တိုနီ နှင့် ခရီးသွား ( ၅ ) ဖော် ( ဘလစ်ဇ် )

ဆောင်းပါးရှင် - ကိုညီညီ ( တောင်ကြီး )

.

.

ဒီနိုင်ငံရောက်ပြီး ( ၄ ) ရက်မြောက်နေ့မှာ ဗီဆာသွားလျှောက်တယ်။ ကျွန်တော်တို့အားလုံးက ခေါင်းဆောင်တင်ထားသူက ဝဝဖိုင့်ဖိုင့် ခပ်တောင့်တောင့် သံရုံးဝန်ထမ်းလူမည်း ကို ပါ့စပို့တွေ စုပေးလိုက်တယ်။ သံရုံးလို့သာဆိုတယ် အစောင့်က ( ၁ ) ယောက်ပဲရှိတယ်။ သံတိုင်လေးပါတဲ့ အပေါက်သေးလေးကနေ ရန်ကုန်က ဓါတ်ဆီဆိုင်မှ စာအုပ်ထပ်ရသလောက် အုတ်နံရံလေးတစ်ချပ်သာခြားတဲ့ ဒီနေရာလေးဟာ ဘလစ်ဇ်နိုင်ငံက မက္ကဆီကိုသံရုံးပါပဲ။ စာအုပ်တွေကို ဟိုလှန်ဒီလှန်ကြည့်လိုက်၊ ပါ့စပို့ထဲက ဓါတ်ပုံနဲ့ ကျွန်တော်တို့မျက်နှာတွေကို တိုက်ကြည့်လိုက် လုပ်နေရင်း တစ်ဖြည်းဖြည်းချင်းပြန်ပြောတယ် .. “ မင်းတို့ကို ဗီဆာ မပေးနိုင်ဘူး ” တဲ့။

.

ခေါင်းဆောင်က  “ ဘာဖြစ်လို့လဲဗျာ ” လို့ ပြန်မေးတော့ သူက “ မင်းတို့ပါ့စပို့တွေကို ငါကြည့်ကြည့်တယ်။ တစ်ကယ့် ကမ္ဘာ့လှည့်ခရီးသွားတွေပဲ။ ဒါပေမယ့် မင်းတို့ ဒီနိုင်ငံကိုလာတာ ဘားမား ကနေ စင်္ကာပူမှာ တစ်ပတ်လောက်နေတယ် .. ပြီးတော့ နယ်သာလန်ရောက်တယ်။ နောက်ထပ် မက္ကဆီကို မှာ တစ်ထောက်ဝင်နားပြန်တယ်။ နောက်တစ်ရက်ပြန်ထွက်တယ်။ နေဦး .. မင်းတို့ မက္ကဆီကိုထဲ မဝင်ခဲ့ဘူးနော်။ နောက်တစ်နိုင်ငံက အယ်ဆာဗေးဒိုး .. အဲဒီမှာလဲ Transit နဲ့ အခု ငါတို့နိုင်ငံကိုရောက်လာပြီးခါမှ မက္ကဆီကိုဗီဆာ လိုချင်တယ်ဆိုတော့ တစ်ခုခုတော့ တစ်ခုခုပဲ။ မင်းတို့ကမ္ဘာလှည့်တာ သိပ်မရှင်းဘူး။ အခုတော့ ခဏနေဦး။ စာအုပ်တွေပြန်ယူသွားလိုက်။ ဗီဆာ မပေးနိုင်သေးဘူး ” လို့ ပြန်ပြောလိုက်တဲ့အခါ ကျွန်တော်တို့အားလုံး သက်ပြင်းကိုယ်စီချပြီး တည်းခိုရာ ဟော်တယ်ကို ပြန်ခဲ့ရပါတယ်။

.

