ဈေးရောင်းနေတဲ့ ကျောင်းကြီးတွေ

ဆောင်းပါးရှင် - ကိုညီညီ ( တောင်ကြီး )

.

.

စာသင်နှစ်ရဲ့ နောက်ဆုံးပိုင်း အောက်တိုဘာလလောက်မှာ အထက်တန်းကျောင်းက ပြင်ဆင်ပေးတဲ့ SAT - the Scholastic Assessment Test ကို ( ၁ဝ ) တန်း ကျောင်းသား “ စွမ်း ” ဖြေဖို့ ဒေါ်လာ ( ၉ဝ ) သွင်းရပါတယ်။ ဒီငွေဟာ သူအထက်တန်းရောက်ပြီး ဈေးအကြီးဆုံးပေးရတဲ့ ဝန်ဆောင်ခတစ်ခုပါ ။ ဆိုလိုတာက အခမဲ့ ( နီးပါး ) ပညာသင်စံနစ်ဖြစ်တာနဲ့အညီ ကုန်ကျစားရိတ်က အလွန်နည်းပါးပါတယ်။ အမေရိကန်အစိုးရရဲ့ ပညာရေးမူဝါဒအရ အရွယ်ရောက်ပြီဆိုတာနဲ့ ဘဝကိုရင်ဆိုင်ဖို့ အသင့်ဖြစ်အောင် ကလေးဘဝတစ်လျှောက်လုံး မကြောင့်မကြ ပညာသင်စေဖို့ ဆောင်ရွက်ပေးထားပုံက သူ့ပြည်သူတွေ စိတ်ချမ်းသာကြပါတယ်။ ကြိုက်လည်း ကြိုက်ကြပါတယ်။

.

ဒီစာမေးပွဲက အတန်းတင်ဖြေဖို့ကျရောက်တဲ့ ( ၆ ) လပိုင်း လောက်မှာ ဖြေရမှာပါ။ ဒါပေမယ့် ကျောင်းကနေ SAT အတွက် ( ၇ ) လလောက်စောပြီး ပြင်ဆင်ပေးတယ်။ ကျောင်းသားကို မေးခွန်း Package တွေနဲ့ အမှန်တကယ်ဖြေရသကဲ့သို့ လေ့ကျင့်စေတယ်။ အချိန်အသုံးချပုံကိုလည်း သင်ကြားပေးတယ်။ စာမေးပွဲခန်းထဲမှာ အချိန်စေ့သွားတဲ့အထိ ဖြေလို့မပြီးတဲ့ ကျောင်းသားကို နောင်တ ရစေတယ်။ သင်ခန်းစာတွေပေးတယ်။

.

စာမေးပွဲရလဒ်ကို ကွန်ပျူတာနဲ့စစ်ဆေးပြီး ဘယ်ဟာကအဖြေမှန်ဆိုတာသာမက ကျောင်းသားက ဘယ်မေးခွန်းကို မှားဖြေတယ်ဆိုတာပါ လေ့လာနိုင်အောင် မေးခွန်းကို အပြီးပေးလိုက်ပါတယ်။ ဒါတွေက PSAT စာမေးပွဲအတွက် အကြမ်းဖျင်းပြောပြတာ ဖြစ်ပါတယ်။ အခု မီးမောင်းထိုး ရေးပြချင်တာက အခြေခံပညာတန်းလွန် တက္ကသိုလ်တွေရဲ့ ပရိုမိုးရှင်းတွေနဲ့ သူတို့ရဲ့ ကျောင်းသားမိဘတွေကို ပို့တဲ့စာတွေရဲ့ အကြောင်းပါ။

.

.

