No Stopping in Middle of Street even though it is a Dead End

ေဆာင္းပါးရွင္ - ကုိညီညီ (ေတာင္ၾကီး)

.
အိမ္လြမ္းရတဲ႕အေၾကာင္းေတြကုိေျပာျပခ်င္တဲ႕စိတ္ကစသေႏၶတည္ျပီးစာေရးသူတစ္ေယာက္ျဖစ္လာခဲ႕တယ္။ ေနာက္ေတာ႕ သားသမီးေတြရဲ႕ပညာေရးအခ်ိဳးအေကြ႕ေတြနဲ႕ပြင္႕လန္းလာတဲ႕သူတုိ႕ရဲ႕အေတြ႕အၾကံဳေတြကို ပုရစ္ဖူးေလးညြန္႕လူးလို႕ ကညစ္ရူးကေလး ကြန္႕ျမဴးရင္း ဘေလာ႕ဂ္စာမ်က္ႏွာမွာ စာေရးသူတစ္ေယာက္အျဖစ္ မေမွ်ာ္လင္႕ပဲ ေမြးဖြားခဲ႕တယ္။
.
.
အေဝးေရာက္ေျမမွာ အင္တာနက္ကေန ဂ်ာနယ္အေဟာင္း Pdf. ေတြေဒါင္းေလာ႕ဆဲြ ရွာဖတ္ရင္း ျမန္မာလူငယ္ေတြအတြက္ ပညာေရး နဲ႕ အသိပညာဗဟုသုတက႑မွာ လယ္ျပင္မွာဆင္သြားသလို လိုအပ္ခ်က္ေတြကုိ ထင္ထင္ရွားရွားျမင္လာမိတယ္။ ကမၻာၾကီးမွာျဖစ္ေနတဲ႕ စိတ္သေဘာထားေတြ နဲ႕ နည္းပညာေတြဦးေဆာင္လို႕ နယ္ေျမက႑အသီးသီးမွာ ထူးခြ်န္တဲ႕ျပည္ပေရာက္ျမန္မာေတြဟာ သူတို႕သိသမွ် ျပန္မွ်ေဝဖို႕မအားၾကတဲ႕ ကြက္လပ္ကိုထပ္ျမင္လာမိတယ္။
.
ဒါေၾကာင္႕ စာေရးခဲ႕တယ္။ ဘယ္သူပဲျဖစ္ေနပါေစ . . ေမးသမွ် ကုိ သိသမွ်ေျဖခဲ႕တယ္။ ျပည္တြင္းကေန လက္ကိုင္ဖုန္း၊ အင္တာနက္ စတာေတြအသံုးျပဳလုိ႕ ဘယ္အရာကိုေလ႕လာႏုိင္မလဲ အျမဲေျပာေပးခဲ႕တယ္။ ကုိယ္ၾကံဳထားတဲ႕အခက္အခဲဟာ ေနာက္လူအတြက္ ျပသနာအသစ္မျဖစ္ေစေရးအတြက္ အျမဲလုိလိုေဆြးေႏြးေပးခဲ႕တယ္။ ဒါေတြဟာ ကိုညီညီ (ေတာင္ၾကီး) ကို ျမန္မာျပည္ကပိုင္ေနတဲ႕အခ်က္ေတြထဲက တစ္ခ်က္ပါပဲ။

.
.
ေလ႕လာရင္း ေလ႕လာရင္းနဲ႕ ျမန္မာလူငယ္ထုဟာ စာေတြသိပ္မဖတ္တာကုိသတိထားမိလာတယ္။ အထူးသျဖင္႕ ဖတ္ဖို႕စာက ဆြဲေဆာင္မႈရွိမွ၊ စာကလည္း တုိမွ၊ အျပဳသေဘာေဆာင္တာထက္ အပ်က္သေဘာေဆာင္မွ၊ သတင္းထက္စာရင္ အတင္းေတြကိုဦးစားေပးရင္း ဗီဒီယုိအတိုေလးေတြကို အားေဆးလိုမွီဝဲလာၾကတာ ေတြ႕လာရတယ္။
.
