ျမန္မာစာအမွန္ရုိက္လို႕ရတဲ႕ကမၻာမွာကြ်န္ေတာ႕ကိုထားခဲ႕

ေဆာင္းပါးရွင္ - ကိုညီညီ (ေတာင္ၾကီး)

              မ်က္လံုးေတြပ်က္ေတာ႕မယ္။ ဒီဂရီေတြလည္း အသက္နဲ႕အတူတက္ေတာ႕မယ္။ ကြန္ပ်ဴတာမွာ Window 10 အသစ္ေျပာင္းတာနဲ႕အတူ ျမန္မာေဖာင္႕က ဘယ္ေနရာမွာမွအမွန္မေပၚေတာ႕။ လြဲေနတာေတြက အမ်ားၾကီး။ ယပင္႕၊ ဝဆြဲ၊ သေဝထုိး ေတြဟာ အေနာက္ကစာလံုးအေရွ႕ေရာက္၊ အေရွ႕ကစာလံုးအေနာက္ေရာက္ နဲ႕ ပဲပင္ေပါက္စာေတြဖတ္ရင္း ယုိးဒယားစာေတြပါဖတ္တတ္လာေတာ႕မယ္။

              ဖုန္းနဲ႕စာရုိက္ျပန္ေတာ႕ ျမင္ကြင္းက ေသး၊ လက္မက မွားႏွိပ္၊ စံျပလက္ကြက္အတည္မျဖစ္ေတာ႕ သံုးတဲ႕ကီးဘုတ္အလိုက္ စာလံုးေတြကေနရာအေသမွတ္မရ။ ဒီလိုနဲ႕ အရင္သံုးေနက်လက္စြဲ Google Keep ေပၚမွာလည္း စာေရးလို႕မရေတာ႕။ အြန္းလိုင္းေပၚမွာေရးဖို႕ Facebook ေပၚမွာလည္း အလြဲေတြအတိုင္းေရး အလြဲအတိုင္းဖတ္ နဲ႕ တစ္ကယ္႕မဟာဆံုးရွံဴးမႈၾကီးလို စာေရးဖို႕ကိုေတာ္ေတာ္စိတ္ဓါတ္က်ေနမိတယ္။

              သူမ်ားေတြကထင္ၾကမယ္ . . ကိုညီညီ ေနာက္ပို္င္းစာေရးတာ စာလံုုးေပါင္းေတြမွားလွခ်ည္လား လို႕။ အမွန္က ဒုတ္ေကာက္နဲ႕လွမ္းေနရသလို အေမွာင္ထဲအမည္းထဲမွာ မွန္းသမ္းေရးေနရတဲ႕ ျမန္မာစာရယ္ပါ။

              iPhone သမားေတြ ယူဒီကုဒ္ဆိုျပီးလုပ္တယ္။ သူတုိ႕သံုးတဲ႕ iOS ဖုန္းေတြေပၚမွာသာ အမွန္ေပၚေပမယ္႕ (ဖတ္လို႕ရေအာင္ေပၚတာကိုေျပာတာ) သူမ်ားဖုန္းနဲ႕ဖတ္ျပန္ရင္ ပဲပင္ေပါက္ျဖစ္ေနျပန္ေရာ။ ဒါကလည္း မဟုတ္ေသးျပန္။

               iPad ကို ကီးဘုတ္တတ္ျပီးေရးဖို႕လုပ္ၾကည္႕ေသးတယ္။ လက္ကြက္က ဘယ္လိုမွမျမန္။ လက္ကိုင္ဖုန္းကမွ လက္သြက္ေသးတယ္။ တကယ္လို႕ iPad ေပၚမွာသာ စာေကာင္းေကာင္းရိုက္လို႕ရတယ္ဆုိေစဦး . . သိမ္းရ ဆည္းရသိပ္ခက္တဲ႕ ပန္းသီးကုမၸဏီထုတ္ပစၥည္းေတြအေၾကာင္းလည္းသိရဲ႕သားနဲ႕  . . ေစ်းေတြက ၾကီးမွၾကီးေလ။

