လမ်းဘေးကနေခေါင်းထောင်လာတဲ့ မူးယစ်ဆေးဝါးအသစ် Flakka

ဆောင်းပါးရှင် - ကိုညီညီ ( တောင်ကြီး )

.

.

ပီးပေါ် … ပီးပေါ် … ပီးပေါ် ……!

--- စိတ်ဝေဒနာရှင်တစ်ယောက်ဟာ အကျီင်္တွေ ဆုတ်ဖြဲပစ်နေတယ်။ လမ်းမပေါ်ပြေးထွက်လာတော့ ကိုယ်ပေါ်မှာ ဘာအဝတ်အစားမှ မကျန်တော့ဘူး။ လူတစ်ကိုယ်လုံးကလည်း လှုပ်ရမ်းလို့။ ဘီလူးစီးထားသလို သင်္ကြန်ယိမ်းလိုလို ခုန်ပေါက်ပြေးလွှားပြီး သူ့နောက်ကို လူအုပ်ကြီးကလိုက်နေတယ်လို့ အော်နေတယ်။

--- အရေးပေါ် - Pediatric Ambulance Transport ကားပေါ်မှာပါတဲ့  အသက်ငင်နေတဲ့ လူနာတစ်ယောက်ပါလာတယ်။ တစ်ယောက်ကမောင်းနေတုန်း နောက် ယောင်္ကျားသူနာပြုတစ်ယောက်က လူနာကို အဖျားတိုင်းတယ်။ သူ့နဖူးပေါ်မှာ ( ၁ဝ၅ံ)

--- စိတ်ကစဉ့်ကလျားဖြစ်နေသူတစ်ယောက်ဟာ သွပ်နန်းကြိုးခြံစည်းရိုးပေါ်ကျော်တက်ရင်း အချွန်တစ်ခုနဲ့ ငြိနေတယ်။ ရဲတွေရောက်လာလို့ ဖြုတ်ချအပြီးမှာ ထွက်ပြေးလို့ ပြန်လိုက်ဖမ်းနေတယ်။ လူ ( ၄ ) ယောက်အားလောက်အထိ သန်မာကြမ်းတမ်းနေသူကို ရဲ ( ၅ ) ယောက်က မနည်းကြီး မိအောင်ချုပ်ထားရတယ်။

--- တီဗွီမှာ သတင်းလာနေတယ်။ “ ( ၂ဝ၁ဝ ) မှာ ကျွန်မတို့ကို ဒီလိုတိုင်ကြားမှုမျိုး တစ်ခုမှ မရှိခဲ့ဘူး။ ( ၂ဝ ၁၂ ) ခုနှစ်မှာ ( ၈၅ ) မှု ရှိခဲ့တယ်။ ( ၂ဝ၁၄ ) မှာ တိုင်ကြားမှု ( ၆၇ဝ ) အထိ မြင့်တက်လာတယ်။ ဒီကိစ္စဟာ ( ၃ ) နှစ်အတွင်းမှာ ( ၇၈ဝ% ) မြင့်တက်လာတဲ့ ပြသနာပဲ ဖြစ်ပါတယ် ” လို့ သတင်းဖတ်သူက ကြေငြာသွားတယ်။

.

ဒီဖြစ်ရပ်တွေဟာ ရုပ်ရှင်ထဲက ဇာတ်ဝင်ခန်းကို ပြန်ပြောပြနေတာမဟုတ်သလို အရေးပေါ်အခြေအနေတွေကို ဖြေရှင်းနေရတဲ့ ရဲဋ္ဌာနတစ်ခုရဲ့ မှတ်တမ်းလည်း မဟုတ်ပါဘူး။ အမေရိကန်နိုင်ငံ ဖလော်ရီဒါပြည်နယ်မှာ ဖြစ်တာသိပ်မကြာသေးပေမယ့် ( ၂ဝ၁၃ ) ခုနှစ် တစ်နှစ်ထဲမှာတင် လူ ( ၁၂၆ ) ယောက်ကို သတ်ခဲ့ပြီးတဲ့ မူးယစ်ဆေးဝါးလက်သစ် “ ဖလက်ကာ - Flakka  ” ရဲ့ ခပ်ကြမ်းကြမ်း မိတ်ဆက်မှုပဲ ဖြစ်ပါတယ်။

.

