ေလွၾကီးတစ္စီးရဲ႕အိမ္အျပန္ခရီး

ေဆာင္းပါးရွင္ - ကိုညီညီ ( ေတာင္ၾကီး )

.

" ကြ်န္မက ရွင္တို႕ရဲ႕အိမ္နီးနားခ်င္းႏုိင္ငံကလာတာ "

" ဒါေပမယ္႕ ကြ်န္မရဲ႕မိခင္ဘာသာစကားက ဖီဂ်န္ "

" အိမ္မွာေတာ႕ အဖိုး နဲ႕ အဖြားပဲ အိႏိၵယစကားေျပာတယ္ "

" ဒါေပမယ္႕ ဘယ္လိုပဲတြန္းတြန္း ကြ်န္မက အဂၤလိပ္လိုေျပာတယ္။ အခု အေမရိကားေရာက္ေတာ႕ အဂၤလိပ္လုိေျပာခဲ႕တဲ႕တစ္သက္လံုးအခက္အခဲမရွိခဲ႕ဘူးေလ "

.

" ကြ်န္မဘဝလမ္းေၾကာင္းက ထူးဆန္းတယ္။ ေျပာရရင္ ဟုိးေရွးေတာ္ေတာ္က်တဲ႕ ကြ်န္စံနစ္ၾကီးစုိးတုန္းက ကိုလုိေခတ္ကုိျပန္သြားရလိမ္႕မယ္ "

.

.

" အဲဒီတုန္းက အခု ကယ္ရုိ - Carol ျဖစ္လာမယ္႕ ကြ်န္မက ဘယ္ဆီေနမွန္းမသိေသးပါဘူး "

" ျဗိတိသွ်ကိုလိုနီေတြဟာ သူတုိ႕ရဲ႕ကုိလိုနီနယ္သစ္ေတြတိုက္ျပီးတုိင္း နယ္ေျမသစ္တစ္ခုျဖစ္ဖို႕၊ ႏိုင္ငံတစ္ခုျဖစ္ဖို႕နဲ႕ အဲဒီႏုိင္ငံ - Territory ကေန အဂၤလန္ကုိျပန္သယ္ဖို႕ လုပ္အား - Labor ေတြ အမ်ားၾကီးလိုတယ္ "

.

" ဒါေၾကာင္႕ သူတို႕သိမ္းထားျပီးသားျဖစ္တဲ႕ ကြ်န္မရဲ႕အေသြးအသားျဖစ္တည္ရာဇာစ္ျမစ္ႏိုင္ငံ အိႏိၵယႏိုင္ငံကေန သေဘာၤၾကီးတစ္စီးနဲ႕ အိႏိၵယမ္းေတြအျပည္႕ တင္တယ္။ ေနာက္ပိုင္းေတာ႕ ေနာက္ထပ္သေဘာၤေတြထပ္ေတာ႕ရွိဦးမွာေပါ႕။ အဲဒီမွာ ကြ်န္မအဖိုးက ပါလာျပီး အခု ဒီကုိေရာက္လာတာ..။ ဒီႏိုင္ငံဆုိတာ ဖီဂ်ီႏုိင္ငံကုိေျပာတာ အေမရိကားကိုေျပာတာမဟုတ္ေသးဘူး "

.

.

" အဖိုးကေန ကြ်န္မအေဖ၊ ကြ်န္မအေဖကေန ထပ္ေမြးတဲ႕မ်ိဳးဆက္က်မွ ကြ်န္မကံပါလာတာေပါ႕ "

" ကြ်န္မ ၾကည္႕ေနတယ္ .. မၾကာခဏၾကားေနတယ္ .. အေမရိကားမွာ အိႏိၵယေသြးပါတဲ႕မ်က္ႏွာျမင္တိုင္း ( Are you from India? ) ဆိုျပီးေမးၾကတယ္ "

" ကုလားနဲ႕တူတုိင္း အိႏိၵယႏုိင္ငံကလာတာမဟုတ္ဘူးဆုိတာ ကြ်န္မရွင္းျပရတာလည္း အခါခါပဲ "

.

