တိုးနီ နဲ့ ကုတင်နံပါတ် ( ၁၃ ) ( ဆဋ္ဌမပိုင်း )

ဆောင်းပါးရှင် - ကိုညီညီ ( တောင်ကြီး )

.

.

သူငယ်ချင်းခေါင်းဆောင် ဆေးစစ်တဲ့အလှည့်တုန်းက မေးလာတဲ့သတင်းက သိပ်အားရစရာမရှိပေမယ့် ထွက်ပေါက်အနည်းငယ်တော့ ရခဲ့ပါတယ်။ “ မင်းတို့ လူငယ်လေးတွေ စိတ်မပူပါနဲ့။ ကြောက်စရာမလိုပါဘူး။ အခုက တာဝန်ရှိသူတွေက ဥပဒေအတိုင်း စစ်ဆေးတာပါ။ ဖမ်းတာမဟုတ်ဘူး။ မင်းတို့ကို ဒီကနေ လူအများကြီးရှိတဲ့နေရာကို ထပ်ခေါ်သွားလိမ့်မယ်။ ထိန်းသိမ်းရေးစခန်း - Camp ဝင်ဖို့ ပဏာမ စစ်ဆေးတာသာ ဖြစ်တယ်။ ဒီလိုလူအုပ်စုထဲက ပြန်ပို့နိုင်သူတွေကို ပြန်ပို့ပြီး ပြန်မပို့နိုင်သူတွေကို တရားဥပဒေအရ ဆက်လက်ကိုင်တွယ်သွားမှာဖြစ်တယ် ” ဆိုပြီး Doctor Officer ပြောတာကို ပြန်ပြောပြတယ်။

.

သို့သော်လည်း ဒီနေရာမှာ ကျွန်တော်တို့ ဘယ်လောက်ကြာအောင်နေရဦးမှာလဲ? အဲဒါကလည်း တရားသူကြီး - Judge နဲ့ဆိုင်တယ်လို့ ပြောပါသေးတယ်။ ဒါဆို ကျွန်တော်တို့လည်း Judge နဲ့ တွေ့ရဦးမှာ သေချာသလောက်ရှိတယ်။ စိတ်နည်းနည်းသက်သာသလိုတော့ရှိသွားပေမယ့် ဒီအခက်အခဲထဲက အမြန်ဆုံးလွတ်ချင်နေပါပြီ။ အမြန်ဆုံး လွတ်လပ်ချင်ပါပြီ။

.

.

မှာထားတဲ့အတိုင်း မနက် ( ၄ ) နာရီမှာ အခန်းတံခါးက တာဝန်ကျေစွာ ပွင့်လာတယ်။ ကျွန်တော်တို့မှာ မျက်နှာသစ်ဖို့ဝေလာဝေး၊ သွားတိုက်တံမရှိ ဘာမရှိ နဲ့ မျက်စိကိုပွတ်၊ မျက်နှာကို လက်နှစ်ဖက်နဲ့သပ်ချ၊ ခေါင်းကဆံပင်ကိုဖွ၊ ခြေဆန့်လက်ဆန့် လုပ်ပြီးသွားတာနဲ့ ကျွန်တော်တို့ အဆင်သင့်ဖြစ်နေပါပြီ။

.

ရဲတွေ မနေ့ကစစ်ပြီးတဲ့အထုတ်လေးကို လက်ကဆွဲပြီး တံခါးဝကနေ ကျွန်တော်တို့ ( ၅ ) ယောက် ပြိုင်တူ ထွက်လိုက်တယ်။ ကျွန်တော်တို့ချည်းလို့ထင်ထားခဲ့တာ နောက်ထပ် လူတွေအများကြီးနဲ့ သွားပူးပေါင်းရပြန်တယ်။ မက္ကဆီကန်လူမျိုးတွေ ပါတယ်။ တရုတ်တွေ ပါတယ်။ ထူးခြားတာက အမျိုးသမီးတွေလည်း ပါတယ်။ စုစုပေါင်း အယောက် ( ၃ဝ ) လောက်ရှိမယ်။ ကားတစ်စီး ရောက်လာတဲ့အခါ အားလုံးကို တက်ခိုင်းတယ်။ လုပ်ပြန်ပြီ .. ကျွန်တော်တို့ကို လက်ထိပ်ထပ်ခတ်ပြန်ပြီ။

.

