Multitasking နဲ့ ဆယ်ကျော်သက်

ဆောင်းပါးရှင် - ကိုညီညီ ( တောင်ကြီး )

.

.

တစ်ခုထက်များတဲ့ အမှုကိစ္စကို တစ်ပြိုင်တည်း လုပ်ဆောင်နိုင်တာကို ယျေဘုယျအားဖြင့် Multitasking လို့ခေါ်နိုင်ပါတယ်။ ဥာဏ်ရည်ဥာဏ်သွေး၊ အာရုံဖမ်းစားနိုင်မှု နဲ့ ဘဝပေးအခြေအနေများပေါ်အခြေခံပြီး စွယ်စုံလုပ်နိုင် မလုပ်နိုင် ဆိုတာ အကဲဖြတ်ကြပါတယ်။ ကျွန်တော် ကုန်သည်လုပ်နေတုန်းက ဆိုင်မှာဈေးရောင်းရင်း တယ်လီဖုန်းကို ပုခုံးစောင်းမှာချိတ်၊ ငွေရေတွက်၊ စာရင်းမှတ်၊ ဗောက်ချာဖွင့်၊ အလုပ်သမားတွေကိုညွှန်ကြား စသဖြင့် တစ်ယောက်တည်း စုံနေအောင်လုပ်နေခဲ့ရတဲ့ ဘဝမှာ ဒီ Multitasking အင်္ဂလိပ်စကားလုံးကို မသိသေးပါဘူး။ ဆိုလိုချင်တာက ဒီစာလုံးရဲ့ အနက်အဓိပ္ပာယ်ကို မသိသေးပဲ ဒီအလုပ်ကို ကြိုလုပ်မိနေတယ်လို့ပြောရင် မမှားပါဘူး။

.

.

ကျောင်းနေအရွယ်စာသင်တုန်းက သူငယ်ချင်းတစ်ယောက်အကြောင်းကို ပြောပြချင်တယ်။ ဆယ်ကျော်သက်အရွယ် ( ၉ ) တန်း ( ၁ဝ ) တန်း အတူတူတက်ခဲ့တဲ့ သူငယ်ချင်းပါ။ သိတဲ့အတိုင်း အလယ်တန်းကနေ အထက်တန်းကျောင်းကို ပြောင်းခါစ၊ ကြီးကြီးမားမားကျောင်းလည်း စရောက်ခါစ၊ ပြီးတော့ ယောက်ျားလေးလည်းဖြစ်ပြန်ဆိုတော့ အတန်းမှာ ဆရာ၊ ဆရာမ ပြောင်းတဲ့အခါကျရင် မျောက်ရှူံးအောင်ဆော့ကြတာပေါ့။

.

စာသင်မယ့် ဆရာ၊ ဆရာမ ရောက်လာမှ မီးကိုရေနဲ့ငြိမ်းသလို ရှဲကနဲ အသံတောင်မမြည်ပဲ တိတ်သွားကြတဲ့အချိန် လူကြီးတစ်ဖြစ်လဲ ကျွန်တော်တို့ ယောက်ျားလေး တစ်သိုက်ဟာ စာကို အရမ်းစိတ်ဝင်စားသလို ဟန်ဆောင်ကောင်းခဲ့ကြတယ်။ အဲဒီလောက်နားချိန်လေးမှာ စာကျက်၊ စာတွက်ပြီး ဆရာဝန်ဖြစ်လာတဲ့ သူငယ်ချင်းတစ်ယောက်ရဲ့ နာမည်က ဝင်းခိုင် ဖြစ်ပါတယ်။ အခုတော့ ခွဲစိတ်ပါရဂူကြီး ဒေါက်တာဝင်းခိုင် ဖြစ်နေပါပြီ။

.

.

