ရွှေ့လျားနေသာ မှတ်ဥာဏ်ဘီဒိုများ

ဆောင်းပါးရှင် - ကိုညီညီ ( တောင်ကြီး )

.

.

သူမရဲ့နာမည်က Bettybot ၊ သူမ,ဆိုလို့ လူသားအမျိုးသမီးလို့မထင်လိုက်ပါနဲ့။ အမှန်က အသက်မရှိပဲ မှတ်ဥာဏ်သာရှိတဲ့ ဘက်စုံသုံးယန္တရားစက်ကလေးကို ခေါ်တာဖြစ်ပါတယ်။ အရင်က လက်နဲ့လုပ်ရတဲ့လူတွေရဲ့အလုပ်ကို ကိရိယာဆိုတဲ့ အစားထိုးအကူပစ္စည်းတွေနဲ့ မြန်မြန်ပြီးအောင်လုပ်ခဲ့ရတယ်။ အခုကျတော့ စက်ကကိုယ့်ရှေ့ကို ပစ္စည်းတွေအရောက်ပို့ပေးနေတာတောင် လူက လိုက်မမီလို့ စက်ကစောင့်နေရတဲ့အထိ နည်းပညာတွေ မြင့်လွန်းနေပါတယ်။

.

အရပ်စကားနဲ့ပြောရရင် ရောင်းထားတဲ့ဗောက်ချာတစ်ခုအတွက် ပစ္စည်းစု ပါကင်ပိတ်ပြီး ကားဂိတ်ပို့ရမယ်ဆိုပါတော့။ ဒါဆိုရင် ဂျပ်ဖါခွံတစ်ခုကိုကိုင်၊ ပါဝင်တဲ့ကုန်တွေကို ဂိုဒေါင်ရဲ့စင်တွေပေါ်လိုက်ယူပြီးထည့်၊ စာရင်းစစ်ပြီး ဖောင်းကြွလေအိတ် - Bubble Wrap တွေခံ၊ စာရင်းစစ်၊ တိတ်နဲ့ဆွဲပိတ် ဒါဆိုရင် ပို့ဖို့အဆင်သင့် မဟုတ်လား။ ဒီလို ပို့ရန်အဆင်သင့်အနေအထားကို သာမန်ဝန်ထမ်းတစ်ယောက်က တစ်နာရီခွဲလောက်ကြာအောင်လုပ်ရတာကို Bettybot စက်ရုပ်အုပ်စုက ( ၁၃ ) မိနစ်အတွင်း လုပ်ဆောင်ပေးနိုင်တာကို အမ်မဇွန်အွန်လိုင်းဈေးသည်ကြီးရဲ့ ဂိုဒေါင်တွေမှာ အရှိန်မြင့် သုံးစွဲနေပါပြီ။

.

ဒီစက်ကလေးရဲ့အလုပ်လုပ်ပုံက ဒီလိုပါ။ ကုန်တွေကို ( ၅ ) အံ ခန့် ပါတဲ့ လေးချောင်းထောက် မတ်တပ်ဘီဒိုတွေထဲမှာ ဘားကုဒ်ပါတဲ့တံဆိပ် - Label တွေ ကပ်ထားရပါမယ်။ ဘီဒိုတွေရဲ့ အရွယ်အစားနဲ့အကိုက် ကြမ်းပြင်ပေါ်မှာ အမှတ်အသား - Grid Spot တုံးလေးတွေကို မှတ်ဥာဏ်ပြကိရိယာတွေနဲ့ ကျားကွက်တွေလို အစီအရီလိုင်းဆွဲတည်ဆောက်ပါတယ်။ လမ်းအလယ်တမံတလင်းမှာမြှုပ်ထားတဲ့ အုပ်တုံးပုံစံ မှတ်ဥာဏ်စတစ်ကာတွေအတိုင်း ဘီဒိုတွေ ဖြတ်သန်းသွားလာတဲ့အခါမှာ တစ်လုံးကိုတစ်လုံး လွတ်ရုံလေးပါပဲ။

.