ကြိုတင် အစမ်းစစ် PSAT အတွက် ကိုယ်ရေးအချက်အလက်တွေကို ဖောင်ဖြည့်ရတယ်။ အင်တာနက်သုံးတာကို လူကြီးမိဘရဲ့ ခွင့်ပြုတဲ့အကြောင်းကိုလည်း လက်မှတ်ထိုးပေးရတယ်။ စွမ်း ကို သူ့ဖာသာသူ ဖြည့်တတ်အောင် လေ့ကျင့်ထားပေးလို့ ဘာမှကို လိုက်လုပ်စရာမလိုခဲ့ပါဘူး။ ဒီလိုနဲ့ စာမေးပွဲဖြေအပြီး ( ၁ ) လခွဲလောက်မှာ အိမ်ကို ( ၂ ) ပတ်အတွင်း စွမ်း နာမည်နဲ့ တက္ကသိုလ်မျိုးစုံဆီက စာပေါင်း ( ၂၃ ) စောင် ရောက်လာတယ်။ ဒါနဲ့ စွမ်းကို ပြောပြတော့ သူ့အီးမေးလ် ထဲမှာလည်း အီးမေးလ်တွေ ပွနေလေရဲ့။

.

ဒါနဲ့ ဘယ်လိုဖြစ်တာလဲဆိုပြီး မေးကြည့်တော့ ကျောင်းကဖြည့်ခိုင်းတဲ့ဖောင်မှာ အကွက်ငယ် - Box လေးတစ်ခု ပါတယ်။ အဲဒါကို သူက အမှန်ခြစ်ခဲ့လို့ဆိုတာ သိရတယ်။ သူလက်ခံလိုက်တဲ့အကြောင်းအရာက သူ့ရဲ့ကျောင်းသားအချက်အလက်တွေကို ကောလိပ်၊ ယူနီဗာစီတီတွေရဲ့ ကျောင်းသားရေးရာဋ္ဌာနကို မျှဝေမယ်ဆိုရင် ခွင့်ပြုမှာလား ဆိုတဲ့ အကွက်ဖြစ်နေတာပါ။ စွမ်းက စဉ်းစားတယ် .. ကျောင်းက အချက်အလက်တွေ သူရနေတာလဲ ကောင်းတဲ့အချက်ပါပဲဆိုပြီး အမှန်ခြစ်လက်ခံခဲ့တာလို့ ပြန်ရှင်းပြတယ်။ အခုတော့ သူ့အီးမေးလ် Inbox နဲ့ ကျွန်တော့်ရဲ့ စာတိုက်ပုံးမှာ စာတွေပြည့်နေမှ ဒီစာကိုရေးပြီး ဖွင့်ဖောက်ဖတ်ဖို့ ဖြစ်လာခဲ့တာပါ။

.

.

စာ ( ၂၃ ) စောင်ထဲမှာ ပေါ်လီတက်ကနစ်ကျောင်းက ( ၁ ) စောင်၊ စက်မှုအင်စတီကျုက ( ၁ ) စောင်၊ ကောလိပ်ကျောင်းက ( ၄ ) စောင် နဲ့ ကျန် ( ၁၇ ) စောင်က ပြည်နယ်အသီးသီးက တက္ကသိုလ်ကျောင်းတွေက ဖြစ်ပါတယ်။

.

.

ပေါ်လီတက်ကနစ်ကျောင်းနာမည်က Rensselaer Polytechnic Institute ဖြစ်ပါတယ်။ သူ့ကျောင်းက အထူးကျောင်းသားအနည်းငယ်ကိုသာရွေးချယ်ပြီး လှုပ်ရှားနေတဲ့ မိုက်ခရိုချစ်တွေကို အသုံးပြုပြီး ကင်ဆာရောဂါကုသရေးမှာ အထူးအားပြုတဲ့ကျောင်းဖြစ်ပါတယ်လို့ ရေးထားပါတယ်။ တစ်ဆက်တည်းမှာ စွမ်း က ဖောင်ဖြည့်ပြီးပြန်ပို့တာနဲ့ ကျောင်းကိုလေ့လာဖို့အထောက်အကူဖြစ်စေတဲ့ လမ်းညွှန်စာအုပ်ကို ပို့ပေးမယ်လို့ ဆိုပါတယ်။

.

.

ကောလိပ်ကျောင်း ( ၄ ) ခုက Whittier College, Lewis & Clark College, Champlain College နဲ့ Bard College At Simon’s Rock တို့ဖြစ်ကြတယ်။ တစ်ခြားကောလိပ်ဖိတ်ခေါ်တာတွေက သိပ်မထူးခြားပေမယ့် Simon’s Rock ရဲ့ ကြော်ငြာက ဒီလိုပါ။

.

