ဂုဏ္ထူးမ်ားနဲ႕ေအာင္တဲ႕ဆယ္တန္းေက်ာင္းသား အေမရိကားေရာက္တဲ႕အခါ

ေဆာင္းပါးရွင္ - ကုိညီညီ ( ေတာင္ၾကီး )

.

.

သားသမီးကုိယ္တိုင္စာေတာ္တဲ႕အခါ ဒါမွမဟုတ္ မိဘေတြကမတရားတြန္းတဲ႕အခါ ျမန္မာႏုိင္ငံက ေက်ာင္းသားေတြဟာ ဂုဏ္ထူးထြက္ၾကပါတယ္။ ( ၇၅ ) မွတ္၊ ( ၈ဝ ) မွတ္ စသျဖင္႕ အမွတ္ေပးေပတံနဲ႕တိုင္းၾကတယ္။ အေမရိကားအေျခခံပညာေက်ာင္းေတြမွာေတာ႕ က်ရွံဴး - F ( 0-69 ) ကေန ရွယ္ထူးခြ်န္ - A+ ( 99-100 ) အထိတင္မကပဲ အပိုအမွတ္ဇယား - Extra Credit ( 102-103 ) အထိေပးတတ္ၾကတယ္။ ဒါမွလည္း ဥာဏ္ေကာင္းျပီး ၾကိဳးစားတဲ႕ေက်ာင္းသားေတြအတြက္ ေခါင္မိုးထက္ျမင္႕တဲ႕ေနရာကိုတက္ျပီး ဂုဏ္ယူေနခြင္႕ရွိေနမွာကိုး..။

.

ဒီဂုဏ္ထူးမွတ္ေတြကို အေမရိကားေက်ာင္းမွာ ဘယ္လိုအသံုးဝင္ပါသလဲ ေတြးၾကည္႕မိတယ္။ အားမနာတမ္းေျပာရရင္ အဲဒီဂုဏ္ျဒပ္ကုိ တစ္ေနရာကလြဲရင္ “ ေနရာတုိင္းမွာ ယူငင္သံုးစြဲဖို႕ ခက္ပါတယ္ ” ။ ဒီလိုေျပာလုိက္လို႕ မိဘမ်ား နဲ႕ ဂုဏ္ထူးမ်ားပိုင္ရွင္ စာၾကိဳးစားတဲ႕ ေက်ာင္းသားေတြ စိတ္ဓါတ္က်စရာမဟုတ္ပါ။ မိမိကေလး ( ၁၂ ) တန္းေရာက္လို႕ အေျခခံပ်မ္းမွ်အမွတ္ေပးဇယား - GPA ( Grade Point Average ) တည္ေဆာက္တဲ႕အခါ ေက်ာင္းသားေရးရာအၾကံေပးအရာရွိ - Counselor က ပညာသင္မႈသမိုင္းကို တည္ေဆာက္ေပးရပါတယ္။ ဒီအခါမွာ ကေလးရဲ႕ဂုဏ္ထူးမွတ္ေတြကုိ နားလည္ေအာင္ရွင္းျပေပးရင္ ေကာင္းမြန္တဲ႕ GPA နဲ႕ တကၠသိုလ္တိုက္ရိုက္တက္ဖို႕အခြင္႕အလမ္းရွိလာႏုိင္တယ္။

.

.

ဒီဘက္ႏိုင္ငံကုိထြက္ဖို႕လုပ္တဲ႕အခါ ႏိုထရီပတ္ပလစ္ျပန္တဲ႕အလုပ္ေတြ လုပ္ၾကရပါတယ္။ အထူးသျဖင္႕ ရန္ကုန္ဘားလမ္း နဲ႕ ကမ္းနားလမ္းတစ္ဝုိက္မွာ ကိုယ္တုိင္သြားေရာက္လုပ္ကိုင္ရင္ အလြယ္ကေလးပါ။ ေရွ႕ေနေရွ႕ရပ္နဲ႕ဆိုရင္ေတာ႕ သူ႕ေနရာနဲ႕သူ ဝန္ေဆာင္ခေတြ၊ အက်ိဳးေဆာင္ခေတြ ရွိတတ္တာ သတိထားရပါမယ္။ ေက်ာင္းသားရဲ႕ ( ၁ဝ ) တန္းေအာင္လက္မွတ္ကုိမျဖစ္မေနယူေဆာင္ခဲ႕ရမွာျဖစ္သလို ႏုိထရီျပန္ခဲ႕ဖုိ႕ အေရးၾကီးပါတယ္။ အမွတ္စာရင္း နဲ႕ ေမြးစာရင္းလည္း ေမ႕လို႕မျဖစ္ေပဘူးေပါ႕။

.

ေက်ာင္းထြက္လက္မွတ္ကုိ အေမရိကားမွာ ( ၁၁ ) တန္း နဲ႕ ( ၁၂ ) တန္း ျပန္တက္ဖို႕ အေထာက္အထားတစ္ခုအေနနဲ႕ ၾကည္႕ၾကတယ္။ တစ္ကယ္လို႕မပါလာခဲ႕ရင္လည္း ကေလးရဲ႕ လက္ရွိအသက္အရြယ္နဲ႕ ခ်ိန္ညွိျပီး အတန္းထုိးေပးပါတယ္။ ဒီအတြက္ေတာ႕ ႏုိင္ငံရပ္ျခားကေက်ာင္းသားတုိင္းဟာ အထက္တန္းဝင္ခြင္႕ အရည္အခ်င္းစစ္စာေမးပြဲ - HSPT ( High School Placement Test ) ေတာ႕ ေျဖကိုေျဖရတယ္။ ေက်ာ္ျပီး တန္းဝင္သြားလို႕ ဒီမွာ ေပၚလစီမရွိပါဘူး။ အားလံုးတန္းတူပါ။

.

.

ျမန္မာႏိုင္ငံက ( ၁ဝ ) တန္းေအာင္တဲ႕အခါ Grade 11 Passed  လို႕ ႏုိထရီျပန္ေပးလိုက္တဲ႕အခါ ကိုယ္႕သားသမီးဟာ အေမရိကားေက်ာင္းမွာ ( ၁၂ ) တန္းက စတက္ဖို႕အခြင္႕အေရးရွိေနပါတယ္။ ဒါကလည္း ေက်ာင္းသားကိစၥကိုကိုင္တြယ္မယ္႕ ေကာင္စယ္လာ ဘယ္သူနဲ႕က်သလဲဆုိတဲ႕အေပၚမွာ စကားေျပာသြားပါလိမ္႕မယ္။ ေကာင္စယ္လာတုိင္း ဆရာ၊ ဆရာမမဟုတ္ပါ။ ဝန္ထမ္းသီးသန္႕လုပ္သူေတြရွိျပီး ေက်ာင္းသားေတြကုိ အုပ္ခ်ဳပ္အၾကံေပးတဲ႕အလုပ္ကိုပဲ ကြ်မ္းက်င္ၾကတာပါ။ စာမသင္တတ္ၾကပါဘူး။ သူတို႕က ေက်ာင္းသားတက္ခဲ႕တဲ႕သမိုင္းေၾကာင္း နဲ႕ အဂၤလိပ္လိုဘာသာျပန္ထားတဲ႕ ပညာေရးမွတ္တမ္းေတြကုိၾကည္႕ျပီး ဘယ္အတန္းဝင္သင္႕သလဲဆုိတာကို ေနရာခ်ထားေပးသလို ယူသင္႕ယူထုိက္တဲ႕ဘာသာရပ္ေတြကုိ ကူညီေရြးခ်ယ္ေပးပါတယ္။

.