.

ဒီတစ်ခေါက် လက်ထိပ်ခတ်တာ မတူပြန်ဘူး။ လက်ထိပ်တွေအများကြီးကို သံကြိုးနဲ့ တွဲထားတယ်။ ကျွန်တော်တို့တစ်တွေ လူစုကွဲသွားရတယ်။ ရဲကိုတောင်းပန်တော့ ကျွန်တော်တို့ ( ၅ ) ယောက်ကို ပြန်တွဲပေးလို့တော်သေးတယ်။ ဘယ်အကြောင်းကြောင့်ဖြစ်ဖြစ် ကျွန်တော်တို့ မခွဲအတူ ရှိနေမှဖြစ်မယ်မဟုတ်လား?

.

 အမျိုးသမီးတွေကို ကားရှေ့ပိုင်းမှာတင်ပြီး ယောက်ျားသားတွေက နောက်ပိုင်းကနေ ထိုင်ရတယ်။ ဒီလူအုပ်စု နဲ့ ဒီကားနဲ့အကိုက်ပဲ။ ( ၃ ) နာရီလောက်အကြာ ကွင်းပြင်ကြီးတွေကို ဖြတ်မောင်းလာတဲ့အခါ Camp ဆိုတာကိုရောက်လာတယ်။ သူ့ပုံစံက လေတပ်စခန်းတစ်ခုပုံစံနဲ့ ခပ်ဆင်ဆင်တူတယ်။ လေယာဉ်တွေညသိပ်တဲ့ ခပ်လုံးလုံးကုန်လှောင်ရုံတွေလို အဆောက်အဦတွေ စီထားတဲ့နေရာလေးကို ရောက်လာတယ်။ ဒီနေရာမှာတော့ ဘာမှမစစ်တော့ဘူး။ ဘာမှလည်းမမေးတော့ဘူး။ ပါလာတဲ့ရဲဝန်ထမ်းက ကျွန်တော်တို့ အမှုတွဲတွေပါတဲ့ ဖိုင်အဝါ တစ်ထပ်ကြီးကို Camp က အရာရှိကို ဒီနေရာမှာ လွှဲပေးလိုက်တာ မြင်လိုက်ရတယ်။

.

.

ခဏနေတော့ အမျိုးသမီးတွေကို သီးသန့်ခွဲထုတ်လိုက်ပြန်တယ်။ ယောက်ျားတွေကို ရှေ့ထွက်လာခိုင်းတယ်။ အမှိုက်ကန်လို Bin ပုံးကြီးတစ်ခု ယူလာပြီး ကျွန်တော်တို့ကို တစ်ကိုယ်လုံးချွတ်ခိုင်းပါတော့တယ်။ အကုန်လုံးမှ တစ်ကယ့်ကို ကိုယ်တုံးလုံးကြီးပါ။ မြန်မာနိုင်ငံမှာ ဒီလိုလုပ်ဖို့မပြောနဲ့ ပုဆိုးပြင်ဝတ်တာတောင် ဟိုဘက်လှည့်ဝတ်တဲ့သူတွေ။ အကျီင်္လဲတာတောင် ဘယ်သူ့ရှေ့မှာမှလုပ်ခဲ့သူတွေမဟုတ်ကြတော့ အားလုံးအခက်တွေ့နေကြတယ်။ ချွတ်လိုက်တဲ့အဝတ်အစားဟောင်းတွေ ဘောင်းဘီတိုကအစ အဲဒီကန်အပြာကြီးထဲကို ထည့်ခိုင်းနေတယ်။ ဘယ်တတ်နိုင်ပါ့မလဲ .. “ အာဒမ် ” တို့အားလုံး မိမွေးတိုင်း အကာအကွယ်မဲ့စွာနဲ့ပေါ့။

.

