ကျွန်တော့ရင်ပတ်မှာ ပလာစတာတွေနဲ့ ..

ဆောင်းပါးရှင် - ကိုညီညီ ( တောင်ကြီး )

.

.

ဆေးရုံထဲကို ကားကွေ့ဝင်လိုက်တော့ ဖုန်းဆက်လာတုန်းကမှာထားတဲ့အတိုင်း ရပ်ရမယ့် ပါကင် ( D ) နဲ့ ( G ) ကို အရင်ရှာမိတယ်။ ရက်ချိန်းပေးတဲ့ Appointment Center က သူကခွဲစိပ်ရက်သာပေးနိုင်တာ ဆေးရုံကို ဘယ်အချိန်အရောက်လာပြီး ဘာတွေပြင်ဆင်ရမယ်ဆိုတာ ဆေးရုံက ဖုန်းထပ်ဆက်လိမ့်မယ်လို့ ပြောထားတဲ့အတိုင်း ( ၃ ) ရက်အလိုမှာ ဆက်လာတယ်။ မတိုင်ခင်အရှေ့ည ( ၁၂ ) နာရီကျော်တာနဲ့ အစာမစားရတော့ဘူး။ ( ၁၂ ) နာရီကနေ ( ၅:၃၅ ) အထိ ရေကို နည်းနည်းပဲ Sip လုပ်ပြီး ငုံသောက်သောက်ရမယ်။ ( ၅:၃၅ ) ကနေ ( ၇:၃၅ ) အထိ ရေလုံးဝမသောက်ရတော့ဘူး။ ခွဲစိပ်မှာက ( ၉:၃၅ ) ကို ( ၂ ) နာရီကြိုချိန်းပြီး ( ၇:၃၅ ) အရောက်သွားရမယ်။ စာရွက်စာတမ်းပြင်ဆင်ဖို့၊ လူနာစာရင်းသွင်းဖို့ နဲ့ ခံဝန်ဖောင်ဖြည့်ဖို့အတွက် ကြိုခေါ်တယ်လို့ ပြောပြတယ်။

.

အရေးထဲ အခန်း ( ၂ဝ၂ ) ဆိုတာကို ရှာလို့မတွေ့တော့ ဝန်ထမ်းတစ်ယောက်ကို သွားမေးရသေးတယ်။ ဧည့်ကြိုခုံက စာရေးမက လိုအပ်တဲ့အချက်အလက်တွေမေးပြီး ကွန်ပျူတာမှာ တစ်ထောက်ထောက်ရိုက်ရင်း ကျွန်တော့လို မြန်မာပြည်ဝေးတစ်ယောက် သိပ်ကြားလေ့ကြားထမရှိတဲ့မေးခွန်းတွေကို မေးပါတယ်။ ကိုးကွယ်တဲ့ဘာသာရှိပါသလား ( ရှိပါတယ်-ဗုဒ္ဒဘာသာပါ ) လို့ မေးတာကိုက တစ်မျိုးကြီးလို ဖြစ်နေတယ်။ “  ဒီနိုင်ငံမှာ ဘာသာမဲ့တွေက များတာကိုး ” ဆိုတဲ့အတွေးက ချက်ချင်းကြီး ခေါင်းထဲဝင်လာပါတယ်။ နောက်တစ်ခွန်း .. သေတမ်းစာရေးထားတာရှိပါသလား ( မရှိပါ ) ကတော့ တစ်ခါမှကိုမတွေးမိတာပါ။ နောက်အကြောင်းတစ်ခုက ဗုဒ္ဓဘာသာကိုးကွယ်သူတွေက ကံ၊ ကံ၏အကျိုးကို ယုံကြည်သူတွေဆိုတော့ သေတမ်းစာကို ပြင်ဆင်လေ့မရှိသလို ဥပဒေအရလည်း သက်သေခံ မဖြစ်ပါဘူး။

.

.

