အခ်ိန္ကုိစီမံခန္႕ခြဲျခင္းႏွင္႕အေမရိကားေရာက္တစ္ေန႕တာ

ေဆာင္းပါးရွင္ - ကိုညီညီ (ေတာင္ၾကီး)

. 
. ကြ်န္ေတာ္ အင္မတန္ေလးစားရတဲ႕လူငယ္ပညာတတ္တစ္ေယာက္က (သူ႕အဆင္႕၊ သူ႕ပညာ၊ သူ႕အေရး၊ သူ႕အေတြး နဲ႕ မလိုအပ္ပါပဲ) ကြ်န္ေတာ႕ရဲ႕ "Time Management အေၾကာင္း နဲ႔ အေမရိကားမွာ ေနထိုင္ေနသူေတြရဲ႕ Time နဲ႔ ပတ္သက္တဲ့ Culture အေၾကာင္း" ေခါင္းစဥ္နဲ႕တစ္ပုဒ္ေလာက္ သူဖတ္ခ်င္လို႕ ေရးေပးပါလုိ႕ ေတာင္းဆုိလာပါတယ္။
.
. အားမနာတမ္းဝန္ခံရရင္ လူေတြဟာ ေနာက္လူတစ္ေယာက္ကို ကိုယ္႕ထက္အလုပ္မ်ားသေလာက္ အလုပ္ျပီးေျမာက္တယ္၊ အက်ိဳးရွိရွိအသံုးခ်တတ္တယ္၊ ကုန္ပစၥည္းပိုထြက္ - Productive ျဖစ္တယ္လို႕ ပိုပိုသာသာထင္မွတ္ယူတတ္ျပီး မိမိမွာေတာ႕ အားနည္းခ်က္တစ္ခုခုရွိေနေလာက္တယ္ . . ဒါကို မသိဘူးလို႕ထင္ေနတတ္ၾကတယ္။ ထိပ္ဆံုးအေနနဲ႕ အဲဒီလူငယ္ေလးေပးတဲ႕ေခါင္းစဥ္ကုိေက်းဇူးတင္ေၾကာင္းေျပာၾကားရင္း သူေပးတဲ႕တာဝန္ကုိေက်လည္ေအာင္မရွင္းျပႏုိင္ရင္ စာေရးသားသူ ကြ်န္ေတာ႕ရဲ႕အားနည္းခ်က္ကုိသာ ျပင္းျပင္းထန္ထန္ေဝဖန္ပါလို႕ ေတာင္းပန္ထားပါရေစ။
.
.
. ဒီေနရာမွာ အရင္တုန္းကလိုအင္တာနက္ကေန တစ္္ခုသြားရွာ၊ ဖတ္ၾကည္႕၊ ဘာသာျပန္ျပီးေကာင္းႏိုးရာရာေလွ်ာက္ေရး၊ ဖတ္တဲ႕သူေတြကသေဘာက်၊ ရွယ္ . . ေျမွာက္ပင္႕ေျပာဆုိ . . ဒီလိုထက္စာရင္ လက္ဘက္သုပ္ေကာင္းေကာင္းတစ္ပြဲစားရဖို႕ ကိုယ္ၾကိဳက္တဲ႕အရသာနဲ႕ ပါဝင္တဲ႕ အရြက္၊ လက္ဘက္၊ အေၾကာ္အေလွာ္၊ ျငဳပ္သီး ပစၥည္းပစၥယေတြရဲ႕အခ်ိဳးအစားညီမွ်မႈနဲ႕အတူ ေပါင္းစပ္သူရဲ႕လက္ရာတို႕ကိုအေလးထားတတ္တဲ႕စာဖတ္သူေတြအတြက္ အသံုးတည္႕မယ္႕ကိစၥရပ္ေတြကုိစုစည္းေျပာျပသြားဖို႕စီစဥ္ထားပါတယ္။ ဒီအထဲမွာ ကြ်န္ေတာ္တစ္သက္လံုးၾကိဳက္ႏွစ္သက္လာတဲ႕စကားစုေလးေတြရဲ႕ က်ယ္ျပန္႕တဲ႕အဓိပၸာယ္ဖြင္႕ဆိုခ်က္ေတြရဲ႕အခန္းက႑ကလည္း အေရးပါလာႏုိင္ပါတယ္။
.
. အေမရိကန္လူမ်ိဳးေတြဟာ တစ္ပတ္မွာ (၂) ရက္ပဲအသက္ရွင္ရသလိုမ်ိဳး သီတင္းပတ္ရဲ႕ေသာၾကာေန႕ညေနမွ သူတုိ႕ဟာ ႏုိးထလာၾကပါတယ္။ တစ္ပတ္ကို (၅) ရက္အလုပ္လုပ္ရတဲ႕အခ်ိန္က သူ႕ဟာသူကုန္သြားလိမ္႕မယ္။ ကုိယ္စိတ္ပါသည္ျဖစ္ေစ . . စိတ္မပါသည္ျဖစ္ေစ (ဝန္ထမ္းဦးေရမ်ားသည္႕ႏုိင္ငံျဖစ္သည္ႏွင္႕အားေလ်ာ္စြာ) (၁) ရက္ ကို (၈) နာရီ၊ တစ္ပတ္လံုးကို နာရီ (၄ဝ) ဘယ္လိုျပႆနာမွ မျဖစ္ခ်င္ပါဘူး။ ေနာက္တစ္ခုရွိေသးတယ္ . .။
.
.
. အေနာက္ႏိုင္ငံရဲ႕ဘာသာေရးကိုေဝဖန္တာမ်ိဳးမဟုတ္ပါပဲ သူတုိ႕လက္ခံထားတဲ႕"ဘဝဆုိတာတုိတုိေလးပါ။ ဒါေၾကာင္႕ သင္႕ရဲ႕ဘဝကို ေကာင္းမြန္စြာေနထုိင္ပါ - Life is Too Short. So Dear, Live Your Life" ဆိုတဲ႕စကားကိုလက္ကိုင္ထားၾကသူေတြျဖစ္ၾကလို႕ တစ္ပတ္လံုးၾကံဳလာတဲ႕အခက္အခဲေတြကုိ စိတ္ရွည္ရွည္ေျဖရွင္းၾကပါတယ္။ အစည္းအေဝးမွာသေဘာထားကြဲခ်င္ကြဲမယ္ . . ရန္မျဖစ္ၾကဘူး။ အလုပ္မွာအမွားေတြ႕ခ်င္ေတြ႕မယ္ . . ျပႆနာမရွာဘူး။ လုပ္ေဖာ္ကိုင္ဘက္အခ်င္းခ်င္းမသင္႕မျမတ္ျဖစ္မယ္ . . ကိုယ္ထိလက္ေရာက္မလုပ္ၾကဘူး။
.
