သတိရေနတဲ႕ သမီး

.

ကြ်န္ေတာ္ ဒီခရီးကိုလာေနေပမယ္႕ စိတ္ကေတာ႕ သမီးေက်ာင္းတက္ေနတဲ႕ ေဘာ႕စတြန္ျမိဳ႕ကို အျမဲေရာက္ေနပါတယ္။ သမီး ထမင္းမွစားရဲ႕လား? အခ်ိန္မွန္မွ အိပ္ရဲ႕လား? မနက္ေက်ာင္းသြားဖို႕ တယ္လီဖံုးႏိုးစက္မွ ၾကားရဲ႕လား? စသျဖင္႕ အေဝးကေန အပူစြမ္းအင္ နဲ႕ အတူတူအကြ်မ္းဝင္ေနတဲ႕ မိဘေတြဆိုရင္ ဘယ္မွားလိမ္႕မလဲ..။

.

ဒီဘက္ႏုိင္ငံကုိေရာက္ျပီးတစ္ႏွစ္ေလာက္ၾကာေတာ႕ ဒစၥေနရုပ္သံကုိ သူ႕ေမာင္ေလး “ စြမ္း “ က ၾကည္႕ေနတဲ႕အခ်ိန္ သမီးက ခပ္စြာစြာစကားေျပာတဲ႕ Phineas and Ferb ကာတြန္းကားၾကိဳက္တာကို သတိထားမိတယ္။ ေနာက္ပိုင္းသိပ္မၾကာဘူး .. သူ အဲဒီကာတြန္းေတြကုိ ေရာင္စံုခဲတံနဲ႕ဆြဲထားတဲ႕ပံုကိုေတြ႕ေတာ႕ ေတာ္ေတာ္အံ႕ၾသမိတယ္။

.

.

အဲဒီအခ်ိန္အထိ သမီး က ပံုဆြဲတတ္တာကို ဘယ္သူမွသတိမထားမိေသးဘူး။ ေနာက္ပိုင္း ငါးပံု၊ မိန္းကေလးပံု၊ ေနာက္ျပီး အထက္တန္းေက်ာင္းကခုိင္းတဲ႕ ပေရာဂ်က္ေတြမွာ အႏုပညာ - Art အတန္းမွာ လုပ္ရတာေတြက သူ႕ဝါသနာကို ေျခစံုခံုတက္သြားေစတယ္လုိ႕ထင္ပါတယ္။

.

လူဆိုတာ သူဝါသနာပါတာကိုလုပ္ရဖို႕ အခ်ိန္တစ္ခု နဲ႕ အေျခအေနတစ္ခုလိုတယ္ဆုိတာကို သမီးက ကြ်န္ေတာ႕ကိုသင္ေပးသြားတယ္။ သူဝါသနာပါတဲ႕ေမဂ်ာကိုတက္ဖို႕ သူအခိ်န္မ်ားစြာစဥ္းစားျပီး ေနာက္ဆံုးေတာ႕ ဂရပ္ဖစ္ဒီဇိုင္း - Graphic Design ကုိ စိတ္ဝင္တစားသင္ယူေနတယ္။ တစ္ရက္တစ္ရက္ကုိ မနက္ ( ၁၁ ) နာရီေလာက္ကေန ေက်ာင္းမွာ သင္တာေရာ၊ အုပ္စုဖြဲ႕ပေရာဂ်က္လုပ္တာေရာ၊ ကိုယ္ပုိင္အိမ္စာတင္ရတာေရာ ညပုိင္း ( ၁ဝ ) နာရီေတာင္ ေက်ာင္းကေန သူ႕အခန္း - Apartment ကို ျပန္မေရာက္ေသးဘူး။

.

.