ဟုတ်တော့ဟုတ်တယ်ဗျ။ ဘလစ်ဇ် Belize ဆိုတဲ့နိုင်ငံလေးက မိန်းမဝဝကြီးပါးပေါ်ကဝက်ခြံကွက်လေးလောက်ရှိတာ .. သူ့အပေါ်မှာ မက္ကဆီကိုနိုင်ငံက အကြီးကြီးပဲလေ။ ကျွန်တော်တို့လာခဲ့တုန်းက လေယာဉ်ကွင်းဆိုတာက တစ်ထပ်တိုက်ပုပုလေး။ ပြောရရင် အရင် ရန်ကုန်လေဆိပ်ပုံစံသာသာပဲရှိတယ်။ လေယာဉ်က ( ၁ ) ရက်လုံးမှ ( ၁ ) စီးပဲရှိတယ်။ နေ့ချင်းပြန်ဆို ဒီနိုင်ငံကို သွားလို့မရဘူး။ ဒီနေ့လာ .. ပြန်ချင်ရင် မနက်ဖြန်လာမည့် တစ်စီးတည်းသော လေယာဉ်ကိုပြန်စောင့်။ ပြီးတော့ ဒီတစ်ဝိုက်က စပိန်စကားပြောနိုင်ငံကြီးတွေကြားက အင်္ဂလိပ်စကားပြောတဲ့ တစ်ခုတည်းသောနိုင်ငံလေ။ ဒါကလည်းအကြောင်းရှိတယ်။ အရင် အင်္ဂလိပ်တွေက လူမည်းကျွန်တွေဝယ်ပြီး ဒီကျွန်းမှာ ထောင်ချထားသလိုမျိုး ထိန်းသိမ်းထားတာ။ နောက်ပိုင်းကျမှ ပညာတတ်တွေရှိလာတဲ့အခါကျမှ မတတ်သာလို့ အင်္ဂလိပ်တွေက လွတ်လပ်ရေးပေးလိုက်တာ သိပ်တောင်မကြာသေးဘူး။

.

ကျွန်တော်တို့အားလုံးပြန်တိုင်ပင်တဲ့အခါ ပြီးခဲ့တဲ့ ( ၂ ) ရက်က ဟိုတယ်မှာ မနက်စာစားတုန်း လာနှုတ်ဆက်တဲ့ အဏ္ဏဝါဗေဒကျွမ်းကျင်သူ အင်္ဂလိပ်ကြီး ဒေးဗစ် ရဲ့ စကားတွေကို ပြန်ပြောမိကြတယ်။ သူ ဒီ ဘလစ်ဇ် ကိုရောက်တာ ( ၂ ) ကြိမ်ရှိပြီ။ အခုတစ်ခေါက်က ( ၃ ) ကြိမ်မြောက်လို့ပြောတယ်။ ကျွန်တော်တို့ကို စတွေ့တော့ ဒေးဗစ်က နှုတ်ဆက်ပြီး ဘလစ်ဇ် ရဲ့ ကမ္ဘာ့ ( ၈ ) ခုမြောက်အံ့ဘွယ် ရေနက်တွင်းပြာကန် - Great Blue Hole ကို ရေလာငုပ်တာလို့ သူ ဘလစ်ဇ်ကို လာရတဲ့အကြောင်းရင်းကို ရှင်းပြပါတယ်။

.

အလွယ်တကူ မျက်စိထဲမြင်အောင်ပြောပြရရင် စင်္ကြာဝဠာထဲမှာမြင်ရတဲ့ Black Hole တစ်ခုကို ပင်လယ်ထဲနစ်ထားတဲ့ပုံစံပါ။ အဲဒီထူးဆန်းထွေလာက လူတွေကို ပဟေဠိဖြစ်စေတယ်။ ဒါကြောင့်လည်း Belize ဟာ စွန့်စားမှုကြိုက်တဲ့ အနောက်တိုင်းသားတွေကို အပျိုရည်မပျက်ဆွဲဆောင်နေဆဲပါ။ Blue Hole ကနေ သူပြုစုနေတဲ့စာတမ်းအတွက် Aquaculture and Fisheries အချက်အလက်တွေ ထပ်လိုလို့ ရောက်နေတာလို့လည်း ထပ်ပြောပြတယ်။ ဒါပေမယ့် ကျွန်တော်တို့နဲ့ လာရင်းရည်ရွယ်ချက်မတူတာ ဒေးဗစ်ကတော့မသိရှာပါဘူး။

.

