တစ်ကယ်ရောက်တော့ ကြောက်မိပါသည် ( တိုးနီ တတိယပိုင်း )

ဆောင်းပါးရှင် - ကိုညီညီ ( တောင်ကြီး )

.

.

တစ်ကယ်တမ်းပြန်စဉ်းစားကြည့်မိတော့ ကိုစေတန်ဟာ လူလိမ်တစ်ယောက်လို့တော့ ပြောလို့မရပါဘူး။ သူက လုပ်တာတော့ လုပ်ပေးရှာတယ်။ အမြတ်ကြီးစားတာက ခက်တာ။ ဒီလိုခရီးမျိုးက လူတိုင်းပို့နိုင်တာမျိုး မဟုတ်ဘူးလေ။ သူက အမှန်တစ်ကယ်ပို့ပေးတယ်။ သူ့နားမှာ လူတွေအလုပ်မအပ်မှာစိုးလို့ ဈေးကိုတော့ လျှော့တောင်းတယ်။ သူ့ကို ဘယ်နေရာမှာ သည်းခံရသလဲဆိုတော့ အစတုန်းကပြောတော့ တစ်ဈေး၊ အဲ .. လမ်းတစ်ဝက်ရောက်တော့မှ ဟိုဟာထပ်ကုန် ဒီဟာထပ်ထုတ်ဖြစ်လာတဲ့အခါ ကျွန်တော်တို့က သွားချင်တဲ့သူတွေမလား .. ပေးရတော့တာပေါ့။

.

ကျွန်တော်တို့ ( ၅ ) ယောက်က နိုင်ငံခြားဆို ယောင်လို့အိမ်ရှေ့ခြံတံခါးတောင် ကျော်ကူးရဲတာမဟုတ်ဘူး။ ဒါမျိုးဆိုတော့ အစစအရာရာ သူပြောသမျှယုံရတယ်လေ။ သူက ဒီခရီးကို ဒီဈေး .. ဒီလောက်ပဲကုန်မယ် .. လိုရင် သူစိုက်ပေးထားလို့ရတယ် .. အစားအသောက်၊ လေယာဉ်လက်မှတ်၊ ဟော်တယ်ခတွေကလည်း ဒီလောက်မရှိပါဘူး။ နင်တို့ကိုပြောထားတဲ့ဈေးက အရောက်ပို့ဆိုပြီး လမ်းကျမှဘာပြောတယ်မှတ်လဲ “ အခုကုန်တာတွေ ထပ်မထုတ်နိုင်လို့ရှိရင် ဒီကနေ လှည့်ပြန်လို့ရတယ်။ နင်တို့ကို ဆွဲမထားဘူး။ ကုန်ကျစားရိတ်တွေက ပေးရမှာက ပေးရမှာပဲ ” တဲ့။

.

ကျွန်တော်တို့လည်း ငြင်းမနေတော့ပါဘူး။ ပုတ်ပြတ်အပ်ထားတဲ့ စားရိတ်ငြိမ်း ဒေါ်လာ ( ၁၅ဝဝဝ ) ဆိုတာ နောက်ထပ် ( ၅ဝဝဝ ) လောက် ထပ်ကုန်သွားတော့ အမေရိကန်အမြေအနင်း စုစုပေါင်း ( ၂ဝဝဝဝ ) စွန်းစွန်း ကုန်သွားတယ်။

.

.

မွန်းထရေးမြို့မှာ ပဲစားပွဲစားက တစ်ညထပ်အိပ်မလားလို့မေးတော့ ကျွန်တော်တို့အားလုံး တစ်သံတည်း ထွက်သွားတယ်။ “ ဒီညပဲ ဆက်ထွက်ကြမယ် .. ” ။ မိုင်က နည်းနည်းထပ်သွားရင်ရောက်ပြီ။ ကျွန်တော်တို့ ထပ်ပြီး စိတ်ညစ်မခံချင်တော့ဘူး။ လိုလာခရီးကို သက်သက်သာသာနဲ့ ရောက်ချင်လှပြီ။

.