ျပီးခဲ႕တဲ႕ႏွစ္ကဆို သူ႕ပေရာဂ်က္က ဟာသငွက္ေပ်ာသီး - Minions ကို ပံုဆြဲရတာမဟုတ္ပဲ ရုပ္လံုးၾကြလုပ္ရတယ္။ တစ္ေယာက္တည္း ကုန္ၾကမ္းကအစ စကၠဴ၊ ေကာ္ အဆံုး ကိုယ္တုိင္လုပ္ရတယ္။ ဒါမ်ား ေငြဘယ္ေလာက္ေပးရမွာလဲ .. ဝယ္လိုက္ - ျပီးေရာလို႕ မရဘူး။ သူတုိ႕ဆရာက ကုိယ္ပုိင္လုပ္ထားတာထဲက လုပ္ပံုလုပ္နည္း နဲ႕ ၾကိဳးစားမႈကို အမွတ္ေပးတာ..။

.

အခုေနာက္ပိုင္းမွာ အင္တာနက္ဝဘ္ဆုိဒ္တည္ေဆာက္ပံု၊ အေရာင္းပစၥည္းဒီဇုိင္းေတြတည္ေဆာက္ပံု စတာေတြလုပ္ရတယ္။ ဒါက သိသေလာက္ေယဘုယ်ေျပာျပတာ .. အကုန္မဟုတ္ေသးဘူး။ ေနာက္ျပီး သူ႕လက္ရာကိုဆရာကခ်ီးက်ဴးလို႕ သူ႕ Timeline မွာ တင္တဲ႕အခါ ျမန္မာႏုိင္ငံက လုပ္ငန္းရွင္တစ္ခ်ိဳ႕ကေတြ႕သြားျပီး သမီးကုိ အလုပ္အပ္တယ္။ သူတုိ႕လုပ္ငန္းရဲ႕ ဒီဇိုင္းေတြကို သမီးကိုဆြဲခုိင္းတယ္။

.

.

ကြ်န္ေတာ္ေပ်ာ္ပါတယ္။ ကြ်န္ေတာ္ေက်နပ္တယ္။ သမီးရဲ႕ သူ႕ဝါသနာကိုသူ ရွာေဖြေတြ႕ရွိသြားတာကို ကြ်န္ေတာ္အရမ္းဘဝင္က်တယ္။ ကြ်န္ေတာ္တုိ႕ ဘာအတြက္ ျမန္မာျပည္ကစီးပြားေရးကိုပစ္ခြာျပီး ေသာင္မတင္ေရမက်တဲ႕အေမရိကမွာ အပင္ပန္းလာခံတာလဲ? ပညာေရးအတြက္ပဲမဟုတ္ဘူးလား..။

.

သားသမီးေတြရဲ႕ပညာေရးအတြက္ အနာဂါတ္ကုိရင္းႏွီးျမွဳပ္ႏွံဖို႕ ကြ်န္ေတာ္တုိ႕ၾကိဳးစားရၾကိဳးႏွပ္ခ်င္တယ္။ သူတို႕ ႏုိင္ငံတကာစံခ်ိန္စံညႊန္းနဲ႕သင္တဲ႕ပညာေရး နဲ႕ ကိုယ္တုိင္ရပ္တည္ႏုိင္ရံုမက ထြန္းေပါက္ေက်ာ္ၾကားလာရင္ ကြ်န္ေတာ္ရင္ေကာ႕ျပီး ေမာ္ၾကြားခ်င္တယ္။ ဒီေလာက္ပါပဲ .. က်န္တာဘာမွမလိုပါဘူး။

.

.

အရင္က သမီးအေၾကာင္းေရးေပးဖို႕ေျပာလာတဲ႕ စာဖတ္မိတ္ေဆြေတြကို ခင္လည္းခင္တယ္ အားလည္းနာမိတယ္္။ ကြ်န္ေတာ္က သားအေၾကာင္းပဲေရးတာမ်ားတယ္။ သမီးက်ေတာ႕ မိန္းကေလးျဖစ္ေနတာရယ္ သူ႕ရဲ႕ အေနအထိုင္သိုသိပ္တာရယ္ေၾကာင္႕ သူ႕ဓါတ္ပံုယူသံုးဖို႕ မဝံ႕မရဲျဖစ္ရတယ္။ အခုေတာင္ သူလုပ္ေနတဲ႕ပေရာဂ်က္ပံုေတြျပလာတာကို သူမ်ားကိုျပလို႕ကလည္းမျဖစ္ေတာ႕ သမီး ရဲ႕ အေဖ နဲ႕ အေမတုိ႕ဆုိတာ ၾကိတ္ျပီးခ်ီးက်ဴးေနရံုနဲ႕ ေက်နပ္ေနရတယ္။

.