.

နောက်တစ်ခေါက် ကျွန်တော်တို့ ဗီဆာထပ်သွားလျှောက်ပြန်တယ်။ သွားတဲ့သံရုံးတူပေမယ့် ဒီတစ်ခါ ကျွန်တော်တို့စဉ်းစားတဲ့ Idea မတူတော့ဘူး။ သံရုံးဝန်ထမ်းလူမည်းက “ မင်းတို့ဗီဆာထပ်လာလျှောက်ပြန်ပြီလား ” လို့ မေးပြန်တယ်။ စကားပြောဖို့အခွင့်အရေးလဲရရော ကျွန်တော်တို့ရဲ့ခေါင်းဆောင်က ..

.

“ ဟုတ်ပါတယ်။ ကျွန်တော်တို့က သူငယ်ချင်တွေစုပြီး ကမ္ဘာလှည့်ခရီးသွားကြတာပါ။ ဆရာကြီး က မေးတယ်မလား .. မက္ကဆီကိုရောက်ပြီး ဘာလို့မဆင်းခဲ့တာလဲလို့?

.

 အကြောင်းက ကျွန်တော်တို့ ဘလစ်ဇ် ကို အရင်လာချင်လို့ပါ။ Belize က နာမည်ကြီးလွန်းလို့ လာချင်နေတာကြာပါပြီ။ ပြီးတော့ ဒီဘက်နိုင်ငံခြမ်းက ပိရမစ်ပုံစံဘုရားတွေကိုလည်း အရင်လေ့လာချင်တယ်။ ကျွန်တော်တို့ မက္ကဆီကိုနိုင်ငံပေါ်ကိုဖြတ်သွားတော့မှ ဆရာကြီးတို့နိုင်ငံကို ဘာလို့မဝင်လဲဆိုပြီး နောင်တရမိတယ်။ ပြီးတော့ ဆရာကြီးတို့ရဲ့ထင်ရှားတဲ့ ကက်ကွန်းကမ်းခြေ - Cancun Beach ကိုရောက်ဖူးမှ ကျွန်တော်တို့ခရီးသွားရတာ တန်မှာပေါ့။ အဲဒီက မက္ကဆီကန် မိန်းမချောလေးတွေပေါတယ်ဆို။ လုပ်ပေးပါ ဆရာကြီးရယ် .. တကယ်ပါ .. ကျွန်တော်တို့သွားလည်ချင်လို့ပါ ” ဆိုပြီး ပီပီသသအင်္ဂလိပ်စာနဲ့ ချော့ကာမော့ကာ ပြောလိုက်ရင်း ပါ့စပို့စာအုပ်တွေနဲ့ အဖြူရောက်အရာဝတ္ထုတစ်ခုတွဲပြီးပေးလိုက်တာ တွေ့လိုက်တယ်။ အခုက ဒီလူကြီး တံဆိပ်ထုပေးလိုက်ရင်ပြီးပြီ။ ဒီတံခါးပေါက်က သူ့လက်ထဲမှာလေ။

.

