နည္းလမ္းက်ေအာင္ စကားကိုေဆာင္

          လူသားေတြဟာ ေပါင္းသင္းဆက္ဆံတတ္တဲ႕စကားေျပာသတၱဝါ-Social Animal လို႕ လူသားအရင္းအျမစ္ေလ႕လာတဲ႕ပညာရွင္ေတြေျပာတာ တမ်ိဳးမျမင္လိုက္ပါနဲ႕။ သတၱေလာကၾကီးတစ္ခုလံုးမွာ လူသားေလာက္ထက္ျမက္တာ၊ လူသားေလာက္ေတြးေခၚၾကံဆႏိုင္တာ၊ လူသားေတြေလာက္ အမွားလုပ္ႏုိင္တာ ဘယ္သတၱဝါမွ မရွိပါဘူး။ ေကာင္းေကာင္းဆိုးဆုိး အေၾကာင္းအက်ိဳးကိုလည္း ဒီလူသားေတြထဲကပဲ အမွားရွာလို႕ အမွန္ျပန္ေတြ႕တဲ႕သံသရာထဲမွာ ဆယ္ယူရရွိတဲ႕သင္ခန္းစာက လူ႕ေလာကကိုေကာင္းက်ိဳးေပးဖို႕အေၾကာင္းရင္းေတြ တဖန္ျပန္ျဖစ္လာပါတယ္။

          ကြ်န္ေတာ္တို႕ဟာ မိမိတုိ႕လုိခ်င္တဲ႕အေျဖ နဲ႕ ရလဒ္ကိုေမွ်ာ္လင္႕ရင္း အက်ိဳးသက္ေရာက္မယ္႕စကားေတြကိုေရြးေျပာၾကတယ္။ ဒီအထဲမွာ မိမိကုိေလးစားလာေစဖို႕အေၾကာင္းရင္းေတြပါမယ္၊ မိမိအလုပ္လုပ္ေနတဲ႕ပတ္ဝန္းက်င္မွာ အျပဳသေဘာေဆာင္တဲ႕အလုပ္ခြင္ေလးတစ္ခုျဖစ္လာေအာင္ ျပဳျပင္ေျပာင္းလဲေစမယ္႕ စည္းရံုးလုပ္ေဆာင္ရတဲ႕စကားေတြလည္းထည္႕ေျပာၾကပါတယ္။

          လူအုပ္စုၾကီးနဲ႕အလုပ္လုပ္္တဲ႕ေနရာမွာ ေခါင္းေဆာင္ဟာအေရးၾကီးလွသလို သူ/သူမ ရဲ႕ ေခါင္းေဆာင္မႈအရည္အေသြးေနာက္မွာ ဘယ္အေျခအေနမွာ ဘယ္လိုစကားေျပာျပီး လူေတြကိုဘယ္လိုဦးေဆာင္သလဲဆိုတာက ပဓာနက်ေနျပန္တယ္။ ဒါေၾကာင္႕ ဒူးေနရာဒူး ေတာ္ေနရာေတာ္၊ ရင္ေလာက္မွန္းမွ ဒူးေလာက္က်၊ ကြ်ဲကူးေရပါ ဆိုတဲ႕ ျမန္မာ႕နည္း ျမန္မာ႕ဟန္စကားေျပာနည္းေတြထက္ ျမန္မာႏိုင္ငံအျပင္ေရာက္မွသိခဲ႕ရတဲ႕စကားေျပာနည္းတစ္ခ်ိဳ႕ကိုေျပာျပခ်င္ပါတယ္။

1.. Authoritarian-အာဏာရွင္ဆန္ေသာ(စကားေျပာနည္း)

          ေခါင္းေဆာင္တစ္ေယာက္က ဘယ္ေလာက္ပမာဏထြက္ကုန္ကို ဘယ္အခ်ိ္န္မွာလိုခ်င္တယ္ဆုိတာ အမိန္႕ေပးသလိုညႊန္ၾကားေနျပီဆိုရင္ အာဏာရွင္ဆန္တဲ႕စကားေျပာနည္းသံုးေနတယ္ဆိုတာ သိလိုက္ပါ။ ဒီလိုစကားေျပာဖို႕က လုပ္ေဆာင္ေပးမယ္႕သူေတြဆီမွာ အနည္းဆံုးေတာ႕ ဒီေခါင္းေဆာင္ကို ေလးစားမႈ၊ ခ်စ္ခင္မႈ နဲ႕ ယံုၾကည္မႈတို႕ စုျပံဳတုိးေဝွ႕ေနဖို႕လုိတာေတာ႕ သတိထားၾကပါ။

