အိအိအောင်အမေးအတွက် အဖြေ

ဆောင်းပါးရှင် - ကိုညီညီ ( တောင်ကြီး )

မေး။         ။ အင်္ဂလိပ်စာ တိုးတက်အောင် ဘယ်လိုလုပ်ရမလဲ ဆိုတာကို ချုံငုံပြီး ရေးထားတဲ့ ပို့စ် တွေဖတ်ဖူးပါတယ် .. အဲဒီလိုမျိုးလေးမဟုတ်ပဲ ကိုယ်တိုင်ဖြတ်သန်းခဲ့ရတဲ့ အတွေ့အကြုံလေးတွေနဲ့ ပေါင်းပြီး ပြောပြတာမျိုးလေး အချိန်ရရင် ဖြေပေးပါရှင်..။

.

.

. 

ဖြေ။          ။ မအိအိအောင် စိတ်ဝင်စားလို့မေးတဲ့မေးခွန်းက ပိုစိတ်ဝင်စားဖို့ကောင်းတယ်။ အင်္ဂလိပ်စာလေ့လာဖို့က အလွယ်တကူ ( ၃ ) မျိုးခွဲ ပြောချင်တယ်။

.

( ၁ ) ကွန်ပျူတာပေါ်မှာသုံးမလား?

.

---- အကောင်းဆုံးဖြစ်သလို အထိရောက်ဆုံးဖြစ်တယ်။ Off Line စာသင်ဆော့ဝဲလ်တွေ သုံးပြီး Sentence တွေ လေ့လာနိုင်တယ်။ Grammar အထားအသို မကြာခဏ လေ့ကျင့်နိုင်တယ်။ Chrome  လို Browser တွေမှာ Note ရေးလို့ရတဲ့ Add On တွေသုံးပြီး မသိတာ Tip လုပ် - မှတ်ထား၊ Dictionary စာအုပ်ဖြစ်ဖြစ်၊ Built In ဘာသာပြန်အဘိဓာန်မှာဖြစ်ဖြစ် ပြန်ရှာနိုင်တယ်။ eBook တွေဖတ်ရင် Amazon Desktop Kindle မှာ အခမဲ့စာအုပ်များစွာရှိသလို စာလုံးအဓိပ္ပာယ်ရှာဖို့ ပိုလွယ်တယ်။

.

.

( ၂ ) Tablet နဲ့Smartphone ဖုန်းပေါ်မှာ စာဖတ်မလား?

.

---- အသင့်တင့်ထိရောက်မှုရှိသလို အင်တာနက်ပေါ် ရောက်ရောက်သွားတတ်လို့ ၅ဝ - ၅ဝ အကျိုးရှိတယ်။ ပန်းသီးသမား က Apple App Store နဲ့ Android သမားက Google Play Store မှာ English Speaking, English Grammar, English 4 Skills, English Conditioning Speaking, Vocabulary တို့နဲ့ဆိုင်တဲ့ Test အမျိုးမျိုး အခမဲ့ရနိုင်တယ်။ လွယ်တာလေးကစ, ပြီး တဖြည်းဖြည်း အဆင့်တက်သွားနိုင်မယ်လေ။ အားနေတိုင်း Facebook က မြန်မာစာတွေဖတ်နေမယ့်အစား ( ၇ဝ % ) ကို အင်္ဂလိပ်သင်ခန်းစာ App တွေပေါ်မှာ အချိန်ကုန်စေသင့်တယ်။

.

---- အနောက်နိုင်ငံမှာ ( ဂျပန်၊ စင်ကာပူ တော့မသိပါ ) စောင့်ဖို့လိုတဲ့နေရာတစ်ခုကိုသွားရင် လက်ထဲမှာ စာအုပ်၊ Tablet ထုတ်ပြီးစာဖတ်တာ အရမ်းအားကျစရာကောင်းတယ်၊ အတုယူစရာပါ။ ကင်မရာလေးကိုင်ပြီး ( အခုတော့ဖုန်းခေတ်ပေါ့ ) ပတ်ဝန်းကျင်ကို စာဖတ်သူတွေလည်း သူ့နည်းသူ့ဟန် နဲ့ အကျိုးရှိစေတယ်။ ခရီးသွားသူတွေမှာတော့ အဆိုပါ ( ၂ ) မျိုးလုံးလုပ်ကြတယ်။

.