သူဟာ အိမ်မှာ စာမကျက်ဘူးလို့ အမြဲပြောတယ်။ ဒါပေမယ့် တစ်ချို့ကြိတ်ကြိုးစားပြီး သူတစ်ပါးကို “ ဟေ့ကောင်တွေ၊ လုပ်မနေနဲ့၊ ငါတို့တော့ ဒါတွေလုံးဝမကျက်ဘူး ” လို့ ပြောပြီး ဆယ်တန်းလည်းပြီးရော စက်မှုတက္ကသိုလ် ရောက်သွားသူတွေလို စိတ်မပုတ်ပါဘူး။ သူများစာမသိရင်လည်း ရှင်းပြတယ်။ မတွက်တတ်တဲ့သချာင်္ဆိုရင်လည်း တွက်ပြတယ်။

.

ခုနကပြောသလို အတန်းနားတဲ့အချိန် ကျွန်တော်တို့ ကမျင်းကြောထနေတဲ့အချိ်န်မှာ သူ့ထိုင်ခုံရှေ့မှာ ကျက်စာ စာအုပ်နဲ့ တွက်စာ စာအုပ် ( ၂ ) အုပ် ဖွင့်လျက်ကလေး အမြဲချထားတယ်။ သူငယ်ချင်းတွေဆော့နေတုန်း ခေါင်းဝင်ပုတ်တာတို့၊ ပုဆိုးဝင်ဆွဲတာမျိုးကိုလည်း သူပါဝင်ဆင်နွှဲတယ်။ ပြီးရင် သူ့ခုံနေရာ သူပြန်လာထိုင်တယ်။ ခဲတံလေးနဲ့ ဟိုခြစ် ဒီခြစ် လုပ်ပြီး သူများပြောတာ လိုက်ရယ်တယ်။ နာသွားတဲ့ သူငယ်ချင်းတွေ့ရင်လည်း သူဝိုင်းဟားတာပါပဲ။ ပြီးရင် နေရာကို ပြန်လာပြန်တယ်။ ကျက်စာလေး တစ်ပိုဒ်လောက်ကို အသံမထွက်ပဲ  သူခိုးမျက်စောင်းနဲ့ စကင် - Scan ဖတ်တယ်။ မိနစ်ဝက်လောက်ကျရင် ထသွားပြန်ပြီ။ ခဏကြာတော့ ထပြီးဆော့ပြန်ရော။

.

ဒီလိုနည်းနဲ့ လူမမြင်အောင် စာကို ဘယ်လိုကျက်လိုက်မှန်းမသိအောင် ခွက်ပုန်းခုတ်လိုက်တဲ့ ဝင်းခိုင် ဟာ Multitasking ကို ပညာရေးမှာ ပိုင်ပိုင်နိုင်နိုင် အသုံးချသွားတယ်ဆိုတာ နောက်ပိုင်းမှာ ကျွန်တော် သိလိုက်ရတယ်။ တစ်စိမ့်စိမ့်ပြန်တွေးရင်း သိလာရတာက သူတစ်ပါးကို စာရှင်းပြတဲ့အချိန်မှာလည်း သူတစ်ခေါက် မှတ်မိတယ်။ စာမျက်နှာတွေကို Scan ဖတ်တဲ့အချိန်မှာလည်း သူ ထပ်မှတ်မိပြန်တယ်။ ဒါကြောင့် အထူးတလည် လူသိရှင်ကြား စာအော်ကျက်စရာ မလိုတော့ပါဘူး။

.

ကျွန်တော့တို့ iPhone လေးသုံးပြီး ဓါတ်ပုံလေး တစ်ပုံပြီးတစ်ပုံရွှေ့သလို Scan ဖတ်ထားတဲ့ စာမျက်နှာတွေ တစ်ခုပြီးတစ်ခု လိုသလို မျက်စိထဲပုံဖော်ပြီး Multitasker ဝင်းခိုင်တစ်ယောက် စာမေးပွဲခန်းထဲမှာ ဘယ်လိုဖြေခဲ့မယ်ဆိုတာ ကျွန်တော်မြင်ယောင်နေပါတယ်။

.

.

.

.