ရေချိုးချိန် ( ၅ ) မိနစ် ပေးတယ်။ တန်းစီပြီး ဝင်ရပြန်တယ်။ ခေါင်းလျှော်၊ ကိုယ်တိုက်၊ မျက်နှာသစ် အားလုံးသုံးလို့ရတဲ့ ညှစ်တောင့်ဆပ်ပြာဗူးတစ်ဗူးစီ ပေးတယ်။ အနောက်ကနေ မိုးကာဝတ်ထားတဲ့ အစောင့်က လိုက်ကြည့်တယ်။ ပြောရမှာ စိတ်တောင်မချမ်းသာဘူး .. ယောက်ျားတွေဆိုတာ အားလုံး တန်းလန်းတန်းလန်းနဲ့ စဉ်းစားသာကြည့်ကြပါတော့။

.

အပေါ်ကကျလာတဲ့ရေပန်းကို အောက်ကဝင်ချိုးရတာ .. စက္ကန့် ( ၂ဝ ) လောက်မှာ ရေပြတ်သွားတယ်။ ခေါင်းမှာက ဆပ်ပြာတွေက မပြောင်သေးဘူး။ အဲဒါနဲ့ အနောက်က ရဲကိုမေးတော့ ရေဘုံပိုင်ခေါင်းကို လက်နဲ့တွန်း - Push ပါ ဆိုတော့မှ တစ်သက်မှာတစ်ခါ ( ၅ ) မိနစ်အတွင်း လူအများရှေ့မှာ ကိုယ်တုံးလုံးကြီး ရေချိုးဖူးခဲ့ပါတော့တယ်။ အရှေ့ကထွက်သွားတဲ့ အမျိုးသမီးတွေရော ဘယ်လိုစခန်းသွားနေကြပါသလဲဆိုတဲ့ မဆီမဆိုင်အတွေးကလည်း ဝင်လိုက်ပါသေးတယ်။

.

.

ဒီအဆောက်အဦတစ်ခုလုံးကို အပူပေးစက် - Heater လွှတ်ထားတယ်။ ရေချိုးပြီးသွားသူတိုင်းကို Sleeping Bag တစ်ထုတ်စီ ပေးပြန်တယ်။ အထဲမှာ သွားတိုက်ဆေးတစ်ယောက်စာ၊ သဘက်ဖြူတစ်ကိုယ်စာ၊ တစ်ယောက်အိပ်စောင် အဲဒါတွေပါပါတယ်။ အားလုံး တစ်ယောက်ထဲအတွက်ချည်းပဲ။ ကိုယ်လုံးကိုယ်ပေါက်အလိုက် အနွေးထည်တစ်ထည်စီ ထုတ်ပေးသေးတယ်။ ကိုယ်လက်သန့်စင်ပြီးသွားပြီဆိုတော့ နောက်ခေါ်တဲ့တစ်နေရာကို ထပ်လိုက်သွားရပြန်တယ်။

.