          “ေရဗူးေပါက္တာမလိုခ်င္ဘူး ေရပါတာပဲလိုခ်င္တယ္” ဆိုတာမ်ိဳးက ေနာက္ဆံုးေပၚ Authoritarian Speech လုိ႕ေတာင္ေျပာရမလုိပါပဲ။ ဒီစကားေျပာနည္းကုိသံုးတဲ႕ေခါင္းေဆာင္မွာ အာဏာတည္ေနသ၍ေတာ႕ အလုပ္ျဖစ္ေနေပမယ္႕ ေဘးထြက္ဆိုးက်ိဳးအေနနဲ႕ ယံုၾကည္မႈက်ဆင္းေနတဲ႕အသင္းအဖြဲ႕ေတြမွာဆိုရင္ စည္းကမ္းေဖာက္ျပီးလုပ္မယ္႕သူတစ္ေယာက္ထက္မကရွိေနမယ္ဆိုတာကို ၾကိဳသိထားရင္ရပါျပီ။  

2.. Conciliatory-အေပးအယူလုပ္ (စကားေျပာနည္း)

           အေနာက္ႏုိင္ငံရဲ႕စီးပြားေရးေလာကမွာလည္း “ေရာ႕ပတၱျမား ေရာ႕နဂါး” ၊ “အက်ိဳးလုိလုိ႕ေညာင္ေရေလာင္း” ဆိုတာမ်ိဳးရွိပါတယ္။ ဒါေပမဲ႕ ဒီစကားေတြက ေကာ္ပိုေရးရွင္းၾကီးအခ်င္းခ်င္း နဲ႕ မယံုၾကည္သူေတြအတြက္သီးသန္႕ထားတဲ႕စကားေတြလို႕ေတာင္ ထင္ေယာင္ျမင္မွားျဖစ္ရတယ္။ တကယ္သံုးတဲ႕စကားကေတာ႕ အေပးအယူလုပ္ညွိႏိႈင္းျခင္း-Quid Pro Quo ဆိုတာက ေခါင္းေဆာင္ဘက္ကေပးတဲ႕အေပးထဲမွာယံုၾကည္မႈထည္႕သြင္းေပးတာမ်ိဳးကိုေခၚပါတယ္။

          Conciliatory Speech ကုိ လက္ေအာက္ငယ္သားနဲ႕လုပ္ေဖာ္ကိုင္ဖက္ေတြအေပၚ တစ္ျခားပံုမွန္နည္းလမ္း နဲ႕ အျပဳသေဘာေဆာင္တဲ႕စိတ္ဓါတ္ျမွင္႕တင္ေရးနည္းလမ္းေတြကုန္ေတာ႕မွ ေနာက္ဆံုးက်ည္ဆန္အေနနဲ႕သံုးတတ္ၾကပါတယ္။ ဒါကိုသံုးဖို႕သိတာကလည္း ေခါင္းေဆာင္မႈပညာတစ္မ်ိဳးလို႕နားလည္ႏုိင္ပါတယ္။

          “ဒီတစ္ပတ္အတြင္းအလုပ္ေတြအကုန္ျပီးရင္ ေသာၾကာေန႕မွာ ရံုးေစာေစာေပးဆင္းမယ္” ဆိုတဲ႕ေလသံမွာ အေပးအယူလည္းလုပ္၊ ရည္မွန္းခ်က္လည္းျပည္႕ေျမွာက္၊ ဘယ္သူ႕ကိုမွလည္းမထိခိုက္၊ လူတိုင္းလည္းၾကိဳက္တဲ႕အျပင္ ေခါင္းေဆာင္ကသူတို႕ကုိစာနာတယ္ဆုိတဲ႕စိတ္ခံစားခ်က္ကိုပါရသြားေစပါတယ္။

3.. Facilitatory-ပံ႕ပိုးေပးေသာ (စကားေျပာနည္း)