အရေးပေါ်ဆက်သွယ်ရမယ့်ဖုန်းနံပါတ်တောင်းတော့ ရီလေးဖုန်းနံပါတ်ပေးပြီး နောက်တစ်ယောက်အတွက် စွမ်းကိုထည့်မယ်လုပ်တဲ့အခါ အသက် ( ၁၄ ) နှစ် ဆိုရင် ထည့်လို့မရဘူး ဆိုပဲ။ အဲဒါနဲ့ ဒီနိုင်ငံက ကျေးဇူးရှိတဲ့အစ်မဖုန်းနံပါတ် ပေးလိုက်တယ်။ ပြီးတော့ ကျွန်တော့မိသားစုဝင်တွေက မခွဲစိပ်ခင် နဲ့ ခွဲစိပ်လို့ နလံထူနားနေပြီးချိန် ( ၂ ) ကြိမ်စလုံးမှာ မိနစ် ( ၃ဝ ) စီ တွေ့ခွင့်ရမယ်ဆိုတာ ပြောပြတယ်။ လူနာနံပါတ် - Case Number ကို စာရွက်တစ်ရွက်မှာ ရေးပေးထားပြီး အနီးအနားက TV တွေပေါ်မှာ လူနာရဲ့ခွဲစိပ်ခန်းအဝင်အထွက်အခြေအနေ - Status ကို သိနိုင်မယ်လို့ ရှင်းပြတယ်။

.

နောက်တော့ စာရေးမက အမေရိကန်နိုင်ငံစီးပွားရေးရဲ့ အရေးအကြီးဆုံးအလုပ်ကို လုပ်ပါတယ်။ အဲဒါကတော့ ဒီခွဲစိတ်ဋ္ဌာနအတွက် တစ်ခါပြတိုင်း - Pay Per Visit ပေးရတဲ့ အိပ်စိုက်ငွေ - Co-Pay ( ၃၅ ) ဒေါ်လာကို တောင်းတာပါပဲ။ လူနာချင်း မမှားရအောင်လား၊ လူစားထိုးပြီး မှားခွဲစိပ်မိမှာစိုးလို့လား မပြောတတ်ဘူး .. နာမည်၊ မွေးနေ့သက္ကရာဇ် နဲ့ အာမခံကုမ္ပဏီနံပါတ်တို့ရေးထားတဲ့ ပလပ်စတစ်လက်ပတ်ပြားကို လက်ကောက်ဝတ်မှာ ကော်နဲ့ကပ်ပြီး တပ်ပေးလိုက်တယ်။ ကောင်တာကထွက်ပြီး မိသားစုနားမှာ ခဏထိုင်မယ်လုပ်တုန်း အထဲဝင်သွားဖို့ သူနာပြုတစ်ယောက်က လာစောင့်နေတယ်။ ကျွန်တော်လိုက်သွားပြီ..။

.

.

လိုက်ကာရှည်တွေတန်းစီကာထားတဲ့အခန်း ( ၄ ) ခန်းလောက်ကိုဖြတ်သွားတော့ ကျွန်တော်နားရမယ့် အခန်းကိုရောက်ပါတယ်။ အနိမ့်အမြင့်ချိန်လို့ရသလို လူနာလူးလှိမ့်တဲ့အခါ ဘေးစောင်းကျမသွားအောင် အတင်အချလုပ်လို့ရတဲ့ အကာလက်တန်း ( ၂ ) ခု ဟာ ကုတင်ရဲ့တစ်ဖက်တစ်ချက်စီမှာပါတယ်။ ခေါင်းရင်းဘက်မှာကျတော့ နှလုံးခုန်တိုင်း၊ သွေးပေါင်ချိန်တိုင်း နဲ့ အဖျားတိုင်းဖို့တွေ အတွက် ကွန်ပျူတာမော်နီတာတစ်လုံးကို ဒေါက်တံနဲ့နံရံကနေ ဆန့်ထုတ်ထားတယ်။ ကြည့်လိုက်တော့ အမြဲတွေ့နေရတဲ့ တံဆိပ်မျိုးမဟုတ်ပဲ Philips တံဆိပ်ဖြစ်နေတာ တွေ့ရတယ်။ အော် .. ဖီးလစ်တံဆိပ်က ဆေးရုံပစ္စည်းထုတ်တဲ့ဘက်မှာ အောင်မြင်နေတာကိုး..။

.