ဖော်စပ်ရလွယ်ကူပြီ်း ဘယ်လိုဆေးပုံဆောင်ဖွဲ့မှုမှ မရှိတာ Flakka ပါ။ ကြည့်လိုက်ရင် ဇစ်အိပ် - Ziploc အိတ်လေးနဲ့ပိတ်ထားတဲ့ မြန်မာနိုင်ငံမှာ လုပ်ငန်းသုံးတဲ့ “ ဆားကြမ်း ”  ပုံစံသာသာ အထုပ်ကလေးနဲ့ ဆင်တူတယ်။ တစ်ချို့ကျပြန်တော့ ငါးကန်အောက်ခြေမှာထည့်တဲ့ ကျောက်အကြည် -  Gravel လေးတွေနဲ့ အမြင်အားဖြင့် သိပ်မကွာလှဘူး။ သူ့ဘန်းစကားနာမယ် Gravel လို့ခေါ်တာရှိသလို ယခင်မူးယစ်ဆေးဝါးနာမည်ဟောင်း ဆွေမျိုးရင်းခြာ Bath Salts လို့လည်း ခေါ်ကြတယ်။

.

.

Flakka ကို ဘယ်လိုသုံးရမလဲ သင်ပေးစရာမလိုလောက်ပါဘူး။ အမှုန့်ကြိတ်ပြီး “ ပိုက်ထိုးရှူမလား ” ( Snort )၊ လက်ဘက်ရည်ဇွန်းထဲထည့်ပြီး အောက်က ဂက်စ်မီးခြစ်နဲ့ကင် .. ထွက်လာတဲ့မရဏမီးခိုးငွေ့ကို “ ရှူမလား ” (Smoke )၊ အမှုန့်လေးကိုရေနဲ့ဖျော် .. သန့်လားမသန့်လားမသိတဲ့ဆေးထိုးအပ်နဲ့ တစ်ယောက်ပြီးတစ်ယောက် “ ထိုးမလား ” ( Inject )၊ ရေမပါပဲ ပါးစပ်ထဲမှာ တံတွေးလေးစုပြီး လူမမြင်အောင် အမြန် “ မျိုချမလား ” ( Swallow ) .. သုံးစွဲဖို့ ယင်းထနေသူက ဒါတွေအကုန်သိပါတယ်။

.

Flakka ရဲ့ ဆွဲဆောင်မှုက ဆေးရှိန်အရမ်းအတက်မြန်တယ်။ ခန္ဓာကိုယ်ထဲရောက်ရောက်ချင်း အဆုပ်ကိုညှစ်ပြီး နှလုံးကိုတိုက်ရိုက် ထိန်းချုပ်ပါတယ်။ သွေးခုန်နှုန်းမြန်လာတာနဲ့အမျှ လန်းဆန်းတက်ကြွလာတယ်။ အင်မတန်ပျော်ရွှင်ဖွယ်ကောင်းတဲ့ စိတ်ဆန္ဒကို ဖြစ်ပေါ်စေတဲ့ ဒိုဖမင်း - Dopamine ဓါတ် ကို အရှိန်အဟုတ်မြှင့် ထုတ်လွှတ်ပေးတယ်။ ဇီဝဖြစ်စဉ်ကိုဆန့်ကျင်ပြီး ဖြတ်လမ်းကနေ အစွမ်းကုန်မြှင့်တင်လိုက်တဲ့ အတုအယောင်ပျော်ရွှင်မှုပုံရိပ်ယောင်တွေဟာ ကြာရှည်တော့ မခံပါဘူး။

.

