" မတူတဲ့အသုံးအဆောင်တွေ " ( စက္ကူလိပ် )

ဆောင်းပါးရှင် - ကိုညီညီ ( တောင်ကြီး )

.

.

ပန်းသီးစက္ကူလိပ် ( ၁ဝ ) လိပ် ဘယ်ဈေးဖြစ်နေပါပြီလဲ? ရွှေဝါးစက္ကူလိပ် ရော သုံးနေကြပါသေးလား? လန်ဒန်စက္ကူလိပ် ရော အလိပ်သေးသွားပြီလား? မသုံးတာကြာလို့မေးကြည့်မိတာပါ။ ခက်တာက အိမ်မှာ ရေအိမ်သွားတဲ့ ဒီစက္ကူဟာ စားသောက်ဆိုင်ရောက်တော့ London စီးကရက်ကြော်ငြာဗူးထဲမှာ၊ Grand Royal အရက်ကြော်ငြာစက္ကူလိပ်ဗူးထဲမှာ တွေ့နေရ မြင်နေရတယ်။

.

ဘယ်နေရာမှာ ဘာစက္ကူသုံးဆိုတာ မခွဲထားတော့ နေရာတကာသုံးတဲ့ စက္ကူလိပ်ဘဝ ရောက်ကြရတာပေါ့။ ဈေးပိုယူတဲ့ အဆင့်မြင့်စားသောက်ဆိုင်တွေမှာ ပါးစပ်သုပ်တဲ့ စက္ကူခေါက်လေးတွေနဲ့ အဆင်ပြေနိုင်ပေမယ့် တစ်ချို့လက်ဘက်ရည်ဆိုင်တွေမှာဆို ညစ်ထေးနေတဲ့ လက်သုတ်ပုဝါ ကိုသာ မြင်ခဲ့ရသူအဖို့ အမြင်မဆန်းတော့ပါဘူး။

.

နယ်မြေခြားကို စရောက်ချိန် ကိုယ့်ချွေးနည်စာမြန်မာကျပ်ငွေကို ဒေါ်လာဖွဲ့ပြီးသုံးရတဲ့အခါ ဘယ်ပစ္စည်းကိုမှ မထိရက် မတို့ရက် ဖြစ်ရပါတယ်။ အထူးသဖြင့်  ငါတို့ မြန်မာနိုင်ငံမှာ ပါးစပ်သုတ်တဲ့ စက္ကူလိပ်ကို ဒီမှာ ရေအိမ်မှာသုံးတယ်ဆိုပြီး နှမြောလိုက်တဲ့ဖြစ်ခြင်း။ နောက်ပိုင်း ကိုယ်လည်းမနေသာတော့ သုံးရင်းကနေ ပါလာတဲ့ ငွေလည်း လုံးပါးပါးလာတဲ့အချိန်ကျမှ ကိုယ့်ပိုက်ဆံနဲ့ကိုယ် မဖြစ်မနေ ဝယ်ရပါတော့တယ်။ ဒီအခါကျမှ စက္ကူလိပ်ရဲ့ အခေါ်အဝေါ်သုံးစွဲပုံကို အသေးစိတ်လေ့လာမိတော့တယ်။

ကိုယ်တွေ့ Quality အကြောင်း ပြန်ပြောင်းတွေးမိသမျှ

ဆောင်းပါးရှင် - ကိုညီညီ ( တောင်ကြီး )

.

.

ဘယ်အရာကို အရည်အသွေးကောင်းတယ်၊ ဘယ်ပစ္စည်းကိုတော့ ကွာလတီကောင်းတယ် လို့ ခေါ်ကြတာလဲ? အမေးရှိသလို အဖြေလည်း ကွဲပြားမှုရှိပါတယ်။ ကုန်ပစ္စည်းအရည်အသွေးကို ကွာလတီကောင်းအောင် လူတွေက လုပ်ဆောင်နိုင်ပေမယ့် လူသားတွေ ကွာလတီကောင်းဖို့က " ကိုယ်ကျင့်သီလ " က သာလျှင် စွမ်းဆောင်နိုင်ပါတယ်။ ကျင်လည်ရာ ဘဝအခြေအနေများစွာကြားမှာ Quality Management အကြောင်း စာအုပ်စာပေတွေရဲ့ ရေးသားမှုတွေကို ဖတ်ဖူးတယ်။ တစ်ကယ့်လက်တွေ့ရင်ဆိုင်ရာမှာ သီအိုရီနဲ့ ဖြေရှင်းလို့မရတာ အများကြီးပါ။ ဒါကြောင့် စာအုပ်ထဲက ပညာရှိများရေးသားသလို ရှင်းပြ ရေးပြဖို့ ဥာဏ်မမှီတာကြောင့် ကြုံဖူးတဲ့ အတွေ့အကြုံများကိုသာ အနှစ်ချုပ် ပြောပြလိုပါတယ်။

.

.

၁ ။ အရည်အသွေးတူတာ Quality

.

ရိုးရိုးလေးပေမယ့် အဓိပ္ပာယ်နက်နဲပါတယ်။ အထူးသဖြင့် အနောက်နိုင်ငံတွေမှာ  ကောင်းလွန်းတဲ့ ပစ္စည်းကိုချည်း Quality ပစ္စည်း လို့ ခေါ်တာမဟုတ်ပါ။ အလယ်အလတ်တန်းစားပစ္စည်းလည်း အရည်အသွေးကောင်းတာတွေ ရှိပါတယ်။ ဥပမာ - ကိုကာကိုလာ တစ်ပုလင်းကို ဘယ်အချိန်သောက်သောက် အရသာ တူနေမယ်၊ စူးရှကာဗွန်ကပေးတဲ့ ပြင်းပျချိုမွေးအရသာ တူနေမယ်ဆိုရင် ဒါကို Quality ရှိတဲ့ ပစ္စည်းလို့ ယျေဘုယျ သတ်မှတ်ကြပါတယ်။

.

ဒီလိုမဟုတ်ပဲ တစ်ဗူးဗူးက အရသာပျက်နေမယ်၊ အရောင်ပြောင်းနေမယ်၊ မူရင်းစွမ်းဆောင်ချက်ကို မမှီဘူးဆိုရင် Quality မကောင်းဘူး ဖြစ်သွားနိုင်ပါတယ်။ ဒီလိုအဖြစ်အပျက်တွေ ဆက်တိုက်မပြတ် ဖြစ်လာရင် ကုမ္ပဏီက ကျော်ကြားမှု နဲ့Quality ကို ထိန်းတဲ့အနေနဲ့ ထိမိ ခိုက်မိတဲ့ ကုန်ပစ္စည်းအုပ်စု - Affected Lot ကို ပြန်သိမ်းဖို့ Recall ခေါ်ယူတဲ့ ပရိယာယ် နဲ့ ကယ်တင်ကြတယ်။