ကုတင်ပေါ်ကို သူနာပြုက ပစ်ချလိုက်တဲ့အထုတ်တွေကိုကြည့်လိုက်တော့ ချွတ်ထားတဲ့ရှူးဖိနပ်ထည့်ဖို့ အိပ်အကြည် ( ၁ ) လုံး၊ ဝတ်လာတဲ့အနွေးထည်နဲ့ ဘောင်းဘီတွေထည့်သိမ်းဖို့ အိတ်အနောက်တစ်လုံး၊ ခွဲစိပ်စဉ်အမြဲဝတ်ထားဖို့ Bairpaws တံဆိပ် ခြေစွပ်တစ်စုံ နဲ့ အထူးစက္ကူတစ်မျိုးနဲ့ပြုလုပ်ထားတဲ့ခွဲစိပ်ခံအကျီင်္ - Gown တစ်ထည်တို့ ပါဝင်တာ တွေ့ရတယ်။ မိမွေးတိုင်းဖမွေးတိုင်းအနေအထားနဲ့ ( အတွင်းခံဘောင်းဘီကိုပါချွတ်ဖို့မှာသေးတယ် ) Gown ကို ဝတ်ရပါတယ်။ Gown က အရှေ့ပိုင်းအလှ နဲ့ နောက်ဖက်ပွင့်ဖြစ်ပြီး အနောက်ကနေ ခေါက်တွန့်ကြိုးချည်ဝတ်ဆင်ရတာပါ။

.

ကျွန်တော်က အရမ်းချမ်းတတ်တယ်၊ ဒီလောက်စက္ကူအကျီင်္လေးနဲ့ မဖြစ်ဘူး၊ ကျွန်တော်ယူလာတဲ့အနွေးထည်ဝတ်ဖို့တောင်းတော့ သူနာပြုက မလိုဘူးဆိုပြီး Gown  ရဲ့ ဘယ်ဘက်ထိပ်နားက လေပေါက်အဆို့ရှင်မှာ အပူပေးပိုက် လာတပ်ဆင်ပေးတယ်။ ခလုပ်ဖွင့်လိုက်တယ်ဆိုရင်ပဲ လေပူတွေ ကားတာယာကျွတ်ထဲ လေထိုးသွင်းလိုက်သလို အကျီင်္တစ်ထည်လုံး အနွေးငွေ့တွေဝင်လာတော့မှ နေသာထိုင်သာရှိသွားပါတော့တယ်။ ဒီလောက်တောင်အအေးကြောက်တတ်တဲ့ တောင်ကြီးသားပါဗျာ..။

.

ခဏနေကျတော့ မခွဲစိပ်ခင်ကြိုတင်ပြင်ဆင်ဖို့ Pre-Op ( Preoperative Patient ) အတွက် သူနာပြု မီရှဲ ရောက်လာတယ်။ ဘီးပါတဲ့ကွန်ပျူတာတင်စင်လေးနဲ့ ဘီးတပ်ခွေးခြေခုံမှာ အကျအနထိုင်ပြီး လူနာသမိုင်းကြောင်းနဲ့ ဆေးကုအချက်အလက်တွေကို မေးပါတယ်။ “ မင်းခန္ဓာကိုယ်ထဲမှာ သတ္တုပစ္စည်း ရှိသလား ” လို့မေးတော့ ချက်ချင်းကြီး နားမလည်ပဲ ကြောင်သွားတယ်။ ကျွန်တော်ကိုက ညံ့တာပါ။ ကိုယ်တိုင်က ကျန်းမာရေးအထောက်အပံ့ပစ္စည်း - Medical Device ကုမ္ပဏီမှာလုပ်နေတာတောင် ဒီမေးခွန်းကို နားမလည်ဘူး ဖြစ်သွားတယ်လေ။ ဒါက မေးကို မေးရမှာဖြစ်ပါတယ်။ သူတို့ရဲ့ ခွဲစိပ်ခန်းမှာ ခေတ်မီရောင်ခြည်တွေသုံးတဲ့ ကိရိယာမျိုးစုံနဲ့ ခန္ဓာကိုယ်ထဲမှာရှိနေမှန်းမသိတဲ့ အစားထိုးသတ္တုတစ်မျိုးမျိုးရှိနေလို့ အကျိုးသက်ရောက်မှုမှားသွားရင် ဒုက္ခများသွားမှာပေါ့ … ဟုတ်ပေသားပဲ။

.

.

