ကျွန်တော်ကူညီမိသော တိုင်းရင်းသားများ

ဆောင်းပါးရှင် - ကိုညီညီ ( တောင်ကြီး )

.

.

“ နင်တို့ လိုရင်တော့လျှောက်ပေါ့။ ဒါပေမယ့် ဒီအစီအစဉ်က တစ်ကယ်အကူအညီလိုသူတွေကို အစိုးရက ပေးတဲ့ ရိက္ခာခွဲဝေပေးရေး စံနစ်ဖြစ်တယ် ” လို့ ကျေးဇူးရှိတဲ့ ဒီနိုင်ငံက အစ်မပြောတုန်းက ကျွန်တော်တို့ မိသားစု မလျှောက်ခဲ့ပါဘူး။ ဒါပေမယ့် ဘယ်လို ပြောင်းရွှေ့နေထိုင်သူအသစ်တွေကိုမဆိုပေးတဲ့ ပြည်နယ်ကျန်းမာရေးဝန်ဆောင်မှု - State Medical နဲ့ ကျောင်းတက်ရန်အထောက်အပံ့ - Financial Aid တွေကိုသာ လျှောက်ခဲ့သလို ရခဲ့ သုံးခဲ့ပါတယ်။ ဒါကလည်း ကိုယ်မလျှောက်လည်း မလျှောက်ဘူးဆိုရုံသာရှိမယ် .. ကိုယ့်ရှေ့မှာကြိုရောက်နေသူများအားလုံးထံက နည်းနာယူပြီး လိုက်လုပ်ခြင်းသာ။ Food Stamp ကိုတော့ မလျှောက်ဖူး မရယူဖူးလို့ နေထိုင်သက် ( ၅ ) နှစ်သာကျော်လာတယ် ဘာမှန်းမသိခဲ့ပါဘူး။

.

.

အစ်မပြောတဲ့ အစီအစဉ်က ကဒ်ပြားနဲ့သုံးရတဲ့ Food Stamp ဖြစ်ပါတယ်။ နောက်တစ်မျိုးက Food Bank လို့ခေါ်ပြီး ကုမ္ပဏီ နဲ့ အသင်းအဖွဲ့တွေကလှူတဲ့နေရာမှာ တန်းစီသွားထုတ်ယူရတဲ့ အစားအသောက် အထောက်အပံ့လိုမျိုးလည်းရှိပါသေးတယ်။ အမေရိကန်အစိုးရ က သူ့နိုင်ငံကို ဝင်ရောက်လာပြီး ဝင်ငွေအနေအထား နဲ့ မိသားစုရပ်တည်ဖို့ခက်သူတွေကို ကူညီဖို့လုပ်ထားတဲ့ အစီအမံဖြစ်တယ်။ အဓိက ကလေးတွေရှိတဲ့ မိဘတွေ အလုပ်အကိုင်အတွက် အခက်အခဲရှိသူတွေကို ကူညီလေ့ရှိတယ်။ တစ်လဝင်ငွေ ဒေါ်လာ ( ၂ဝဝဝ ) မကျော်သူတွေ အကျိုးခံစားခွင့်ရှိပါတယ်။ တစ်ချို့ကျပြန်တော့ မိသားစုအစုံအလင်နဲ့ ရောက်လာပြီး တစ်ချို့မှာတော့ ကလေးငယ်တစ်ဖက်နဲ့ အလုပ်လုပ်ဖို့ခက်နေသူတွေ ပါပါတယ်။

.

.