“ Simon’s Rock မှာ ကျွန်တော်တို့ဟာ သင့်ကို စာမေးပွဲထိုင်ဖြေဖို့ မသင်ပေးပါ။ သင့်ကိုယ်သင် စာမေးပွဲစစ်ဖို့သာ သင်ပေးပါတယ်။ သင့်ဘဝ နဲ့ သင့်ပညာရေးကို တာဝန်ယူပါ။ အခုပဲ ကောလိပ်စတက်ပါ ” လို့ ရိုးရိုရှင်းရှင်းကြီး ကဒ်ပြားပေါ်မှာ ရေးထားပါတယ်။ သူ့ကျောင်းကို အထက်တန်းမပြီးခင် ကြိုတက်လို့ရတယ်ဆိုတာက စိတ်ဝင်စားစရာပါ။ ပထမနှစ်ကျောင်းသားတွေရဲ့ ပျမ်းမျှအသက်က ( ၁၆ ) နှစ်ဖြစ်တယ်။ ပျမ်းမျှအတန်းက ( ၁၁ ) တန်း ဖြစ်တယ်။ တစ်ခြားကောလိပ်တွေ သူတို့လို လိုက်မလုပ်နိုင်ဘူးလို့ ကြော်ငြာပါတယ်။ ထူးချွန်တဲ့ကျောင်းသားတွေ အထက်တန်းကျောင်းမှာ အသက်ကြီးပြီး ( ၁၂ ) တန်းအထိ အချိန်မဖြုန်းပဲနဲ့ ကောလိပ်တက်နိုင်မယ့် အခွင့်အရေးလို့ လေ့လာမိပါတယ်။

.

.

နောက်တစ်ခုက RIT ပါ။ နယူးယောက်ဘက်ခြမ်းက နာမည်ကြီး စက်မှုကျောင်း Rochester Institute of Technology ဖြစ်ပါတယ်။ အမှန်က အင်စတီကျူလို့သာခေါ်တာ RIT က တက္ကသိုလ်အုပ်စုကြီးတစ်ခု ဖြစ်ပါတယ်။ နယ်မြေဧက ( ၁၃ဝဝ ) ပေါ်မှာတည်ဆောက်ထားပြီး သက်တမ်း ( ၁၈၆ ) နှစ် ရှိပါပြီ။ အမေရိကားအပြင် အရှေ့ဥရောပ နဲ့ ဒူဘိုင်းနိုင်ငံတို့မှာလည်း ကျောင်းခွဲတွေ ရှိပါတယ်။

.

သူ့ရဲ့အထူးပြုကျော်ကြားမှုတွေနဲ့ ကျောင်းစာရင်းတွေမှာ Applied Science and Technology, Engineering Technology, International Hospitality, Computing and Information Science, Health Sciences and Technology တို့က နည်းပညာကို အလေးပေးတဲ့ ဘာသာရပ်တွေဖြစ်ပါတယ်။ ဒါတွေကို သူ့နာမည်အောက်က ကောလိပ် ( ၇ ) ခုမှာ တက်ရမယ်လို့ ဆိုပါတယ်။

.

ကျန်ရှိတဲ့ ကောလိပ် ( ၂ ) ခုမှာ တစ်ခုက Liberal Arts ကိုသင်မှာဖြစ်ပြီး နောက်တစ်ခုက ဆွံအနားမကြားတွေအတွက် National Technical Institute for the Deaf ဖြစ်ပါတယ်။ ဖျော်ဖြေမှု နဲ့ ကလပ်ပေါင်း ( ၃ဝဝ ) ကျော်ရှိပြီး တစ်နှစ်ပတ်လုံး လှုပ်ရှားမှုပွဲပေါင်း ( ၁၃ဝဝ ) ကျော် ရှိတယ်လို့ ကြော်ငြာထားပါတယ်။

.