သို႕ေပမယ္႕ ကုိညီညီ (ေတာင္ၾကီး) ရဲ႕ အသိပညာရွာေဖြမႈခရီးဟာ ရပ္တန္႕မသြားဘူး။ နည္းပညာကိုခံုမင္တဲ႕စိတ္ဟာ ေႏွာင္႕ေႏွးမသြားဘူး။ ျမန္မာစာ ျမန္မာစကားသတ္ပံုမွန္ဖို႕ကိစၥေတြမွာ အားေလ်ာ႕မသြားဘူး။ ဒီလိုနဲ႕ Facebook က LIVE ဖန္ရွင္တင္လာတဲ႕အခါ စမ္းသပ္ရင္း ေရစီးေၾကာင္းတစ္ခုကုိေတြ႕လာတယ္။ ဒါကေတာ႕ နယ္ပယ္အသီးသီးက အသိပညာရွင္၊ အတတ္ပညာရွင္၊ ေစတနာရွင္ေတြအျပင္ လူငယ္ထုကိုတစ္ခုခုေျပာျပႏုိင္မယ္႕ အက်ိဳးအေၾကာင္းအစုစုကုိ ေပါင္းစုလို႕အင္တာဗ်ဴးေတြလုပ္ရင္း တစ္မ်ိဳးတစ္မည္ တင္ျပလာမိတယ္။
.
.
ကုိညီညီ (ေတာင္ၾကီး) ရဲ႕ စာ (ဒီစာစု) ကို ဒီအထိဖတ္လာေပးသူဟာ ကြ်န္ေတာ္နဲ႕လက္တြဲမိခဲ႕တာ ေသခ်ာတယ္လို႕ ေျပာႏုိင္ပါျပီ။ စာတစ္အုပ္မထြက္ေသးလို႕ ကြ်န္ေတာ္ဟာ စာေရးဆရာတစ္ေယာက္အတန္းမဝင္ေသးပါ။ လူသိမမ်ားလို႕ ဆယ္လီစာရင္းမဝင္ခဲ႕ပါ (ဆယ္လီမျဖစ္လိုပါ)။ အင္တာဗ်ဴးေတြကုိ ထူးျခားေအာင္မလုပ္ႏုိင္ေသးလို႕ နာမယ္ရတဲ႕ Host တစ္ေယာက္မျဖစ္ေသးပါ (ဒါက အေရးမၾကီးပါ)
.
အေရးၾကီးတာက ေရခြက္နဲ႕ခပ္ခပ္၊ ေရပံုးနဲ႕ခပ္ခပ္၊ မီးသတ္ပုိက္နဲ႕ပဲသြယ္သြယ္ ေသာက္သံုးသူအတြက္ ၾကည္လင္ေအးျမတဲ႕ေရၾကည္ေရသန္႕ေစတနာ နဲ႕ အေရာင္အဆင္းကင္းတဲ႕သတင္းအခ်က္အလက္ေတြအျပင္ အပုပ္နံ႕နဲ႕အရသာကင္းျပီး ဘက္လိုက္မႈမရွိတဲ႕ ဝန္ေဆာင္မႈေပးေနရရင္ လုပ္ရက်ိဳးနပ္ျပီလို႕ ထင္ျမင္မိပါတယ္။
.
.
ဒါဟာ ဘယ္သူမွမခုိင္းပဲလုပ္ေနတာပါ။ ဒါေတြဟာ ကိုယ္ပိုင္အခ်ိန္ထဲက အျမဲဖဲ႕လုပ္ျဖစ္ေနတာပါ။ ဒီအလုပ္ေတြလုပ္ရလို႕ေပ်ာ္ေနမိတဲ႕စိတ္ကုိ ဘယ္လုိအရာကမွ ပိတ္ကာတားဆီးထားလို႕မရပါ။ တစ္ခါတစ္ေလေတာ႕ စာဆုိရင္ျပီးေအာင္မဖတ္တဲ႕ ေစတနာဟာအေပါစားဆန္တယ္လို႕ထင္ေနသူေတြေၾကာင္႕ ေခ်ာင္းဆိုး ႏွာေစးျဖစ္တာမ်ိဳး ရွိပါတယ္။ ဒါေၾကာင္႕ ေရွ႕ေလွ်ာက္ေတာ႕ ခႏၶာက်န္းမာေရး၊ စိတ္သ႑န္က်န္းမာေရးအျပင္ အခ်ိန္က်န္းမာေရးကုိပါ ဂရုစိုက္ရပါဦးမယ္။
.
မွာၾကားခ်င္တာကေတာ႕ မိမိလုပ္ေနတဲ႕အလုပ္၊ မိမိသြားေနတဲ႕လမ္းဟာ လမ္းဆံုး - Dead End ဟုတ္မဟုတ္ ဆုိတာနဲ႕ ဟိုမေရာက္ ဒီမေရာက္ လမ္းအလယ္မွာ ရပ္မေနဖို႕ - No Stopping in Middle of Street ဆိုတာကို သိရွိေနဖို႕လိုပါတယ္။ အဲဒါေတြအျပင္ မိမိကုိျပေနတဲ႕ဆုိင္းဘုဒ္ေတြကိုဖတ္တတ္ျပီး မိမိေမာင္းႏွင္တဲ႕ယာဥ္ရထားကုိ ျပန္လွည္႕ထြက္လာႏုိင္ရင္း ကနဦးပန္းတုိင္ကိုမေရာက္အေရာက္ရွာေဖြမိေစဖို႕ ပိုမို၍အေရးၾကီးပါေၾကာင္း မီးေမာင္းထုိးျပလိုက္ပါရေစ။
.