တစ္ဆက္တည္းေျပာရရင္ အေမရိကားအထက္တန္းကို အဂၤလိပ္စကားေျပာတတ္သူ ေျပာင္းေရႊ႕ႏိုင္ငံသားေတြခ်ည္း ေရာက္လာတာမဟုတ္ပါ။ တစ္ခ်ိဳ႕မ်ားဆုိ အဂၤလိပ္စာတစ္လံုးမွမတတ္တဲ႕ အေမရိကတုိက္ရဲ႕ အိမ္နီးခ်င္းႏိုင္ငံမ်ားကေနလာသလို ပညာေရးစံနစ္နိမ္႕က်ျပီး စစ္မက္ျဖစ္ပြားေနတဲ႕ အေရွ႕အလယ္ပိုင္းခပ္ဆူဆူႏုိင္ငံက ကေလးေတြလည္း ပါဝင္စျမဲပါ။ ဒီလိုကေလးမ်ိဳး နဲ႕ ျမန္မာႏိုင္ငံက ဂုဏ္ထူး ( ၄၊ ၅ ) ခု ထြက္ထားတဲ႕ကေလးမ်ိဳးနဲ႕ဆုိ ယွဥ္စရာမလိုေတာ႕ပါဘူး။ ျမန္မာက သာျပီးသားပါ။

.

.

ေက်ာင္းသားတစ္ေယာက္ဟာ ( ၁၁ ) တန္းကို ျပန္တက္ခ်င္တယ္ဆိုရင္ ေကာင္စယ္လာက ခြင္႕ေပးသလို စာႏုိင္တယ္၊ လုိက္ႏုိ္င္မယ္ယူဆျပီး ( ၁၂ ) တန္း တက္ခ်င္ရင္လည္း အဆုိပါပုဂိၢဳလ္ကပဲ ဆံုးျဖတ္ပါတယ္။ ေက်ာင္းေနရာေတြလိုက္ျပေပးမယ္။ အခန္းေတြျပေပးမယ္။ အားကစားရံု - Gym ၊ နားေနခန္း - Cafeteria ေတြ ၊ ကိုယ္႔ပစၥည္းကိုယ္ထားရတဲ႕ ေသာ႕ခတ္အခန္း - Locker ပါမက်န္ အကုန္အစံုလိုက္ျပတာကို ကနဦးမိတ္ဆက္ျခင္း - Orientation လို႕ ေခၚပါတယ္။

.

အေမရိကားပညာေရးအသိုင္းအဝုိင္းမွာ မိမိနဲ႕သားသမီးတို႕တည္းခုိမယ္႕လိပ္စာအရ အစိုးရေက်ာင္းရံုး - School District ဆုိတာ ရွိပါတယ္။ ဥပမာ - ဗုိလ္တေထာင္ရပ္ကြက္မွာေနသူမိဘေတြရဲ႕ကေလးကုိ တာေမြျမိဳ႕နယ္မွာ ေက်ာင္းေပးမတက္ပါဘူး။ တစ္ကယ္လို႕ တာေမြကေကာင္းေပ႕ေက်ာင္းမွာမွ မိမိကေလးကိုထားခ်င္တယ္ဆုိရင္ တာေမြျမိဳ႕နယ္က အသိတစ္ေယာက္၊ ေဆြမ်ိဳးတစ္ေယာက္လိပ္စာနဲ႕ ေက်ာင္းရံုးကုိျပရပါမယ္။ ဒါေၾကာင္႕ ဒီေျမဆီလႊာကိုနင္းလုိက္တဲ႕ထိပ္ဆံုးရက္ေတြမွာ ေဆြမ်ိဳး၊ မိတ္သဂၤဟေတြက ကိုယ္ဖိရင္ဖိ္အကူအညီေပးတယ္ဆုိရင္ ကိုယ္႕ဖက္မွာအဆင္ေခ်ာမွာ အေသအခ်ာပါပဲ။

.

.

ေက်ာင္းရံုးက ကေလးရဲ႕ေမြးေန႕သကၠရာဇ္စစ္ေပးတာ၊ အေမရိကားကိုေျခခ်တဲ႕ရက္ကိုစာရင္းသြင္းေပးတာ၊ ေက်ာင္းေရြးေပးတာ၊ ေနရပ္လိပ္စာအရ အုပ္ထိန္းသူအမွန္တကယ္ေနထုိင္ျခင္းအေထာက္အထား နဲ႕ အၾကိဳ/အပို႕ေက်ာင္းကားလိုအပ္မႈရိွမရွိ ဆိုတာေတြကုိစိစစ္ေပးျပီး တက္ရမယ္႕ေက်ာင္းရဲ႕ေကာင္စယ္လာနဲ႕ ရက္ခ်ိန္းယူေပးပါတယ္။ ေငြသြင္းေပးစရာမလိုသလုိ မည္သည္႕ဇြတ္အတင္းေရာင္းခ်မႈမ်ိဳးေတြကိုလည္း ၾကံဳရဖို႕အေျခအေနနည္းပါးပါတယ္။ ဒါေပမယ္႕ ေက်ာင္းသားထု နဲ႕ ေက်ာင္းပတ္ဝန္းက်င္လိုအပ္ခ်က္အရ ကာကြယ္ေဆးျပည္႕စံုစြာထိုးထားျခင္းရွိမရွိကို စစ္ပါတယ္။ လိုအပ္ရင္ ကိုယ္ျပေနက် ( ရွိခဲ႕ရင္ ) ေဆးရံု၊ ေဆးေပးခန္းမွာ သြားထုိးေပးရပါမယ္။

.

စေရာက္သူအမ်ားစုအတြက္ အစိုးရ နဲ႕ ျပည္နယ္ကေပးတဲ႕ အခမဲ႕က်န္းမာေရးေစာင္႕ေရွာက္မႈ - State Medical ခ်က္ခ်င္းေလွ်ာက္ထားသင္႕ပါတယ္။ အေမရိကားေရာက္ေၾကာင္းအေထာက္အထား - Green Card ( New Immigrant  ေတြအတြက္ - ရွိခဲ႕ရင္ ) နဲ႕ လူမႈလံုျခံဳေရးကဒ္ျပား - SSN ( Social Security Number ) တုိ႕ကေတာ႕ ျမန္မာႏုိင္ငံမွာကိုင္ရတဲ႕ အိမ္ေထာင္စုဇယား နဲ႕ မွတ္ပံုတင္လို လက္ကိုင္ထားသံုးစြဲရမယ္႕ ေသရာပါလက္မွတ္ေတြပဲျဖစ္ပါတယ္။

.

