ကျွန်တော်တို့လို သူတို့ မပြောတတ်ပါဘူး

ဆောင်းပါးရှင် - ကိုညီညီ ( တောင်ကြီး )

.

.

ကျွန်တော်တို့ ရွှေမြန်မာတွေ ဘို စကားမပီလို့ စိတ်မညစ်ပါနဲ့။ ငါးပိစားကြီးလာသူ မြေပြန့်သားတွေ၊ ဆန်နီစားကြီးလာတဲ့ တိုင်းရင်းသားတွေ၊ ပဲပုပ်စားကြီးလာတဲ့ ရှမ်းနွယ်ဝင်တွေ နဲ့ ထိုဖူးနွေးနဲ့မနက်စာကိုနှစ်ပေါင်းများစွာဖြတ်သန်းလာတဲ့ တောင်ပေါ်သားတွေ ဘို လို မပီတာ မဆန်းပါဘူး။ ဘာသာစကားဆိုတာ ကြိမ်ဖန်များစွာ လေ့ကျင့်ယူမှ ကျွမ်းကျင်ရတဲ့ကိစ္စပါ။

.

ဘို တွေရော တစ်ပါးသူဘာသာစကားရဲ့အသံထွက်တွေပီပါသလား? ကျွန်တော်ဆန်းစစ်ကြည့်တယ် .. စောင့်ကြည့်တယ်။ သူတို့လျှာဖျားမှာလည်း မြန်မာအသံထွက် ခက်နေတာကို သိလာရတယ်။ ဥပမာ မြန်မာ - Myanmar ကို ကျွန်တော်တို့က မြန်မာလို့ထွက်ပေမယ့် သူတို့က “ မြာ အ် မာ ” ဖြစ်နေသလိုပေါ့။ ဆက်လေ့လာကြည့်ရအောင်။

.

တစ်ညနေ အလုပ်ဆင်းခါနီးမှာ မြန်မာကောင်လေးတစ်ယောက် နဲ့ လုပ်ဖော်ကိုင်ဖက် ထရီးဇာ - Teresa လို့အမည်ရတဲ့ လူမည်းအမျိုးသမီးတို့ အလုပ်ဆင်းကဒ်ပြား ရိုက်ခါနီး အငြင်းတစ်ခုပွားနေတယ်။ တစ်ဖြည်းဖြည်း လမ်းလျှောက်လာရင်း ထရီးဇာ က မြန်မာကောင်လေးပြောတာနားမလည်တဲ့အခါတိုင်း မင်းတို့လူမျိုးတွေ ငါတို့ရဲ့အင်္ဂလိပ်အသံထွက်တာကို နားမလည်ဘူးလို့ ပြောလာခဲ့တဲ့ပုံ ရပါတယ်။

.

ဒါနဲ့ မြန်မာကောင်လေးက “ အေး မင်းတို့အင်္ဂလိပ်စကားကို ငါက မပီဘူးပဲထား .. ငါတို့ပြောတဲ့ အင်္ဂလိပ်စကား -- အင်္ဂလိပ်စကားအစစ်နော် .. မင်းတို့ရဲ့စကားပဲ .. အဲဒီအသံထွက်ကို တူအောင်လိုက်ပြောနိုင်မလား?” ဆိုတော့ ထရီးဇာ က “ အိုကေ .. ရတယ် .. လုပ်လိုက်လေ ” ဆိုပြီး ပြန်စိမ်ခေါ်လိုက်တာ ကျွန်တော် ကြားလိုက်တယ်။

.