“ စွမ်း ” ဟာ အထက်တန်းကျောင်း ( ၂ ) နှစ်တက်လို့ ( ၁ဝ ) တန်း - 10 Grader ရောက်လာတဲ့အခါ အိမ်စာတွေ အင်မတန်များလာတယ်။ သချာင်္ နဲ့ စပိန်ဘာသာ အိမ်စာတွေက အချိန်အတိုအတွင်း ပြီးပေမယ့် အင်္ဂလိပ်စကားပြေ၊ ပြဇာတ် နဲ့ ကမ္ဘာ့သမိုင်းတွေက “ မင်း ဘယ်လိုထင်လဲ ” ဆိုတဲ့ Analysis တင်ရတာဆိုတော့ စာအုပ်ထူကြီးကို မဖတ်ပဲနဲ့ မရေးနိုင်ပါဘူး။ ဖြတ်လမ်းနည်းနဲ့ အင်တာနက်ပေါ်တက်ရှာလည်း ဖတ်စာအုပ်ထဲက စာသားပဲ ရှာတွေ့နိုင်တယ်။ ဒီတော့ သူခိုးနည်းလမ်း မရှိဘူး။ အမေရိကန်စတိုင် ကိုယ့်ဖာသာကိုယ်လုပ်ရမှာ အသေအချာပဲ။

.

ကျောင်းဖွင့်ရက် ( ၅ ) ရက်လုံး မနားရတဲ့ “ စွမ်း ” ဟာ သောကြာနေ့ရောက်ရင် ပင်ပန်းနေပါပြီ။ ပိုဆိုးတာက ဒီနှစ်မှာ အပြေးအားကစား ဝင်ပါထားတော့ ကျောင်းဆင်းချိန် လေ့ကျင့်ခန်းဆင်းရတဲ့အခါ အိမ်ပြန်ရောက်ချိန်နောက်ကျ၊ ဒီလို နဲ့ အိမ်စာလုပ်ချိန်နောက်ကျတဲ့အခါ အားလပ်ချိန် ဂိမ်းကစားဖို့မပြောနဲ့၊ ကွန်ပျူတာတောင် ကောင်းကောင်းမသုံးနိုင်ပါဘူး။ သောကြာနေ့မှာတင် ရှိတဲ့အိမ်စာ အကုန်ဖြတ်ဖို့ပြောတဲ့ အဖေကို ခုနက ကမ္ဘာ့သမိုင်းလို စာမျက်နှာ ( ၁ဝဝဝ ) ကျော်ရှိတဲ့ဘာသာဆို မပြီးနိုင်တဲ့အကြောင်း မျက်နှာသူငယ်လေးနဲ့ ရှင်းပြတယ်လေ။ ဒါဆို သူအိမ်စာတွေ ပြီးအောင် သူဘယ်လိုလုပ်မလဲ ကျွန်တော်စောင့်ကြည့်နေမိတယ်။

.

စွမ်း နေတဲ့အခန်းက ကျဉ်းကျဉ်းလေးပါ။ ကုတင်ဘေးက စာကြည်ခုံပေါ်မှာ လက်တော့တစ်လုံး ရှိတယ်။ ဘေးနားမှာ နံရံကပ်ခါးပြတ် စာအုပ်စင်ကလေးက စာအုပ်အဟောင်းတွေနဲ့ မလိုတာတွေထားတာ အသုံးမဝင်ပါ။ ကျောင်းကို သယ်သွားသယ်လာလုပ်ရတဲ့ စာအုပ်ထူကြီးတွေက လေးလည်းလေးသလို နေရာမရှိတဲ့အခါ အမေရိကန်စတိုင် ကြမ်းပြင်ပေါ်ပဲ ချထားရတယ်။ စာအုပ်ဖတ်ရင် ကွန်ပျူတာ မနှိပ်နိုင်တော့ ပေါင်ပေါ်တင်ပြီး ဖတ်ရတယ်။ သူ့ဘေးက ကုတင်ပေါ်မှာ လိုအပ်တဲ့ စာရွက်တွေ၊ မှတ်စုစာရွက်တွေ ချထားတယ်။ အမေရိကန်ကျောင်းတွေက မှတ်စုကို ချုပ်ထားတဲ့စာအုပ်ထဲမှာ မရေးခိုင်းပါ။ စာရွက်အလွတ်မှာရေးပြီး သက်ဆိုင်ရာ ဖိုင် - Binder မှာ ပြန်တွဲခိုင်းပါတယ်။

.

