 |
| ဆောင်းပါးရှင် - ကိုညီညီ (တောင်ကြီး) |
. အမှန်အတိုင်းပြောရရင် ငယ်ငယ်တုန်းက အရွယ်မရောက်သေးတဲ့ (၉) နှစ်အရွယ်ကလေးတစ်ယောက်ကို သူ့အဖေဆူတာမြင်လိုက်ကတည်းက ဒီမေးခွန်းကိုမေးချင်ခဲ့တာ အခုဆိုရင် နှစ်ပေါင်းအတော်ကြာနေပြီ။ ကလေးငယ်က ကလေးဘာသာဘာဝ သာမန်အမှားတစ်ခုကို ကျူးလွန်တယ်။ ကြီးမားတာ မဟုတ်ဘူး . . သိပ်ဆိုးရွားတာ မဟုတ်ဘူး။ ဟဲ့ ကလေး . . ဘာလို့လုပ်တာလဲ . . နောက်မလုပ်နဲ့ . . အရိုက်ခံရမယ် . . ဘာ . . ညာ နဲ့ ဆိုရင် ပြီးတဲ့ကိစ္စကို သူ့အဖေက " မင်း အိမ်ပေါ်ကဆင်းသွား " လို့ ပြောတော့ ကလေးငယ်က ငိုပါလေရော။
.
. ကြမ်းတမ်းစွာအဆူခံရမယ်လို့ထင်ထားပြီး နောက်မဖြစ်စေရပါဘူး လို့ စိတ်ပိုင်းဖြတ်ထားတဲ့ကလေးငယ်ဟာ တည်ငြိမ်အေးဆေးပြီး ရုပ်အတည်ကြီးနဲ့ တစ်ခွန်းတည်းပြောလိုက်တဲ့ အဖေ့စကားကြောင့် အင်မတန်တုန်လှုပ်သွားပြီး ကြမ်းပြင်ပေါ်ထိုင်ချလိုက်တယ်။ သူ့ပါးစပ်ကလည်း " မလုပ်ပါနဲ့ ဖေဖေရယ်။ သား . . ဒီအိမ်မှာပဲ နေပါရစေ " လို့ ငိုသံရောပြီး အော်ပြောတယ်။
.
.
. ဒါကို အဖေက ဒီနေရာမှာတင် ပြောသင့်တဲ့စကားပြော၊ ဆူသင့်တာဆူပြီး " အသိဥာဏ် နဲ့ အမှန်တရားကိုခေါင်းထဲဝင်အောင် " ချော့မော့မပြောပဲ " မရဘူး။ ခွင့်မလွှတ်နိုင်ဘူး။ မင်း အိမ်ပေါ်ကဆင်းသွား " လို့ ထပ်ပြောလေတယ်။
.
. ဒီကလေး နဲ့ ဒီအဖေ ဘယ်လိုဆက်ဖြစ်ကြတယ်လို့ စာဖတ်သူများထင်ပါသလဲ ? (အဖြစ်မှန်ကို ဆောင်းပါးတစ်နေရာမှာ ရေးထားပေးပါတယ်)