" ဥပမာ - ႏႈတ္ခမ္းေမႊး၊ ပသုိင္းေမႊးနဲ႕ ကုလားဆင္ေတြ႕တဲ႕အခါ မင္း အာဖကန္နစၥတန္ကလား လို႕ ေမးမိသလိုေပါ႕။ ဒီလူမ်ိဳး ဒီႏိုင္ငံမွာမွ ကုလားဆင္ ရွိတာမဟုတ္ဘူး။ အနီးအနားမွာ ဂြာတီမာလာ၊ မလွမ္းမကမ္းမွာ ေကာ႕စတာရီကာ စသျဖင္႕ ခပ္ဆင္ဆင္လူမ်ိဳးေတြေနၾကတယ္။ တစ္ခ်ိဳ႕ဆို ဆန္ဖရန္စစၥကိုမွာေနတဲ႕ အေမရိကန္ရဲ႕ရန္သူ အီရန္လူမ်ိဳးေတာင္ေတြ႕ဖူးၾကတာ သက္ေသပဲေလ "

.

.

" အခုေျပာခ်င္တာက ဒီအလုပ္ကုိေရာက္လာရတဲ႕အေၾကာင္းရင္း..။ ဘယ္သူက - Referral ေခၚလုိ႕ေရာက္လာတာမဟုတ္ဘူး..။ ကိုယ္႕ဟာကုိယ္ေလွ်ာက္လို႕ရတာ။ ဒီမွာလုပ္တဲ႕ တစ္ခ်ိဳ႕အိႏိၵယမ္းေတြနဲ႕လည္းမသိဘူး "

" အရင္လုပ္တဲ႕အလုပ္က လစာေကာင္းတယ္။ ရာထူးလည္းေကာင္းတယ္။ ကြ်န္မတက္ထားတဲ႕ စီးပြားေရး - Business ဘြဲ႕နဲ႕လည္းကိုက္တယ္။ မေကာင္းတာက ေနရာ နဲ႕ အခ်ိန္..။"

.

" မနက္ ( ၉ ) နာရီတက္ရတယ္ .. ရံုးက..။ အလုပ္ေရာက္ဖို႕ ကားေမာင္းခ်ိန္ အနည္းဆံုးမိနစ္ ( ၅ဝ ) လိုတယ္။ ဒါေတာင္ ကားလမ္းမက်ပ္မွေနာ္..။ အျပန္ကားလမ္းက ဘယ္လိုက်ပ္မွန္း ေျပာကုိမေျပာျပတတ္ေတာ႕ဘူး။ ညေနရံံုးဆင္းရင္ ကားတန္းရွည္ၾကီးကိုေစာင္႕ရတာနဲ႕ မနက္ၾကိဳထ ျပင္ဆင္ရတာနဲ႕ တစ္ရက္ကုိ ( ၈ ) နာရီ .. အလုပ္လုပ္ဖို႕ ျပင္ဆင္ရတာေရာ ဘာေရာ ညာေရာ ဆုိရင္ အနည္းဆံုး ( ၁၂ ) နာရီ ရွိရင္ေတာင္မေလာက္ဘူး "

.

.

" တစ္ကယ္႕ျပသနာက အိမ္ျပန္ေရာက္တဲ႕အခ်ိန္..။ ည ဆုိရင္ ( ၇ ) နာရီေက်ာ္မွ အိမ္ရိပ္နင္းရတယ္။ ဒီၾကားထဲ ခ်က္ရ ျပဳတ္ရတယ္။ အိႏိၵယေသြးဆုိေတာ႕ သိတဲ႕အတိုင္း ထမင္းစားတာေတာင္ ငွက္ေပ်ာရြက္ေပၚမွာ ဘာအရည္မွမက်န္ရသလို တစ္အိမ္လံုးကို ေျပာင္လွက္ေနမွ ေနတတ္တာဆုိေတာ႕ ျပီးလည္းျပီးေရာ အိမ္သားေတြက အိပ္ျပီ။ ကြ်န္မ ကုတင္ေပၚေရာက္ေတာ႕ ည ( ၁၁ ) နာရီထုိးျပီ။ ဘယ္မွာလဲ မိသားစုနဲ႕ေနဖို႕အခ်ိန္ဆိုတာ .. "

.