. သာမန္ၾကည္႕လိုက္ရင္ေတာ႕ စာဖတ္သူေတြက "ငါတုိ႕လည္း ဒီလိုေနေနတာပဲေလ" လို႕ထင္ၾကမယ္။ ဒါေပမယ္႕ သူတုိ႕ထားတဲ႕စိတ္က ပုိရွင္းတယ္၊ ပုိျပတ္သားတယ္။ ဘာျဖစ္လို႕လည္းစဥ္းစားၾကည္႕ေလ။ အစည္းအေဝးမွာသေဘာထားကြဲလို႕ ရန္ျဖစ္ေနရင္ . . အလုပ္ထဲမွာအမွားေတြ႕လို႕ ျပႆနာထရွာေနရင္ . . လုပ္ေဖာ္ကိုင္ဘက္အခ်င္းခ်င္းမသင္႕မျမတ္ျဖစ္လုိ႕ တစ္ေယာက္နဲ႕တစ္ေယာက္ အလုပ္စည္းေက်ာ္၊ လူ႕က်င္႕ဝတ္ေက်ာ္ျပီး မဆိုင္ပဲနဲ႕ ေက်ာ္-ခြ-ထ-သတ္ေနၾကရင္ . . သူတို႕ေမွ်ာ္လင္႕ထားတဲ႕ မူးယစ္ရီေဝတဲ႕ေသာၾကာေန႕ည၊ လင္းလက္ေတာက္ေျပာင္တဲ႕စေနေန႕အလွ နဲ႕ မိသားစုဝင္တုိ႕ဆံုစည္းရာ တနဂၤေႏြေန႕တို႕ရဲ႕ေပ်ာ္ရႊင္ရာခဏေတြကုိ စေတးလိုက္ရမွာ သိၾကလို႕ပါပဲ။
.
.
. ဒါေၾကာင္႕ အစည္းအေဝးမွာသေဘာထားကြဲလြဲရင္ မတူတဲ႕အၾကံေတြကို ဝိုင္းစဥ္းစားၾကတယ္။ အလုပ္ထဲမွာအမွားေတြ႕ရင္ ကုမၸဏီကခ်မွတ္ထားတဲ႕လမ္းစဥ္ကုိေလွ်ာက္ျပီး ျပႆနာမရွာ - အေျဖဝိုင္းရွာၾကတယ္။ လုပ္ေဖာ္ကိုင္ဘက္အခ်င္းခ်င္းမသင္႕မျမတ္ျဖစ္ရင္ ထိပ္ဆံုး အလုပ္သမားေခါင္းေဆာင္ကုိေျပာ၊ ေနာက္ . . အုပ္ခ်ဳပ္ေရးမွဴး - Supervisor ကို ေျပာ၊ ဒီကေန မျပီးေသးရင္ လူ႔အရင္းအျမစ္ထိန္းခ်ဳပ္ေရး - Human Resources ကို ေျပာ စသျဖင္႕ သူတုိ႕ရဲ႕သီတင္းပတ္ကုန္ေခ်ာသပ္ရပ္စြာထြက္ရွိလာဖို႕ အေကာင္းမြန္ဆံုးထုတ္လုပ္ၾကပါတယ္။
.
. အေမရိကန္ေတြရဲ႕တစ္ရက္အလုပ္ခ်ိန္ကိုစီမံခန္႕ခြဲတဲ႕အခါ "အီးေမးလ္ႏွင္႕ဆက္သြယ္ျခင္း - Corporate Email" ဟာ ေတာ္ေတာ္အေရးပါပါတယ္။ ႒ာနတစ္ခုနဲ႕တစ္ခု ခိုင္းေစတဲ႕အခါလုိက္နာၾကတဲ႕က်င္႕ဝတ္ - Email Etiquette ၊ အစည္းအေဝးခ်ိန္းဆိုတဲ႕အခါ - Send Invite ၊ ျပကၡဒိန္သံုးျပီးရက္ခ်ိန္းေတြကိုသိမ္းထားရတဲ႕အခါ - Calendar ၊ ဘာမဆို မွတ္သားဖို႕လိုတဲ႕အခါ - Taking Notes ၊ အစည္းအေဝးမွာ လူအမ်ားကိုတင္ျပဖို႕လိုတဲ႕အခါ အုပ္စုလုိက္မွ်သံုးတဲ႕ Google Slide, Google Spread Sheets နဲ႕ Google Doc တို႕က ခံုေပၚမွာတင္ထားတဲ႕ကြန္ပ်ဴတာကအလုပ္ေတြကို လက္ကိုင္ဖုန္းမွာလုပ္တဲ႕အဆင္႕အထိ ခ်ဳံ႕ပစ္ႏိုင္တာက အင္မတန္အေရးပါတာကို သင္ယူမိတယ္။
.
.
. ေနာက္တစ္ခုက ဘာမဆို လိုက္ေရးမွတ္ျပီး အေရးႀကီးတဲ့စာရြက္ေတြကိုသိမ္းဆည္းတဲ႕အလုပ္ကို စာရြက္စာတမ္း႒ာန - Document Services သတ္သတ္မွတ္မွတ္ထားရွိတာ သိပ္ေကာင္းတယ္။ ကုမၸဏီ (သို႕မဟုတ္) လုပ္ငန္းခြင္တစ္ခုလံုးရဲ႕ မွီျငမ္းရမယ္႕ SOP - Standard Operation Procedure ၊ အလုပ္လုပ္ပံုလုပ္နည္းလမ္းညႊန္ျဖစ္တဲ႕ WI - Work Instruction နဲ႕ လုပ္ငန္းခြင္လုိက္နာရန္မူဝါဒ - Policy ေတြကို ဆာဗာ - Server အၾကီးၾကီး နဲ႕ မွတ္ဥာဏ္ - Memory အမ်ားအစားခံထားျပီး ကြန္ယက္ - Networking နဲ႕ ခ်ိတ္ဆက္ကာ ကြန္ပ်ဴတာေတြအေပၚ Pdf ဖိုင္ - Portable Document Format နဲ႕ ဘယ္သူမဆိုဖြင္႕ၾကည္႕ႏိုင္ေအာင္စီမံလုိက္တဲ႕အခါ လုပ္ငန္းက ပံုမွန္ထက္ (၂) ဆ ေလာက္ျမန္ဆန္သြားပါတယ္။
.
. လူေတြရဲ႕လက္ထဲကုိေရာက္လာတဲ႕ ဆဲလ္ဖုန္းဟာ ပြတ္တုိင္းမေကာင္းဘူးလို႕ ကံေသကံမ ဘယ္သူက ေျပာပါသလဲ? လက္ကိုင္ဖုန္းကေန အီးေမးလ္အေၾကာင္းျပန္၊ ကိုယ္႕ေအာက္ကလူကို လမ္းညႊန္ခ်က္ေပး၊ လူကိုယ္တိုင္မသြားႏုိင္တဲ႕ အစည္းအေဝးကုိ Skype ကေန Conferencing တက္ေရာက္၊ မွတ္သားထားစရာေပၚလာလို႕ ေဘာပင္မပါရင္ ဓါတ္ပံုရုိက္ယူ၊ လုပ္ေဖာ္ကိုင္ဘက္အခ်င္းခ်င္း သက္ေသလုပ္ဖို႕ Email Attachment အျဖစ္ တြယ္ခ်ိတ္နဲ႕ပုိ႕ . . အဲဒါေတြက သူတို႔အလုပ္လုပ္ေနတာပါ။
.
.