နောက်တစ်ရက် မနက် ( ၁ဝ ) နာရီမှာ ခပ်လှမ်းလှမ်းက ကြီးကျယ်ခမ်းနားတဲ့ နယ်မြေကို စတင်လှမ်းမြင်ရပြီ။ ဟား .. တစ်ခြားစီပဲ။  “ ဖြစ်ပါ့မလား .. ဟေ့ကောင်တွေ ” လို့ တစ်ယောက်မျက်နှာတစ်ယောက်ကြည့်ပြီး ကျွန်တော်တို့အားလုံးပြိုင်တူ အော်လိုက်ကြတယ်။ အမှန်အတိုင်းပြောရရင် လန့်တယ်ဗျာ။ ကြောက်စိတ်တွေဝင်လာတယ်။ ရင်တွေတုန်လာတယ်။ ငါတို့ တစ်ကယ်ရင်ဆိုင်ရတော့မှာပါလား ..။

.

နယ်စပ်ဆို ဆိုတဲ့အတိုင်း သံဆူးကြိုးအထူကြီးတွေနဲ့ ငွေကောက်ခံတဲ့ Toll Gate အကြီးစားတွေနဲ့ ကာထားတယ်။ အလယ်မှာ ( ၂၄ ) နာရီပတ်လည် ဟိုင်းလပ်ကား ကင်းလှည့်နေလို့ရတဲ့ ဖုန်ကားလမ်းလေးရှိတယ်။ အဲဒီရဲ့နောက်မှာမှ အုတ်တံတိုင်းအမြင့်ကြီး .. တော်တော့်ကိုမြင့်တယ်။ စစ်သားတွေက တီဗွီထဲမှာမြင်ဖူးသလို ကွန်မန်ဒိုဝတ်စုံတွေနဲ့မဟုတ်ဘူး။ အမေရိကန်နယ်ခြားစောင့်တပ် မာဖီက အစိမ်းရောင်တွေဝတ်ထားတယ်။ အမည်းရောင်မဝတ်ဘူး။ ဟိုဘက်ခြမ်းကိုရောက်ဖို့ တံတားတစ်ခုကို ဖြတ်ရပေဦးမယ်။

.

.

လိုက်ပို့တဲ့ ပဲစားပွဲစားနဲ့ ကျွန်တော်တို့ ( ၅ ) ယောက်ထဲက အင်္ဂလိပ်စကားလည်လည်ဝယ်ဝယ်တစ်ယောက်နဲ့ အချေအတင်ဆွေးနွေးနေတယ်။ ပြီးတော့ သူက လိုအပ်သည်များကို မှာကြားနေပြန်တယ်။ ပြီးတော့ သူထပ်ပြောလိုက်တဲ့ စကားရဲ့နောက်မှာ အမေ့အိမ်က မခွာခဲ့ဖူးကြတဲ့ ပိုးဟပ်ဖြူ ( ၅ ) ကောင်ဟာ သွေးပျက်သလိုဖြစ်သွားရပါတယ်။ သူက “ အဲဒါနယ်စပ်ပဲ။ ဒီအပေါက်ကနေ မင်းတို့ဝင်သွားရမယ်။ မင်းတို့ကို ဒီအထိလိုက်ပို့ပြီးရင် ငါ့တာဝန်ကျေပြီ ” လို့ပြောလိုက်တာပါ။ အင်း ပွဲစားတွေ .. ပွဲစားတွေ .. မပြောချင်ဘူး .. တစ်ယောက်ပြီးတစ်ယောက်ထားခဲ့ပြန်ပြီ။

.

နယ်စပ်ကိုလှမ်းမြင်လိုက်ရပြီဆိုရင်ပဲ ပဲစားပွဲစားက ကျွန်တော်တို့နဲ့ ခပ်ခွာခွာနေပါတယ်။ ဒါပေမယ့် စကားတွေ အတူတူပြောကြတယ်။ အဓိပ္ပာယ်က သူနဲ့အတူလာတဲ့ ကျွန်တော်တို့ကို ရိပ်မိသွားမှာစိုးလို့ပဲ။ “ မင်းတို့ ဒီကနေ ဖြည်းဖြည်းချင်းသွား။ ဟန်မပျက်နဲ့။ အရေးအကြီးဆုံးတစ်ခုမှာမယ်။ ဟိုဘက်က စစ်သားတွေနဲ့မတွေ့ခင်မှာ မင်းတို့ မြန်မာပါ့စပို့တွေကို စုတ်ဖြဲပစ်လိုက်ပါ ” လို့ ပြောတော့ အနီရောင်စာအုပ်တွေကို မြန်မြန်ဆန်ဆန်ပဲ လက်စတုံးပစ်လိုက်ရတယ်။

.