" ဒါနဲ႕ လုပ္ခနာရီစားနည္းခ်င္နည္းပါေစ .. ညေန ( ၄ ) နာရီေလာက္အိမ္ျပန္ေရာက္မယ္႕အလုပ္ကုိရွာရင္း ဒီအလုပ္ကိုေရာက္လာတာ..။ အခုဆုိ သားကုိအိမ္ျပန္ေရာက္ရင္ ေတြ႕ရျပီ။ အိမ္အျပန္ေယာက်္ားအေမာေျပေအာင္ အစားအေသာက္ေတြၾကိဳစီစဥ္ထားလို႕ ရျပီ။ အားလံုးရွင္းလင္းသုတ္သင္ျပီးေတာ႕ အိမ္သူအိမ္သားေတြေရခ်ိဳးျပီးအနားယူရင္း ဆံုေနရျပီ။ အေမရိကားလာတာေလ .. လုပ္ေကြ်းဖို႕ပါသလို အနားယူဖို႕လည္း လိုတယ္မဟုတ္လား "

.

.

" သားကုိေကာင္းေကာင္းမွာထားတယ္။ ပညာသည္ပထမ၊ ပညာသည္ဒုတိယ၊ ပညာသည္တတိယ " လို႕..။

.

ပထမပညာက မသိနားမလည္ေသးတဲ႕လူငယ္ဘဝကို လူမွန္းသိေအာင္ေျပာျပတဲ႕ " မ်က္စိပြင္႕ပညာ "

.

ဒုတိယပညာက တစ္ခုခုသိဖုိ႕၊ သိျပီးသားတစ္ခုခုကိုအရင္းတည္တိုးပြားဖို႕ ရွာေဖြရင္းႏွီးတတ္တဲ႕ " ေငြျဖစ္ပညာ "

.

တတိယပညာက တစ္ဦးခ်င္း၊ အဖြဲတစ္ဖြဲ႕အတြင္း၊ လူထုအတြင္း၊ တိုင္းျပည္အတြင္း၊ ႏိုင္ငံတကာအခင္းအက်င္းအထိေျခဆန္႕ကူညီႏိုင္တဲ႕ " ပရဟိတပညာ "

.

.

" ဒီေရာက္ျပီးမွ ကြ်န္မ အိိႏိၵယကိုတစ္ခါမွျပန္မေရာက္ျဖစ္ေသးဘူး။ ဒါကလည္း ဆင္ေျခေကာင္းတာပါ။ ေမြးေတာ႕ ဖီဂ်ီ မွာ..။ ( အေမရိကားကတစ္ခ်ိဳ႕မိတ္ေဆြေတြဆို ဖီဂ်ီႏို္င္ငံကို ပန္းသီးထြက္တဲ႕ႏိုင္ငံလို႕ေျပာၾကတယ္ ) အိမ္ေထာင္က်ေတာ႕ အေမရိကား..။ ေသြးနဲ႕ေခြ်းနဲ႕ရာဇဝင္အျပည္႕နဲ႕မူလေျမကုိ ဒီတစ္ေခါက္ေတာ႕ေရာက္ေအာင္ျပန္သြားရမယ္ "

.