ဂိုဒေါင်အကြီးစား ( ၅ ) လုံးကို ( ၂ ) တန်း တန်းထားတဲ့နေရာတွေဆီကို အမှုတွဲမှာရေးပေးလိုက်တဲ့အတိုင်း ကျွန်တော်တို့တတွေ လူစုခွဲပြီးသွားရမယ်။ အဆောင်တွေက A, B, C, D ဆိုပြီး စာလုံးကြီးတွေထိုးထားတာ ကျွန်တော်သွားရမယ့်အဆောင်က ( D )။ အပေါက်ဝကိုရောက်တယ်ဆိုရင်ပဲ အထဲကလူတွေရဲ့ ကြိုဆိုသံကိုကြားတော့ ဝင်ရမှာတွန့်သွားတယ်။ ဟောလီဝုဒ်ထောင်ကားထဲကလို နီးစပ်ရာ သံပုံး၊ ကုတင်တိုင်တွေကို တဒုံးဒုံးတီးပြီး ကြိုဆိုကြတာ ဒါကလည်း ဒီတစ်သက်မှာ ထိပ်ဆုံးကြုံဖူးတာပါ။

.

.

လူတွေရဲ့ပုံစံက ထိုးကွင်းလိုမျိုး ဆေးမင်ကြောင်ထိုးထားသူလည်းရှိရဲ့၊ ကျစ်ဆံမြီးကျစ်ထားတဲ့ လူမည်းတွေလည်း အများကြီး၊ ကတုံး တုံးထားတဲ့ မက္ကစီကန်တွေလည်း လက်ပိုက်ထားလိုက်တာ ကြောက်စရာကြီး။ ခေါင်းတွေဆိုတာ အပြောင်ရိတ်ထားတာ အပေါ်ပိုင်းဗလာနဲ့ တစ်ကိုယ်လုံးမှာ အောက်ကဘောင်းဘီနဲ့ နှုတ်ခမ်းမွှေးပဲတွေ့ရတဲ့ အကောင်ကြီးကြီးမျိုးတွေ။ တစ်ချို့ဆို အလေးမတဲ့မောင်တွေလို ဆံပင်ရှည်ဖားလားချထားပြီး ဟန်ပြနေလိုက်ကြတာ တစ်ကယ့် ဗွီဒီယိုခွေထဲက အတိုင်းပဲ။ တော်တော်များများက အကျီင်္ကျွတ်ကြီးတွေနဲ့ ( ၂ ) ထပ်ကုတင်တွေရဲ့ရှေ့မှာ ရပ်နေကြတယ်။

.

ကျွန်တော်တို့ကသာ မသိတာ ကျွန်တော်တို့ရဲ့ အမှုတွဲတွေမှာ ဓါတ်ပုံပါတဲ့ စာမျက်နှာနောက်မှာ ဘယ်အဆောင်သွားရမယ်၊ ဘယ်ကုတင်မှာအိပ်ရမယ်ဆိုတာ ရေးပေးလိုက်တယ်။ အစောင့်တွေလည်း ဂိုက်ပေးကြမ်းတဲ့ အမိုက်စားတွေချည်းပဲ။ လာချင်အုံးဟဲ့ .. အမေရိကား။ မနက်ဖြန်ဘယ်လို ဆက်ဖြစ်မယ်ဆိုတာကို ကြိုမစဉ်းစားနိုင်ဘူး။ ခဏနေတောင် တစ်ခုခု အပြောင်းအလဲဖြစ်ချင်ဖြစ်ဦးမှာ။ ဒီမှာလည်း ဘယ်နှစ်လ ဘယ်နှစ်ရာသီ နေရမယ်ဆိုတာ ဘယ်သူမှ မပြောပြနိုင်ဘူး။ ကျွန်တော်အိပ်ရမယ့်နေရာရှေ့တည့်တည့်ကိုရောက်ပြီ .. ကုတင်နံပါတ် ( ၁၃ )။ အခုညတော့အိပ်နိုင်မယ်မထင်တော့ပါဘူး။

.

.

တိုးနီရဲ့ ဇာတ်လမ်း ဒီလောက်အရှိန်တက်နေတာ နားထောင်ရတဲ့ ကျွန်တော်လည်း အခုညတော့အိပ်နိုင်မယ်မထင်ပါဘူး။ ကြိုစားပြီး အိပ်ကြည့်လိုက်ပါဦးမယ်။

.

koko2yeye@gmail.com