"I Fell The Love သမီးေလး"

ေဆာင္းပါးရွင္ - ကိုညီညီ (ေတာင္ၾကီး)

  ဒီေန႕ကုိအျမဲမွတ္မိတယ္ သမီးေလး။ အရင္ႏွစ္ေတြကထက္ ဒီႏွစ္မွာပိုမွတ္မိတယ္။ ေနာက္ႏွစ္ေတြမွာလည္း ဒီႏွစ္ထက္ပိုသတိရဖို႕အေျခအေနရွိတယ္။ အဲဒါ ဘာျဖစ္လို႕လည္း သိလား? မိဘေတြကအသက္ၾကီးလာေလ သားသမီးကအရြယ္ေရာက္လာေလ။ သားသမီးကလြတ္လပ္လာေလ မိဘေတြက ပုိမိုအထီးက်န္လာတာေၾကာင္႕ပါ သမီးေလး။

သမီးဆီကုိစာေရးတဲ႕အက်င္႕က အခုမွမဟုတ္ပါဘူး။ အရင္ ရန္ကုန္ေညာင္ပင္ေလးေစ်းအေဆာင္မွာသြားေနကတည္းက ေတာင္ၾကီးကအေဖက စာေရးျပီးစကားေတြေျပာေနခဲ႕တယ္။ သတိရတယ္ . . သတိရတယ္။

အထင္မွား အျမင္မွားမႈေတြနဲ႕ ျမင္သာေအာင္မေျဖရွင္းခဲ႕တဲ႕ျပသနာေတြရဲ႕အက်ိဳးဆက္က သမီး နဲ႕ မိဘေတြကိုခြဲထားရက္တယ္။ မိဘေတြအလုပ္မ်ားသလို သမီးရဲ႕ငယ္ဘဝက အထီးက်န္ေနခဲ႕ရတယ္။ အခု သမီးက အလုပ္ေတြရ သမီးက အလုပ္ေတြမ်ားေတာ႕ မိဘေတြက အထီးက်န္လာတယ္။ မ်က္ႏွာမလိုက္တဲ႕ေလာကဓံက ဒီေနရာမွာ စာအုပ္ၾကီးအတုိင္းလုပ္ခ်င္လြန္းအားၾကီးတယ္ကြယ္။
ငယ္ငယ္တုန္းကဆို သမီးကို "မ်က္စိမွိတ္ထား" ဆုိျပီးလက္ေဆာင္ေတြေပးခဲ႕တာ သမီးမွတ္မိတယ္ေနာ္ . . အခုလိုေမြးေန႕မွာ သမီးအနားမွာမရွိေနေတာ႕ စိတ္အားငယ္ရတယ္။ ဝယ္ေပးခြင္႕မရတဲ႕လက္ေဆာင္ေတြရဲ႕စာရင္းဟာ အနႏၱေမတၱာေတြၾကားမွာ ပုိင္ရွင္အလာကိုေစာင္႕စားေနၾကတယ္။

 ေမြးေန႕လက္ေဆာင္ပစၥည္းေတြဟာဝယ္သူကုိရွာေနသလို မိဘေတြဟာသားသမီးရွိရာအရပ္ကုိမွန္းေမွ်ာ္လို႕ ႏြမ္းဖတ္ရင္႕ေရာ္လာတဲ႕ဇရာနဲ႕ခႏၶာကိုအျပစ္ဖို႕ရင္း အိမ္က်ဥ္းက်ဥ္းေလးရဲ႕အခန္းတစ္ေနရာမွာ အင္တာနက္မွာရြက္လႊင္႕ျခင္းနဲ႕အတူ သမီးကုိဖုန္းေခၚေနတာေပါ႕ကြယ္။ သတိရတယ္ . . သတိရတယ္။

ေမြးေန႕မွာအရင္ဆံုးလုပ္သင္႕တာက "သမီးကိုေလာကထဲအေရာက္ေခၚေဆာင္လာေပးတဲ႕အေမကိုကန္ေတာ႕ျခင္း" ပါ။ ေမြးႏွစ္တစ္ႏွစ္လံုးကို မိဘကိုအရုိအေသေပးျခင္းနဲ႕စတဲ႕သားသမီးဟာ ဘယ္ေတာ႕မွ မဆင္းရဲသလို ဘာအခက္အခဲမဆို အျမဲလိုလုိေက်ာ္ျဖတ္ႏုိင္တယ္ သမီးေလးေရ။