( ၉၄% ) သော RIT ဘွဲ့တွေဟာ ကျောင်းပြီးပြီးချင်း အလုပ်ဝင်နိုင်သလို ဒီကောလိပ်တွေပြီးတာနဲ့ ( ၆ ) လ အတွင်း အဆင့်မြင့် Graduate School တွေကို တက်ရောက်နိုင်တယ်လို့ ရေးထားပါတယ်။

.

.

စာ ( ၁၇ ) စောင်ပို့လာတဲ့ ကျောင်းစာရင်းကတော့

.

1.. University of Minnesota

2.. University of South Carolina

3.. University of Oregon

4.. University of Montana

5.. The Jesuit University of New York ( Fordham University )

6.. University of the Pacific ( Stockton, California )

7.. Case Western Reserve University ( Ohio )

8.. University of Miami

9.. Hofstra University ( Washington DC )

10.. University of Denver ( Ohio )

11.. George Mason University ( Virginia )

12.. Washington University in St. Louis ( Missouri )

13.. Santa Clara University ( California )

14.. Southern Methodist University ( Texas )

15.. Northern Arizona University ( Arizona )

16.. Texas Christian University ( Texas )

17.. Tulane University ( Louisiana )

.

တို့ ဖြစ်ကြတယ်။ စာတွေကိုဖောက်ဖတ်ပြီးတဲ့အချိန်မှာ ..

.

.

တူညီတာတွေက စာအိပ်ထဲမှာပါတဲ့ လက်ခံစာရွက် - Checklist ကိုဖြည့်ပြီး ကျောင်းကို ပြန်ပို့ခိုင်းတာပါ။ ပေးထားတဲ့ ကျောင်းလိပ်စာအင်တာနက်စာမျက်နှာမှာ မေးခွန်းတိုလေး - e-Quiz ခိုင်းတာလည်း တူပါတယ်။ လက်ခံကြောင်း စာပြန်ပို့လာရင် ကျောင်းလမ်းညွှန်စာအုပ်နဲ့ မေဂျာရွေးလမ်းညွှန်ချက် ပိုစတာတွေကို အခမဲ့ ပို့ပေးမယ်လို့ ရေးထားပါတယ်။ e-Quiz ကနေ ကျောင်းသားရဲ့ စိတ်ဝင်စားမှု - Interest ၊ ရည်မှန်းချက် -  Goal  နဲ့ Personality တွေကို ခန့်မှန်းနိုင်ပြီး အနီးကပ်အကြံပေးနိုင်မယ်လို့ ဆိုပါတယ်။

.

နောက်ထပ်တူတာတစ်ခုက စွမ်း အတွက် အင်တာနက်သုံးစွဲနာမည် - User Name ကို “ shut 1 ” လို့ သတ်မှတ်ပေးလိုက်တာပါ။ ဒါကလည်း အမေရိကန် ရုံးသုံးကွန်ပျူတာစံနစ်အရ ပထမနာမည်အတိုကောက် + နောက်ဆုံးနာမယ်အရှည်ကောက်တို့ကို ပေါင်းပြီးပေးထားခြင်းပါ။ အင်္ဂလိပ်လိုတော့ First Name က Swan ရဲ့ ထိပ်စည်းဆိုတော့ “ S ” နဲ့ Last Name အပြည့်အစုံ Htut တို့ကို ပေါင်းထားတာပါ။ နံပတ် 1 က sthut တစ်ဦးထက်မက ရှိနေနိုင်တာမို့လို့ နံပတ်စဉ်ခံထားတာ ဖြစ်ပါတယ်။ Password တွေကို လေ့လာကြည့်တာ အနည်းဆုံး ဂဏန်းချည်းချည်း ( ၇ ) လုံးကနေ ( ၉ ) လုံးအထိ ပါဝင်တာ တွေ့ရတယ်။

.

.

မတူညီအောင် ကြော်ငြာတဲ့ စာတစ်စောင်က Northern Arizona University ကျောင်းရဲ့စာပါ။ အများတကာ သူတို့ကျောင်းကကောင်းတယ်၊ ဘယ်လိုကျောင်းထွက်တွေက ဘယ်လိုဘယ်ပုံထူးချွန်တယ်လို့ရေးသားပေမယ့် Northern Arizona University ကျောင်းက “ Major ရွေးရာမှာဖြစ်လေ့ရှိတဲ့ အမှား ( ၁ဝ ) ချက် ” ဇယားကို ပို့ပေးမယ်လို့ဆိုပါတယ်။

.