              ဒါေတြအားလံုးကလြတ္တဲ႕စာေရးလို႕ရတဲ႕တစ္ေနရာရွိတယ္။ အဲဒါက Microsoft Word မွာပဲ။ သူကလည္း စာသာအမွန္ေပၚတာ . . ျပန္တည္းျဖတ္တဲ႕ေနရာက်ေတာ႕ ေတာ္ေတာ္ခက္တယ္။ ေျပးေနတဲ႕ cursor ခ်ရင္ ခ်တဲ႕ေနရာမေရာက္ဘူး။ ေနရာလြဲျပီးစာလံုးေတြကုိဖ်က္ခ်ပစ္တယ္။ ျမန္မာစာေရးဖုိ႕ဘာလို႕ဒီေလာက္ဝိဝါဒကြဲျပားေနရတာလဲကြယ္။

              အခုေနာက္ဆံုး သူ႕မူရင္းကုမၸဏီမွာလိုင္စင္ဝယ္ရင္ မတရားေစ်းၾကီးလို႕ အြန္လုိင္းကေနရွာတာ (၄) ေဒၚလာနဲ႕ရတယ္။ အဓိကကြန္ပ်ဴတာမွာ Microsoft Word ဖိုင္တစ္ခုကိုဖြင္႕၊ သိမ္း_Save ၊ ျပီးတာနဲ႕ ရွယ္ထား၊ အဲဒါဆိုရင္ Microsoft ရဲ႕ Cloud ထဲမွာ စစၥတမ္က သူ႕ဟာသူတက္သိမ္းတယ္ (အင္တာနက္ရွိရပါမယ္)။

              ကိုယ္လိုခ်င္တဲ႕ေနရာေရာက္ရင္ အင္တာနက္ရွိတဲ႕ကြန္ပ်ဴတာတစ္ခုမွာဖြင္႕၊ ျမန္မာစာေဖာင္႕ရွိတဲ႕ Microsoft Word ကိုထပ္ဖြင္႕ ျပီးတာနဲ႕ ကိုယ္ဖြင္႕ခ်င္တဲ႕ဖုိင္ကုိ Cloud ကေန ျပန္ဖြင္႕ . . ဒီတစ္နည္းပဲ ျမန္မာစာကို ကုိယ္လိုသလိုေရးလို႕ သိမ္းလို႕ တည္းျဖတ္လို႕ အမည္အသစ္ေပးလို႕ရလာတယ္။ 

              အခုကဘယ္လုိျဖစ္ေနသလဲဆုိေတာ႕ စာဖတ္ခ်င္ရင္ ဖုန္းနဲ႕ဖတ္၊ မွတ္ခ်က္ေရးခ်င္ စာေရးခ်င္ရင္ ကြန္ပ်ဴတာထဲက Microsoft Word နဲ႕ေရး၊ သိမ္းခ်င္ရင္ Google Drive မွာေကာ္ပီတက္သိမ္း၊ စာေတြကုိသူမ်ားအတြက္ Facebook ေပၚတင္၊ ယူနီကုဒ္သမားေတြဖတ္ႏုိင္ဖို႕ Converter နဲ႕ ယူနီကုဒ္ေဖာင္႕ေျပာင္း၊ ပို႕စ္ေအာက္မွာမွတ္ခ်က္လုိက္ထည္႕ နဲ႕ ဟား သိပ္ရႈတ္တာပဲဗ်ာ။

              ဒီဒုကၡကေနကင္းေဝးခ်င္ျပီ။ ျမန္မာစာကို ဘယ္ကိရိယာမွာမဆို သြက္သြက္လက္လက္ရိုက္ခ်င္ျပီ။ အခုေတာ႕ ဘယ္သူ႕ကုိအမွီျပဳျပီး ကိုယ္ေရးခ်င္တဲ႕စာေတြကို ဘယ္ေနရာမွာသိမ္းရမွန္းကိုမသိတဲ႕ေလာကမွာ ကြ်န္ေတာ္အသက္ရွင္ေနပါတယ္။ တကယ္လို႕ ျပည္တြင္းစစ္ေၾကာင္႕ ျမန္မာႏုိင္ငံၾကီးအစိတ္စိတ္အမႊာမႊာကြဲသြားခဲ႕ရင္ ျမန္မာစာအမွန္ရုိက္လို႕ရတဲ႕ကမၻာမွာကြ်န္ေတာ႕ကိုထားခဲ႕လုိက္ၾကပါ။