အဆက်အစပ်ရှိအောင်ပြန်ပြောရရင် ခန်းအကယ်ဒမီမြန်မာဘာသာပြန်အဖွဲ့က Forward လုပ်ပေးလို့ မြန်မာဘာသာပြန်ရှာနေတဲ့ အေဂျင်စီတစ်ခုက ပို့လာတဲ့အီးမေးလ်တစ်စောင် ရောက်လာတယ်။ လူကိုယ်တိုင်ဘာသာလိုက်ပြန်တာ - On Site ရှိသလို၊ လိုအပ်တဲ့အခါ ဖုန်းခေါ်ပြီး ဘာသာပြန်ပေးရတဲ့ OTP – On the Phone ဆားဗစ်ဆိုတာမျိုးလည်းရှိတာ သိရတယ်။ စိတ်ဝင်စားလို့ ကုမ္ပဏီကို အီးမေးလ်နဲ့ဆက်သွယ်ပြီး အလုပ်လျှောက်လိုက်တဲ့အခါ ဖြည့်စွက်ဖို့ဖောင်တွေကို အီးမေးလ်နဲ့ ပြန်ပို့လာပါတယ်။ အမေရိကားမှာ တရားဝင်အလုပ်လုပ်ရင် မဖြစ်မနေဖြည့်စွက်ရမယ့် W-9 ဖောင်ဖြည့်ပြီး ပြန်ပို့လိုက်တဲ့နောက်မကြာခင်မှာ အလုပ်စလုပ်လို့ရပြီ အဆင်သင့်ဖြစ်ရင် ပြောပါဆိုပြီး လေ့လာဖို့ နမူနာ အသံဖိုင်တွေပို့လာပါတော့တယ် ။ ဒီနေရာမှာ ဘာသာစကားနာမည်၊ လူမျိုးနာမည် နဲ့ ကိုးကွယ်တဲ့ဘာသာ အစွဲအလမ်းမပါပဲ တင်ပြလိုပါတယ်။

.

.

ပထမဦးဆုံး ဘာသာပြန်ပေးရတဲ့ဖုန်း က ( ၅၂ ) မိနစ်ကြာတယ်။ အသက် ( ၈၄ ) နှစ် ကရင်လူမျိုးကြီးရဲ့ Food Stamp အတွက် ကြားဝင်စကားပြောပေးရတာဖြစ်ပါတယ်။ အဲဒီအဖိုးဟာ မြေးမလေးကို ခေါ်ပြီး သူနေထိုင်တဲ့ လူအရင်းအမြစ်ဋ္ဌာန - Human Services  ကို သက်တမ်းတိုးဖို့ သွားပါတယ်။ အင်္ဂလိပ်လို မပြောနိုင်တဲ့အခါ ကရင်စကားပြန်တောင်းပါတယ်။ ကရင်စကားပြန်လည်းမရှိတဲ့အခါ မြန်မာစကားပြန်ရှာခိုင်းပြန်တော့ ကျွန်တော့ဆီဖုန်းဝင်လာပြီး ကူညီဖြစ်သွားပါတယ်။ ဋ္ဌာနက အဓိကမေးတာတွေက

.

လျှောက်ထားသူရဲ့ လူမှုရေးလုံခြုံမှုကဒ်ပြား - Social Security Number

.

မွေးနေ့သက္ကရာဇ် - Date of Birth

.

လက်ရှိနေထိုင်သည့် အိမ်လိပ်စာ - Address

.

အိမ်ထောင်စုဦးရေ - Household Size

.

အိမ်ငှားစာချုပ် ( သို့ ) အိမ်လခ ပြေစာ - Rental Agreement

.

မီတာခ ၊ ရေဖိုး ကျသင့်ငွေ - Utility Bill ( ဗောက်ချာတင်ပြရန်မလို )

.

နောက်ဆုံး လုပ်ခလစာချက်လက်မှတ် ( ၈ ) စောင် သို့မဟုတ် ( ၄ ) စောင် - The Last 8 or 4 Paychecks

.

ကားပိုင်ဆိုင်မှု ( မော်ဒယ်၊ ကားအမျိုးအစား၊ ထုတ်လုပ်သည့်ခုနှစ် ) နဲ့

.

ထောက်ခံပေးမယ့် ဆွေမျိုး မိတ်ဆွေ ( ၂ ) ဦး - ( 2 Referrals ) တို့ဖြစ်ကြပါတယ်။

.

.

.

.