ထုံးစံအတိုင်း သူမေးသမျှကို ကျွန်တော်က အကုန်သိရှိပါတယ်၊ ခွဲစိပ်မှုရဲ့အလွန်မှာ မမျှော်လင့်တဲ့ အန္တရာယ်ကျရောက်နိုင်မှု - Risk တွေရှိတာကို သိပါတယ်ဆိုတဲ့ ဝန်ခံချက် - Consent ထိုးရပြန်ပါတယ်။ မြန်မာနိုင်ငံမှာဆို လူနာရှင်က မထိုးရဘူး၊ မိသားစုဝင်တစ်ယောက်ယောက်က ထိုးပေးရတာ မဟုတ်လား? အစကနေ ခွဲစိတ်ပြီးတဲ့အထိ မချွတ်ရတဲ့ သွေးပြန်ကြောအားဆေး - ဒရစ် ( ၁ ) ထုတ် ချိတ်ပေးတယ်။ လက်မှာဝတ်ထားတဲ့ လက်ထပ်မင်္ဂလာလက်စွပ်ကို အိမ်မှာ ဆပ်ပြာနဲ့ချွတ်ကြည့်သေးတယ် .. မရဘူး။ မီရှဲ က လိုးရှင်း ပွတ်ပြီးချွတ်ဖို့ပြောတယ်။ ကျွန်တော်က ကြိုးစားပြီးပြီ ရမှာမဟုတ်ဘူးလို့ဆိုတော့ ကိစ္စမရှိဘူး .. တိတ် - Tape နဲ့ ကပ်လိုက်မယ်လို့ ဆိုတယ်။

.

ဘယ်ဘက်လက်ဖမိုးမှာ သွေးဖောက်တော့ ဒီသွေးပြန်ကြောကို အပ် ( ၂ ) ကြိမ်ဖောက်မယ် .. လက်ခံသလားလို့ မေးတယ်။ ကျွန်တော်က ရပါတယ်လို့ ပြောလိုက်တော့ အပ်အသေးလေးနဲ့ အရေပြားကိုဖောက်တယ်။ ဝါဂွမ်းလေးနဲ့ထိန်းထားပြီး သွေးစုပ်ဖို့ အပ် ( ခပ်ကြီးကြီး ) ကို အဲဒီအပေါက်ကနေ ထိုးသွင်းပါတယ်။ လက်ချောင်းအရွယ်လောက် သွေး ( ၂ ) ပုလင်း ထုတ်ပြီးတဲ့အချိန်မှာ ဓါတ်ခွဲခန်းကို ပို့လိုက်တယ်။ ဓါတ်ခွဲခန်းပို့ရတာက လူနာရဲ့သွေးဟာ သွေးခဲမှုနှုန်း - Clot ဖြစ်လွယ်မှု ဘယ်လောက်ရှိတယ်ဆိုတာသိမှ ဆရာဝန်က အလုပ်လုပ်လို့ရမှာမို့ပါ ” လို့ ရှင်းပြတယ်။ ဘာလို့ အပ်ငယ်နဲ့အရင်ဖောက်တာလဲလို့ မေးတဲ့အခါ အပ်ကြီးနဲ့တစ်ခါထဲဖောက်ရင် နာမှာပေါ့။ ဒါကြောင့် မနာအောင် အပ်အသေးလေးနဲ့ အရေပြားကိုအရင်ဖောက်လိုက်မှ အပ်ထိပ်ဖျားအပေါက်ကြီးဝင်တဲ့အခါ မနာမှာပေါ့ .. တဲ့လေ။

.

.

မီရှဲ က တစ်ဆက်တည်း “ Your blood is thin. It’s good for your heart ”  လို့ ပြောတယ်။ ကျွန်တော်က နားမလည်လို့ ပြန်မေးတဲ့အခါ “ တစ်ချို့လူနာတွေက သွေးပြစ်တယ် .. ထုတ်လို့မရဘူး။ ဒါမျိုးဆို သွေးကြဲဆေး - Blood Thinner ထိုးရတယ်။ ဒါကြောင့် တစ်ချို့အသက်ကြီးကြီးလူနာတွေ အက်စပရင် စွဲသောက်နေရတာ သွေးပြစ်လို့ပါတဲ့..။ အဲဒီနောက်မှာမှ ကျွန်တော့်အဝတ်အစားအထုပ်တွေကို သော့ပိတ် - Locker ထဲမှာ သွားထားဖို့ ယူသွားကြတယ်။ သိပ်မကြာလိုက်ဘူး .. မိသားစုဝင်တွေ တွေ့ခွင့်ရလို့ ရီလေး နဲ့ စွမ်း တို့ ရောက်လာကြပါတယ်။ အခြေအနေတွေပြောကြဆိုကြရင်း ခွဲစိပ်ခန်းမဝင်ခင် မိသားစုနဲ့တွေ့ရတဲ့ခဏဟာ ဘယ်လိုထူးကဲတဲ့အရသာတုံးကြီးမှန်းကိုမသိလောက်အောင် ချိုမြိန်ရပါတယ်။

.