.

စိတ်ပျက်လက်ပျက်ဖြစ်နေသူကဖြစ်၊ တုန်တုန်ယင်ယင်ဖြစ်နေသူကဖြစ် ကျွန်တော်တို့ပုံကို မှန်းကြည့်နိုင်ပါတယ်။ ပါလာတဲ့ အထုတ်ကလေးကိုဆွဲ .. လေးတိလေးပင်ခြေလှမ်းတွေကို တရွက်တိုက်ဆွဲရင်း ရေချောင်းတံတားတစ်ခုပေါ်ကို တက်လိုက်ကြတယ်။ ဖြောင့်တန်းနေတဲ့လူအုပ်နောက်မှာ ကျွန်တော်တို့ဝင်မစီဘူး။ အရာရှိတွေဆီကို တန်းသွားလိုက်ပြီး ရက်ပေါင်းများစွာက ကိုစေတန်ကျက်ထားခိုင်းတဲ့ အင်္ဂလိပ်စကားတစ်ခွန်းကိုပြောလိုက်တယ် .. “ I’m asylum ”

.

အမေရိကန်နယ်စပ်အရာရှိတွေက လက်ခံတယ်။ ID နဲ့ ပါ့စပို့တောင်းတော့ ကျွန်တော်တို့မှာ ဘာမှမရှိပါဘူးလို့ ဖြေလိုက်တယ်။ ဘယ်နိုင်ငံကလာတာလဲ? တစ်ယောက်ထဲလား? လို့မေးတော့ အားလုံး ( ၅ ) ယောက်လာတာလို့ပြောပြီး ကျွန်တော်တို့ရဲ့ မြန်မာမှတ်ပုံတင်တွေ ထုတ်ပေးလိုက်တယ်။ သူတို့က အထဲက ရုံးအဖွဲ့ကိုအကြောင်းကြားတော့ စစ်သား ( ၂ ) ယောက် ထပ်ရောက်လာတယ်။ ကျွန်တော်တို့ကို အရှေ့ပိတ် နောက်ပိတ် ညှပ်ပြီး အခန်းထဲကိုခေါ်သွားတယ်။ ပြီးတော့ လူခွဲထားတယ်။

.

.

အခန်းထဲမှာ အင်တာဗျူးလုပ်ပြီး စာရွက်စာတမ်းမှာဖြည့်ဖို့ အချက်အလက်တွေမေးတဲ့အခါ ကျက်လာသမျှ အကုန်ပြောချလိုက်ပါတယ်။ မင်းတို့ ဒီကနေထွက်သွားရင် သွားစရာ အမျိုးရှိလားဆိုတော့ ကျွန်တော့်မိတ်ဆွေလိပ်စာနဲ့ ဖုန်းနံပါတ်ပေးလိုက်တယ်။ ဒါနဲ့ အဲဒီအရာရှိက ဖုန်းဆက်ပြီး ကျွန်တော်ရောက်နေကြောင်း လှမ်းပြောလိုက်တာ မိတ်ဆွေက တော်တော်လေးလန့်သွားပါတယ်။ အရာရှိက U.S Homeland Security က ဆက်တာဆိုတော့ ပိုကြောက်သွားတာပေါ့။

.

ကျွန်တော်ကို ဖုန်းပေးပြောလို့ရမလားလို့ ခွင့်တောင်းတော့ ကျွန်တော့မိတ်ဆွေနဲ့ပေးပြောတယ်။ ရန်ကုန်က မထွက်လာခင်ကတည်းက မိတ်ဆွေကို ဖုန်းကြိုဆက်ပြီးသားပါ။ ကျွန်တော် ဒီလောက် မြန်မြန်ကြီးရောက်လာလိမ့်မယ်ဆိုတာ သူထင်မထားဘူး။ ဒါနဲ့ ဖုန်းထဲမှာ အသေးစိတ်မပြောတော့ပဲ “ မင်း အေးအေးဆေးဆေးရောက်ပြီဆိုရင်ပြီးရော၊ ရန်ကုန်ကို ငါအကြောင်းကြားပေးမယ် ” ဆိုပြီး လှမ်းနှုတ်ဆက်ရုံပဲ ပြောရတာပါ။ ဟုတ်တယ် .. ဖုန်းကို နယ်စပ်ရုံးက အသံသွင်းထားတာ။ အပိုတွေပြောလို့ မဖြစ်ဘူး။

.