" တစ္ကယ္သြားျဖစ္ရင္ ဘာသယ္သြားခ်င္သလဲ သိလား..? ။ အေပၚကေျပာခဲ႕တဲ႕ ပညာ ( ၃ ) မ်ိဳးတတ္တဲ႕လူေတြကုိ အဖိုးစီးလာခဲ႕တဲ႕ " ေလွၾကီးနဲ႕အျပည္႕ " သယ္သြားခ်င္တယ္။ ဒီလူေတြနဲ႕အိိႏိၵယႏိုင္ငံကုိအာရွမွာထြန္းေတာက္ေအာင္ တည္ေဆာက္မယ္။ ျပီးခဲ႕တဲ႕ရာစုႏွစ္၊ ဆယ္စုႏွစ္ဆီက ႏိုင္ငံကထြက္သြားတဲ႕ေ " ေလွၾကီးနဲ႕အျပည္႕လူေတြရဲ႕တန္ဖိုးေတြ " မဆံုးရွံဴးေစရဘူး "

.

.

" သူေျပာမွ စာေပေဟာေျပာပဲြေတြမွာ ဆရာေမာင္စိန္ဝင္း ( ပုတီးကုန္း ) က " ပန္းေလွ " ဆုိတဲ႕ ကဗ်ာေလးကိုမၾကာခဏ ရြတ္ျပ၊ ရွင္းျပ၊ ေဟာေျပာတာကို သတိရမိတယ္။ ငါးသတ္၊ ပင္လယ္သတၱဝါေတြအရွင္လတ္လတ္သတ္ထားတဲ႕ " ေလွေဟာင္းၾကီး " ဟာ ရနံ႕သင္းတဲ႕ပန္းေတြဘယ္ေလာက္ပင္ထည္႕ပင္ေသာ္ျငားလည္း မေမႊးႏိုင္ပဲ နဂုိက်င္႕သားစြဲအပုပ္နဲ႕သာ စြဲရစ္ေနေလတယ္။ ကယ္ရုိရဲ႕အေျပာေတြကရွင္းလွသလို အာရွသားတစ္ေယာက္ရဲ႕ရိုးသားမႈကို အေမရိကားေျမမွာေတြ႕ရတာ မဂၤလာတစ္ပါးပါ "

.

" ဒါေပမယ္႕ ကြ်န္ေတာ္ဗမာတစ္ေယာက္ဆိုတာသူသိျပီးတဲ႕ေနာက္မွာ သူေျပာတဲ႕ " ေလွၾကီး " ဆုိတာ ကြ်န္ေတာ္လာရာေျမ ျမန္မာႏိုင္ငံကိုေစာင္းေျပာေနတာလားလို႕ မယိုးမယြ သံသယျဖစ္မိသြားတာကိုေတာ႕ ဝန္ခံလိုက္ပါရေစ "

.

.

ခင္လ်က္

.

ကုိညီညီ ( ေတာင္ၾကီး )

01-13-2017

.

.

Unicode Version:

.

.

" ေလွၾကီးတစ္စီးရဲ႕အိမ္အျပန္ခရီး "

.

" ကျွန်မက ရှင်တို့ရဲ့အိမ်နီးနားချင်းနိုင်ငံကလာတာ "

" ဒါပေမယ့် ကျွန်မရဲ့မိခင်ဘာသာစကားက ဖီဂျန် "

" အိမ်မှာတော့ အဖိုး နဲ့ အဖွားပဲ အိန္ဒိယစကားပြောတယ် "

" ဒါပေမယ့် ဘယ်လိုပဲတွန်းတွန်း ကျွန်မက အင်္ဂလိပ်လိုပြောတယ်။ အခု အမေရိကားရောက်တော့ အင်္ဂလိပ်လိုပြောခဲ့တဲ့တစ်သက်လုံးအခက်အခဲမရှိခဲ့ဘူးလေ "

.

" ကျွန်မဘဝလမ်းကြောင်းက ထူးဆန်းတယ်။ ပြောရရင် ဟိုးရှေးတော်တော်ကျတဲ့ ကျွန်စံနစ်ကြီးစိုးတုန်းက ကိုလိုခေတ်ကိုပြန်သွားရလိမ့်မယ် "

.

.