အမွန္က သမီးေလး စိတ္တိုင္းက်ေက်ာင္းတက္ေစဖို႕၊ လူ႕ေလာကထဲကုိ လွမ္းထြက္ႏုိင္ဖို႕၊ လူလူခ်င္းေပါင္းသင္းဆက္ဆံေရး ပါးရည္ႏွပ္ရည္ရွိေစဖို႕၊ အစစအရာရာ သမီးေျခ သမီးလက္ျဖစ္ေစဖို႕ အေဝးမွာေက်ာင္းေပးတက္ရတာ သိပ္ေတာ႕ ေပးသြားခ်င္လွတာမဟုတ္ပါဘူး။ မိဘေတြဆုိတာ သားသမီးကိုေန႕တုိင္းေတြ႕ခ်င္တယ္ဆိုတာ သားသမီးရိွတဲ႕မိဘတိုင္းသိၾကမွာပါ။

.

.

တစ္ခုပဲမွာခ်င္တယ္။ တတ္လာတဲ႕ပညာနဲ႕ မိမိဝမ္းစာကိုျဖည္႕စြမ္း၊ မိဘရဲ႕ေခြ်းေတြကုိသုပ္ေပး၊ မိသားစုတာဝန္ကိုတတ္ႏုိင္တဲ႕ဘက္ကေနဦးေဆာင္ႏုိင္ရံုမက အားလပ္ခ်ိန္ရွိလို႕ တတ္ႏုိင္တဲ႕အင္အားရွိလာတဲ႕အခါ အမိျမန္မာႏုိင္ငံနဲ႕ပတ္သက္တဲ႕အက်ိဳးျပဳအလုပ္၊ မိတ္ဖက္စီးပြားေရးေတြျပန္လုပ္ျပီး ေက်းဇူးဆပ္ႏုိင္တဲ႕အခါ အားလံုးပိုေပ်ာ္ရတာေပါ႕ သမီးရယ္..။

.

သတိရေနတယ္ သမီးေလး။

.

.

ကိုညီညီ ( ေတာင္ၾကီး )

.

10-25-2016

.

ဆန္ဖရန္စစၥကိုေလဆိပ္နားေနခန္း

.

.

Unicode Version:

.

.

“ သတိရနေတဲ့ သမီး ”

.

ကျွန်တော် ဒီခရီးကိုလာနေပေမယ့် စိတ်ကတော့ သမီးကျောင်းတက်နေတဲ့ ဘော့စတွန်မြို့ကို အမြဲရောက်နေပါတယ်။ သမီး ထမင်းမှစားရဲ့လား? အချိန်မှန်မှ အိပ်ရဲ့လား? မနက်ကျောင်းသွားဖို့ တယ်လီဖုံးနိုးစက်မှ ကြားရဲ့လား? စသဖြင့် အဝေးကနေ အပူစွမ်းအင် နဲ့ အတူတူအကျွမ်းဝင်နေတဲ့ မိဘတွေဆိုရင် ဘယ်မှားလိမ့်မလဲ..။

.

ဒီဘက်နိုင်ငံကိုရောက်ပြီးတစ်နှစ်လောက်ကြာတော့ ဒစ္စနေရုပ်သံကို သူ့မောင်လေး “ စွမ်း “ က ကြည့်နေတဲ့အချိန် သမီးက ခပ်စွာစွာစကားပြောတဲ့ Phineas and Ferb ကာတွန်းကားကြိုက်တာကို သတိထားမိတယ်။ နောက်ပိုင်းသိပ်မကြာဘူး .. သူ အဲဒီကာတွန်းတွေကို ရောင်စုံခဲတံနဲ့ဆွဲထားတဲ့ပုံကိုတွေ့တော့ တော်တော်အံ့ဩမိတယ်။

.