အမျိုးသားခွဲစိပ်ပါရဂူ ရောက်လာပြီး နှုတ်ဆက်တယ် ( ၁ ) ကြိမ်။ လက်ထောက်ဆရာဝန် နဲ့ အလုပ်သင်ဆရာဝန် မိန်းကလေး ( ၂ ) ယောက်က နောက် ( ၁ ) ကြိမ် နဲ့ နောက်ဆုံးမှာ ကိုယ်ဝန်လွယ်ထားတဲ့ မေ့ဆေးဆရာဝန်မ က လာနှုတ်ဆက်တယ် .. အားလုံး ( ၃ ) ဖွဲ့..။ သူတို့ကိုယ်တိုင် ဘယ်သူဘယ်ဝါဆိုတာ နှုတ်ဆက်ပြီး ခွဲစိပ်ဆရာဝန်က သည်းခြေအိတ်မှာ အသားလုံး - Polyp ရှိနေလို့ သည်းခြေအိတ်က ကြီးလာတဲ့အကြောင်း၊ ခွဲစိပ်ဖို့ ( ၁ ) နာရီခန့်ကြာမှာဖြစ်တဲ့အကြောင်း၊ စိုးရိမ်ဖို့မရှိတဲ့အကြောင်း၊ ခွဲစိပ်ခန်းထဲကထွက်လာပြီးရင် သတိပြန်ရဖို့စောင့်တဲ့ Recovery နားနေခန်းမှာ မိနစ် ( ၃ဝ ) ခန့်နားရမယ်။ ပြီးရင် မိသားစုဝင်တွေက ပြန်တွေ့ခွင့်ရမယ့်အကြောင်း ပြောပြပြီး ပြန်သွားတယ်။

.

လက်ထောက်ဆရာဝန်မလေးက အလွန်ဆုံးရှိလှ ( ၂၅ ) နှစ်ပေါ့။ စကားအရာမှာလည်း သွက်လက်သလားမမေးနဲ့။ ငယ်ငယ်ချောချောလေး၊ အာရှသွေးမျက်နှာပေါက် နဲ့ သူ့ဘေးမှာ အလုပ်သင်ဆရာဝန် - Intern ( ဆေးကျောင်းသားလား၊ ဆေးကျောင်းဆင်းလားတော့ သေချာမသိပါ ) မိန်းကလေးတစ်ယောက် ပါလာတယ်။ နှုတ်သွက်လျှာသွက်နဲ့ ဆရာဝန်မလေးက ခွဲစိပ်ခန်းမှာ ဆရာဝန်ကြီးကို အကူလက်ထောက်ပေးမှာဖြစ်တဲ့အကြောင်း၊ စိုးရိမ်စရာမရှိတဲ့အကြောင်း၊ အထဲမှာလှုပ်ရှားတဲ့အခါ သူ့မျက်နှာက ပလပ်စတစ်အကြည်ပါတဲ့ Mask ကိုတပ်ထားမှာမို့လို့ စကားပြောလို့ရမှာမဟုတ်တာကြောင့် ခွင့်တောင်းစရာတစ်ခု ရှိနေသေးကြောင်း၊ အဲဒါကတော့ လူနာရှင်အနေနဲ့ အလုပ်သင် - Intern ကို ဘေးကနေ ရပ်ကြည့်ခွင့်၊ လုပ်ကူခွင့်၊ လေ့လာခွင့် ပေးမလားဆိုပြီး တောင်းဆိုချင်ပါတယ်လို့ ပြောတယ်။ ကျွန်တော်က ပြသနာမရှိပါဘူး၊ ခွင့်ပြုပါတယ်ဆိုတော့ ကျေးဇူးတင်ကြောင်းပြောပြီး ပြင်ဆင်စရာတွေ သွားလုပ်လိုက်ဦးမယ်ဆိုပြီး နှုတ်ဆက်သွားပြန်ပါတယ်။

.

.

