 |
| ဆောင်းပါးရှင် - ကိုညီညီ (တောင်ကြီး) |
ကျွန်တော့ ပို့စ်တစ်ခုအောက်မှာ တစ်မြို့တည်းသားမိတ်ဆွေတစ်ယောက်က "နားရင်းတွေး တွေးရင်းနား"
ဆိုတဲ့ မှတ်ချက်လေးလာရေးတဲ့နောက်မှာ "အတွေး" ကို ဋီကာချဲ့ဖို့ တွေးနေမိတယ်။
"လူတွေက ရယ်တတ်တယ် . . တိရိစ္ဆာန်တွေက မရယ်တတ်ဘူး" ဆိုတာကို ဆရာတော်ဘုရားတစ်ပါးကဟောကြားတာကိုနာယူမှတ်သားပြီးကတည်းက
ဒီ "အတွေး" ဆိုတာကို ရေးချင်နေတာ အခုအချိန်ဟာ သုတေသနလုပ်ဖို့ အချိန်ကောင်းပါပဲ။
.
.
အတွေးတွေနဲ့ကမ္ဘာ
.
ကျွန်တော်တို့တစ်နေ့တစ်ရက်ပိုင်နေတာ ကမ္ဘာကြီးတစ်ခုလုံးကို မဟုတ်ပါဘူး။ မျက်စိရှေ့ကဆိုရင်
အနီးအနားက (၅) ပေ လောက်၊ အဝေးကျရင် မျက်စိမမှုန်သလောက်အထိ ကိုက် (၁ဝဝ) လောက် မြင်လိုက်ရရုံလေးကို
ကိုယ်ပိုင်တယ်လို့ ထင်မှတ်တတ်ကြတယ်။
.
ကိုယ်မြင်တဲ့တံခါးကို နောက်တစ်ယောက်က ဖွင့်ဝင်သွားတာပဲ။ ကိုယ်မြင်လိုက်တဲ့ အစားအသောက်ကို
နောက်လူတစ်ယောက်က ငွေပေးပြီးဝယ်သွားကြတာပဲ။ ဒါဟာ ကိုယ်တကယ် မပိုင်ပါဘူး။ အချိန်အပိုင်းအခြားလေးတစ်ခုကိုသာမြင်လိုက်ရတာကို
ကိုယ်ပိုင်တယ်လို့လှည့်စားတတ်တဲ့အတွေးကိုသာမြင်လိုက်ရတာပါ။
.
ထိုနည်းတူစွာ သူငယ်ချင်းအများစုကိုတွေ့ရတဲ့ Facebook ကို ကိုယ်ပိုင်ဖြစ်တယ်လို့ ထင်ကြတယ်။
ဟိုတစ်ယောက် ဘာလုပ်ပြန်ပြီ၊ ဒီတစ်ယောက် ညာလုပ်ပြန်ပြီဆိုတာကို ပိုင်စိုးပိုင်နင်း ဝေဖန်ကြတယ်။
ဘာမှဖြစ်မလာမယ့်မှတ်ချက်တွေကို ဝင်ပေးကြတယ်။ "ငါပြောလိုက်တာ သူကြိုက်မှာပဲ"
ဆိုတဲ့အတွေးက ရေးသူရဲ့စိတ်ထဲမှာနေရာယူလိုက်တယ်။
.
မိတ်ဆွေတကယ်ပိုင်ဆိုင်လိုက်တာက သူငယ်ချင်းရဲ့စိတ် မဟုတ်ဘူး။ သူ့ရဲ့မှတ်ချက်လဲ မဟုတ်ဘူး။
သူပြောတဲ့အကြောင်းအရာလဲ မဟုတ်ဘူး။ သူ့ရဲ့ပိုင်ဆိုင်မှုပစ္စည်းဥစ္စာဆိုရင် ပိုလို့သာဆိုး
. . လုံးဝမဟုတ်ဘူး။ သူ့အကြောင်းကိုဝေဖန်လိုက်တဲ့ မိတ်ဆွေ့ "အတွေးရဲ့အတ္တ"
ကိုသာ ပိုင်ဆိုင်လိုက်တာပါ။