. ဒီၾကားထဲ ေဆးခန္းရက္ခ်ိန္းရွိလို႕ ဖုန္း ျပကၡဒိန္ - Calendar ကေန Reminder ႏိုးစက္ေပးထား၊ လမ္းမွာေဆးရံုသြားေနရင္း ကားလမ္းပိတ္လို႕ေနာက္က်ေနရင္ ဖုန္းဆက္ေျပာၾကား၊ ကားေမာင္းေနရင္း သူမ်ားကား မေတာ္တဆထိခုိက္မႈျဖစ္လို႕ လမ္းပိတ္ေနရင္ လမ္းလႊဲကေနေမာင္းဖို႕ Google Maps ၊ Waze Navigation တို႕ကုိ ခိုင္းေစထား . . ဒါေတြအားလံုးဟာ အင္တာနက္ရွိရင္ မိတ္ေဆြတို႕ရဲ႕လက္ကိုင္ဖုန္းမွာ လုိက္လုပ္၊ လုိက္အတုယူ၊ လုိက္က်င္႕ၾကံျပီး မိမိရဲ႕တစ္ေန႕တာအခ်ိန္ေတြကို ခပ္စိပ္စိပ္ ခပ္သြက္သြက္ မသံုးစြဲႏုိင္တာ မဟုတ္ပါဘူး။
.
. ကြ်န္ေတာ္ အစက ဒါေတြမသိခဲ႕ဘူး။ အခုဒီဘက္ေျမမွာေနတုန္း ဖုန္း (၂) လံုးကိုင္ေတာ႕ အေမရိကန္ေတြက ရီၾကတယ္။ သူတို႕က ျမန္မာႏိုင္ငံသားေတြ လူတစ္ေယာက္ကို ဖုန္း (၃) လံုး ျဖစ္ေနၾကတာ သိမွမသိၾကပဲကုိး။ ထားလိုက္ . . ရီပါေစေတာ႕။ ကြ်န္ေတာ႕အတြက္ ေျပလည္မႈက ဖုန္း (၂) လံုးကုိ ရင္းထားရတာထက္တန္ဖိုးရွိပါတယ္။
.
.
. မနက္ေစာထဖို႕ ႏိွုးစက္ကို ဖုန္း (၂) လံုးကို (၂) မိနစ္ျခားျပီးေပးထားပါတယ္။ အေဝးက ထပိတ္မွရမယ္႕ ပထမတစ္လံုးေအာ္ျပီးျပန္အိပ္ေပ်ာ္သြားရင္ ေနာက္တစ္လံုးက ဆက္ႏွိုးေနေအာင္လို႕ပါ။ အလုပ္ကိုေရာက္ဖို႕ကားေမာင္းရတဲ႕ (၁၅) မိနစ္မွာ တရားတစ္ပုဒ္နာသြားပါတယ္။ အလုပ္တက္တဲ႕ ပထမအားလပ္ခ်ိန္ - First Break မေရာက္ခင္မွာ ႏုိင္ငံတကာ နဲ႕ ျမန္မာႏိုင္ငံနဲ႕အဆက္မျပတ္ေအာင္ BBC,VOA နဲ႕ RFA တို႕ကုိ ျပီးေအာင္နားေထာင္ပါတယ္။
.
. ကြ်န္ေတာ႕အလုပ္က တယ္လီဖုန္းကေန နားတစ္ဖက္ နားၾကပ္တပ္နားေထာင္တာကိုလက္ခံတာ ကြ်န္ေတာ္ကံေကာင္းတယ္ဆုိရမယ္။ ေန႕လည္စာမစားခင္ နဲ႕ ေနာက္ပိုင္းအခ်ိန္ေတြမွာ နည္းပညာနဲ႕ဆိုင္တဲ႕သတင္းေတြကိုစုစည္းထားတဲ႕ Tech News ေတြပါတဲ႕ Mp3 ေပါ႕ကဒ္ - Podcast ေတြကို အျမဲမသံုးတဲ႕ဖုန္းတစ္လံုးကေန ေန႕တစ္ဝက္ၾကာေအာင္နားေထာင္ပါတယ္။ အဲဒါေတြျပီးရင္ ဘဝအတြက္တိုးတက္မႈအေတြးအေခၚေတြေပးႏုိင္မယ္႕ Motivational Speaker ေတြရဲ႕ Podcast ေတြကို နားၾကပ္တစ္ဖက္တပ္ထားျပီး အခ်ိန္ရသေလာက္နားေထာင္ပါတယ္။
.
.
. ေနာက္ျပီး ကိုရဲျမတ္သူ Ye Myat Thu တို႕ရဲ႕ေက်းဇူးေၾကာင္႕ ၾကိဳးမဲ႕စာရိုက္တဲ႕ - Wireless Keyboard ေလးနဲ႕ခ်ိတ္ဆက္ရတဲ႕ေဆာ႕ဝဲလ္ေလးရျပီးတဲ႕အခါ ဖုန္းမွာစာရို္က္ဖို႕ ကီးဘုတ္လက္ကြက္ေတြဟာ အဆင္ေျပလာေတာ႕ ကားနဲ႕တစ္ေနရာသြားရင္း အားတဲ႕အခါ ဖုန္းထုတ္စာရိုက္ရတာ ျမန္လာတယ္။ ညေနဘက္ ကြ်န္ေတာ္ခ်စ္ရတဲ႕မိသားစုနဲ႕ေနရတဲ႕အခါမွာလည္း ကြန္ပ်ဴတာေရွ႕ေရာက္ေနတာျဖစ္လို႕ သတ္သတ္မွတ္မွတ္စာေရးတာထက္စာရင္ အားေနရင္းနဲ႕ကို စာေရးေနတယ္ဆိုတာ ပိုမွန္ပါတယ္။ ဒါေၾကာင္႕ ကြန္ေတာ္မနားရဘူးလို႕ထင္ရင္ မမွန္ပါဘူး . . ကြ်န္ေတာ္ နားရပါတယ္။ မအားတာက ကြ်န္ေတာ႕ရဲ႕စိတ္ပါ။
.
. ဘယ္ေနရာသြားေနေန၊ ဘာလုပ္ေနေန ကြ်န္ေတာ႕စိတ္က အျမဲေတြးေနတယ္။ ဒါေၾကာင္႕ စိတ္ထဲမွာ အေၾကာင္းအရာ - Fact ၊ အေတြးအေခၚ - Idea နဲ႕ ဇာတ္လမ္း - Stories ေတြက စိတ္ထဲမွာ အျမဲလိုလိုျပည္႕ေနတယ္။ ဒါေတြကို ကြ်န္ေတာ္သြန္ထုတ္ပစ္မွ ရလိမ္႕မယ္။ ဒါေၾကာင္႕ ကြ်န္ေတာ္စာေရးတယ္။ ေနာက္ပိုင္း စာဖတ္ဖို႕အခ်ိန္ခက္ခဲတဲ႕အခါ ဖတ္ျပီးသူေတြကုိေမးဖို႕အၾကံရတယ္။ ဒါေၾကာင္႕ အခု "ခ်န္နယ္" ကုိ စတင္ျပီး အင္တာဗ်ဴးေတြ လုပ္ျဖစ္လာတယ္။ တခါတခါဆိုရင္ စိတ္ထဲမွာ စီကာ စဥ္ကာ ဖြဲ႕ႏြဲ႔သီကံုးေနတာေတြက ဇာတ္ဝင္ခန္းတစ္ခန္းရိုက္လို႕ရေလာက္ေအာင္ ဇာတ္ညႊန္းၾကီးတစ္ပုဒ္ျဖစ္လို႕ေနတတ္ပါတယ္။
.
.