ခင္လ်က္

ကိုညီညီ (ေတာင္ၾကီး)

05-04-2019

Unicode Version:

"မြန်မာစာအမှန်ရိုက်လို့ရတဲ့ကမ္ဘာမှာကျွန်တော့ကိုထားခဲ့" 

            မျက်လုံးတွေပျက်တော့မယ်။ ဒီဂရီတွေလည်း အသက်နဲ့အတူတက်တော့မယ်။ ကွန်ပျူတာမှာ Window 10 အသစ်ပြောင်းတာနဲ့အတူ မြန်မာဖောင့်က ဘယ်နေရာမှာမှအမှန်မပေါ်တော့။ လွဲနေတာတွေက အများကြီး။ ယပင့်၊ ဝဆွဲ၊ သဝေထိုး တွေဟာ အနောက်ကစာလုံးအရှေ့ရောက်၊ အရှေ့ကစာလုံးအနောက်ရောက် နဲ့ ပဲပင်ပေါက်စာတွေဖတ်ရင်း ယိုးဒယားစာတွေပါဖတ်တတ်လာတော့မယ်။

              ဖုန်းနဲ့စာရိုက်ပြန်တော့ မြင်ကွင်းက သေး၊ လက်မက မှားနှိပ်၊ စံပြလက်ကွက်အတည်မဖြစ်တော့ သုံးတဲ့ကီးဘုတ်အလိုက် စာလုံးတွေကနေရာအသေမှတ်မရ။ ဒီလိုနဲ့ အရင်သုံးနေကျလက်စွဲ Google Keep ပေါ်မှာလည်း စာရေးလို့မရတော့။ အွန်းလိုင်းပေါ်မှာရေးဖို့ Facebook ပေါ်မှာလည်း အလွဲတွေအတိုင်းရေး အလွဲအတိုင်းဖတ် နဲ့ တစ်ကယ့်မဟာဆုံးရှံူးမှုကြီးလို စာရေးဖို့ကိုတော်တော်စိတ်ဓါတ်ကျနေမိတယ်။

              သူများတွေကထင်ကြမယ် . . ကိုညီညီ နောက်ပို်င်းစာရေးတာ စာလုုံးပေါင်းတွေမှားလှချည်လား လို့။ အမှန်က ဒုတ်ကောက်နဲ့လှမ်းနေရသလို အမှောင်ထဲအမည်းထဲမှာ မှန်းသမ်းရေးနေရတဲ့ မြန်မာစာရယ်ပါ။

               iPhone သမားတွေ ယူဒီကုဒ်ဆိုပြီးလုပ်တယ်။ သူတို့သုံးတဲ့ iOS ဖုန်းတွေပေါ်မှာသာ အမှန်ပေါ်ပေမယ့် (ဖတ်လို့ရအောင်ပေါ်တာကိုပြောတာ) သူများဖုန်းနဲ့ဖတ်ပြန်ရင် ပဲပင်ပေါက်ဖြစ်နေပြန်ရော။ ဒါကလည်း မဟုတ်သေးပြန်။

               iPad ကို ကီးဘုတ်တတ်ပြီးရေးဖို့လုပ်ကြည့်သေးတယ်။ လက်ကွက်က ဘယ်လိုမှမမြန်။ လက်ကိုင်ဖုန်းကမှ လက်သွက်သေးတယ်။ တကယ်လို့ iPad ပေါ်မှာသာ စာကောင်းကောင်းရိုက်လို့ရတယ်ဆိုစေဦး . . သိမ်းရ ဆည်းရသိပ်ခက်တဲ့ ပန်းသီးကုမ္ပဏီထုတ်ပစ္စည်းတွေအကြောင်းလည်းသိရဲ့သားနဲ့  . . စျေးတွေက ကြီးမှကြီးလေ။

