မီးပုံဝိုင်းမှာ‌ပြောတဲ့ဇာတ်လမ်းတွဲ

ဆောင်းပါးရှင် - ကိုညီညီ (တောင်ကြီး)

             စာရေးဆရာတစ်ယောက်ဟာ ဟောပြောပွဲကိစ္စတစ်ခုကြောင့် အာဖရိကတိုက်ကိုရောက်သွားတယ်။ ခေတ်နဲ့အညီလိုက်နိုင်သူတွေကမြို့တွေမှာသာနေတယ်။ ဆင်းရဲတဲ့အာဖရိကတိုက်သားတွေက နေရာတကာမှာနေတယ်။ အခုခေတ်များမှာ အင်တာနက်မသိရင်ဘဲ ခေတ်နောက်ကျတယ်လို့ပြောကြတာ လျှပ်စစ်မီးမသုံးစွဲနိုင်တဲ့အာဖရိကတိုက်ကနေရာတစ်ချို့ကလူတွေဆို ဘယ်လိုပြောကြမလဲ။

              စာရေးဆရာဟာ စူးစမ်းတယ်။ လူသူအရောက်အပေါက်မရှိတဲ့နေရာအထိသွားလေ့လာတယ်။ အဓိကသိချင်တာက သူတို့အချင်းချင်းဘယ်လိုဆက်သွယ်သလဲ? ဘယ်လိုရှာဖွေစားသောက်သလဲ? နဲ့ ဘဝအတွက်ဘယ်လိုရှေ့ဆက်သွားကြသလဲ? ဆိုတာကို စပ်စုချင်တယ်။ ဒီတော့ ရွာတစ်ရွာထဲကိုဝင်ပြီး လေ့လာရေးစဖို့ပြင်ဆင်တယ်။

              ရွာသားတစ်အုပ်စုမှာ လျှပ်စစ်နဲ့သုံးတာဆိုလို့ ဘာပစ္စည်းမှမရှိဘူး။ ချက်ပြုတ်စားသောက်ဖို့မီးဖိုချောင်ပစ္စည်းဝယ်ရမယ့်နေရာမရှိဘူး။ လူသားပီသမှုကိုအတိုင်းသားမြင်ရတဲ့ ရှေးဟောင်းယဉ်ကျေးမှုအတိုင်းနေထိုင်ကြတယ်လို့ပြောလို့ရတယ်။ တစ်ရက်တော့ သူတို့အမဲလိုက်ကြတော့ စာရေးဆရာကိုခေါ်သွားတယ်။

              တောထဲရောက်တဲ့အခါ လူရယ် တိရိစ္ဆာန်ရယ်လို့မကွဲပြားတော့ဘူး။ တောကြီးမျက်မည်းထဲမှာ ဗိုက်ဆာနေကြတဲ့သတ္တဝါတွေဟာ အတူတူပဲ။ အားလုံး ရန်လိုနေကြတယ်။ ဒါကြောင့် သင်ဟာ မုဆိုးလား?  မုဆိုးဆိုရင် အနိုင်ရနိုင်ခြေရှိတယ်။ သင်ဟာ သားကောင်လား? သားကောင်ဆိုရင် သင်ကျရှံူးနိင်ခြေရှိတယ်။ စာရေးဆရာက တွေးနေမိတယ်။

              အာဖရိကတိုက်သားတွေဟာ အမဲလိုက်သွားတဲ့အခါ (၁၂) နှစ်အောက်သားသမီးတွေခေါ်သွားလေ့မရှိဘူး။ အကြောင်းကတော့ သားရဲတွေ အကောင်ကြီးကြီးအမဲဖျက်တိရိစ္ဆာန်တွေက အဲဒီကလေးငယ်တွေကို အစာလို့ထင်နေလို့ အန္တရာယ်များတာကြောင့်လို့သိရတယ်။ အိမ်ကမိန်းမ နဲ့ ကလေးတွေက ယောက်ျားသားကြီးတွေသယ်လာမယ့် တောကောင်တွေရဲ့အစိတ်အပိုင်းတွေကိုစီမံဖို့စောင့်နေကြတယ်။