" အဲဒီတုန်းက အခု ကယ်ရို - Carol ဖြစ်လာမယ့် ကျွန်မက ဘယ်ဆီနေမှန်းမသိသေးပါဘူး "

" ဗြိတိသျှကိုလိုနီတွေဟာ သူတို့ရဲ့ကိုလိုနီနယ်သစ်တွေတိုက်ပြီးတိုင်း နယ်မြေသစ်တစ်ခုဖြစ်ဖို့၊ နိုင်ငံတစ်ခုဖြစ်ဖို့နဲ့ အဲဒီနိုင်ငံ - Territory ကနေ အင်္ဂလန်ကိုပြန်သယ်ဖို့ လုပ်အား - Labor တွေ အများကြီးလိုတယ် "

.

" ဒါကြောင့် သူတို့သိမ်းထားပြီးသားဖြစ်တဲ့ ကျွန်မရဲ့အသွေးအသားဖြစ်တည်ရာဇာစ်မြစ်နိုင်ငံ အိန္ဒိယနိုင်ငံကနေ သဘောင်္ကြီးတစ်စီးနဲ့ အိန္ဒိယမ်းတွေအပြည့် တင်တယ်။ နောက်ပိုင်းတော့ နောက်ထပ်သဘောင်္တွေထပ်တော့ရှိဦးမှာပေါ့။ အဲဒီမှာ ကျွန်မအဖိုးက ပါလာပြီး အခု ဒီကိုရောက်လာတာ..။ ဒီနိုင်ငံဆိုတာ ဖီဂျီနိုင်ငံကိုပြောတာ အမေရိကားကိုပြောတာမဟုတ်သေးဘူး "

.

.

" အဖိုးကနေ ကျွန်မအဖေ၊ ကျွန်မအဖေကနေ ထပ်မွေးတဲ့မျိုးဆက်ကျမှ ကျွန်မကံပါလာတာပေါ့ "

" ကျွန်မ ကြည့်နေတယ် .. မကြာခဏကြားနေတယ် .. အမေရိကားမှာ အိန္ဒိယသွေးပါတဲ့မျက်နှာမြင်တိုင်း ( Are you from India? ) ဆိုပြီးမေးကြတယ် "

" ကုလားနဲ့တူတိုင်း အိန္ဒိယနိုင်ငံကလာတာမဟုတ်ဘူးဆိုတာ ကျွန်မရှင်းပြရတာလည်း အခါခါပဲ "

.

" ဥပမာ - နှုတ်ခမ်းမွှေး၊ ပသိုင်းမွှေးနဲ့ ကုလားဆင်တွေ့တဲ့အခါ မင်း အာဖကန်နစ္စတန်ကလား လို့ မေးမိသလိုပေါ့။ ဒီလူမျိုး ဒီနိုင်ငံမှာမှ ကုလားဆင် ရှိတာမဟုတ်ဘူး။ အနီးအနားမှာ ဂွာတီမာလာ၊ မလှမ်းမကမ်းမှာ ကော့စတာရီကာ စသဖြင့် ခပ်ဆင်ဆင်လူမျိုးတွေနေကြတယ်။ တစ်ချို့ဆို ဆန်ဖရန်စစ္စကိုမှာနေတဲ့ အမေရိကန်ရဲ့ရန်သူ အီရန်လူမျိုးတောင်တွေ့ဖူးကြတာ သက်သေပဲလေ "

.

.

" အခုပြောချင်တာက ဒီအလုပ်ကိုရောက်လာရတဲ့အကြောင်းရင်း..။ ဘယ်သူက - Referral ခေါ်လို့ရောက်လာတာမဟုတ်ဘူး..။ ကိုယ့်ဟာကိုယ်လျှောက်လို့ရတာ။ ဒီမှာလုပ်တဲ့ တစ်ချို့အိန္ဒိယမ်းတွေနဲ့လည်းမသိဘူး "

" အရင်လုပ်တဲ့အလုပ်က လစာကောင်းတယ်။ ရာထူးလည်းကောင်းတယ်။ ကျွန်မတက်ထားတဲ့ စီးပွားရေး - Business ဘွဲ့နဲ့လည်းကိုက်တယ်။ မကောင်းတာက နေရာ နဲ့ အချိန်..။"

.