ေနာက္ပိုင္းမွာ ကားလုိင္စင္က မိမိရဲ႕မွတ္ပံုတင္အျဖစ္အျမဲသံုးရျပီး ျမန္မာႏုိင္ငံမွာ ( ၁ဝ ) တန္းေအာင္လာတဲ႕ကေလးအတြက္ ကားေမာင္းဖို႕ အနည္းငယ္ေစာေနပါေသးတယ္။ ဒါေၾကာင္႕ ေက်ာင္းတက္ျပီဆုိတာနဲ႕ မနက္ပို႕၊ ညေနျပန္ၾကိဳအစီအစဥ္ကို ပိုင္ပိုင္ႏုိင္ႏိုင္စီစဥ္ရပါမယ္။ မရရင္ေက်ာင္းကားေတာင္းသင္႕ပါတယ္။ ဒါေပမယ္႕ အခုမွေရာက္ျပီး နယ္ေျမစိမ္းက အဂၤလိပ္ေက်ာင္းကို ေက်ာင္းကားနဲ႕တစ္ကိုယ္ေတာ္ေက်ာင္းတက္ေစတာ အားငယ္စရာေပမုိ႕ ကေလးအတြက္ ေသေသခ်ာခ်ာစီစဥ္သင္႕ပါတယ္။

.

.

ေက်ာင္းေတြမွာ ဖတ္စာအုပ္ေတြဝယ္စရာမလိုပါ။ ငွားေပးပါတယ္။ ဒါေပမယ္႕ ကိုယ္လက္မွတ္ထုိး ငွားယူထားတဲ႕ ဖတ္စာအုပ္အသစ္၊ အေဟာင္းေပၚမူတည္ျပီးေပ်ာက္သြားရင္ အနည္းဆံုး ( ၆၅ ) ေဒၚလာကေန ( ၂၅ဝ ) ေဒၚလာအထိေပးေလ်ာ္ရပါမယ္။ သခ်ာၤ နဲ႕ သိပၸံဘာသာေတြအတြက္ ဂဏန္းတြက္စက္ငွားေပးပါတယ္။ ျမန္မာႏိုင္ငံေကာလိပ္ေတြမွာသံုးတဲ႕ Scientific Calculator မ်ိဳးပါ။ ဒီမွာ Casio တံဆိပ္မသံုးပဲ Texas Instruments သံုးၾကတယ္။ ရုိးရုိးစက္မ်ိဳးကေစ်းေပါျပီး အပိုင္ဝယ္ခ်င္ရင္ ( ၁၂ ) ေဒၚလာထက္ပိုမေပးရပါ။ ေကာလိပ္သံုးထဲမွာ အပိုင္းကိန္းခြဲတာပါတဲ႕ ေဖာ္ျမဴလာထည္႕သြင္းရတာမ်ိဳးကို အထက္တန္းမွာ အခမဲ႕ငွားေပးပါတယ္။ ေပ်ာက္သြားရင္ေတာ႕ အစားဝယ္ေပးရင္ဝယ္ေပးလို႕ရသလို ေဒၚလာ ( ၁၂ဝ ) ခန္႕ ေပးေလ်ာ္ရဖို႕ရွိပါတယ္။

.

အေမရိကန္အထက္တန္းေက်ာင္းေတြမွာ ကြန္ပ်ဴတာခန္းသီးသန္႕ခန္းရွိသလို Desktop ကြန္ပ်ဴတာေတြ မွ်ေဝသံုးစြဲၾကတယ္။ ေက်ာင္းအမ်ားစုမွာေတာ႕ Google ကထုတ္တဲ႕ Chrome Book ကုိ ေက်ာင္းသားတစ္ေယာက္ကိုတစ္လံုးနီးပါးသံုးခြင္႕ရွိထားျပီး ျပည္နယ္အလိုက္ ဘတ္ဂ်က္အရ ကြဲလြဲမႈရွိႏိုင္ပါတယ္။ ေက်ာင္းစာေတြကုိ Google Cloud ေပၚမွာ ေက်ာင္းဖိုင္အေနနဲ႕ သိမ္း - Save ရသလို ဘာလုပ္လုပ္ မုိက္ခရိုေဆာ႕အစား Google Drive နဲ႕ Gmail တို႕ကို အဓိကသံုးၾကတယ္။ ဆရာ/ဆရာမ၊ ေက်ာင္းသား နဲ႕ သူငယ္ခ်င္းေတြၾကားမွာ ေက်ာင္းစာ၊ အိမ္စာတင္တာေတြကုိ အိမ္ရွိအင္တာနက္ကေန တင္ခြင္႕ရၾကတယ္။

.

.

အမိေျမကိုစြန္႕ခြာလာမယ္႕ေက်ာင္းသားဟာ အေမရိကန္ေရာက္တာနဲ႕ စကားေျပာလွ်ာ - Mother Tongue ကုိ ျပင္ခဲ႕ဖို႕လိုပါျပီ။ မိမိေျပာတာကို သူတစ္ပါးနားလည္ေစခ်င္ရင္ အသံထြက္ပီျပင္မႈ - Accuracy ကို အေလးေပးသင္႕တယ္။ ဆရာဆရာမေျပာတာကို လိုက္မွီနားေထာင္ႏုိင္ေအာင္ ျမန္မာႏုိင္ငံမွာရွိတုန္း အေမရိကန္ရုပ္သံဇာတ္လမ္းတြဲေတြကို စာတန္းထိုးဖြင္႕ျပီး ၾကည္႕ရႈေလ႕လာသင္႕ပါတယ္။

.

အဂၤလိပ္လိုေၾကျငာတဲ႕ မည္သည္႕အသံလႊင္႕ေရဒီယို႒ာနမဆုိ ဂရုတစိုက္နားေထာင္သင္႕တယ္။ အီးေမးလ္သံုးတာေတြ၊ အင္တာနက္မွာ သတင္းစာလြယ္လြယ္ကေန စဖတ္ႏုိင္တာေတြ၊ အဂၤလိပ္စကားကို တယ္လီဖုန္းထဲကေန နားေထာင္က်င္႕တာေတြ၊ အေမရိကန္သံရံုးကေပးတဲ႕ေခၚစာ I-256 လိုမ်ိဳး ရံုးစာရြက္ျဖည္႕ပံုျဖည္႕နည္းေတြကုိ ပထမပိုင္း ( ၆ ) လေလာက္မွာ ေရာက္တဲ႕ေနရာတုိင္းအသံုးတည္႕ေနမယ္ဆိုတာ ႏွလံုးသြင္းထားေစခ်င္တယ္။

.

.

ေလယာဥ္ေပၚ အခမဲ႕တင္ခြင္႕ရတဲ႕ ေပါင္ ( ၅ဝ ) အထုပ္ေတြထဲမွာ စာအုပ္ထည္႕ရတာ ေလးလွပါတယ္။ ျပီးေတာ႕လည္း “ မလိုတာသယ္မိရင္ လုိတာေတြက်န္ေနခဲ႕တတ္ပါေသးတယ္ ” ။ ဒါေပမယ္႕ ကေလးတက္မယ္႕ ဘာသာရပ္ ( သိပၸံတြဲ၊ အႏုပညာတြဲ၊ ဥပေဒ၊ ဆုိရွယ္သိပၸံ၊ ေဆးေက်ာင္း၊ နည္းပညာ၊ စက္မႈ နဲ႕ စိတ္ပညာ ) စတဲ႕ ဘာသာရပ္ေတြကုိခန္႕မွန္းျပီး အထူးသီးသန္႕ဘာသာျပန္ျမန္မာအဘိဓာန္ - Special Terms Dictionary မ်ိဳးက ဒီမွာရွာဝယ္လို႕မရေတာ႕ သယ္ခဲ႕မွ အနာဂါတ္အတြက္ အဆင္ေျပပါလိမ္႕မယ္။

.