ဆေးကျချိန် - Comedown ကို ရောက်လာတဲ့အချိန်မှာ ဆေးကသာ ခန္ဓာက ထွက်ခွာထားပြီး အဖျားဝေဒနာကို ချန်ထားခဲ့တာက Flakka ရဲ့ အစွမ်းသတ္တိပါ။ မဖျားရင်တောင် တော်တော်စိတ်ဓါတ်ကျနေတဲ့ ဘဝရှူံးသမား တစ်ယောက်ဖြစ်ရပါပြီ။ တုန်ယင်နေတဲ့ ဆေးကျသူဟာ ဆေးဝါးထပ်သုံးနိုင်ဖို့ နည်းလမ်းရှာရပါတယ်။

.

အစပိုင်းနည်းနည်းကနေ များများစားစားလိုချင်တဲ့အခါ အင်တာနက်အွန်လိုင်းကနေ တရုတ်နိုင်ငံ နဲ့ အိန္ဒိယနိုင်ငံတွေရဲ့ လျို့ဝှက်ဓါတ်ခွဲခန်းတွေကို ပါကင်အိတ်လိုက် မှာဖို့ ကြိုးစားလာကြတယ်။ ဘယ်လိုအထူးထုတ်ပိုးမှု - Special Handling မှမလိုပဲ Flakka ကို “ အကြွေ - Bulk ” အနေနဲ့ ရောင်းကြ ဝယ်ကြ သုံးစွဲကြတယ်။

.

.

ကိုကင်း နဲ့ မက်တာဖက်တာမင်းအုပ်စုဝင် တွေရဲ့ စိတ်ခံစားမှုတွေအတိုင်း “ ကျရင်ပြန်တင် - Jump-Start A Circle of Use ” လုပ်ရိုးလုပ်စဉ်တွေကြောင့် စမ်းသုံးမိသူ လူငယ်တွေဟာ နောက်ကြောင်းပြန်လှည့်ဖို့ နည်းလမ်းမရှိနိုင်ပါဘူး။ တိုးရင်း နဲ့ ဆက်တိုးဖို့သာ ရှိနေပါတယ်။ စိတ်ကြီးခြင်း၊ စိတ်ခြောက်ခြားခြင်း၊ ထင်ယောင်ထင်မှားဖြစ်ခြင်း၊ မဟုတ်တာကိုအဟုတ်ထင်နေခြင်း၊ ယင်းရောဂါစွဲကပ်ခြင်း စတာတွေကို တစ်မျိုးနဲ့တစ်မျိုး မပျင်းရိ မငြီးငွေ့ရအောင် Flakka က ဆက်တိုက်ဖျော်ဖြေနေမှာ သေချာပါတယ်။

.

ဆေးထဲမှာအဓိကပါဝင်သရုပ်ဆောင်တဲ့ဒြပ်ပေါင်းကို အယ်လ်ဖာကွန်ပေါင်းလို့ခေါ်တယ်။ အကျယ်ဆိုရင်တော့ Bath Salts မှာ တွေ့ရလေ့ရှိတဲ့ ကိုကင်း ရဲ့ တစ်ဝမ်းကွဲဆေးနွယ်ဝင် မက်တာဖက်တာမင်း အုပ်စုထဲကပါ။ အန္တရာယ်အပေးဆုံးဆေးနာမည်အတိအကျဆိုရင် alpha-PVP (alpha-Pyrrolidinovalerophenone ) လို့ ခေါ်ပါတယ်။ “ နောက်ဆုံးမှပေါ်တဲ့ဆေး အစွမ်းထက် ”  ဆိုသလို Flakka ရဲ့ အဖျက်စွမ်းအားဟာ ကနဦးဘိန်းဖြူထက် အဆ ( ၅ဝ ) ဆိုးရွားတယ်လို့ အင်တာနက်သတင်းတွေက အားမနာတမ်းရေုးပြထားတာ တွေ့ရတယ်။

.

.