          အလုပ္ခြင္ေတြမွာ ဘာစိတ္ဝင္စားမႈမွမရွိေတာ႕ပဲ လက္ေတြ၊ ေျခေတြ၊ စိတ္ေတြကအလိုလိုလုပ္ေနျပီ-Autopilotting ျဖစ္ေနျပီဆိုရင္ တုိးတက္မႈက်ဆင္းႏုိင္ပါတယ္။ ဒီလို သမားရုိးက်လုပ္ငန္းခြင္ကို ကုန္ပစၥည္းပိုထြက္ေစဖို႕-Productive ျဖစ္ေစဖို႕ လုပ္သားေတြလိုတဲ႕ ကိရိယာ-Tool ေတြတပ္ဆင္ေပးတာမ်ိဳး၊ လမ္းပန္းဆက္သြယ္ေရး နဲ႕ ဆက္သြယ္ေရးနည္းပညာပစၥည္းေတြထပ္ျဖည္႕ေပးတာမ်ိဳးအျပင္ အစားအေသာက္အခမဲ႕ေကြ်းတာမ်ိဳးတုိ႕ဟာ Facilitatory စကားေျပာနည္းကိုကြ်မ္းက်င္တဲ႕ေခါင္းေဆာင္ေတြရဲ႕လက္စြဲပါ။

          လူအေနနဲ႕ျဖည္႕စြမ္းေပးႏုိင္တဲ႕ဥပမာဆိုရင္ “မစံပါယ္က ဒီကိစၥကိုရွင္းဖူးတဲ႕အေတြ႕အၾကံဳရွိတယ္။ အခုအစည္းအေဝးထဲကို သူ႕ကုိတစ္ခါတည္းေခၚျပီး အတူတူေျဖရွင္းၾကည္႕ရေအာင္” ကို စဥ္းစားၾကည္႕ရေအာင္။ ဒီလုိစကားေျပာနည္းကုိသံုးတဲ႕ေခါင္းေဆာင္ကို “သူ႕လူမွေတာ္တယ္” တို႕ “ငါတို႕ကိုက်ေတာ႕လူရာမသြင္းဘူး” ဆိုတာမ်ိဳးေတြ မျမင္ေတာ႕ဘူးေပါ႕။

4.. Promotional-အေထာက္အပံ႕ျပဳေသာ (စကားေျပာနည္း)

          ေရာင္းအားျမွင္႕တင္မႈကို မိမိတုိ႕ရဲ႕အသင္းအဖြဲ႕ထဲမွာစကားလံုးနဲ႕ပံုေဖာ္တာကို ေခါင္းေဆာင္တစ္ခ်ိဳ႕လုပ္ၾကပါတယ္။ “စိတ္ထားေကာင္းဖို႕အဓိက” တို႕၊ “စည္းကမ္းသည္လူ႕တန္ဖိုး” တို႕ ၊ “ရုိးရိုးက်င္႕ ျမင္႕ျမင္႕ၾကံ” ဆုိတာေတြက စိတ္ဓါတ္ကိုျမွင္႕တင္ေပးရင္း အျပဳသေဘာေဆာင္တဲ႕လုပ္ငန္းခြင္ နဲ႕ ပိုမိုေကာင္းမြန္တဲ႕ဆက္ဆံေရးေတြရေအာင္ ေဆာင္ပုဒ္ေလးေတြကိုေခါင္းထဲရုိက္သြင္းၾကတာပါ။

          “ေနာက္ဆံုးတစ္စက္အထိအရသာရွိ” ဆိုတဲ႕ ေၾကာ္ျငာကုိသံုးထားတဲ႕ အခ်ိဳရည္ကုမၸဏီမွာ ေခါင္းေဆာင္က “အလုပ္ခြင္ထဲကေနာက္ဆံုးတစ္နာရီမွာ အက်ိဳးရွိေအာင္ဘယ္လုိလုပ္ၾကမလဲ” လို႕ ေမးလုိက္တယ္ဆုိရင္ပဲ လုပ္သားေတြက “ေခါင္းေဆာင္ကသူတုိ႕ကုိ အလုပ္ခ်ိန္ကိုပုိမိုအာရံုစိုက္ျပီး ပစၥည္းပုိထြက္ခ်င္တယ္” ဆိုတာ တန္းျပီးသေဘာေပါက္ပါတယ္။