လက္ပြတ္ဖုန္းေတြ တြင္တြင္သံုးေနတဲ႕ ရန္ကုန္ကေက်ာင္းသားေတြအဖို႕ အသံထြက္ Smart Dictionary ဝယ္ခဲ႕ဖို႕မလိုပါထင္ပါတယ္။ ျမန္မာေဖာင္႕ဖတ္လုိ႕ရတဲ႕ဖုန္းေပၚမွာ အင္တာနက္ကေန ကိုယ္လိုတာရွာေဖြဖို႕ အရာရာအဆင္သင္႕ေပမုိ႕ ပစၥည္းတစ္ခုကို ပုိင္ဖို႕ထက္ ဘယ္လုိကိုင္တြယ္သံုးစြဲတာကုိသိဖို႕က ပိုအဓိကက်ပါတယ္။

.

.

ဝတ္စားဆင္ယင္မႈက နယ္ေျမေဒသကိုလုိက္ျပီး ေျပာင္းလဲႏိုင္တာမုိ႕လို႕ မိမိကေလးကုိ ဒီဖက္ႏုိင္ငံေရာက္မွ ကြက္တိ - Slim Fit အဝတ္အစားေတြဆင္တာ ပိုေကာင္းပါတယ္။ ဒါကိုၾကိဳတြက္ႏိုင္ရင္ေတာ႕ မလိုတဲ႔ပစၥည္းေတြ သယ္ခဲ႕မိတဲ႕ဒုကၡကေနကင္းေဝးျပီး အေျမာ္အျမင္ၾကီးရာေရာက္ပါတယ္။ စာအုပ္စာတမ္း၊ စာေရးကိရိယာေတြ ဝယ္တတ္ရင္ ဒီဘက္မွာေစ်းမၾကီးပါဘူး။

.

ျမန္မာႏုိင္ငံနဲ႕မတူတာတစ္ခုက အေမရိကားမွာ ရာသီခ်ိန္ဆိုရင္ ရာသီစာကိုအခ်ိန္ကိုက္ေလွ်ာ႕ေစ်းနဲ႕ေရာင္းပါတယ္။ ေက်ာင္းဖြင္႕ခါနီးလို႕ စာအုပ္ နဲ႕ အသံုးအေဆာင္ပစၥည္းေတြ ေစ်းမတက္ပါဘူး .. ေစ်းေတာင္ေလွ်ာ႕ေရာင္းပါေသးတယ္။ ျပည္သူေတြရဲ႕လုိအပ္ခ်က္နဲ႕အညီ လိုက္ေလ်ာညီေထြေအာင္ ေပ်ာ႕ေျပာင္းစြာေစ်းေရာင္းတဲ႕အရင္းရွင္ဆိုင္ၾကီးေတြဟာ ဒီေနရာမွာေတာ႕ ခ်စ္စရာေကာင္းလွပါတယ္။ အဲ .. မေလ်ွာ႕တဲ႕အခါ ကိုယ္လိုလို႕သြားဝယ္ျပီဆိုရင္ေတာ႕ အေသေဆာ္ေတာ႕တာ..။

.

.

ေနာက္ဆံုးပိတ္ Checklist အေနနဲ႕ အေမရိကန္ေက်ာင္းပိတ္ရက္ေႏြရာသီမွာ မိမိကေလးကိုေက်ာင္းလာတက္ဖုိ႕ ဒီဘက္ႏုိင္ငံမွာလာျပင္ဆင္မယ္ဆိုရင္ ရုပ္ပိုင္းဆိုင္ရာကိစၥ ေရွာင္စရာ၊ ေဆာင္စရာေတြကုိ ေရွ႕မွာအေျခခံက်က်ေျပာခဲ႕ျပီးပါျပီ။ ေက်ာင္းသားရဲ႕ စိတ္ေနစိတ္ထားနဲ႕ ေျပာင္းလဲလာမယ္႕ အသြင္ကူးေျပာင္းေရးဆိုင္ရာလူမႈပတ္ဝန္းက်င္ - Environmental Psychological Change Adapting ကုိ လက္ခံမႈကုိ ဦးစားေပးသင္႕ပါတယ္။ စဥ္းစားၾကည္႕ပါ ..။

.

သူ႕မွာ မိဘကတုိက္တြန္းလို႕ ဂုဏ္ထူးဂုဏ္ျပေတြအတြက္ ၾကိဳးစားခဲ႕ျပီးျပီ။ ျမန္မာႏုိင္ငံမွာက အျမင္႕ဆံုးတက္စရာေမဂ်ာက ေဆးေက်ာင္းနဲ႕ လက္တစ္ဆုပ္စာအထူးျပဳဘာသာရပ္ေတြဆိုတာ ရွင္းျပေနဖုိ႕လိုမယ္မထင္ပါ။ ေရျခားေျမေဝးေရာက္ေတာ႕ ျမန္မာႏိုင္ငံ ( ၁ဝ ) တန္းစာရဲ႕အသီးအပြင္႕ကို အေရးေပးအသိအမွတ္မျပဳတဲ႕အခါ တစ္ကေနျပန္စရေလ႕ရွိပါတယ္။ ဒီလိုအေရးၾကီးတဲ႕အေၾကာင္းရင္းေၾကာင္႕ ျမန္မာႏုိင္ငံ ( ၁ဝ ) တန္းေအာင္ေက်ာင္းသားကို အေမရိကားမွာ ( ၁၁ ) တန္း တက္ခုိင္းမလား .. တစ္တန္းေက်ာ္ျပီး ( ၁၂ ) တန္း တက္ေစမလားဆိုတာ .. ကာယကံရွင္ေက်ာင္းသားကိုေပးဆံုးျဖတ္ျခင္းျဖင္႕ ၾကိဳးစားရုန္းကန္မႈအတြက္ ယံုၾကည္မႈတည္ေဆာက္ႏုိင္ပါတယ္။

.

ဒီေလာက္နဲ႕တင္မကပဲ အလြတ္က်က္မွတ္စံနစ္ကေနလြတ္ေျမာက္ေစတဲ႕ အေမရိကန္ႏုိင္ငံရဲ႕ အခမဲ႕အေျခခံပညာေက်ာင္းမွာေတာ႕ ကေလးကို လူငယ္ဘာသာဘာဝ လြတ္လပ္ေပါ႕ပါးစြာျဖတ္သန္းခြင္႕ေပးေစခ်င္တယ္။ လူငယ္ကအနာဂါတ္ပညာေရးအသစ္အတြက္ ျပင္ဆင္လာခဲ႕ရမယ္ျဖစ္သလို မိဘေတြကလည္း ကေလးေတြကုိ ယဥ္ေက်းမႈအသစ္ထဲပစ္ခ်တဲ႕အခါ ေျပာင္းလဲမႈကို ၾကိဳဆိုဖုိ႕လိုပါတယ္။ ဒါမွ မိသားစုကိုဦးေဆာင္ႏုိင္ျပီး ကိုယ္စြမ္းကိုယ္စရွိတဲ႕ ျမန္မာလူငယ္ေက်ာင္းသားရည္မြန္ေလးေတြေပၚထြက္လာတဲဲ႕အခါ အမိျမန္မာႏုိင္ငံအတြက္လည္း ဂုဏ္ယူဝင္႕ၾကြားႏုိင္မယ္မဟုတ္ပါလား။

.