. ကြ်န္ေတာ္က ကြန္ပ်ဴတာကီးဘုတ္နဲ႕စာရုိက္မွျမန္တဲ႕သူတစ္ေယာက္ပါ။ ျမန္မာစာရိုက္လြန္းလို႕ အဂၤလိပ္စာလက္ကြက္ေတြကို အခုထိအလြတ္မရေသးပါဘူး။ ဖုန္းနဲ႕စာရိုက္ရတာလည္း iPhone မွာပါတဲ႕ကီးဘုတ္က ကန္႕သတ္ခ်က္ေတြမ်ားျပီး မ်က္ႏွာျပင္အထိအေတြ႕က အတိမ္းအေစာင္းမခံလို႕ သိပ္မသံုးျဖစ္ပါ။ ဒါေၾကာင္႕ Android စံနစ္သံုး ဒုတိယဖုန္းရဲ႕ စာရုိက္တဲ႕ကီးဘုတ္ကိုအားကိုးျပီး ကြ်န္ေတာ႕ရဲ႕လုပ္ေဆာင္စရာေတာ္ေတာ္မ်ားမ်ားကို လက္ကိုင္ဖုန္းကေနလုပ္ေဆာင္ျပီး ကြ်န္ေတာ႕ရဲ႕အခ်ိန္ေတြကုိ စီမံခန္႕ခြဲပါတယ္။
.
. စာေရးဖို႕ဆိုရင္ ဖုန္းမ်ိဳးစံုကပါလာတဲ႕ Notes ေတြကို ကြ်န္ေတာ္အားမကိုးပါ။ Google အေကာင္႕တစ္ခုရွိရင္ အခမဲ႕ရတဲ႕ Google Keep ကိုသံုးရင္း ကြန္ပ်ဴတာကေန လက္ကိုင္ဖုန္း၊ လက္ကိုင္ဖုန္းကေန ၾကိဳက္တဲ႕ကြန္ပ်ဴတာ ၾကိဳက္သလို တည္းျဖတ္ - Edit လုပ္ႏုိင္တဲ႕အျပင္ ဓါတ္ပံုသိမ္းလို႕လြယ္သလို ကြ်န္ေတာ္မွတ္ထား ေရးထားသမွ်ကုိ အလြယ္တကူျပန္ရွာႏုိင္လို႕ ၾကိဳက္ပါတယ္။
.
.
. ဓါတ္ပံုဆိုရင္ ဖုန္းထဲကရိုက္ထားသမွ်ကို Google Photo မွာ Backup လုပ္ၿပီး တက္သိမ္းပါတယ္။ ဒီလုိပဲ ဖုန္းထဲကအဆက္အသြယ္အားလံုးကုိ အီးေမးလ္နဲ႕ခ်ိတ္ဆက္ျပီး သိမ္းတယ္။ ေနာက္ ေရးထားသမွ်စာေတြကို Word File နဲ႕ သိမ္းျပီး Google Drive (ေနာက္ပိုင္း Google One ဟု အမည္ေျပာင္းေတာ႕မည္) မွာ အံဆြဲေတြခြဲျပီး သိမ္းဆည္းပါတယ္။ ကြ်န္ေတာ္နဲ႕ဆိုင္တဲ႕ စာရင္းဇယားေတြမွတ္ဖို႕ စာရြက္မထားေတာ႕ပါဘူး။ Google Sheets တစ္ခုက်က်နနဆြဲ၊ တြက္ခ်က္မႈပံုေသနည္း - Formula ေတြသြင္းျပီး ဖုန္းထဲကေန ကိန္းဂဏန္းရိုက္သြင္းရံုနဲ႔ တန္းၿပီးအေျဖထြက္ေအာင္္ လုပ္ထားပါတယ္။
.
. ကိုုယ္တစ္ခုေလ႕လာစရာရွိရင္ YouTube ကေန ရွာရတာလြယ္ေပမယ္႕ Facebook သံုးရင္းေတြ႔ထားတဲ႕စာ၊ ဗီဒီယုိလင္႕ေတြကိုေတာ႕ Facebook ရဲ႕ အသံုးဝင္တဲ႕ Feature ျဖစ္တဲ႕ Saved ဖိုဒါမွာျပန္ရွာျပီး ျပန္ၾကည္႕၊ ျပန္ဖတ္၊ ျပန္ဖ်က္ပါတယ္။ တစ္ခုအားနည္းခ်က္ရွိတာက ညအိပ္တဲ႕အခါ ဖုန္းပိတ္ျပီး မအိပ္ႏုိင္ေသးတာပါပဲ။ ဘယ္ေနရာကေန ဘယ္လိုအေရးၾကီးတဲ႕ေခၚဆိုမႈေတြရွိမလဲဆိုတာက အိပ္မက္တေစၱေခ်ာက္ခံေနရတာကိုေတာ႕ ဝန္ခံရပါမယ္။
.
.
. လူေတြဟာ ကိုယ္႕ရဲ႕အခ်ိန္ကိုအက်ိဳးရွိေအာင္သံုးမသံုးဆိုတာက "မ်က္ႏွာျပင္ - Screen ေတြေရွ႕ေရာက္တဲ႕အခါ ဘာလုပ္သလဲ" ဆိုတာနဲ႕ တုိင္းတာရမယ္႕ကိန္းဆိုက္ရေလာက္ေအာင္ လက္ကိုင္ဖုန္းေတာ္လွန္ေရးက ကမၻာရဲ႕ေခ်ာင္ၾကိဳေခ်ာင္ၾကားေလးပါမက်န္ ေျမလွန္ရုိက္ခတ္ေမႊေႏွာက္ေနပါတယ္။
.
. ဒါကို "ငါအလုပ္မျပီးဘူး" (ဘယ္ျပီးမလဲ - အေရးၾကီးတာကိုအရင္ျပီးေအာင္မွမလုပ္ဘဲ) ၊ "အခ်ိန္မေလာက္ဘူး" (ဘယ္ေလာက္မလဲ - ေပးတဲ႕အခ်ိန္မွာျပီးေျမွာက္ေအာင္မွမလုပ္ဘဲ) ၊ "မနားရဘူး" (ဘယ္နားရမလဲ - နားရမယ္႕အခ်ိန္မွာမ်က္ႏွာျပင္ - Screen နားကမွ မခြာတာ) ၊ "မလုပ္တတ္ဘူး" (ဘယ္လုပ္တတ္မလဲ - သင္မွမသင္ယူခ်င္တာ) ၊ "စိတ္မနားရဘူး" (ဘယ္နားရမလဲ - စိတ္ေပ်ာ္တာေတြကုိမွေရြးမလုပ္တာ) ၊ "စိတ္ညစ္တယ္" (စိတ္ညစ္မွာေပါ႕ - Facebook ဒီေလာက္သံုးေနတာ . . အက်ိဳးရွိတာေတြကုိမွမေလ႕လာဘဲ) လို႕သာ အားနာနာနဲ႕ဆတ္ဆတ္ကေလး တုိ႕လုိက္ပါရေစ။
.
.