          ဒါေၾကာင္႕ ေခတ္နဲ႕အမွီလိုက္ေနၾကတဲ႕ျမန္မာစီးပြားေရးလူငယ္၊ လူလတ္၊ ပညာတတ္ေတြ နည္းပညာခ်ည္းအားမကုိးပဲ စကားအရာမွာ ဆရာက်က် ေျပာႏုိင္ၾကဖုိ႕အတြက္ ကြ်န္ေတာ္ရွာေဖြၾကည္႕တယ္။ ျမန္မာ႕စကားၾကီး (၁ဝ) မ်ိဳးျဖစ္တဲ႕

၁.. ေရကူးညာတင္ေျပာနည္း

၂.. ေကာက္ပင္ရိတ္လွီးေျပာနည္း

၃.. ေရစီးေဖာင္ဆန္ေျပာနည္း

၄.. အိုးတန္ဆန္ဖြတ္ေျပာနည္း

၅.. ဆီပြတ္က်ည္ေပြ႕ေျပာနည္း

၆.. ဆင္ေဝွ႕ရန္ေရွာင္ေျပာနည္း

၇.. ေတာင္သူယာခုတ္ေျပာနည္း

၈.. ၾကက္ဆြတ္ခပ္ပစ္ေျပာနည္း

၉.. ေရစစ္ကရားေျပာနည္း

၁ဝ.. ခက္တင္ေမာင္းနင္းေျပာနည္း တုိ႕ကိုေတြ႕ပါတယ္။

          အဲဒီနည္းေတြကုိ ေရွးရိုးအစဥ္အလာမပ်က္ေလ႕လာ၊ အခုေခတ္ အေနာက္ႏုိင္ငံေတြက သုေတသနျပဳလုပ္ထားတဲ႕ လူေရွ႕ထြက္စကားေျပာနည္း-Public Speaking ေတြကိုလည္းေလ႕လာ၊ ေခါင္းေဆာင္မႈနဲ႕စီမံခန္႕ခြဲမႈ-Leadership and Management ေတြကိုလည္းေလ႕လာထားပါမွ ပိုမိုပြင္႕လန္းလာတဲ႕ျမန္မာ႕စီးပြားေရးမွာ အဆင္သင္႕လိုက္ပါလာႏုိင္မယ္ဆိုတာကို “ႏွစ္မေျပာင္းခင္ စံနစ္ေဟာင္းေတြကုိဖယ္ခြာရင္း သာယာဝေျပာ စီးပြားေရးအဆင္ေခ်ာကာ စကားေျပာေကာင္းလာပါေစေၾကာင္း” ဆုမြန္ေကာင္း ေတာင္းေပးလိုက္ပါတယ္။

မွတ္ခ်က္။။။။။။။။။။ ကြ်န္ေတာ္မသိေသာအဂၤလိပ္စကားလံုးမ်ားကို ျမန္မာဘာသာျပန္ေပးေသာ ေဒါက္တာစိုးသန္း (အဂၤလိပ္စာ) ကို ေက်းဇူးတင္ရွိပါသည္။

ခင္လ်က္

ကုိညီညီ (ေတာင္ၾကီး)

04-06-2019

Ref: Costco Connection

Unicode Version:

“နည်းလမ်းကျအောင် စကားကိုဆောင်”

          လူသားတွေဟာ ပေါင်းသင်းဆက်ဆံတတ်တဲ့စကားပြောသတ္တဝါ-Social Animal လို့ လူသားအရင်းအမြစ်လေ့လာတဲ့ပညာရှင်တွေပြောတာ တမျိုးမမြင်လိုက်ပါနဲ့။ သတ္တလောကကြီးတစ်ခုလုံးမှာ လူသားလောက်ထက်မြက်တာ၊ လူသားလောက်တွေးခေါ်ကြံဆနိုင်တာ၊ လူသားတွေလောက် အမှားလုပ်နိုင်တာ ဘယ်သတ္တဝါမှ မရှိပါဘူး။ ကောင်းကောင်းဆိုးဆိုး အကြောင်းအကျိုးကိုလည်း ဒီလူသားတွေထဲကပဲ အမှားရှာလို့ အမှန်ပြန်တွေ့တဲ့သံသရာထဲမှာ ဆယ်ယူရရှိတဲ့သင်ခန်းစာက လူ့လောကကိုကောင်းကျိုးပေးဖို့အကြောင်းရင်းတွေ တဖန်ပြန်ဖြစ်လာပါတယ်။