မေ့ဆေးဆရာဝန်မက သူဆေးပေးတဲ့အချိန်မှာ သာမန်လိုအိပ်ပျော်သွားမှာဖြစ်ကြောင်း၊ ကိရိယာတွေတပ်ဆင်ပြီးလို့ ဆေးပေးတော့မယ်ဆိုရင် သူသတိပေးမှာဖြစ်တဲ့အကြောင်း၊ ခွဲစိပ်မှုမှာလူနာက ဘာမှသိလိုက်မှာမဟုတ်ကြောင်း နဲ့ ခွဲစိပ်ပြီးလို့ မေ့ဆေးပျယ်သွားတဲ့အချိန်မှာ ရီဝေဝေဖြစ်နေဦးမယ်ဆိုတာတွေကို စီကာပတ်ကုံးပြောပြပါတယ်။ အစာစားထားတဲ့ နောက်ဆုံးအချိန်ကို Confirmed လုပ်တယ်။ ဆရာဝန်အုပ်စု ( ၃ ) ဖွဲ့ လုံးပြောသွားတဲ့စကားတွေထဲမှာ အားလုံးတူညီတဲ့ မေးခွန်းတစ်ခု ပါပါတယ်။ အဲဒါကတော့ ဒီနေ့လုပ်မယ့်ခွဲစိပ်မှုဟာ “ သည်းခြေအိတ်ကိုခွဲထုတ်ခြင်း - Gallbladder Removal Surgery ” ဆိုတာ လူနာက သိရှိကြောင်းသေချာအောင် ကျွန်တော့ကို တစ်ယောက်စီ အလှည့်ကျ မေးနေတာပါပဲ။

.

.

ခွဲစိတ်ခန်းမှာကူမယ့် သူနာပြုက မီရှဲမဟုတ်တော့ပြန်ပါဘူး။ နောက်ထပ် ဖိလစ်ပီးနိုး အမျိုးသမီးကြီး နဲ့ သူနာပြုငယ်တစ်ယောက်တို့ ကုတင်ကိုတွန်းဖို့ ရောက်လာတယ်။ သူမလည်ပင်းမှာဆွဲထားတဲ့ ကဒ်ပြားမှာ LEAD လို့ ရေးထားတာကိုကြည့်ခြင်းအားဖြင့် အဲဒီအသက်ကြီးကြီးသူနာပြုဟာ ခေါင်းဆောင်ဆိုတာ သိလိုက်ရတယ်။ ကျွန်တော့ကုတင်ကို အခန်းအပြင်ဖက်တွန်းထုတ်ပြီး ကုတင်ခေါင်းရင်းက အောက်ခြေဘောင်တန်းပေါ်တက်ပြီးတာနဲ့ သူနာပြုငယ်ကောင်မလေးဟာ ကုတင်လီဗာကိုနင်းပြီး မောင်းသွားနေပါတယ်။ ကျွန်တော်လည်း ကုတင်ကို ကားလိုစီးပြီး ကြောင်တောင်တောင်နဲ့လိုက်ပါသွားရတယ်။

.

ခွဲစိပ်ခန်းထဲရောက်တော့ ခွဲစိပ်ကုတင်က သတ်သတ်ပါ။ အပေါ်မျက်နှာကျက်မှာ မီးမောင်းကြီး ( ၄ ) ခု က တွဲလောင်းကျနေပြီး အခန်းထောင့်မှာ ကိရိယာအစုံအလင် နဲ့ ဝါယာကြိုးတွေနဲ့ နောက်ဆုံးပေါ်စက်တွေ အများကြီး ရှိနေတယ်။ စီးလာတဲ့ကုတင်ကို ခွဲစိပ်ကုတင်အမြင့်နဲ့ညှိကပ်လိုက်ပြီး ကုတင်ပြောင်းခိုင်းတယ်။ လက်ထောက်ဆရာဝန်မလေးတို့အတွဲဟာ လူနာကိုနေသားချရင်း လိုအပ်တဲ့ စောင်တွေ အဝတ်အစားတွေပြင်ဆင်ရင်း အလုပ်ရှုတ်နေပါတယ်။

.

ခွဲစိပ်ကုတင်ဘေးမှာ လက်တင်လို့ရတဲ့ မီးပူတိုက်တဲ့စင်မျိုးလို ရွှေ့လာပြီး လက်မှာသွေးဖောက်ထားတဲ့ပိုက်နဲ့ တစ်ခြားပိုက်တွေ လိုက်ဆက်တယ်။ ခွဲစိပ်ပါရဂူကြီးက အခန်းထဲဝင်လာပြီး အခန်းထောင့်နားက ကွန်ပျူတာမှာ ဆေးရုံရဲ့ဆော့ဝဲလ်ဖွင့်ပြီး လက်ရှိလူနာရဲ့အချက်အလက်တွေကို တိုက်ဆိုင်စစ်ဆေးပြန်တယ်။ သူ့အမေးကို ကျွန်တော့အနီးအနားက လက်ထောက်တွေနဲ့ သူနာပြုတွေက “ Yes ”  လို့ အသံထွက်ဖြေကြရတယ်။

.