ဒါနဲ့ မြန်မာလို ( ၂၈ ) ၊ အင်္ဂလိပ်လို ( 28 ) ကို ကောင်လေးက စပြောပါတယ်။ “ ငါပြောပြီနော် .. ဂဏန်းတစ်ခု ကို ငါပြောမယ်။ နင် ပီအောင်လိုက်ပြော ” ဆိုတော့ ထရီးဇာ မျက်နှာက “ အေး .. ဆေး .. ပါ … တစ်ရေးအိပ်ပြီး လိုက်ပြောတောင် ရသေးတယ်။ ဒါမျိုးက ဇာဇာတို့အတွက်တော့အလွယ်လေး ” ဆိုတဲ့ မျက်နှာပေါက်မျိုးနဲ့ အသံပြဲကြီးအော်ပြီး ရယ်လိုက်ပါသေးတယ်။ ကျွန်တော်လည်း ဘေးကနေ လုမသိ ဝမသိ နဲ့ ရောဝင်ရယ်လိုက်တဲ့အခါ ကျွန်တော်တို့ ( ၃ ) ယောက်သား ပွဲကျသွားပါတော့တယ်။

.

ကဲ .. စပါပြီ။

.

 မြန်မာကောင်လေးရဲ့အသံ “ Twenty Eight ” ကို လေးလေးပင်ပင် နဲ့ “ Twent – T – 8 ” ဆိုပြီး မြန်မာသံနဲ့ “ တွမ် .. တီ .. အိပ် ” လို့ ပါးစပ်ကနေ နွဲ့နွဲ့နှောင်းနှောင်းလေး ပြောချလိုက်တယ်။

.

ဒါကို ထရီးဇာ က “ ထွမ် ထီ အိပ် ” လို့လိုက်ထွက်တယ်။

.

အာ .. မဟုတ်ဘူးလေ ..  ငါပြောတာက “ တွမ် .. တီ .. အိပ် ” ပါ ဆိုတော့ ထရီးဇာ က နောက်တစ်ခေါက်ထပ်ကြိုးစားတယ်။

.

ထပ်ပြောကြည့်တယ် “ ထွမ် ထီ အိပ် ”  ဖြစ်နေတုန်းပဲ။ ဆက်ကာ ဆက်ကာ လိုက်ပြောကြည့်တယ် ။

.

အရှေ့က မြန်မာကောင်လေးက တည်လိုက် ထရီးဇာ က နောက်ကနေ လိုက်ပြောလိုက် နဲ့ .. ဘယ်လိုပြောပြော မြန်မာလိုပြောတဲ့  “ တွမ် .. တီ .. အိပ် ” ကို ထရီးဇာ က အသံမထွက်နိုင်ဘူးလေ။

.

နောက်ဆုံးတော့ သူခန္ဓာကိုယ် ဝဝဖိုင့်ဖိုင့်ထဲက ရှိတဲ့လေ ကုန်သွားပြီး မြန်မာကောင်လေးကို ပြောတယ် .. “ တော်ပြီ နောက်ဆို နင်နဲ့ အသံထွက်တူအောင် ငါမလုပ်တော့ဘူး ” ဆိုပြီး အရှူံးပေး ဆလံသ သွားပါတော့တယ်။

.

ပြောပြတာပါ။ ကျွန်တော်တို့လို သူတို့ မပြောတတ်ပါဘူး။ အားမငယ်ကြပါနဲ့။ ဒါတောင် မြန်မာစကားအသံမထွက်ခိုင်းရသေးဘူး။ ပြောခိုင်းကြည့်ပါ သူတို့ ကျွန်တော်တို့လို မပြောတတ်ပါဘူး။

.

koko2yeye@gmail.com

.

ဓါတ်ပုံ - အင်တာနက်
.

" ကျွန်တော်တို့လို သူတို့မပြောတတ်ပါဘူး " စာမူသည် ၂ဝ၁၅ ဇန်နဝါရီလ ( ၂၄ ) ရက်နေ့၊ စနေနေ့ထုတ် NetGuide နည်းပညာဂျာနယ် အတွဲ ( ၃ ) ၊ အမှတ် ( ၇ဝ

) ၊ စာမျက်နှာ ( ၄၇ ) တွင် ဖော်ပြပါရှိသည်။Download Link :http://www.mediafire.com/download/lwz6xb9wru1b7lx/NetGuide+Vol.+3%2C+No.+70.pdf