          ကျွန်တော်တို့ဟာ မိမိတို့လိုချင်တဲ့အဖြေ နဲ့ ရလဒ်ကိုမျှော်လင့်ရင်း အကျိုးသက်ရောက်မယ့်စကားတွေကိုရွေးပြောကြတယ်။ ဒီအထဲမှာ မိမိကိုလေးစားလာစေဖို့အကြောင်းရင်းတွေပါမယ်၊ မိမိအလုပ်လုပ်နေတဲ့ပတ်ဝန်းကျင်မှာ အပြုသဘောဆောင်တဲ့အလုပ်ခွင်လေးတစ်ခုဖြစ်လာအောင် ပြုပြင်ပြောင်းလဲစေမယ့် စည်းရုံးလုပ်ဆောင်ရတဲ့စကားတွေလည်းထည့်ပြောကြပါတယ်။

          လူအုပ်စုကြီးနဲ့အလုပ်လုပ််တဲ့နေရာမှာ ခေါင်းဆောင်ဟာအရေးကြီးလှသလို သူ/သူမ ရဲ့ ခေါင်းဆောင်မှုအရည်အသွေးနောက်မှာ ဘယ်အခြေအနေမှာ ဘယ်လိုစကားပြောပြီး လူတွေကိုဘယ်လိုဦးဆောင်သလဲဆိုတာက ပဓာနကျနေပြန်တယ်။ ဒါကြောင့် ဒူးနေရာဒူး တော်နေရာတော်၊ ရင်လောက်မှန်းမှ ဒူးလောက်ကျ၊ ကျွဲကူးရေပါ ဆိုတဲ့ မြန်မာ့နည်း မြန်မာ့ဟန်စကားပြောနည်းတွေထက် မြန်မာနိုင်ငံအပြင်ရောက်မှသိခဲ့ရတဲ့စကားပြောနည်းတစ်ချို့ကိုပြောပြချင်ပါတယ်။

1.. Authoritarian-အာဏာရှင်ဆန်သော(စကားပြောနည်း)

          ခေါင်းဆောင်တစ်ယောက်က ဘယ်လောက်ပမာဏထွက်ကုန်ကို ဘယ်အချိ်န်မှာလိုချင်တယ်ဆိုတာ အမိန့်ပေးသလိုညွှန်ကြားနေပြီဆိုရင် အာဏာရှင်ဆန်တဲ့စကားပြောနည်းသုံးနေတယ်ဆိုတာ သိလိုက်ပါ။ ဒီလိုစကားပြောဖို့က လုပ်ဆောင်ပေးမယ့်သူတွေဆီမှာ အနည်းဆုံးတော့ ဒီခေါင်းဆောင်ကို လေးစားမှု၊ ချစ်ခင်မှု နဲ့ ယုံကြည်မှုတို့ စုပြုံတိုးဝှေ့နေဖို့လိုတာတော့ သတိထားကြပါ။

          “ရေဗူးပေါက်တာမလိုချင်ဘူး ရေပါတာပဲလိုချင်တယ်” ဆိုတာမျိုးက နောက်ဆုံးပေါ် Authoritarian Speech လို့တောင်ပြောရမလိုပါပဲ။ ဒီစကားပြောနည်းကိုသုံးတဲ့ခေါင်းဆောင်မှာ အာဏာတည်နေသ၍တော့ အလုပ်ဖြစ်နေပေမယ့် ဘေးထွက်ဆိုးကျိုးအနေနဲ့ ယုံကြည်မှုကျဆင်းနေတဲ့အသင်းအဖွဲ့တွေမှာဆိုရင် စည်းကမ်းဖောက်ပြီးလုပ်မယ့်သူတစ်ယောက်ထက်မကရှိနေမယ်ဆိုတာကို ကြိုသိထားရင်ရပါပြီ။ 

2.. Conciliatory-အပေးအယူလုပ် (စကားပြောနည်း)

           အနောက်နိုင်ငံရဲ့စီးပွားရေးလောကမှာလည်း “ရော့ပတ္တမြား ရော့နဂါး” ၊ “အကျိုးလိုလို့ညောင်ရေလောင်း” ဆိုတာမျိုးရှိပါတယ်။ ဒါပေမဲ့ ဒီစကားတွေက ကော်ပိုရေးရှင်းကြီးအချင်းချင်း နဲ့ မယုံကြည်သူတွေအတွက်သီးသန့်ထားတဲ့စကားတွေလို့တောင် ထင်ယောင်မြင်မှားဖြစ်ရတယ်။ တကယ်သုံးတဲ့စကားကတော့ အပေးအယူလုပ်ညှိနှိုင်းခြင်း-Quid Pro Quo ဆိုတာက ခေါင်းဆောင်ဘက်ကပေးတဲ့အပေးထဲမှာယုံကြည်မှုထည့်သွင်းပေးတာမျိုးကိုခေါ်ပါတယ်။