.

အဲဒီအချိန်အထိ သမီး က ပုံဆွဲတတ်တာကို ဘယ်သူမှသတိမထားမိသေးဘူး။ နောက်ပိုင်း ငါးပုံ၊ မိန်းကလေးပုံ၊ နောက်ပြီး အထက်တန်းကျောင်းကခိုင်းတဲ့ ပရောဂျက်တွေမှာ အနုပညာ - Art အတန်းမှာ လုပ်ရတာတွေက သူ့ဝါသနာကို ခြေစုံခုံတက်သွားစေတယ်လို့ထင်ပါတယ်။

.

လူဆိုတာ သူဝါသနာပါတာကိုလုပ်ရဖို့ အချိန်တစ်ခု နဲ့ အခြေအနေတစ်ခုလိုတယ်ဆိုတာကို သမီးက ကျွန်တော့ကိုသင်ပေးသွားတယ်။ သူဝါသနာပါတဲ့မေဂျာကိုတက်ဖို့ သူအချိန်များစွာစဉ်းစားပြီး နောက်ဆုံးတော့ ဂရပ်ဖစ်ဒီဇိုင်း - Graphic Design ကို စိတ်ဝင်တစားသင်ယူနေတယ်။ တစ်ရက်တစ်ရက်ကို မနက် ( ၁၁ ) နာရီလောက်ကနေ ကျောင်းမှာ သင်တာရော၊ အုပ်စုဖွဲ့ပရောဂျက်လုပ်တာရော၊ ကိုယ်ပိုင်အိမ်စာတင်ရတာရော ညပိုင်း ( ၁ဝ ) နာရီတောင် ကျောင်းကနေ သူ့အခန်း - Apartment ကို ပြန်မရောက်သေးဘူး။

.

.

ပြီးခဲ့တဲ့နှစ်ကဆို သူ့ပရောဂျက်က ဟာသငှက်ပျောသီး - Minions ကို ပုံဆွဲရတာမဟုတ်ပဲ ရုပ်လုံးကြွလုပ်ရတယ်။ တစ်ယောက်တည်း ကုန်ကြမ်းကအစ စက္ကူ၊ ကော် အဆုံး ကိုယ်တိုင်လုပ်ရတယ်။ ဒါများ ငွေဘယ်လောက်ပေးရမှာလဲ .. ဝယ်လိုက် - ပြီးရောလို့ မရဘူး။ သူတို့ဆရာက ကိုယ်ပိုင်လုပ်ထားတာထဲက လုပ်ပုံလုပ်နည်း နဲ့ ကြိုးစားမှုကို အမှတ်ပေးတာ..။

.

အခုနောက်ပိုင်းမှာ အင်တာနက်ဝဘ်ဆိုဒ်တည်ဆောက်ပုံ၊ အရောင်းပစ္စည်းဒီဇိုင်းတွေတည်ဆောက်ပုံ စတာတွေလုပ်ရတယ်။ ဒါက သိသလောက်ယေဘုယျပြောပြတာ .. အကုန်မဟုတ်သေးဘူး။ နောက်ပြီး သူ့လက်ရာကိုဆရာကချီးကျူးလို့ သူ့ Timeline မှာ တင်တဲ့အခါ မြန်မာနိုင်ငံက လုပ်ငန်းရှင်တစ်ချို့ကတွေ့သွားပြီး သမီးကို အလုပ်အပ်တယ်။ သူတို့လုပ်ငန်းရဲ့ ဒီဇိုင်းတွေကို သမီးကိုဆွဲခိုင်းတယ်။

.

.

ကျွန်တော်ပျော်ပါတယ်။ ကျွန်တော်ကျေနပ်တယ်။ သမီးရဲ့ သူ့ဝါသနာကိုသူ ရှာဖွေတွေ့ရှိသွားတာကို ကျွန်တော်အရမ်းဘဝင်ကျတယ်။ ကျွန်တော်တို့ ဘာအတွက် မြန်မာပြည်ကစီးပွားရေးကိုပစ်ခွာပြီး သောင်မတင်ရေမကျတဲ့အမေရိကမှာ အပင်ပန်းလာခံတာလဲ? ပညာရေးအတွက်ပဲမဟုတ်ဘူးလား..။

.