သမီးလက္ကိုတြဲလို႕ ရင္ျပင္ေပၚမွာေျပးလႊားေဆာ႕ကစားရင္း ဘုရားမွာ သားအဖအတူတူ ေပ်ာ္ခဲ႕ၾကတယ္။ အေဖေခ်ာ္လဲေတာ႕ သမီးကလာကူ၊ သမီးကပုန္းေတာ႕ အေဖက မျမင္ခ်င္ဟန္ေဆာင္။ အခုလည္း သမီးရဲ႕ဘဝအေဖာ္မြန္ရလာတဲ႕အခါက်ရင္ အေဖက ေနာက္တစ္ၾကိမ္ မျမင္ခ်င္ဟန္ေဆာင္ရဦးမယ္ေလ။

ဒီႏွစ္ရဲ႕ေမြးေန႕က်ေရာက္ပံုကအမွတ္တရရွိလြန္းတယ္။ ထူးျခားလြန္းတယ္။ တစိမ္းဆန္လွတယ္လို႕မေျပာရက္ႏုိင္ေပမယ္႕ ပနံရလြန္းတယ္။ သမီးကိုယ္တိုင္ရပ္တည္ႏုိင္တဲ႕ဘဝဟာ ဘာနဲ႕မွလဲလုိက္လုိ႕မရတဲ႕တန္ဖိုးေတြကုိ မိဘတို႕က ဒီကေန လွမ္းျမင္ေနရတယ္။

ျမိဳသိပ္ထားဖို႕ခက္တဲ႕ေဝးလြင္႕ျခင္းေဝဒနာေတြအတြက္ အနာဂါတ္တို႕ရဲ႕ေမွ်ာ္လင္႕ျခင္းေတြရွည္ၾကာႏိုင္သေလာက္ သမီးနဲ႕အေဖ၊ အေမနဲ႕သမီး၊ ေမာင္နဲ႕အစ္မတို႕ၾကားမွာ ခုိင္ျမဲတဲ႕ေမတၱာတုိ႕ကိုခံစားလို႕ရေနပါတယ္သမီး။ ေနာင္ႏွစ္မ်ားစြာအထိ "မားမားမတ္မတ္ရပ္ႏုိင္တဲ႕လြတ္လပ္တဲ႕မိန္းကေလးတစ္ေယာက္" အျဖစ္ပံုေဖာ္ခ်င္တဲ႕သမီးရဲ႕သတိၱနဲ႕အသိပညာေတြကုိ ခံစားလို႕ရေနပါတယ္။

I Feel the Love ပါ . . သမီးေလးေရ . . ။

ခ်စ္တဲ႕
ပါပါး
01-21-2019

"I Fell The Love သမီးလေး"

          ဒီနေ့ကိုအမြဲမှတ်မိတယ် သမီးလေး။ အရင်နှစ်တွေကထက် ဒီနှစ်မှာပိုမှတ်မိတယ်။ နောက်နှစ်တွေမှာလည်း ဒီနှစ်ထက်ပိုသတိရဖို့အခြေအနေရှိတယ်။ အဲဒါ ဘာဖြစ်လို့လည်း သိလား? မိဘတွေကအသက်ကြီးလာလေ သားသမီးကအရွယ်ရောက်လာလေ။ သားသမီးကလွတ်လပ်လာလေ မိဘတွေက ပိုမိုအထီးကျန်လာတာကြောင့်ပါ သမီးလေး။

          သမီးဆီကိုစာရေးတဲ့အကျင့်က အခုမှမဟုတ်ပါဘူး။ အရင် ရန်ကုန်ညောင်ပင်လေးစျေးအဆောင်မှာသွားနေကတည်းက တောင်ကြီးကအဖေက စာရေးပြီးစကားတွေပြောနေခဲ့တယ်။ သတိရတယ် . . သတိရတယ်။

          အထင်မှား အမြင်မှားမှုတွေနဲ့ မြင်သာအောင်မဖြေရှင်းခဲ့တဲ့ပြသနာတွေရဲ့အကျိုးဆက်က သမီး နဲ့ မိဘတွေကိုခွဲထားရက်တယ်။ မိဘတွေအလုပ်များသလို သမီးရဲ့ငယ်ဘဝက အထီးကျန်နေခဲ့ရတယ်။ အခု သမီးက အလုပ်တွေရ သမီးက အလုပ်တွေများတော့ မိဘတွေက အထီးကျန်လာတယ်။ မျက်နှာမလိုက်တဲ့လောကဓံက ဒီနေရာမှာ စာအုပ်ကြီးအတိုင်းလုပ်ချင်လွန်းအားကြီးတယ်ကွယ်။