          Conciliatory Speech ကို လက်အောက်ငယ်သားနဲ့လုပ်ဖော်ကိုင်ဖက်တွေအပေါ် တစ်ခြားပုံမှန်နည်းလမ်း နဲ့ အပြုသဘောဆောင်တဲ့စိတ်ဓါတ်မြှင့်တင်ရေးနည်းလမ်းတွေကုန်တော့မှ နောက်ဆုံးကျည်ဆန်အနေနဲ့သုံးတတ်ကြပါတယ်။ ဒါကိုသုံးဖို့သိတာကလည်း ခေါင်းဆောင်မှုပညာတစ်မျိုးလို့နားလည်နိုင်ပါတယ်။

          “ဒီတစ်ပတ်အတွင်းအလုပ်တွေအကုန်ပြီးရင် သောကြာနေ့မှာ ရုံးစောစောပေးဆင်းမယ်” ဆိုတဲ့လေသံမှာ အပေးအယူလည်းလုပ်၊ ရည်မှန်းချက်လည်းပြည့်မြှောက်၊ ဘယ်သူ့ကိုမှလည်းမထိခိုက်၊ လူတိုင်းလည်းကြိုက်တဲ့အပြင် ခေါင်းဆောင်ကသူတို့ကိုစာနာတယ်ဆိုတဲ့စိတ်ခံစားချက်ကိုပါရသွားစေပါတယ်။

3.. Facilitatory-ပံ့ပိုးပေးသော (စကားပြောနည်း)

          အလုပ်ခွင်တွေမှာ ဘာစိတ်ဝင်စားမှုမှမရှိတော့ပဲ လက်တွေ၊ ခြေတွေ၊ စိတ်တွေကအလိုလိုလုပ်နေပြီ-Autopilotting ဖြစ်နေပြီဆိုရင် တိုးတက်မှုကျဆင်းနိုင်ပါတယ်။ ဒီလို သမားရိုးကျလုပ်ငန်းခွင်ကို ကုန်ပစ္စည်းပိုထွက်စေဖို့-Productive ဖြစ်စေဖို့ လုပ်သားတွေလိုတဲ့ ကိရိယာ-Tool တွေတပ်ဆင်ပေးတာမျိုး၊ လမ်းပန်းဆက်သွယ်ရေး နဲ့ ဆက်သွယ်ရေးနည်းပညာပစ္စည်းတွေထပ်ဖြည့်ပေးတာမျိုးအပြင် အစားအသောက်အခမဲ့ကျွေးတာမျိုးတို့ဟာ Facilitatory စကားပြောနည်းကိုကျွမ်းကျင်တဲ့ခေါင်းဆောင်တွေရဲ့လက်စွဲပါ။

          လူအနေနဲ့ဖြည့်စွမ်းပေးနိုင်တဲ့ဥပမာဆိုရင် “မစံပါယ်က ဒီကိစ္စကိုရှင်းဖူးတဲ့အတွေ့အကြုံရှိတယ်။ အခုအစည်းအဝေးထဲကို သူ့ကိုတစ်ခါတည်းခေါ်ပြီး အတူတူဖြေရှင်းကြည့်ရအောင်” ကို စဉ်းစားကြည့်ရအောင်။ ဒီလိုစကားပြောနည်းကိုသုံးတဲ့ခေါင်းဆောင်ကို “သူ့လူမှတော်တယ်” တို့ “ငါတို့ကိုကျတော့လူရာမသွင်းဘူး” ဆိုတာမျိုးတွေ မမြင်တော့ဘူးပေါ့။

4.. Promotional-အထောက်အပံ့ပြုသော (စကားပြောနည်း)