.

ခဏလေးလည်းကြာရော မေ့ဆေးဆရာဝန် ရောက်လာပါပြီ။ သူမက ကျွန်တော့ခေါင်းရင်းဘက်က မတ်တပ်ကွန်ပျူတာမှာ နေရာယူတယ်။ လူနာရဲ့ခေါင်းရင်းကနေ လက်ကသွေးကြောပိုက်ကို ဖြုတ်လိုက်တပ်လိုက် လုပ်နေပါတယ်။ တစ်အောင့်လောက်အကြာမှာ ကျွန်တော့ကို အောက်စီဂျင်ရှူခိုင်းတယ်။ ရိုးရိုးတင်မဟုတ်ဘူး အသက်ပြင်းပြင်းရှူခိုင်းတာ ကျွန်တော်က ချောင်းထဆိုးပါလေရော..။

.

ဘယ်ဘက်ရင်ဘတ် နဲ့ ညာဘက်မှာ အသားကပ်ဝါယာကြိုးလာတပ်တဲ့အချိန် အလုပ်သင်ဆရာဝန်မလေးက ညာဘက်ခြေသလုံးကို သွေးပေါင်ချိန်တဲ့အိတ်အကြီးစားလိုမျိုးပတ်ပြီး ခန္ဓာကိုယ်အောက်ပိုင်း သွေးပေါင်ချိန်လို့ထင်ရတဲ့ ကျွန်တော်မသိတဲ့ တစ်ခုခုကို တိုင်းတာနေပါတယ်။ အားလုံးက ကိုယ့်အလှည့်နဲ့ကိုယ် သက်ဆိုင်ရာကိစ္စတွေကို လုပ်နေရင်း အရာရာဟာ စံနစ်တစ်ခုရဲ့အောက်မှာ နည်းပညာလက်ချောင်းတွေ လှုပ်ရှားနေသလို စိတ်ချလုံခြုံမှုခြေလှမ်းတွေကို ကြားနေရတယ်လို့ ခံစားနေရတယ်။ မကြာခင်မှာ ငါ့ကို ခွဲစိပ်တော့မှာပါလားဆိုပြီး ကြောက်စိတ်အစား သတိတရားကို နဖူးတည့်တည့်မှာ ထားလိုက်တယ်။

.

ဒါပေမယ့် အသိစိတ်က ဘယ်ဘက်ချိုင်းအောက်မှာ အေးကနဲဖြစ်သွားတဲ့အခါ မေ့ဆေးဆရာဝန်က နှလုံးခုန်တိုင်းဖို့အသားကပ်ပလာစတာဝါယာကြိုးကို ကပ်လိုက်တဲ့အချိန် သတိက နေရာပြောင်းသွားပြန်တယ်။ ဒီလိုပဲ ဝါယာကြိုးအဝါရောင်အတုတ်ကြီးတန်းလန်းနဲ့ မိုက်ခရိုချစ်ပ် ပါတဲ့ ဖော့ပလာစတာအထူကြီးကို ဘယ်ဘက်လက်ညှိုးထိပ်မှာ လာကပ်လိုက်တဲ့အချိန်မှာ အေးအေးကြီးနဲ့တင်းတင်းကြီး မနေတတ် မလှဲတတ်အောင်ဖြစ်ရတယ်။ သိပ်မကြာပါဘူး .. မေ့ဆေးဆရာဝန်က လူနာကို လုပ်ပြီးတာတွေ စစ်ဆေးတယ်။

.

ပြီးတော့ ကုတင်ခေါင်းရင်းကနေ လက်ထောက်ဆရာဝန်တွေ သူနာပြုတွေ ( အားလုံး ၄ ယောက် ) ကို တစ်ချက်ချင်းစီ ထပ်စစ်ပြတယ်။ ဒီမှာ .. လူနာကို ဒီကြိုးတပ်ပြီးပြီ၊ ဟိုကြိုးတပ်ပြီးပြီ၊ ဆေးသွင်းဖို့ပိုက်ချိတ်ပြီးပြီ ဆိုပြီး ( ၃ ) မျိုး တိုင်ပေးလိုက်တဲ့အချိန် ( ခွဲစိပ်ဆရာဝန် မ,ပါ ) အားလုံးက “ I Agree ” လို့ ပြန်ထောက်ခံရတယ်။ ဒီအချိန်မှာ လာပါပြီ .. တစ်ခါမှမကြူံဖူးတဲ့ ခပ်စူးစူးမီးတောက်ကြီးလို၊ ရေစိုနေတဲ့ ပုရွက်စိပ်တပ်ကြီးတစ်တပ် ကမ်းတက်လာသလို ဘယ်ဘက်လက်ဖမိုး သွေးဖောက်ထားတဲ့နေရာကနေ တစ်ရွေ့ရွေ့နဲ့တက်လာတော့ ကျွန်တော် သတိလိုက်ကပ်သေးတယ်။ တစ်ဖြည်းဖြည်း ပိုနီးလာတယ် .. လက်ကောက်ဝတ်ကနေ လက်ဖျံနားရောက်လာတယ်။ တတောင်ဆစ်နားရောက်လာတယ်။ လက်ကလည်း တင်းလိုက်တာ။ ဒီခံစားချက်က မနာဘူး နည်းနည်းစူးတယ်။