.

နောက်ထပ်အတော်ကြာအောင် ကျွန်တော်တို့လာရတဲ့အကြောင်းရင်းကို မေးပါတယ်။ ကိုစေတန်ဇာတ်တိုက်သင်ထားသလို ကျွန်တော်တို့ ပြောကြတယ်။ မြန်မာနိုင်ငံမှာ ဒုက္ခရောက်တဲ့အကြောင်း သိသလောက်အင်္ဂလိပ်စကားနဲ့ ပြောပြလိုက်တယ်။ ကျွန်တော်တို့ အမေရိကားမြေနင်းပါပြီ .. ရောက်ပါပြီ။ ဒီမှာက ရင်ဆိုင်ဖို့ခက်နေတာ ကိုစေတန်က ရန်ကုန်မှာ ကျွန်တော့အဖေနားက လက်ကျန်ငွေ ဒေါ်လာ ( ၁ဝဝဝဝ ) ထုတ်ပြီးသွားပြီ။ ဟုတ်ပါတယ်လေ .. နဂိုကတည်းက အမေရိကန်မြေနင်းရင် ငွေအကြေချေဖို့ သဘောတူထားတာမဟုတ်လား။ သူတာဝန်ကျေပါတယ်။

.

တာဝန်မပြီးသေးတာက ကျွန်တော်တို့ပါ။ ဘယ်သွားနေရမလဲ? ဘာလုပ်ရမလဲ? ဘာဆိုဘာမှမစဉ်းစားတတ်အောင် ဖြစ်နေပါတယ်။ ဖြစ်နိုင်ရင် အားလုံးကိုမေ့ထားလိုက်ချင်တယ်။

.

သူက ဆက်မစဉ်းစားချင်လို့ စကားရပ်လိုက်ပေမယ့် ရေးပြသူ ကျွန်တော့နားထဲမှာ ကိုစေတန့်စကားက မရပ်သေးပါဘူး။ ….  “ နင်တို့နယ်စပ်ရောက်ရင် လက်ထဲက ပါ့စပို့ကို အပြီးအပြတ်စုတ်ဖြဲပစ်လိုက်ပါ။ ဖွက်လည်းမယူသွားနဲ့။ ဖြဲပြီးလည်း သိမ်းမထားနဲ့။ ဘယ်လောက်ပဲစုတ်နေပါစေ .. ရှိတဲ့သက်သေခံလေးနဲ့ အမေရိကန်အမိမြေလုံခြုံရေးက မြန်မာနိုင်ငံပြန်ပို့လိမ့်မယ်။ အဲဒီအခါကျရင် အမေရိကန်နဲ့စကားပြောရတော့မှာ မဟုတ်ဘူး။ အမေရိကန်လည်း ရောက်တော့မှာမဟုတ်ဘူး။ မြန်မာသံရုံးနဲ့ပဲ ဆက်ရှင်းရတော့မှာ ” ….

.

.

“ တိုးနီ ” ပြန်ပြောပြတဲ့ အားပျော့ပျော့ စကားသံတွေကြားမှာ ကြေကွဲသံတွေပါနေတယ်။ လက်ထဲမှာကိုင်ထားတဲ့ဖုန်းမျက်နှာပြင်ကိုပွတ်သတ်နေတဲ့ လက်ချောင်းလေးတွေ လှုပ်နေတယ်။ ဒီလိုပဲ အသေးစိတ် ဂရုတစိုက်နားထောင်နေရတဲ့ စာရေးသူ ကျွန်တော့်ရင်မှာလည်း တင်းကြပ်နေတယ်။ ဒါပေမယ့် တိုးနီ ရှေ့ဆက်ရင်ဆိုင်ရတဲ့ ဒုက္ခလောက်တော့ မဆိုးသေးပါဘူး။ ထပ်ပြောပြပါဦး တိုးနီရေ ..

.

koko2yeye@gmail.com