          ငယ်ငယ်တုန်းကဆို သမီးကို "မျက်စိမှိတ်ထား" ဆိုပြီးလက်ဆောင်တွေပေးခဲ့တာ သမီးမှတ်မိတယ်နော် . . အခုလိုမွေးနေ့မှာ သမီးအနားမှာမရှိနေတော့ စိတ်အားငယ်ရတယ်။ ဝယ်ပေးခွင့်မရတဲ့လက်ဆောင်တွေရဲ့စာရင်းဟာ အနန္တမေတ္တာတွေကြားမှာ ပိုင်ရှင်အလာကိုစောင့်စားနေကြတယ်။

           မွေးနေ့လက်ဆောင်ပစ္စည်းတွေဟာဝယ်သူကိုရှာနေသလို မိဘတွေဟာသားသမီးရှိရာအရပ်ကိုမှန်းမျှော်လို့ နွမ်းဖတ်ရင့်ရော်လာတဲ့ဇရာနဲ့ခန္ဓာကိုအပြစ်ဖို့ရင်း အိမ်ကျဉ်းကျဉ်းလေးရဲ့အခန်းတစ်နေရာမှာ အင်တာနက်မှာရွက်လွှင့်ခြင်းနဲ့အတူ သမီးကိုဖုန်းခေါ်နေတာပေါ့ကွယ်။ သတိရတယ် . . သတိရတယ်။

          မွေးနေ့မှာအရင်ဆုံးလုပ်သင့်တာက "သမီးကိုလောကထဲအရောက်ခေါ်ဆောင်လာပေးတဲ့အမေကိုကန်တော့ခြင်း" ပါ။ မွေးနှစ်တစ်နှစ်လုံးကို မိဘကိုအရိုအသေပေးခြင်းနဲ့စတဲ့သားသမီးဟာ ဘယ်တော့မှ မဆင်းရဲသလို ဘာအခက်အခဲမဆို အမြဲလိုလိုကျော်ဖြတ်နိုင်တယ် သမီးလေးရေ။

          သမီးလက်ကိုတွဲလို့ ရင်ပြင်ပေါ်မှာပြေးလွှားဆော့ကစားရင်း ဘုရားမှာ သားအဖအတူတူ ပျော်ခဲ့ကြတယ်။ အဖေချော်လဲတော့ သမီးကလာကူ၊ သမီးကပုန်းတော့ အဖေက မမြင်ချင်ဟန်ဆောင်။ အခုလည်း သမီးရဲ့ဘဝအဖော်မွန်ရလာတဲ့အခါကျရင် အဖေက နောက်တစ်ကြိမ် မမြင်ချင်ဟန်ဆောင်ရဦးမယ်လေ။

           ဒီနှစ်ရဲ့မွေးနေ့ကျရောက်ပုံကအမှတ်တရရှိလွန်းတယ်။ ထူးခြားလွန်းတယ်။ တစိမ်းဆန်လှတယ်လို့မပြောရက်နိုင်ပေမယ့် ပနံရလွန်းတယ်။ သမီးကိုယ်တိုင်ရပ်တည်နိုင်တဲ့ဘဝဟာ ဘာနဲ့မှလဲလိုက်လို့မရတဲ့တန်ဖိုးတွေကို မိဘတို့က ဒီကနေ လှမ်းမြင်နေရတယ်။

         မြိုသိပ်ထားဖို့ခက်တဲ့ဝေးလွင့်ခြင်းဝေဒနာတွေအတွက် အနာဂါတ်တို့ရဲ့မျှော်လင့်ခြင်းတွေရှည်ကြာနိုင်သလောက် သမီးနဲ့အဖေ၊ အမေနဲ့သမီး၊ မောင်နဲ့အစ်မတို့ကြားမှာ ခိုင်မြဲတဲ့မေတ္တာတို့ကိုခံစားလို့ရနေပါတယ်သမီး။ နောင်နှစ်များစွာအထိ "မားမားမတ်မတ်ရပ်နိုင်တဲ့လွတ်လပ်တဲ့မိန်းကလေးတစ်ယောက်" အဖြစ်ပုံဖော်ချင်တဲ့သမီးရဲ့သတ္တိနဲ့အသိပညာတွေကို ခံစားလို့ရနေပါတယ်။

          I Feel the Love ပါ . . သမီးလေးရေ . . ။

ချစ်တဲ့

ပါပါး

01-21-2019