              ဒါတွေအားလုံးကလွတ်တဲ့စာရေးလို့ရတဲ့တစ်နေရာရှိတယ်။ အဲဒါက Microsoft Word မှာပဲ။ သူကလည်း စာသာအမှန်ပေါ်တာ . . ပြန်တည်းဖြတ်တဲ့နေရာကျတော့ တော်တော်ခက်တယ်။ ပြေးနေတဲ့ cursor ချရင် ချတဲ့နေရာမရောက်ဘူး။ နေရာလွဲပြီးစာလုံးတွေကိုဖျက်ချပစ်တယ်။ မြန်မာစာရေးဖို့ဘာလို့ဒီလောက်ဝိဝါဒကွဲပြားနေရတာလဲကွယ်။

              အခုနောက်ဆုံး သူ့မူရင်းကုမ္ပဏီမှာလိုင်စင်ဝယ်ရင် မတရားစျေးကြီးလို့ အွန်လိုင်းကနေရှာတာ (၄) ဒေါ်လာနဲ့ရတယ်။ အဓိကကွန်ပျူတာမှာ Microsoft Word ဖိုင်တစ်ခုကိုဖွင့်၊ သိမ်း_Save ၊ ပြီးတာနဲ့ ရှယ်ထား၊ အဲဒါဆိုရင် Microsoft ရဲ့ Cloud ထဲမှာ စစ္စတမ်က သူ့ဟာသူတက်သိမ်းတယ် (အင်တာနက်ရှိရပါမယ်)။

              ကိုယ်လိုချင်တဲ့နေရာရောက်ရင် အင်တာနက်ရှိတဲ့ကွန်ပျူတာတစ်ခုမှာဖွင့်၊ မြန်မာစာဖောင့်ရှိတဲ့ Microsoft Word ကိုထပ်ဖွင့် ပြီးတာနဲ့ ကိုယ်ဖွင့်ချင်တဲ့ဖိုင်ကို Cloud ကနေ ပြန်ဖွင့် . . ဒီတစ်နည်းပဲ မြန်မာစာကို ကိုယ်လိုသလိုရေးလို့ သိမ်းလို့ တည်းဖြတ်လို့ အမည်အသစ်ပေးလို့ရလာတယ်။ 

              အခုကဘယ်လိုဖြစ်နေသလဲဆိုတော့ စာဖတ်ချင်ရင် ဖုန်းနဲ့ဖတ်၊ မှတ်ချက်ရေးချင် စာရေးချင်ရင် ကွန်ပျူတာထဲက Microsoft Word နဲ့ရေး၊ သိမ်းချင်ရင် Google Drive မှာကော်ပီတက်သိမ်း၊ စာတွေကိုသူများအတွက် Facebook ပေါ်တင်၊ ယူနီကုဒ်သမားတွေဖတ်နိုင်ဖို့ Converter နဲ့ ယူနီကုဒ်ဖောင့်ပြောင်း၊ ပို့စ်အောက်မှာမှတ်ချက်လိုက်ထည့် နဲ့ ဟား သိပ်ရှုတ်တာပဲဗျာ။

              ဒီဒုက္ခကနေကင်းဝေးချင်ပြီ။ မြန်မာစာကို ဘယ်ကိရိယာမှာမဆို သွက်သွက်လက်လက်ရိုက်ချင်ပြီ။ အခုတော့ ဘယ်သူ့ကိုအမှီပြုပြီး ကိုယ်ရေးချင်တဲ့စာတွေကို ဘယ်နေရာမှာသိမ်းရမှန်းကိုမသိတဲ့လောကမှာ ကျွန်တော်အသက်ရှင်နေပါတယ်။ တကယ်လို့ ပြည်တွင်းစစ်ကြောင့် မြန်မာနိုင်ငံကြီးအစိတ်စိတ်အမွှာမွှာကွဲသွားခဲ့ရင် မြန်မာစာအမှန်ရိုက်လို့ရတဲ့ကမ္ဘာမှာကျွန်တော့ကိုထားခဲ့လိုက်ကြပါ။

ခင်လျက်

ကိုညီညီ (တောင်ကြီး)

05-04-2019