ကိုရွှေလူမည်းဟာ စာအုပ်တွေကို လက်မှာကိုင်ပြီး တစ်ခုခုကို သေချာစဉ်းစားနေတယ်။ ပြီးတော့ သက်ပြင်းရှည်ကြီးတစ်ခုချပြီး စာအုပ်တစ်တွဲလုံးကို ခေါင်းဆောင်ကို ပြန်ပေးလိုက်ပါတယ်။ သွားပြီ … ကျွန်တော်တို့ရဲ့ အမေရိကန်အိပ်မက်တွေ ဆက်မက်လို့မရတော့ဘူး။ ဘယ်လိုလုပ်ရမလဲ? ရှေ့ဆက်သွားလို့မရတော့ရင် ဘလစ်ဇ် မှာ ဘာလုပ်နေရမှာလဲ။ စင်္ကာပူကိုပဲ ပြန်ရမလား? ရန်ကုန်ကို ပြန်သွားရမလား … ဒါလဲ မဟုတ်သေးပါဘူး။ ဒါမှမဟုတ် နယ်စပ်ဒုက္ခသည်စခန်းကိုပြေးရမလား? မလေးရှားမှာ UN ကဒ်လျှောက်ဖို့ ပြန်သွားခိုနေရမလား? ကျွန်တော့်အတွေးအများကြီးကို ခေါင်းသေးသေးလေးက မခံနိုင်တော့ပါဘူး။ ခနလေးနေတော့ ခေါင်းဆောင်က ကျွန်တော်တို့ဖက်လှည့်ပြီး မချိပြုံးလေးပြုံးပြတယ်။ ချက်ချင်းတော့နားမလည်သေးပေမယ့် သိလိုက်ပါပြီ။ ကျွန်တော်တို့အတွက် မက္ကဆီကိုဗီဆာ ထုပေးလိုက်ပြီ။

.

အားလုံးစိတ်အေးသွားရပြီဆိုမှ ပါ့စပို့စာအုပ်တွေအောက်ကနေ ဘာပေးလိုက်တာလဲလို့ ပြီးတော့မှ ခေါင်းဆောင်ကို ဝိုင်းမေးကြတယ်။ မင်းတို့စာရင်းထဲကနေ ( ၁ ) ယောက်ကို ဒေါ်လာ ( ၁ဝဝ ) လေကွာ။ အော် .. ဒါကြောင့်ကိုး။ ပြီးတော့ ခေါင်းဆောင်က ဒီနေ့ စကားပြောတော်တော်ကောင်းတယ်။ အင်္ဂလန်သား ဒေးဗစ်ပြောပြတဲ့ ဒေသန္တရ ဗဟုသုတ က ဒီနေရာမှာ တော်တော်အသုံးဝင်သွားတယ်လေ။ သူပြောတဲ့နေရာတွေ ကျွန်တော်တို့ရောက်အောင် သွားလည်ရဦးမယ်။ ခဏနားရဦးမယ်။ အားမွေးရမယ်။ American Dream အတွက် ကျွန်တော်တို့ဆက်လုပ်စရာရှိသေးတယ်။

.

.

အထက်ပါ ဖြစ်ရပ်မှန်လေးကို တစ်ဆက်တည်း ပြောပြနေတဲ့ “ တိုနီ ” က မောသွားသလိုနဲ့ ခဏနားလိုက်တယ်။ ဒီနိုင်ငံကို သူ ဘယ်လိုလုပ်ရောက်လာတာလဲ? Belize လို ကြားတောင်မကြားဖူးတဲ့နိုင်ငံကို ဘာသွားလုပ်တာလဲ? ကျွန်တော့်ခေါင်းထဲမှာ မေးခွန်းတွေနဲ့ မွန်းကြပ်နေပါတယ်။ ကျွန်တော့်မိတ်ဆွေတွေကို ပြန်ပြောပြဖို့ သူနဲ့ထပ်တွေ့တဲ့အခါ မေးစရာတွေ  အများကြီး ကျန်နေပါသေးတယ်။

.

Belize နှင့် အိမ်နီးချင်းနိုင်ငံများပုံ - https://www.google.com/maps/place/Belize/@17.204448,-90.6118546,6z/data=!4m2!3m1!1s0x8f5c5b3ec112faf9:0xf64a8a4d3f1ee34e

.

Mexico’s Famous Cancun Beach ပုံ - https://www.google.com/search?q=cancun+beach+mexico&es_sm=122&source=lnms&tbm=isch&sa=X&ei=16mkVOqFJMGrgwTNxIHwDQ&ved=0CAgQ_AUoAQ&biw=1366&bih=600

.

koko2yeye@gmail.com