ဘာကိုရှာနေတာလဲ .. Reject လား Standard လား ?

ဆောင်းပါးရှင် - ကိုညီညီ ( တောင်ကြီး )

.

.

မနက်အိပ်ရာထလိုက်တဲ့အချိန် “ ဒီနေ့တော့ ငါဘာကို ရှာဖွေမယ် ” ဆိုတာကို မိမိကိုယ်တိုင်မေးမိကြပါသလား? ဒါမှမဟုတ် ဘာမှမမေးပဲ ကြုံချင်ရာကြုံဆိုပြီး မရေမရာဖြတ်သန်းနေကြတာ နေ့တိုင်းပဲလား? ဒီမေးခွန်းတွေရဲ့အဖြေကိုတွေ့ရှိခဲ့နေရာကတော့ ကျွန်တော့အလုပ်ခွင်တစ်နေရာက ဖြစ်ပါတယ်။

.

ကုန်ပစ္စည်းထုတ်လုပ်တဲ့လုပ်ငန်းတိုင်းမှာ ကုန်ကြမ်းပံ့ပိုးသူ - Vendor ၊ ကုန်ကြမ်း - Raw Material ၊ ထုတ်လုပ်ခြင်း - Manufacturing ၊ တပ်ဆင်ခြင်း - Processing or Assembling ၊ အိပ်သွင်းထုပ်ပိုးခြင်း - Pouching ၊ ဂျပ်ဖါခွံသွပ်သွင်းခြင်း - Packaging ၊ တင်ပို့ခြင်း - Shipping စတဲ့အဆင့်များစွာရှိကြတယ်။ အရည်အသွေး - Quality အဓိကထားတဲ့လုပ်ငန်းမျိုးမှာ အဆင့် - Process တစ်ခုပြောင်းတိုင်း ထုတ်လုပ်လိုက်သမျှဟာ သတ်မှတ်တဲ့ စံချိန်စံညွှန်း - Standard နဲ့ ကိုက်ညီမှုရှိမရှိစစ်ကြတယ်။

.

မစစ်ဆေးပဲထုတ်လုပ်ရင် ဘာဖြစ်လာနိုင်မလဲ? ကြိုက်သလိုလုပ် မစစ်ဆေးပဲ ထွက်သလောက် ဖြစ်သလိုသာထုတ်လုပ်နေရင်တော့ အရည်အသွေးမမှီတဲ့ ပစ္စည်းတွေဟာ ပစ္စည်းကောင်းတွေကြားမှုာ ကြွက်ဖြူတွေကြားမှာ ကြွက်မဲရောနေသလို နာမည်ကျော်ကြားတဲ့ကုန်ပစ္စည်းတစ်အုပ်စုလုံးကို အမဲဖျက်သလို ပြန်လည်ဒုက္ခပေးမှာဖြစ်ပါတယ်။ တစ်နည်းအားဖြင့် ကောင်းမွန်တဲ့အဆင့်ရဲ့အောက်တစ်နေရာကို ကျဆင်းသွားစေသလို သုံးစွဲသူ - Consumer တွေရဲ့ ယုံကြည်မှုကို တမုဟုတ်ချင်း ဆုံးရှူံးသွားစေနိုင်ပါတယ်။

.

.

အဆိုပါအားနည်းချက်တွေကိုဖြေရှင်းဖို့ ကုမ္ပဏီတွေက ငှားရမ်းဖြေရှင်းကြတဲ့ ဝန်ထမ်းအလွှာတစ်မျိုးကတော့ ကုန်ပစ္စည်းစစ်ဆေးသူ - Quality Control Inspector များပဲ ဖြစ်ပါတယ်။ အရည်အသွေးပိုင်းမှာ ( ၂ ) မျိုးထပ်ရှိပြန်တယ်။ အုပ်စုကြီးကတော့ အရည်အသွေးအာမခံခြင်း - Quality Assurance ဖြစ်ပြီး ဆင့်ပွားကွဲထွက်လာတဲ့ QC - Quality Control ကိုတော့ လူသိပိုများပါတယ်။

MBSR သို့မဟုတ် ဘဝခရီးဖြောင့်စေတဲ့နည်းလမ်း

ဆောင်းပါးရှင် - ကိုညီညီ ( တောင်ကြီး )

.

.