ခင္မင္ျခင္းမ်ားစြာျဖင္႕

.

06-19-2015
.
.
.
Myanmar Unicode Version:
.
.

 “ ဂုဏ်ထူးများနဲ့အောင်တဲ့ဆယ်တန်းကျောင်းသား အမေရိကားရောက်တဲ့အခါ ”

ဆောင်းပါးရှင် - ကိုညီညီ ( တောင်ကြီး )

.

သားသမီးကိုယ်တိုင်စာတော်တဲ့အခါ ဒါမှမဟုတ် မိဘတွေကမတရားတွန်းတဲ့အခါ မြန်မာနိုင်ငံက ကျောင်းသားတွေဟာ ဂုဏ်ထူးထွက်ကြပါတယ်။ ( ၇၅ ) မှတ်၊ ( ၈ဝ ) မှတ် စသဖြင့် အမှတ်ပေးပေတံနဲ့တိုင်းကြတယ်။ အမေရိကားအခြေခံပညာကျောင်းတွေမှာတော့ ကျရှူံး - F ( 0-69 ) ကနေ ရှယ်ထူးချွန် - A+ ( 99-100 ) အထိတင်မကပဲ အပိုအမှတ်ဇယား - Extra Credit ( 102-103 ) အထိပေးတတ်ကြတယ်။ ဒါမှလည်း ဥာဏ်ကောင်းပြီး ကြိုးစားတဲ့ကျောင်းသားတွေအတွက် ခေါင်မိုးထက်မြင့်တဲ့နေရာကိုတက်ပြီး ဂုဏ်ယူနေခွင့်ရှိနေမှာကိုး..။

.

ဒီဂုဏ်ထူးမှတ်တွေကို အမေရိကားကျောင်းမှာ ဘယ်လိုအသုံးဝင်ပါသလဲ တွေးကြည့်မိတယ်။ အားမနာတမ်းပြောရရင် အဲဒီဂုဏ်ဒြပ်ကို တစ်နေရာကလွဲရင် “ နေရာတိုင်းမှာ ယူငင်သုံးစွဲဖို့ ခက်ပါတယ် ” ။ ဒီလိုပြောလိုက်လို့ မိဘများ နဲ့ ဂုဏ်ထူးများပိုင်ရှင် စာကြိုးစားတဲ့ ကျောင်းသားတွေ စိတ်ဓါတ်ကျစရာမဟုတ်ပါ။ မိမိကလေး ( ၁၂ ) တန်းရောက်လို့ အခြေခံပျမ်းမျှအမှတ်ပေးဇယား - GPA ( Grade Point Average ) တည်ဆောက်တဲ့အခါ ကျောင်းသားရေးရာအကြံပေးအရာရှိ - Counselor က ပညာသင်မှုသမိုင်းကို တည်ဆောက်ပေးရပါတယ်။ ဒီအခါမှာ ကလေးရဲ့ဂုဏ်ထူးမှတ်တွေကို နားလည်အောင်ရှင်းပြပေးရင် ကောင်းမွန်တဲ့ GPA နဲ့ တက္ကသိုလ်တိုက်ရိုက်တက်ဖို့အခွင့်အလမ်းရှိလာနိုင်တယ်။

.

.

ဒီဘက်နိုင်ငံကိုထွက်ဖို့လုပ်တဲ့အခါ နိုထရီပတ်ပလစ်ပြန်တဲ့အလုပ်တွေ လုပ်ကြရပါတယ်။ အထူးသဖြင့် ရန်ကုန်ဘားလမ်း နဲ့ ကမ်းနားလမ်းတစ်ဝိုက်မှာ ကိုယ်တိုင်သွားရောက်လုပ်ကိုင်ရင် အလွယ်ကလေးပါ။ ရှေ့နေရှေ့ရပ်နဲ့ဆိုရင်တော့ သူ့နေရာနဲ့သူ ဝန်ဆောင်ခတွေ၊ အကျိုးဆောင်ခတွေ ရှိတတ်တာ သတိထားရပါမယ်။ ကျောင်းသားရဲ့ ( ၁ဝ ) တန်းအောင်လက်မှတ်ကိုမဖြစ်မနေယူဆောင်ခဲ့ရမှာဖြစ်သလို နိုထရီပြန်ခဲ့ဖို့ အရေးကြီးပါတယ်။ အမှတ်စာရင်း နဲ့ မွေးစာရင်းလည်း မေ့လို့မဖြစ်ပေဘူးပေါ့။

.

ကျောင်းထွက်လက်မှတ်ကို အမေရိကားမှာ ( ၁၁ ) တန်း နဲ့ ( ၁၂ ) တန်း ပြန်တက်ဖို့ အထောက်အထားတစ်ခုအနေနဲ့ ကြည့်ကြတယ်။ တစ်ကယ်လို့မပါလာခဲ့ရင်လည်း ကလေးရဲ့ လက်ရှိအသက်အရွယ်နဲ့ ချိန်ညှိပြီး အတန်းထိုးပေးပါတယ်။ ဒီအတွက်တော့ နိုင်ငံရပ်ခြားကကျောင်းသားတိုင်းဟာ အထက်တန်းဝင်ခွင့် အရည်အချင်းစစ်စာမေးပွဲ - HSPT ( High School Placement Test ) တော့ ဖြေကိုဖြေရတယ်။ ကျော်ပြီး တန်းဝင်သွားလို့ ဒီမှာ ပေါ်လစီမရှိပါဘူး။ အားလုံးတန်းတူပါ။

.

.

မြန်မာနိုင်ငံက ( ၁ဝ ) တန်းအောင်တဲ့အခါ Grade 11 Passed  လို့ နိုထရီပြန်ပေးလိုက်တဲ့အခါ ကိုယ့်သားသမီးဟာ အမေရိကားကျောင်းမှာ ( ၁၂ ) တန်းက စတက်ဖို့အခွင့်အရေးရှိနေပါတယ်။ ဒါကလည်း ကျောင်းသားကိစ္စကိုကိုင်တွယ်မယ့် ကောင်စယ်လာ ဘယ်သူနဲ့ကျသလဲဆိုတဲ့အပေါ်မှာ စကားပြောသွားပါလိမ့်မယ်။ ကောင်စယ်လာတိုင်း ဆရာ၊ ဆရာမမဟုတ်ပါ။ ဝန်ထမ်းသီးသန့်လုပ်သူတွေရှိပြီး ကျောင်းသားတွေကို အုပ်ချုပ်အကြံပေးတဲ့အလုပ်ကိုပဲ ကျွမ်းကျင်ကြတာပါ။ စာမသင်တတ်ကြပါဘူး။ သူတို့က ကျောင်းသားတက်ခဲ့တဲ့သမိုင်းကြောင်း နဲ့ အင်္ဂလိပ်လိုဘာသာပြန်ထားတဲ့ ပညာရေးမှတ်တမ်းတွေကိုကြည့်ပြီး ဘယ်အတန်းဝင်သင့်သလဲဆိုတာကို နေရာချထားပေးသလို ယူသင့်ယူထိုက်တဲ့ဘာသာရပ်တွေကို ကူညီရွေးချယ်ပေးပါတယ်။

.

