ဆက်ပြီးတွေးပေးကြပါ

ဆောင်းပါးရှင် - ကိုညီညီ ( တောင်ကြီး )

.

.

အလုပ်ကို အသစ်ဝင်လာသူတွေထဲမှာ မြန်မာပါတယ်ဆိုလို့ လေ့လာကြည့်မိတယ်။

.

တစ်နေ့မှာ သူနဲ့စကားပြောနေတဲ့ လုပ်ဖော်ကိုင်ဖက်တစ်ယောက်က မျက်နှာပျက်သွားလို့ နောက်ပိုင်းကျမှ “ စောနက စကားပြောနေတဲ့သူက မြန်မာမဟုတ်လား .. အလုပ်အသစ်ဝင်လာတာလေ။ စကားပြောနေရင်းနဲ့ ဘာလို့ မျက်နှာက တစ်မျိုးကြီးဖြစ်သွားရတာလဲ ? “ လို့ တိုးတိုးလေး .. မေးကြည့်လိုက်တယ်။

.

“ လူတွေက သူ့အကြောင်းမသိကြလို့၊ ကျွန်မက သူမှန်းသိကတည်းက မျက်နှာချင်းမဆိုင်ချင်တာကို တည့်တည့်ကြီးတိုးလို့ စကားလက်ခံပြောနေရတာ “ လို့ပြန်ပြောပါတယ်။ ဒါနဲ့ ကျွန်တော်စဉ်းစားတယ်။ လူလူချင်းပဲကွာ ပြီးတော့ မြန်မာတွေ ဆုံတွေ့ရတာပဲ ဘာလို့ စကားကောင်းကောင်းမပြောတာလဲဆိုပြီး ကိုယ့်ကိုယ်ကိုယ် မေးခွန်းတွေ မေးနေမိပါတော့တယ်။

ဘယ်နည်းလမ်းအမှန်လဲ ? ( ကား )

ဆောင်းပါးရှင် - ကိုညီညီ ( တောင်ကြီး )

.

.

တစ်နေ့က အလုပ်မှာ မြန်မာအမျိုးသမီး ( ၂ ) ယောက်ပြောနေကြတာက ဒီလိုပါ။

.

အစ်မကြီး တစ်ယောက်ရဲ့ကားကို တစ်ခြားလူက ဝင်တိုက်ပါတယ်။ ဖြစ်ဖြစ်ချင်း အမေရိကန်မှာလုပ်နေကျအတိုင်း တိုက်သူရဲ့ Insurance ၊ ကားလိုင်စင်နံပါတ်၊ နေရပ်လိပ်စာ၊ ဖုန်းနံပါတ် အကုန်လုံးတောင်းပါတယ်။ ပြီးတော့ အခင်းဖြစ်တဲ့နေရာမှာ တိုက်သူက ကောင်းကောင်းမွန်မွန်နဲ့ သူအားလုံးလျော်ပေးမယ့်အကြောင်း ပြောတယ်။

.

ဒီအခါမှာ အတိုက်ခံရသူ အစ်မကြီးက သူ့ကား ဘယ်မှာပြင်မယ်၊ ဘယ်တော့ပြင်မယ်ဆိုပြီး ချိန်းတော့ တစ်ဖက်က “ အေးအေးဆေးဆေး စိတ်တိုင်းကျလုပ်ပါ သူလာပြီးငွေရှင်းပေးပါ့မယ် “ ဆိုပြီး ပြောပါသတဲ့။

.

ကားပိန်နေတာကို မစောင့်လိုတဲ့ အဲဒီအစ်မကြီးက ကားဘော်ဒီရုံကိုရောက်တဲ့အခါ ဘယ်လောက်ကုန်ကျမယ်ဆိုတဲ့ Appraisal တောင်းပြီးတဲ့အခါ ကားတိုက်သွားသူကို ဖုန်းဆက်ပါတယ်။ တစ်ဖက်ကလူက “ ဘယ်လောက်ကျကျ ပြင်ထားလိုက်ပါ .. သူငွေလာရှင်းပေးမယ် “ လို့ပြောတော့ အစ်မကြီးက ကားဘော်ဒီရုံကို အလုပ်စလုပ်ဖို့ ပြောလိုက်ပါတယ်။