ပစ္စည်းစုမည့်ဝန်ထမ်းက သူ့ရှေ့က ကွန်ပျူတာမှာ လိုတဲ့ပစ္စည်းကိုတောင်းလိုက်တာနဲ့ အဲဒီပစ္စည်းပါရှိတဲ့ ဘီဒို ( စင် ) ကို Bettybot က သွားမ,လာတာဖြစ်ပါတယ်။ Bettybot မှာ အတည့်သွားနဲ့ ပတ်လည်သွား ရာဘာဘီးတွေတပ်ဆင်ထားပြီး ( ၃၆ဝံ ) ကြိုက်တဲ့လားရာကို သယ်ပေးနိုင်ပါတယ်။ Bettybot က သူလိုချင်တဲ့ ဘီဒိုအောက်ရောက်ပြီဆိုရင် ဘီဒိုအောက်ခြေကို သူ့အပေါ်က လေးမြှောင့်သံပြားထူကြီးနဲ့ ကပ်လိုက်ပါတယ်။ ဟန်ချက်ညီပြီဆိုရင် ဝက်အူရစ်မြင့်တင်တဲ့စံနစ်နဲ့ သူ့ကိုယ်သူ ( ၇ ) ပတ်လောက်လည်ပြီး မ လိုက်တဲ့အခါ ဘီဒိုဟာ အောက်ခြေကြွပြီး မြှောက်တက်လာပါတယ်။ ဒါကို Bettybot ရဲ့ မှတ်ဥာဏ်အရ ခေါ်ထားတဲ့နေရာကို ကားကလေးလို မောင်းပို့ပေးတာဖြစ်ပါတယ်။

.

ပစ္စည်းစုရာ Picking Station ရောက်တော့ လူက ဘီဒိုထဲက ပစ္စည်းကို နှိုက်မယူလိုက်မချင်း စောင့်ပေးနေတာ ချစ်စရာလေးပါ။ သူ့တာဝန်ကျေသွားရင်တော့ ထိန်းချုပ်ခန်း - Distributed Intelligence က ပေးတဲ့အမိန့်အတိုင်း မှတ်ဥာဏ်အရ သူမှတ်ထားတဲ့နေရာကို ဘီဒိုကို ပြန်သွားချပြီး နောက်တစ်ခုသယ်ဖို့ ထွက်ခွာသွားတာကို တွေ့ရပါမယ်။

.

သူက လူလုပ်သားတွေလို ဗိုက်မဆာတတ်ပေမယ့် အားနည်းသွားရင် အားသွင်းတဲ့ Charging Station ကို အလိုလိုရောက်လာပါတယ်။ အသင့်စောင့်နေတဲ့လူက ( ၇ ) စက္ကန့်လောက်စစ်လိုက်တာနဲ့ ဒီစက်ရုပ်မှာ ဓါတ်အား - Juice ဘယ်လောက်လိုနေတယ်ဆိုတာ တွက်ချက်ပေးတယ်။ တစ်ဘော့က ခဏနားပြီး အားသွင်းနေရင် နောက်တစ်ဘော့က အစားထိုးဝင်သယ်ပေးတယ်။ ဒီလို လက်တံမပါ စက်ရုပ်လေးတွေ သုံးနေလို့ ဘာစက်သံမှမဆူသလို မော်တော်ယာဉ်ရဲ့ မီးခိုးနံ့လည်းမထွက်ပါဘူး။ စက်တွေက လိုတွေလို ညမအိပ်တတ်လို့ ( ၂၄ ) နာရီ နဲ့ ရက်သတ္တပတ် ( ၇ ) ရက်လုံး - 24/7 မောင်းထားလို့ရသလို ပေါင် ( ၇၂ဝ ) အလေးချိန်အထိ သယ်ပို့ပေးဖို့ကတော့ အသာကလေးပါ။

.