တစ်ဆက်တည်းပြောရရင် အမေရိကားအထက်တန်းကို အင်္ဂလိပ်စကားပြောတတ်သူ ပြောင်းရွှေ့နိုင်ငံသားတွေချည်း ရောက်လာတာမဟုတ်ပါ။ တစ်ချို့များဆို အင်္ဂလိပ်စာတစ်လုံးမှမတတ်တဲ့ အမေရိကတိုက်ရဲ့ အိမ်နီးချင်းနိုင်ငံများကနေလာသလို ပညာရေးစံနစ်နိမ့်ကျပြီး စစ်မက်ဖြစ်ပွားနေတဲ့ အရှေ့အလယ်ပိုင်းခပ်ဆူဆူနိုင်ငံက ကလေးတွေလည်း ပါဝင်စမြဲပါ။ ဒီလိုကလေးမျိုး နဲ့ မြန်မာနိုင်ငံက ဂုဏ်ထူး ( ၄၊ ၅ ) ခု ထွက်ထားတဲ့ကလေးမျိုးနဲ့ဆို ယှဉ်စရာမလိုတော့ပါဘူး။ မြန်မာက သာပြီးသားပါ။

.

.

ကျောင်းသားတစ်ယောက်ဟာ ( ၁၁ ) တန်းကို ပြန်တက်ချင်တယ်ဆိုရင် ကောင်စယ်လာက ခွင့်ပေးသလို စာနိုင်တယ်၊ လိုက်န်ိုင်မယ်ယူဆပြီး ( ၁၂ ) တန်း တက်ချင်ရင်လည်း အဆိုပါပုဂ္ဂိုလ်ကပဲ ဆုံးဖြတ်ပါတယ်။ ကျောင်းနေရာတွေလိုက်ပြပေးမယ်။ အခန်းတွေပြပေးမယ်။ အားကစားရုံ - Gym ၊ နားနေခန်း - Cafeteria တွေ ၊ ကိုယ့်ပစ္စည်းကိုယ်ထားရတဲ့ သော့ခတ်အခန်း - Locker ပါမကျန် အကုန်အစုံလိုက်ပြတာကို ကနဦးမိတ်ဆက်ခြင်း - Orientation လို့ ခေါ်ပါတယ်။

.

အမေရိကားပညာရေးအသိုင်းအဝိုင်းမှာ မိမိနဲ့သားသမီးတို့တည်းခိုမယ့်လိပ်စာအရ အစိုးရကျောင်းရုံး - School District ဆိုတာ ရှိပါတယ်။ ဥပမာ - ဗိုလ်တထောင်ရပ်ကွက်မှာနေသူမိဘတွေရဲ့ကလေးကို တာမွေမြို့နယ်မှာ ကျောင်းပေးမတက်ပါဘူး။ တစ်ကယ်လို့ တာမွေကကောင်းပေ့ကျောင်းမှာမှ မိမိကလေးကိုထားချင်တယ်ဆိုရင် တာမွေမြို့နယ်က အသိတစ်ယောက်၊ ဆွေမျိုးတစ်ယောက်လိပ်စာနဲ့ ကျောင်းရုံးကိုပြရပါမယ်။ ဒါကြောင့် ဒီမြေဆီလွှာကိုနင်းလိုက်တဲ့ထိပ်ဆုံးရက်တွေမှာ ဆွေမျိုး၊ မိတ်သင်္ဂဟတွေက ကိုယ်ဖိရင်ဖိ်အကူအညီပေးတယ်ဆိုရင် ကိုယ့်ဖက်မှာအဆင်ချောမှာ အသေအချာပါပဲ။

.

.

ကျောင်းရုံးက ကလေးရဲ့မွေးနေ့သက္ကရာဇ်စစ်ပေးတာ၊ အမေရိကားကိုခြေချတဲ့ရက်ကိုစာရင်းသွင်းပေးတာ၊ ကျောင်းရွေးပေးတာ၊ နေရပ်လိပ်စာအရ အုပ်ထိန်းသူအမှန်တကယ်နေထိုင်ခြင်းအထောက်အထား နဲ့ အကြို/အပို့ကျောင်းကားလိုအပ်မှုရှိမရှိ ဆိုတာတွေကိုစိစစ်ပေးပြီး တက်ရမယ့်ကျောင်းရဲ့ကောင်စယ်လာနဲ့ ရက်ချိန်းယူပေးပါတယ်။ ငွေသွင်းပေးစရာမလိုသလို မည်သည့်ဇွတ်အတင်းရောင်းချမှုမျိုးတွေကိုလည်း ကြုံရဖို့အခြေအနေနည်းပါးပါတယ်။ ဒါပေမယ့် ကျောင်းသားထု နဲ့ ကျောင်းပတ်ဝန်းကျင်လိုအပ်ချက်အရ ကာကွယ်ဆေးပြည့်စုံစွာထိုးထားခြင်းရှိမရှိကို စစ်ပါတယ်။ လိုအပ်ရင် ကိုယ်ပြနေကျ ( ရှိခဲ့ရင် ) ဆေးရုံ၊ ဆေးပေးခန်းမှာ သွားထိုးပေးရပါမယ်။

.

စရောက်သူအများစုအတွက် အစိုးရ နဲ့ ပြည်နယ်ကပေးတဲ့ အခမဲ့ကျန်းမာရေးစောင့်ရှောက်မှု - State Medical ချက်ချင်းလျှောက်ထားသင့်ပါတယ်။ အမေရိကားရောက်ကြောင်းအထောက်အထား - Green Card ( New Immigrant  တွေအတွက် - ရှိခဲ့ရင် ) နဲ့ လူမှုလုံခြုံရေးကဒ်ပြား - SSN ( Social Security Number ) တို့ကတော့ မြန်မာနိုင်ငံမှာကိုင်ရတဲ့ အိမ်ထောင်စုဇယား နဲ့ မှတ်ပုံတင်လို လက်ကိုင်ထားသုံးစွဲရမယ့် သေရာပါလက်မှတ်တွေပဲဖြစ်ပါတယ်။

.

နောက်ပိုင်းမှာ ကားလိုင်စင်က မိမိရဲ့မှတ်ပုံတင်အဖြစ်အမြဲသုံးရပြီး မြန်မာနိုင်ငံမှာ ( ၁ဝ ) တန်းအောင်လာတဲ့ကလေးအတွက် ကားမောင်းဖို့ အနည်းငယ်စောနေပါသေးတယ်။ ဒါကြောင့် ကျောင်းတက်ပြီဆိုတာနဲ့ မနက်ပို့၊ ညနေပြန်ကြိုအစီအစဉ်ကို ပိုင်ပိုင်နိုင်နိုင်စီစဉ်ရပါမယ်။ မရရင်ကျောင်းကားတောင်းသင့်ပါတယ်။ ဒါပေမယ့် အခုမှရောက်ပြီး နယ်မြေစိမ်းက အင်္ဂလိပ်ကျောင်းကို ကျောင်းကားနဲ့တစ်ကိုယ်တော်ကျောင်းတက်စေတာ အားငယ်စရာပေမို့ ကလေးအတွက် သေသေချာချာစီစဉ်သင့်ပါတယ်။

.