. ကြ်န္ေတာ္အားက်ရတဲ႕ ပညာတတ္လူငယ္ေလးေရ။ ငါ႕တူရဲ႕ေမးခြန္းကိုေျဖရင္း ေျဖရင္းနဲ႕ နယ္ပယ္ကက်ယ္သြားလို႕ လိုရင္းမေရာက္ရင္ စိတ္မဆိုးပါနဲ႕။ ဘဝဆုိတာ ကိုယ္႕ေမးခြန္းကိုေျဖမယ္႕သူေတြနဲ႕ခ်ည္း ျပည္႕ႏွက္ေနတာမွမဟုတ္တာပဲေနာ္။ ငါ႕တူေမးတဲ႕ေမးခြန္းေတြရဲ႕အေျဖမရလို႕ ဦးညီ ကုိ ေဗြမယူပါနဲ႕။ ေပးထားခ်က္မတူတဲ႕ဘဝရဲ႕တစ္ခ်ိဳ႕ပုစာၦေတြက ကိုယ္႕ပံုေသနည္းနဲ႕ကိုယ္တြက္ရတာေတြပါတတ္တာ သဘာဝပါ။
.
. မိမိဘဝကို ေမးခြန္းသတ္တဲ႕စာေမးပြဲလို႕မျမင္ပဲ စာစစ္သူတုိ႕အၾကိဳက္ကို မိမိရဲ႕ပညာနဲ႕ခ်ဲ႕ထြင္ေတြးေခၚတတ္မွသာ ေအာင္ျမင္ရာလို႕ မွတ္သားေပးရင္ပဲ ေက်နပ္လွပါျပီ။ ေမးခြန္းေတြအတြက္ ေက်းဇူးတင္ပါတယ္။
.
. ခင္လ်က္
.
. ကိုညီညီ (ေတာင္ၾကီး)
. 06-10-2018
.
(ပံုကို Pencell Studio Page မွ ယူသံုးပါသည္)
.
Unicode Version:
.
.
. "အချိန်ကိုစီမံခန့်ခွဲခြင်းနှင့်အမေရိကားရောက်တစ်နေ့တာ"
. ကျွန်တော် အင်မတန်လေးစားရတဲ့လူငယ်ပညာတတ်တစ်ယောက်က (သူ့အဆင့်၊ သူ့ပညာ၊ သူ့အရေး၊ သူ့အတွေး နဲ့ မလိုအပ်ပါပဲ) ကျွန်တော့ရဲ့ "Time Management အကြောင်း နဲ့ အမေရိကားမှာ နေထိုင်နေသူတွေရဲ့ Time နဲ့ ပတ်သက်တဲ့ Culture အကြောင်း" ခေါင်းစဉ်နဲ့တစ်ပုဒ်လောက် သူဖတ်ချင်လို့ ရေးပေးပါလို့ တောင်းဆိုလာပါတယ်။
.
. အားမနာတမ်းဝန်ခံရရင် လူတွေဟာ နောက်လူတစ်ယောက်ကို ကိုယ့်ထက်အလုပ်များသလောက် အလုပ်ပြီးမြောက်တယ်၊ အကျိုးရှိရှိအသုံးချတတ်တယ်၊ ကုန်ပစ္စည်းပိုထွက် - Productive ဖြစ်တယ်လို့ ပိုပိုသာသာထင်မှတ်ယူတတ်ပြီး မိမိမှာတော့ အားနည်းချက်တစ်ခုခုရှိနေလောက်တယ် . . ဒါကို မသိဘူးလို့ထင်နေတတ်ကြတယ်။ ထိပ်ဆုံးအနေနဲ့ အဲဒီလူငယ်လေးပေးတဲ့ခေါင်းစဉ်ကိုကျေးဇူးတင်ကြောင်းပြောကြားရင်း သူပေးတဲ့တာဝန်ကိုကျေလည်အောင်မရှင်းပြနိုင်ရင် စာရေးသားသူ ကျွန်တော့ရဲ့အားနည်းချက်ကိုသာ ပြင်းပြင်းထန်ထန်ဝေဖန်ပါလို့ တောင်းပန်ထားပါရစေ။
.
.
. ဒီနေရာမှာ အရင်တုန်းကလိုအင်တာနက်ကနေ တစ််ခုသွားရှာ၊ ဖတ်ကြည့်၊ ဘာသာပြန်ပြီးကောင်းနိုးရာရာလျှောက်ရေး၊ ဖတ်တဲ့သူတွေကသဘောကျ၊ ရှယ် . . မြှောက်ပင့်ပြောဆို . . ဒီလိုထက်စာရင် လက်ဘက်သုပ်ကောင်းကောင်းတစ်ပွဲစားရဖို့ ကိုယ်ကြိုက်တဲ့အရသာနဲ့ ပါဝင်တဲ့ အရွက်၊ လက်ဘက်၊ အကြော်အလှော်၊ ငြုပ်သီး ပစ္စည်းပစ္စယတွေရဲ့အချိုးအစားညီမျှမှုနဲ့အတူ ပေါင်းစပ်သူရဲ့လက်ရာတို့ကိုအလေးထားတတ်တဲ့စာဖတ်သူတွေအတွက် အသုံးတည့်မယ့်ကိစ္စရပ်တွေကိုစုစည်းပြောပြသွားဖို့စီစဉ်ထားပါတယ်။ ဒီအထဲမှာ ကျွန်တော်တစ်သက်လုံးကြိုက်နှစ်သက်လာတဲ့စကားစုလေးတွေရဲ့ကျယ်ပြန့်တဲ့အဓိပ္ပာယ်ဖွင့်ဆိုချက်တွေရဲ့အခန်းကဏ္ဍကလည်း အရေးပါလာနိုင်ပါတယ်။
.
. အမေရိကန်လူမျိုးတွေဟာ တစ်ပတ်မှာ (၂) ရက်ပဲအသက်ရှင်ရသလိုမျိုး သီတင်းပတ်ရဲ့သောကြာနေ့ညနေမှ သူတို့ဟာ နိုးထလာကြပါတယ်။ တစ်ပတ်ကို (၅) ရက်အလုပ်လုပ်ရတဲ့အချိန်က သူ့ဟာသူကုန်သွားလိမ့်မယ်။ ကိုယ်စိတ်ပါသည်ဖြစ်စေ . . စိတ်မပါသည်ဖြစ်စေ (ဝန်ထမ်းဦးရေများသည့်နိုင်ငံဖြစ်သည်နှင့်အားလျော်စွာ) (၁) ရက် ကို (၈) နာရီ၊ တစ်ပတ်လုံးကို နာရီ (၄ဝ) ဘယ်လိုပြဿနာမှ မဖြစ်ချင်ပါဘူး။ နောက်တစ်ခုရှိသေးတယ် . .။
.
.
. အနောက်နိုင်ငံရဲ့ဘာသာရေးကိုဝေဖန်တာမျိုးမဟုတ်ပါပဲ သူတို့လက်ခံထားတဲ့"ဘဝဆိုတာတိုတိုလေးပါ။ ဒါကြောင့် သင့်ရဲ့ဘဝကို ကောင်းမွန်စွာနေထိုင်ပါ - Life is Too Short. So Dear, Live Your Life" ဆိုတဲ့စကားကိုလက်ကိုင်ထားကြသူတွေဖြစ်ကြလို့ တစ်ပတ်လုံးကြုံလာတဲ့အခက်အခဲတွေကို စိတ်ရှည်ရှည်ဖြေရှင်းကြပါတယ်။ အစည်းအဝေးမှာသဘောထားကွဲချင်ကွဲမယ် . . ရန်မဖြစ်ကြဘူး။ အလုပ်မှာအမှားတွေ့ချင်တွေ့မယ် . . ပြဿနာမရှာဘူး။ လုပ်ဖော်ကိုင်ဘက်အချင်းချင်းမသင့်မမြတ်ဖြစ်မယ် . . ကိုယ်ထိလက်ရောက်မလုပ်ကြဘူး။
.