သားသမီးတွေရဲ့ပညာရေးအတွက် အနာဂါတ်ကိုရင်းနှီးမြှုပ်နှံဖို့ ကျွန်တော်တို့ကြိုးစားရကြိုးနှပ်ချင်တယ်။ သူတို့ နိုင်ငံတကာစံချိန်စံညွှန်းနဲ့သင်တဲ့ပညာရေး နဲ့ ကိုယ်တိုင်ရပ်တည်နိုင်ရုံမက ထွန်းပေါက်ကျော်ကြားလာရင် ကျွန်တော်ရင်ကော့ပြီး မော်ကြွားချင်တယ်။ ဒီလောက်ပါပဲ .. ကျန်တာဘာမှမလိုပါဘူး။

.

.

အရင်က သမီးအကြောင်းရေးပေးဖို့ပြောလာတဲ့ စာဖတ်မိတ်ဆွေတွေကို ခင်လည်းခင်တယ် အားလည်းနာမိတယ်။ ကျွန်တော်က သားအကြောင်းပဲရေးတာများတယ်။ သမီးကျတော့ မိန်းကလေးဖြစ်နေတာရယ် သူ့ရဲ့ အနေအထိုင်သိုသိပ်တာရယ်ကြောင့် သူ့ဓါတ်ပုံယူသုံးဖို့ မဝံ့မရဲဖြစ်ရတယ်။ အခုတောင် သူလုပ်နေတဲ့ပရောဂျက်ပုံတွေပြလာတာကို သူများကိုပြလို့ကလည်းမဖြစ်တော့ သမီး ရဲ့ အဖေ နဲ့ အမေတို့ဆိုတာ ကြိတ်ပြီးချီးကျူးနေရုံနဲ့ ကျေနပ်နေရတယ်။

.

အမှန်က သမီးလေး စိတ်တိုင်းကျကျောင်းတက်စေဖို့၊ လူ့လောကထဲကို လှမ်းထွက်နိုင်ဖို့၊ လူလူချင်းပေါင်းသင်းဆက်ဆံရေး ပါးရည်နှပ်ရည်ရှိစေဖို့၊ အစစအရာရာ သမီးခြေ သမီးလက်ဖြစ်စေဖို့ အဝေးမှာကျောင်းပေးတက်ရတာ သိပ်တော့ ပေးသွားချင်လှတာမဟုတ်ပါဘူး။ မိဘတွေဆိုတာ သားသမီးကိုနေ့တိုင်းတွေ့ချင်တယ်ဆိုတာ သားသမီးရှိတဲ့မိဘတိုင်းသိကြမှာပါ။

.

.

တစ်ခုပဲမှာချင်တယ်။ တတ်လာတဲ့ပညာနဲ့ မိမိဝမ်းစာကိုဖြည့်စွမ်း၊ မိဘရဲ့ချွေးတွေကိုသုပ်ပေး၊ မိသားစုတာဝန်ကိုတတ်နိုင်တဲ့ဘက်ကနေဦးဆောင်နိုင်ရုံမက အားလပ်ချိန်ရှိလို့ တတ်နိုင်တဲ့အင်အားရှိလာတဲ့အခါ အမိမြန်မာနိုင်ငံနဲ့ပတ်သက်တဲ့အကျိုးပြုအလုပ်၊ မိတ်ဖက်စီးပွားရေးတွေပြန်လုပ်ပြီး ကျေးဇူးဆပ်နိုင်တဲ့အခါ အားလုံးပိုပျော်ရတာပေါ့ သမီးရယ်..။

.

သတိရနေတယ် သမီးလေး။

.

.

ကိုညီညီ ( တောင်ကြီး )

.

10-25-2016

.

ဆန်ဖရန်စစ္စကိုလေဆိပ်နားနေခန်း