" မနက် ( ၉ ) နာရီတက်ရတယ် .. ရုံးက..။ အလုပ်ရောက်ဖို့ ကားမောင်းချိန် အနည်းဆုံးမိနစ် ( ၅ဝ ) လိုတယ်။ ဒါတောင် ကားလမ်းမကျပ်မှနော်..။ အပြန်ကားလမ်းက ဘယ်လိုကျပ်မှန်း ပြောကိုမပြောပြတတ်တော့ဘူး။ ညနေရုံံးဆင်းရင် ကားတန်းရှည်ကြီးကိုစောင့်ရတာနဲ့ မနက်ကြိုထ ပြင်ဆင်ရတာနဲ့ တစ်ရက်ကို ( ၈ ) နာရီ .. အလုပ်လုပ်ဖို့ ပြင်ဆင်ရတာရော ဘာရော ညာရော ဆိုရင် အနည်းဆုံး ( ၁၂ ) နာရီ ရှိရင်တောင်မလောက်ဘူး "

.

.

" တစ်ကယ့်ပြသနာက အိမ်ပြန်ရောက်တဲ့အချိန်..။ ည ဆိုရင် ( ၇ ) နာရီကျော်မှ အိမ်ရိပ်နင်းရတယ်။ ဒီကြားထဲ ချက်ရ ပြုတ်ရတယ်။ အိန္ဒိယသွေးဆိုတော့ သိတဲ့အတိုင်း ထမင်းစားတာတောင် ငှက်ပျောရွက်ပေါ်မှာ ဘာအရည်မှမကျန်ရသလို တစ်အိမ်လုံးကို ပြောင်လှက်နေမှ နေတတ်တာဆိုတော့ ပြီးလည်းပြီးရော အိမ်သားတွေက အိပ်ပြီ။ ကျွန်မ ကုတင်ပေါ်ရောက်တော့ ည ( ၁၁ ) နာရီထိုးပြီ။ ဘယ်မှာလဲ မိသားစုနဲ့နေဖို့အချိန်ဆိုတာ .. "

.

" ဒါနဲ့ လုပ်ခနာရီစားနည်းချင်နည်းပါစေ .. ညနေ ( ၄ ) နာရီလောက်အိမ်ပြန်ရောက်မယ့်အလုပ်ကိုရှာရင်း ဒီအလုပ်ကိုရောက်လာတာ..။ အခုဆို သားကိုအိမ်ပြန်ရောက်ရင် တွေ့ရပြီ။ အိမ်အပြန်ယောကျ်ားအေမာေပြေအောင် အစားအသောက်တွေကြိုစီစဉ်ထားလို့ ရပြီ။ အားလုံးရှင်းလင်းသုတ်သင်ပြီးတော့ အိမ်သူအိမ်သားတွေရေချိုးပြီးအနားယူရင်း ဆုံနေရပြီ။ အမေရိကားလာတာလေ .. လုပ်ကျွေးဖို့ပါသလို အနားယူဖို့လည်း လိုတယ်မဟုတ်လား "

.

.

" သားကိုကောင်းကောင်းမှာထားတယ်။ ပညာသည်ပထမ၊ ပညာသည်ဒုတိယ၊ ပညာသည်တတိယ " လို့..။

.

ပထမပညာက မသိနားမလည်သေးတဲ့လူငယ်ဘဝကို လူမှန်းသိအောင်ပြောပြတဲ့ " မျက်စိပွင့်ပညာ "

.

ဒုတိယပညာက တစ်ခုခုသိဖို့၊ သိပြီးသားတစ်ခုခုကိုအရင်းတည်တိုးပွားဖို့ ရှာဖွေရင်းနှီးတတ်တဲ့ " ငွေဖြစ်ပညာ "

.