ဒီလောက်ဆိုးဝါးတဲ့ဆေးဝါးကို ဖလော်ရီဒါပြည်သူတွေ မရှုမလှခံစားနေရပါတယ်။ နောက်ပိုင်းမှာ အိုဟိုင်းယိုး နဲ့ တက္ကဆက်ပြည်နယ်တွေအထိ ပြန့်နှံ့နေပြီလို့လည်း သိရတယ်။ တစ်ချို့ဆေးဝါးတွေဆို နာမည်ကြီးသလောက် အစိုးရတွေကလည်း ပိုင်ပိုင်နိုင်နိုင်ကိုင်တွယ်ပါတယ်။ ဒါပေမယ့် လက်တစ်လုံးကြားလှည့်ဖျားသူတွေရဲ့ ဥပဒေမျက်စိတစ်ခတ်အတွင်းမှာ ပိတ်ပင်ဆေးဝါးတွေကို နာမည်ပြောင်းပြီး ဓါတ်ပေါင်းတူတွေထုတ်လာတဲ့အခါ ဘယ်လောက်အားကြီးတဲ့အစိုးရဖြစ်ပါစေဦး .. မတားနိုင်သေးသ၍ ခံရတာပါပဲ။

.

ပိုဆိုးတာက Flakka ထဲမှာသုံးတဲ့ ကုန်ကြမ်းက အမေရိကန်တားမြစ်ဆေးဝါးထဲမှာ အသွင်းမခံရသေးပါဘူး။ ဒါကြောင့် ကုန်ကြမ်းရှိသလောက် အစိုင်အခဲကြိုက်သလောက် ချက်လို့ရနေတယ်။ အထုတ်ကြီးကနေ အထုပ်ငယ်အသွယ်သွယ် လက်လီခွဲရောင်းလို့ရနေတယ်။ ရဲနဲ့တွေ့လို့ပြေးရရင်လည်း လမ်းပေါ်လွှတ်ပစ်လိုက်ရုံနဲ့ သာမန်လမ်းခင်းကျောက်နဲ့ ရောသွားနိုင်တယ်။ စိတ်ရူးပေါက်နေသူတွေများလာနေတဲ့ ဒီဘက်ခေတ်ကြီးထဲမှာ အဆိုးဆုံး နဲ့ ကြောက်မက်ဖွယ်ရာအကောင်းဆုံး ခြိမ်းခြောက်မှုက “ ဈေးနှုန်း ” ပါ။

.

.

ကိုကာကိုလာသံဗူးအရွယ်ဆေးတစ်ထုပ်ကို ဒေါ်လာ ( ၅ဝဝဝ )၊ ( ၅ဝဝ )၊ ( ၅ဝ ) မပေးရပါဘူး။

.

လိုသလိုအကြွေကိုပြော .. ကြိုက်တဲ့အချိန်ကိုပြော ဒီတစ်ဗူးကိုပဲ ( ၅ ) ဒေါ်လာနဲ့ဝယ်လို့ရတယ်။ အင်မတန်ဈေးပေါတာက အဓိကခြိမ်းခြောက်မှုပြသနာလို့ ရဲဋ္ဌာနတွေက သတိပေးစာ ထုတ်ကြတယ်။

.

ဒီလောက်လက်လှမ်းမှီဖို့လွယ်နေတဲ့ Flakka ကို ဘယ်လို ထိန်းကြမလဲ? ကိုယ့်ကလေးကိုယ် နိုင်အောင်ထိန်း၊ သူ့အပေါင်းအသင်းတွေကို ဂရုစိုက်၊ ကလေးမျက်နှာတစ်ချက်ပျက်သလား နေ့တိုင်းကင်းထောက်၊ လုပ်နေကျတာဝန်ဝတ္တရားတစ်ခုခုကို မကြာခဏမေ့သလား စေ့စေ့စပ်စပ်လေ့လာ၊ ဆေးပညာဗဟုသုတရေးထားတဲ့ မြန်မာလို .. အင်္ဂလိပ်လို စာအုပ်စာပေတွေ မပြတ်တမ်းဖတ် .. ဒါဆိုရင် ကိုယ့်သားသမီးဆေးမစွဲသလို ကိုယ်တိုင်လည်း မစမ်းကြည့်၊ မီးတောမတိုးမိစေဖို့ ကြိုတင်ကာကွယ်နိုင်ပါလိမ့်မယ်။

.

koko2yeye@gmail.com

.

ရည်ညွှန်းကိုးကား - Business Insider, Dispatch Times