          ရောင်းအားမြှင့်တင်မှုကို မိမိတို့ရဲ့အသင်းအဖွဲ့ထဲမှာစကားလုံးနဲ့ပုံဖော်တာကို ခေါင်းဆောင်တစ်ချို့လုပ်ကြပါတယ်။ “စိတ်ထားကောင်းဖို့အဓိက” တို့၊ “စည်းကမ်းသည်လူ့တန်ဖိုး” တို့ ၊ “ရိုးရိုးကျင့် မြင့်မြင့်ကြံ” ဆိုတာတွေက စိတ်ဓါတ်ကိုမြှင့်တင်ပေးရင်း အပြုသဘောဆောင်တဲ့လုပ်ငန်းခွင် နဲ့ ပိုမိုကောင်းမွန်တဲ့ဆက်ဆံရေးတွေရအောင် ဆောင်ပုဒ်လေးတွေကိုခေါင်းထဲရိုက်သွင်းကြတာပါ။

          “နောက်ဆုံးတစ်စက်အထိအရသာရှိ” ဆိုတဲ့ ကြော်ငြာကိုသုံးထားတဲ့ အချိုရည်ကုမ္ပဏီမှာ ခေါင်းဆောင်က “အလုပ်ခွင်ထဲကနောက်ဆုံးတစ်နာရီမှာ အကျိုးရှိအောင်ဘယ်လိုလုပ်ကြမလဲ” လို့ မေးလိုက်တယ်ဆိုရင်ပဲ လုပ်သားတွေက “ခေါင်းဆောင်ကသူတို့ကို အလုပ်ချိန်ကိုပိုမိုအာရုံစိုက်ပြီး ပစ္စည်းပိုထွက်ချင်တယ်” ဆိုတာ တန်းပြီးသဘောပေါက်ပါတယ်။

          ဒါကြောင့် ခေတ်နဲ့အမှီလိုက်နေကြတဲ့မြန်မာစီးပွားရေးလူငယ်၊ လူလတ်၊ ပညာတတ်တွေ နည်းပညာချည်းအားမကိုးပဲ စကားအရာမှာ ဆရာကျကျ ပြောနိုင်ကြဖို့အတွက် ကျွန်တော်ရှာဖွေကြည့်တယ်။ မြန်မာ့စကားကြီး (၁ဝ) မျိုးဖြစ်တဲ့

၁.. ရေကူးညာတင်ပြောနည်း

၂.. ကောက်ပင်ရိတ်လှီးပြောနည်း

၃.. ရေစီးဖောင်ဆန်ပြောနည်း

၄.. အိုးတန်ဆန်ဖွတ်ပြောနည်း

၅.. ဆီပွတ်ကျည်ပွေ့ပြောနည်း

၆.. ဆင်ဝှေ့ရန်ရှောင်ပြောနည်း

၇.. တောင်သူယာခုတ်ပြောနည်း

၈.. ကြက်ဆွတ်ခပ်ပစ်ပြောနည်း

၉.. ရေစစ်ကရားပြောနည်း

၁ဝ.. ခက်တင်မောင်းနင်းပြောနည်း တို့ကိုတွေ့ပါတယ်။

          အဲဒီနည်းတွေကို ရှေးရိုးအစဉ်အလာမပျက်လေ့လာ၊ အခုခေတ် အနောက်နိုင်ငံတွေက သုတေသနပြုလုပ်ထားတဲ့ လူရှေ့ထွက်စကားပြောနည်း-Public Speaking တွေကိုလည်းလေ့လာ၊ ခေါင်းဆောင်မှုနဲ့စီမံခန့်ခွဲမှု-Leadership and Management တွေကိုလည်းလေ့လာထားပါမှ ပိုမိုပွင့်လန်းလာတဲ့မြန်မာ့စီးပွားရေးမှာ အဆင်သင့်လိုက်ပါလာနိုင်မယ်ဆိုတာကို “နှစ်မပြောင်းခင် စံနစ်ဟောင်းတွေကိုဖယ်ခွာရင်း သာယာဝပြော စီးပွားရေးအဆင်ချောကာ စကားပြောကောင်းလာပါစေကြောင်း” ဆုမွန်ကောင်း တောင်းပေးလိုက်ပါတယ်။

မှတ်ချက်။။။။။။။။။။ ကျွန်တော်မသိသောအင်္ဂလိပ်စကားလုံးများကို မြန်မာဘာသာပြန်ပေးသော ဒေါက်တာစိုးသန်း (အင်္ဂလိပ်စာ) ကို ကျေးဇူးတင်ရှိပါသည်။

ခင်လျက်

ကိုညီညီ (တောင်ကြီး)

04-06-2019

Ref: Costco Connection