တတိယပညာက တစ်ဦးချင်း၊ အဖွဲတစ်ဖွဲ့အတွင်း၊ လူထုအတွင်း၊ တိုင်းပြည်အတွင်း၊ နိုင်ငံတကာအခင်းအကျင်းအထိခြေဆန့်ကူညီနိုင်တဲ့ " ပရဟိတပညာ "

.

.

" ဒီရောက်ပြီးမှ ကျွန်မ အိိန္ဒိယကိုတစ်ခါမှပြန်မရောက်ဖြစ်သေးဘူး။ ဒါကလည်း ဆင်ခြေကောင်းတာပါ။ မွေးတော့ ဖီဂျီ မှာ..။ ( အမေရိကားကတစ်ချို့မိတ်ဆွေတွေဆို ဖီဂျီနို်င်ငံကို ပန်းသီးထွက်တဲ့နိုင်ငံလို့ပြောကြတယ် ) အိမ်ထောင်ကျတော့ အမေရိကား..။ သွေးနဲ့ချွေးနဲ့ရာဇဝင်အပြည့်နဲ့မူလမြေကို ဒီတစ်ခေါက်တော့ရောက်အောင်ပြန်သွားရမယ် "

.

" တစ်ကယ်သွားဖြစ်ရင် ဘာသယ်သွားချင်သလဲ သိလား..? ။ အပေါ်ကပြောခဲ့တဲ့ ပညာ ( ၃ ) မျိုးတတ်တဲ့လူတွေကို အဖိုးစီးလာခဲ့တဲ့ " လှေကြီးနဲ့အပြည့် " သယ်သွားချင်တယ်။ ဒီလူတွေနဲ့အိိန္ဒိယနိုင်ငံကိုအာရှမှာထွန်းတောက်အောင် တည်ဆောက်မယ်။ ပြီးခဲ့တဲ့ရာစုနှစ်၊ ဆယ်စုနှစ်ဆီက နိုင်ငံကထွက်သွားတဲ့ေ " လှေကြီးနဲ့အပြည့်လူတွေရဲ့တန်ဖိုးတွေ " မဆုံးရှံူးစေရဘူး "

.

.

" သူပြောမှ စာပေဟောပြောပွဲတွေမှာ ဆရာမောင်စိန်ဝင်း ( ပုတီးကုန်း ) က " ပန်းလှေ " ဆိုတဲ့ ကဗျာလေးကိုမကြာခဏ ရွတ်ပြ၊ ရှင်းပြ၊ ဟောပြောတာကို သတိရမိတယ်။ ငါးသတ်၊ ပင်လယ်သတ္တဝါတွေအရှင်လတ်လတ်သတ်ထားတဲ့ " လှေဟောင်းကြီး " ဟာ ရနံ႕သင်းတဲ့ပန်းတွေဘယ်လောက်ပင်ထည့်ပင်သော်ငြားလည်း မမွှေးနိုင်ပဲ နဂိုကျင့်သားစွဲအပုပ်နဲ့သာ စွဲရစ်နေလေတယ်။ ကယ်ရိုရဲ့အပြောတွေကရှင်းလှသလို အာရှသားတစ်ယောက်ရဲ့ရိုးသားမှုကို အမေရိကားမြေမှာတွေ့ရတာ မင်္ဂလာတစ်ပါးပါ "

.

" ဒါပေမယ့် ကျွန်တော်ဗမာတစ်ယောက်ဆိုတာသူသိပြီးတဲ့နောက်မှာ သူပြောတဲ့ " လှေကြီး " ဆိုတာ ကျွန်တော်လာရာမြေ မြန်မာနိုင်ငံကိုစောင်းပြောနေတာလားလို့ မယိုးမယွ သံသယဖြစ်မိသွားတာကိုတော့ ဝန်ခံလိုက်ပါရစေ "

.

.

ခင်လျက်

.

ကိုညီညီ ( တောင်ကြီး )

01-13-2017