မူလကုမ္ပဏီနာမည်က Kiva Systems ဖြစ်ပါတယ်။ ( ၂ဝ၁၂ ) မှာ အမ်မဇွန်သူဋ္ဌေး ဂျက်ဖ်ဘီးဇို - Jeff Bezo က ဒေါ်လာ ( ၇၇၅ ) သန်းနဲ့ ဝယ်ယူခဲ့တာဖြစ်တယ်။ အမ်မဇွန်ဟာ သူ့ပြိုင်ဖက်တွေနဲ့ ဈေးပြိုင်ရောင်းရုံမက ကုန်ပစ္စည်းတွေကိုလည်း “ အမြန်ပို့” ပြိုင်ဖို့ Kiva Robots အလုံးပေါင်း ( ၁၅ဝဝဝ ) ကို အမေရိကားသူ့ရဲ့ ဂိုဒေါင်တွေမှာ ဖြည့်တင်းထားပါတယ်။ သူရဲ့အဓိက ရည်ရွယ်ချက်က အားလပ်ရက်ရာသီ - Holiday Season အမှီ ပစ္စည်းတွေ အများကြီး ပို့ချင်တာဖြစ်ပါတယ်။ နောက်တစ်ခုက Google က ကြေငြာထားတဲ့ “ နေ့ချင်းပို့ ” – Same Day Delivery ကို ယှဉ်ပြိုင်အရောင်းမြှင့်တင်ချင်တာကြောင့်လည်းဖြစ်ပါတယ်။

.

အမေရိကားမှာ Bettybot သုံးပြီး ကုန်ပစ္စည်းထည့်သွင်းတဲ့ ကုမ္ပဏီ ( ၂ ) ဒါဇင်ကျော်ရှိတယ်။ ဒီအထဲက ကျွန်တော်တို့ မြန်မာတွေအသိများတဲ့ ထိပ်သီးအဝတ်အစားထုပ်လုပ်သူ Gap ပါဝင်ပါတယ်။ အနောက်တိုင်းပြည်တွေမှာ အရုပ်ချည်းသီးသန့်ရောင်းတဲ့ “ ကျွန်တော်တို့ဟာအရုပ်တွေပါ ” လို့အမည်ရတဲ့ “ Toys R Us ” ဆိုင် နဲ့ ဖိနပ်ရောင်းတဲ့နာမည်ကြီး Zappos ကုမ္ပဏီလည်းအပါအဝင်ဖြစ်ကြတယ်။

.

အခုနောက်ဆုံး Bettybot စက်ကလေးတွေဖြည့်လိုက်တဲ့  ( ၁ဝ ) ရုံမြောက် ဂိုဒေါင်အုပ်စုကြီးကတော့ ကယ်လီဖိုးနီးယားပြည်နယ် ထရေးစီမြို့မှာ တည်ရှိပြီး ဘောလုံးကွင်း ( ၂၈ ) ကွင်းစာအကျယ်အဝန်းပေါ်မှာ တည်ဆောက်ထားတာပါ။ ( ၁၅ဝဝဝ ) သော စက်ရုပ်တွေထဲက ( ၃ဝဝဝ ) ကို ထရေးစီဂိုဒေါင်မှာ တပ်ဆင်ထားတာဖြစ်ပြီး လူလုပ်သားကတော့ ( ၁၅ဝဝ ) သာ ရှိပါကြောင်း တင်ပြလိုက်ပါတယ်။

.

koko2yeye@gmail.com

.

Ref: Business Insider, The Sacramento Bee and YouTube

.

https://www.youtube.com/watch?v=8gy5tYVR-28

"  ရွှေ့လျားနေသာ မှတ်ဥာဏ်ဘီဒိုများ  " စာမူသည် ၂ဝ၁၅ မေလ ( ၂ ) ရက်နေ့၊ စနေနေ့ထုတ် NetGuide နည်းပညာဂျာနယ် အတွဲ ( ၃ ) ၊ အမှတ် ( ၈၂ ) ၊ စာမျက်နှာ ( ၅၁ ) တွင် ဖော်ပြပါရှိသည်။ Download Link: http://www.mediafire.com/download/82s9aibzws97tlm/NetGuide+Vol+3%2C+Issue+82.pdf