ခင္လ်က္
.
ကိုညီညီ (ေတာင္ၾကီး)
10-03-2018
.
.
Unicode Version:
.
.
. "No Stopping in Middle of Street even though it is a Dead End"
.
အိမ်လွမ်းရတဲ့အကြောင်းတွေကိုပြောပြချင်တဲ့စိတ်ကစသန္ဓေတည်ပြီးစာရေးသူတစ်ယောက်ဖြစ်လာခဲ့တယ်။ နောက်တော့ သားသမီးတွေရဲ့ပညာရေးအချိုးအကွေ့တွေနဲ့ပွင့်လန်းလာတဲ့သူတို့ရဲ့အတွေ့အကြုံတွေကို ပုရစ်ဖူးလေးညွန့်လူးလို့ ကညစ်ရူးကလေး ကွန့်မြူးရင်း ဘလော့ဂ်စာမျက်နှာမှာ စာရေးသူတစ်ယောက်အဖြစ် မမျှော်လင့်ပဲ မွေးဖွားခဲ့တယ်။
.
.
အဝေးရောက်မြေမှာ အင်တာနက်ကနေ ဂျာနယ်အဟောင်း Pdf. တွေဒေါင်းလော့ဆွဲ ရှာဖတ်ရင်း မြန်မာလူငယ်တွေအတွက် ပညာရေး နဲ့ အသိပညာဗဟုသုတကဏ္ဍမှာ လယ်ပြင်မှာဆင်သွားသလို လိုအပ်ချက်တွေကို ထင်ထင်ရှားရှားမြင်လာမိတယ်။ ကမ္ဘာကြီးမှာဖြစ်နေတဲ့ စိတ်သဘောထားတွေ နဲ့ နည်းပညာတွေဦးဆောင်လို့ နယ်မြေကဏ္ဍအသီးသီးမှာ ထူးချွန်တဲ့ပြည်ပရောက်မြန်မာတွေဟာ သူတို့သိသမျှ ပြန်မျှဝေဖို့မအားကြတဲ့ ကွက်လပ်ကိုထပ်မြင်လာမိတယ်။
.
ဒါကြောင့် စာရေးခဲ့တယ်။ ဘယ်သူပဲဖြစ်နေပါစေ . . မေးသမျှ ကို သိသမျှဖြေခဲ့တယ်။ ပြည်တွင်းကနေ လက်ကိုင်ဖုန်း၊ အင်တာနက် စတာတွေအသုံးပြုလို့ ဘယ်အရာကိုလေ့လာနိုင်မလဲ အမြဲပြောပေးခဲ့တယ်။ ကိုယ်ကြုံထားတဲ့အခက်အခဲဟာ နောက်လူအတွက် ပြသနာအသစ်မဖြစ်စေရေးအတွက် အမြဲလိုလိုဆွေးနွေးပေးခဲ့တယ်။ ဒါတွေဟာ ကိုညီညီ (တောင်ကြီး) ကို မြန်မာပြည်ကပိုင်နေတဲ့အချက်တွေထဲက တစ်ချက်ပါပဲ။
.
.
လေ့လာရင်း လေ့လာရင်းနဲ့ မြန်မာလူငယ်ထုဟာ စာတွေသိပ်မဖတ်တာကိုသတိထားမိလာတယ်။ အထူးသဖြင့် ဖတ်ဖို့စာက ဆွဲဆောင်မှုရှိမှ၊ စာကလည်း တိုမှ၊ အပြုသဘောဆောင်တာထက် အပျက်သဘောဆောင်မှ၊ သတင်းထက်စာရင် အတင်းတွေကိုဦးစားပေးရင်း ဗီဒီယိုအတိုလေးတွေကို အားဆေးလိုမှီဝဲလာကြတာ တွေ့လာရတယ်။
.