.

.

အဲဒါကို မေ့ဆေးဆရာဝန်ကိုပြောမလို့ ပါးစပ်က ဟလို့ မရဘူး။ သူက အောက်စီဂျင်စုတ်ခွက်ကို လာတပ်ပေးထားတော့ သူ့စကားနားထောင်ရတယ် .. “ Take a deep breath ” ဆိုပြီး ( ၃ ) ခေါက်ခပ်ပြင်းပြင်း ရှူသွင်းပြီးလိုက်ရော ကျွန်တော် သိပ်သိချင်တဲ့၊ ဘာဖြစ်လဲသိပ်မှတ်ထားချင်တဲ့၊ သိပ်အသိရှိချင်တဲ့ General Anesthesia - မေ့ဆေးကို စက္ကန့် ( ၂ဝ ) လောက် အတွင်းမှာ ရုပ်ရှင်ထဲကအတိုင်း အရှူံးပေးလိုက်ရပါပြီ်။ တစ်ကယ်တော့ မေ့ဆေးဆရာဝန်မ က ကတိမတည်ဘူး။ မေ့ဆေးပေးတော့မယ့်အချိန် ကျွန်တော့ကို ဘာတစ်ခွန်းမှ ကြိုမပြောဘူးလေ။

.

ကျွန်တော်မျက်စိပြန်ဖွင့်လိုက်တော့ စောနက ကုတင်ဘေးနားမှာ အလုပ်ရှုတ်နေသူတွေ တစ်ယောက်မှ မရှိတော့ဘူး။ ဘေးမှာ ဝတ်စုံအဖြူနဲ့ ယောက်ျားတစ်ယောက်က ကွန်ပျူတာခေါက်နေတယ်။ “ ဟင် .. ဘယ်လိုလဲ? ငါ့ကို ခွဲမယ်ဆို ဘယ့်နှယ် အပြင်ပြန်ခေါ်လာရတာတုန်း? ” ဒါက ကျွန်တော် ပထမဦးဆုံးပြန်ဝင်လာတဲ့ အသိတရား..။ သူက လှမ်းနှုတ်ဆက်တယ် .. ပြီးတော့ နိုးပြီလားလို့ မေးတယ်။

.

.

ကျွန်တော် မကျေနပ်ဘူး .. ဒီလောက်ပြင်ဆင်ပြီးမှ မခွဲစိပ်ပဲ ဘာလို့ အပြင်ကို ပြန်ခေါ်ထုတ်လာတာလဲ? ခွဲစိပ်မှုမအောင်မြင်ရလောက်အောင် ကျွန်တော့ခန္ဓာကိုယ်မှာ ဘာဖြစ်နေလို့လဲ? ကျွန်တော် ဆက်တွေးနေတယ်။ ဒါနဲ့ မနေနိုင်ဘူး “ ဘာလို့ ငါ့ကို မခွဲစိပ်တာလဲ ” လို့ မေးလိုက်တယ်။ သူ့အဖြေကြောင့် ကျွန်တော်ထိတ်လန့်သွားရတယ် “ ခွဲပြီးသွားပြီ ” တဲ့။

.

အဲဒီတော့မှ ကျွန်တော့စက္ကူအကျီင်္ပြာကို ငုံ့ကြည့်မိတယ် .. ကျွန်တော့ပါးစပ်ကလည်း အာမေဍိတ်သံ တစ်သံ ထွက်သွားတယ်လို့လည်း ထင်လိုက်မိတယ် .. “ ကျွန်တော့ရင်ပတ်မှာ ပလာစတာတွေနဲ့ .. ပါလား ”

.

koko2yeye@gmail.com