လူမျိုးပေါင်းစုံထဲမှာ ကချင်၊ ချင်း၊ ကရင်၊ ကရင်နီ တို့အပြင် မလေးရှားကရောက်လာတဲ့ မွတ်ဆလင်ဘာသာဝင်မိသားစုပါ ပါသေးတယ်။ အများအားဖြင့် ကြုံရတဲ့အခက်အခဲတွေက စာရွက်စာတမ်းမပြည့်စုံတာမျိုး၊ ( ၆ ) လ တစ်ကြိမ် ဝင်ငွေအတိုးအလျှော့ညှိပေးရတာမျိုး၊ လင်မယားကွာရှင်း - ဆက်လက်ပေါင်းသင်း အိမ်ထောင်စုစာရင်း အပြောင်းအလဲ စတာတွေ ဖြစ်ကြတယ်။ တစ်ချို့ကျတော့ ပြည်နယ်ပြောင်းနေထိုင်တဲ့အခါ ယခင်နေခဲ့တဲ့ပြည်နယ်ကနေ စာရင်းထွက်ပြီး နောက်ပြည်နယ်ကို စာရင်းဝင်ရတာမျိုးလည်းရှိတယ်။

.

လင်မယားတစ်တွဲဆိုရင် ရောက်လာပြီး နောက်ပိုင်းမှ ကွဲသွားတော့ ဆိုရှယ်ရုံးမှာ Food Stamp သက်တမ်းတိုးဖို့ အခက်အခဲရှိတာမျိုးလည်း ဖြေရှင်းဖို့ ဘာသာပြန် ကူညီပေးခဲ့ပါသေးတယ်။ အမှန်တကယ် အကူအညီလိုသူ နဲ့ အမှန်တကယ် အထောက်အပံ့ပေးသူအစိုးရတို့ ဟန်ချက်ညီညီ အဆင်ပြေနေကြတာ တရားဥပဒေစိုးမိုးမှု နဲ့ တာဝန်ကျေတဲ့ အခွန်ထမ်းတွေကြောင့်လို့မြင်မိတယ်။ ဒီလိုပဲ အားလုံး အဆင်ပြေနေကြတာတော့မဟုတ်ပါဘူး။ မသိကျိုးကျွံနဲ့ လူ့စည်းကမ်းဖောက်သူတွေလည်းတွေ့ဖူးပါတယ်။

.

.

ကိုယ်တွေ့ဆုံဖူးသူ ဗွေဖောက်သူ ပထမတစ်ယောက်
.
.
တစ်ရက်မှာ အိမ်သူက အိန္ဒိယစတိုးတစ်ခုမှာ ဝယ်စရာရှိလို့လိုက်ပို့တယ်။ ဆိုင်ထဲမှာ လိုချင်တာလိုက်ရှာရင်း ဗမာစကားပြောသံကြားလိုက်ပြီး ကြည့်လိုက်တာ မြန်မာ - ဂေါ်ရခါး မိသားစုဖြစ်နေပါတယ်။ ဒါနဲ့မိတ်ဆက်စကားပြောကြပြီး အမျိုးသားက မြန်မာစကားပြန်လုပ်တယ်လို့ပြောတယ်။ ဒီနိုင်ငံကို နှစ်ပေါင်းများစွာကတည်းက ရောက်နေပြီး သူ့အမျိုးသမီး တောင်ကြီးမြို့နယ်၊ အေးသာယာမြို့သူကို ယိုးဒယားနယ်စပ်မှာ လက်ထပ်ပြီး ခေါ်လာတာလို့ပြောတယ်။ ဈေးဝယ်တွန်းလှည်းထဲမှာ ကလေးငယ် ( ၁ ) ယောက်နဲ့ လမ်းလျှောက်ပြီးဆော့နေတာ ( ၂ ) ယောက် စုစုပေါင်း မိသားစု ( ၅ ) ဦးရှိတဲ့ အိမ်ထောင်စုလေးဖြစ်တာ တွေ့ရတယ်။ တစ်ယောက်နဲ့တစ်ယောက်နှုတ်ဆက်ပြီး ပစ္စည်းတွေ ဆက်ငေးနေတုန်း အဆိုပါပုဂ္ဂိုလ်ဟာ ကျွန်တော့ဘေးနားပြန်ရောက်လာပြီး တိုးတိုးလေး ပြောတယ်။
.
" အစ်ကို ဈေးဝယ်တာ များလား " တဲ့။ ကျွန်တော်ချက်ချင်းနားမလည်မှန်းသိလို့ သူက ဆက်ပြောတယ်။

.

" ဒီလိုပါအစ်ကို၊ အစ်ကိုဝယ်ပြီး ကျွန်တော့ EBT Card နဲ့ ရှင်းခိုင်းမလို့ပါ။ အစ်ကို့ကို ကျွန်တော်လျှော့ပေးမယ်လေ " လို့ဆိုတယ်။

.