“ အပ္ပမာဒေန သမ္ဗာဒေထ ” ဆိုတဲ့ ဆုံးမစကားကို ဗုဒ္ဓမြတ်စွာဘုရားသက်တော်ထင်ရှားရှိစဉ်က အကြိမ်ကြိမ်မြွက်ကြားခဲ့သလို သက်တမ်းနောက်ဆုံးရက် ပရိနိဗ္ဗာန်မစံခင်အချိန်အထိ အထပ်ထပ်မှာခဲ့တဲ့ ဆုံးမတရားတော်လေးပါ။ အဓိပ္ပာယ်ကတော့ သူတော်ကောင်းဗုဒ္ဓဘာသာဝင်တို့သိပြီးဖြစ်တဲ့အတိုင်း “ အချိန်တိုင်းမှာ မမေ့မလျော့ သတိနဲ့နေကြ ” လို့ သတိပေးတာဖြစ်ပါတယ်။ ဒီတရားတော် ( အဆိုအမိန့် ) ဟာ ဗုဒ္ဓဘာသာရဲ့ထိပ်ခေါင်လမ်းပြ ဘုရားတစ်ဆူကဟောပြောခဲ့လို့ ဗုဒ္ဓဘာသာဝင်တွေချည်းပိုင်ဆိုင်တဲ့ တစ်ကွက်မှန်အယူအဆမဟုတ်ပဲ လူသားဘဝပိုင်ဆိုင်ကြတဲ့ Being အားလုံးနဲ့သက်ဆိုင်ပါတယ်။

.

ပိုမိုဖြည့်စွက်ပြောရရင် အသက်နဲ့ခန္ဓာမြဲနေသ၍ လူ၊ နတ်၊ ဗြဟ္မာ၊ ပြိတ္တာ၊ အသူရကယ်၊ တိရစ္ဆာန် အစရှိတဲ့ ( ၃၁ ) ဘုံသားအနေနဲ့ တစ်နေရာရာမှာတွယ်ကပ်နေသူတိုင်း ဘုရားပေးတဲ့အသိတစ်ခုက “ သတိရှိနေဖို့ ” လိုရင်းပါ။ ဒီလိုရှင်းရှင်းလေးထုတ်နှုတ်ပြသနိုင်မှလည်း အများသူငါနားလည်ပြီး ရှေ့ဆက်ရှင်းသွားနိုင်မယ်လို့လည်း ဥာဏ်မှီသလောက်ယူဆမိပါတယ်။

.

.

ဘာသာတရားအငြင်းပွားမှုနောက်ထားပြီးချစ်ခြင်းမေတ္တာကိုအရင်းပြုလို့ “ သတိ ” ဆိုတဲ့ တန်ဖိုးရှိတဲ့အသိတစ်ခုကို ဆက်ဆွေးနွှေးကြည့်ပါမယ်။ အနောက်နိုင်ငံဘာသာစကားနဲ့ဆိုရင် Mindfulness လို့ ပြန်ဆိုကြတယ်။ လူတွေဟာ ကိစ္စအမျာစုကို နေ့တိုင်း သတိလက်လွတ်စွာ ပြုမူကြတယ်။ ကားမောင်းတာရော၊ အလုပ်လုပ်တာရော၊ နောက်ဆုံး ရေသောက်တာကအစ ဘယ်အရာကိုလုပ်နေတယ်ဆိုတာကို “ သတိမထားမိ ” ကြတာ လူတွေရဲ့သဘာဝလို့ပြောရလောက်အောင် အသိရှိတဲ့ ဒီအလေ့အကျင့်ဟာ တိမ်မြုပ်ပျောက်ကွယ်လုနီးပါး ဖြစ်နေပါတယ်။ ဘာကြောင့် သတိရှိနေဖို့ လိုအပ်တာပါလဲ .. မေးစရာရှိပါတယ်..။

.

လူတွေဟာ သတိမရှိတဲ့အခါ လုပ်ချင်ရာလုပ်ရင်း တစ်ခုမဟုတ် တစ်ခုထက်ပိုပြီး တွေးနေတတ်ကြတယ်။ အတိတ်ကလုပ်ခဲ့သမျှမပြေလည်ခဲ့တာကို ကြိတ်မနိုင်ခဲမရ ဖြစ်ကြတယ်။ လက်ရှိဘဝကို မကျေနပ်နိုင်ပဲ ဒီအတိုင်းငါဆက်သွားလို့ မဖြစ်ပါဘူးဆိုပြီး အလိုမကျဖြစ်ကြတယ်။ ရောက်ရှိမဖြစ်ပျက်လာသေးတဲ့ အနာဂါတ်မှာ အရာရာကိုအုတ်ချပ်တွေလိုစီပြီး ကြိုတင်အကြံထုတ်နေကြတယ်။ ဒီကာလဒေသအခြေအနေ သုံးခုကနေပြီး ကောင်းကျိုးမပေးတဲ့ အကုသိုလ်တရား သုံးပါးကို မွေးမြူနေတတ်ကြပါတယ်။ ဟုတ်ပါတယ် .. လူတွေပါးစပ်ဖျားမှာနေ့စဉ်ပြောနေကျ နာမည်ကြီး လောဘ၊ ဒေါသ၊ မောဟတရားတို့ပဲ ဖြစ်ပါတယ်။ ဒီလိုတွေဖြစ်နေတာ ဘယ်လိုလျှော့ချရင် အကျိုးရှိနိုင်ပါသလဲ .. နည်းလမ်းရှိပါတယ်။