. သာမန်ကြည့်လိုက်ရင်တော့ စာဖတ်သူတွေက "ငါတို့လည်း ဒီလိုနေနေတာပဲလေ" လို့ထင်ကြမယ်။ ဒါပေမယ့် သူတို့ထားတဲ့စိတ်က ပိုရှင်းတယ်၊ ပိုပြတ်သားတယ်။ ဘာဖြစ်လို့လည်းစဉ်းစားကြည့်လေ။ အစည်းအဝေးမှာသဘောထားကွဲလို့ရန်ဖြစ်နေရင် . . အလုပ်ထဲမှာအမှားတွေ့လို့ ပြဿနာထရှာနေရင် . . လုပ်ဖော်ကိုင်ဘက်အချင်းချင်းမသင့်မမြတ်ဖြစ်လို့ တစ်ယောက်နဲ့တစ်ယောက် အလုပ်စည်းကျော်၊ လူ့ကျင့်ဝတ်ကျော်ပြီး မဆိုင်ပဲနဲ့ ကျော်-ခွ-ထ-သတ်နေကြရင် . . သူတို့မျှော်လင့်ထားတဲ့ မူးယစ်ရီဝေတဲ့သောကြာနေ့ည၊ လင်းလက်တောက်ပြောင်တဲ့စနေနေ့အလှ နဲ့ မိသားစုဝင်တို့ဆုံစည်းရာ တနင်္ဂနွေနေ့တို့ရဲ့ပျော်ရွှင်ရာခဏတွေကို စတေးလိုက်ရမှာ သိကြလို့ပါပဲ။
.
.
. ဒါကြောင့် အစည်းအဝေးမှာသဘောထားကွဲလွဲရင် မတူတဲ့အကြံတွေကို ဝိုင်းစဉ်းစားကြတယ်။ အလုပ်ထဲမှာအမှားတွေ့ရင် ကုမ္ပဏီကချမှတ်ထားတဲ့လမ်းစဉ်ကိုလျှောက်ပြီး ပြဿနာမရှာ - အဖြေဝိုင်းရှာကြတယ်။ လုပ်ဖော်ကိုင်ဘက်အချင်းချင်းမသင့်မမြတ်ဖြစ်ရင် ထိပ်ဆုံး အလုပ်သမားခေါင်းဆောင်ကိုပြော၊ နောက် . . အုပ်ချုပ်ရေးမှူး - Supervisor ကို ပြော၊ ဒီကနေ မပြီးသေးရင် လူ့အရင်းအမြစ်ထိန်းချုပ်ရေး - Human Resources ကို ပြော စသဖြင့် သူတို့ရဲ့သီတင်းပတ်ကုန်ချောသပ်ရပ်စွာထွက်ရှိလာဖို့ အကောင်းမွန်ဆုံးထုတ်လုပ်ကြပါတယ်။
.
. အမေရိကန်တွေရဲ့တစ်ရက်အလုပ်ချိန်ကိုစီမံခန့်ခွဲတဲ့အခါ "အီးမေးလ်နှင့်ဆက်သွယ်ခြင်း - Corporate Email" ဟာ တော်တော်အရေးပါပါတယ်။ ဋ္ဌာနတစ်ခုနဲ့တစ်ခု ခိုင်းစေတဲ့အခါလိုက်နာကြတဲ့ကျင့်ဝတ် - Email Etiquette ၊ အစည်းအဝေးချိန်းဆိုတဲ့အခါ - Send Invite ၊ ပြက္ခဒိန်သုံးပြီးရက်ချိန်းတွေကိုသိမ်းထားရတဲ့အခါ - Calendar ၊ ဘာမဆို မှတ်သားဖို့လိုတဲ့အခါ - Taking Notes ၊ အစည်းအဝေးမှာ လူအများကိုတင်ပြဖို့လိုတဲ့အခါ အုပ်စုလိုက်မျှသုံးတဲ့ Google Slide, Google Spread Sheets နဲ့ Google Doc တို့က ခုံပေါ်မှာတင်ထားတဲ့ကွန်ပျူတာကအလုပ်တွေကို လက်ကိုင်ဖုန်းမှာလုပ်တဲ့အဆင့်အထိ ချုံ့ပစ်နိုင်တာက အင်မတန်အရေးပါတာကို သင်ယူမိတယ်။
.
.
. နောက်တစ်ခုက ဘာမဆို လိုက်ရေးမှတ်ပြီး အရေးကြီးတဲ့စာရွက်တွေကိုသိမ်းဆည်းတဲ့အလုပ်ကို စာရွက်စာတမ်းဋ္ဌာန - Document Services သတ်သတ်မှတ်မှတ်ထားရှိတာ သိပ်ကောင်းတယ်။ ကုမ္ပဏီ (သို့မဟုတ်) လုပ်ငန်းခွင်တစ်ခုလုံးရဲ့ မှီငြမ်းရမယ့် SOP - Standard Operation Procedure ၊ အလုပ်လုပ်ပုံလုပ်နည်းလမ်းညွှန်ဖြစ်တဲ့ WI - Work Instruction နဲ့ လုပ်ငန်းခွင်လိုက်နာရန်မူဝါဒ - Policy တွေကို ဆာဗာ - Server အကြီးကြီး နဲ့ မှတ်ဉာဏ် - Memory အများအစားခံထားပြီး ကွန်ယက် - Networking နဲ့ ချိတ်ဆက်ကာ ကွန်ပျူတာတွေအပေါ် Pdf ဖိုင် - Portable Document Format နဲ့ ဘယ်သူမဆိုဖွင့်ကြည့်နိုင်အောင်စီမံလိုက်တဲ့အခါ လုပ်ငန်းက ပုံမှန်ထက် (၂) ဆ လောက်မြန်ဆန်သွားပါတယ်။
.
. လူတွေရဲ့လက်ထဲကိုရောက်လာတဲ့ ဆဲလ်ဖုန်းဟာ ပွတ်တိုင်းမကောင်းဘူးလို့ ကံသေကံမ ဘယ်သူက ပြောပါသလဲ? လက်ကိုင်ဖုန်းကနေ အီးမေးလ်အကြောင်းပြန်၊ ကိုယ့်အောက်ကလူကို လမ်းညွှန်ချက်ပေး၊ လူကိုယ်တိုင်မသွားနိုင်တဲ့ အစည်းအဝေးကို Skype ကနေ Conferencing တက်ရောက်၊ မှတ်သားထားစရာပေါ်လာလို့ ဘောပင်မပါရင် ဓါတ်ပုံရိုက်ယူ၊ လုပ်ဖော်ကိုင်ဘက်အချင်းချင်း သက်သေလုပ်ဖို့ Email Attachment အဖြစ် တွယ်ချိတ်နဲ့ပို့ . . အဲဒါတွေက သူတို့အလုပ်လုပ်နေတာပါ။
.
.