ကျောင်းတွင်းက ကျောင်းသားတွေတောင် တက်နေရင်း အရွေးမှားလို့ ကျောင်းအမြန်မပြီးနိုင်ပဲ ကျောင်းသက်ရှည်ပြီး သောင်တင် ငွေကုန်နေရတဲ့အကြောင်း ရှင်းပြထားတာ စိတ်ဝင်စားစရာပါ။ နောက်ဆုံးမှာတော့ အဲဒီလိုမမှားရအောင် သူတို့ ကျောင်းအုပ်ချုပ်ရေးအဖွဲ့ကို မေဂျာအရွေးမှန်စေဖို့ ကူညီခွင့်ပေးပါဆိုပြီး အရောင်းမြှင့်တင်တာကျတော့ အားလုံးနဲ့ အတူတူ ပြန်ဖြစ်သွားပါတယ်။

.

.

Santa Clara University ရဲ့ ပရိုမိုးရှင်းကျပြန်တော့ နောက်တစ်မျိုးပါ။ အမေရိကန်နိုင်ငံမှာ ရာသီဥတုဆိုးဝါးတဲ့နေရာဋ္ဌာနတွေက တက္ကသိုလ်တွေရဲ့ အားနည်းချက်ကို နင်းပြီး ကြော်ငြာပုံက ဒီလိုပါ။

.

Santa Clara University ဟာ နည်းပညာရပ်ဝန်း ဆီလီကွန်တောင်ကြား - Silicon Valley ရဲ့ မြို့တော် ဆန်ဟိုဆေး - San Jose မြို့အနီးမှာ တည်ရှိတယ်။ တစ်နှစ်မှာ နေရောင်ခြည်ကို ရက်ပေါင်း ( ၃ဝဝ ) မြင်ရတဲ့အထိ ရာသီဥတု ကောင်းမွန်တယ်။ သဘာဝ၊ ယဉ်ကျေးမှု နဲ့ နည်းပညာတို့ကိုစုပေါင်းပြီး ကျောင်းတက်ရတဲ့ ဘဝဟာ ဘယ်လောက်ကောင်းသလဲ?

.

ကျော်ကြားမှုသက်တမ်း ( ၁၆၃ ) နှစ်အတွင်း ထူးချွန်မှုအကယ်ဒမီ နဲ့ ကျောင်းသား တစ်ဦးချင်းစီရဲ့ လိုအင်ဆန္ဒတွေကို အစွမ်းဆောင်နိုင်ဆုံးဖြည့်ဆည်းပေးနိုင်တဲ့ အခြေအမြစ်ရှိတဲ့ ရှေးရိုးမပျက် ကျောင်းကောင်းတစ်ကျောင်း ဖြစ်ပါတယ်။

.

ဝန်နဲ့အားနဲ့ မျှတတဲ့ အတန်းငယ် - Class Sizes တွေကိုလည်း တောင်းဆိုခွင့်ရှိတယ်။ အမြင့်စား သင်ရိုးညွှန်းတမ်းတွေ ရှိတယ်။ ကမ္ဘာပေါ်မှာ အချမ်းသာဆုံး နည်းပညာသူဋ္ဌေးကြီးတွေ အလုပ်လုပ်နေတဲ့ နည်းပညာတောင်ကြားနဲ့လည်း အဆက်အသွယ်မပြတ်ဘူး။

.

SCU က သင်ကြားပေးတဲ့ ဗိသုကာဘာသာရပ်ကိုသင်ကြားပြီး အယ်ဆာဗေးဒိုး နိုင်ငံမှာ တည်ဆောက်နေတဲ့ အိမ်သစ်စီမံကိန်းမှာ စိတ်ကူးသစ်တွေကို လက်တွေ့အကောင်အထည်ဖော် လက်စွမ်းပြနိုင်မယ်ဆိုပြီး ကြော်ငြာကို အဆုံးသတ်ထားပါတယ်။

.

.