---- Tablet နဲ့Smartphone ဖုန်းပေါ်က က Apple App Store နဲ့ Google Play Store မှာ လိုတာကြိုဆွဲချထားပြီး ကိုယ်နဲ့ကိုက်တဲ့ App ၊ အသုံးပြုရလွယ်ပြီး User Interface သပ်ရပ်တာ၊ ကြော်ငြာနည်းပြီး လိမ်ညာငွေတောင်းတာမဟုတ်တဲ့ App တွေကို ရွေးချယ်ထားပါ။ ဘယ်တစ်ခုက ကောင်းတယ်ဆိုတာ ကိုယ့် English စာ အနေအထားအရ ရွေးပါ။ ဒီနေရာကနေ အသေးစိတ်ရွေးပြဖို့ခက်ပါတယ်။ ကိုယ့်ဖုန်းရဲ့ လက်မထောက်တဲ့နေရာမှာ အဲဒီ App ကို ထားသင့်တယ်။ Amazon Mobile Kindle App ကို အကျိုးရှိရှိ အသုံးချသင့်တယ်။

.

.

( ၃ ) Play with Speakers - စကားပြောဖော်များနဲ့ကစားခြင်း

.

.

---- ခေါင်းစဉ်က နည်းနည်းကြီးကျယ်ပေမယ့် အပိုင်း ( ၃ ) ပိုင်းထပ်ခွဲမယ်နော်။
.

A.  စာတန်းထိုး Captioned Movie ကြည့်တာ အရေးပါတယ်။ ရုပ်ရှင်မှာ ခေတ် ပါတာ သတိထားရမယ်။ ဟောလီဝုဒ် နဲ့ အင်္ဂလိပ်ရုပ်ရှင်တွေတောင် အသုံးအနှုန်းမတူပါ။ အလွယ်ကူဆုံးက Disney ကလွင့်တဲ့ ကာတွန်းကား။ အဲဒီအဆင့်အောင်သွားရင် Hannah Montana , Jonas Brothers အဟောင်းလေးတွေက လက်ရှိအမေရိကန် ဆယ်ကျော်သက် Accent အပြည့်ပါပြီး အသံထွက်မြန်သလောက် အစပိုင်းမှာ နားလည်ဖို့ခက်တယ်။
.

B.  TV Channel မှာ သတင်းလိုင်းတွေအဆက်မပြတ်ကြည့်ခြင်းအားဖြင့် တီဗွီကြော်ငြာတွေကို အလိုလို နားလည်လာနိုင်တယ်။ CNN တို့ Fox News တို့မှ သတင်းလွှင့်တာမဟုတ်ပါ။ ဒေသဆိုင်ရာအခမဲ့ အင်္ဂလိပ်အသံတွေရှိတယ်။ နားလည်လွယ်တာကနေ စ, နားထောင်ပြီး နောက်ပိုင်း ဟင်းချက်အစီအစဉ်၊ မိတ်ကပ်ကြော်ငြာအလှပြင်အစီအစဉ်၊ အိမ်ဆောက် အိမ်ပြင်အစီအစဉ် တို့တက်လှမ်းပြီး ပိုမြန်တဲ့ Show တွေကို ကြည့်ပါ။
.

C.  “ ဘို” စကားပြောတဲ့ Native Speakers တွေကြားမှာ အလုပ်လုပ်ပါ။ ပြော ဆို ဆက်ဆံ ရမှာသာမက စာရေး စာပြန်၊ အီးမေးလ်ပို့ အီးမေးလ်ပြန်၊ စာရွက်စာတမ်းဖြည့်သွင်းခြင်း - Document Entry တွေကို နားလည်လာတဲ့အခါ  အပေါ်က ( ၁ ၊ ၂ ၊ ၃ A ၊ ၃ B ) အဆင့်တွေအားလုံး အလိုလိုလွယ်လာပါလိမ့်မယ်။

.

.