. ဒီကြားထဲ ဆေးခန်းရက်ချိန်းရှိလို့ ဖုန်း ပြက္ခဒိန် - Calendar ကနေ Reminder နိုးစက်ပေးထား၊ လမ်းမှာဆေးရုံသွားနေရင်း ကားလမ်းပိတ်လို့နောက်ကျနေရင် ဖုန်းဆက်ပြောကြား၊ ကားမောင်းနေရင်း သူများကား မတော်တဆထိခိုက်မှုဖြစ်လို့ လမ်းပိတ်နေရင် လမ်းလွှဲကနေမောင်းဖို့ Google Maps ၊ Waze Navigation တို့ကို ခိုင်းစေထား . . ဒါတွေအားလုံးဟာ အင်တာနက်ရှိရင် မိတ်ဆွေတို့ရဲ့လက်ကိုင်ဖုန်းမှာ လိုက်လုပ်၊ လိုက်အတုယူ၊ လိုက်ကျင့်ကြံပြီး မိမိရဲ့တစ်နေ့တာအချိန်တွေကို ခပ်စိပ်စိပ် ခပ်သွက်သွက် မသုံးစွဲနိုင်တာ မဟုတ်ပါဘူး။
.
. ကျွန်တော် အစက ဒါတွေမသိခဲ့ဘူး။ အခုဒီဘက်မြေမှာနေတုန်း ဖုန်း (၂) လုံးကိုင်တော့ အမေရိကန်တွေက ရီကြတယ်။ သူတို့က မြန်မာနိုင်ငံသားတွေ လူတစ်ယောက်ကို ဖုန်း (၃) လုံး ဖြစ်နေကြတာ သိမှမသိကြပဲကိုး။ ထားလိုက် . . ရီပါစေတော့။ ကျွန်တော့အတွက် ပြေလည်မှုက ဖုန်း (၂) လုံးကို ရင်းထားရတာထက်တန်ဖိုးရှိပါတယ်။
.
.
. မနက်စောထဖို့ နှိုးစက်ကို ဖုန်း (၂) လုံးကို (၂) မိနစ်ခြားပြီးပေးထားပါတယ်။ အဝေးက ထပိတ်မှရမယ့် ပထမတစ်လုံးအော်ပြီးပြန်အိပ်ပျော်သွားရင် နောက်တစ်လုံးက ဆက်နှိုးနေအောင်လို့ပါ။ အလုပ်ကိုရောက်ဖို့ကားမောင်းရတဲ့ (၁၅) မိနစ်မှာ တရားတစ်ပုဒ်နာသွားပါတယ်။ အလုပ်တက်တဲ့ ပထမအားလပ်ချိန် - First Break မရောက်ခင်မှာ နိုင်ငံတကာ နဲ့ မြန်မာနိုင်ငံနဲ့အဆက်မပြတ်အောင် BBC,VOA နဲ့ RFA တို့ကို ပြီးအောင်နားထောင်ပါတယ်။
.
. ကျွန်တော့အလုပ်က တယ်လီဖုန်းကနေ နားတစ်ဖက် နားကြပ်တပ်နားထောင်တာကိုလက်ခံတာ ကျွန်တော်ကံကောင်းတယ်ဆိုရမယ်။ နေ့လည်စာမစားခင် နဲ့ နောက်ပိုင်းအချိန်တွေမှာ နည်းပညာနဲ့ဆိုင်တဲ့သတင်းတွေကိုစုစည်းထားတဲ့ Tech News တွေပါတဲ့ Mp3 ပေါ့ကဒ် - Podcast တွေကို အမြဲမသုံးတဲ့ဖုန်းတစ်လုံးကနေ နေ့တစ်ဝက်ကြာအောင်နားထောင်ပါတယ်။ အဲဒါတွေပြီးရင် ဘဝအတွက်တိုးတက်မှုအတွေးအခေါ်တွေပေးနိုင်မယ့် Motivational Speaker တွေရဲ့ Podcast တွေကို နားကြပ်တစ်ဖက်တပ်ထားပြီး အချိန်ရသလောက်နားထောင်ပါတယ်။
.
.
. နောက်ပြီး ကိုရဲမြတ်သူတို့ရဲ့ကျေးဇူးကြောင့် ကြိုးမဲ့စာရိုက်တဲ့ - Wireless Keyboard လေးနဲ့ချိတ်ဆက်ရတဲ့ဆော့ဝဲလ်လေးရပြီးတဲ့အခါ ဖုန်းမှာစာရို်က်ဖို့ ကီးဘုတ်လက်ကွက်တွေဟာ အဆင်ပြေလာတော့ ကားနဲ့တစ်နေရာသွားရင်း အားတဲ့အခါ ဖုန်းထုတ်စာရိုက်ရတာ မြန်လာတယ်။ ညနေဘက် ကျွန်တော်ချစ်ရတဲ့မိသားစုနဲ့နေရတဲ့အခါမှာလည်း ကွန်ပျူတာရှေ့ရောက်နေတာဖြစ်လို့ သတ်သတ်မှတ်မှတ်စာရေးတာထက်စာရင် အားနေရင်းနဲ့ကို စာရေးနေတယ်ဆိုတာ ပိုမှန်ပါတယ်။ ဒါကြောင့် ကွန်တော်မနားရဘူးလို့ထင်ရင် မမှန်ပါဘူး . . ကျွန်တော် နားရပါတယ်။ မအားတာက ကျွန်တော့ရဲ့စိတ်ပါ။
.
. ဘယ်နေရာသွားနေနေ၊ ဘာလုပ်နေနေ ကျွန်တော့စိတ်က အမြဲတွေးနေတယ်။ ဒါကြောင့် စိတ်ထဲမှာ အကြောင်းအရာ - Fact ၊ အတွေးအခေါ် - Idea နဲ့ ဇာတ်လမ်း - Stories တွေက စိတ်ထဲမှာ အမြဲလိုလိုပြည့်နေတယ်။ ဒါတွေကို ကျွန်တော်သွန်ထုတ်ပစ်မှ ရလိမ့်မယ်။ ဒါကြောင့် ကျွန်တော်စာရေးတယ်။ နောက်ပိုင်း စာဖတ်ဖို့အချိန်ခက်ခဲတဲ့အခါ ဖတ်ပြီးသူတွေကိုမေးဖို့အကြံရတယ်။ ဒါကြောင့် အခု "ချန်နယ်" ကို စတင်ပြီး အင်တာဗျူးတွေ လုပ်ဖြစ်လာတယ်။ တခါတခါဆိုရင် စိတ်ထဲမှာ စီကာ စဉ်ကာ ဖွဲ့နွဲ့သီကုံးနေတာတွေက ဇာတ်ဝင်ခန်းတစ်ခန်းရိုက်လို့ရလောက်အောင် ဇာတ်ညွှန်းကြီးတစ်ပုဒ်ဖြစ်လို့နေတတ်ပါတယ်။
.
.
. ကျွန်တော်က ကွန်ပျူတာကီးဘုတ်နဲ့စာရိုက်မှမြန်တဲ့သူတစ်ယောက်ပါ။ မြန်မာစာရိုက်လွန်းလို့ အင်္ဂလိပ်စာလက်ကွက်တွေကို အခုထိအလွတ်မရသေးပါဘူး။ ဖုန်းနဲ့စာရိုက်ရတာလည်း iPhone မှာပါတဲ့ကီးဘုတ်က ကန့်သတ်ချက်တွေများပြီး မျက်နှာပြင်အထိအတွေ့က အတိမ်းအစောင်းမခံလို့ သိပ်မသုံးဖြစ်ပါ။ ဒါကြောင့် Android စံနစ်သုံး ဒုတိယဖုန်းရဲ့ စာရိုက်တဲ့ကီးဘုတ်ကိုအားကိုးပြီး ကျွန်တော့ရဲ့လုပ်ဆောင်စရာတော်တော်များများကို လက်ကိုင်ဖုန်းကနေလုပ်ဆောင်ပြီး ကျွန်တော့ရဲ့အချိန်တွေကို စီမံခန့်ခွဲပါတယ်။
.