ဘယ်လိုပဲ ကြော်ငြာကြော်ငြာ ချင့်ချိန်ယုံရမှာက ကျောင်းသားမိဘတွေရဲ့ တာဝန်ပါ။ ကိုယ့်သားသမီး အထက်တန်းရောက်တာနဲ့ ကတွတ်ပေါက်က စောင့်တဲ့ဗျိုင်းလို ကျောင်းသားတွေရဲ့ အချက်အလက်တွေကို ကောလိပ် နဲ့ တက္ကသိုလ်တွေက လိုချင်နေပါတယ်။ ဒါမှလည်း မိဘတွေအိမ်ကို စာပို့ပြီး စည်းရုံးနိုင်မှာ မဟုတ်လား။ လွယ်ကူထိရောက်ပြီး ကုန်ကျစားရိတ်အနည်းဆုံးက စာပို့ခ ( ၄၄ ဆင့် ) သာ ပေးရတဲ့ Post Office စံနစ်ဖြစ်ပါတယ်။ ဒီအထဲက ကျောင်းသား တစ်ယောက်ရရ နှစ်ယောက်ရရ မနည်းဘူးလို့ တွက်ထားကြတာပါ။ ဒါတွေကြောင့် လက်ရှိမှာ အစိုးရက ကလေးတွေရဲ့အချက်အလက်တွေကို စီးပွားရေးသမားတွေလက်ထဲ အလွယ်တကူ မရောင်းစားနိုင်အောင် ကာကွယ်ဖို့ ဥပဒေပြုနေချိန်လည်း ဖြစ်ပါတယ်။

.

အိုဘားမားအစိုးရက အထက်တန်းကျောင်းအထိပဲ တာဝန်ယူထားပါတယ်။ ဒါတောင် ဖက်ဒရယ်ပြည်ထောင်စုဖြစ်တာနဲ့ အညီ နေထိုင်ကျောင်းသားရဲ့ ပြည်နယ်ရဲ့ ရံပုံငွေနဲ့ သွားတာ ဖြစ်တယ်။ ကောလိပ်ဝင်ပြီဆိုတာနဲ့ ငွေ စ,ပြီးကုန်ကျပါတော့မယ်။ ဒါကမှသက်သာဦးမယ် တက္ကသိုလ်ကျောင်းလခ - Tuition Fees ဆိုတာ အမေရိကန်တွေ တော်တော်လန့်တဲ့ ကုန်ကျစားရိတ်ပါ။ ကိုယ့်ကလေး ပညာတတ်ဖြစ်ဖို့အရေး မဖြစ်မနေကျော်ဖြတ်ရမယ့် ငွေခင်းတဲ့လမ်းလို့ ပြောရင် လွန်တယ် မဆိုနိုင်ဘူး။ ဒါကြောင့် မီးခိုးတိတ်ဈေးသည်ကြီး တက္ကသိုလ်ကျောင်းတွေရဲ့ အရောင်းမြှင့်တင်မှုကို ရွေးချယ်ရာမှာ ကျောင်းရဲ့ ကျော်ကြားမှုထက်စာရင် ရာသီဥတု၊ နေရာဋ္ဌာန နဲ့ မိမိတို့ရဲ့ သုံးစွဲနိုင်ငွေ ( ဘတ်ဂျက် ) တို့ကသာ အဓိကကျပါတယ်ဆိုတာ မိဘချင်း ကိုယ်ချင်းစာမိသ၍ တင်ပြလိုက်ရပါတယ်။

.

koko2yeye@gmail.com
.

" ဈေးရောင်းနေတဲ့ ကျောင်းကြီးတွေ ... " စာမူသည် ၂ဝ၁၅ မေလ ( ၁၆ ) ရက်နေ့၊ စနေနေ့ထုတ် NetGuide နည်းပညာဂျာနယ် အတွဲ ( ၃ ) ၊ အမှတ် ( ၈၄ ) ၊ စာမျက်နှာ ( ၅၁ ) တွင် ဖော်ပြပါရှိသည်။

Download Link: http://www.mediafire.com/download/i2a1lmo7dj74lj8/NetGuide+Vol+3%2C+Issue+84.pdf