" ကျွန်တော်ဝယ်တာ ( ၁၄ ) ဒေါ်လာဖိုးလောက်ပဲရှိမယ် " လို့ပြောလိုက်တော့ သူက

.

" ဒီလောက်ပဲဆိုရင် မလုပ်နဲ့၊ ရတယ်အစ်ကို။ မသိပါဘူး ဒေါ်လာ ( ၅ဝ ) ၊ ( ၁ဝဝ ) လောက်ဆိုရင် အစ်ကိုလည်းသက်သာ ကျွန်တော်လည်းအဆင်ပြေတယ်လို့ ပြောပြတာပါ " လို့ ဆိုပြီး သူ့စကားကို အဆုံးသတ်လိုက်ပါတော့တယ်။

.

အဲဒီနေ့မှာ သူနဲ့ကျွန်တော် ဘာအပေးအယူမှ မဖြစ်ခဲ့ပေမယ့် စိတ်ထဲမှာတော့ မေးခွန်းတွေများစွာ မေးနေမိတယ်။ သူဟာ ဒီနိုင်ငံရောက်တာ အတော်ကြာနေပြီ သူ့မိသားစုတစ်ခုလုံးရဲ့ဝင်ငွေက Food Stamp ဆက်တိုက်ရနေလောက်အောင် နည်းနေတုန်းပဲလား ?

.

ကလေး ( ၃ ) ယောက်လုံး ဒီနိုင်ငံမှာပဲမွေးတယ် ၊ ကလေးထိန်းထားပေးပြီး အမျိုးသမီးက အလုပ်မလုပ်ဘူးလား?

 .

OTP ဖုန်းခေါ်လာမှ ဝန်ဆောင်မှုပေးရတဲ့ စကားပြန်အလုပ်ဟာ သူ့မိသားစု စားလို့လောက်နေလား ? အခြေကျတာ နှစ်ပေါင်း ( ၂ဝ ) ကျော်ပြီ အားနည်းချက်များစွာရှိတဲ့ ကျွန်တော့ရဲ့ အင်္ဂလိပ်စာလောက်တောင် ဘာကြောင့်မကောင်းရတာလဲ ?
.
.
မေးခွန်းတွေကို သူမဖြေသွားပေမယ့် ကျွန်တော်အဖြေသိနေပါတယ်။ ဘယ်သူကမှ ပြောပြ ဖြေပြလို့မဟုတ်ပါ။ ကျွန်တော့ကို မွေးခဲ့တဲ့ မြန်မာနိုင်ငံအကြောင်း ကျွန်တော်ကောင်းကောင်းသိတယ်။ ပညာမတတ်တော့ ခေတ်ပြောင်း ခေတ်နှောင်းကာလ နယ်စပ်မှာ ချာချာလည် ဒုက္ခသည်ဘဝ ကျရောက်သက်ဆင်းရတယ်။ ပညာဦးစားပေးတဲ့နိုင်ငံရောက်ပြန်တော့လည်း မက်လောက်တဲ့ လူမှုဖူလုံရေးစံနစ်မှာ ခင်တွယ်ပြီး ပညာဆက်မသင်တော့ဘူး။ မွေးရပ်မြေကို ငွေပြန်ပို့ပြီး အကျိုးမပြုနိုင်သလို ခိုလှုံခွင့်ပေးထားတဲ့ နေရာသစ်မှာ မှိန်းမောနေတယ်။ ဘဝတိုးတက်ဖို့မလုပ်တော့ဘူး။ အချိန်တန်ရင် ကဒ်ပြားလေးပြပြီး မီးဖိုချောင်အိမ်သုံးပစ္စည်းလေးဝယ်၊ သတ်မှတ်လခထက်မကျော်အောင် အလုပ်တိုးမလုပ် ၊ ဒီလိုနဲ့ အချိန်တန်ရင် ရေနဲ့အတူစီး ကမ်းပါးနဲ့အတူပြိုမယ့် ရေစပ်က သံချေးတက်နေတဲ့ ဗော့တံတားကြီးကို မျက်စိထဲ ပြေးမြင်မိပါတော့တယ်။
.
.