. စာရေးဖို့ဆိုရင် ဖုန်းမျိုးစုံကပါလာတဲ့ Notes တွေကို ကျွန်တော်အားမကိုးပါ။ Google အကောင့်တစ်ခုရှိရင် အခမဲ့ရတဲ့ Google Keep ကိုသုံးရင်း ကွန်ပျူတာကနေ လက်ကိုင်ဖုန်း၊ လက်ကိုင်ဖုန်းကနေ ကြိုက်တဲ့ကွန်ပျူတာ ကြိုက်သလို တည်းဖြတ် - Edit လုပ်နိုင်တဲ့အပြင် ဓါတ်ပုံသိမ်းလို့လွယ်သလို ကျွန်တော်မှတ်ထား ရေးထားသမျှကို အလွယ်တကူပြန်ရှာနိုင်လို့ ကြိုက်ပါတယ်။
.
.
. ဓါတ်ပုံဆိုရင် ဖုန်းထဲကရိုက်ထားသမျှကို Google Photo မှာ Backup လုပ်ပြီး တက်သိမ်းပါတယ်။ ဒီလိုပဲ ဖုန်းထဲကအဆက်အသွယ်အားလုံးကို အီးမေးလ်နဲ့ချိတ်ဆက်ပြီး သိမ်းတယ်။ နောက် ရေးထားသမျှစာတွေကို Word File နဲ့ သိမ်းပြီး Google Drive (နောက်ပိုင်း Google One ဟု အမည်ပြောင်းတော့မည်) မှာ အံဆွဲတွေခွဲပြီး သိမ်းဆည်းပါတယ်။ ကျွန်တော်နဲ့ဆိုင်တဲ့ စာရင်းဇယားတွေမှတ်ဖို့ စာရွက်မထားတော့ပါဘူး။ Google Sheets တစ်ခုကျကျနနဆွဲ၊ တွက်ချက်မှုပုံသေနည်း - Formula တွေသွင်းပြီး ဖုန်းထဲကနေ ကိန်းဂဏန်းရိုက်သွင်းရုံနဲ့ တန်းပြီးအဖြေထွက်အောင်် လုပ်ထားပါတယ်။
.
. ကိုုယ်တစ်ခုလေ့လာစရာရှိရင် YouTube ကနေ ရှာရတာလွယ်ပေမယ့် Facebook သုံးရင်းတွေ့ထားတဲ့စာ၊ ဗီဒီယိုလင့်တွေကိုတော့ Facebook ရဲ့ အသုံးဝင်တဲ့ Feature ဖြစ်တဲ့ Saved ဖိုဒါမှာပြန်ရှာပြီး ပြန်ကြည့်၊ ပြန်ဖတ်၊ ပြန်ဖျက်ပါတယ်။ တစ်ခုအားနည်းချက်ရှိတာက ညအိပ်တဲ့အခါ ဖုန်းပိတ်ပြီး မအိပ်နိုင်သေးတာပါပဲ။ ဘယ်နေရာကနေ ဘယ်လိုအရေးကြီးတဲ့ခေါ်ဆိုမှုတွေရှိမလဲဆိုတာက အိပ်မက်တစ္တေချောက်ခံနေရတာကိုတော့ ဝန်ခံရပါမယ်။
.
.
. လူတွေဟာ ကိုယ့်ရဲ့အချိန်ကိုအကျိုးရှိအောင်သုံးမသုံးဆိုတာက "မျက်နှာပြင် - Screen တွေရှေ့ရောက်တဲ့အခါ ဘာလုပ်သလဲ" ဆိုတာနဲ့ တိုင်းတာရမယ့်ကိန်းဆိုက်ရလောက်အောင် လက်ကိုင်ဖုန်းတော်လှန်ရေးက ကမ္ဘာရဲ့ချောင်ကြိုချောင်ကြားလေးပါမကျန် မြေလှန်ရိုက်ခတ်မွှေနှောက်နေပါတယ်။
.
. ဒါကို "ငါအလုပ်မပြီးဘူး" (ဘယ်ပြီးမလဲ - အရေးကြီးတာကိုအရင်ပြီးအောင်မှမလုပ်ဘဲ) ၊ "အချိန်မလောက်ဘူး" (ဘယ်လောက်မလဲ - ပေးတဲ့အချိန်မှာပြီးမြှောက်အောင်မှမလုပ်ဘဲ) ၊ "မနားရဘူး" (ဘယ်နားရမလဲ - နားရမယ့်အချိန်မှာမျက်နှာပြင် - Screen နားကမှ မခွာတာ) ၊ "မလုပ်တတ်ဘူး" (ဘယ်လုပ်တတ်မလဲ - သင်မှမသင်ယူချင်တာ) ၊ "စိတ်မနားရဘူး" (ဘယ်နားရမလဲ - စိတ်ပျော်တာတွေကိုမှရွေးမလုပ်တာ) ၊ "စိတ်ညစ်တယ်" (စိတ်ညစ်မှာပေါ့ - Facebook ဒီလောက်သုံးနေတာ . . အကျိုးရှိတာတွေကိုမှမလေ့လာဘဲ) လို့သာ အားနာနာနဲ့ဆတ်ဆတ်ကလေး တို့လိုက်ပါရစေ။
.
.
. ကျွန်တော်အားကျရတဲ့ ပညာတတ်လူငယ်လေးရေ။ ငါ့တူရဲ့မေးခွန်းကိုဖြေရင်း ဖြေရင်းနဲ့ နယ်ပယ်ကကျယ်သွားလို့ လိုရင်းမရောက်ရင် စိတ်မဆိုးပါနဲ့။ ဘဝဆိုတာ ကိုယ့်မေးခွန်းကိုဖြေမယ့်သူတွေနဲ့ချည်း ပြည့်နှက်နေတာမှမဟုတ်တာပဲနော်။ ငါ့တူမေးတဲ့မေးခွန်းတွေရဲ့အဖြေမရလို့ ဦးညီ ကို ဗွေမယူပါနဲ့။ ပေးထားချက်မတူတဲ့ဘဝရဲ့တစ်ချို့ပုစ္ဆာတွေက ကိုယ့်ပုံသေနည်းနဲ့ကိုယ်တွက်ရတာတွေပါတတ်တာ သဘာဝပါ။
.
. မိမိဘဝကို မေးခွန်းသတ်တဲ့စာမေးပွဲလို့မမြင်ပဲ စာစစ်သူတို့အကြိုက်ကို မိမိရဲ့ပညာနဲ့ချဲ့ထွင်တွေးခေါ်တတ်မှသာ အောင်မြင်ရာလို့ မှတ်သားပေးရင်ပဲ ကျေနပ်လှပါပြီ။ မေးခွန်းတွေအတွက် ကျေးဇူးတင်ပါတယ်။
.
. ခင်လျက်
.
. ကိုညီညီ (တောင်ကြီး)
. 06-10-2018