---- ( C ) အထိ လုပ်နိုင်ပြီဆိုတာနဲ့ စာရေး - Compose လုပ်နိုင်ပြီ။ ကိုယ့်အီးမေးလ်ထဲမှာ ကြိုက်တာလေးဆို Draft ထဲမှာ သိမ်းထားရင်ဖြစ်ဖြစ် Label ခံ ထားရင်ဖြစ်ဖြစ် ပြန်ရှာရလွယ်ကူတယ်။ အရမ်းကြိုက်တဲ့ စာတိုလေးတွေကို Word File သတ်သတ်မှာ ပြုစုပြီး Pdf ဖိုင်နဲ့သိမ်းနိုင်တယ်။ ပိုပြီးစိတ်ချအောင် External Hard Drive မှာ Backup လုပ်ထားသင့်တယ်။ အင်တာနက်အမြဲရတဲ့နိုင်ငံမှာဆိုရင်တော့ Tablet နဲ့Smartphone ဖုန်းပေါ်မှာ လိုတဲ့အချိန် ရောက်တဲ့နေရာ ထုတ်သုံးနိုင်အောင် နဲ့ ရေးသွင်းနိုင်အောင် Google Drive ၊ Sugar Sync နဲ့ Cloud Based Notes တွေမှာ သိမ်းသင့် ရေးသင့်တယ်။

.

.

---- ကိုယ်ပိုင်အတွေ့အကြုံအရ ကျွန်တော် ( ၅ ) တန်းမှ အင်္ဂလိပ်စာ စ, သင် ရတယ်။ ( ၈ ) တန်းရောက်တော့ ရိုးရာတရုတ်စာကို မရွေးပဲ အင်္ဂလိပ်စာကိုရွေးခဲ့တယ်။ ကျောင်းပိတ်တဲ့နွေရာသီတိုင်း English Speaking တက်တယ်။  ကြိုက်တဲ့စာသားတွေဆို အလွတ်ကျက်တယ်။ သူများထက် Grammar ကို ပိုလေ့လာတယ်။ ကျေးဇူးရှိတဲ့ဆရာတွေကတော့ ( တောင်ကြီးက ) တီချယ်ကြီး ( ၇ ၊ ၈ တန်း )၊ ဆရာ အိုအေစစ် ဦးစိုးဝင်း ( ၈ ၊ ၉ ၊ ၁ဝ တန်း နဲ့ နွေရာသီအားလုံး )၊ အမေရိကန်ဆရာ Tommy Wright ( အားတိုင်း ညနေပိုင်း )၊ ဆရာ ဦးထွန်အောင်ကျော် နဲ့ ဆရာမ ဂျူးလိယက် တို့ဖြစ်ပါတယ်။ အားလုံးရဲ့သင်ပုံတွေ တစ်ခုမှမတူသလို ကောင်းတာလေးတွေ ကိုယ့်ဘာသာကိုယ်စုပေါင်းပြီး တွေ့တိုင်း အင်္ဂလိပ်လို ပြောခဲ့တယ်။

.

.

---- အလုပ်ခွင်ဝင်တော့ Polo Nine စီးကရက် ကိုယ်စားလှယ်ယူတော့ ကုမ္ပဏီပိုင်ရှင် ကိုးရီးယားလူမျိုး မစ္စတာကင် ကို စကားပြန်မလိုပဲ အင်္ဂလိပ်လိုပြောဆိုပြီး ( ၃ ) နှစ်ဆက်တိုက် အလုပ်လုပ်ခဲ့တယ်။ ဒါ့အပြင် ဆိုင်ကိုလာတဲ့နိုင်ငံခြားသားတွေကို ကိုယ်တိုင် အင်္ဂလိပ်လို ဧည့်ခံနိုင်ခဲ့တယ်။ ကုန်ကူးသွားတော့ ဘန်ကောက်မှာ ယိုးဒယားစကားမတတ်တော့ ဒီ အင်္ဂလိပ်စကားနဲ့ပဲ အလုပ်တော်တော်ဖြစ်ခဲ့တယ်။ အင်္ဂလိပ်သတင်းတွေ နားထောင်လာနိုင်တယ်။ အိမ်မှာ ( ၂ ) ပေ စလောင်းတပ်တော့ စင်္ကာပူ Channel News Asia ( CNA ) ကို အမြဲဖွင့်ထားရင်း သူတို့သတင်းတွေကို လွှင့်တဲ့အချိန် တိုက်ရိုက် လိုက်နားထောင်လာနိုင်တယ်။ ရန်ကုန် က သူငယ်ချင်းအလှူမှာ သီရိလင်္ကာဘုန်းကြီးတစ်ပါး ကို ဘာသာပြန်လျှောက်တင်ပေးနိုင်ခဲ့တယ်။

.

