကြားရတယ် .. “ ဖိုးဆို … ဖိုးဆို … ဖိုးဆို … ဖိုးဆို ” ဘာတွေဖြစ်ကုန်ပြီလဲ?

.

ကျွန်တော် မကြာခဏပြောခဲ့ပြီးပြီ .. အဖြစ်အပျက်တွေက မြန်ဆန်သလောက် ကျွန်တော့ဦးနှောက်သေးသေးလေးက ချက်ချင်းကြီး ဥာဏ်မမှီနိုင်ဘူး ဖြစ်နေပါတယ်။ ဒါဆို ဖြစ်ပျက်တာ အရင်ပြောပြမယ် .. ဇာတ်ကြောရှင်းပြတာတော့ နောက်ပိုင်းမှ သိသလောက်ပေါ့။