.

.

ဖုန်းဖြင့်ကူညီရသူ ဗွေဖောက်သူ ဒုတိယတစ်ယောက်
.
.
ကုမ္ပဏီက ဖုန်းခေါ်လာပြီး စကားပြန်ခိုင်းတဲ့အထဲမှာ ရှားရှားပါးပါး ကျောင်းသူတစ်ယောက်ကို ကူညီဖူးတယ်။ ကောလိပ်ကျောင်းတက်နေတဲ့ ( ၁၉ ) နှစ် ကျောင်းသူလေးဟာ တစ်ရက်မှာ သူငှားနေတဲ့အိမ်ခန်းကို သူခိုးဝင်ပါသတဲ့။ မရှိစု ရှိစု ဒေါ်လာလေးတွေနဲ့ အရေးကြီးတဲ့ Green Card ၊ မရှိမဖြစ်တဲ့ အလုပ်လုပ်ခွင့်သက်သေကဒ် - Social Security Number တွေ အကုန်သယ်ချသွားပါတယ်။ နေ့စဉ်ဘဝကိုရင်ဆိုင်ဖို့ ဘဏ်စာရင်းကို စစ်လိုက်တဲ့အခါ ဒေါ်လာ ( ၁ဝဝ ) ပဲ ကျန်ပါတော့တယ်။ အဲဒီအချိန်မှ Food Stamp ကိုသတိရပြီးကြည့်လိုက်တဲ့အချိန်မှာ သက်တမ်းလွန်နေပါပြီ။ ဒီကိစ္စနဲ့ပဲ Human Services ကိုရောက်၊ စကားပြန်ရှာ၊ ဒါနဲ့ ကျွန်တော့ကိုဖုန်းခေါ်တော့ ဝင်ပါခွင့်ရခဲ့တာပေါ့ဗျာ။ 
.
သူဟာ ကောလိပ်ကျောင်းက ချေးငွေကိုလည်းယူထားပါသေးတယ်။ အိမ်ဖောက်ခံရပြီးအခက်အခဲဖြစ်နေချိန်မှာ ခရက်ဒစ်ကဒ်ကြွေး၊ ကားကြွေး၊ အိမ်ငှားခ နဲ့ အထွေထွေစားရိတ်တွေကို ကျောင်းဘဏ်စာရင်းထဲကနေ ကျခံသုံးစွဲခဲ့လို့ အခု ဖုန်းဆက်တဲ့အချိန်မှာ ကျောင်းကို အကြွေး ( ၂၄ဝဝဝ ) တင်နေပါပြီ။ Food Stamp ဋ္ဌာနကပြောတာက သူအလုပ်လုပ်ရင်လုပ်၊ မဟုတ်ရင် ကိုယ်ဝန်ရှိရင်ရှိ၊ တစ်ခုခုအကျုံးဝင်မှ ထမင်းစားကဒ် အသက်ဆက်လို့ရမှာလို့ သိရတယ်။

.

 ဒီကျောင်းသူလေးဟာ သူ့ရဲ့တစ်လွဲသုံးစားမှုကို အပြစ်မမြင်ပဲ ဒီလိုအခြေအနေမှာ အိုဘားမားအစိုးရက သူ့ကို လက်ပိုက်ကြည့်နေတယ်လို့ ကျွန်တော့်ကို အတင်းပြောခိုင်းပါတော့တယ်။ တာဝန်ရှိသူက ကျောင်းသူလေး အိမ်ဖောက်ခံရတာ ရဲအရေးပိုင်ဖြစ်ပြီး ဆိုရှယ်ဋ္ဌာနက မလုပ်ပေးနိုင်တာ ရှင်းပြတယ်။ နောက်ပြီး စိတ်ရှည်ရှည်ပဲ အချိန်အတိုအတွင်းမှာ ကျောင်းသူလေး ဆက်သွယ်ရမယ့် သက်ဆိုင်ရာလိပ်စာတွေကို ပေးပြီးတဲ့နောက်မှာ အဆုံးသတ်စကားပြောခိုင်းပါတယ်။ 
.
.
မပြေလည်တဲ့မေးခွန်းတွေ ကျွန်တော့ခေါင်းထဲမှာ ပြည့်လျှံလာပါတယ်။ အိမ်ခန်းဖေါက်ခံရတာ ရက်ပိုင်းပဲရှိသေးတယ် ကျောင်းကချေးတဲ့ငွေ - Student Loan ( ၂၄ဝဝဝ ) က ဘယ်လိုကုန်သွားတာလဲ ? 