.

---- အစ်မ က ခေါ်လို့ အမေရိကားသွားဖို့ အချိန်ရောက်လာတော့ အင်တာနက်ကဖေးခေတ်။ သူများတွေ ချက်တင် ဝင်နေချိန်မှာ USB တစ်ချောင်းထဲကို အင်္ဂလိပ်သတင်းစာမျက်နှာ Web Page တွေကူးပြီး အိမ်ပြန်ရောက်တော့ လက်တော့ပေါ်မှာ ပြန်ဖွင့်ပြီး အသံထွက် “ အော် ” ဖတ်ခဲ့တယ်။ မသိတာကို အဘိဓာန်မှာ ရှာပြီး မိုက်ခရိုဆော့ က ထုတ်တဲ့ Microsoft Encarta Off Line Software ( Discontinued ) ကို သွင်းပြီး အမေရိကတိုက်အကြောင်း ကြိုဖတ်ခဲ့တယ်။

.

.

---- သမီးကို ( ၁ဝ ) တန်းပြီးအောင်ဖြေစေခဲ့ပြီး သား က ( ၃ ) တန်း နဲ့လိုက်ပါလာတယ်။ သမီးက ဒီရောက်တော့ ( ၁၂ ) တန်းတက်ပြီး စာလိုက်နိုင်ဖို့ ( ၂ ) လလောက် ရုန်းကန်ရတယ်။ နောက်တစ်နှစ်မှာ ကွန်မြူနတီ ပေါင်းကူးကောလိပ်တက်ပြီး နောက်ထပ် ( ၃ ) နှစ်မှာ လိုင်းရွေးပြီး တက္ကသိုလ် တက်နေပြီ။

.

.

---- သား က ရောက်တော့ ( ၅ ) တန်းတန်းတက်ရတယ်။ ( ၄၊ ၅ ) လ ဆက်တိုက် TV ချည်း ကြည့်နေတယ်။ ( ၁ ) လ အတွင်းမှာ စာလိုက်နိုင်ပြီး ( ၅ ) လ လောက်ကျတော့ ဘို တွေနဲ့စကားလိုက်ပြောနေပြီ။ ( ၂ ) နှစ်ကျော်လာတော့ ဗမာလိုမပြောချင်တော့ဘူး။ သူ့ကျောင်းမှာ ဗမာသူငယ်ချင်းမရှိတာက သှူု့အတွက် အင်္ဂလိပ်စကားအမြန်တတ်စေဖို့ တွန်းအားဖြစ်စေခဲ့ပါတယ်။ နောက်တော့ သား က ပြောတယ်၊ သူ အင်္ဂလိပ်စကားပြော အတတ်မြန်တာ English TV ကြည့်လို့တဲ့။ အမြန်ချုပ်ရေးရတော့ သိပ်အသေးစိတ်မပါပေမယ့် အရှေ့ဆောင်းပါးတွေမှာ ပြန်ရှာဖတ်နိုင်ပါတယ်။ ကျေးဇူးတင်ပါတယ်။

koko2yeye@gmail.com

" အိအိအောင်အမေးအတွက် အဖြေ " စာမူသည်  ၂ဝ၁၄ သြဂုတ်လ (၂၃ ) ရက်နေ့ ၊ စနေနေ့ထုတ် NetGuide နည်းပညာဂျာနယ် အတွဲ ( ၃ ) ၊ အမှတ် ( ၄၈ ) ၊ စာမျက်နှာ ( ၄၇ ) တွင် ဖော်ပြပါရှိသည်။

Download Link : http://www.mediafire.com/download/dnq3oc6326usn6k/Vol._3,_No._48.pdf