သူ့ရှေ့မှာ Phablet ဖုန်းလေးနဲ့ သူဝါသနာပါတဲ့ ဂိမ်းကစားတဲ့ဗွီဒီယိုကို YouTube ဒါမှမဟုတ် Twitch ကနေ ဖွင့်ထားတယ်။ အဲဒီဖုန်းလေးက ကာဗာနောက်မှာ ဒေါက်တံ - Kick Stand ပါတော့ လက်တော့ဘေးနားမှာ ချထားတာပေါ့။  လက်တော့မှာက ဖေ့စ်ဘွတ်ရယ်၊ Skype နဲ့ တခြားဟာတွေ ဖွင့်ထားတယ်။ တစ်ခါတစ်ခါ မက်ဆေ့လာလိုက် စာပြန်လိုက်၊ ဂိမ်းကစားတဲ့ သူငယ်ချင်းက Skype ကနေခေါ်လိုက် သူ့လက်တွေက ကီးဘုတ် နဲ့ မောက်စ် ပေါ်ပြန်ရောက်သွားလိုက်၊ ခဏနေတော့ ဖတ်စာအုပ်ပြန်ဖတ်ပြီး စာရွက်ပေါ်မှာ ခွဲခြမ်းစိတ်ဖြာထားတဲ့ Analysis ကို ချရေးလိုက်၊ တစ်ချက်တစ်ချက် မသိတာကို ကုတင်ပေါ်က စာရွက်ပုံတွေကြားမှာ ပြန်ရှာလိုက် နဲ့ တစ်ယောက်တည်း အလုပ် ( ၅ ) မျိုးလောက်လုပ်နေတာ တွေ့ရတယ်။

.

.

.

.

စနေနေ့ညရောက်လာပြီ .. သားရေ အိမ်စာတွေပြီးပြီလား လို့မေးရင် ပြီးတော့မယ်လို့ပြောတယ်။ နောက်နေ့လည်း သူ ဒီပုံစံအတိုင်း ဆက်လုပ်နေမြဲ။ သူက အေးအေးဆေးဆေးပေမယ့် အချိ်န်တန်လို့ အိမ်စာပြန်ထပ်ရရင် ပြီးမှ ပြီးပါ့မလားဆိုပြီး မိဘတွေက စိတ်ပူနေရတယ်။ တနင်္ဂနွေနေ့ရောက်လာပြီ၊ နောက်တစ်ရက်ဆို ကျောင်းပြန်တက်ရတော့မယ် ..  စာတွေပြီးပါ့မလား ဆိုပြီး ကျွန်တော် စိတ်ပူမိပြန်ပြီ။ တနင်္လာနေ့မနက်ကျတော့ နောက်ဆုံးထပ်မေးကြည့်တော့ အိမ်စာတွေအားလုံးပြီးပါတယ် စိတ်မပူပါနဲ့ လို့ ပြုံးပြီးပြောပါတယ်။

.

နောက်ရက်တွေကျတော့ သူ အိမ်စာကို ဘယ်လိုလုပ်သလဲဆိုတာ ရှင်းပြတယ်။ ဒီလိုမှမလုပ်ရင် သူမနက်ကျောင်းသွား၊ ညနေ အပြေးလေ့ကျင့်ခန်းဆင်း၊ ညနေ မောမောနဲ့ အိမ်ပြန်လာ၊ ညစာစား အိမ်စာလုပ်၊ ရေချိုး၊ ညပြန်အိပ်၊ နောက်တစ်ရက် ကျောင်းသွား နဲ့ သူ့မှာ အားလပ်ချိန်မရှိဘူး လို့ ပြောပြတယ်။  ဒါဆို အပြေးမပါနဲ့လို့ ကျွန်တော်ကပြောတော့ အားကစားက လူကို လန်းဆန်းစေတယ်၊ လောကကြီးကို အသစ်ဖြစ်စေတယ်၊ ခန္ဓာကိုယ်ကို ကျန်းမာစေတယ်၊ အသွေးအသားသစ်တွေ ရရှိစေတယ် လို့ ဆင်ခြေတက်တယ်။ ဒါကြောင့် ဆက်ပြီး ပြေးနေပါရစေ လို့ တောင်းဆိုတယ်လေ။

.