.

ကျောင်းတွေမှာ ဖတ်စာအုပ်တွေဝယ်စရာမလိုပါ။ ငှားပေးပါတယ်။ ဒါပေမယ့် ကိုယ်လက်မှတ်ထိုး ငှားယူထားတဲ့ ဖတ်စာအုပ်အသစ်၊ အဟောင်းပေါ်မူတည်ပြီးပျောက်သွားရင် အနည်းဆုံး ( ၆၅ ) ဒေါ်လာကနေ ( ၂၅ဝ ) ဒေါ်လာအထိပေးလျော်ရပါမယ်။ သချာၤ နဲ့ သိပ္ပံဘာသာတွေအတွက် ဂဏန်းတွက်စက်ငှားပေးပါတယ်။ မြန်မာနိုင်ငံကောလိပ်တွေမှာသုံးတဲ့ Scientific Calculator မျိုးပါ။ ဒီမှာ Casio တံဆိပ်မသုံးပဲ Texas Instruments သုံးကြတယ်။ ရိုးရိုးစက်မျိုးကဈေးပေါပြီး အပိုင်ဝယ်ချင်ရင် ( ၁၂ ) ဒေါ်လာထက်ပိုမပေးရပါ။ ကောလိပ်သုံးထဲမှာ အပိုင်းကိန်းခွဲတာပါတဲ့ ဖော်မြူလာထည့်သွင်းရတာမျိုးကို အထက်တန်းမှာ အခမဲ့ငှားပေးပါတယ်။ ပျောက်သွားရင်တော့ အစားဝယ်ပေးရင်ဝယ်ပေးလို့ရသလို ဒေါ်လာ ( ၁၂ဝ ) ခန့် ပေးလျော်ရဖို့ရှိပါတယ်။

.

အမေရိကန်အထက်တန်းကျောင်းတွေမှာ ကွန်ပျူတာခန်းသီးသန့်ခန်းရှိသလို Desktop ကွန်ပျူတာတွေ မျှဝေသုံးစွဲကြတယ်။ ကျောင်းအများစုမှာတော့ Google ကထုတ်တဲ့ Chrome Book ကို ကျောင်းသားတစ်ယောက်ကိုတစ်လုံးနီးပါးသုံးခွင့်ရှိထားပြီး ပြည်နယ်အလိုက် ဘတ်ဂျက်အရ ကွဲလွဲမှုရှိနိုင်ပါတယ်။ ကျောင်းစာတွေကို Google Cloud ပေါ်မှာ ကျောင်းဖိုင်အနေနဲ့ သိမ်း - Save ရသလို ဘာလုပ်လုပ် မိုက်ခရိုဆော့အစား Google Drive နဲ့ Gmail တို့ကို အဓိကသုံးကြတယ်။ ဆရာ/ဆရာမ၊ ကျောင်းသား နဲ့ သူငယ်ချင်းတွေကြားမှာ ကျောင်းစာ၊ အိမ်စာတင်တာတွေကို အိမ်ရှိအင်တာနက်ကနေ တင်ခွင့်ရကြတယ်။

.

.

အမိမြေကိုစွန့်ခွာလာမယ့်ကျောင်းသားဟာ အမေရိကန်ရောက်တာနဲ့ စကားပြောလျှာ - Mother Tongue ကို ပြင်ခဲ့ဖို့လိုပါပြီ။ မိမိပြောတာကို သူတစ်ပါးနားလည်စေချင်ရင် အသံထွက်ပီပြင်မှု - Accuracy ကို အလေးပေးသင့်တယ်။ ဆရာဆရာမပြောတာကို လိုက်မှီနားထောင်နိုင်အောင် မြန်မာနိုင်ငံမှာရှိတုန်း အမေရိကန်ရုပ်သံဇာတ်လမ်းတွဲတွေကို စာတန်းထိုးဖွင့်ပြီး ကြည့်ရှုလေ့လာသင့်ပါတယ်။

.

အင်္ဂလိပ်လိုကြေငြာတဲ့ မည်သည့်အသံလွှင့်ရေဒီယိုဋ္ဌာနမဆို ဂရုတစိုက်နားထောင်သင့်တယ်။ အီးမေးလ်သုံးတာတွေ၊ အင်တာနက်မှာ သတင်းစာလွယ်လွယ်ကနေ စဖတ်နိုင်တာတွေ၊ အင်္ဂလိပ်စကားကို တယ်လီဖုန်းထဲကနေ နားထောင်ကျင့်တာတွေ၊ အမေရိကန်သံရုံးကပေးတဲ့ခေါ်စာ I-256 လိုမျိုး ရုံးစာရွက်ဖြည့်ပုံဖြည့်နည်းတွေကို ပထမပိုင်း ( ၆ ) လလောက်မှာ ရောက်တဲ့နေရာတိုင်းအသုံးတည့်နေမယ်ဆိုတာ နှလုံးသွင်းထားစေချင်တယ်။

.

.

လေယာဉ်ပေါ် အခမဲ့တင်ခွင့်ရတဲ့ ပေါင် ( ၅ဝ ) အထုပ်တွေထဲမှာ စာအုပ်ထည့်ရတာ လေးလှပါတယ်။ ပြီးတော့လည်း “ မလိုတာသယ်မိရင် လိုတာတွေကျန်နေခဲ့တတ်ပါသေးတယ် ” ။ ဒါပေမယ့် ကလေးတက်မယ့် ဘာသာရပ် ( သိပ္ပံတွဲ၊ အနုပညာတွဲ၊ ဥပဒေ၊ ဆိုရှယ်သိပ္ပံ၊ ဆေးကျောင်း၊ နည်းပညာ၊ စက်မှု နဲ့ စိတ်ပညာ ) စတဲ့ ဘာသာရပ်တွေကိုခန့်မှန်းပြီး အထူးသီးသန့်ဘာသာပြန်မြန်မာအဘိဓာန် - Special Terms Dictionary မျိုးက ဒီမှာရှာဝယ်လို့မရတော့ သယ်ခဲ့မှ အနာဂါတ်အတွက် အဆင်ပြေပါလိမ့်မယ်။

.

လက်ပွတ်ဖုန်းတွေ တွင်တွင်သုံးနေတဲ့ ရန်ကုန်ကကျောင်းသားတွေအဖို့ အသံထွက် Smart Dictionary ဝယ်ခဲ့ဖို့မလိုပါထင်ပါတယ်။ မြန်မာဖောင့်ဖတ်လို့ရတဲ့ဖုန်းပေါ်မှာ အင်တာနက်ကနေ ကိုယ်လိုတာရှာဖွေဖို့ အရာရာအဆင်သင့်ပေမို့ ပစ္စည်းတစ်ခုကို ပိုင်ဖို့ထက် ဘယ်လိုကိုင်တွယ်သုံးစွဲတာကိုသိဖို့က ပိုအဓိကကျပါတယ်။

.