.

ကျောင်းက ကျောင်းသားကို ကျောင်းတက်ဖို့ငွေချေးပေးတာလား၊ ကျောင်းသားရဲ့နေ့စဉ်အခက်အခဲတွေဖြေရှင်းဖို့ချေးပေးတာလား?

.

နယ်စပ်ကနေတစ်ဆင့်ရောက်လာတဲ့ မြန်မာဒုက္ခသည်ဟာ မြန်မာနိုင်ငံတွင်းမှာ ဘယ်လိုအခွင့်အရေးပေးခံရလို့ အမေရိကန်သမ္မတက ပြည်သူတစ်ယောက်ကို ဂရုမစိုက်ဘူးလို့ ပြောနိုင်ရတာလဲ ?

.

နယ်စပ်ကနေတစ်ဆင့်ရောက်လာတဲ့ မြန်မာဒုက္ခသည်ဟာ ဒုက္ခသည်စခန်းမှာ ဘယ်လိုနေထိုင်စားသောက်ခဲ့လို့ ကျောင်းကချေးပေးတဲ့ငွေကို ကျောင်းမပြီးပဲ အကုန်သုံးပစ်ရဲတာလဲ ?

.

အနည်းဆုံးနေထိုင်သက် ( ၂ ) နှစ်ခွဲရှိမှ ထုတ်ပေးတဲ့ Green Card ကိုင်ဆောင်သူဟာ ကောလိပ်လည်းတက်နေသေးတယ် .. အခုလို အစိုးရရုံးတွေနဲ့ဆက်ဆံတဲ့အခါမှာ စကားပြန်မပါပဲ အခြေခံအင်္ဂလိပ်စကားကို ဘာကြောင့်မပြောနိုင်ရတာလဲ ?
.
.
ဒုတိယအကြိမ် အဖြေတွေကို စာဖတ်သူ မှန်းဆနိုင်လောက်ပြီထင်ပါတယ်။ ဘာသာပြန်သူရဲ့တာဝန်ဟာ တစ်ဖက်ကပြောတာကို နောက်တစ်ဖက်ကို အတိအကျဘာသာပြန်ပြပြီး အပိုအလိုမရှိဆောင်ရွက်ရတာပါ။ ဘယ်သူမှားတယ် ဘယ်သူမှန်တယ် ဝေဖန်ဖို့မဟုတ်ပဲ ဘာသာစကားအခက်အခဲကို ကြားခံဖြေရှင်းပေးရတဲ့တာဝန်မို့လို့ အထက်ကအတွေးတွေကို အများသိအောင်ပြောပြရုံသက်သက်ပါ။ ဘာသာပြန် တယ်လီဖုန်းအင်တာဗျူးမှာ ဒီအမေးတွေ တစ်ခုမှ မမေးခဲ့ပါ။

.

 ဒီအလုပ်က လွယ်မလိုနဲ့ အထင်သေးလို့မရပါဘူး။ မနက်စောဖြစ်ဖြစ် ညနေဖြစ်ဖြစ် ခေါ်လာရင် အဆင်ပြေအောင် ပြောဆိုရတဲ့ ခေါ်ယူ - On Call ဆားဗစ်တစ်ခုပါ။ ပထမ နဲ့ ဒုတိယ ( ၂ ) လပေါင်း ဖုန်းပြောခ ( ၆ ) နာရီစာ ဒေါ်လာ ( ၁ဝဝ ) လောက်ရတော့ ကျွန်တော့အိမ် မီတာခ လောက်တော့ ကျေပါတယ်။ တိုင်းရင်းသားတွေကို ဒီမြေပေါ်ရောက်မှ ကူညီခွင့်ရလို့ ကုသိုလ်လည်းရ ဝမ်းလည်းဝ ဖြစ်ရလို့ ကျေနပ်ဝမ်းမြောက်မိပါတယ်။

.

koko2yeye@gmail.com