KNN-Tgi #403 Universal Studio Tour

KNN-Tgi #403 Universal Studio Tour ကို ကိုကျော်သိင်္ခ နဲ့ တစ်ခေါက်_Vlog: Hollywood, Los Angeles, USA

ကျွန်တော်တို့မိသားစုကိုလိုက်ပို့ပေးတဲ့ ကိုကျော်သိင်္ခ က စေတနာသိပ်ကောင်းတယ်။ L.A တစ်ဝိုက်မှာ မြန်မာဧည့်လမ်းညွှန်လိုရင် သိပ်အားကိုးရတဲ့ ကိုကျော်သိင်္ခ ကို ဆက်သွယ်ပါ။ ကြည့်ရှုပေးကြသူအပေါင်း မင်္ဂလာခညောင်းကြပါစေ။ ကိုညီညီ (တောင်ကြီး)

ကျန်းမာရေးကုသခွင့်ပြနိုင်မှပြည်ဝင်ခွင့်ပေးတော့မယ့်သမ္မတထရမ့်ရဲ့ကြေငြာချက်

ဆောင်းပါးရှင် - ကိုညီညီ (‌‌တောင်ကြီး)

(၂ဝ၁၉) ခုနှစ် နိုဝင်ဘာလ (၃) ရက်နေ့အမှာအသက်ဝင်မယ့်အမေရိကန်သမ္မတဒေါ်နယ်ထရမ့်ရဲ့ကြေငြာချက်တစ်ခုကြောင့် အမေရိကားကိုဝင်ရောက်လာမယ့် အသစ်ပြောင်းရွှေ့လာသူ-New Immigrants တွေ ဗီဆာအောင်ဖို့ပိုမိုအခွင့်အလမ်းနည်းသွားနိုင်တယ်လို့ CNN သတင်းဋ္ဌာနက အောက်တိုဘာလ (၅) ရက်နေ့ (၂ဝ၁၉) ရက်စွဲနဲ့ရေးသားပါတယ်။

သံရုံးကိုဗီဆာဝင်မယ့်သူဟာ အမေရိကန်မြေပေါ်ရောက်ပြီး ရက် (၃ဝ) အတွင်းကုန်ကျနိုင်တဲ့ ကျန်းမာရေးစောင့်ရှောက်ခွင့်-Health Insurance ဒါမှမဟုတ် အဆိုပါစောင့်ရှောက်ခွင့်အတွက်ကျခံနိုင်တဲ့ငွေကြေးပမာဏ (အတိအကျမသိရသေး) ကို ပြနိုင်ရပါလိမ့်မယ်။

သူတို့တောင်းတဲ့ကျန်းမာရေးစောင့်လျှောက်ခွင့်ထဲမှာ အလုပ်ရှင်ကပေးတဲ့ကုသခွင့်-Employer-Sponsored Health Insurance ၊ မိသားစုကုသခွင့်-Family Coverage Plan ၊ တစ်ဦးချင်းကုသခွင့်-Unsubsidized Individual Health Plan နဲ့ အချိန်တိုကုသခွင့်-Short-Term Plan တို့ပါဝင်ပါတယ်။ လူသိများတဲ့ Medicaid နဲ့ အိုဘားမားခဲ လို့ပြောကြတဲ့ Affordable Care Act နဲ့ ဝယ်ယူထားတာတွေကိုတော့ ဒီ ဗီဆာကိစ္စတွေမှာတင်သွင်းဖို့ခွင့်မပြုထားပါဘူး။

ကျွန်တော့အကြောင်း-Myself

ဆောင်းပါးရှင် - ကိုညီညီ (တောင်ကြီး)