.

ဝတ်စားဆင်ယင်မှုက နယ်မြေဒေသကိုလိုက်ပြီး ပြောင်းလဲနိုင်တာမို့လို့ မိမိကလေးကို ဒီဖက်နိုင်ငံရောက်မှ ကွက်တိ - Slim Fit အဝတ်အစားတွေဆင်တာ ပိုကောင်းပါတယ်။ ဒါကိုကြိုတွက်နိုင်ရင်တော့ မလိုတဲ့ပစ္စည်းတွေ သယ်ခဲ့မိတဲ့ဒုက္ခကနေကင်းဝေးပြီး အမြော်အမြင်ကြီးရာရောက်ပါတယ်။ စာအုပ်စာတမ်း၊ စာရေးကိရိယာတွေ ဝယ်တတ်ရင် ဒီဘက်မှာဈေးမကြီးပါဘူး။

.

မြန်မာနိုင်ငံနဲ့မတူတာတစ်ခုက အမေရိကားမှာ ရာသီချိန်ဆိုရင် ရာသီစာကိုအချိန်ကိုက်လျှော့ဈေးနဲ့ရောင်းပါတယ်။ ကျောင်းဖွင့်ခါနီးလို့ စာအုပ် နဲ့ အသုံးအဆောင်ပစ္စည်းတွေ ဈေးမတက်ပါဘူး .. ဈေးတောင်လျှော့ရောင်းပါသေးတယ်။ ပြည်သူတွေရဲ့လိုအပ်ချက်နဲ့အညီ လိုက်လျောညီထွေအောင် ပျော့ပြောင်းစွာဈေးရောင်းတဲ့အရင်းရှင်ဆိုင်ကြီးတွေဟာ ဒီနေရာမှာတော့ ချစ်စရာကောင်းလှပါတယ်။ အဲ .. မလျှော့တဲ့အခါ ကိုယ်လိုလို့သွားဝယ်ပြီဆိုရင်တော့ အသေဆော်တော့တာ..။

.

.

နောက်ဆုံးပိတ် Checklist အနေနဲ့ အမေရိကန်ကျောင်းပိတ်ရက်နွေရာသီမှာ မိမိကလေးကိုကျောင်းလာတက်ဖို့ ဒီဘက်နိုင်ငံမှာလာပြင်ဆင်မယ်ဆိုရင် ရုပ်ပိုင်းဆိုင်ရာကိစ္စ ရှောင်စရာ၊ ဆောင်စရာတွေကို ရှေ့မှာအခြေခံကျကျပြောခဲ့ပြီးပါပြီ။ ကျောင်းသားရဲ့ စိတ်နေစိတ်ထားနဲ့ ပြောင်းလဲလာမယ့် အသွင်ကူးပြောင်းရေးဆိုင်ရာလူမှုပတ်ဝန်းကျင် - Environmental Psychological Change Adapting ကို လက်ခံမှုကို ဦးစားပေးသင့်ပါတယ်။ စဉ်းစားကြည့်ပါ ..။

.

သူ့မှာ မိဘကတိုက်တွန်းလို့ ဂုဏ်ထူးဂုဏ်ပြတွေအတွက် ကြိုးစားခဲ့ပြီးပြီ။ မြန်မာနိုင်ငံမှာက အမြင့်ဆုံးတက်စရာမေဂျာက ဆေးကျောင်းနဲ့ လက်တစ်ဆုပ်စာအထူးပြုဘာသာရပ်တွေဆိုတာ ရှင်းပြနေဖို့လိုမယ်မထင်ပါ။ ရေခြားမြေဝေးရောက်တော့ မြန်မာနိုင်ငံ ( ၁ဝ ) တန်းစာရဲ့အသီးအပွင့်ကို အရေးပေးအသိအမှတ်မပြုတဲ့အခါ တစ်ကနေပြန်စရလေ့ရှိပါတယ်။ ဒီလိုအရေးကြီးတဲ့အကြောင်းရင်းကြောင့် မြန်မာနိုင်ငံ ( ၁ဝ ) တန်းအောင်ကျောင်းသားကို အမေရိကားမှာ ( ၁၁ ) တန်း တက်ခိုင်းမလား .. တစ်တန်းကျော်ပြီး ( ၁၂ ) တန်း တက်စေမလားဆိုတာ .. ကာယကံရှင်ကျောင်းသားကိုပေးဆုံးဖြတ်ခြင်းဖြင့် ကြိုးစားရုန်းကန်မှုအတွက် ယုံကြည်မှုတည်ဆောက်နိုင်ပါတယ်။

.

ဒီလောက်နဲ့တင်မကပဲ အလွတ်ကျက်မှတ်စံနစ်ကနေလွတ်မြောက်စေတဲ့ အမေရိကန်နိုင်ငံရဲ့ အခမဲ့အခြေခံပညာကျောင်းမှာတော့ ကလေးကို လူငယ်ဘာသာဘာဝ လွတ်လပ်ပေါ့ပါးစွာဖြတ်သန်းခွင့်ပေးစေချင်တယ်။ လူငယ်ကအနာဂါတ်ပညာရေးအသစ်အတွက် ပြင်ဆင်လာခဲ့ရမယ်ဖြစ်သလို မိဘတွေကလည်း ကလေးတွေကို ယဉ်ကျေးမှုအသစ်ထဲပစ်ချတဲ့အခါ ပြောင်းလဲမှုကို ကြိုဆိုဖို့လိုပါတယ်။ ဒါမှ မိသားစုကိုဦးဆောင်နိုင်ပြီး ကိုယ်စွမ်းကိုယ်စရှိတဲ့ မြန်မာလူငယ်ကျောင်းသားရည်မွန်လေးတွေပေါ်ထွက်လာတဲ့အခါ အမိမြန်မာနိုင်ငံအတွက်လည်း ဂုဏ်ယူဝင့်ကြွားနိုင်မယ်မဟုတ်ပါလား။

.

ခင်မင်ခြင်းများစွာဖြင့်

.

06-19-2015
.

“ ဂုဏ္ထူးမ်ားနဲ႕ေအာင္တဲ႕ဆယ္တန္းေက်ာင္းသား အေမရိကားေရာက္တဲ႕အခါ ”

KO KO LWIN KNN-TGI·MONDAY, MAY 16, 20169 Reads

“ ဂုဏ္ထူးမ်ားနဲ႕ေအာင္တဲ႕ဆယ္တန္းေက်ာင္းသား အေမရိကားေရာက္တဲ႕အခါ ” စာမူသည္ ၂ဝ၁၆ ခုႏွစ္၊ ေမလ ( ၁၄ ) ရက္ေန႕၊ စေနေန႕ထုတ္ NetGuide နည္းပညာဂ်ာနယ္ အတြဲ ( ၄ ) ၊ အမွတ္ ( ၃၄ ) ၊ စာမ်က္ႏွာ ( ၅၁ ) တြင္ ေဖာ္ျပပါရွိသည္။ Download Link : http://www.mediafire.com/download/r7kpkc9l3d44fia/NetGuide+Vol.4%2C+No.34%282%29.pdf