သို့ပေမယ့် ကိုညီညီ (တောင်ကြီး) ရဲ့ အသိပညာရှာဖွေမှုခရီးဟာ ရပ်တန့်မသွားဘူး။ နည်းပညာကိုခုံမင်တဲ့စိတ်ဟာ နှောင့်နှေးမသွားဘူး။ မြန်မာစာ မြန်မာစကားသတ်ပုံမှန်ဖို့ကိစ္စတွေမှာ အားလျော့မသွားဘူး။ ဒီလိုနဲ့ Facebook က LIVE ဖန်ရှင်တင်လာတဲ့အခါ စမ်းသပ်ရင်း ရေစီးကြောင်းတစ်ခုကိုတွေ့လာတယ်။ ဒါကတော့ နယ်ပယ်အသီးသီးက အသိပညာရှင်၊ အတတ်ပညာရှင်၊ စေတနာရှင်တွေအပြင် လူငယ်ထုကိုတစ်ခုခုပြောပြနိုင်မယ့် အကျိုးအကြောင်းအစုစုကို ပေါင်းစုလို့အင်တာဗျူးတွေလုပ်ရင်း တစ်မျိုးတစ်မည် တင်ပြလာမိတယ်။
.
.
ကိုညီညီ (တောင်ကြီး) ရဲ့ စာ (ဒီစာစု) ကို ဒီအထိဖတ်လာပေးသူဟာ ကျွန်တော်နဲ့လက်တွဲမိခဲ့တာ သေချာတယ်လို့ ပြောနိုင်ပါပြီ။ စာတစ်အုပ်မထွက်သေးလို့ ကျွန်တော်ဟာ စာရေးဆရာတစ်ယောက်အတန်းမဝင်သေးပါ။ လူသိမများလို့ ဆယ်လီစာရင်းမဝင်ခဲ့ပါ (ဆယ်လီမဖြစ်လိုပါ)။ အင်တာဗျူးတွေကို ထူးခြားအောင်မလုပ်နိုင်သေးလို့ နာမယ်ရတဲ့ Host တစ်ယောက်မဖြစ်သေးပါ (ဒါက အရေးမကြီးပါ)
.
အရေးကြီးတာက ရေခွက်နဲ့ခပ်ခပ်၊ ရေပုံးနဲ့ခပ်ခပ်၊ မီးသတ်ပိုက်နဲ့ပဲသွယ်သွယ် သောက်သုံးသူအတွက် ကြည်လင်အေးမြတဲ့ရေကြည်ရေသန့်စေတနာ နဲ့ အရောင်အဆင်းကင်းတဲ့သတင်းအချက်အလက်တွေအပြင် အပုပ်နံ့နဲ့အရသာကင်းပြီး ဘက်လိုက်မှုမရှိတဲ့ ဝန်ဆောင်မှုပေးနေရရင် လုပ်ရကျိုးနပ်ပြီလို့ ထင်မြင်မိပါတယ်။
.
.
ဒါဟာ ဘယ်သူမှမခိုင်းပဲလုပ်နေတာပါ။ ဒါတွေဟာ ကိုယ်ပိုင်အချိန်ထဲက အမြဲဖဲ့လုပ်ဖြစ်နေတာပါ။ ဒီအလုပ်တွေလုပ်ရလို့ပျော်နေမိတဲ့စိတ်ကို ဘယ်လိုအရာကမှ ပိတ်ကာတားဆီးထားလို့မရပါ။ တစ်ခါတစ်လေတော့ စာဆိုရင်ပြီးအောင်မဖတ်တဲ့ စေတနာဟာအပေါစားဆန်တယ်လို့ထင်နေသူတွေကြောင့် ချောင်းဆိုး နှာစေးဖြစ်တာမျိုး ရှိပါတယ်။ ဒါကြောင့် ရှေ့လျှောက်တော့ ခန္ဓာကျန်းမာရေး၊ စိတ်သဏ္ဍန်ကျန်းမာရေးအပြင် အချိန်ကျန်းမာရေးကိုပါ ဂရုစိုက်ရပါဦးမယ်။
.
မှာကြားချင်တာကတော့ မိမိလုပ်နေတဲ့အလုပ်၊ မိမိသွားနေတဲ့လမ်းဟာ လမ်းဆုံး - Dead End ဟုတ်မဟုတ် ဆိုတာနဲ့ ဟိုမရောက် ဒီမရောက် လမ်းအလယ်မှာ ရပ်မနေဖို့ - No Stopping in Middle of Street ဆိုတာကို သိရှိနေဖို့လိုပါတယ်။ အဲဒါတွေအပြင် မိမိကိုပြနေတဲ့ဆိုင်းဘုဒ်တွေကိုဖတ်တတ်ပြီး မိမိမောင်းနှင်တဲ့ယာဉ်ရထားကို ပြန်လှည့်ထွက်လာနိုင်ရင်း ကနဦးပန်းတိုင်ကိုမရောက်အရောက်ရှာဖွေမိစေဖို့ ပိုမို၍အရေးကြီးပါကြောင်း မီးမောင်းထိုးပြလိုက်ပါရစေ။
.
ခင်လျက်
.
ကိုညီညီ (တောင်ကြီး)
10-03-2018