.

အိမ်စာအကုန်လုံးတစ်ထိုင်တည်း သောကြာည အပြတ်လုပ်၊ စနေ နဲ့ တနင်္ဂနွေ အပြတ်အသတ် အနားယူဖို့ နည်းလမ်းပေးတော့ သောကြာနေ့ညက အိမ်စာအကုန် ဘယ်လိုမှ မပြီးနိုင်ပါဘူးလို့ ပြန်ဖြေတယ်။ သူအခု လုပ်နေကျအတိုင်း သူအဆင်ပြေတယ်လို့ ပြောတော့ ကျွန်တော်က သူ့ကိုပဲ ရှင်းပြခိုင်းလိုက်တော့တယ်။

.

သူဟာ သူ့အချိန်တွေကို သူကိုယ်တွယ်တတ်ပါတယ်။ စာချည်းပဲလုပ်နေရင်လည်း အားလပ်ချိန်မရှိဘူး။ ဒါကြောင့် ပြေးတဲ့အချိန်မှာ အင်တာနက်လည်းမရှိဘူး၊ ဖုန်းလည်း မသုံးဘူး၊ သူငယ်ချင်းအသစ်တွေလည်းတွေ့တယ်၊ နွမ်းလျနေတဲ့ ခန္ဓာကိုယ်ကို လေ့ကျင့်ပေးရလို့ သူကျေနပ်ပျော်ရွှင်တယ်။ စာလုပ်ရင်း ဂိမ်းကစား၊ ဗွီဒီယိုကြည့်တာလည်း သူအလွန်အကျွံ မဖြစ်ပါဘူး။ ဒီလိုမှမလုပ်ရင် ကျောင်းတက်ရင်း အိမ်စာလုပ်ရင်းနဲ့ လူငယ်သဘာဝ အားလပ်ချိန်ဆိုတာ ရှိတော့မှာမဟုတ်ဘူး။ “ အရေးကြီးတာက သူဘာလုပ်နေလဲ သူသိဖို့ပါပဲ ” လို့ ပြောတဲ့အချိန်မှာ ကျွန်တော် စိတ်ထဲက ကြိတ်ကျေနပ်နေမိပါတယ်။ မအားမလပ်တဲ့ကြားကပဲ Multitasking နဲ့ ပညာအရာမှာ ထူးချွန်အောင် သူ့လမ်းသူဖောက်မယ်လို့ ကျွန်တော် ယုံကြည်နေပါတယ်။ သူ့နည်းလမ်းနဲ့သူ ဆက်လျှောက်နိုင်ဖို့ ကျွန်တော် အထောက်အကူပေးနေပါမယ်။ လောကကြီးမှာ အားလုံးချိန်ခွင်လျှာ ညီဖို့ထက် ကာလံဒေသံအကွေ့အဝိုက်မှာ တစ်ချက်မငိုက်ပဲ လိုက်လျောညီထွေဖြစ်ဖို့ ပိုအရေးကြီးတယ် မဟုတ်ပါလား။

.

koko2yeye@gmail.com
.

" Multitasking နဲ့ ဆယ်ကျော်သက်  " စာမူသည် ၂ဝ၁၄ ဒီဇင်ဘဘာလ ( ၁၃ ) ရက်နေ့၊ စနေနေ့ထုတ် NetGuide နည်းပညာဂျာနယ် အတွဲ ( ၃ ) ၊ အမှတ် ( ၆၄ ) ၊ စာမျက်နှာ ( ၄၇ ) တွင် ဖော်ပြပါရှိသည်။

Download Link : http://www.mediafire.com/download/4ulgkjpflbzm5jm/Vol_3,_No.64.pdf