ကျွန်တော့နာမည်က ကိုကိုလွင်ပါ။ ကျောင်းနာမည်၊ ရုံးကိစ္စ၊ ဘဏ် စတဲ့နေရာတွေမှာသုံးရင်းကနေ နိုင်ငံကူးလက်မှတ်လုပ်တဲ့အထိ ဒီနာမည်ပဲသုံးပါတယ်။ အလုပ်လုပ်၊ စီးပွားရှာ၊ အိမ်ထောင်ပြုတဲ့အခါ မိဘလက်ငုတ်ရင်းရဲ့ကုန်စုံဆိုင်လုပ်ငန်းကိုနှစ်များစွာလုပ်ကိုင်ရင်း အိမ်နာမည် ညီညီ နဲ့ မွေးဖွားရာဘူမိနက်သန် တောင်ကြီးမြို့ကိုတွဲဖက်ပြီး အခုလူအများသိကြတဲ့ "ကိုညီညီ (တောင်ကြီး)" ဆိုတဲ့နာမည်ဟာ အမေရိကားအထိလိုက်လာခဲ့တယ်။

ငယ်ငယ်က ညီညီ ဟာ အင်မတန်အဆော့သန်တယ်။ လမ်းတွေမှာလာချထားတဲ့ အိမ်ဆောက်တဲ့ သဲနုပုံ တွေ တွေ့ရင် ဂူလေးတွေလုပ်ရင်း ထမင်းမေ့ ဟင်းမေ့ ဖြစ်လောက်အောင်ဆော့လွန်းလို့ အမေက ကြက်တောင်မွှေးနဲ့လာခေါ်မှ နားရွက်အဆွဲခံရင်းလိုက်ပါသွားရတယ်။ အိမ်ထဲရောက်လို့ အမေက (၂) ချက်လောက်နာနာလေးပေးလိုက်မှ မျက်ရည်နဲ့ရောတဲ့ ထမင်း နဲ့ ဟင်း နဲ့က သိပ်စားလို့ကောင်းခဲ့ရတာကိုအမှတ်ရမိတယ်။

ငယ်ဘဝထဲမှာ တရုတ်စာမသင်ချင်တဲ့ကိစ္စဟာ တော်တော်ဒုက္ခပေးတယ်။ ဆိုင်ကယ်ရှေ့မှာအခန့်သားထိုင်ရင်းမူကြိုကျောင်းတက်ရတဲ့စည်းစိမ်ကို အလယ်တန်းအရောက်မှာစွန့်လွှတ်ရတော့တယ်။ ဖတ်စာအုပ်လက်ကကိုင်လို့ စာကျက်ရင်းကျောင်းသွားဖူးတယ်။ အရှေ့ကကျောက်ခဲကို လက်ထဲကကျောက်ခဲချိန်၊ သူငယ်ချင်းနဲ့ပစ်တမ်းစကားပြီး အခန်းဝထိရောက်အောင်ကျောင်းတက်ဖူးတယ်။

လူငယ်ဘဝနဲ့လူကြီးဘဝကို ကိုယ်ရေးကိုယ်တာသိပ်မပါအောင်လို့ Merge & Fast Forward လုပ်ပြီး ပြန်ပေါင်းထုပ်ကြည့်လိုက်တဲ့အခါ ဆယ်တန်းအောင်၊ ရန်ကုန်မှာကောလိပ်တက်၊ အရေးတော်ပုံဖြစ်၊ ကျောင်းပိတ်၊ ကျောင်းနား၊ ကုန်သည်လုပ်ငန်းထဲဝင်၊ ပြိုင်ဘက်တွေနဲ့ယှဉ်ပြိုင် ဒီလိုနဲ့ "ကိုညီညီ (တောင်ကြီး)" ဟာ ချောင်ကလေးကကောင်လေးပေမယ့် ကုန်သည်လောကထဲမှာလူသိများခဲ့တယ်။